Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for August 2016

Dua Lipa rrëfen për mediat kosovare projektet e saj në muzikë

by

9 gushti do të ngjisë në skenën kosovare në një emrat më të përfolur në muzikën ndërkombëtare siç është këngëtarja nga Prishtina Dua Lipa e cila më pas në 10 gusht falë Bashkisë së Tiranës do të jetë në kryeqytetin shqiptar.Dua Lipa ka rrëfyer se prindërit mbeten mbështetja e saj më e madhe e në veçanti babai dhe se të gjithë fansat e saj albumin e ri do ta kenë në duar në shkurt të 2017.

Vetëm disa orë përpara së të vijë në Tiranë ku do të performojë për publikun kryeqytetas këngëtarja kosovare me famë ndërkombëtare Dua Lipa ka dhënë intervistat e para për mediat kosovare ku ka bërë pubilke disa nga projektet e saj të ardhshme.

Dua Lipa mbrëmjen e 9 gushtit do të performojë për publikun kosovar disa na këngët e saj të cilat janë shndërruar në hite në mbarë botën si Be the one,Hotter then hell etj

21 vjecarja rrëfen se është mjaft e kënaqur me arritjet e saj deri më tani në fushën e muzikës ndërkohë mbështetje kryesore për të kanë qënë prinërit e saj:
Këngëtarja Dua Lipa për të gjitha fansat e saj ka bërë më dije se në shtator përfundon albumi i saj i ri i cili do të lancohet në muajin shkurt të vitit të ardhshëm…Realizimi i tij është bërë në Los Angelos:
Përveçse këngëtare Dua lipa rrëfen se së shpejti do të jetë protagonist edhe në botën kinematografike, por shpjegon se dashuria e parë për të do të mbetet përherë muzika:
Dua Lipa e cila është duke prekur majat e toplistave botërore është vajza e rokerit të njohur kosovar të grupit “Oda”, Dukagjin Lipa.

Në datën 10 gusht Dua Lipa falë Bashkisë së Tiranës do të jetë e pranishme në kryeqytet për të performuar për fansat e saj

HISTORIA NE FOTOGRAFI

by

10 mijë shqiptarët që mbërritën në Itali me anijen “Vlora”/

“Neu Zuercher Zeitung” një gazetë zviceriane ka risjellë në kujtesë pamjet e mbi 25 viteve më parë, kur mijëra shqiptarë mbërritën në brigjet e Italisë. Sipas artikullit, në anje ishin mbi 10 mijë shqiptarë. Më poshtë janë edhe disa foto të asaj kohe.

Basha: Vendin nuk po e qeveris Edi Rama

by

* Dyshohet se u vodhën 20 milionë lekë/

“Dy grabitje biznesesh sot ne zemer te vendit, dhe bastisja e nje banke ne qender te Tiranes, jane kembanat e alarmit qe bien papushim, e cdo dite, per pasigurine totale dhe braktisjen qe Edi Rama i ka bere me kohe detyres kryesore qe eshte ofrimi i rendit dhe sigurise. Nderkohe pa kaluar gjate raportohet nje skandal tjeter i rende ne Rinas, ku sipas informacioneve eshte arratisur faqe policise nje shtetas turk te cilit i ishte ndaluar hyrja ne territorin tone”, është shprehur lideri i opozitës, Lulzim Basha ne nje dalje per shtyp.

“Lajm trondites vrasja e nje 17 vjecari e perdhosja e trupit te tij. Te plagosur rende nga aksidenti ne Librazhd, e nje i vdekur ne Shkoder nga perplasja me makine, cka e con mbi 20 numrin e jeteve te humbura ne rruge per dy javet e fundit. Ky eshte shpartallim total i cdo standardi sigurie. Sepse e shpartalluar eshte qeveria. I dorehequr de fakto eshte kryeministri. Ai prej kohesh nuk ka me prioritet qytetaret, por ruajtjen e arave me droge. Madje ruajtja e parcelave me kanabis dhe vjelja e takses 30 perqind per cdo rrenje, eshte detyra e vetme qe i ka lene kryeqehajait te tij narkoman. Shqiptaret nuk e meritojne kete fatkeqesi. Shqiperia meriton rend e siguri. Dhe ne do tja japim. Krimi do te shtypet. Politikanet e lidhur me te do te kene te njejtin fat. ‪#‎Shqiperia me mire pa Edi Ramen”, – ka qenë komenti i Bashës.

