Archives for September 2013

Kur nderohen heronjte,respektohet historia

September 12, 2013 by dgreca

Nga Marjana Zeneli Bulku/ New York/

Kur nderohen heronjte respektohet historia.Kjo me vjen ne mendje sot ,kur eshtrat e trazuara prej plumbash te martirit te demokracise prehen ne Varre Deshmoresh. Akt dekorativ ky , qe shteti i detyrohet martireve te vet. Ne dite si kjo, qytetaret kujtohen se cdo veper ka nje shperblim ,por edhe kosto.Mos ndoshta kjo i ben me indiferent?! Subjektet politike trumpetojte se demokracite jane prurje e tyre, ndersa harrojne t’ju bien gabimeve ne shenje. Askush nuk eshte i pagabueshem ne nje realitet ku jo te gjithe jane te mencur, te ndershem. Azemi me kujton sot ”Azemet”, ato te pavrare, te neperkembur, te braktisur, te larguar, te zhgenjyer, viktima teksa sistemet nderrohen. Ne i nderojme viktimat, ju ndezim qiri atyre, ju thurim vargje e kenge ,i bejme protagoniste duke i bere te tjeret te perloten me fatkeqesine, i himnizojme. Eshte kjo menyra se si sillemi me heronjte, ndaj vargu i tyre shtohet e shtohet,por jo reflektimi yne mbi ta. Dikur (nentor 1998) i kushtova vargje Azemit, isha studente e atij Dhjetori dhe pakkush prej nesh i kujton me indiference ato momente ,permeteper sot kur kuptojme se Demokracia ishte domosdoshmeri dhe rrjedhoje e zhvillimeve rajonale te kohes. Ne vargun e gjate kushtuar atij, vetem dy detaje te rendesishme dua te sjell ne vemendje sot : 1. Salla dibrane e tejmbushur me demokrate qe fatkeqesia dhe dhimbja i beri BASHKE te ndiznin qirinj teksa vargjet recitoheshin aq bukur nga Irini Shehu dhe Sonjela Delishi Cani… 2. Vargu ”Sepse ne kemi kaq shume per te thene … sepse fjala e lire ,ndonese pikon gjak…” me jehon ende i gjalle,i ri, kumbues. Kur Azemi i printe pluralizmit ,,,dhjetra te tjere enderronin duke e nxitur dhe perkrahur , skeptiket i trembeshin, i iknin,,, e natyrshme kjo, pare nga sot ku politika leviz dhe bashke me te, kendveshtrimet per ngjarje e njerez qe koha i perjeteson si heronj. Per kontributoret e vertete ka gjithmone nje fron qe memorja historike e gdhend. Nderimi per ta eshte individual dhe jo kolektiv, ndersa njohja dhe pranimi i te vertetes eshte Detyrim. Kjo eshte historia jone, e tille do te jete persa kohe pluralizmin qe na e dhunoi diktatura e kemi patur thelle ne gen aq sa shperthimet e tij prej shtypjes se gjate ende dhembin, vrasin. Azemet e Demokracise ,shtatoret e pergjakur,zerat e paster per te gdhendur drejtesine,liria si rregull dhe jo si utopi,,,sot copeza te nje mozaiku qe diku ,tej , ne sfond ka tragjedine . Cfare i mungonte, mungon atij sfondi: Respekti Durimi Guximi Rasti i Azemit eshte ”kura ”me e mire e nje realiteti qe lengon, ku alternativat jane te shumta,por ne dem te njeri-tjetrit, ku shperndarja e pasurive natyrore dhe e mjedisit kercenon, ku luftrat dhe varferia rrezikojne ,ku subjektet politike ”gatuajne nga e njejta tenxhere” prej te ciles perfiton oreksmadhi,ku konflikti jo gjithmone eshte zgjidhja e problemeve,ku te drejtat dhe pergjegjesite jane ne nje grumbull te ngaterruar me/pa qellim… ”Azemet therrasin” se DEMOKRACIA eshte bashkejetesa ku permes rregullave bota mund te behet nje vend me i mire dhe misioni i saj eshte shmangia e tiranise! Azemet therrasin se e nesermja duhet jetuar sepse ”Endrra jote -qiri i ndezur” s’do te shuhet kurre me” . Keshtu iu drejtuan dibranet 40 dite pas vrasjes e ne vazhdimesi , heroit te demokracise : me qirinj te ndezur ne duar dhe me lutje ne shpirt!

