Archives for August 2013

Obama: Ende nuk kam marrë një vendim përfundimtar, OKB e paaftë për të vepruar

August 30, 2013 by dgreca

Francezet te vendosur, britaniket votojne kunder ne Parlament. Sipas gjasave, sulmi I pjesshem, te premten e ardhshme/

Presidenti Obama tha se Shtetet e Bashkuara nuk po shqyrtojnë dërgimin e trupave tokësore, nëse ndërmerren veprime ushtarake.Presidenti Obama tha se nuk ka marrë ende një vendim përfundimtar lidhur me Sirinë por ekipi i tij po shqyrton një gamë të gjerë alternativash.
Në komentet e bëra të premten pasdite në Shtëpinë e Bardhë, Presidenti Obama tha se Shtetet e Bashkuara nuk po shqyrtojnë dërgimin e trupave tokësore. Ai shtoi se ky nuk do të jetë një operacion afatgjatë, nëse ndërmerret një veprim ushtarak.
Presidenti Obama tha se bota duhet të kishte vepruar deri tani. Shumë njerëz mendojnë se diçka duhet të bëhet por nuk dëshirojnë të veprojnë, tha Presidenti.
Presidenti Obama shtoi ndërkaq se vetëm goditjet ushtarake nuk e zgjidhin problemin.

