Archives for March 2016

SHBA: Arrestohet policja shqiptare dhe motra e saj, trafikonin drogë

March 20, 2016 by dgreca

Dy motra shqiptare që jetojnë në SHBA akuzohen për trafik droge. Ndërsa ato kanë dalë para gjykatës, mësohet se njëra prej tyre një ditë në javë punonte si oficere rezervë e policisë amerikane.Jonida, 28 vjeçe dhe Denisa Aliçka, 26 vjeçe, u arrestuan të martën pasi policia kontrolloi apartamentet e tyre.

Sipas gjykatëses çështja dy motrat nuk janë organizatoret e trafikut të drogës por pjesëmarrëse.

Në gjykatë u ilustrua jeta luksoze e tyre, e cila përfshin apartamente të shtrenjta, udhëtime luksi në Maimi dhe Los Angeles si dhe makina të shtrenjta. Prokurorja e përshkroi jetën e tyre si “ekstravagante”

Agjenti special i FBI-së, David Gardner dëshmoi se të dy motrat ishin pjesë e trafikimit të 20 kg MDMA dhe marijuanë nga Kanadaja në Cleverland. Nga shitja e drogës MDMA ato kanë fituar mesatarisht 40 dollarë për kg.

Autoritetet amerikane kanë hetuar çështjen që prej shtatorit dhe kanë bashkëpunuar me dëshmitarë dhe kanë përgjuar telefonata.

Mes të akuzuarve është dhe Rinald Turhani, i dashuri i Denisa Aliçkës dhe biznesmeni Leka Konini, të cilët janë arrestuar.

Nëse dy motrat do të shpallen fajtore, ato rrezikojnë të paktën 10 vite burg. Motrat Aliçka kanë lindur në Shqipëri dhe kanë emigruar në SHBA në vitin 2000.

Në gjyq ishte i pranishëm dhe i dashuri i Jonida Aliçkës, Stephen Vozar, i dënuar për trafik kokaine. Jonida gjatë seancës dëgjimore qëndroi me kokë ulur.

Ajo punonte një ditë në javë si oficere rezervë e Policisë në Linndale. Agjenci i FBI-së tha se ajo ka bërë disa marrëveshje për trafikimin e drogës gjatë kohës që mbante veshur uniformën e policisë. Ajo u pushua pas arrestimit.

Motrat Aliçka dhe bashkëpunëtorët e tyre kërcënonin dhe intimidonin njerëzit të cilëve u shisni drogë. Madje Turhani ka rrahur një person për shkak të borxhit që i kishte. Ai e godit aq shumë me grusht në fytyrë shpërndarësin e drogës sa që dhëmbi i doli përtej buzës.

Të dy motrat bënin një jetë luksoze dhe blinin bileta udhëtimi të minutës së fundit kur çmimi i tyre është mjaft i shtrenjtë. Denisa Aliçka çdo muaj paguante qira për apartamentin e saj 1 235 dollarë.

Turhani, Konin dhe Denisa Aliçka u arrestuan në dhjetor pasi policia e Los Angeles kapi Koninin me një çantë me rreth 10 kg MDMA.

Turhani, Konini dhe Denisa Aliçka u arrestuan fillimisht në dhjetor pasi Konini u kap me 10 kg MDMA, por akuzat u tërhoqën ndërsa hetimet vazhduan.

Pjesë e hetimeve është dhe ish-i dashuri i Jonida Aliçkës, Fabian Mihaj. Ai besohet se ndodhet në Toronto dhe dyshohet si i përfshirë në trafikun e drogës./B.S/

Djali i Shaban Polluzhes, Ramadani, u varros me nderime ushtarake

March 20, 2016 by dgreca

Është varrosur në Polluzhë, Ramadan Polluzha, djali i fundit i heroit Shaban Polluzha. Ramadani ndërroi jetë në moshën 88 vjeçare. Varrimi i të ndjerit u bë në varrezat e fshatit Polluzhë me nderime ushtarake nga Forca e Sigurisë së Kosovës dhe në praninë e një numri të madh të qytetarëve të Drenicës. Pjesëmarrësit që erdhën nga Sanxhaku i Novi Pazarit për ta nderuar familjen dhe të ndjerin e kanë bërë varrimin edhe më madhështor.

