Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kosovë-Njësia Speciale dërgohet në Veri

by

-Policia e Kosovës ka angazhuar “njësi relevante” në veri për zbatimt të vendimit të ndalimit të vizitës së dy zyrtarëve nga Serbia, mes tyre Ministri i Mbrohjtjes Aleksandar Vulin/

 -Ministri i Jashtëm, Pacolli: “Për të hyrë sot në Kosovë nuk kanë leje asnjëri prej tyre, as Gjuriç dhe as Vulin. Kushdo qe futet ilegalisht në Kosovë do të arrestohet!”/

1 Policia Veri

Gazeta DIELLI nga korrespondenti në Kosovë Behlul Jashari/  PRISHTINË, 26 Mars 2018/ Policia e Kosovës deklaroi pak më parë se bazuar në  planifikimet e saja policore, në zbatim të vendimit të Ministrisë së Punëve të Jashtme të Republikës së Kosovës (RKS) për ndalim të vizitës në Kosovë të zyrtarëve serbë Vulin dhe Gjuriç, ka angazhuar njësi relevante policore për implementim të këtij vendimi.
Sipas informacioneve dhe deklarimeve të vetë zyrtarëve serbë, të njëjtit kanë deklaruar se edhe përkundër vendimit zyrtar të autoriteteve të Kosovës për ndalim të hyrjes së tyre, ata do të realizojnë vizitën e tyre të planifikuar në veri të Mitrovicës.
Policia e Kosovës, me qëllim të zbatimit të vendimit zyrtar të autoriteteve shtetërore, ka angazhuar njësi relevante policore të cilat do të veprojnë konform situatës në raport me vendimin e MPJ-së së RKS-së. Ndërsa do të ju lejohet hyrja vetëm personaliteteve të cilët do të kenë leje zyrtare të autoriteteve të shtetit të RKS-së, për të realizuar vizitat e tyre të planifikuara sipas kërkesës zyrtare, përfundon njoftimi dërguar nga Policia e Kosovës.Ministri i Jashtëm i Kosovës, Behgjet Pacolli ka deklaruar: “Për të hyrë sot në Kosovë nuk kanë leje asnjëri prej tyre, as Gjuriç dhe as Vulin. Kushdo qe futet ilegalisht në Kosovë do të arrestohet!”.E nga Beogradi, agjencia serbe e lajmeve Tanjug sapo njoftoi se “merr vesh” se Prishtina ia ka ndaluar ministrit të Mbrojtjes së Serbisë, Aleksandar Vulin, vizitën në Mitrovicë. Thuhet se ai donte të vizitojë një familje.Poashtu Tanjug “merr vesh” se, presidenti i Serbisë Aleksandar Vuçiç ka thirrë për nesër mbledhjen e Këshillit për Siguri Kombëtare.Agjencia serbe e lajmeve shton vetëm edhe se, “sipas infotmatave jozyrtare, një nga temat do jetë çështja e Kosovës”, ndërsa nuk jep hollësi të tjera.

 POLICIA E KOSOVËS: KOMUNIKATË PËR MEDIA-(Shtesë 1)

 Prishtinë, 26 mars 2018 (ora 11:30)-Policia e Kosovës në kuadër të autorizimeve dhe kompetencave ligjore ka ndërmarrë veprime në drejtim të dislokimit të njësive përgjegjëse në terren në pjesën veriore të Kosovës, me të vetmin qëllim  zbatimin e vendimit të Qeverisë dhe nuk ka qëllime tjera.Në kuadër të kësaj dëshirojmë t’i informojmë të gjithë qytetarët tanë, në veçanti ata në veri të Kosovës mos të bien pre të çfarëdo dezinformate lidhur me angazhimet tona në atë pjesë. Ne mbetemi të përkushtuar në zbatimin e rendit dhe ligjit si dhe ofrimin e shërbimeve policore për të gjithë qytetarët e Kosovës pa dallim.

 POLICIA E KOSOVËS: KOMUNIKATË PËR MEDIA-(Shtesë 2)

Prishtinë, 26 mars 2018 (ora 13:30)/ Në vazhdimësi të informimit të drejtë të opinionit publik dhe me qëllim të shmangies së dezinformacioneve të mundshme, Policia e Kosovës bazuar në vendimin e Ministrisë së Punëve të Jashtme të RKS-së, për lejimin e hyrjes së ministrit të Kulturës z.Vladan Vukosavljevic, ju informojmë se të njëjtit i është lejuar hyrja në territorin e Kosovës konform vendimit, por i njëjti pas hyrjes nuk ka vazhduar tutje për në Veri të Mitrovicës, duke u kthyer me vetë dëshirë mbrapa për në Serbi.Vizita e lejuar e z.Vukosavljevic ka qenë e planifikuar të realizohet në pikën kufitare Merdare që lidh Kosovën me Serbinë, mirëpo e njëjta nuk është realizuar  në atë pikë kufitare por në pikën kufitare Jarinje në veri të vendit.