SHBA- Presidenti Amerikan Barack Obama konfirmoi se SHBA po shqyrton ndërmarrjen e një aksioni të kufizuar ushtarak ndaj Sirisë, por sipas tij ende nuk është marrë asnjë vendim. Deklaratat e shefit të Shtëpisë së Bardhë u bë gjatë një takimi në zyrën e tij me tre udhëheqës të vendeve baltike.
Obama akuzoi Këshillin e Sigurimit të Kombeve të Bashkuara se ka treguar paaftësi për të vepruar. “e paperceptueshme një botë ku vdesin fëmijë të helmuar” u shpreh Obama.
Presidenti amerikan ka përdorur tone të ashpra teksa theksoi se sulmet kimike në Siri janë një kërcënim për sigurinë kombëtare amerikane dhe gjithë botën.
Obama tha se Shtetet e Bashkuara nuk po shqyrtojnë dërgimin e trupave tokësore. Ai shtoi se ky nuk do të jetë një operacion afatgjatë, nëse ndërmerret një veprim ushtarak.
Kerry: Assad vrau 1 mijë persona, bota do na gjykojë nëse tregohemi ‘të verbër’
Ora 19:00 Shtëpia e Bardhë ende nuk ka një qendrim zyrtar për ndërhyrjen në Siri, ndërkohë që pritet rezultati i hetimeve të ekspertëve të OKB-së për të ndezur dritën jeshile për një goditje ndëshkuese kundër Presidentit Bashar Asad.
Sekretari i Shtetit amerikan, John Kerry është shprehur se gjatë sulmit të fundit në Siri janë përdor armë kimike dhe akuzon presidentin Bashar al-Assad për shkatërrimin e dëshmive. Në një deklaratë për shtyp nga Shtëpia e Bardhë, Kerry paralajmëroi se armë tkimike që janë përdorur në Siri mund të përdoren në mbarë botën, ndaj duhet reagim.
“Në dimë dicka, por nuk mund të flasim publikisht. Ne dimë se regjimi i Assadit ka shumë armë kimike. Ne e dimë se regjimi i Assad i ka përdorur armët kime dhe i ka përdorur kundër njerëzve të vet. E dimë që regjimi i Assad ishte i vendosur për të shkatërruar vendet ku ndodheshin kundërshtarët e tij. Ne dimë që kanë pasur instruksione specifike. Ne i dimë ku i kanë nisur këto sulme kimike. Ne kemi parë me sytë tanë me raportimet nga e gjithë bota. Kemi parë viktimat e dëmtuara, të gjitha pasojat që ata kanë pasur nga sulmi kimik. Dhe kanë qenë sirianët që e kanë raportuar diçka të tillë. Ne e dije se nuk kanë raportuar mjekët. Ne kemi parë viktimat e shtrirë në barrela. Kemi parë fëmijë të shumtë të dëmtuar dhe të vdekur nga regjimi i Assad. SHBA tashmë e dinë që deri më tani janë vrarë 1 429 persona ndër ta 426 fëmijë. Edhe mjekët kanë mbetur të lënduar. Ne dimë se këto armë kimike i ka përdorur regjimi i Assad. Ne dimë se cfarë bënë më pas. Unë personalisht kam marrë ministrin e Jashtëm të Sirisë dhe i kam thënë se nuk keni cfarë të fshihni dhe ti jepnin ekspertëve të OKB të hetonin, por ato u përpoqën të shkatërrojnë provat”, u shpreh Kerry.
Nuk ka një vendim për ndërhyrje ushtarake, përderisa nuk ka një përgjigjie nga hetimet e ekspertëve të OKB-së në Siri, tha Kerry teksa nënvizoi nëse nuk merret një vendim urgjent për reagim cështja do të ketë pasoja në historinë botërore. SHBA nuk janë vetëm tha Kerry.
“Pyetja që shtrohet është se cfarë do bëjmë ne dhe si do e zgjidhim një situatë kaq të vështirë. Cështja të tilla kanë pasoja të mëdha për historinë botërore. Bota civile ka rënë dakord për mospërdorimin në mënyrë kategorike të armëve kimike. I gjithë komuniteti ndërkombëtar po përpiqet të zhduken dhe mos të përdoren armët kime. Kjo ka rëndësi për sigurinë tonë dhe fqinjët tanë. Ky është krim ndaj njerëzimit. SHBA nuk janë vetëm dhe shumë miq tanë janë gati të luftojnë vetëm, ta dënojmë regjimin e Assad.Tani dimë shumë, pyetja është se cfarë do bëjmë. Presidenti Obama kanë besim tek kombet e Bashkuara dhe hetimi i tyre. OKB do të tregojë cfarë është bërë. Me lejoni të tregohem i qartë. SHBA kërkon paqe. Ne do gjykohemi nga bota nëse nuk do e shqyrtojmë këtë cështje dhe do te tregohemi të verbër. Gjithashtu kemi një president që bën atë që bën atë cka thotë se do bëjë”, theksoi Kerry.
Ngjarja e rëndë në Siri e cila ndodhi më 21 gusht, ku mbetën të vrarë qindra njerëz, ka bërë që Shtetet e Bashkuara të Amerikës të mendojnë për një ndërhyrje ushtarake kundër Sirisë. Presidenti sirian Assad i mohon të gjitha akuzat për sulmin me armë kimike.Francezet te vendosur, britaniket votojne kunder ne Parlament.Sipas gjasave, sulmi te premten e ardhshme

TOPTANI NUK TERHIQET NGA PRONESIA E SHQUP

August 30, 2013 by dgreca

TIRANE – Eduard Toptani njëri prej dy pronarëve të SHQUP tha se përpjekjet për rikthimin e kësaj prone do vijojnë pa asnjë kompromis. Madje dhe ditën e djeshme, teksa ka parë se PD ka nisur tjetërsimin e godinës për ta përshtatur si seli, ka deklaruar se s’ka ndërmend të tërhiqet. “Unë erdha në Shqipëri për t’i thënë qeverisë shqiptare se kjo ndërtesë është e njohur si pronë e trashëguar e familjes time.Kam patur mundësinë të flas me shumë njerëz nga qeveria e më është thënë se ata e njohin këtë ndërtesë si pronën time, por s’kanë ndërmend të bëjnë asnjë veprim për të na e kthyer. Jam tepër i zhgënjyer. Ajo që po ndodh këtu me vendim e qeverisë është vijimi i politikave konfiskuese të ndërmarra nga Enver Hoxha shumë vite më parë. Sot jemi në 2013, jo në 1947. Kjo që po ndodh është një rikonfiskim i kësaj prone, tani në kohën e demokracisë, në mes të ditës.E gjitha nuk mund të qëndrojë askund”, shprehet ai për “TCH”. Ai tha se do kërkojë mbështetjen e autoriteve të SHBA. “Siç e dini ambasadoti Arvizu dha komentin e tij për këtë çështje. Unë po vijoj dialogun me autoritetet amerikane, por s’dua të jap detaje rreth këtyre bisedave, pasi janë konfidenciale dhe ky komunikim do të vazhdojë”, tha Toptani