Në mbledhjen komemorative të mbajtur në oborrin e shkollës, e cila mban emrin e heroit Shaban Polluzha, para të pranishmëve folën udhëheqësit komunal dhe personalitete shkencore e akademike nga Kosova dhe Shqipëria.

Fjala lamtumirëse e Sulejman Uglaninit liderit të Sanxhakut i cili i priu delegacionit prej 30 anëtarëve, ngjalli emocione të papërshkrueshme. Në mes të tjerash Uglanin tha: “Kemi ardhur sot te vllaznit tanë, këtu në Drenicë, në emën të popullit të Sanxhakut, te familja e Shaban Polluzhës, te familja e atij burri i cili me ushtrinë e vet erdhi që ta mbronte popullin tonë nga shfarosja çetnike. Ne ia kemi borxh kësaj familje falënderimin për kontributin të cilin e ka dhënë mixha Shaban, i cili flijoi edhe familjen e tij për ta shpëtuar popullin tonë nga shfarosja. Një delegacion i yni dhe të rinjtë tanë patën fatin që axhen Ramdan ta vizitojnë para dhjetë ditëve sa ishte ende gjallë dhe ky fakt na benë të lumtur dhe krenar. Sot jemi këtu ta nderojmë për herë të fundit dhe Zoti ju lasht shnosh’. Në fund të fjalimit Uglanin shtoi:”Me këtë rast dua të shpresoj se ardhja e jonë sot këtu do ti shërbej ngritjes së përafrimit dhe vazhdimit të bashkëpunimit tone vëllazërore, si dikur kur ishim në kohërat më të vështira”.

Në moshën 17 vjeçare Ramadan Polluzha i ishte bashkangjitur babait të tij, Shabanit, në Brigadën e Drenicës, në të cilën ai ishte komandat deri në rënien e tij më 22 shkurt të vitit 1945. Ramadani e mbajti amanetin që ia kishte dhënë e babës dhe nuk lejoi që kufoma të binte në duart e armikut. Ramadani ka qenë njëri nga 4 djemtë dhe 7 vajzat e Shaban Polluzhës.

His Royal Highness meets families of missing persons before Their Royal Highnesses lay flowers at the Memorial to Missing Persons in Pristina

March 19, 2016 by dgreca

* Madhëria e tij Mbretërore takohet me familjet e personave të zhdukur para se Madhëritë e tyre Mbretërore të vendosin lule në Memorialin e Personave të Zhdukur në Prishtinë /

Prishtine- Saturday 19 March, 2016/

Today His Royal Highness the Prince of Wales attended a round table discussion on the plight of those missing since the war. The discussion with the family representatives of missing persons was chaired by Mr. Prenkë Gjetaj, the Head of the Government Commission on Missing Persons. Mr Gjetaj introduced the Prince to relatives of missing people who spoke of their continued pain at not knowing the fate of their loved ones and of their efforts to find them. Also present at the meeting were representatives from EULEX Department of Forensic Medicine, the International Committee of the Red Cross and the International Commission for Missing Persons. They spoke about the support they offer to the Government of Kosovo and to the families and associations of missing persons.

After the meeting, Their Royal Highnesses joined President Atifete Jahjaga and Mr Gjetaj at the Memorial to the Missing in Ibrahim Rugova Square for a ceremony to commemorate those who are still missing. Eight children representing the eight communities of Kosovo lay white roses at the memorial. Their Royal Highnesses, the President and Mr Gjetaj each then lay a bouquet of eight white roses. Their Royal Highnesses also lay a note at the memorial which read: ‘In our thoughts and prayers’.

Afterwards Their Royal Highnesses spoke to more family members of missing persons who were gathered at the Memorial for the ceremony.

Mr Prenkë Getaj, Head of the Government Commission on Missing Persons, said:

‘Today the Prince of Wales heard the stories of missing people told by family members who come from different regions and communities of Kosovo. They each had their own story but they shared the same trauma and pain. The conversations we had today highlighted the fact that only by working together will we be able to heal the wounds of the past.’

Background for Media:

By the end of the war in Kosovo in June 1999, it was estimated that 4,400 to 4,500 persons were missing. Today, 1,668 remain still unaccounted for. Amongst the persons still missing: 261 are female and 1,407 male; 135 of them were under the age of 18, and 331 were over 65 years old. From the ones still missing, it is estimated that 1117 are of Albanian origin, 415 are Serbs, and 136 are from other Kosovo ethnic communities.

