Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for May 2019

5 MAJI SHQIPTAR PERBALLE “MEMORIAL DAY” NE SHBA

by

Shkruan: Dr. Sadik ELSHANI/

Nje Dite e Deshmoreve, Dite e Perkujtimit per te gjithe te renet/

Dita e Perkujtimit (Memorial Day) ne Amerike/

Shqiptaret e festuan Diten e Deshmoreve me 5 maj, ndersa kete vit amerikanet e festojne Diten e Perkujtimit (Memorial Day) me 27 maj. E hena e fundit e majit te çdo viti, ne Amerike eshte e njohur si Memorial Day, ose Decoration Day (Dita e Perkujtimit, Dita e Zbukurimit), eshte feste federale, dite kur populli amerikan nderon dhe shpreh falanderimet per te gjithe ata qe kane rene, kane flijuar jeten gjate sherbimit ne forcat e armatosura te Shteteve te Bashkuara te Amerikes. Kjo feste nga viti 1868 e gjer ne vitin 1970 eshe festuar me 30 maj. Gjithashtu, shenon edhe fillimin jozyrtar te sezonit te pushimeve verore. Ne kete dite shume njerez i vizitojne varrezat dhe memorialet e ndryshme, posaçerisht per te nderuar ata qe kane vdekur gjate sherbimit ushtarak. Vullnetare te shumte e vendosin nga nje flamur amerikan ne secilin varr ne varrezat kombetare. Organizohen parada, takime me veteranet, koncerte e shume veprimtari te tjera perkujtimore, kulturore e artistike. Ne parkun e godines se Kongresit Amerikan organizohet nje koncert madheshtor me pjese muzikore me motive atdhetare (patriotike), nderohen ata qe kane sherbyer dhe jane duke sherbyer ne forcat e armatosura amerikane. Ndersa Presidenti i ShBA-ve ne menyre solemne e ne prani te nje numri te madh te qytetareve, familjareve te deshmoreve e vendos nje kurore ne Varrin e te Panjohurve ne Varrezat Kombetare ne Arlington (afer Washingtonit).

Dita e Deshmoreve ne Shqiperi

Po ashtu, edhe ne Shqiperi behen vizita, vendosen kurora ne varrezat e deshmoreve, vizita ne familjet e tyre. Kjo date eshte kunderthenese, sepse lidhet me 5 majin, diten kur eshte vrare njeri nga kreret komuniste shqiptare, Qemal Stafa. Ka mjaft fakte e deshmi se ate e kishin tradhtuar shoket e tij dhe vete Enver Hoxha, per motive te uleta – çeshtje dashuriçkash apo konkurence. As Qemal Stafa dhe asnje shqiptar e asnje qenje njerezore nuk duhet te ndahet nga kjo bote nga shkaqe jonatyrore. Me percaktimin e kesaj date si “Dita e Deshmoreve”, regjimi komunist, si edhe ne çdo rast tjeter, ka vene ne plan te pare vetem luften e tyre, thua se shqiptaret kurre nuk paskan luftuar gjate historise se tyre shumeshekullore, por paskan pritur qe te udhehiqen nga dy nacionaliste serbe: Milladin Popoviqi e Dushan Mugosha. Gjate asaj lufte ka patur mjaft episode heroike edhe nga persona qe nuk kane qene te lidhur me Partine Komuniste Shqiptare (PKSh). Ndermend na vjen qendresa heroike e Mujo Ulqinakut ne diten e pare te pushtimit te Shqiperise nga Italia fashiste me 7 prill te vitit 1939. Ndoshta nuk eshte mire te behen krahasime te tilla, por renja e Mujo Ulqinakut duket shume me heroike. Ata qe rane ne fushebeteja, jo vetem ne luften e fundit, por ne te gjitha lufterat qe ka bere populli yne qe nga koha ilire e gjer ne diten e sotme, nuk e kane flijuar jeten e tyre per nje parti apo nje ideologji te caktuar, por per Iliri, Arberi, Shqiperi. Gjate qendrimeve te mia ne France kam pare shume pllaka (tabela) te rrugeve qe mbanin emrat e te reneve, deshmoreve, ku shkruhej: “Mort pour la France” (“Ka vdekur per Francen”). Ne Shqiperi kjo dite ne vend se te jete nje dite bashkimi, nje dite reflektimi per te gjithe te renet, kjo eshte bere nje dite perçarjeje, sepse kryesisht nderohen, perkujtohen te renet komuniste, apo thene me mire, te pervetesuar nga komunistet.

