Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for April 2013

Fëmijët kosovarë, në parakalimin e Pranverës në Cyrih

by

Fëmijë të nacionaliteteve të gjithë botës kanë parakaluar nëpër qendër të Cyrihut për të shënuar festën tradicionale të pranverës «Zürcher Sechseläuten»

Parakalimi i fëmijëve me kostume shumëngjyrëshe është ndjekur nga mijëra spektatorë që e kishin vërshuar qytetin të dielën në një ditë të vërtetë pranverore.

Edona, Isa edhe dhjetëra fëmijë të tjerë shqiptarë nga Kosova kishin ardhur nga e tërë Zvicra, të veshur me kostume kombëtare për të parakaluar për të 11-tën herë me radhë në mesin e 3000 mijë fëmijëve nga e tërë bota në këtë manifestim tradicional të Cyrihut.

Edona tha të jetë krenare që i është dhënë mundësia të përfaqësojë shtetin e saj në mesin e shumë fëmijëve të shumë shteteve që parakalonin me flamuj dhe kostume shumëngjyrëshe që simbolizon fillimin e pranverës.

Fëmijët shqiptarë ishin kryesisht anëtarë të shkollës së vallëzimit shqiptar “Shota”, që udhëhiqet nga koreografi Agron Bajrami.

„Fëmijët  shqiptarë të shkollës së vallëzimit “Shota” kanë marrë pjesë në manifestimin e Cyrihut që nga viti 1997. Vetëm në vitin 1998 kemi pauzuar për shkak të gjendjes në Kosovë. Fëmijët vijnë vullnetarisht dhe me dëshirë për të parakaluar në Cyrih. Për mua është me rëndësi prezantimi i Kosovës por jo edhe shkollës së vallëzimit “Shota”. Është hera e parë që figuron edhe flamuri i shkollës “Shota”.  Fëmijët vijnë nga të gjitha qytetet e Zvicrës,  si nga Badeni, Berna, Argau etj.”, ka thënë për albinfo.ch  koreografi Agron Bajrami.

Por bashkatdhetarët  nga Kosova në kantonin e Cyrihit shumë pak e ndjekin këtë aktivitet, thotë Bajrami.

“Sa vite me fëmijë dalim në qytet për të defiluar me kostume kombëtare dhe shumë pak bashkëtadhetarë shqiptarë shohim si spektatorë”, thekson Koreografi Bajrami.

Me parakalimin e fëmijëve ka filluar të dielën manifestimi tradicional i Cyrihut “Sechseläuten” që zgjat dy ditë. Këtë vit, në festën e pranverës në Cyrih ka mbretëruar një mot me diell.

Disa fëmijë hodhën karamele dhe çokollata për fëmijët spektatorë të këtij manifestimi që njëherësh edhe simbolizon miqësinë dhe tolerancën ndërmjet vendësve dhe komuniteteve të ndryshme që jetojnë në këtë kanton.

Festa “Sechseläute” vazhdon sot me parakalimin e të rriturve. Ajo përmbyllet me ndezjen e “dordolecit” me emrin “Böög”, që sipas bestytnive të vjetra simbolizon “djegien” e dimrit.
Në varësi nga shpejtësia me të cilën digjet dhe eksplodon “Böog”-u, besohet se do të marrë edhe moti në muajt në vijim.(Kortezi albInfo.ch)

 

 

Kombetarja! Xhani De Biazi nis revolucionin 2.

by

ShqiperiaXhani De Biazi i ka realizuar të gjitha objektivat e tij në krye të Kombëtares  tonë, të paktën deri tani, pasi në një vit e gjysmë në krye të skuadrës ia ka dalë ta rinovojë në më shumë se 60% atë.

Italiani ka afruar shumë elementë të rinj të talentuar, lojtarë që kanë një formim europian nga pikëpamja taktike si dhe të ndërtojë një skuadër që mendon lojën kolektive dhe praktikon lojën kolektive.

