Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for April 2017

Macron dhe Le Pen marrin pjesë në varrimin e policit të vrarë në Paris

by

Emmanuel Macron dhe Marine Le Pen, dy kandidatët për president të Francës, kanë marrë pjesë në varrimin e policit të vrarë në sulmin në Paris që ndodhi javën e kaluar.

1 Polici i vrare FranceMacron dhe Le Pen ishin në mesin e qindra njerëzve që morën pjesë në varrimin e policit, Xavier Jugele, 37-vjeçar, i cili u vra gjatë të shtënave në Champs Elysees.

Grupi militant, Shteti Islamik tha se një luftëtar i tij, e ka kryer këtë sulm.

Autoritetet franceze kanë thënë se sulmuesi është Karim Cheurfi, 39-vjeçar francez, i cili u vra nga autoritet franceze.

Presidenti i Francës, Francois Hollande e ka nderuar policin e vrarë Jugele, me “Legjionin e Nderit”, që është një prej nderimeve më të larta në Francë.

Mustafa në Bruksel ‘lobon’ për pezullim të kushtit të Demarkacionit

by

Kryeministri i Kosovës, Isa Mustafa, të martën do të diskutojë me komisionerin e BE-së për çështje të brendshme dhe migracion,Dimitris Avramopoulos, çështjen e ‘pezullimit të përkohshëm të kushtit për ratifikimin e marrëveshjes së Demarkacionit me Malin e Zi për liberalizimin e vizave për Kosovën’.

epa05290687 Prime Minister of the Republic of Kosovo Isa Mustafa (L) and EU Commissioner for Migration and Home Affairs Dimitris Avramopoulos (R) speak to media during a press conference following their meeting in Pristina, Kosovo, 05 May 2016. The European Commission has proposed in Brussels on 03 May 2016 visa-free travel for the citizens of Kosovo. EPA/VALDRIN XHEMAJ
Kryeministri Mustafa po qëndron në Bruksel dhe ka paralajmëruar hapjen e diskutimeve me zyrtarët e lartë të BE-së për ratifikimin e marrëveshjes së debatueshme të kufirit me Malin e Zi, të cilën Komisioni Evropian e ka shndërruar në kusht për liberalizim të vizave.

Në Komisionin Evropian, njofton bashkëpunëtori i Radios Evropa e Lirë në Bruksel, thonë se takimi me kryeministrin Mustafa është një rast i mirë ‘për të analizuar gjendjen momentale në procesin e liberalizimit të vizave dhe përmbushjen e kushteve nga ana e Kosovës’.

Ata thonë se Kosova ka bërë përparim të madh në këtë proces dhe kanë vlerësuar ‘përpjekjet e saj për të përmbushur edhe dy kushtet e tjera, përfshirë kushtin e ratifikimit të marrëveshjes me Malin e Zi’.

Zyrtarë të Komisionit Evropian kanë thënë se ‘marrëveshja e Demarkacionit duhet të përmbyllet sa më parë në mënyrë që KE të mund të japë dritën jeshile për liberalizim vizash edhe me Kosovën’.

Por, ata nuk kanë pranuar që të japin një përgjigje rreth pranueshmërisë së idesë së kryeministrit Mustafa.

Marrëveshja për damarkimin e vijës kufitare ndërmjet Prishtinës e Podgoricës u nënshkrua në verën e vitit 2015 në Vjenë, në praninë e përfaqësuesve ndërkombëtarë dhe Mali i Zi e ratifikoi në Kuvendin e tij, duke i hapur rrugën vendit drejt anëtarësimit në NATO.

Por, ajo ngjalli reagime të fuqishme të opozitës në Kosovë, e cila përdori edhe gazin lotsjellës për të parandaluar miratimin e saj në Kuvend.

Një projektligj në Kuvend u tërhoq nga Qeveria, vitin e kaluar, e cila pohoi se do ta rikthejë ‘në kohën kur të ketë arritur numrin e mjaftueshëm të votave’.

Partnerët në koalicionin qeverisës thanë se janë pajtuar që brenda ditësh ta votojnë Demarkacionin me Malin e Zi, pas bisedave me zëvendës ndihmës sekretarin amerikan të shtetit, Hoyt Yee.

Por, opozita ka këmbëngulur sërish se marrëveshja do të kundërshtohet meqë, sipas saj, ‘Kosova me demarkacion humbet mbi 8 mijë hektarë tokë të saj’.

Propozimi i kryeministrit Mustafa, për pezullim të përkohshëm të kushtit të demarkacionit ndërkaq është diskutuar të martën me deputetët e Grupit të Partive Popullore në Parlamentin Evropian.

Kryeministri Mustafa gjatë ditës do të takojë edhe Joseph Daul kryetarin e Partisë Popullore Evropiane, pjesë e së cilës, në cilësinë e vëzhguesit është edhe Lidhja Demokratike e Kosovës.