Nje Dite e Deshmoreve per te gjithe te rennet

Festat, perkujtimet ne shkalle kombetare duhet te kene nje karakter gjithekombetar, te bashkojne gjithe kombin dhe jo ta perçajne ate, duke bere ndasira, se vetem dikush paska luftuar per Shqiperi, ndersa te tjeret jo. Prandaj, sikurse ne Amerike, eshte mire qe te caktohet nje Dite e Deshmoreve, Dite e Perkujtimit, ku populli perkulet me respekt per te nderuar flijimin e tyre per atdhe ne te gjitha lufterat qe ka bere populli yne nder shekuj, dite qe nuk lidhet me asnje ngjarje, asnje individ te caktuar. Sidomos, me ndonje individ apo ngjarje qe eshte kunderthenese (kontraverse) dhe qe nuk eshte e pranuar nga te gjithe shqiptaret. Pra, siç e cekem ne fillim te ketij shkrimi, ne Amerike Dita e Perkujtimit (Memorial Day) çdohere festohet te henen e fundit te majit dhe nuk eshte e lidhur per asnje lufte, beteje, individ te caktuar. Por, nese ndodh qe ne Shqiperi per kete dite te zgjidhet nje akt heroik i ndonje lufte te caktuar, ateherte duhet te percaktohemi per nje lufte, per nje individ qe gezon perkrahjen, adhurimin e gjithe kombit, qe nuk lidhet me asnje parti e ideologji jokombetare e perçarese, por qe lidhet vetem me Shqiperine e shqiptarizmin. Ky do te ishte nje hap i duhur i Shqiperise per t’u larguar nga e kaluarae e saj komuniste. Shume vende si simbol, si permendore te dites se te reneve kane zgjedhur varrin e nje ushtari te panjohur, por qe perfaqeson te gjithe te renet per atdhe. Ne doren e Permendores (Monumentit) “Nena Shqiperi” ne Varrezat e Deshmoreve te Kombit ne Tirane ende qendron ylli pesecepesh – simboli kombetar i shqiptareve eshte shqiponja dykrenore dhe jo ylli pesecepesh i komunizmit.

Te jetesohen idealet e shenjta te deshmoreve te kombit

Nje vend, komb qe nuk i nderon ata qe per lirine e tij e kane bere flijimin maksimal, perfundimtar, nuk misheron kurrefare vlera morale e njerezore. Madje as nuk e meriton te quhet komb, shtet. Po ashtu, duhet te jete e papranueshme qe nje parti, qeveri t’i shfrytezoje aktet heroike te deshmoreve te kombit per te fituar poena politike, per te arsyetuar, perligjesuar regjimin e tyre, siç beri regjimi komunist ne Shqiperi per afer gjysem shekulli. Regjimi komunist me hipokrizine e tij, ne siperfaqe u bente nder deshmoreve duke vene kurora ne varret e tyre, duke vizituar familjaret e tyre, por e perdhosi testamentin, amanetin e tyre per te ndertuar nje Shqiperi te lire e demokratike dhe jo nje ferr mbi dhe. Diktatura i nderonte te rennet, sepse ata ishin nen dhe, te parrezikshem per te, por ndryshe sillej me ata qe mbeten gjalle. Diktatori Hoxha me nuhatjen (instiktin) e tij paranoike i zhduku nga faqja e dheut dhe nga faqet e historise gati te gjithe shoket e tij, madje duke i lene edhe pa varre.

Prandaj, kombi yne ka nevoje per nje Dite te Deshmoreve, Dite te Perkujtimit per te nderuar te gjithe ata qe e flijuan jeten per lirine e çdo pellembe te tokes shqiptare, ne te gjitha lufterat qe ka bere populli yne per liri e pavaresi. Te gjithe, edhe Qemal Stafen me shoket e tij. Por, te jete edhe nje dite per te reflektuar e per t’u zotuar per t’i zbatuar ne jete idealet e tyre te shenjta. Askush te mos thirret ne emer te deshmoreve, te shfrytezoje lavdine e tyre per interesa vetjake (personale), per t’i mbuluar paaftesite, krimet e tyre. Lavdi e perjetshme te gjithe deshmoreve te kombit tone!