12 Shtator 2013, New York

Azem Hajdari: Nuk largohem nga Shqiperia!*

September 12, 2013 by dgreca

*Unë jam i ri, do t’i pranoj edhe goditje të tjera, edhe inskenime të tjera, nuk largohem nga Shqipëria. As unë, as fëmija im. Nuk largohem as nga Partia Demokratike. Nuk largohem as nga pikëpamjet e mia antikomuniste. Vetëm një gjë kini parasysh: vazhdoni, vazhdoni radhën./

-Nga fjalimi i z. Azem Hajdari në seancën plenare të 28 shtatorit 1992/

…Unë jam shumë dakord që të mbrohet qytetari i thjeshtë… Por nuk jam aspak dakord që një deputeti t’i mbyllen dyert e ankimit, kur akuza ndaj tij është e pabazuar, e paargumentuar në bazë të legjislacionit që ka sot në dispozicion Republika e Shqipërisë… Problemi është politik dhe thjesht politik… E dija që një ditë do të dilja përpara Parlamentit ose përpara një institucioni tjetër dhe do të diskutohesha.
Pse? Jam i pari. Isha tre muaj kryetar i Partisë Demokratike, ish-kryetar i Lëvizjes Studentore dhe nënkryetar i saj. Domethënë di, dhe njeriu që di duhet të zhduket.

Nuk dua ta fsheh, jam i shqetësuar nga zhvillimi i ngjarjeve të fundit në jetën politike, që çoi deri në kërkimin e heqjes së imunitetit tim, lidhur me një pseudokrim dhe që nuk dihet se ç’situata të reja do të sjellë në ditët që do të vijnë… Nëse një deputet bën një kundërvajtje penale dhe atij i hiqet imuniteti për këtë kundërvajtje, atëherë ne nuk jemi më deputetët e kohës së demokracisë, por deputetë të kohës së Enverit. Kjo do të thotë se ne jemi marioneta, që na i ngre dhe na i ul duart një regjisor dhe që bën me ne si t’i dojë qejfi, pa pyetur as elektoratin dhe as Kushtetutën.

E dyta, lidhet me kokën e turkut, që në këtë rast jam unë. Ju, të nderuar deputetë, e dini si drita e diellit se kjo kundërvajtje penale e inskenuar nuk do ta çojë në dënimin e Azem Hajdarit. …imuniteti i Azem Hajdarit hiqet sot, dhe kjo do të thotë se asnjë në këtë Parlament nuk ka më imunitet.

Sepse nesër, kur ndonjëri prej jush do të bëjë gabim, gabimin tim, duke u përpjekur të thotë të vërtetën ndershmërisht, do t’i hiqet në çast imuniteti. Dëshmitarë të rremë në një vend të varfër gjen plot… Në Shqipëri, Enveri provoi dhe përvoja e tij la një proverb: “Kur punët shkojnë keq në fushën ekonomike, lumi kapërcehet me procese të montuara politike”… Zotërinj deputetë, mos kërkoni koka turku, sepse s’ua ka kush borxh t’i ndërroni kombësinë… Ne deputetet kemi një “të dashur”: ajo është e vërteta. Zgjohuni, zotërinj deputetë, zgjohuni, se “e dashura” u ka ikur nga shtrati.

Azem Hajdari është ai i dhjetorit 1990 dhe nuk luan nga pozicioni i tij i atëhershëm, sikur edhe malet të luajnë nga vendi. Populli e di mirë këtë, mësojeni edhe ju…

Në rast se kjo diktaturë e re, e cila ka ndërmarrë një maratonë, vazhdon në këtë mënyrë, le të jem unë viktima e parë e kësaj diktature. Nuk i kërkoj asnjërit mëshirë. Asnjëherë s’kam për të hequr dorë nga rruga ime për demokraci: jam i ri… Nuk i kam kërkuar dhe nuk i kërkoj askujt post. Po në kohën e diktaturës, kur unë mora vendim që të jepja jetën, fëmijë, familjen dhe me traditat e pasura që ka, unë nuk e dija që ju do më çnderonit, se ky është një çnderim.