It is widely believed that many of those missing were killed, and their remains incincerated at: Obiliq power station, at ‘Trepca’ mines, ‘Ferronickel’ factory in Kosovo, or ‘Mackatica’ and ‘Bor’ in Serbia. Victims were also thrown into lakes and rivers.

Most of the cases resolved so far, over 2,700 people were found in illegal individual and mass graves, and after identification – mainly through the analysis of DNA – were returned for reburial to the families. In the territory of Serbia (in four mass graves found so far) the remains of 902 persons were exhumed and repatriated to Kosovo.

Last year, through project funding, the British Embassy Pristina supported excavations in Raska (Serbia) which resulted in the recovery of 53 human remains of ethnic Albanians. In the past, we have also supported the establishment of the Histology and Toxicology Laboratories and have trained Kosovo staff who now works at the Forensic Department.

Madhëria e tij Mbretërore takohet me familjet e personave të zhdukur para se Madhëritë e tyre Mbretërore të vendosin lule në Memorialin e Personave të Zhdukur në Prishtinë /

Sot, Madhëria e tij Mbretërore Princi i Uellsit mori pjesë në diskutim në një tryezë të rrumbullakët mbi gjendjen e të zhdukurve nga lufta. Diskutimi me përfaqësuesit e familjeve të personave të zhdukur u kryesua nga z. Prenkë Gjetaj, Kryesuesi i Komisionit Qeveritar për Persona të Zhdukur.

Gjetaj njoftoi princin me të afërmit e personave të zhdukur të cilët flisnin për dhimbjen e tyre të vazhdueshme duke mos ditur për fatin e të dashurve të tyre, si dhe për përpjekjet e tyre për t’i gjetur ata.

Të pranishëm në këtë takim ishin edhe përfaqësues nga Departamenti i Mjekësisë Ligjore të EULEX-it, Komiteti Ndërkombëtar i Kryqit të Kuq dhe Komisioni Ndërkombëtar për Personat e Pagjetur. Ata folën në lidhje me mbështetjen që ofrojnë për Qeverinë e Kosovës dhe për familjet dhe shoqatat e personave të zhdukur.

Pas takimit, Madhëria e tij Mbretërore iu bashkëngjitë Presidentes znj. Atifete Jahjaga dhe z. Gjetaj në Memorialin e Personave të Zhdukur në Sheshin Ibrahim Rugova për një ceremoni për t’i kujtuar ata që janë ende të pagjetur. Tetë fëmijë që përfaqësonin tetë komunitete të Kosovës vendosën lule të bardha në memorial. Madhëria e tij Mbretërore, Presidentja dhe z. Gjetaj pastaj vendosën nga një buqetë me tetë trëndafila të bardhë. Madhëritë e tyre Mbretërore vendosën edhe një shënim në memorial i cili thotë: ‘Në mendimet dhe lutjet tona’.

Më pas Madhëria e tij Mbretërore foli me anëtarë të tjerë të familjes të personave të zhdukur të cilët ishin mbledhur në Memorial për ceremoninë.

Prenkë Gjetaj, Kryetar i Komisionit Qeveritar për Persona të Zhdukur, tha:

‘Sot Princi i Uellsit dëgjoi tregimet e njerëzve të zhdukur të treguar nga anëtarët e familjeve që vijnë nga rajonet dhe komunitetet e ndryshme të Kosovës. Secili kishte historinë e vet, por ata ndanin të njëjtën traumë dhe dhimbje. Bisedat që kemi pasur sot tregojnë faktin se vetëm duke punuar së bashku do të jemi në gjendje t’i shërojmë plagët e së kaluarës’.

Konteksti për Media:

Deri në fund të luftës në Kosovë në qershor të vitit 1999, është vlerësuar se rreth 4,400 deri në 4,500 persona janë të zhdukur. Sot, 1668 persona mbeten ende të pagjetur. Në mesin e personave të zhdukur: 261 janë femra dhe 1407 meshkuj; 135 prej tyre kanë qenë nën moshën 18 vjeçare, dhe 331 ishin mbi 65 vjeçare. Nga ata që janë ende të pagjetur, është llogaritur se 1.117 janë me origjinë shqiptare, 415 janë serbë, dhe 136 janë nga komunitetet e tjera të Kosovës.