ARVIZU DHE BASHA FOLEN PER PD NE OPOZITE

August 30, 2013 by dgreca

Ra ne sy edhe prania e kryetarit te dikurshem te PD i emigruar ne SHBA dhe i rikthyer ne Shqiperi, deputeti demokrat Eduard Selami/

TIRANE – Në orën 15:30, e shtune 30 gusht, kryetari i PD-së Lulzim Basha dhe ambasadori amerikan Arvizu mbyllën takimin e nisur rreth një orë më parë në selinë e re të PD-së. Pas takimit, Basha tha:”Eshtë takimi ynë i parë si kryetar i PD-së dhe me këtë rast shkëmbyëm pikëpamjet tona mbi procesin zgjedhor të 23 qershorit, perspektivën e PD mbi të ardhmen e vendit, mbi çështje të integrimit dhe bashkëpunimin euroatlantik dhe rolin e PD-së si opozitë e fortë ballore dhe moderne në mbrojte të interesit të qytetarëve shqiptarë.”Ambasadori Arvizu nga ana e tij deklaroi: “Dua ta falenderoj z.Basha për bashkëpunimin afatgjatë dhe dëshiroj që ai të vazhdojë dhe në të ardhmen. Folëm gjithashtu për synimin e përbashkët të të gjithë shqiptarëve, që është Bashkimi Europian.

Folëm për një proces që është shumë i rëndësishëm për PD-në si opozitë dhe metaforikisht, “në krye të autobusit duhet të jenë të gjithë”. Dua të vlerësoj gjithashtu vendndodhjen ku jemi takuar sot, selinë e PD-së. Çështja e kësaj prone ka qënë subjekt i polemikave të ndryshme, por SHBA nuk marrin anësi kundrejt saj; ne këshillojmë përmbajtje ndaj shtetit ligjor dhe objektivitet. Ky takim ishte parashikuar më herët, në selinë blu. Pasi z.Basha u zgjodh kryetar i PD-së, pata mundësi ta përgëzoj, tani edhe ta takoj si kryetar. Më pas, mësuam se PD-ja ishte zhvendosur këtu dhe kjo shpjegon arsyen pse ndodhemi këtu.”

Ra ne sy edhe prania e kryetarit te dikurshem te PD i emigruar ne SHBA dhe i rikthyer ne Shqiperi, deputeti democrat Eduard Selami

DAULLET E LUFTËS BIEN PËR SIRINË;KINËS- RUSISE DHE IRANIT I C’POHEN VESHËT

August 30, 2013 by dgreca

Nga Gëzim Llojdia*/

Avokim i luftës në Siri është takuar me rezistencë të ashpër nga tre vende, përfshirë Rusinë, Kinën dhe Iranin duke cituar shkelje të së drejtës ndërkombëtare , destabilizimi i rajonit dhe brishtësinë e ekonomisë ndërkombëtare si argumente kundër një ndërhyrje ushtarake .Si shpjegohet fakti, që dy nga tre vendet që përkrahin Sirinë nuk kanë të bëjnë fare Sirinë porsa i përket qoftë shtirjes gjeografike apo strukturës fetare të popullisë së vendeve të tyre,ndërsa Irani mbështete mbi disa arsye krejt ndryshe. Rusia dhe Kina kanë një popullsi me besim fetar krejt të kundërt nga Siria dhe ndërkaq Irani ka një popullsi me besimin shumicë shite ,ku lideri i tyre fetar ka marrë frenat e udhëheqësit fetar botëror,ku një pakica e një besimi të tillë qeverisë Sirinë prej vitesh nga B.Assad.