Filadelfia, 24 maj 2019

Sadik Elshani eshte doktor i shkencave te kimise dhe veprimtar i bashkesise shqiptaro – amerikane.

Busti i Sekretares Amerikane të Shtetit, Albright në Prishtinë

by

-Busti do të vendoset në sheshin që mban emrin Medlin Ollbrajt, pranë Monumentit New Born/

-Arkiv-5 Korrik 2005: Presidenti Rugova i dorëzoi ish sekretares amerikane të Shtetit, Medlin Ollbrajt, Medaljen e Artë të Lirisë: Jeni një mike e madhe e Kosovës. Unë kam miqësi permanente me SHBA-të/

PRISHTINË, 26 Maj 2019-Gazeta DIELLI/ Shtatorja e Presidentit Amerikan, Bill Clinton, qëndron në qendër të Prishtinës, si shenjë falënderimi për kontributin e tij në çlirimin e Kosovës nga Serbia.

Media në Prishtinë shkruan se kryeqytetit do t’i shtohet edhe busti i bashkëpunëtores së Clintonit, ish-Sekretares Amerikane të Shtetit, Madeleine Albright, cila po ashtu, ka ndihmuar kosovarët ta fitojnë lirinë.

Busti do të vendoset në sheshin që mban emrin e saj, pranë Monumentit New Born. Aty tashmë është vendosur bazamenti i bustit. Presidenca e Kosovës ka nënshkruar kontratë prej 19 mijë e 788 eurosh me kompaninë “Artiko”, për realizimin e këtij busti.

Por, Presidenca megjithatë nuk mundi të konfirmonte nëse Albright do të jetë në Prishtinë më 12 Qershor. Florent Rrahmani, anëtar i ekipit për shënimin e 20-vjetorit të çlirimit, shtoi se Presidenca ende nuk ka marrë konfirmim për këtë, edhe pse ftesa u janë dërguar disa personaliteteve ndërkombëtare.

Informata thonë se nuk kanë as në Komunën e Prishtinës.

Megjithatë, mësohet se busti pritet të përurohet më 12 Qershor, në 20-vjetorin e Çlirimit të Kosovës.

Por, për vizitën e Albrightit në Twitter ka shkruar Petrit Selimi, koordinator për Sfidën e Mijëvjeçarit në Kosovë.

“Kosovarët do të jenë të lumtur ta mirëpresin sërish ish-sekretaren amerikane Madeleine Albright, për 20-vjetorin e çlirimit”, ka thënë Petrit Selimi, Koordinator për Sfidën e Mijëvjeçarit në Kosovë..

Derisa e vlerësojnë si të çmuar kontributin e amerikanes, qytetarët mirëpresin vendosjen e bustit të saj.

Albright ishte gruaja e parë në postin e Sekretares së Shtetit të SHBA-së. Në këtë detyrë, ajo ka shërbyer nga viti 1997 deri më 2010.

ARKIV-5 KORRIK 2005: PRESIDENTI RUGOVA I DORËZOI ISH SEKRETARES AMERIKANE TË SHTETIT, MEDLIN OLLBRAJT, MEDALJEN E ARTË TË LIRISË

Prishtinë, 5 Korrik 2005/ Presidenti i Kosovës, Dr. Ibrahim Rugova, në një solmnitet rasti, sot i dorëzoi ish sekretares amerikane të Shtetit, Medlin Ollbrajt, Medaljen e Artë të Lirisë, me të cilën e ka dekoruar më 12 qershor 2004, në 5-vjetorin e Ditës së Lirisë të Kosovës.
 
Presidenti Rugova zhvilloi edhe një takim me zonjën Ollbrajt ku bisedoi për gjendjen aktuale në Kosovë.

