Pas deklaratës së presidentit amerikan, Barack Obama, se do të kërkojë miratim nga Kongresi i Shteteve të Bashkuara për sulme ushtarake kundër regjimit të presidentit të Sirisë, Bashar al-Assad, nuk ka pasur shumë reagime zyrtare ndërkombëtare.
Kryeministri i Sirisë, Wael al-Halqi, tha se ushtria e Sirisë është “plotësisht e përgatitur” për përgjigje ndaj çfarëdo aksioni të Shteteve të Bashkuara.
Një gazetë siriane e udhëhequr nga shteti, të dielën në editorialin e saj ka shkruar se vendimi i Obamës shënon “fillimin e një tërheqjeje historike amerikane”.
Shefi i Gardës Revolucionare të Iranit, Mohammad Ali Jafari, tha se është “iluzion” të mendohet se “intervenimi ushtarak do të jetë i kufizuar” vetëm brenda Sirisë.
Zëvendëskomandanti i Komandës së Përbashkët Lindore të Ushtrisë së Lirë të Sirisë në opozitë, Muhammad Aboud, e ka mirëpritur mbështetjen e presidentit Obama për intervenim ushtarak.
“Ne kemi pritur për këtë vendim për një kohë shumë të gjatë. Megjithëqë është dashur kohë, Shtetet e Bashkuara përfundimisht e morën vendimin. Populli i Sirisë dhe luftëtarët e lirisë janë shumë të lumtur të dëgjojnë se presidenti Obama ka ndërmarrë një vendim të tillë. Megjithatë, ne kuptuam se për këtë çështje do të debatohet në Kongres”, tha Aboud.
Kryeministri i Japonisë, Shinzo Abe, tha se qeveria e tij do ta ndjekë debatin në Kongres për së afërmi.
“Besoj se shpallja e presidentit Obama është shprehje e gatishmërisë së tij të fuqishme për këtë çështje. Ne do ta monitorojmë me kujdes atë që ndodh në Kongresin amerikan dhe do të koordinohemi me komunitetin ndërkombëtar për të tubuar dhe analizuar informacionet në dispozicion, me shpresë se situata do të përmirësohet deri diku”, theksoi kryeministri Abe.
Në Moskë, kryesuesi i Komitetit për marrëdhënie ndërkombëtare i Dumës ruse, Aleksei Pushkov, shkroi në Twitter se Obama po i kthehet Kongresit për “t’i dhënë
luftës së paku njëfarë legjitimiteti”.
Në fjalimin e tij në Shtëpinë e Bardhë në Uashington, presidenti Barack Obama, e ka akuzuar qeverinë e Bashar al-Asssadit në Siri se ka përdorur armatim kimik, më 21 gusht, me ç’rast janë vrarë më se 1400 civilë.
“Të mos gabohemi. Kjo ka implikime përtej luftës kimike. Nëse ne nuk e zbatojmë përgjegjësinë për këtë akt të neveritshëm, çka do të thuhet për vendosmërinë tonë që t’u dalim para atyre që nuk i përfillin rregullat fundamentale ndërkombëtare: qeveritë që do të vendosin të prodhojnë armatim atomik, terroristët që do t’i përhapin armatimet biologjike, ushtritë do të kryejnë gjenocid. Ne nuk mund t’i rrisim fëmijët tanë në botën ku ne nuk i mbajmë gjërat që i themi, marrëveshjet që i nënshkruajmë, vlerat që na definojnë ne”, deklaroi presidenti Barack Obama.
Shtëpia e Bardhë tashmë e ka dërguar propozimin e masave në Kongres, nga i cili kërkohet autorizimi formal për presidentin Obama për përdorim të forcës ushtarake për “frenimin, shkatërrimin, parandalimin dhe degradimin” e potencialit për sulme të mëtejshme me armatim kimik.
Një delegacion parlamentar i Iranit ka arritur në Siri dhe e ka vizituar spitalin me viktimat e sulmit të dyshuar kimik, për të cilin qeveria e Sirisë i fajëson forcat kryengritëse.
Kryeministri britanik, David Cameron, dhe presidenti francez, Francois Hollande, e kanë mirëpritur vendimin e presidentit Obama, për të kërkuar miratim nga Kongresi.
Kryeministri Cameron, javën e kaluar, nuk e mori miratimin për intervenim ushtarak në Parlamentin e Britanisë.