Besohet gjerësisht se shumë prej atyre që figurojnë të zhdukur janë vrarë, dhe mbetjet e tyre janë djegur në termocentralin e Obiliqit, minierat e ‘Trepçës’, fabrikën e ‘Ferronikelit’ në Kosovë, ose ‘Mackatica’ dhe ‘Bor’ në Serbi. Viktimat gjithashtu u hodhën edhe në liqene dhe lumenj.

Shumica e rasteve të zgjidhura deri më tani, më shumë se 2700 persona janë gjetur në varreza të paligjshme individuale dhe masive, dhe pas identifikimit – kryesisht përmes analizës së ADN-së – janë kthyer për rivarrosje tek familjet e tyre. Në territorin e Serbisë (në katër varreza masive të gjetura deri më tani) eshtrat e 902 personave janë zhvarrosur dhe riatdhesuar në Kosovë.

Vitin e kaluar përmes financimit të projektit, Ambasada e Britanisë së Madhe në Prishtinë ka përkrahur gërmimet në Rashkë (Serbi) të cilat rezultuan me gjetjen e 53 mbetjeve mortore të shqiptarëve. Në të kaluarën, ne gjithashtu kemi mbështetur edhe krijimin e Laboratorëve të Histologjisë dhe Toksikologjisë dhe kemi trajnuar stafin e Kosovës i cili tani punon në Departamentin e Mjekësisë Ligjore.

NEW YORK, LULE PER MITHAT FRASHERIN NE PERVJETORIN E LINDJES

March 19, 2016 by dgreca

Nga Dalip Greca/

WESTCHESTER, FERNCLIFF, NY: Mithat Frashëri u lind në Janinë me 25 Mars 1880 dhe ndërroi jetë me 3 tetor 1949 në New York në rrethana të mistershme, ku nuk mungojnë tezat e helmimit, pavarësisht se diagnoza mjeksore ka shënuar attak kardiak. Varrimi i Apostullit të shqiptarizmës u bë 9 ditë pas vdekjes, cfarë e shton më shumë mjegullën rreth personalitetit më të spikatur të nacionalizmit shqiptar dhe eleiminimit te tij.

Një grup patriotësh me në krye ish të përndjekurin politik, që kaloi rininë e tij në burgjet e diktaturës, Pëllumb Lamaj, për gati një dekadë e nderojnë udhëheqësin e Ballit Kombëtar në cdo përvjetor Lindjeje dhe e përkujtojnë me veprimtari edhe në përvjetorin e vdekjes ne Ferncliff Cemetery, ne Westchester County, New York, ku prehet prej 67 vitesh eshtrat e te ndjerit .

Edhe sot, e Shtunë 19 Mars, Pëllumb Lamaj dhe bashkëvuajtësit Fatmir Muja së bashku me djalin Ilirin, Edmond Sejko, Eduard M. Dilo, Ilir Hysa shkuan tek varri i kryeatdhetarit Mithat Frashëri që ende i qëndrojnë eshtrat në tokën amerikane, larg vendlindjes, dhe vendosën kurorë me lule, buqeta me karafila dhe flamurin kuq e zi së bashku me atë amerikan në krah, si dhe një banderolë për Apostullin dhe Shqipërinë Etnike. Në këtë përkujtim ishte edhe dr. Skënder Murtezani, Kryetar i degës së Vatrës në Queens dhe anëtar i Kryesisë së Vatrës. Në krye të degës së Vatrës në Queens dr. Murtezani ka zhvilluar disa veprimtari në nderim të Mithat Frashërit, si një simpozium shkencor me kumtesa si dhe një përkujtimore në Hotelin ku ndërroi jetë presonaliteti i Shquar Mithat Frashëri.

Në veprimtari ishin të ftuar dhe morën pjesë edhe gazetarët Robert Papa i TV FOKUS dhe Editori i Diellit Dalip Greca.