Presidenti Rugova pasi shprehu kënaqësinë për takimin me zonjën Ollbrajt, e çmoi si mike të madhe të Kosovës dhe të popullit tonë. Duke e falenderuar që sot ndodhet në vendin tonë dhe që ka gjetur kohë të jetë këtu, Presidenti tha se ajo “gjithmonë është e dashur dhe e respektuar”.

Duke folur për takimin, Presidenti Rugova tha se me zonjën Ollbrajt ka biseduar për progresin e Kosovës dhe se e ka njohur me arritjet që janë bërë, për gjendjen e mirë të sigurisë, stabilitetin e përgjithshëm.

“Po punojmë në vlerësimin e gjendjes së përgjithshme që të hapen bisedat për të ardhmen; punët që i kemi t’i kryejmë dhe natyrisht për të ardhmen, për pavarësinë”, u shpreh Presidenti Rugova, duke insistuar që të njihet sa më shpejt pavarësia nga SHBA-të BE-ja, po sidomos nga SHBA-të. Pavarësia, tha ai, do të hapte perspektiva të reja për të ardhmen e Kosovës, për popullatën e saj të re, duke u angazhuar për një mbrojtje dhe siguri të minoriteteve dhe të grupeve etnike.

“Kemi bërë një progres, por duhet të punojmë më shumë, po me pavarisinë do të bënim edhe më shumë. Unë punoj për këtë çështje, sikur edhe qeveria e grupet politike”.

Në fund duke i shprehur një falenderim të madh ish-sekretares së Shtetit për të gjitha ato që ka bërë për Kosovën, për lirinë e Kosovës, Presidenti tha se pret përkrahjen dhe ndihmën e mëtejshme të zonjës Ollbrajt në këtë fazë të rëndësishme për Kosovën: “Jeni një mike e madhe e Kosovës. Unë kam miqësi permanente me SHBA-të”, tha Presidenti i Kosovës Ibrahim Rugova.

Zonja shprehu kënaqësinë e madhe që sot ndodhet në Kosovë.

“Kosovës i kam kushtuar shumë kohë duke menduar se si ta ndihmoja. Shumë shpesh jam ndjerë edhe e shqetësuar për të. Prandaj sot jam shumë e kënaqur që jam këtu, pikërisht këtë vit që është vendimtar për Kosovën”, u shpreh pas takimit zonja Medllin Ollbrajt.

Ish-sekretarja e Shtetit porositi që në Kosovë duhet të zhvillohet demokracia dhe kërkoi mbrojtjen dhe respektimin e të drejtave të pakicave.

“Unë e kam bërë të qartë në mesazhet e mia, ashtu edhe në bisedat me Presidentin se demokracia në Kosovës është shumë e rëndësishme. Unë tash jam shefe e Institutit Nacional Demokratik, i cili i është i përkushtuar në ndërtimin e demokracisë në Kosovë dhe në vende të tjera”, tha zonja Ollbrajt duke thënë se është e rëndësishme që Kosova të jetë një vend shumetnik, ngase, siç tha, kjo e bën atë më të fortë.

Zonja Ollbrajt vlerësoi se është bërë mjaft progres, por duhet të bëhet edhe më shumë, duke premtuar se si qytetare amerikane dhe mike e Kosovës do të bëjë çmos që është e mundur që ta ndihmojë Kosovën edhe në këtë fazë.

“Të gjithë duan t’ju ndihmojnë. Unë nuk i përfaqësoj SHBA të zyrtarisht, por po flas si një qytetare amerikane dhe, shpresoj, si një mike e këtij vendi, do të bëj çdo gjë që t’ju ndihmojmë dhe, sepse ky vit është vendimtar për Kosovën”, theksoi zonja Ollbrajt./b.j/

