Archives for September 2017

TE DIELEN NE VATER-10 SHTATOR

September 9, 2017 by dgreca

*VATRA DO TË PËRKUJTOJË DËSHMORËT E GËRHOTIT DHE KOMANDANTIN HYSNI LEPENICA,QE RANE NE LUFTE ME PUSHTUESIT ITALIANE ME 14 SHTATOR 1943/

* Veprimtaria perkujtimore ka edhe mbeshtetjen dhe perkujdesjen e Presidentit te Vatres. z. DRITAN MISHTO…

Me 10 Shtator 2017, në orën 15.00 PM, Federata Vatra do të përkujtojë Dëshmorët e Gërhotit dhe Komandantin Hysni Lepenica, që së bashku me 36 komandantët e çetave nacionaliste, u vranë në betejën e Gërhotit me 14 Shtator 1943. Veprimtaria organizohet me rastin e 74 vjetorit të rënies. Gërhoti, është një nga faqet e pazbardhura të Luftës Civile në Shqipëri.
Veprimtaria do të organizohet në Selinë e Vatrës, në adresën 24 37 Southern BLVD, Bronx, NY 101458. Krahas kujtesës përmes fakteve historike, do të shfaqet edhe dokumentari historik, që i kushtohet kësaj ngjarje, përgatitur nga Pëllumb LAMAJ.

URAGANI”IRMA”, MESAZHI I AMBASADORES FABER

September 9, 2017 by dgreca

Kontaktet e Ambasadës në Uashington 202.223.4942, embassy.washington@mfa.gov.al dhe numri i emergjencës 202.758.9526 janë në dispozicionin tuaj për çdo informacion të mundshëm./

*Nje mesazh mbeshtetes ka percjelle dhe Konsullja e Pergjithshme e Republikes se Kosoves ne Nju York, zonja Teuta Sahatcija/

Një Uragan tjetër po kërcënon SHBA-në!

Këtë herë pjesa jugore e shtetit të Floridas është në qëndër të vëmëndjes. Autoritetet amerikane po i qëndrojnë shumë afër popullsisë së zonave që parashikohet të preken nga Uragani Irma, dhe një pjese të madhe të popullsisë i është kërkuar të evakuohet.
Gjatë këtyre ditëve jam munduar të qëndroj në lidhje për informacione me përfaqësuesit e organizatave shqiptare në shtetin e Floridës. Ka pak shqiptarë që duket se kanë lëvizur nga banesat e tyre, pjesa me e madhe besojnë që mund t’i bëjnë ballë situatës aty ku janë.
Ju bëj thirrje që të ndiqni udhëzimet e autoriteteve lokale dhe njoftimet e rifreskuara që dalin nga ora në orë me parashikimet e lëvizjes së Uraganit.
Kontaktet e Ambasadës në Uashington 202.223.4942, embassy.washington@mfa.gov.al dhe numri i emergjencës 202.758.9526 janë në dispozicionin tuaj për çdo informacion të mundshëm.
Uroj që kjo situatë të kalojë me sa më pak probleme, për të gjithë popullsinë e prekur nga Uragani, veçanërisht për shqiptarët që kanë lënë jo pak në vëndin e tyre dhe kanë vendosur të jetojnë e punojnë në SHBA.

Floreta Faber
Ambasadore e RSH në Shtetet e Bashkuara

***

MESAZHI I KONSULLES SE PERGJITHSME TE KOSOVES

Nje mesazh mbeshtetes ka percjelle dhe Konsullja e Pergjithshme e Republikes se Kosoves ne Nju York, zona Teuta Sahatcija. Ja mesazhi i sac ne fb:

Me rastin e zhvillimeve meteorologjike në shtetin e Floridas dhe afrimit të uraganit Irma,

Konsullata e Përgjithshme e Republikës së Kosovës në Nju Jork njofton qytetarët e Republikës së Kosovës që në raste të nevojës emergjente mund të kontaktojnë Konsullatën në numrin :

212-949 -1400 ; 646-596-6639 | si dhe,

email-in: consulategeneral@rks-gov.net

Konsullata e Përgjithshme e Kosovës si gjithmonë do të jetë në dispozicionin tuaj .