Në fjalën e tij z. Pëllumb Lamaj, evokoi jetën dhe veprën prej patrioti të pastër të Mithat Frashërit, sakrificat e tij si shërbestar i Kombit, kontributin e madh në Kulturën shqiptare, shërbimi ndaj popullit shqiptar, ku ndricon roli i avokatit të madh në mbrojtje të popullsisë Came, kontributi ne ngjarjet e Pavaresise, ku mbajti post Ministri, i pari që dha dorëheqje; lufta kundër Komunizmit dhe themelimi i Ballit Kombëtar dhe më pas përzgjedhja e tij në krye të Komitetit Shqipëria e lirë, e para qeveri serioze në mërgim pas Luftës së Dytë Botërore.’.

Lamaj përsëriti dhe një herë mesazhin që ai ka dërguar në cdo përvjetor të tillë Kombit dhe Shtetit shqiptar për kthimin e eshtrave në Atdhe pranë Abdylit, Naimit dhe Samiut, edhe pse nuk ka besim tek klasa politike e Shqipërisë, e cila duket se ende nuk është kthyer realisht nga vlerësimi i figurave Kombëtare. Kthimi i eshtrave të Mithat Frashërit në Shqipëri i bën nder Kombit. Ai denoncoi heshtjen e Historiografise qe vazhdon ta anashkaloje kete figure te ndritur Kombetare.

Lamaj e ka përjetësuar figurën e MITHAT Frasherin ne nje dokumentar, qe vazhdon te terheqe vemendjen e shqiptareve.

Më pas, Pëllumb Lamaj, ka nxjerrë një fletë Letre, ku ka të shkruara me një kaligrafi të pastër, vargje shpirti të poetit Kudret Kokoshi. Këto vargje, spjegon Pëllumbi, u shkruan atë natë, kur në burgun e Burrelit mbërriti lajmi i vdekjes së Apostullit të Shqiptarizmit Mithat Frashëri.

Ja vargjet e kudret Kokoshit:

Në dhe’ të huaj larg shqipes me gjak lyer

Që Ti me ankth aq shumë e dashurove

Në dhe’ të huaj prej fatit të zi ndërkryer

Atdheut të vuajtur jetën i dhurove.

Baba i Kombit ndër beteja plakur

Ti zemrat tona me ideal i ngrohe

Rrugën e jetës tonë përflakur

Hyjnor, promethe’ ti na e ndricove.

Ndër male e fusha nga veriu në lindje

Gjëmon jehona e thirrjes shpëtimtare

Vrapo, vrapo Shqipëri për në Rilindje

Thërret Mithati : Shqipëria e Shqiptarëve

KUDRET KOKOSHI

Burgu i Burrelit, Tetor 1949…

Eduard M Dilo, tha se:”Na ka mbledhur sot këtu përkujtimi i Mithat Frashërit(Nderi i Kombit), këtij Titani të shqiptarizmës, që lindi, u rrit dhe mbylli sytë vetëm me dashuri të pakufi si rrallë kush për Shqipërinë Etnike. Është në nderin e secilit që në deje i rrjedh gjak i pastër shqiptar, të përulet me respekt të thellë karshi këtij Patrioti të papërsëritshëm. Kjo është”Fytyra e vërtetë e Kombit” se u lind në të u rrit e u ushqye vetëm me dashuri për Shqipërinë Etnike. Ai me veprën dhe veprimtarinë thellsisht Kombëtare u bë figura qëndrore deri në frymën e fundit. Pseudoshqiptarët e cdo ngjyre i tmerron figura e pastër e tij ndaj edhe pse është”Nderi i kombit” i është mohuar plotësimi i Testamentit të Tij.

Mithat Frashëri ka frymëzuar, frymëzon dhe do të frymëzojë kurdoherë gjithë ata që përpiqen për kauzën kombëtare.

I paharruar Kujtimi i Tij!

Edhe pedagogu Ilir Hysa ka folë dhe ka vlerësuar figurën dhe veprën e Mithat Frashërit, duke apeluar që shteti shqiptar të vlerësojë realisht duke ia kthyer eshtrat në Atdhe, për të cilin ai luftoi deri në castet e fundit të jetës së Tij.

Dr. Skënder Murtezani, u ndal në momentet kyce të jetës së Mithat Frashërit dhe tha se që në fëmijëri ai ishte frymëzuar nga madhështia e figures se Tij. Mithat Frasheri eshte kolosi I fundit i Frasherlijve, tha ai. Sa me shume lexon per veprimtarine e tij aq me shum e dashuron kete figure te pakrahasushme, te ketij punetori pa interes per Shqiperine dhe interesin kombetar. Në të u dëshmua nje figure e shkëlqyshme e një demokrati të avancuar, diplomati vizionar dhe patriot, që kur nuk lejoi të shuhej cështja e Shqipërise se dëmtuar.