Nga ana tjetër, Franca ishte njëri nga mbështetësit më të mëdhenj të intervenimit dhe ka sugjeruar se mund t’i bashkohet çfarëdo operacioni ushtarak.
Por, Rusia dhe Kina e kanë kundërshtuar intervenimin ushtarak në Siri. Presidenti i Rusisë, Vlladimir Putin, ka thënë se Obama nuk ka dhënë prova se regjimi i Sirisë ka përdorur armatim kimik.(f.bujupi)
Archives for September 2013
Nazistët e “Agimit të Artë” protestë në Kapshticë, pezullohet puna në doganë
Paraditen e e 1 shtatorit në doganën e kapshticës, është ndërprerë puna për rreth një orë, për shkak të një proteste të pazakontë, të disa përfaqësuesve të Partisë naziste greke, “Agimi i Artë”. Protesta u organizua në anën greke të kufirit, dhe pala greke ende nuk ka dhënë arsye se përse u zhvillua. Autoritetet doganore shqiptare kanë ndërprerë punën për të shmangur një përplasje të mundëshme dhe forca të shumta policore kanë monitoruar situatën në të dy anët e kufirit, ndërkohë që ka patur edhe një përforcim të kufirit.
Për shkak të protestës, asnjë shqiptar nuk është lejuar të kalojë tokën shqiptare për të penguar konfrontimet.
JA SI MUND TA FITOSH NE PAK MINUTA DESHMINE E TRASHEGIMISE
Më shumë se 30.000 qytetarë në vit nuk do shkojnë më në gjykatë për të kërkuar dëshminë e trashëgimisë, nuk do të harxhojnë me mijëra lekë për shpenzime gjyqësore dhe afërsisht një muaj kohë, por do të përfitojnë këtë shërbim në pak minuta, nga noteri…/
Ministri i Drejtësisë, Eduard Halimi, me anë të një postimi në faqen e tij zyrtare në rrjetin social “Facebook”, ka njoftuar se sot hyn në fuqi paketa civile, e cila i vjen në ndihmë mijëra qytetarëve.
“Thyejmë tabutë dhe sjellim një traditë të re në fushën civile. Më shumë se 30.000 qytetarë në vit nuk do shkojnë më në gjykatë për të kërkuar dëshminë e trashëgimisë, nuk do të harxhojnë me mijëra lekë për shpenzime gjyqësore dhe afërsisht një muaj kohë, por do të përfitojnë këtë shërbim në pak minuta, nga noteri. Nga nesër qytetarët që kanë fituar një proçes gjyqësor nuk do të detyrohen të shkojnë sërisht në Gjykatë për të filluar një tjetër proçes, atë të lëshimit të urdhërit të ekzekutimit”- shkruan Halimi.
Sipas tij, gjykime për lëshimin e urdhërit të ekzekutimit nuk do të ketë më.
Qytetarët do të informohen edhe nëpërmjet sms-ve apo e-mail-it për ditën e gjyqit, për çfarë ka ndodhur në seancë dhe do të kenë mundësi monitorimi 24 orë në 24.
Halimi sqaron se reforma civile që hynë sot në fuqi, ndihmon në rritjen e efiçencës së sistemit gjyqësor, duke eleminuar muajt e pritjes për daljen e datës së gjyqit apo zvarritjen me vite në Gjykatën e Apelit dhe Gjykatën e Lartë.
Gjyqtarët do të kenë më pak proçese, ndaj trupat gjykues më fleksibël si dhe kalendari elektronik për proçeset civile do të shkurtojnë kohën e gjykimit për këdo që i drejtohet gjykatës.
“Hyrja e kësaj pakete në fuqi është siguri e shtuar edhe për sistemin bankar i cili do të ketë mundësi të ekzekutojë më shpejt kreditë e këqija, do të mund të kontrollojë on-line se çfarë bën përmbaruesi me çështjen e tyre si dhe të sigurojë kolateralin”- shkruan ai.
“Të dashur miq,
Sot hyn në fuqi paketa civile. Thyejmë tabutë dhe sjellim një traditë të re në fushën civile. Më shumë se 30.000 qytetarë në vit nuk do shkojnë më në gjykatë për të kërkuar dëshminë e trashëgimisë, nuk do të harxhojnë me mijëra lekë për shpenzime gjyqësore dhe afërsisht një muaj kohë, por do të përfitojnë këtë shërbim në pak minuta, nga noteri. Nga nesër qytetarët që kanë fituar një proçes gjyqësor nuk do të detyrohen të shkojnë sërisht në Gjykatë për të filluar një tjetër proçes, atë të lëshimit të urdhërit të ekzekutimit. Gjykime për lëshimin e urdhërit të ekzekutimit nuk do të ketë më.