Dyshohet se u morën 20 mln lekë/

Bankat vijojnë të jenë në shënjestër të grabitësve. Preh e vjedhjes këtë herë u bë një bankë e nivelit te dyte në zemër te kryeqytetit pikërisht në zonën e ish bllokut. Persona ende të paidenfikuar  kanë mundur të depërtojnë në kasaforten e bankës,  duke grabitur nje shumë të konsiderueshme parash, që deri tani  dyshohet të jetë rreth 20 milionë lekë.

Grabitësit këtë herë nuk kanë përdorur armë por  kanë çare murin e bankës me leva e daltë nepërmjet një bodrumi, nga pjesa e prapme e Bankës, i cili më parë  ka shërbyer si një pub.

Dyshohet se grabitësit kanë punuar disa dite ndoshta javë  për të arritur në finale  duke shfrytëzuar edhe dy  ditët e fundjavës kur  punonjësit  e bankës  kanë qënë pushim.  Grabitja është konstatuar mëngjezin e së hënës, 8 gusht 2016, ku menjëhere është njoftuar policia . Administratori i pallatit thote për Ora News se ky objekt ishte kishte tre muaj që ishte marrë me qera nga nje biznesmen por që nuk e kishte vënë në punë. Ndërsa më parë kishte sherbyer si pub.

Ekspertët  kanë kërkuar  për gjurmë të gishtave që do të mundesojnë ndoshta për të shkuar tek autorët,  por   deri tani nuk ka ndonjë emër të dyshuari . Paraprakisht u fol për një tentativë grabitje pasi u konstatua një çarje në murin e bankës në një masë 50 me 30 centimetra . Por më pas u konstatua se kasaforta ishte dëmtuar dhe grabitësit kishin mundur të merrnin paratë

Policia sekuestroi kamerat e sigurisë së bankës si dhe te zonës përreth vendit ku  ndodhi grabitja . Ndërkohë  janë shoqëruar  për tu marrë  në pyetje disa punonjës të kompanisë private qe siguronin ruajtjen e bankës si dhe biznesmeni që kishte marrë me qera këtë objekt.   Ndërsa dyshohet se për këtë ngjarje kriminale autorët kanë bashkëpunuar me punonjës të bankës.

KOSOVA-LUFTA NË LAJME/ 8 gusht 1999: Shqiptarët drejt veriut të Mitrovicës

by

PRISHTINË, 8 Gusht 2016-Gazeta DIELLI-Behlul JASHARI/ Para 18 viteve, në 8 gusht 1998, raportoja për luftime kundër forcave okupatore serbe në zonat kufitare të Kosovës me Shqipërinë, në Gjakovë, Deçan…

Para 17 viteve, në 8 gusht 1999, kam raportuar nga vendngjarja se përsëri shqiptarët po marshojnë drej veriut të Mitrovicës dhe po vazhdonin përplasjet-përleshjet  me serbët te ura kryesore mbi lumin Ibër të qytetit të ndarë. Shqiptarët kërkonin dislokimin e trupave amerikane të KFOR-it në Mitrovicë…

http://www.hri.org/news/balkans/ata/1998/98-08-09.ata.html

[01] Serb forces continue attacks, torch Albanian villages

PRISHTINE, Aug 8 – ATA correspondent in Prishtina Behlul Jashari reported that fighting between Albanian and Serb forces have continued during the last 24 hours in the border line between Albania and Yugoslavia.

During the attack on Vraniq village, of Dushkaja, Gjakova, the Serb force killed two Albanians who were defending their lands.

The Serb military and police forces have ordered the population of three villages of Gjakova that is Gerçine, Lipovec and Skivjan, to give up until Sunday 18.00. p.m. otherwise they will start shelling.

In Deçan areas, the Serb forces have continued torching the houses of Albanians while shootings were heard in Strellc te Eperm, Carrabreg te Poshtem and Prejlep.

An aggravated situation prevails in Drenica with Serb forces present in the Polac village and torching houses of Albanians. cela/das/ak/

Albanian Telegraphic Agency

http://www.hri.org/news/balkans/ata/1999/99-08-08.ata.html

[07] Tensions in Mitrovica go on

Mitrovice, August 8 (ATA)- ATA correspondent Behlul Jashari reports that thousand Kosova Albanians marched even today toward the northern part of the town, from where Serbs have forcefully displaced them since five months and now they are creating various obstacles to hinder Kosovars return home.