Rusia prej vitesh ka kthyer shikimin drejt vendeve arabe më së shumti drejt vendeve të cilat kanë një popullsi alevite.

Lufta e gjatë në Afganistan dhe ikja prej andej me turpin e humbjes kthye sytë nga vendet tjera ku qeverisnin alevitet të cilat kanë qenë në një armiqësi të përhershme dhe të vazhdueshme me synit,qysh prej ndarjes së thellë të tyre,në shekujt e parë pas largimit të profetit mysliman dhe me ndezjen e konflikit pas vrasjes së Imam Ali,Imam Hyseni në Qerbela,helmimi i Imam Hasanit,Përndjekje e ashpër dhe e dhunshme nga Jezidi për familjen profetike dhe pasuesit e tyre mirëpo alevitet thonë se: Profeti Muhamed,ka treguar me citimin e bërë :”Unë jam qyteti i dijes,dhe Aliu është porta e saj”.

Madje duke parë shtëpinë e sekreteve sipas tyre ,profeti ka nxjerrë këtë frazë sipas botimeve që kanë kryer alevitët se:”Aliu është trashëgimtari im”, dhe të gjithë alevitet marinë dorë spiritializmi nga ky imam duke vijuar rregullat mistike të tij.

Kjo ndesh në pozitat forta të synive të cilat i kanë luftuar gjithëherës me ashpërinë më të madhe. Po të kujtojmë therjen masive, që u bëri jeniçerëve ku gjaku lum vërshonte udhëve të Adërnas,nga Sulltan Mahmuti kuptohet qartazi se pasuesit e tyre nuk do të kishin asnjë shpresë për paqësim.

Alevizmi është një grup fetar i kombinuar i shiizmi anatolian folklorik me elemente sufiste të tilla si ato të tarika bektashi, me një ndikim të shkollave nga Tengrism ose Zoroastrianism. Besimtarët jetojnë pothuajse tërësisht në Turqi, me minoritetet në Shqipëri, Bosnje, Bullgari, Krime, Kroacia, Qipro, Greqia, Hungaria, Kosova, Maqedonia, Mali i Zi, Rumania, Tatarstani, Vojvodinë, dhe në diasporë turke.

Alevis janë në mesin e më të madhe turke, Turkmen, Tatar, Azeri, Zaza dhe nën-etnike kurde .

Duke parë këtë fraksion të këtij grupimi fetar pyetja tjetër gjendet sërish:

-Ç’punë ka këtu Kina dhe Rusia kur kjo e fundit në heshtje vendosi të forcojë praninë detare në Detin Mesdhe në afërsi të bregdetit sirian. Rusët e bënë të qartë se vendosjet e tyre janë në përgjigje të situatës përreth Sirinë .

“Mirënjohur nga situata e formësimin deri në Mesdheun lindor, bëri thirrje për korrigjime të caktuara përmake- up të forcave detare , ” një burim i paidentifikuar në Shtabin e Përgjithshëm rus u citua nga agjencia ruse e lajmeve Interfax .

” Një anije -nëndetëse e Flotës Veriore do të bashkohen me forcat ekzistuese ruse detare gjatë ditëve të ardhshme. Më vonë ajo do të jetë bashkuar nga Moskva , një kryqëzor me raketa e Flotës Detit të Zi “, ka shtuar burimi.

Duke njoftuar synimet e tyre ,rusët duket se kanë përforcuar këtë pikë se një konflikt në Siri mund të jetë shpejt të fitojë një dimension të rrezikshëm ndërkombëtar , mbasi zona tashmë është mbushur me luftanijet amerikane dhe britanike .

Rusia ka ushtruar ndikimin e saj për shumë vende të cilat kanë qenë dikur në ish-republikat sovjetike që tashmë kanë një popullsi të identifikuar alevit.Përvoja e Rusisë në Afganistanë tregoi se zjarri dhe hekuri mund të rinin bashkë në një tokë që digjej cdo ditë kurrsesi interesat.

Krahas Rusisë u shfaq dukshëm në synimet e konfliktit me Rusinë,Irani.

