Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for April 2017

Jetë e iluzion

by

Nga Astrit Lulushi/

Liria është iluzion për të krijuar realitet të rremë. Njeriu jeton i ndërvarur, nga lindja në vdekje. I sapo lindur ai ka nevojë fizike për ndihmën e të tjerëve, kur rritet, i ngarkohet të punojë kundrejt pagesës për ta bërë të ndërvarur edhe ekonomikisht. Cdo njeri që nuk ndjek këtë rrugë mënjanohet si skarcitet shoqëror. Liria në thelb nuk ekziston.

Por njeriu beson dhe merr udhën drejt saj, edhe pse ankohet se është lindur për një periudhë të shkurtër kohe, të cilën e shpenzon aq shpejt sa ajo merr fund në momentin kur mendon se është bërë gati për ‘të. ‘Jeta është e shkurtër, arti është i gjatë’, thoshte Aristoteli, që ndonjë mund ta kuptojë thjesht se jeta mbaron, arti jeton. Duke folur mbi Natyrën që e kishte bërë njeriun  ‘jetëshkurtër’, ndërsa disa kafshë të jetonin deri 5 deri 10 herë më shumë, Filozofi thoshte se jeta e njeriut është mjaft e gjatë nëse lë pas, ose e kalon duke bërë, vepra të mira. 

Përfshirja, përmbledhja politike e shoqërore është ‘kompleksitet’. Ajo që i shtynë institucionet në cdo qytetërim të bëhen politikisht komplekse është mënyra hierarkike e tyre. Një kooperativë fshatrash – bashkim fisesh – nuk mund të quhet qytetërim pasi nuk është shoqërisht e politikisht përmbledhës. Kur një mijë vjet më vonë, arrihet që familja mbretërore të jetojë në pallat, ruajtur nga ushtarë profesionistë, e ndarë nga masa prej klanesh, dhe nga një kastë klerikësh që kujdeset për fenë, atëherë mund të thuhet se  është krijuar kushti politik e shoqëror ‘kompleks’ – qytetërimi. 

Historikish, asnjë shoqëri fisesh, sado e zhvilluar, kurrë nuk është quajtur qytetërim – ashtu si një poet sot nuk mund të quhet disident sepse thotë që në kohën e diktaturës i lexonte vargjet e tij para një salle të zbrazët, pa audiencë. “Por heshtja publike, leximi pa zë, i poezive nën diktaturë,” thotë shkrimtari Faruk Myrtaj, “është më shumë disidencë se pagesa për të mbetur famoz edhe asokohe.”

Basha, Ramës: Zgjedhje me ty s’ka. Falju Zotit që më ke mua përballë

by

Lideri i Opozitës, Lulzim Basha deklaroi se Rama po përpiqet të bindë Metën të tërhiqet nga deklarata e tij për qeveri besimi. Kryetari i PD tha se nuk ka zgjidhje të situatës pa qeveri teknike dhe nuk do të ketë zgjedhje me Edi Ramën Kryeministër.  

Pas vendimit të aleatëve në qeveri Rama-Meta për të kërkuar ndihmën e PPE-së për të bindur opozitën të ulet në dialog, kryetari i PD-së Lulzim Basha tha se tashmë kreu i qeverisë po përpiqet të bindë Metën që të shkojnë në zgjedhje së bashku, kur më herët edhe LSI kishte deklaruar se nuk mund të kishte zgjedhje pa opozitën. Por, Basha riktheksoi për të disatën herë se zgjedhje me kryeministër Edi Ramën nuk ka dhe se rruga e vetme është qeveria teknike.

Lulzim Basha: “Fjalët e pazarit thonë se edhe me aleatin e tij po bën çdo përpjekje me zhage, se ka nja 15 vjet që e përdorin. Sa herë nuk i zgjidhin dot ndryshe punët, zhagen, ti mbushë mendjen e të tërhiqet nga deklarata që ka bërë. Zgjedhje me Edi Ramën kryeministër nuk ka për të pasur”

Lideri demokrat u ndal edhe në arrestimin e 18 policëve sekuestrimin e drogës në portin e Durrësit, duke theksuar edhe njëherë se kjo vërtetoi se kupola shtetërore është e lidhur me krimin. Ndaj ai kërkoi arrestimin e ish-ministrit të brendshëm Saimir Tahiri dhe kreun e qeverisë.

Lulzim Basha: 18 janë ushtarët. Çojeni deri në fund nismën me arrestimin e Saimir Tahirit dhe çojeni deri tek kreu i bandës”

Gjatë gjithë diskutimit para përfaqësuesve të biznesit dhe publikut, Basha spikati për një retorikë të ashpër ndaj kryeministrit dhe në fund nuk i kurseu as këtë paralajmërim

Lulzim Basha: “Falju Zotit përditë e përnatë që më ke mua përballë, dhe nuk është prishur një lule, dhe veri gishtin kokës kur shpotit e tallesh me opozitën se ndoshta dhe mua më sosët durimi dhe nuk mund t’i bind më që të mos këpusin  ndonjë lule”

Kreu i opozitës foli edhe për gjendja e vështirë ekonomike në vend, duke e cilësuar si problemin parësor të shqiptarëve, dhe garantoi se me zgjedhje të lira dhe të ndershme, do t’i jepet fund komplotit politik dhe atij ekonomik, ku shteti zhvat qytetarin në çdo qindarkë.