Murtezani tha se Mithat Frashëri ishte njeri i pajtimit kudo qe i viheshte flaka vëllazërimit Shqiptar ay me autoritetin dhe fjalet e tij dinte si ta shuan. Rasti i problemit mes anetareve te shoqates se Manastirit me 1906 e autoriteti dhe besimi ne kete patriot beri qe punet te vazhdojne pa shqetësime.

Ne qeverine e pare Shqiptare te Ismail Qemalit zgjidhet Minister i Puneve Botore, pas disa muajve eshtë ministri i pare shqiptar qe jep doreheqje, ky moment mund te debatohet, mendimi esht se ai beri kerkese qe luftëtarët Shqipetar te perdorur nga shtetet e ndryshme ne luften ballkanike të mos ktheheshin ne Vlore ,po te qendronin që të mbronin Janinen shqiptare.

Ishte Mithat Frasheri qe ua tha hapur dhe publikisht patriotve dhe diplomateve Shqiptar se Europa nuk ndihmon interesin Shqiptar, se ajo e ka prioritet dhe ushqen interesin Sllav dhe Grek. Ky instikt e drejtoj ne kahje te shkelqyshme diplomatike; ne vitin 1914 fillon korrespondencen me Presidentin Wilson. Kjo korespondence e viteve 1914-15 ishte e sukseshme, sepse Zotri Mithat Frasheri perforcoj principet e presidentit Wilson ne mbrojtjen e popujve te rrezikuar, presidentit Wilson mbrojti Shqiperine mbrojti egzistencën e atdheut tone.

Dergimi i Prememorjes ne tubimin ku do te formohej mbreteria e Serbeve-Sllovenve-Kroatve, është një akt pjekurie i atdhetarit të dorës së pare, Mithat Frashëri . Me nje gjuhe diplomatike ua terhoqi verejtjen: nese fillojne nje shtet duke zaptuar trojet Shqiptare Ballkani kurrë nuk do jete i qetë.

Jeta e tij diplomatike ka vazhduar njeherit si keshilltar per pune te jashtme ne qeverine e Princ Vidi-t, pastaj konsull ne Beograd dhe Athine. Ne vitin 1920 duke bashkëpunuar me Federatën Panshqiptare të Amerikës VATRA, shpetoi qeverine e Kongresit të Lushnjes nga kolapsi financiar udheton per ne Amerike ku e prêt zotri Mehmet Konica. Autoriteti i Mithat Frasherit pastertia e tij patriotike dhe personale ne qarqet patriotike Shqipetare, ndihmon qe ky projekt i perbashket me Vatren ne mbledhjen e ndihmave per shtetin Shqipetar te rezultoi ne mbledhjen e 198 mijë dollareve.

Pasi dorezon parate ne atdhe delegohet nga Vatra per pun diplomatike ne Zvicer.

Ne mesin e viteve 20-ta terhiqet nga politika por jo nga puna atdhetare . Krijon Librarine “Lumo Skendo”. Numri I librave per pak i tejkaloj 40 mije. Ajo ishte librari e hapur per nxenes dhe student si dhe per publikun.