Unë jam i ri, do t’i pranoj edhe goditje të tjera, edhe inskenime të tjera, nuk largohem nga Shqipëria. As unë, as fëmija im. Nuk largohem as nga Partia Demokratike. Nuk largohem as nga pikëpamjet e mia antikomuniste. Vetëm një gjë kini parasysh: vazhdoni, vazhdoni radhën.

Populli kësaj radhe le të gjykojë. Në rast se është e mira në favor të drejtësisë, unë për veten time që sot jam gati t’i nënshtrohem kujtdo.
Po e mbyll me një shprehje që e ka thënë Bardhyl Londo: “Në rast se demokracia vjen në këtë mënyrë, mos ardhtë kurrë”. Dhe ju demokracinë po e sillni me shumë dhimbje.(Fjalim ne Parlament, 1992)

Azem Hajdari, përjetësisht në Varrezat e Dëshmorëve

September 12, 2013 by dgreca

*Lulzim Basha: Azem Hajdari u vra se ishte mbrojtës i demokracisë/

* I BIRI, KIRI:SOT, PO NA KTHENI SHPIRTERISHT BABANE-AZEMIN/

*Berisha: Gjunjëzove diktaturën më të egër komuniste. Azem ti je gjallë!/

*Ne Foto: Ambasadori Amerikan Arvizu gjate homazheve para arkivolit te heroit Azem Hajdari/

Personalitete të larta të jetës politike nga Shqipëria dhe më gjerë, kryetarët e partive politike, studentët e dhjetorit ‘90, intelektualët, nismëtarë të lëvizjes për demokraci, miq, shokë dhe kolegë të Azemit kanë kryer homazhe për nder të tij Heroit të Demokracisë.

Homazhe kanë zhvilluar Presidenti Bujar Nishani, kryetari i Kuvendit Ilir Meta, kreu i bashkisë së Tiranës dhe njëkohësisht edhe kreu i PD-së Lulzim Basha, Sali Berisha, 3 ish-presidentët Bamir Topi, Alfred Moisiu dhe Rexhep Mejdani, 4 ministrat e kabinetit “Rama” Edmond Haxhinasto, Ilirjan Celibashi, Mimi Kodheli dhe Lindita Nikolla, ambasadori i SHBA-së në Tiranë Aleksandër Arvizu, ambasadori i BE-së Ettore Sequi, si dhe deputetë të mazhorancës dhe të opozitës.

Kreu i FRD-së, Bamir Topi pas homazheve ka deklaruar se ndihet i emocionuar që Azemi do të prehet në Varrezat e Dëshmorëve.

“Fat i jetës sime që kam njohur Azem Hajdarin, njeriu më i hapur nga ata që kam njohur të Partisë Demokratike, shumë i guximshëm, dinjitoz, kurajoz, pa komplekse, që dinte të bënte edhe trimin edhe diplomatin. E përkujtoj me shumë mall, respekt, e vlerësim, ai do të mbahet mend si një njeri që do të frymezoje të rinj e të reja, e ata që duan t’i hyjnë rrugës së politikës me dinjitet” tha Topi.

Në një prononcim për mediat pas homazheve, kryetari i Parlamentit Ilir Meta theksoi se të gjithë sot duhet të tregojnë urtësi në mënyrë që të plotësohet ëndrra e Azemit dhe Shqipëria të anëtarësohet në Bashkimin Europian.

“Sot është një ditë homazhesh dhe kujtimi për simbolin e demokracisë, anëtarin e lëvizjes së Dhjetorit e cila ktheu barrierat përmes thirrjes “E duam Shqipërinë si gjithë Europa”, për ish kolegun tonë Azem Hajdari. Kujtimi i të cilit do të jetë gjithmonë e paharrueshme, dhe është një ditë angazhimi për të plotësuar ëndrrën e tij që Shqipëria të jetë si gjithë Europa. Ai nuk e kurseu guximin, kurajon dhe vizionin e tij duke rrezikuar gjithçka. Jam i bindur se të gjithë ne do të na duhet të tregojmë më shumë urtësi dhe përgjegjshëmri në mënyrë që ëndrra e tij të bëhet realitet në mënyrë që Shqipëria të bëhet anëtare e Bashkimit Europian. Këto sakrifica duhet ti respektojmë dhe ti çmojmë për të përmbudhur ëndrrën e tij dhe të gjeneratës së tij” u shpreh Meta.