Në veri, ceremonia e hapjes së urës së re mbi lumin Bistricë

by

-Kryeministri Mustafa mori pjesë në përurimin e urës që lidh dy komuna veriore të Kosovës/….OPENING CEREMONY OF THE NEW BRIDGE ON THE BISTRICA RIVER/

1-shiriti-veri1-veri-flam-nato1-veri-mustafa3-ok-veri-kfor2-veri

-Gjeneral Major Giovanni Fungo, komandant i KFOR-it: Ta transformojmë të gjithë së bashku këtë urë të re në një mundësi për të promovuar tutje paqen, prosperitetin dhe zhvillimin në Kosovë dhe për Kosovën/

-Serbët e veriut në një vend në Rudare bllokuan rrugën/

PRISHTINË, 2 Dhjetor 2016-Gazeta DIELLI-B.Jashari/ Kryeministri kosovar, Isa Mustafa ka marrë pjesë sot në ceremoninë e inaugurimit të urës që lidh Zveçanin me Leposaviçin, dy komunat me shumicë serbe në veri të Republikës së Kosovës. Gjatë qëndrimit në pjesën veriore të Republikës së Kosovës, kryeministri Mustafa shoqërohej nga ministri i Forcës së Sigurisë së Kosovës, Haki Demolli dhe ministri i Punëve të Brendshme, Skender Hyseni. Në ceremoni ishin të pranishëm komandanti i KFOR-it, Gjeneral Major Giovanni Fungo, drejtues të lartë të KFOR-it si dhe përfaqësues të banorëve të zonës.Ura është ndërtuar nga NATO me një investim prej 400 mijë eurosh dhe lidh shumë vendbanime të dy komunave të vendit, thekson njoftimi i dërguar sonte nga Kryeministria e Kosovës.

Njoftimi dërguar nga forca paqeruajtëse e NATO-s, KFOR,  thekson se, në atë që është investimi më i madh i KFOR-it në Kosovë, një urë e re rrugore me vlerë prej 400.000 euro u përurua në lumin Bistricë ndërmjet Zveçanit dhe Leposaviçit në 2 dhjetor. Ura e cila zëvendësoi urën Mabey-Johnson shumë afër këtij lokacioni, është ndërtuar në bashkëpunim në mes të kompanive serbe dhe shqiptare nga Kosova. Në ceremoninë e hapjes, ku morën pjesë përfaqësuesit e institucioneve të Kosovës, organizatave ndërkombëtare si atyre të EULEX-it, UNMIK-ut, OSBE-së dhe Bashkimit Evropian, kryetarët e komunave dhe popullatës lokale, Gjeneral Major Giovanni Fungo, komandanti i KFOR-it, në fjalimin e tij tha: “kjo urë është projektuar nga një kompani serbe e Kosovës dhe ndërtuar nga një kompani shqiptare e Kosovës në një bashkëpunim shumë profesional” dhe pastaj theksoi: “ura e re është shembull konkret i përfitimit të bashkëpunimit të përbashkët në mes të NATO-s, institucioneve dhe të gjitha komuniteteve”. Në fund, komandanti i KFOR-it konkludoi: “Ta transformojmë të gjithë së bashku këtë urë të re në një mundësi për të promovuar tutje paqen, prosperitetin dhe zhvillimin në Kosovë dhe për Kosovën”. Ura e financuar nga shtetet e NATO-s, është ndërtuar në bazë të standardeve evropiane dhe do të ofrojë kushte më të mira të trafikut dhe sigurisë për automjetet dhe këmbësorët.Ura e re është funksionale për përmirësimin e ekonomisë vendore meqë do të shtojë një lidhje më të mirë të transportit, një vlerë të shtuar për ekonominë lokale. Vëmendja ndaj kësaj ngjarjeje tregon se KFOR po luan një rol të rëndësishëm në sigurimin e një ambienti të qetë dhe të sigurtë dhe lirinë e lëvizjes për të gjithë njerëzit në Kosovë, thekson njoftimi i dërguar.Ndërsa, sipas burimeve mediale, serbët e veriut në një vend në Rudare kanë bllokuar rrugën kryesore Zveçan-Leposaviç, për të mos lejuar kalimin e kryeministrit Isa Mustafa dhe komandantit të KFOR-it, Guglielmo Luigi Migilietta, por ata kanë shkuar në ceremoninë e përurimit të urës nëpër një rrugë alternative.

***

OPENING CEREMONY OF THE NEW BRIDGE ON THE BISTRICA RIVER/

1-shiriti-veri-2

KOSOVO, December 2nd , 2016./In what is KFOR’s largest investment in Kosovo, a new road bridge costing 400.000 euros was inaugurated on the Bistrica river between Zvecan and Leposaviq on December 2. The bridge, that replaced a Mabey-Johnson bridge very near to this location, was built in collaboration between Serbian and Albanian companies from Kosovo.

In the opening ceremony, attended by Authorities of Kosovo’s Institutions, international organizations as EULEX, UNMIK, OSCE and European Union, Mayors and local population, Major General Giovanni Fungo, the Commander of KFOR said in his speech:  “this bridge was designed by a Kosovo Serb company and constructed by a Kosovo Albanian company in a highly professional cooperation” and then, he underlined: “the new bridge is a concrete example of mutually beneficial cooperation between NATO, the Istitutions and all communities”. At the end, COMKFOR concluded: “Let us transform altogether this new bridge into an opportunity to further promote security, prosperity and development in Kosovo and for Kosovo”.

The bridge, funded by NATO nations, was constructed according to European standards and will provide better traffic and safety conditions for both vehicles and pedestrians.

The new bridge is functional to the improvement of the local economy as it will enhance a better transportation connectivity, an added value to the local economy. The attention to the event shows that KFOR is playing an important role in ensuring a Safe and Secure Environment and Freedom of Movement for all people in Kosovo.