Dorëheqja

by

Nga Ilir LEVONJA/

Një nga defektet më vrastare në këto vite demokraci ka qënë instalimi i institucionit të dorëheqjes. E ka bërë vetëm Fatos Nano më 2005 kur partia socialiste humbi zgjedhjet. Dha dorëheqjen dhe u largua nga politika. Kjo ndodhi pas shumë e shumë protestash me moton Nano ik. Atë kohë opozita me Sali Berishën kish ca ndihmë edhe nga lëvizja Mjaft e Erion Veliajt. Një lloj protestuesi hibrid që suportonte kryebashkiakun e Tiranës për të marrë drejtimin e Ps dhe postin e kryeministrit. Gjë që u vërtetua më pas dhe akoma dominon një mbështjetje e fortë karshi njëri-tjetrit. Por jemi tek Fatos Nano, ose më saktë institucioni i dorëheqjes. Nano iku dhe nuk u kthye më politikë. Por as nuk përfol për korrupsion! Qe një hapje krahu që në botën perëndimore është më se normale. Ai tentoi të kthehej da a tri herë, kjo për postin e presidentit pikërisht atëherë kur moduli me 84 vota dhe 3 raunde çonte vendin gjithnjë në ngërçe institucionale. Kjo më tepër për shkak të mungesës së një kulture demokratike në komunikim të faktorit politik, jo se nuk vlente ligji! Në fund të fundit ishte një tentativë me vlerë, pasi ruajtja e unitetit dhe ekuelibrave kërkon një përvojë të pasur politike. Nano e kishte, për më tepër ngritjen e institucionit të dorëheqjes. Se zakonisht në botën perëndimore njerëz me të shkuar të tillë kanë qënë dhe janë të suksesshëm por edhe të vlefshëm për vendin. Kjo për të hapur edhe një kapitull të ri për demokracinë tonë, ku ish presidentët, ish kryemintrat, ish ministrat, tu shërbejnë auditorëve në fakultete. Ose zyrave të institucioneve ku vepruan si këshilltarë. Kjo është shumë larg në vendin tonë, pasi të vjen për të vjell kur sheh një ish drejtues të lartë përshembull nga drejtësia, si avokat të karteleve të drogës dhe krimit. Eshtë një stil që u shkon për shtat shijeve të vendeve të botës së tretë, atyre me histori luftrash civile, shtet gangsterësh, deri në vrasje në masë. Mirëpo ambisjen e Nanos e vrau pikërisht partia nga ai vinte, tashmë e transformuar në një rilindje mjaftistësh të dirigjuar me kohë nga një person të cilin Fatos Nano ia bëri dhuratë Ps nga rrugët e Parisit. Nuk e ka dhënë tjetër kush një dorëheqje të tillë. Kjo e Berishës ishte gjysëm dorëheqje, sepse është akoma në politikë dhe shumë aktiv. Një gjysëm dorëheqje bëri edhe Fatmir Mediu me çështjen e Gërdecit, por jo hapje krahu. Mund të përmendim edhe emra të tjerë, por nuk kanë qënë të rëndësisë Nano a Berisha. Sot koha i ka dhënë një mundësi Ramës. Nuk ka për ta dhënë, mund të jetë duke bërë ecejake dhe më shumë se këshilltarët flet ai. Të palarat do i kujtoni më vonë kur dikush të filloj të shkruaj kujtimet, siç ndodh me rastin konkret të presidentit fasadë Bamir Topi me gjithë bashkëpunuesit e tij. Të gjitha ata që merren me kujtime shqiptare, harrojnë një gjë, se gracka e krijimtarisë këtu është më e madhe se në çdo rast tjetër. Pasi bie kollaj brenda në mbushjen e mendjes se vetëm ti ishe i papërlyeri dhe se të tjerët katran me bojë. Edhe ne në vitet që do vinë do shohim këtë kryeneçësi ramiste që pasi dështoi me tentativën për t’i dhënë vendit opozitë në kuvend, ka nisur këtë të letrave dhe dialogut. Pashë mbrëmë në një studio ku një intelektual vetëm pse mban syze firmato fliste për mungesën e dëshirës a dialogun e munguar me opozitën. Deri dje u thoshte qytetarëve se ajo ishte opozitë rruge, opozita reale është në kuvend. Ky është një nga detajet që tregon pikërisht atë që pashai i pallatit me piktura veç grup këshillmor nuk ka, nuk dëgjon, nuk pranon. Vetëm sa shpërndan direktiva. Ajo që e ka nervozuar Edi Ramën është pikërisht dhe fakti që opozita e mbrëmshme mbajti një protestë koncert, jo protestë – protestë. Megjithëse unë vetë këtij soji do i meritoja një lëvizje si ajo jelekëverdhëve në Francë. Kësisoj protesta koncert ia ka mbyllur ekranin për imazhin e Shqipërisë, megjithëse i kanë dhenë plot përgjigje për tu zgjuar nga mbushja e mendjes qytetarët në murin e FB të tij. Por edhe po u dorëhoq, nuk ka për tu larguar nga politika, pasi institucioni i hapjes së krahut është një ngrehinë pa themele, pa mure, pa çati.