Homazhet janë zhvilluar në Pallatin e Kongreseve ndërsa në orën 12:30 kortezhi i përmortshëm me arkivolin e vendosur në shtratin e topit, është nisur për në varrezat e Dëshmorëve të Kombit ku është bërë edhe ceremonia e varrimit në Varrezat e Dëshmorëve të Kombit.

Basha: Azemi pason rilindasit me vlerësimet e marra

Kryetari i Bashkisë së Tiranës Lulzim Basha u shpreh se sot në 15-vjetorin e ndarjes nga jeta të Azemit shqiptarët bashkohen me nderimin për të.

“Sot kemi ardhur tek ky vend i shenjtë për të sjellë eshtrat e një heroi, për të betuar në heshtje para guximit të tij. Azem Hajdari na mungon të gjithve,i mungon të afërmëve, i mungon Shqipërisë” theksoi Basha.

Gjithashtu Basha ka shprehur vlerësimet më të larta për Azem Hajdarin duke shtuar se lëvizja e Dhjetorit dha liderin e saj për demokracinë e vendit.

“Ai ishte prijësi i lëvizjes studentore prandaj edhe u vra. Se kishte qënë protagonist për hapjen demokratike të vendit, se kishte qënë themeluesi I PD-së, se kishte qënë mbrojtës i demokracisë dhe çështjes kombëtare. Nuk është e vërtetë se përmbysja e komunizmit u bë në mënyrë paqësore, lëvizja për demokraci ka dhënë liderin e saj të parë. Nuk e vranë në betejën ballore të fillimit por në pabesinë e revanshit. Sot figura e tij apelon për unitet dhe bashkim për vlerat kombëtare” tha Basha.

Sipas tij, dita e vrasjes së Azem Hajdarit ka qenë vetëm fillimi i përjetësisë për të. “Ai pason rilindasit më të shquar për vlerësimet institucionale qe ka marrë, se lëvizja e dhjetorit shënoi ndarjen nga dikatura, kjo ishte dhe mbetet rilindja e vërtete e vendit”- tha Basha, duke kujtuar se ai është gjallë dhe se është e do të jetë frymëzim i brezave.

Azem Hajdari, Heroi i Demokracisë mban titullin më të lartë të Republikës së Shqipërisë “Urdhërin e Flamurit” dhe urdhërin më të lartë në Republikën e Kosovës, “Medaljen e Lartë të Lidhjes Shqiptare të Prizrenit”, të dhënë nga ish – Presidenti Ibrahim Rugova. Azem Hajdari është Qyteta

Berisha: Gjunjëzove diktaturën më të egër komuniste. Azem ti je gjallë!

Ndërsa mori pjesë në ceremoninë e vedosjes së eshtrave të Heroit të Demokracisë, në Varrezat e Dëshmorëve, ish-kryeministri Sali Berisha i ka dedikuar disa rreshta edhe në rrjetin social facebook, mikut te paharruar, siç e vlerëson ai, Azem Hajdarit.

“Ne krye te levizjes studentore ne dhjetor te vitit 1990 Azemi gjunjezoi diktaturen me te eger komuniste ne Europe dhe beri per lirine e shqiptareve te shtypur me shume se kushdo tjeter ne histori” shruan Berisha, ndërsa e mbyll me fjalinë “Azem ti je gjallë!”

“Te dashur miq, sot vendosem ne Varrezat e te Reneve te Kombit, eshtrat e burrit te madh te kombit shqiptar, tribunit legjendar te lirive dhe dinjitetit njerezor te shqiptareve, udheheqesit te levizjes studentore te dhjetorit 90, themeluesit te PD, mikut tim te paharruar Azem Hajdarit.Ne krye te levizjes studentore ne dhjetor te vitit 1990 Azemi gjunjezoi diktaturen me te eger komuniste ne Europe dhe beri per lirine e shqiptareve te shtypur me shume se kushdo tjeter ne histori. Nder perjete vepres se pavdekshme dhe kujtimit te ndritur te Azem Hajdarit! Azem ti je gjalle!” përfundon komenti ish- Kryeministrit.