Netherlands appeals for dialogue, FM Koenders: Implement vetting; free & fair elections needed

by

The Foreign Affairs Minister of the Netherlands, Bert Koenders is on an official visit to Tirana. During a joint press conference with the Albanian Foreign Minister, he appealed for the political parties to dialogue, as according to him, this is the only way to progress with the judicial reform.

Mr. Koenders stated that free and fair elections and the advancement of the vetting process are significant to Albania’s negotiations towards the European Union. He said:

“The upcoming elections are of course an internal issue and I do not want to intervene, but I think that political dialogue is important. Free and fair elections and progress with vetting are also important. We strongly support the progress in the field of justice so far.

I can’t wait to see further progress with EU integration, the implementation of judicial reform, and free and fair elections”

Meanwhile, the Albanian Foreign Minister, Ditmir Bushati confirmed an increase in Dutch investments in Albania by 30% and announced the launch of low cost flights to Amsterdam, saying:

“Recently, there has been an increase in the presence of Dutch companies in Albania. I assured Mr. Koenders of the commitment from the Albanian government to continue with the reforms.

A low cost airline will fly three times a week from Amsterdam to Albania starting May 10, 2017”

Both counterparts also discussed the recent developments in the region and security issues. Albania has an important role as NATO member.

Djemtë e Vlorës, kampionë të Ballkanit

by

*A DO TË JETË KY EKIP KAMPION I ARDHSHËM I BALLKANIT/

*Djemtë  e Vlorës “Akademia  Junior”, U-10, nderojnë Vlorën dhe Shqiperinë/

Nga Andi BEGAJ/

Arritjet e vogëlushve të Vlorës U-10 dhe trajnerit Besi Shabanit, kampion ballkanik për dy vjet rresht, duhet të tërheqin vëmëndjen e autoriteteve të larta të futbollit tonë, ndërsa Ministria e Arsimit duhet të ngrihet në lartësinë e detyrës së sajë për të ndihmuar, përkrahur dhe stimuluar trajnerin dhe këta fëmijë që nderojnë Shqipërinë.

*       *       *

Në Korintho të Greqisë nga data 10 deri më 14 prill 2017 u zhvillua kampionati ballkanik U-10.Në këtë kampieonat merrnin pjes 25 skuadra nga shtete të ndryshme të ballaknit. Shqipëria u perfaqësua nga ekipi vlonjat “Akademia Junior” e drjetuar nga traineri i talentuar Besi Shabani.Një vit më parë po ky ekip mori pjesë në këtë aktivitet nën logon e “Flamurtarit” dhe u shpall kampion i Ballkanit.Kjo ishte hera e dytë që Besi Shabani dhe Akademia që ai drejton me aftësi dhe profesionalizëm të lartë fituan trofeun Ballkanik.

Skuadrat ishin ndarë në pesë grupe. “Akademia Junior” luajti me këto skuadra  dhe arriti fitore më të gjitha skuadrat:“Akademia  Junior”- AEK Greqi 3-1, “Akademia  Junior”- Juvetus Itali 2-1, “Akademia  Junior”- Varteks Bullagri 1- 2.Mbas këtyre rezultateve “Akademia  Junior” zuri vendin e parë në grup me gjashtë pike dhe doli në gjysëm finale.Në gjysëm finale luajti me Korithos të Greqisë dhe fitoi me rezultatin 3 me 2, fitore e cila e nxorri në finale. Në finale “Akademia  Junior” u ndesh me Opimpiakos të Greqisë dhe e fitoi me rezultatin 4 me 2.Kështu në bazë të rezultateve të arritura skuadra vlonjate u shpall kampione Ballkanit. Edhe futbollisti më i mire U-10 u shpall Brajan Brahimaj njëkohësisht edhe golshenuesi me i mire me 8 gola, po nga skuadra “Akademia Junior”Në këtë aktivitet vogëlushët e Vlorës për herë të dytë ngriten lart Flamurin Kuq e Zi, duke nderuar Vlorën dhe Shqiprinë.

Përmendim me respekt futbollistët e skudrës: Qemal Aliaj, Aulon Caushaj, Stiven Begaj, Bjorni Haxhaj, Klevi Piperi, Marsel Rrapaj, Brajan Brahimaj.

Mbas ketyre trofeve te fituara për dy vjet rresht traineri Besi Shabani dhe “Akademia  Junior” marrin nje ftese nga Akademia Olimpiakos Greqi për të nënshkruar një kontratë binjakzimi.“Akademia  Junior” ka marre nje vlerësim maksimal jo vetem për trofet e fituara po mbi të gjitha për lojën e zhvilluar.Një vlerësim i veçant kalon për trainerin Besi Shabani i cili u shpall për herë të dytë kompion ballkanik se bashku me skuadrën që trajnon e udhëheq, U-10.Mbas ketyre arritjeve shpresë dhënëse për të ardhmen vjen edhe shpërblimi: në Nartë të Vlorës do të ndërtohet një kompleks sportive madhështor, në të cilin “Akademia  Junior”, por edhe fëmijët e tjerë të Vlorës do të stërvitën për rezultate të larta në të ardhmen.Në këtë kompleks sportiv do të ketë ambjente sportive të një cilësie shumë të lart krahasuar me akademitë më të mira në Europë.