Qytetarët do të informohen edhe nëpërmjet sms-ve apo e-mail-it për ditën e gjyqit, për çfarë ka ndodhur në seancë dhe do të kenë mundësi monitorimi 24 orë në 24.
Reforma civile që hyn sot në fuqi, ndihmon në rritjen e efiçencës së sistemit gjyqësor duke eleminuar muajt e pritjes për daljen e datës së gjyqit apo zvarritjen me vite në Gjykatën e Apelit dhe Gjykatën e Lartë.
Gjyqtarët do të kenë më pak proçese; ndaj trupat gjykues më fleksibël si dhe kalendari elektronik për proçeset civile do të shkurtojnë kohën e gjykimit për këdo që i drejtohet gjykatës.
Hyrja e kësaj pakete në fuqi ështe siguri e shtuar edhe për sistemin bankar i cili do të ketë mundësi të ekzekutojë më shpejt kreditë e këqija; do të mund të kontrollojë onlinë se çfarë bën përmbaruesi me çështjen e tyre si dhe të sigurojë kolateralin.
E realizuam këtë reformë dhe nga sot çdo shqiptar do të gëzojë frutet e saj. Paketa Civile si të gjitha proçeset transformuese që ndërmorri Ministria e Drejtësisë, u mbështetën nga ekspertë të misioneve të huaja, u përkrahën nga grupet e interesit dhe për to u investua stafi i Ministrisë, një ekip profesionistësh, të cilit i jam mirënjohës për reformat e guximshme të këtyre viteve.”shkruan Halimi
Portraits of Kosovan Culture: Through the Lens of Fahredin Spahija
By: Ermira Babamusta, Ph.D./
New York – The award-winning photographer Fahredin Spahija uses his art of photography as a tool of visual culture and documental photography, to capture human emotions, social attitudes, historical places and people that transcend present time. His brilliant photography is powerful, inspiring and shows how diverse the Albanians are – from a traditional artist in Kosova performing during a dance show, to the interactions of the young people with their playful innocence, to the memories of the older generation. Fahredin Spahija features breathtaking and moving images that allow for a deeper perspective into the identity and the way of life of Albanians in Kosova.
Spahija’s striking images beautifully portray the culture and character of Albanians, who are fascinating to meet and get to know as people. One can easily immerse into the Albanian culture and feel welcome and accepted right away. What attracts others to the Albanian society is the friendliness, the caring and the honor moral code (Besa), which allow for respect, open-minded attitudes and a friendly atmosphere.
As the eyes of the world turn to the nascent state of Kosova, Fahredin Spahija offers a great opportunity to discover and explore the country’s cultural aspects: art, interactions, perceptions, generational gap, with stories of past, pain, spirituality, love, happiness and realities woven into the fabric of everyday life.
This year, along with thousands of professional photographers from around the world, Fahredin Spahija has entered the 2013 “One Life” International Photography Competition. The contest features images for the category “Great Photography Tells Stories”. The judges review the submissions and the winners are selected by the readers by voting via social networks (Facebook/Twitter). The winners are awarded a feature publication in the issue of PDN Magazine, a personal gallery exhibition in New York City and over $75,000 in awards.
Fahredin Spahija’s entry in the One Life contest is titled “Missing People!”. The collection features images of mothers and family members in search of their loved ones post the Albanian genocide committed by the Serbian forces.
“During the last war in Kosovo, the Serbian aggression has caused irreparable damages. But most painful damage is the 3000 people’s disappearance as a result of ethnic genocide against Albanian in Kosovo. A large number of them, today, after 14 years, have not been resolved yet and this exacerbates the situation even more. This is really difficult situation especially for the families of missing but also for the rest of nation. A part of my photographic art I have devoted to this painful and tragic theme, by realizing the photographic project ‘Missing’,” said Fahredin Spahija.
The extreme brutality during the Kosova Genocide and anguish for the missing people is witnessed by Albanian men, women and children. Today thousands of Kosovar Albanians remain missing, never to return home. The fate of the victims and the silence of the missing persons still haunts many families.