Azem Hajdari do të prehet në Varrezat e Dëshmorëve të kombit. Eshtrat e tij u vendosën aty, paraditen e së enjtes në një ceremoni, 15 vjet pas vrasjes së tij.

Kryebashkiaku i Tiranes, ne fjalen e rastit, tha se te gjithe i detyrohen Azem Hajdarit per hapin e madh qe ndermori ne dhjetor te 90-s, kur vrau friken.

Me heret ne Pallatin e Kongreseve u zhvilluan homazhe oprane arkivolit me eshterat e Azem Hajdarit. Mijera qytare kane marre pjese ne kete homazh per te nderuar figuren e liderit te dhjetorit 90. Shume prej tyre hedhin pershtypjet e veprimtarise se zotit Hajdari, apo edhe ndajne kujtime te shkuara me te.

Ne homazhe mori pjese Presidenti i Republikes zoti Nishani, ish-kryeministri dhe lideri historik i te djathtëve Sali Berisha, ambasadori amerikan Aleksander Arvizu, kreu i LSI-së Ilir Meta, nje grup ministrash i Qeverise se re te socialisteve e drejtuar nga ministrja e Mbrojtjes Mimi Kodheli, deputete te forcave te ndryshme politike, perfaqesues se klerit ne vend, perfaqesues te trupave akademike.

r Nderi i Tiranës dhe pothuajse i të gjithë bashkive dhe komunave të Republikës së Shqipërisë.

Biografia e Azem Hajdarit:

-Azem Hajdari u lind më 11 mars 1963, në qytetin Bajram Curri;

-I martuar, me tre fëmijë, Kirjaldi, Rudina dhe Azemi i vogël, i lindur katër muaj pas vdekjes së Azemit;

-Më 1987, fiton të drejtën e studimit dhe regjistrohet në Universitetin e Tiranës, Fakulteti i Shkencave Politike e Juridike;

-Në vitin 1993 diplomohet për filozofi, në Universitetin e Tiranës;

-Në vitin 1995 diplomohet si jurist, në Universitetin e Tiranës;

-Në vitet 1993-1994 ndjek kualifikim pasuniversitar në Shtetet e Bashkuara të Amerikës, për filozofi;

-Më 1996 ndjek kualifikim për politikat e sigurisë e mbrojtjes, në kuadrin e NATO-s, në Garmisch-Partenkirchen, në Gjermani;

Aktiviteti Politik:

-Dhjetor 1990 – Udhëheqës i Lëvizjes Studentore;

-Dhjetor 1990 – shkurt – Kryetar i Komisionit Nismëtar të Partisë Demokratike;

-1991 – 1993 – Nënkryetar i Partisë Demokratike të Shqipërisë dhe anëtar i Komitetit të saj Drejtues;

-31 mars 1991- Deputet i Partisë Demokratike të Shqipërisë për Shkodrën;

-22 mars 1992 – Deputet i Partisë Demokratike të Shqipërisë për Shijakun;

-26 maj 1996 – Deputet i Partisë Demokratike të Shqipërisë për Bulqizën;

-29 qershor 1997 – Deputet i Partisë Demokratike të Shqipërisë për Tropojën;

-1992-1996 – Kryetar i Komisionit Kuvendor për Rendin Publik dhe SHIK-un;

-Nëntor 1996 – Kryetar i Sindikatave të Pavarura Shqiptare;

-Qershor 1997 – Kryetar i Komisionit Kuvendor për Mbrojtjen Kombëtare;

-1995 – 1998 – President i klubit të futbollit “Vllaznia” – Shkodër dhe president i Federatës Shqiptare të Arteve Marciale

Vlerësime për Heroin e Demokracisë:

– Urdhëri i Flamurit;

– Urdhëri “Gjergj Kastrioti-Skënderbeu”, dhënë nga Presidenti i Republikës;

– Medalja e Artë e Lidhjes Shqiptare të Prizrenit”, dhënë nga ish-Presidenti i Republikës së Kosovës, Ibrahim Rugova, në vitin 2003;

– Urdhëri “Nderi i Kombit” (2002);

– Pishtar i Demokracisë;

– “Qytetar Nderi” i qytetit të Tiranës, Vlorës dhe i pothuajse të gjithë bashkive e komunave të Shqipërisë

I BIRI, KIRI:SOT, PO NA KTHENI SHPIRTERISHT BABANE-AZEMIN

“Të nderuar miq të Azem Hajdarit, familjes sonë!