Mithat Frasheri, tha dr. Murtezani, punoi me perkushtim te vecante ne dokumentimin e vazhdimsise se qytetrimit shqiptar prej te Marin Barletti deri ne kohen e tij. Mid’hat Frashëri, ashtu si Syrja Vlora, si një nga historianët e parë të Perandorisë Osmane dhe të Shqipërisë, i panjohur deri tani për këtë ndihmesë të tij, do t’i shikonin dhe analizonin se bashku dokumentet, si një burim të rëndësishëm për të ndërtuar një urë ndërlidhëse ndërmjet së shkuarës, të tashmes dhe të ardhmes, për të vendosur një histori dhe një kulturë në vijimësi dhe vazhdimësi të kombit shqiptar.
Mithat Frasheri, tha dr. Murtezani, i jepte rëndësi të madhe kërkimeve dhe grumbullimit gjerësisht të dokumenteve për Historinë e Shqipërisë në arkivat e vendeve të tjera, veçanërisht në arkivat e Turqisë, Venedikut, Milanos, Raguzës, Vatikanit, Propogandës Fide, Mbretërisë së Aragones, të Parisit, Londrës, Vjenës, Petërburgut, Athinës, Mid’hat Frashëri një rëndësi të madhe iu jep dhe arkivave të Venedikut. Ai shkruan se ato mbushin dhjetra dhoma të Manastirit Ferari,“Arkivat e Venedikut janë hulumtuar lidhur me historinë e Shqipërisë nga studiues të huaj të shumtë , veçanërisht gjatë viteve 1812-1875. Ndër këta, Mid’hat Frashëri do të theksojë Carlo Denois, Ceçhette, Makushef, Gregorovic, Lamnasky, Bogonic, Sathas, Marti Thomas etj.
Gjithashtu, Mid’hat Frasheri, duke parë punën e vazhdueshme dhe këmbëngulëse të At Shtjefën Gjeçovit në grumbullimin dhe ruajtjen e thesareve të kombit shqiptar, më 25 tetor 1922 dhe duke vlerësuar Lidhjen Shqiptare të Prizrenit si një ngjarje të rëndësishme të Lëvizjes Kombëtare Shqiptare, i shkruan për formimin e një shoqërie, e cila do të kishte si detyrë të mblidhte dokumentet për këtë ngjarje.

Veprimtaria e Mithat Frasherit na la aq shum njohuri me vlere enciklopedika dhe tani të gjithë e dime nga e kishte kete prirje, po na ka nxjerrë perpara nje det të pafund per hulumtime ne te ardhmen. Mithat Frasheri veproi si nje institucion jo si individ.

Më pas folesi u ndal edhe ne kontributin nacionalist te Mithat Frasherit, Krijimi I Ballit kombetar, c’ka perben nje moment të gjenialitetit te tij dhe tregon se ideologjia Kombetare, ishte e vetmja qe I duhej Shqiperise.

Mithat Frasheri me 1947 I propozoj ambasadorit Amerikan ne Itali formimin e nje komiteti nga patriot Shqiptar qe sipas Mithat Frasherit do te fillonin luften kunder okupimit Serbo Rus te Shqiperise dhe tokave Shqiptare te kamufluar nen masken e komunizmit. Ne vitin 1949 deponimi i hulumtimit te Robert Joyce/1946-1948 para senatit Amerikan /oficer i larte prane “Office of special Operations”/ per personalitetin e Mithat Frasherit prej rinise se hershme dhe deri te formimi i Ballit Kombetar , ishte shumë bindës me konkludimin se Mithat Frasheri eshtë njeriu me i pershtashem për të udhëhequr “Komitetin Shqipria e Lire” senati i dha statut te Personit te rendesishem per sigurine e shtetit Amerikan” … Per fat te keq nuk ishte jetegjatë, ndërroi jete me 3 Tetor te vitit 1949 , dy jave pasi u emrua kryetar i Komitetit Shqipëria e Lirë.
Dr. Murtezani u ndal dhe ne nje moment te rendesishem: Me 4 Prill 1929, Mid’hat Frashëri do të shkonte në Noterinë e Gjykatës së Shkallës së Parë të Tiranës, ku do të nënshkruajë Testamentin me nr.163. Me këtë testament, gjithë pasurinë e tij mbas vdekjes ia dhuronte kombit shqiptar. Kopjen e këtij testamenti ai ua dorëzoi dhe bashkëkohësve të tij, tek të cilët kishte besim, të cilët ishin: Njazi Tirana, Sotir Kolea, Dhimitër Berati, Et’hem Fuad Frashëri dhe babai i Teqesë së Frashërit. Mid’hat Frashëri, nëpërmjet këtij testamenti, gjithë pasurinë e tundshme dhe të patundshme, librat, mobiliet i linte për krijimin e një Instituti Albanologjik, të një qendre shkencore për studiuesit shqiptarë, në të cilin do të kryenin studimet e tyre për Historinë e Shqipërisë. Gjithashtu, në këtë testament ai kërkon që biblioteka e tij private të ruhej e plotë, ashtu si i kishte mbetur e trashëguar nga i ati, Abdyl Frashëri dhe të afërmit.
Librave të bibliotekës së tij dëshironte që t’iu vihej vula me nënshkrimin “Biblioteka Lumo Skëndo, 1897”. Një skicë e vulës ishte përgatitur nga Eshref Frashëri.