The Kosova Albanian marsh is stopped again by French forces, part of KFOR. There were again clashes between Kosova Albanians and Serbs, and even between French forces and Kosova Albanians, as well. No casualties are reported today.

Kosova Albanians are protesting against the prohibition to return home and against Mitrovica division, by accusing even French forces for this purpose. One of Kosovars’ requests is the dislocation of American troops in Mitrovica, as well. /Sh.Dha/linda/

D’Arc Avenue 23, Tirana, Albania E-Mail:

Albanian Telegraphic Agency

DOLI NUMRI NJËMBËDHJETË I REVISTËS “MALËSIA”

by

Doli nga botimi numri 11 i revistës për kulturë, shkencë dhe çështje shoqërore Malësia”, në Podgoricë, i cili sjellë 33 artikuj shkencorë, recensione, vështrime, përurime dhe nekrologji. Në këtë numer kanë bashkëpunuar studiues nga Shqipëria, Kosova, Maqedonia, Kroacia, Bullgaria, Italia, Suedia, Zvicëra, Rumunia dhe Mali i Zi.

Në rubrikën “kulturë” punimet e veta i kanë prezentuar 20 autorë: Prof. dr. Shaban Sinani (Akademia e Shkencave e Shqipërisë ) ”Gjuhët paralele të letërsisë shqipe”; Prof. Univ. dr. Ardian Kyçyku ( Rektor i Universitetit  Rumun të Shkencave dhe Arteve Gheorghe Cristea, Bukuresht ) ”Rrënjë të prozës ballkanike”; Prof. dr. Anton Nikë Berisha ( Universiteti i Kalabrisë) ” Gjon Bdek Buzuku – poeti ynë i parë – rreth katër psalmeve – poezive të Buzukut”; Prof. Emil LAFE (Tiranë) Prof. Remzi NESIMI (Shkup) “Shaban Demiraj – dijetar i shquar dhe me ndikim të gjerë për zhvillimin e gjuhësisë shqiptare”; Prof. dr. Fatbadha HOXHA(Universiteti i Shkodrës Luigj Gurakuqi)”Eqrem Çabej mbi romantizmin – model i studimit krahasues”; Prof. Assoc. Rusana BEJLERI, Ass. Prof. Maya ALEXANDROVA(Universiteti i Sofjes) “Shpehja gjuhësore të përceptimeve të shqisës së të nuhaturit në gjuhën shqipe (në sfondin e gjuhëve të tjera të Ballkanit)”; Prof. dr. Valter MEMISHA(Drejtor i Institutit të Gjuhësisë dhe Letërsisë, Tiranë) ”Ndihmesa e prof. Tomor Osmanit në faqet e revistës “Studime filologjike”; Prof. dr. Shefkije ISLAMAJ (Instituti Albanologjik, Prishtinë) “Veçori gjuhësore të ligjërimit artistik të Adem Demaçit”; Prof. dr. Shpresa HOXHA (Fakulteti Ekonomik – Prishtinë) ”E shkruara dhe e folmja e sotme shqipe – një hap para apo një kthesë prapa?”; Prof. dr. Josif MITA(Universiteti i Kalabrisë) “Çështje të sintaksës moderne në veprën Gramatikë historike e gjuhës shqipe”; Prof. dr. Xhavit BEQIRI (Universiteti i Prishtinës) “Martin Camaj – leximet e Prishtinës”; Prof. as. dr. Muharrem JAKUPI (Universiteti i Durrësit Aleksandër Moisiu) “Dy modele stilistike të romaneve të Kadaresë”; Prof. as. dr. Spiro GJONI (Qendra e Studimeve Albanologjike, Tiranë) ”Një jetë luftë dhe këngë”; Dr. Drita BRAHIMI (Universiteti i Shkodrës Luigj Gurakuqi) “ Motivi i jetës dhe vdekjes në kohë lufte – rasti i Andre Malrosë, Ernest Heminguejt dhe Petro Markos”; Mr. Riza BRAHOLLI (Elbasan)” Mbi disa veçanti të veprës poetike të Frederik Rreshpjes

“; Ndue Ukaj (Prishtinë) “Korifeu i kulturës shqiptare”; Msc. Luljeta DUSHI (Shkodër) ”Mbreti i Tulës (tre variante të përkthimit)”; Msc. Liridona SINISHTAJ (Malësi – Tuz) “Kalimi nga toposi letrar në atë real në Vdekja e valëve të A.Gjuravçajt”.