August 30, 2013 marks the “International Day of the Disappeared”. Fahredin Spahija remembers the missing and brings public awareness to the Kosovar tragedy. The compelling stories and the deeply disturbing experiences of the Kosova war draw attention to human rights violations that need to be addressed and expose a deeper psychological trauma from the decade-long nightmare. Each image in Spahija’s “Missing People!” collection is a witness to crimes against humanity and a reminder of the incomprehensive inhumanity towards the Kosovar Albanians: the mass slaughter, the empty grave sites, the mass rape of women, the inexplicable imprisonment and assassinations. The question of human rights and justice for Kosovar Albanians remains unresolved!
To view Fahredin Spahija’s “Missing” collection please visit: https://fahredinspahija.see.
ING. GËGË SOKOLIN, KURRË NUK E MBULON “PLUHURI” I HARRESËS!…
Fatosi i shkencave mjedisore shqiptare”, e vlerëson atë kolegu i tij, Illo Foto/
Nga: Prof. Murat Gecaj/
1.
Si tani, më kujtohet ajo ditë e paharruar e fillimit të shtatorit, në vitin 1991. Një lajm shumë i dhimbshëm e tronditës erdhi në familjen e kolegut dhe mikut shumë të dashur Gegë Sokoli, në kryeqytet. Me bashkëkrahinasin, prof. Kolë Tahiri, shpejtuam për në shtëpinë e tij. Aty gjetëm në pikëllim të thellë bashkëshorten, Marijen dhe katër djemtë e tij të vegjël. Sigurisht, nuk kishte fjalë ngushëlluese për ta, pasi ishte ndarë përgjithnjë nga jeta, në mënyrë tragjike, kryefamiljari i tyre. Para se të shkonte në vendlindjen e tij, për ta festuar natën e shenjtë të festës së Zojës të Mërturit, kishim bërë vizita të ndërsjellta familjare, në shtëpitë tona, të lagjes nr.4 të Tiranës. Me një parandjenjë të keqe, e këshilluam atë miqësisht që të mos e bënte atë udhëtim. Por ai nuk u bind, se donte të takonte njeriun më të dashur të tij, Nënën, e cila përmblidhte për të, të gjitha kujtimet e fëmijërisë dhe të jetës plot brenga e vështirësi. Por nuk e besonte kurrë, se kështu po shkonte drejt fundit të jetës së tij, ende të re!?…
Ajo natë, pas atij lajmi të kobshëm, kaloi për të gjithë me dhimbje të patreguar e lotë të nxehtë. Ndërsa të nesërmen në mëngjes e sollën trupin e pajetë të tij, një grup malësorësh nga krahina e tij. Isha i pranishëm, kur ia hoqëm rrobat e gjakosura dhe i pamë shumë plagë të hapura në trupin e Gegës së pafajshëm, me thika të mprehta. Ndoshta, ishte viktima e parë e kanunit të vjetër, në agun e Demokracisë në Shqipëri. Atij iu bënë nderimet, që meritonte dhe e dërguam të prehej përjetësisht në banesën e tij të fundit. Por nuk u mbulua me dhe kujtimi I jetës dhe veprimtarisë së tij, atdhetare e profesionale, me gjurmë të pashlyera te familjarët, kolegët e miqtë, studentët e gjithë të njohurit e panumërt, të cilët e deshën dhe e respektuan aq shumë.
2.
Jo rastësisht ose jo sa për “formalitet”, ia vura titullin këtij shkrimi, se ing.Gegë Sokolin nuk e mbulon kurrë “pluhuri” i harresës. Po vërtet, është kështu, pasi ai la gjurmë të pashlyera, me punën dhe jetën e tij të shkurtër, jo vetëm te familjarët, por dhe te kolëgë e miq të shumtë, te bashkëkrahinasit e vet dhe më gjerë.