Iranianët , thuhet në një koment ditor mjeshtër në artin e luftës psikologjike , dërguan mesazhe përgjatë një udhë të dyfishtë për fuqitë perëndimore. Presidenti H. Rouhani ka këshilluar SHBA dhe aleatët e saj për të respektuar ligjin ndërkombëtar në vendimmarrjen e tyre në Siri , i cili ka qenë i akuzuar për një sulm në rritje kimike javën e kaluar në periferi të Damaskut .Frika e Iranit mbështetet tek argumenti se rënia e Assad një alevit dukshëm do të mbetej Irani i vetmi vend ku alevitët kanë pushtet absolut.

Parë edhe në aspektin, që lideri fetar i këtij vendi pretendon të jetë lider suprem tek alevitët përtej këtyre kufinjëve kërkojnë që pushteti tu mbetet pakicës alevite në Siri se sa një regjimi synit që mbështesin vendet arabe dhe Turqia që do të luanin lojën e maces me miun.

Njëkohësisht , komandantët ushtarakë të lartë iranianë , përfshirë edhe shefin e stafit të forcave të armatosura Hassan, paralajmëroi troç se ata do të djegin Izraelin , nëse Siria u sulmua , duke ngritur spektrin e përshkallëzimit të pakontrolluar rajonal.

Shefi i Iranit Trupave të Rojeve të Revolucionit Islamik – Mohammad Ali Jafari theksoi se SHBA do të përballet me një tjetër skenar të luftës- Vietnam në qoftë se ajo në shënjestër do të ishte Siria .

Ç’punë ka Kina në këtë rajon shihet qartazi. Vazhdueshme me partneritetin e saj strategjik me Moskën pasi udhëheqësi libian Muamar Kadafi u përmbys dhe u ekzekutua gati dy vjet më parë , Kina përplasi kërcënimin. Një editorial Daily në Kinë , qortoi Uashingtonin për ndjekjen e një agjendë ” ndryshim regjimi ” në Siri . ”

Dhjetë vjet më parë ,SHBA-ja dhe aleatët e saje kanë anashkaluar OKB-së dhe orkestruar një ndryshim të fortë regjimit në Irak me pretekstin se regjimi i posedonin Armët e Shkatërrimit në Masë, kjo nuk duhet të lejohet të ndodhë përsëri ,thekson e përditshme dhe paralajmëroi se ” kjo ishte që amerikanët s’kanë mësuar nga gabimet e saj të shkuara dhe frenuar në idetë e të ndërhyrjes ushtarake në një vend tjetër ” . Vet , Ministri i Jashtëm kinez Ëang Yi përsëriti se “një rezolutë politike, që nga fillimi , ishte mënyra e vetme për çështjen siriane ” .

Kinezët kanë qenë gjithashtu të theksuar për mos fillimin e përshkallëzimit të krizës siriane në ekonominë globale. Një koment, që u shfaq në Daily ka vërejtur se, “sulmi kanosës i ka dërguar tashmë dridhura nëpërmjet ekonomisë botërore, si rezervat globale ranë të martën , ndërsa çmimet e naftës dhe ari u rrit . ”

Ndeshja e interesave dhe konflikti kanë tashmë të ravvizuar frontin mbështetës të ndërhyrjes në këtë vend dhe frontin tjetër që kundërshtojnë këtë ndërhyrje. Në shqip kjo përkthet kështu: Daullet e luftës bien për Sirinë-Kinës,Rusisë dhe Iranit i c’pohen veshët.

*Msc.Anetar i Akademise Evropiane te Arteve

Një dështim i Edi Ramës !