Akademia Olimpiakos e Greqisë ka kërkuar bashkëpunim me trainerin dhe ekipin U -10 të Vlorës, për të marrë lojtarët më cilësor nga ekipi jonë dhe për t’u bashkuar me Akademinë Olimpiakos, për këtë arsye vend i nderit i takon Besi Shabanit i cili ka punuar me përkushtim dhe në kushte shumë të vështira.Fitorja e Besi Shabanit tërhoqi vëmendjen e shumë klubeve ballkanike, veçanërisht të Akademis Olimpiakos të Greqisë për të bashkëpunuar me projekte konkrete.Besi Shabani është një shembull jo vetëm për Vlorën por më gjerë që tregon se pasioni dhe pergjegjesia për një detyrë që merr përsipër mund të kaloi çdo vështirësi.E pse të mos mendojmë se këta fëmijë janë e ardhmja e futbollit shqiptar, kampinë të nesërm të Ballkanit.

 

SHSHA në Çikago i drejtohet Carl Bildt

by

Pragu zgjedhor në Maqedoni me të panjohura në Evropë/

Nga Skënder Karaçica/
Në Maqedoni zgjedhjet e dhjetorit 2016 nisën me një varg problemesh dhe skenarësh të dyja partive politike maqedonase (Gruevski-Zaev),që përmes ,,progut,,zgjedhor shqiptarët i sollën në aktin e kryer të shantazhimit,kështu e nisë reagimin SHSHA në Çikago,drejtuar ish-shefit të diplomacisë suedeze dhe ish-përfaqësuesi i BE-së në Bosne e Hercegovinë,Carl Bildt.
Populli shqiptar në këtë vend multietnik,paraqet bashkësinë e dytë shumicë etnike që sipas të dhënave kalon mbi 40% të përbërjes kombëtare dhe tash e një shekull,në ish-sistetmin jugosllav komunist dhe në këtë ,,demokraci evropiane,,e kanë pasë statutin e pakicës kombëtare(jo shtetformues),thonë zëshëm shqiptaro-amerikanët në Çikago.
Problemet aktuale politike në Maqedoni,zotni Carl Bildt,duhet të kërkoni në kancelaritë e Gruevskiut dhe Zaevit në Shkup,që tërë odisejada e këtij problemei ka të bëjë më shantazhimin e popullit shqiptar në hapësirën e vet etnike,që përmes votës së lirë(demokratike)ata të vendos në planin e dytë të pakicës,për të hapur rrugën për privilegjet kushtetuese për ,,shumicën,,maqedonase.
SHSHA në Çikago për diplomatin suedezë dhe ish-përfaqësuesin e BE-së,Carl Bildt,afron këto të dhëna relevante të informuara mirë nga qarqet profesionale juridike në Shkup se ,,pragu zgjedhor,,i njohur në praktikën demokratike ndërkombëtare dhe në Evropë,është bërë me ,,metodat,,që askund në botë nuk kemi dëgjuar për një shantazh të këtij niveli,thuhet në Çikago.
Si është e mundur që për partitë politike maqedonase(Gruevski-Zaev),pragu i ashtuquajtur zgjedhor të ketë si kriter 3.000 votues zgjedhin një deputet,ndërsa për partitë politike shqiptare 12.000 votues zgjedhin një deputet(?!?).Sipas këtyre ,,kritereve të pragut zgjedhor,,në Shkup,po shpaloset qasja politike antishqiptare që e kanë kurdisur qarqet e regjimit maqedonas në Shkup.Sa është përbërja kombëtare e popullit shqiptar sipas ,,pragut zgjedhor,,kjo tregon se për zgjedhjet parlamentare kanë votuar ,,pakica shqiptare,,që kap numrin 240 mijë vetash(sic!),duke anashkaluar mërgatën shqiptare me  afro 200 mijë të shpërndarë nëpër vendet e botës dhe në SHBA,që këtë herë nuk i lanë të votojnë për të drejtën e votës së lirë demokratike në hapësirën e vet etnike.
SHSHA në Çikago pyet Carl Bildt,a ka ndonjë vend në Evropë që ,,pragun zgjedhor,,e bëjnë me këto kritere antivlera demokratike dhe kundër një populli si bashkësia e dytë shumicë(shqiptare)në Maqedoni?Për shkak të këtij skandali politik në Shkup,kërkojmë që të shqyrtohen,,kriteret,, e fushatës zgjedhore dhe të anulohen këto zgjedhje që deri tash nuk janë parë në asnjë vend të BE-së,thuhet në informatën e SHSHA-së në Çikago për diplomatin suedezë Carl Bildt.