Padyshim që edhe ngjitja me afro 40 vende në harkun kohor të 17 muajve në FIFA është deri diku edhe meritë e De Biazit, për shkaqet e lartpërmendura. Tashmë De Biazi është vënë në kërkim të disa elementëve të rinj shqiptarë që janë lindur e rritur në vendet perëndimore. Pra behet fjale per shqiptare te lindur jashte territorit te Republikes se Shqiperise, kryesisht me origjinë nga  Kosova apo edhe nga Maqedonia e Mali i Zi, raporton gazeta “Sot”.

Adnan Januzaj, Alban Bunjakun, Ili Azemin etj, të cilët luajnë në ligat e para europiane dhe janë në një moshë fare të re e premtuese. Shumë prej tyre janë në skuadrat e dyta të klubeve më në emër, siç është Januzaj te Mançester Junajtid, por që vështirë se do të pranojë të luajë për Shqipërinë në këtë periudhë. Bunjaku ka shanse, ashtu sikurse dhe Azemi, pavarësisht se ky i fundit është shprehur se nuk duhet ta llogarisin për momentin si një kuqezi.

Një punë të madhe trajneri De Biazi po bën për t’i mbushur mendjen Ergys Kaçes të veshë fanellën e Kombëtares tonë kuqezi, por se mbrojtësi i PAOK-ut ende nuk ka vendosur se çdo të bëjë në të ardhmen, duke e lënë hapur mundësinë por pa shumë vendosmëri.

Vetë De Biazi është shprehur se problemi i Kaçes është familjar dhe se ai e kupton qëndrimin e futbollistit. Por De Biazi ka lënë të kuptohet e dëshira e futbollistit është të luajë për Kombëtaren tonë Kuqezi. Nisur nga objektivat që i ka vënë vetes, gjithçka varet nga rezultati i ndeshjes me Norvegjinë. Shumë zëra në FSHF thonë se De Biazi do të bëjë një revolucion të dytë në muajt e ardhshëm,. Por kjo do të varet shumë nga rezultati që do të prodhojë takimi me norvegjezët, që do të luhet në Tiranë më 7 qershor.

Skandal ne Laç! Policia shkopinj gome ndaj lojtarëve.