Pretedentet ne pritje te Partizanit

September 9, 2017 by Administrator

Nga Albano Kolonjari

Kukesi dhe Skenderbeu, e nisen me kembe te mbare sezonin e ri futbollistik. Kukesi fitoi me veshtiresi 1-0 perballe Kamzes . Ne kete takim kuksianet Kampione ne fuqi, zhvilluan nje loje jo shume te mire. Fati i takimit u vendos ne pjesen e dyte kur futbollisti njohur E.Bakaj shenoi nga pika e bardhe e penalltise. Shanset me te mira ne kete takim i kishin lojtaret e Kamzes, por Kukui dhe Plaku nuk i shfrytezuan rastet qe ju paraqiten. Ne fund te takimit diferencen ne fushen e lojes e bene kualitet e Kukesit te cilet diten te ruanin rezultatin 1-0. Pak caste pas perfundimt te takimit Kukesi-Kamza 1-0, ne fushe zbriten kater skuadra, Skenderbeu-Flamurtari 2-0 dhe Teuta-Luftetari 2-1.

Korcaret e gjeten golin e pare shume shpejt. Ne te dyten minute, Nurkovic i Flamurtarit ndali ne menyre te parregullt sulmuesin korcar Soe. Nga pika e bardhe Lilaj, nuk gabon, dhe i dha Skenderbeut avantazhim dhe qetesine. Nga Europa ne kampionat Skenderbeu tregon se eshte nje nga ekipet me te mire aktualisht ne Shqiperi. Soe duket se eshte nje blerje mjaft e goditur per korcaret. Ai jo vetem qe fiton penalltine por ne te 63 minute jep nje asis, per Muzaken i cili shenon golin e dyte. Tekniku i Flamurtarit Shpetim Duro, e vleresoi lojen e Skenderbeut duke theksuar se:”luajtem perballe Skenderbeut qe kishte nje ritem te mire ndeshjes gjate veres. E nisem ndeshjen ne disavantazh dhe kjo nuk eshte aspak e lehte. Kemi qene prane barazimit dhe ne disa moment kemi luajtur sit e barabarte por nuk arritem te shenonim. Soe i Skenderbeut beri diferencen ne fushe”. Tekniku i Skenderbeut Ilir Daja u shpreh se:”Kemi filluar mire sepse synimi yne eshte titulli Kampion. Beme nje ndeshje te mire por jo shume te mire dhe duhet te jemi me kembe ne toke. Arritja historike e kalimit te kater tureve jane dicka fantastike por tashme duhet te mendojme per Kampionatin. Une e di qe kishte ne stadium perfaqesues te Dinamos se Kievit. Sot ne luajtem me synimin per te fituar takimin e pare ne kampionat ndersa ne Kiev do te luajme ndryshe”.

Ne takimin tjeter Teuta-Luftetari, ndeshja ishte me e luftuar. “Djemt e detit” me nje organike te re, luajten fort dhe arriten te dominojne takim. Ashtu si edhe ne dy ndeshjet e para, edhe ne kete takim durrsaket do te kalonin te paret ne avantazh me ane te nje 11 metershi. Teuta dyfishoi rezultatin me ane te Ardit Shehaj, 10 minuta pasi ky kishte shkelur fushen e blerte. Tre minuta perpara perfundimit Abazaj shkurtoi diferencen ne 2-1. Nderkohe qe me fillim e kampionatit zakoni i skuadrave shqiptare per te treguar muskujt ne fushen e lojes u rikthye ne fushen e lojes. Ne takimin Teuta-Luftetari 2-1 lojtaret e te dyja skuadrave u perfshine nje nje zenje massive te pakuptimte.

Diten e diele do te zbresin ne fushe kater skuadrat e tjera. Partizani-Laci dhe Lushnja-Vllaznia. Dy pretedentet Kuksei dhe Skenderbeu jane ne pritje te asaj se cfare do te tregoje Partizani ne javen e pare. Nga skuadra e kuqe jane larguar shume lojtare titullare dhe ata jane zevendesuar me lojtare te rinj, qe sipas klubit te kuq:”jane me cilesore se at ate sezonit te kaluar”.

