Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

ABDULLAH HOTI, ZYRTARISHT NE KRYE TE QEVERISE

by

Kryeministri Hoti zyrtarisht merr drejtimin e Qeverisë së Kosovës

-Kryeministri i Kosovës, Avdullah Hoti zyrtarisht mori pozitën e kreut të Qeverisë/

PRISHTINË, 4 Qershor 2020-Gazeta DIELLI/

Kryeministri i Republikës së Kosovës, Avdullah Hoti, i zgjedhur dje në seancë të jashtëzakonshme të Kuvendit, sot edhe zyrtarisht e ka marrë drejtimin e Qeverisë së Republikës së Kosovës. 

Në një ceremoni shtetërore, ai ka parakaluar para Gardës Ceremoniale të Forcës së Sigurisë së Kosovës, e cila ishte rreshtuar në nderim të Kryeministrit të ri, ndërsa Orkestra e FSK-së po intononte Himnin Shtetëror të Kosovës.

Pas marrjes së detyrës, Kryeministri Hoti në një mbledhje ceremonial të Qeverisë së Republikës së Kosovës ka prezantuar objektivat kryesore të Qeverisë së re.

SHBA-SHQIPERI: Donald Lu, nga Nju Delhi-Indi, zyrtarisht ambasador i SHBA në Shqipëri

by

Donald Lu është zyrtarisht ambasadori i Shteteve të Bashkuara të Amerikës në  Tiranë, i cili do të zëvendësojë Aleksandër Arvizu pasi këtij të fundit i ka mbaruar mandati. Presidenti amerikan Barak Obama emëroi diplomatin Donald Lu si ambasador i ardhshëm i Shteteve të Bashkuara në Shqipëri.Përmes një deklarate për shtyp, Obama njoftoi për kandidaturën e Lu si dhe kandidaturat e tjera për poste të rëndësishme administrative .“Këta individë kanë treguar njohuri dhe pëkushtim gjatë gjithë karrierës së tyre. Ndjehem mirënjohës që kanë pranuar të marrin mbi vete role të rëndësishme dhe mirëpres punën me ta në muajt dhe vitet në vijim” theksohet në deklaratën e shefit të Shtëpisë së Bardhë.Donald Lu është një diplomat karriere dhe aktualisht është Zëvendës Shef i Misionit Diplomatik amerikan në Nju Delhi të Indisë. Më parë ai ka shërbyer në ambasadën amerikane në Baku të Azerbajxhanit si i Ngarkur me Punë nga viti 2009-2010 dhe si Zëvendës Shef i Misionit nga 2007-2009.
Nga viti 2003-2006, Lu ka qenë Zëvendës Shef i Misionit Diplomatik amerikan në Bishkek të Kirgistanit. Donald Lu ka shërbyer si Zëvendës Drejtor i Zyrës për Azinë Qendrore dhe Cështjet e Kaukazeve të Jugut nga viti 2001-2003 dhe si Asistent I Posaçëm i Ambasadorit për Vendet e Sapo-Shpallura të Pavarura nga 2000-2001.
Ndër funksione të tjera diplomatike përfshihet: Asistent i Posaçëm i Ambasadorit në Misionin Diplomatik amerikan në Nju Delhi; Zyrtar i Konsullatës amerikane në Tbilisi të Gjeorgjisë; Zyrtar Politik në Konsullatën amerikane në Peshavar të Pakistanit.Donald Lu ka qenë në Sierra Leone nga 1988-1990 si vullnetar me Korpusin e Paqes. Ai ka diplomën e studimeve universitare dhe pasuniversitare nga Universiteti i Princetonit.(Ora news tv)