by

Sot mediat sportive ne Shqiperi, hodhen drite mbi incidentet e ndodhura gjate dhe pas ndeshjes se Kupes se Shqiperise, Laci-Kuksi 2-1. Te vjen keq kur meson se kete rradhe protagoniste te dhunes jane uniformat blu. Një ngjarje e paza kontë ka ndodhur dje pas ndeshjes midis Laçit e Kukësit. Pas
përfundimit të ndeshjes, Forcat e Ndërhyrje së Shpejtë, të ardhura nga Shkodra,
kanë goditur futbollistët e kurbinasve, Valdano Nimani dhe Daniel Jubani, ndërsa
kanë shtyrë edhe kapitenin Erion Vucaj. Sipas lojtarëve, ata kanë dalë nga
ambientet e stadiumit për të hipur në makinën e Jubanit e për të udhëtuar më pas
drejt Shkodrës së bashku dhe janë goditur nga forcat e rendit.“Dolëm nga
stadiumi dhe u drejtuam nga makina për të hipur në të, që të shkonim drejt
Shkodrës. Jubani po fuste çantën në makinë, ndërkohë forcat e rendit na thoshin
të largoheshim shpejt. Në atë moment, një prej policëve ka goditur Jubanin,
ndërsa tjetri me shkop gome më goditi mua, duke zgjatur dorën brenda në makinë,
pasi xhami ishte hapur e më kanë ënjtur buzën. Gjithashtu, ata shtynë edhe
Vucajn, duke u sjellë në këtë mënyrë me ne sikur të ishim kriminelë. Gjithsesi,
tani që kemi shkuar në shtëpi jemi më të qetë e po mendojmë për faktin që jemi
finaliste të Kupës, duke u futur në historinë e ekipit kurbinas me këtë arritje,
e madje për të dytën herë, pasi unë dhe Vucaj kemi qenë pjesë e ekipit edhe në
sezonin 2009- 2010, kur morëm pjesë për herë të parë në kupat e Europës. Ai rast
normalisht na eklipsoi për një moment gëzimin e arritjes së finales, por ne kemi
treguar se jemi një ekip i fortë, me karakter, që nuk dorëzohet lehtë”, ka
shpjeguar dje për “Panorama Sport” Nimani. Në të njëjtën linjë me
sulmuesin, autor i golit të parë, kanë qenë edhe Vucaj me Jubanin, duke e dënuar
ashpër atë që ndodhi me ta. Sakaq, tepër i revoltuar është parë edhe presidenti
Laska, i cili me ta marrë vesh një fakt të tillë, ka ardhur në vendngjarje duke
kërkuar llogari ndaj policisë për diçka të tillë dhe duke u thënë: “Nuk e kuptoj
se si mund të godisni futbollistët. As në Afganistan nuk ndodh diçka e tillë.
Dikush duhet të përgjigjet për diçka të tillë, e cila nuk është parë e dëgjuar
të ndodhë në ndonjë vend tjetër. Policia ndoshta mund të konfliktohet me
tifozët, por të ndodhë që ata të godasin edhe futbollistët, është vërtet e
turpshme”, është shprehur i revoltuar kreu i kurbinasve. Sipas informacioneve,
policët më shumë sesa për të mbrojtur futbollistët dhe zyrtarët e klubeve, janë
munduar dje që të ruajnë rendin, me qëllim që të mos ndodhte asnjë përplasje.
Kjo edhe për faktin se në stadium ishte i pranishëm edhe ministri i Brendshëm,
Flamur Noka.E djeshmja ka qenë unike, teksa është sulmuar mjeku i një ekipi, dhe i biri,
njëkohësisht mjek, është detyruar të shpëtojë babain e tij. Kanë qenë
minutat e fundit të ndeshjes në Laç mes Laçit dhe Kukësit, kur futbollisti Hoxha
i Kukësit është dëmtuar dhe dy mjekët e Kukësit, Pertef dhe Perli Rusi, babë e
bir, kanë hyrë në fushë si zakonisht për të dhënë ndihmën mjekësore.  Pas
ndihmës mjekësore, Hoxha, sipas rregullores, duhej të dilte jashtë fushës dhe
ndërkohë ishte kërkuar edhe barela. Por në atë moment që Hoxha po zhvendosej për
të dalë jashtë, mjeku Pertef Rusi u ka thënë dy personave që mbanin barelën që
nuk ka nevojë, pasi ka mundësi t’ia dalë vetë. Në atë moment, njëri nga dy
personat e barelës e ka goditur Pertef Rusin, duke e lënë pa ndjenja. Janë
dashur disa minuta për të sjellë në vete mjekun dhe këtë e ka bërë djali i tij,
Perli, i cili njëkohësisht është edhe mjeku i ekipit kombëtar
U-19. Ngjarjen e tregon vetë Perli Rusi, i cili ka qenë jo pak i
tronditur.”Kam disa vite që e ushtroj këtë profesion dhe nuk më kishte
ndodhur një situatë e tillë. Kisha dhënë ndihmën mjekësore për të tjerët, por që
të jepja ndihmë për babain tim në fushë, nuk më kishte shkuar ndërmend”.
Perli pohon gjithashtu se pothuaj gjatë gjithë ndeshjes janë hedhur
sende të forta në fushë, madje vinin edhe nga tribuna.  “Të vjen keq që
ngjarje të tilla përsëriten. Në fakt, në Laç nuk është hera e parë që ndodh.
Fatmirësisht, babai im ia hodhi paq, falë Zotit edhe pa pasoja, sepse menjëherë
vajta në Spitalin Ushtarak dhe bëra një skaner, ku specialistët mjekë më thanë
që vetëm i duhet të pushojë. Kur cenohet edhe profesioni i mjekut të futbollit,
imagjinoni ju se çfarë ndodh në tribuna apo në korridoret e stadiumet”, – mbyll
rrëfimin e tij, mjeku Perli Rusi.