PROTESTA E OPOZITES E QETE

by

-Protesta e radhes me 31 Maj, Diten qe Pozita organizon celjen e fushates per zgjedhjet vendore te 30 qershorit/

Në Shqipëri protesta e thirrur të shtunën në mbrëmje, 26 Maj 2019, nga opozita u zhvillua paqësisht, me përjashtim të disa minutave tensioni pranë parlamentit, ku protestuesit u ndalën pas qëndrimit para godinës së qevrisë. Ndërsa manifestimet e mëparshme janë mbizotëruar nga lëndët plasëse dhe tymueset që fluturonin drejt selisë së Qeverisë, sot ajo u karakterizua më së shumti nga elementë koreografikë. Fillimisht me protestuesë që mbanin në duar, tepsi me mbishkrimin “Rama IK”, të cilat më pas u mbushën me fotokopje parashë, duke simbolizuar korrupsionin qeveritar, me projektimin në fasadën e selisë së Kryeministrisë të sloganeve kundër qeverisë, ndërsa më pas drejt qiellit, ndërsa kishte nisur të binte errësira, u lëshuan balona ndicuese, mbi të cilat gjithashtu ishte stampuar me gërma të mëdha fjala “IK” drejtuar kryeministrit Edi Rama.

Mesazhet e zoti Basha në fjalën e tij ishin po ato që kanë qenë në thelb të të gjithë qëndrimit të opozitës gjatë këtyre tre muajve që kur ajo u largua nga parlamenti. “Kjo betejë sot bëhet për Shqipërinë, kjo betejë sot bëhet për Evropën. Populli shqiptar, populli evropian në këtë shesh e kudo është i vendosur për zgjidhjen politike. Ajo kalon vetëm përmes largimit të shkaktarit dhe pengmarrësit të demokracisë u shpreh zoti Basha.

Sipas kryetarit demokrat, qytetarët me manifestimin e sotëm dhanë mesazhin se tani “është shansi për zgjidhjen politike të krizës. Mjerë kush e lexon si shenjë dobësie, pasi ne jemi më të fortë se kurrë. Liri a vdekje! Demokraci a vdekje! Le të jetë kjo mbrëmje preludi fatlum i zgjidhjes së kësaj krize, përmes diktatit të normave dhe parimeve të Evropës. Pa asnjë kompromis për parimet dhe normat euroatlantike. Le të jetë preludi i zgjidhjes politike për ti hapur rrugën Shqipërisë si e gjithë Evropa”.

Në fjalën e mbajtur në mbyllje të protestës, para selisë së Partisë Demokratike zoti Basha ishte më i drejtpërdrejtë kur tha se “mesazhi i sotëm është mesazhi i qartë dhe i prerë ndaj miqve dhe aletaëve tanë dhe ndaj kundërshtarëve dhe armiqve të demokracisë, se ne jemi gati të sakrifikojmë gjithshka për votën e lirë, se jemi popull i Europës, e nuk do pranojmë kurrë despotizmin antieuropian të një qeverie banditësh që kanë marrë peng vendin, kanë kapur drejtësinë, dhe kanë bllokuar rrugëtimin drejt Europës. Ndaj orët dhe ditët në vijim – vijoi kryetari demokrat – qofshin ditë reflektimi të thellë për ata që mendojnë se mund të vazhdojnë të mbajnë peng popullin, qeverisjen e këtij vendi, për ata që u shkon në mendje se do mbysin demokracinë”, u shpreh ai duke paralajmëruar se “kjo nuk do ndodhë, forca jonë është bashkimi, vendosmëria, qëndresa, forca jonë është përballja dhe përballje do të ketë deri në fitoren e kësaj beteje”.