Para një viti, m’u dha rasti ta sillnim përsëri në kujtesë Gegën, bashkë me kolegun publicist e shkrimtar, Fiqiri Shahinllari, nga Floqi i Korçës dhe tani me banim familjarisht në Virxhinia të SHBA-ve. Ai më këshilloi të kërkoja ndonjë të dhënë për bashkëkrahinasin tim, nga specialisti i njohur I bujqësisë, Illo Fotos, i cili tani jeton në qytetin Boston. Ja, një pjesë nga mesazhi im:
“I nderuar z. Illo Foto, përshëndetje nga Tirana! Sot, në festën e 1 majit 2012, sapo hapa kompjuterin, gjeta një shënim tuajin, i cili më empocionoi e më përmalloi. Ai fliste për mikun tim shumë të dashur, por dhe të familjes sonë, Gegë Sokolin. Nuk po zgjatem këtu, por kur ai u shkëput nga jeta tragjikisht, pra në atë kohë, jam marrë unë, me ndonjë koleg, me ceremoninë e përcjelljes, pasi kishte vetëm gruan dhe katër fëmijë të vegjël. Më kanë thënë se tani ata jetojnë në Nju Jork dhe nuk kam arritur t’ua gjej e-mailin, por as adresën e tyre!…Prandaj, nëqoftëse është e mundur, kam dëshirë të më dërgoni ndonjë shënim ose kujtim tuajin për të”.
Me dashamirësi dhe respekt të veçantë për Gegën, ndër të tjera, ai m’u përgjigj me këto radhë, për të cilat edhe tani e falënderoj nga zemra:
“I nderuar Zotëri Murat! Quhem Illo Foto, specalist bujqësie, tani pensionist dhe mik i Fiqri Shahinllarit.Unë shkruaj libra bujqësore dhe Fiqo ka hartuar për to një studim vlerësus , prej 26 faqesh….Para pak ditësh, Fiqo , duke rilexuar librin tim, “Fshatarësia e tradhëtuar ” , i kishte tërhequr vëmendjen portreti i ing.Gegë Sokolit, për të cilin flitet në faqen 140, të librit në fjalë. Ai me tregoi, se i ndjeri ishte miku juaj familjar dhe më porositi t’ua bëja një përkujtimore , për të ndjerin dhe të paharruarin , ing.Gegë Sokoli .
Atë e kam takuar për çështje pune dhe më tërhoqi vëmëndjen, se kisha të bëja me një specalist elitar dhe njeri me zemër të madhe . Këto ndjesi i hodha në libër, pas 25 vjetësh, kur shkrova librin tim. Aty, mbasi përshkuaj disa dukuri të pylltarisë moderne të kohës , shprehem tekstualisht :
Është koha të pershkruaj një fatos të plejadës së inxhinjerëve pyjorë, specialistin e telantuar dhe të përkushtuar, tropojanin Gegë Sokoli. Ishte model i modestisë dhe i viryteve njerëzore. Por ai u bë pre e egërsisë kanunore të gjakmarrjes , kur ishte në kulmin e energjive shkencore dhe profesionale . Gjakmarrja ia ndërpreu jetën fizike, por veprimtaria e tij është e materializuar në krejt natyrën shqiptare .
Mandej, vijoja të shkruaja, se si e takova ing.Gegën, problemin që diskutuam bashkë dhe që i dha zgjidhje të menjëhershme. Fryt i këtij bisedimi, ishte ngritja e një ndermarrjeje për rritjen e dhive, e cila e kishte qendrën në Vaqarr të Tiranës dhe ishte shumë rentabile. Flas, për konceptet praktike ekonomike -shkencore , që shprehte ky shqiptar i ditur . Po aty, unë vijoja:
Për të arritur në këtë përfundim logjik , njeriut i duhet një jetë e tërë, me kërkime, eksperimentime, humultime. Por jo Gegës, sepse ai ishte i pasionuar pas natyres. Ishte brumi i saj. Pra, për të tilla figura, kanuni duhej të bënte përjashtim. Se, kur vret shkencëtarin, hyn në gjak me Kombin” .
Këto radhë i kam shkruar në vitin 1998 dhe më vonë për Gegën nuk kam shkruar më…Por nuk e kam quajtur të mbyllur përshkrimin e veprimtarisë së këtij fatosi të shkencave mjedisore shqiptare”.
Për të paharruarin ing. Gegë Sokoli është shkruar edhe më pare, në shtyp e në Internet. Për të kanë shprehur mendime dhe ndjenja të bukura mjaft njerëz. Në një libër ka shkruar edhe ing.Sami Leka, me titullin: “Nuk vritej Gega, veç forca e zakonit kanunor”. Ndër të tjera, plot domethënie, ai shprehet kështu:
“Kudo, me profesionalizëm dhe vizion tekniko-shkencor. Nuk e pranuan menjëherë idenë e tij, se shkaku i dështimeve të pyllëzimeve në zonën e Ragamit ishte prania e kripërave magneziale. Por, kur Instituti i Studimit të Tokave mundësoi analizën e tyre, pohimi i këtij inxhinieri mbeti i pakontestueshëm”.