SHPERTHEN UZINA KIMIKE NE TEXAS- 15-20 TE VDEKUR, 165 TE PLAGOSUR

by

Fatkeqësia ka tërhequr vëmendjen e mediave në mbarë botën, si dhe ka marrë shprehjet e simpatisë dhe lutjet e personaliteteve dhe mbarë popujve të mbarë botës, përfshirë Shqipërinë, Kosovën dhe shqiptarët në viset e tyre. Papa Francis ka lëshuar një kërkesë online ku thuhet se : “Ju lutemi të bashkoheni me mua në lutjet tona për viktimat e shpërthimit në Teksas dhe familjet e tyre.”/

Raport sepcial nga New Yorku – Beqir SINA/

WACO – TEXAS : Shpërthimi në uzinën e prodhimit të plehrave kimike në Texas provokoi lëkundje të sipërfaqes së tokës me magnitudë 2.1 ballë, njoftoi Shërbimi Gjeologjik i SHBA-së. Mbi zonën e shpërthimit janë ndaluar të gjitha fluturimet në lartësi më pak se një kilometër.Zjarrin në vendin e shpërthimit nuk kanë arritur ta shuajnë ende. Zjarrfikësit nuk mund të punojnë dot me kapacitet të plotë për shkak të tymit toksik dhe erës së fortë. Përveç kësaj, ekziston edhe rreziku i një shpërthimi të dytë. Aty pranë ndodhet edhe një rezervuar tjetër i madh me plehraMirëpo ajo që ka ngjallur frikë është se nga temperatura e lartë që është krijuar, ka gjasa që një tjetër shpërthim mund të ndodhë në uzinën e prodhimit të plehrave kimike në afërsi të qytetit të Waco në Texas, kështu të paktën njoftoin kanalet televizive amerikane. Sipas të dhënave thuhet se, ekziston rreziku që në këtë objekt të shpërthejë edhe një tjetër konteiner(rezervuar) i madh me plehra kimike – Nitrat Amoni.Kështu që autoritetet vendore u bënë thirrje dhe po largojnë të gjithë njerëzit brenda rrezes prej një milje nga epiqendra e shpërthimit ata u urdhëruan të evakuohen. Në operacionin për evakuimin e njerëzve janë përfshirë 6 helikopterë dhe dhjetra automjete të ndihmës së shpejt përfshirë edhe automjetet e ushtarake të një baze në afërsi të Azotikut. Të lënduarit po dërgohen në tre spitale.

