Sokol Paja/
Federata Panshqiptare e Amerikës Vatra në një ceremoni të veçantë përkujtimi e vlerësimi, nderoi disa ditë më parë legjendën e boksit shqiptar Xhevdet Peci me rastin e ndarjes nga jeta. Me pjesëmarrjen e familjarëve, miqve të afërt dhe vatranëve të shumtë, legjenda e boksit u përkujtua me vlerësimet më të larta për rezultatet e arritura duke lartësuar në çdo ndeshje çdo vlerë kombëtare dhe sportive shqiptare. Miqtë e veçantë, mediat, vatranët e veprimtarët e komunitetit shqiptar në Amerikë, vlerësuan arritjet dhe krenarinë që kanë ndjerë me përfaqësimin e legjendës së Boksit Xhevdet Peci në garat sportive. Një foto e kampionit, dorezat tij origjinale që u ekspozuan në Vatër gjatë ceremonisë e bënë edhe më të gjallë prezencën e Xhevdet Pecit ne mesin tone. Ai shkoi në amshin shumë shpejt duke lënë shumë dhimbje te çdo shqiptar. Në takimin e vlerësimit për jetën e veprën e Xhevdet Pecit si kampion i gjallë, foli Kryetari i Vatrës z.Elmi Berisha, miqtë e ngushtë të Xhevdet Pecit: Musa Dakaj, Gani Ruhani dhe Presidenti i Nderit të Vatrës z.Agim Rexhaj i cili e nderoi në emër të Vatrës me Mirënjohje (Pas Vdekjes) me motivacion: “Për kontributin e shquar në sportin e Boksit, për rezultatet e jashtëzakonshme në arenën kombëtare e ndërkombëtare në ish- Jugosllavi, për përfaqësimin dinjitoz të vlerave sportive e kombëtare të kombit shqiptar, për veprimtarinë patriotike në shërbim të kombit e shtetit dhe për frymëzimin dhe mbështetjen e talenteve shqiptare e sportit të Boksit”. Kosova e kombi shqiptar humbi një nga emrat më domethënës të kohës, i cili na lartësoi jo vetëm në boks, por edhe në aspektin e identitetit kombëtar shqiptar në kohë shumë të vështira, duke u shndërruar në gardian të mbrojtjes së dinjitetit kombëtar dhe kundërshtar të diskriminimit në ish-Jugosllavi. Në ceremoninë e nderimit dhe vlerësimit Kampioni italian i boksit Vito Antuofermo e disa miq italianë të Xhevdet Pecit improvizuan disa tinguj ringu duke sjellë shumë emocione për të pranishmit e shumtë. Në emër të familjes foli nipi i kampionit Xhevdet Peci, Fatlind Peci i cili shprehu vlerësim e mirënjohje për ceremoninë e veçantë ndaj një legjende të gjallë si Xhevdet Peci.
Kjo veshje me ngjyrat e saja dhe dekoracionet e larmishme si dhe estetika e sajë i ngjanë një petku magjik që mund të zgjojë kurreshtjen e artistëve ashtu siç ka zgjuar kurreshtjen e mjeshtreve krajane, të cilat e kanë qëndisur me gjilpërë duke formuar këtë veshje si formatike të ruajtjes së sajë në formë suveniri. 
Bukuria e kësaj veshje tradicionale e nusërisë krajane (allaturka) që i ngjanë një petku magjik, ajo shfaqet e qetë për bartëset e saj. Mirëpo, kurë e shpalosë pjesë-pjesë këtë dekor ke të bëshë me supriza, me shumë mendime, me shumë gjykime etj., se si është krijuar dhe është ruajtur deri në ditët e sotit gjithë ky dekor i kësaj veshje, edhe pse me ndryshime të shumta që ajo ka kaluar nga dekada në dekadë. Një nga suprizë e tillë është edhe për ditët tona, që kjo veshje gjithnjë e më tepër po ruhet dhe po trashëgohet edhe në diasporen krajane, si në Amerikë, Australi, Gjermani e kudo ku ka krajane, e cila ja dinë vlerë dhe bukurinë e sajë. 
Vashat krajane dinë t’i ruajnë traditat e tyre të pasura, si në kulturë, në fushën shpirtërore, në folklor etj., poashtu edhe në veshjet e tyre, e në veçanti veshjen e “nusërisë krajane (allaturka)”. Ajo gjithmonë është trajtuar si element kryesorë i kulturës shpirtërore e asaj materiale të vashës krajane, gjegjësisht të përkatësisë etnike të sajë.