Nëqoftëse ndonjëri do të mungonte, në kohën kur Mid’hat Frashëri do të kishte ndërruar jetë, do të zëvendësohej nga Athanas Shundi, farmacist në Tiranë, dhe Hasan Toptani, biri i Murat Toptanit. Testamentin e tij ai e përfundon duke shkruar këto fjalë:

“Nuk di ku do të vendoset Instituti, po, nëqoftëse goditet pakëz jashtë qytetit do të donja varri im të jetë në një cep të kopshtit, më të mëngjër, duke hyrë nga porta e rrugës. Mbi këtë varr dua një copë gur të madh dhe një qiparis. Më duket sikur do të jem ruajtësi i Institutit, sikur do të marr edhe unë një pjesë pasjetore në gjallimin e tij”.

Murtezani tha se kishte hulumtuar rreth dokumenteve te autopsies, e cila me të gjitha gjasat eshte kryer sepse u varros me 9 Tetor 1949 ne keta Varreza ketu ne Upstate NY. Per kohe te shkurt u mbajt ne shtepine e funeralit Campbell diku afer nje muzeu ne Manhatan, (sipas kujteses se Dr Agim Leka). Qeveria Amerikane mori te gjitha masat kjo ceremony do te zhvillohej me dinjitet.

PRINCE OF WALES VISITS KFOR HEADQUARTERS

March 19, 2016 by dgreca

*Princi i Uellsit viziton Shtabin e KFOR-it/

PRISTINA, Kosovo. Today, the Prince of Wales visited Kosovo Force (KFOR) Headquarters in Pristina. This was one of the final engagements for The Prince of Wales and The Duchess of Cornwall on their tour of the Western Balkans.

The Prince of Wales was welcomed to Camp “Film City” by KFOR Commander, Major General Guglielmo Luigi Miglietta and an Honour Guard comprised of KFOR service members.

During the visit, the Prince laid wreaths at the monuments to the KFOR service members and 14 UK servicemen who paid the ultimate sacrifice in the service of peace while on operations in Kosovo. This solemn event was attended by the British Ambassador to Kosovo, Mr. Ruairí O’Connell and a representation from the various military contingents serving in KFOR.

The Prince of Wales accompanied by Major General Miglietta, met KFOR General Officers and Senior National Representatives and Canadian and Irish contingent members.

The Prince of Wales visited KFOR as part of Their Royal Highnesses visit to Kosovo on 18-19 March.

***

Princi i Uellsit viziton Shtabin e KFOR-it

PRISHTINË, 19 Mars 2016/ Princi i Uellsit vizitoi sot shtabin e Forcës së Kosovës (KFOR) në Prishtinë. Ky ishte një nga angazhimet e fundit të Princit të Uellsit dhe Dukeshës së Cornwall-it në turneun e tyre në Ballkanin perëndimor.Princi i Uellsit u mirëprit në kampin “Film City” nga Komandanti i KFOR-it, Gjeneralmajori Guglielmo Luigi Miglietta dhe Garda e Nderit e përbërë nga pjesëtarë të shërbimit të KFOR-it.

Gjatë vizitës, Princi vendosi lule në monumentin e pjesëtarëve që shërbenin në KFOR dhe tek 14 ushtarakët e Britanisë së Madhe të cilët paguan sakrificën sublime në shërbim të paqes gjatë operacioneve në Kosovë.Kjo ngjarje u përcoll edhe nga Ambasadori i Britanisë në Kosovë, Ruairí O’Connell dhe nga përfaqësues të kontingjenteve të ndryshme ushtarake që shërbejnë në KFOR.Princi i Uellsit i shoqëruar nga Gjeneralmajori Miglietta, takoi Gjeneralët e KFOR-it dhe përfaqësues të lartë të shteteve të ndryshme, si dhe pjesëtarët e kontingjentit Kanadez dhe Irlandez.

Archives for March 2016

*Princi i Uellsit viziton Shtabin e KFOR-it/

Princi i Uellsit vizitoi KFOR-in si pjesë e vizitës së Madhërive të tyre Mbretërore në Kosovë më 18-19 mars