15 deri në 20 njerëz të konfirmuar, janë të vrarë në shpërthimin e Uzinës së plehrave kimike, por zyrtarët kan frikë se numëri i tyre mund të shtohet dhe të ketë të vdekur të tjerëNgjarja ndodhi sot here në mëngjes kur u dëgjuan shpërthime massive të një uzine azotiku në Perëndim, të Teksasit pranë qytetit Waco.
Sipas raporteve të para thuhet se nga shpërthimi masiv në një uzinë të plehrave kimike tronditi qytetin e Waco në veri perëndimim të Teksasit, duke shkaktuar viktima të shumta dhe duke lënë njerëzit e bllokuar dhe ndërtesat në zjarr.
Personeli i emergjencës së uzinës dhe zjarrëfiksit ishin të përgatitur për mundësinë e shpëtimit të dhjetra punëtorëve dhe banorëve që jetonin për rreth uzinës . Televizionet amerikane raportuan se shpërthimet masive nisën në orën 07:53 të darkës dhe mund të dëgjoheshin 45 milje larg – pra rreth 55 kilometra larg.
Edhe pse autoritetet konfirmuan se të paktën pesë deri në 15 njerëz kishin vdekur, pak para orës 05:00 të mëngjesit të sotëm ata thanë se numëri i të vdekurve mund të rritet, mbasi dei tash nuk kanë një numër në total zyrtar. Ata kanë thënë se ata presin për të gjetur trupa të tjerë mbasi janë forca të shumta që vazhdojnë për të kërkuar në këtë zonë.
Drejtori i emregjencaver EMS për zonën në Perëndimin e Teksasit, Dr George Smith, ka konfirmuar pas intervenimit të forcave të mbrojtjes kundra zjarrit 4 puntorë të tyre dhe dy nga personeli i emergjencës ishin vrarë nga shpërthimi, i cili ndodhi në uzinën West Co, e cila ndodhet rreth 80 milje në jug të Dallasit.
Smith tha se ai ende nuk mund të konfirmojë nëse ka edhe zjarrfikësë dhe dhe ndonjë oficer policie, tjetër të vdekur, të cilët kanë qenë të raportuar si të zhdukur.
Zyrtarët thanë se më shumë se 160 njerëz kishin qenë duke u trajtuar për lëndime në spitale të ndryshme, por ky numër mund të vazhdojë të rritet mbasi personeli i emergjecave është në kërkime emergjente për të mbijetuarit, duke kërkuarderi në orën 5 të mëngjesit
Një flakë e kishte shpërthyer më herët në fabrikë, dhe shpërthimi ndodhi ndërsa zjarrfikësit ishin duke u përpjekur për ta vënë atë nën kontroll.
“Ajo ishte një zjarr i vogël dhe pastaj u mbulua në nitrat amonit, ajo shpërtheu duke na kujtuar atë shpërthimin e bombës në Oklahoma City në 19 prill 1995,” tha Jason Shelton, një nëpunës në Hotel Best Western në Waco. “Unë jetoj rreth një apo dy kilometra prej uzinës , por shpërthimi tronditi fort derën time dhe dritaret e mia, ndërsa rrafshoi shtëpitë që ishin për rreth uzinës së Azotikut. ” tha ai.
Autoritetet nisën menjëherë evakuimin e banorëve të qytezës që ka 2600 banorë, duke përfshirë më shumë se 130 banorët të një shtëpi pleqsh aty pranë të dëmtuar rëndë nnga shpërthimi që kishte përhapur mbeturinat e saj nëpër një zonë të gjerë.
Anëtari i Këshillit të Qytetit Al Vanek tha se katër-blloqe nga zona përreth Azotikut, ku ishte edhe epiqendra e shpërthimit ishte “rrafëshuar” krejtësisht.”

Dëshmitarë të tjerë, thekson shtyi amerikan bëjnë krahasime me atë skenën që kanë parë në 19 prill të vitit 1995 bombës në Oklahoma City.