Kosova 2017 zgjedhje lokale. Edhe parlamentare?

by

-Sipas afatit kushtetues, zjedhjet e ardhshme parlamentare në Kosovë do duhej të mbaheshin në verën e vitit 2018/1 Koha-Sondazhe dhe reagime. Kosova këtë vit edhe zgjedhje parlamentare? Shtypi i Prishtinës: Përgatitje intensive për zgjedhje të parakohshme/1 shtatorja Rugova

 PRISHTINË, 25 Prill 2017-Gazeta DIELLI-Behlul Jashari/ Zjedhjet e ardhshme parlamentare në Kosovë, sipas afatit kushtetues, do duhej të mbaheshin në verën e vitit 2018,  katër vite pas atyre të parakohëshme të 8 qershorit 2014, e që ishin të pestat në liri nga qershori 1999 dhe të  dytat nga shpallja e pavarësisë në 17 shkurtin historik 2008.
E nëse zgjedhjet e ardhshme parlamentare, sipas disa paralajmërimeve, do jenë poashtu të parakohëshme, e do mbaheshin në 2017-ën, nëse shpallen së shpejti do mbaheshin në verë, por ka mundësi të mbahen edhe në vjeshtë, në të njejtën ditë me lokalet, që mos të ketë dy organizime zgjedhjesh brenda një viti e edhe të kursehet buxheti nga shpenzimet e dyfishta.
Tashmë në Kosovë, në deklarimet e aktivitetet e partive e lidërëve të tyre, vie “erë” fushatash elektorale e zgjedhjesh, ndërsa përmenden edhe emra kandidatësh të mundshëm për kryetarë komunash. Madje, ka sondazhe se çfarë do jetë renditja e partive në zgjedhjet parlamentare, kush fitues e kush humbës, si dhe reagime lidhur me këto sondazhe.
Në Kosovë, zgjedhjet parlamentare dhe lokale përnjëherë kanë ndodhur edhe më parë, në 17 nëntor 2007, dhe ato sollën legjislaturën e tretë, e cila ka hyrë në histori me shpalljen e Pavarësisë. Në Kosovën e lirë  të parat zgjedhje parlamentare u mbajtën në 17 nëntor 2001.
 
Kosova ka pasur zgjedhjet e saj të pavarura edhe para se të bëhet e lirë dhe e pavarur, të parat ishin parlamentare e presidenciale në 24 maj 1992, që u mbajtën në rrethana të rënda okupimi nga regjimi i dhunës serbe e ishin pjesë e lëvizjes e luftës për liri, pavarësi e demokraci.
Sipas shtypit të sotëm në Kosovë, institucionet u kanë dhënë intensitet veprimeve e konsultave në funksion të përgatitjeve për zgjedhjet e parakohshme parlamentare.Madje, janë bërë edhe plane operative, shkruan sot Koha Ditore.
Burime të gazetës kanë thënë se presidenti Hashim Thaçi e ka ftuar të hënën në takim kryetaren e Komisionit Qendror të Zgjedhjeve (KQZ), Valdete Daka, nga e cila ka kërkuar që një vendim i mundshëm për shpërndarjen e Kuvendit të mos e gjejë në befasi institucionin përgjegjës për organizimin e zgjedhjeve.
Ftesa i ka mbërritur Dakës javën e shkuar, kohë kjo kur KQZ-ja ka ndërmarrë disa veprime, përfundon citimi i gazetës.

Fondacioni i Odës Amerikane mbështet edukimin në Kosovë

by

PRISHTINË, 25 Prill 2017-Gazeta DIELLI/ Oda Amerikane ka ndarë nga Fondacioni i saj, 3000 euro për të mbështetur një Projekt të përbashkët të Bursave të Klubit Rotary International Prishtina dhe Fondacionin për Edukimin e Vajzave “Çifti Buçinca”. Fondi i bursave ka për synim përkrahjen e vajzave nga familjet e varfra që të ndjekin shkollën. Oda Amerikane, tashmë kas mbështetur këtë fondacion edhe në vitin 2013.

1 OdaPërkrahja financiare vjen pas përkrahjes financiare në vlerë prej 11,400 eurosh për organizatën “ATOMI” në vitin 2016, organizatë kjo e cila përkrahë fëmijët me nivel të jashtëzakonshëm të inteligjencës.Fondacioni i Odës Amerikane mbështet vazhdimisht aktivitete në kuadër të Përgjegjësisë Sociale Korporative, duke përfshirë projektin e ndërtimit të shtëpive pëpive për familjet e pastreha, mbështetjen e organizatës “Aksioni për Nëna dhe Fëmijë”, mbështetjen e organizatës “Down Syndrome Kosova” etj. Në kuadër të fondacionit funksionon edhe shkolla e shahut për fëmijë./b.j/

Kosova kryeson plenumin e Parlamentit të Komunitetit të Energjisë në Bruksel

by

-Ky forum përbëhet nga përfaqësuesit e parlamenteve të Kosovës, Shqipërisë, Serbisë, Bullgarisë, Bosnjë e Hercegovinës, Kroacisë, Malit të Zi, Rumanisë, si dhe 16 përfaqësuesve të Parlamentit Evropian/

1 Bruksel energji

 BRUKSEL, 25 Prill 2017-Gazeta DIELLI/Kryetari i Komisionit për Zhvillim Ekonomik, Infrastrukturë, Tregti dhe Industri tw Kuvendit tw Kosovws, Muhamet Mustafa, do të kryesojë sonte Sesionin e Parlamentit të Komunitetit të Energjisë, që mbahet në Bruksel dhe do t’i adresohet këtij forumi në emër të Kosovës.
 Ky forum përbëhet nga përfaqësuesit e parlamenteve të Kosovës, Shqipërisë, Serbisë, Bullgarisë, Bosnjë e Hercegovinës, Kroacisë, Malit të Zi, Rumanisë, si dhe 16 përfaqësuesve të Parlamentit Evropian, i formuar për të mbështetur politikat për realizimin e Traktatit të Komunitetit të Energjisë, të aprovuar më 2003. 
 Forumi përqendrohet në rritjen e sigurisë së furnizimit me energji, me çmime të pranueshme, energji brenda kritereve ekologjike nëpërmjet përafrimit të kornizës ligjore për këtë sektor, projekteve të përbashkëta për rrjetin e infrastrukturës energjetike dhe krijimin e tregut të përbashkët të energjisë.
 Deputetët Muhamet Mustafa dhe Besim Beqaj përfaqësojnë Kosovën në këtë forum të rëndësishëm./b.j/