Ju, sot duke lartësuar më tej figurën e Azem Hajdarit ktheni shpirtërisht babanë, në duar të fëmijëve dhe në zemër të familjes. Është kjo arsyeja që unë, të gjithëve ju që jeni këtu, dua t’ju falenderoj dhe t’ju shpreh mirënjohjen e pakufishme njerëzore. Në radhë të parë juve, doktor Berisha. Në të gjithë jetën tonë dhe të Azemit, keni qenë mishërues i dhimbjeve tona. Ju, z. Berisha,Ibrahim Rugova, Haradinajt dhe Jasharët e Kosovës na i keni bërë netët vetmitare të kalueshme dhe të prisnim mëngjeset me shpresa të reja, ashtu siç na është gjendur në momente të veçanta edhe z. Ilir Meta.

Burrat e rritur në pozitën e Azemit, si presidenti Nishani e kanë dekoruar babain me Urdhrin e Flamurit. Është gjithashtu një emër i respektuar por do të duhej një dishepull politik shpirtëror, njerëzor si z. Lulzim Basha, të projektonte këtë lartësim sa prekëse nga ana njerëzore, aq edhe të nevojshme për ditët që kemi përpara, si vazhdimin e luftës së babait tonë, për liri dhe demokraci. Dua të kujtoj këtu, të paharrueshmin Besim Çera që dha jetën pranë babait tim.

Ne, tre fëmijët e Azem Hajdarit, unë Azemi dhe Rudina, në mbështetje të nënës sonë Fatmirës do të përpiqemi të jemi së bashku, sa një Azem. Ju faleminderit!”

NAAC Recognizes Albanian Patriot on the 15th Anniversary of His Tragic Death

September 12, 2013 by dgreca

The National Albanian American Council (NAAC) recognizes Mr. Azem Hajdari on September 12, 2013, the 15th anniversary of his passing, for his historic contributions to building strong democracies in both his native Albania and sister republic of Kosova. As a student in 1990 in Tirana, Albania, Mr. Hajdari emerged as a student leader and a champion for democratic reforms. He became one of the founders of the Democratic Party, the first non-Communist political party in Albania since World War II, and was elected its first Chairman. In 1991, Mr. Hajdari was elected to the first democratic Albanian parliament.

Today, Albania and Kosova are free and independent countries, building strong democracies, aspiring to join the European Union and both countries are some of the closest allies to the US. Albania is already a member of NATO, and its citizens can travel freely throughout Europe. The groundwork for these achievements in a large part was laid by Azem Hajdari.

Avni Mustafaj, NAAC’s Executive Director said, “Azem Hajdari was a dear friend, a true Albanian patriot, and all Albanians recognize him today for his historic contributions to igniting Albania’s democratic movement. May He Rest In Peace.”

KRYETARI I VATRES I SHKRUAN FAMILJES SE AZEM HAJDARIT

September 12, 2013 by dgreca

11 shtator 2013/

Familjes HAJDARI /

E nderuar Familja HAJDARI,/

Ju falënderoj me zemër për nderin që më keni bërë me ftesen të jem në mesin tuaj me rastin e rivarrimit të Azemit, njeriut tuaj të dashur dhe mikut të paharruar të “Vatrës”.

Heroi Azem Hajdari është shëmbulli i luftarit të pa përkulshëm, të cilin historia e jonë do t’a vlerësojë dhe breznitë e reja do t’a kujtojnë me mirënjohje, si Prijsin e Dhetorit që nuk bëri kompromis me korrektësinë politike, por i ndejti besnik deri në vdekje idealit të lartë të Lirisë dhe Demokracisë!

Me keqardhje të thellë për pamundësinë të jem pranë, marr pjesë shpirtërisht me ju, në dhimbën dhe krenarinë e kësaj dite.

Me nderime dhe me urimin GËZIME MBAS SODIT!

Dr. Gjon Buçaj, Kryetar i “Vatrës”