Autoritetet thanë se uzina prodhonte lëndë kimike të cilat janë materiale të ngjashme me atë që përdoret për të stimuluar bombë e njëjtë si ajo e Oklahomës në ndërtesën e FBI – Murrah Federal Building 18 vjetë më parë.
Ndërtesat për rreth uzinës thanë televizionet amerikane ishin të shumta në zjarr, duke përfshirë shtëpinë e pleqve azilin, dhe në një Shkollë të Mesme . Një dispeçer nga forcat emergjente bëri thirrje për ambulanca të tjera mbasi numëri i të lënduarve ishtë i madh, tha ai duke shtuar se : “Ne nuk kemi autoambulanact sa duhet mbasi kemi shumë të plagosur këtu.”tha ai
Dhe shtoi se gjithçka rreth uzinës kishte qenë e shembur, duke përfshirë një kompleks afër uzinës me 75 apartament dhe rreth 50 njësi që kishin qenë të shkatërruara.
“Kjo në anën tëtër të qytetit duket si një katastrofë,” tha Bill Manolakis. Dëshmitarët e përshkroin si një skenë kaotike.
Një qendër e përzgjedhur është ngritur në Perëndim të qytetit në mjediset e një Shkolle të Lartë, pasi personeli i urgjencës është i shqetësuar se tymi mund të përhapet dhe është i dëmshëm për banorët.
Manolakis tha se mbas katër orëve zjarri kryesore ishte vënë nën kontroll, por banorët u kërkuan të mbeten të mbyllur dhe të mos dalin në terren deri sa të vinë forcat e emergjencës, për shkak të kërcënimit të shpërthimeve të reja ose rrjedhjet e amoniakut nga rrënojat e uzinës.
Departamenti i Sigurisë Publike transportoi disa viktima në spitalet në Waco, e cila është rreth 20 kilometra në jug të Perëndimit të uzinës.
Glenn Robinson, shefi ekzekutiv i qendrës spitalore Hillcrest Baptist Medical Center në Waco, tha se spitali i tyre kishte marrë rreth 100 pacientë të cilët mbërritën me ambulanca dhe automjete private.
Ai tha se më shumë se 40 njerëz ishin në gjendje të rëndë, me lëndime që përfshijnë djegiet e rënda, kocka të thyera dhe çarje të mëdha në trup nga shpërthimet e fuqishme., duke shtuar se edhe pse disa njerëz ishin ende në kirurgji rreth oërs 01:30, të mesnatës “shumë prej tyre që tashmë janë trajtuar në spital dhe u dërguan në shtëpi.”
Të gjithë pacientët të cilët kishin ardhur në spital kishte mbijetuar, tha Robinson. Ambulancat nga mbarë Teksas Qendrore kishte ndihmuar transportin e pacientëve, dhe më shumë se 250 mjekët dhe infermieret janë përgjigjur rastit emergjentë.
Enti Gjeologjik i Shteteve të Bashkuara rapotoi se shpërthimi ka gjeneruar mjaft forcë për të u regjistruar si një tërmet me magnitudë 2.1 ballë.
Kryqi i Kuq Amerikan ka dërguar ekipe nga i gjithë rajoni dhe ishte duke punuar për të gjetur strehim për të shpërngulurit.
Bordi i Sigurisë Kimike në SHBA ka dërguar një ekip të madh hetimor në uzinën e përpunimit të pleherave kimike në Waco, , dhe Governatori i Teksasit Rick Perry dhe zyrtarët e lartë shtetërore janë duke monitoruar zhvillimet.
“Ne jemi … në mbledhjen e informacionit, si detaje që të dalim me konkluzione konkrete në lidhje me këtë incident,” tha ai. “Ne kemi mobilizuar edhe burimet shtetërore për të ndihmuar autoritetet lokale. Mendimet dhe lutjet tona janë me popullin dhe përgjigjen e parë në vendngjarje. ”
Byroja e alkoolit, duhanit, Armëve të Zjarrit dhe eksplozivët do të hetojnë incidentin, por zyrtarët kanë theksuar se ata nuk kanë vendosur nëse incidenti ishte një gabim njerëzorë, apo një aksident industrial. Megjithatë, autoritetet kanë thënë se ata do të trajtojnë zonën e shpërthimit, si një skenë e krimit derisa ata kanë për të përcaktuar shkakun e shpërthimit”, tha Governatori i Teksasit Rick Perry
Fatkeqësia ka tërhequr vëmendjen e mediave në mbarë botën, si dhe ka marrë shprehjet e simpatisë dhe lutjet e personaliteteve dhe mbarë popujve të mbarë botës, përfshirë Shqipërinë, Kosovën dhe shqiptarët në viset e tyre. Papa Francis ka lëshuar një kërkesë online ku thuhet se : “Ju lutemi të bashkoheni me mua në lutjet tona për viktimat e shpërthimit në Teksas dhe familjet e tyre.”