Kosovë-Kuvendi zgjedh qeverinë e re të kryeministrit Ramush Haradinaj

September 9, 2017 by dgreca

1 Behluli

-Pas intonimit të Himnit Shtetëror të Kosovës kabineti qeveritar i sapozgjedhur dha betimin/

2 Behluli Kuvend

Ne Foto;Raporton nga Kuvendi Gazetari Behlul JASHARI, Korrespondenti i Gazetes “Dielli” ne Prishtine/

PRISHTINË, 9 Shtator 2017-Gazeta DIELLI-Behlul Jashari/ Kuvendi i Kosovës në një seancë të jashtëzakonshme zgjodhi qeverinë e re të vendit me 62 vota pro, sipas konstatimit të kryeparlamentarit Kadri Veseli.

Pas intonimit të Himnit Shtetëror të Kosovës kabineti qeveritar i sapozgjedhur dha betimin.Më pas Veseli pas reagimeve sqaroi se nuk ishin 62 vota pro, por 61 vota pro, ndërsa 1 ishte abstenim.

Pas falënderimit të kryeministrit Ramush Haradinaj seanca u përmbyll nga kryetari i Kuvendit.

Lëvizja Vetëvendosje dhe Lidhja Demokratike e Kosovës braktisën seancën, derisa i mandatuari për kryeministër Ramush Haradinaj nisi të prezantojë kabinetin qeveritar dhe pa praninë e tyre u zhvillua votimi.

VV dhe LDK paralajmëruan të mbledhin nënshkrime për të kërkuar seancë të jashtëzakonshme për debat rreth programit qeveritar.

Ramush Haradinaj në seancën e sotme u zgjedh kryeministër i Kosovës me votat e koalicionit PDK-AAK-Nisma-AKR dhe të komuniteteve pakicë, ashtu si u zgjedh të enjten kryetari i Kuvendit. Kuvendi i Kosovës ka gjithësej 120 deputetë.

Ramush Haradinaj ishte kryeministër i Kosovës edhe më parë rreth 100 ditë.

Në 3 dhjetor 2004, pas zgjedhjes së Presidentit të Kosovës, deputetët e Kuvendit të Kosovës me vota të hapura zgjodhën kryeministrin dhe kabinetin qeveritar. Pasi më parë Presidenti Ibrahim Rugova para deputetëve nominoi në këtë post Ramush Haradinajn nga AAK-ja, ai mori votëbesimin e Kuvendit dhe u zgjodh kryeministër i ri i Kosovës si dhe 11 ministrat nga radhët e koalicionit. Për kabinetin qeveritar votuan 72 depuetë, kudnër ishin 2 dhe pesë abstenuan.

Atëherë, në 3 dhjetor 2004, në prezantimin e përbërjes së Qeverisë së Kosovës u tha se, kryeministri që mori votëbesimin, “Ramush Haradinaj ka lindur më 3 korrik të vitit 1968 në Gllogjan të Deçanit. Ka mbaruar Fakutetin Juridik në Prishtinë. Në krye të AAK-së si kryetar, ai është që nga themelimi i saj, në qershor të vitit 2000.

Gjatë luftës, Ramush Haradinaj ka qenë komandant i UÇK-së për Zonën e Dukagjinit, ndërsa pas luftës, deri në kalimin e tij në politikë dhe me themelimin e AAK-së, ka qenë zëvendëskomandant i SHP të TMK-së në Prishtinë.
Në mandatin e kaluar të Kuvendit të Kosovës, Haradinaj ka qenë deputet dhe anëtar i Komisionit për Bashkëpunim Ndërkombëtar”.

1 Qeveria Haradinaj

PO KUSH ESHTE KABINETI I QEVERISE HARADINAJ?

Kryeministër: Ramush Haradinaj

Zëvendëskryeministra: Behgjet Pacolli (AKR), Enver Hoxhaj (PDK), Fatmir Limaj (Nisma), Dalibor Jevtiq (Lista Serbe) dhe Dardan Gashi.