Në rubrikën “histori” janë prezantuar  6 studime shkencore: Prof. dr. Zef Mirdita

(Instituti Kroat i Historisë – Zagreb) “Konstandini i Madh dhe kthesa hisorike e politikës së tij ndaj Krishterimit”;

Akademik prof. dr. August KOVAÇEC (Zagreb, Kroaci) “Rezultat i eksplorimeve mbi dyzetvjeçare në ndriçimin e enigmave dardane”;  Prof. dr. sc. Tamara Tvrtkoviq (Universiteti i Zagrebit, Kroaci) “Vepër me karakter enciklopedik”; Prof. dr. Lush CULAJ (Instituti Albanologjik, Prishtinë) “Luigj Gurakuqi në Konferencën e Parisit (1919-1920)”;             Prof. asoc. dr. Edmond MALAJ (Qendra e Studimeve Albanologjike, Tiranë) “Rreth marrëdhënieve ndërmjet shqiptarëve dhe hungarezëve gjatë Mesjetës”;

Dr. Kastriot MARKU (Milano – Itali) “Krahina e Kurbinit si vendseli e dioqezave të Krujës, Arbnit dhe kryedioqezës së Durrësit”.

Në rubrikën “çështje shoqërore” është prezantuar, Msc. Zef Ahmeti ( Zvicër ) “Medacioni-aspekt historik  i  kulturës së ndërmjetësimit bashkëkohor “.

Në rubrikën ”recensione” janë prezantuar 4  vështrime për disa botime aktuale të autorëve nga

Shqipëria, Kosova, Suedia, të trajtuar nga Prof. dr. Francesko Altimari, Prof. dr. Lush Culaj, Mr. Anton Gojçaj, dhe Viron Kona.

Gjithashtu. Msc. Liridona Sinishtaj,  prezentoi Shënimin e Ditës Botërore të Librit

”Libri, udhërrëfyes në jetë”( organizua, në Malësi – Tuz, më 23 prill 2016.)

Në rubrikën “nekrologji” kanë shkrua: Mehmet Latifi (Strugë) “U shua ylli  i irilogjisë akademik Aleksander Stipçeviq”; Nikë Gashaj “Ndarja nga jeta e profesor Zef Mirditës – humbje e madhe për historiografinë shqiptare”.

Revista Malësia ka arritur të krijojë një fizionomi kulturore e shkencore të gjerë kombëtare shqiptare. Për këtë arsye redaksinë e revistës e përbëjnë një numër i njohur intelektualësh nga rajonet e e ndryshme, jo vetëm shqiptare, por dhe më gjerë, sikurse janë: Ruzhdi Ushaku, Gjovalin Shkurtaj, Shpresa Hoxha, Zeqirja Neziri, Matteo Mandala, Rusana Bejleri, Emil Lafe, Emine Bakalli, Simë Dobreci, Tomor Osmani, Shefkije Islamaj, Riza Rexha, Shaban Sinani  dhe David Kalaj.

Revista Malësia i mbetet besnike konceptit të pëcaktuar, që në faqet e saj të promovojë çështje të rëndësishme nga thesari i vlerave kombëtare, historike dhe kulturore të popullit shqiptar. Revista Malësia vazhdon të jetë zëdhënëse e intelektualëve shqiptarë nga mbarë hapësira shqiptare, duke pasur si qëllim pasurimin e kulturës e të shkencës me njohje të reja dhe nxitjen e shpirtit krijues të të gjithë atyre që kanë ide të reja, vizione, mundësi dhe aftësi intelektuale.

Revista Malësia ka qenë dhe do të jetë e hapur për të gjithë dijetarët e kulturës shqiptare; për njohjet e tjera shkencore që kanë rëndësi dhe interes për afirmimin e kulturës dhe qenies kombëtare shqiptare.

Themelues dhe kryeredaktor i revistës është Nikë Gashaj(email: malesia@t-com.me)