August 30, 2013 by dgreca

”Nuk mund të ketë atdhetari pa liri, liri pa virtyt, virtyt pa qytetar; Krijoni qytetarinë dhe keni çdo gjë që iu nevojitet; Pa atë ju keni asgjë, përveçse skllevër që nga sundimtari e deri poshtë. (-Jean-Jacques Rousseau)”. /

Shkruan: Fahri Xharra/

Starti i mirë shihet në mëngjes , më falni dita e mirë shihet në mëngjes. Por gabimi kur shihet herët atëhere ai duhet dhe mundet të përmirësohet , se dita është e gjatë. Prandaj , Zoti Rama që në start ende pa ardhur një shtatori gabove. Të shpresojmë që gabimet tjera të jenë më të vogla. Po kush vëllaçko të këshilloi për Shkëlzen Maliqin? Ka burra tjerë Kosova. Mos është ndonjë gabim në kalkulimet tuaja ,apo a mos është ndonjë mvarshmëri së cilës nuk i kësh dot?

“I futur më pas në llogaritë e karrierës politike për kryeministër, ai është bërë shpesh qesharak në Kosovë. Herë u afrohet atyre si mik i ngushtë i luftëtarëve, herë u shfaqet si një vlerësues i madh i jugosllavologëve, dhe herë herë dhe si nacionalist që mendon dhe për Preshevën.” (M.B.) . Nuk e pate dikend tjetër?

Don Kishotët në Ballkan dhe Sanço Pançot në Kosovë të bëjnë të qeshin, për aventurat e tyre të cilat e kanë një qëllim tjetër nga ata të personazheve të Miguel de Cervantesit, por sidoqoftë e kanë një ngjajshmëri shumë të madhe. Edhe tek ne është duke luftuar irealja kundër reales. Edhe te ne po shihen bujtinat më të thjeshta si kështjella, tasi i berberit si helmetë e shkëlqyeshme, e kaluara e dështuar si një shansë për rivendosjen e saj në kushte të reja, krijimi i gjërave që kurr nuk kanë ekzistuar si të mundshme për të ndërruar rrjedhen normale të gjërave dhe për të krijuar hendeqe të reja ndermjet veti. Një nga sançuaot e Kosovës është edhe ky , i përzgjedhëri këshilltar.

Diku i “mëshefur” Don Kishoti i Ballkanit iu dërgon sançopançuave të Kosovës këtë: ”Sikur era fatbardhë, e cila gjer më tani na ka vajtur kundër, të na kthehej menjëherë në favorin tonë e të na i fryente pëlhurat e pllanave tona dhe të hynim me siguri e pa rrezik në limanin tonë, ne do të fitojmë. Se do të jetë e pamundur të bëhësh kalorës nëse nuk dëshiron dhe nëse s`ke kurajë e as vullnet për të marrë hakun e të parëve dhe për të mbrojtur të kaluarën tënde të “ndritur” duhet ta dini se sikur mos të përmbaheni prej frikës, mund të nisim lëvizjën e punëve se frymat e vendësve nuk janë kurr të qetësuara, e na mundemi t`i kthejmë gjërat si ishin dikur” (nga Don Kishoti i Cervantesit f.96). Ta dini se “Kosova është vend i paradokseve. Secili paradoks paraqet një realitet të hidhur, por të gjithë së bashku tregojnë fytyrën e vërtetë të Kosovës.”. Besoj fortqë nuk jeni në ndikimin apo nën urdhërat e Don Kishotit të Ballkanit.. Na rrou e zeza!

”Nuk është kurrsesi as i pavarur. Nuk di ci është tek Ramës ta quaj të tillë, por vet Shkëlzeni bën shumë kujdes të jetë gjithmonë me dikë. Angazhimet e tij të pacipa duke shitur fytyrën në TV Klan për sondazhe që ka diktonte nga pas perdes Sandri me Kastriot islamin, janë shembuj që ndajnë intelektualët dhe karakteret e pavarura nga njerëzit që shërbejnë për lek. Në këtë pikë nuk duam avokat se akoma nuk na ka ikur shija e keqe e asaj çfarë kemi parë më 2009 dhe 2011 në Tiranë.” Në Gjakovë thuhet : O Fetah , as me nae e as me ata!. Njerëz të tillë që lundrojnë pa ditur të notojnë ,mvarën nga timonieri i lundrës.

Nejse , prap një pyetje : Kosova ka burra plot , por kush ta mbushi mëndjen I Nderuar ?

Këshilltar rajoni, është emër i madh.