Ministër i Forcës së Sigurisë së Kosovës: Rrustem Berisha (AAK)

Ministria e Infrastrukturës: Pal Lekaj (AAK)

Ministria e Financave: Bedri Hamza (PDK)

Ministria e Shëndetësisë: Uran Ismaili (PDK)

Ministria e Kulturës, Rinisë dhe Sportit: Kujtim Gashi (PDK)

Ministria e Integrimeve Evropiane: Dhurata Hoxha (PDK)

Ministrja e Drejtësisë: Abelard Tahiri (PDK)

Ministria e Inovacion dhe Ndërmarrësisë: Besim Beqaj (PDK)

Ministria e Punës dhe Mirëqenies Sociale: Skender Reçica (Nisma)

Ministria e Arsimit: Shyqeri Bytyqi (Nisma)

Ministria e Tregtisë dhe Industrisë: Bajram Hasani (Nisma)

Ministrja e Zhvillimit Ekonomik: Valdrin Lluka (AKR)

Ministria e Ambientit dhe Planifikimit Hapësinor: Albena Reshitaj (AKR)

Ministria e Diaspora dhe Investimeve: Dardan Gashi

Ministria për Kthim dhe Komunitete: Delibor Jevtiq (Lista Serbe)

Ministria e Pushtetit Lokal: Ivan Teodosijeviq (Lista Serbe)

Ministria e Bujqësisë: Nenad Rikalo (Lista Serbe)

Ministria e Zhvillimit Rural: Rasim Demiri (Vakat)

Ministria e Administratës Publike: Mahir Jagxhillar (TDP)

T’u rrojnë Kallakët se Hajria iku!

September 9, 2017 by dgreca

1 Iliri Prayer

NGA ILIR LEVONJA/ Florida/

Nuk e di pse shqiptarëve u dhimbset kaq shumë ikja e Hajrie Rondos? Kemi kaq kollozër tani, sa, mjafton një Kallak a një Fevzi, a Mamaq…, ku di unë tjetër. Ia kemi kaluar edhe Hollivudit. Koha e kinemasë së Hajries ishte një kovaçanë.

Shkollë e këmbëzbathurve. E atyre që nuk dinin se si të lidhnin një papion. Hajria vetë, një e dënuar nga ai soj me një apartament një dhomë e kuzhinë. E dënuar t’i rishikohen rolet, përmbajtja. Të transmetohen apo jo, filmat ku ka luajtuar? Ne kemi plot tashmë. Plot që shtrëmbërojnë surratin. Si e si të marrin me zor një të qeshur. Ku dinte Hajria ta bënte këtë. Këta po, e kanë gojën plot me batuta bythësh, gjoksi, leshrash. Tu rrojnë fushatat, dhe ca kaseta të shtrydhura. Nuk kanë ngelur hapësirë të lirisë sonë pa e pushtuar. Hajria se kishte haberin e kasetave. Dilte në skenë ashtu zë jete. Fshatarkë origjinale. Kuadër origjinalë. Zyshë origjinale. Sekretare partie, origjinale. Harixhofkë origjinale.

Vjerrë e ligësht a nëpërkë, ashtu si ua ka qejfi të rejave moderne sot të quajnë mamatë e burrave, origjinale.

Ku e kishte Hajria haberin e veshjeve në mode. E koktejleve publike. A dasmave me porosi, të premten tek xhamllëku me farefisin. Të shtunën me shoqërinë tek Rogneri.

Hë e dini dasmën e Hajries? As mos e çoni nëpër mend. Kush është ajo, Bes Kallaku.? Hajria ishte aq, rrogën e pesëmbëdhjetëditshit. Pensionin sa për hape. Nuk e dini se çfarë janë hapet. Aspirina, paracetamol. Kurse ju filluat nga çjerrjet në fejsbuk. Humbën këtë e humbëm atë. Humbje e madhe e artit. Filluat nga pëllitjet kolektive. Në një garë kolektive. E kthyet me qejf Teatrin Kombëtar në teatër të shoqërisë, të pika eksperimenteve tuaja, tani e qani Hajrien. Lëreni Hajrien në prehjen e saj, se, ia shpifët së shkretës. Nuk mbeti këmbë ministri, qeveritari, partiaku pa postuar këtë e atë. Këtë e atë gjoja dhimbje…, megjithëse nga ata tjetër nuk kanë asnjë politikë referuese a vepruese për kurimin a kujdesin e rasteve të tilla. Se shkollës së artit të Hajries ia bënë në kokë me karkalecat e skenës eksperimentale. Dhe ato pak thërrime që hedhin gjoja për investim, ua japin shokëve, dhëndurrëve, kunetërve. Ose i tregtojnë me përqindje interesi etj. Hajria një cope provinciale… ishte.

(Shkruar në trysninë e Hurrican-it Irma)