Ndërsa po riprodhojmë edhe fjalët e njerit prej bashkëkrahinasve të Gegës, pra të Nikë Kolëpreçajt. Ai kujton:
“Gegë Sokolin e kam njohur në shkollën e mesme, në Shkodër, ku ishim nxënës që të dy, ai në gjimnaz dhe unë në pedagogjike. Qe i shkëlqyeshëm në mësime, në shoqëri dhe më vonë po i tillë në punë. Ai rreshtohet në vargun e krenarisë së Nikaj-Mërturit, si person i talentuar. Respektet për figurën e tij do t’i ruajmë përgjithmonë”.
3.
Gega lindi në fshatin Brisë, rrëzë Alpeve të Shqipërisë, në vitin 1939, në një familje të thjeshtë e me tradita atdhetare. Fati i tij i keq ishte, se mbeti jetim pa baba, pasi atë e vranë në periudhën e pushtimit fashist, kur donte të largohej nga burgu i Shkodrës. Në këto kushte, në vitin 1947, Gega e vazhdoi jetën në shtëpinë e fëmijës, në Xhan e në Theth të Dukagjinit të Shkodrës. Më tej, shkollimin e vijoi në këtë qytet, ku përfundoi shkollën e mesme, me nota shumë të mira. Pasioni i parë i tij ishte shahu, gjë që e bëri të njohur dhe prandaj luajti në kampionatin e kategorisë së parë. Në vitin 1960, e dërguan për studime të larta në Rumani, ku vazhdoi për inxhinier pyjesh. Por, me ndërprejen e marrëdhënieve ndërmjet të dyja vendeve tona, i vijoi dhe i përfundoi studimet, në vitin 1965, në Institutin e Lartë Bujqësor të Tiranës (sot Universiteti Bujqësor).
Më tej, me pasion dhe përkushtim, Gegë Sokoli e filloi detyrën e tij në Fushë-Arrëz të Pukës dhe më pas ishte kryeinxhinier në Shëmri të Kukësit. Ndërsa në vitin 1970 e emëruan drejtor të Ndërmarrjes Pyjore të Tropojës. Tashmë, me një përvojë të gjatë pune dhe aftësi të larta profesionale, e caktuan pedagog në Fakultetin e Pyjeve të ILB të Tiranës. Fjala e tij në auditor ishte me peshë të veçantë për studentët e tij, sepse u sillte atyre praktikën e gjallë të jetës, të cilën e kishte marrë në vitet e mëparshme.
Sidomos, gjatë kohës së punës së tij në rrethet e Veriut të Shqipërisë, ra në sy zelli e përkushtimi i tij për njohjen, rritjen dhe ruajtjen e drurëve pyjorë, duke i shtuar kështu mjaft hapësirat e gjelbërta. Kolegët e tij të punës, si dhe të gjithë specialistët e pyjeve, por dhe njerëz të tjerë, që e njohën nga afër, e mbajnë mend atë intelektual të ditur e të urtë, dashamirës me të gjithë dhe që i peshonin kudo rëndë, fjala e mendimi i shprehur.
Janë këto cilësi e të tjera, të cilat i përmendëm shkurt më lart, që emri i dashur i këtij biri të Nikaj-Mërturit dhe gjithë Malësisë së Gjakovës (Tropojë) të mbetet përherë i paharruar dhe të kujtohet me respekt të merituar, nga të gjithë punonjësit e sektorit të pyjeve, nga studentët e kësaj dege me rëndësi për ekonominë tonë kombëtare dhe tërë ata, që e kanë njohur. Prandaj, përmbledhurazi themi, se ka qenë plotësisht i drejtë vendimi, me të cilin ing. Gegë Sokoli është shpallur “Nderi i Shoqatës Nikaj-Mërtur”. Por emri i tij ka mbetur i skalitur edhe në çifteli, vegël karakteristike e vendlindjes së tij, me fjalët e zemrës së dy këngëve, të hartuara nga rapsodë të njohur popullorë.(Ne Foto: Ing.Gegë Sokoli (1939-1991)
Tiranë, 1 shtator 2013
- « Previous Page
- 1
- …
- 60
- 61
- 62