VATRA NDEROI NË KUVENDIN E SAJ ME NJË MIRËNJOHJE TË VECANTË DËSHMORËT E LIRISË, VËLLEZËRIT BYTYÇI, QË DHANË JETËN PËR LIRINË E KOSOVËS/
Të shtunën me 10 Qershor 2017, në Manhattan College në Riverdale, NY, në Kuvendin e Federatës Panshqiptare të Amerikës VATRA, mes të ftuarëve të nderuar ishte dhe Familja Bytyçi, Prindërit dhe dy vëllezërit e dëshmorëve të Lirisë së Kosovës: Ylli, Agron dhe Mehmet Bytyçit, të cilët në korrik të vitit 1999 u vranë nga forcat serbe në Petrovo Selo të Serbisë.
Ka afro 18 vjet që familja dhe …Komuniteti shqiptar në SHBA si dhe shteti amerikan kërkojnë zbardhjen e ngjarjes dhe dënimin e autorëve të vrasjes,por me gjithë zotimet e pambajtuar të shtetit serb, përfshi dhe presidentin e tanishëm Vuçiç, ende vrasësit shëtisin të lirë, të mbrojtur nga pasardhësit e kriminelëve aleatë e bashkëpunëtorë të Millosheviçit.
Federata Panshqiptare e Amerikës VATRA, duke vlerësuar aktin sublim të dhurimit të jetës për Lirinë e Kosovës nga vëllezërit Bytyçi i nderoi ata me Mirënjohje.Në Kuvend, përveç familjes Bytyçi, ishte edhe publicisti Uk Lushi, ish luftëtar i batalionit Atlantiku, autor i librit “Shqiptaro-Amerikanët e UÇK-së – Kronikë e Batalionit ‘Atlantiku”.
Kryetari i Vatrës, i emocionuar, tha se Vatra ndjehet e nderuar që të vlerësojë aktin heroik të vëllezërve Bytyçi, të cilët në vijim të traditës së Vatrës, në përtëritjen e kësaj tradite, lanë Amerikën dhe shkuan për t’i dalë zot atdheut të prindërve të tyre, ashtu siç kishin bërë bijtë e vatranëve në vitet ’20, të shekullit të shkuar, kur 200 vullnetarë të Lirisë, lanë Amerikën për të luftuar për vendlindjen, Shqipërinë e kërcënuar nga fqinjët agresivë jugor. Kryetari Buçaj lexoi mes duartrokitjeve motivacionin e nderimit të vëllezërve Bytyçi:” Federata Panshqiptare e Amerikës Vatra (The Hearth) i dorëzon FAMILJES BYTYÇI- ÇMIMIN E MIRËNJOHJES për Sakrificën Supreme të vëllazënvet: YLLI, AGRON E MEHMET, të cilët, në traditën e hershme të “Vatrës”, u kthyen në vendlindje për t’i dale zot Kosovës dhe ranë për Lirinë e saj në korrik 1999″….
New York, 10 qershor 2017….
Duke marrë Mirënjohjen babai i vëllezërve Bytyçi,z. Ahmet Bytyçi, e emocionoi Kuvendin me falenderimet e tij dhe me komentin për Vatrën dhe themeluesit e saj Fan S Noli dhe Faik Konica, që siç tha ai; u prinë shqiptarëve të Amerikës në shërbimet ndaj Kombit.
U ndje i prekur për këtë vlerësim moral që u bëri VATRA djemëve të tij, dëshmorëve të Kosovës !
Familja Bytyçi u përcoll me duartrokitje nga delegatët e Kuvendit të Vatrës…(