Ndalesa para selisë së parlamentit, u shoqëruar me momente tensioni, ndërsa një grup manifestuesish larguan gardhin metalik në hyrje. Më pas u ndez një zjarr i vogël, e nuk munguan dhe lëshimi i gurëve dhe sendeve të forta drejt policisë. Makina ujëhedhëse e policisë, u vu në përdorim vetëm një çast. Për të sprapsur protestuesit ndërhyri Sekretari i Përgjithshëm i PD-së Gazmend Bardhi, ndërsa zoti Basha, bëri rikthim drejt selisë së Partisë Demokratike.

Komuniteti ndërkombëtar i ka paraprirë sërish këtë të shtunë, me thirrje për qetësi dhe kundër akteve të dhunshme, protestës së mbrëmjes së opozitës në Tiranë. Ambasada amerikane, përmes një deklarate u shpreh se “ju bëjmë thirrje të gjithë pjesmarrësve në protestën e sotme – si qytetarëve ashtu edhe forcave ligjzbatuese – që të përmbahen duke qëndruar larg dhunës. Nxitja e përplasjeve fizike apo hedhja e mjeteve plasëse, bombave molotov dhe gurëve, është jodemokratike dhe e paligjshme. Ata që përfshihen në akte dhune kryejnë një krim dhe duhen vënë përpara përgjegjësisë”.

Në të njejtën linjë dhe Delegacioni i Bashkimit Europian dhe ambasadat e vendeve anëtare. “Ne dënojmë aktet e dhunës që kanë ndodhur në protestat e mëparshme dhe u bëjmë thirrje udhëheqësve të protestës si dhe autoriteteve shqiptare që të sigurojnë që demonstrata e sotme të zhvillohet në mënyrë të rregullt dhe paqësore. Të gjitha palët e përfshira kanë përgjegjësinë për të garantuar sigurinë e atyre që janë në rrugët e Tiranës sonte. Nuk ka vend për dhunë në një protestë paqësore. Autoritetet e zbatimit të ligjit kanë përgjegjësinë për të vepruar me vetëpërmbajtje, edhe nëse provokohen”, vë në dukje deklarata.

Thirrje për një manifestim paqësor erdhën dhe nga drejtuesit më të lartë të OSBE-së, të cilët përsëritën qëndrimin e mbajtur lidhur me protestën e dhunshme të 11 Majit ku theksuan se “dhuna është e papranueshme dhe se trazirat nuk mund të zëvendësojnë angazhimin politik demokratik. Deklarata mbetet po aq e vlefshme sa edhe dy javë më parë – nënvizohet në qëndrimin e sotëm – Koktejet e molotovit, hedhja e gurëve dhe e shashkave janë të paligjshme; reagimi i tepruar i forcave të rendit nuk mund të pranohet. I nxitim pjesëmarrësit dhe drejtuesit e protestës së sotme të jenë të përmbajtur. Përmendja e derdhjes së gjakut, pak ditë përpara një proteste publike, është e papërputhshme me demokracinë moderne dhe me protestat demokratike” – thekson OSBE në deklaratën e saj.

Përfaqësitë diplomatike të BE-së dhe SHBA-ve ndërkohë i bënë thirrje palëve për një “dialog konstruktiv me synim për të gjetur një rrugëdalje nga situata aktuale politike si një çështje urgjente”.

Më herët gjatë ditës dhe presidenti Ilir Meta, ju drejtua opozitës duke vënë në dukje se “sa e rëndësishme është që ajo të jetë tërësisht paqësore. Në protestat e mëparshme, pavarësisht nga përkrahja qytetare, janë vërejtur disa akte dhune të papranueshme, ndaj dua t’ju kujtoj se drejtësia e kauzës tuaj, nuk duhet të cënohet nga veprime të papërmbajtura të individëve të caktuar. Është përgjegjësi e udhëheqësve të Opozitës së Bashkuar për mbarëvajtjen e protestave ku ata ftojnë qytetarët të marrin pjesë”, shprehet presidenti, duke shtuar se “vetëm në këtë mënyrë, kauza juaj për një demokraci të vërtetë, që garanton një bashkëjetesë të gjerë qytetare, legjitimitet e funksionalitet të institucioneve, do të dëgjohet më mirë brenda dhe jashtë vendit”.(Kortezi-VOA)