Archives for October 2023

SHQIPTARËT DHE ARBËRESHËT MË AFËR FALË NËNË TEREZËS

October 4, 2023 by s p

Një gjest kuptimplot ai i dhurimit të shtatores së Nënë Terezës nga shoqata Korabi qytezës arbëreshe të Firmos (arb. Ferma), në provincën e Kozencës, në Kalabri. Nënë Tereza, Gonxhe Bojaxhiu, afroi kështu dy popuj të cilët si dy vëllezër u takuan pas një kohe të gjatë të kaluar larg njëri-tjetrit.

Shqiptarët e Italisë takuan vëllezërit e tyre shqiptarë nga Shqipëria dhe Kosova, ata vëllezër nga Shqipëria të cilëve u hapën dyert në vitet Nëntëdhjetë, në periudhën më të vështirë të përjetuar nga populli shqiptarë në 30 viteve të fundit. Komunitetet arbëreshe të Italisë kanë qenë gjithnjë të pranishme në momentet e vështira që ka patur populli shqiptar në Itali, si përshëmbull mikpritja e viteve ’90, kur arbëreshët nga gjithë Italia u paraqitën në portet e Brindizit dhe të Barit për të ndihmuar vëllezërit e tyre shqiptarë.

Kjo ka qenë edhe arsyeja pse shoqata e sipërmarrësve shqiptarë Korabi vendosi t’i nderojë arbëreshët me çmimin “Nënë Tereza”. Ndër arsyet e çmimit prestigjioz, që mban emrin e një figure të madhe shqiptare në Botë, është pikërisht angazhimi i komuniteteve arbëreshe, në veçanti i Caritas Eparkial të Lungros (arb. Ungër), që nga mesi i viteve nëntëdhjetë dhe fillimi i viteve 2000 pritën rreth 50 djem shqiptarë nga Shqipëria në San Basile, një tjetër bashki arbëreshe në provincën e Kozencës. Për 50 të rinj shqiptarë, Italia përfaqësonte jo vetëm mundësinë e një jete më të mirë, por edhe zbulimin e një pjese të rrënjëve të tyre, një pjesë të historisë shqiptarë në Itali.

Çmimi prestigjioz “Nënë Tereza” u dorëzua nga shoqata “Korabi” në duart e Imzot Donato Oliverio, kryetar i Karitasit Eparkial të Lungros. Çmimi u dha gjatë një konference mjaft interesante të organizuar nga shoqata Korabi në Bashkinë e Firmos, në sallën e ish-Konventës Domenikane, ku u fol gjatë e gjerë për figurën e shenjëtores Nënë Terezë, për historinë e Arbërisë, lidhjet me Shqipërinë dhe

përvojat e shoqatës Korabi.

Mbrëmja përfundoi me një banketë dhe momente muzikore e kërcimtare të organizuar për këtë rast, ku këngëtarët arbëreshe dhe grupet e valltarëve të rinj magjepsën me tingujt e tyre, tekstet e tyre në gjuhën amtare dhe vallëzimet “Vallje” e tyre tradicionale të kulturës arbëreshe.

Ajo e Firmos ishte jo vetëm një dhuratë e çmuar, një gjest siç mëson Nënë Tereza, por edhe një takim që vështirë se do të harrohet për shkak të emocioneve të transmetuara te të pranishmit, shqiptarët dhe arbëreshët, të cilët me këtë rast mundën të forconin lidhjen e identitetit të tyre shqiptar, që pasqyrohej në çdo përshëndetje dhe fjalë në gjuhën shqipe të shkëmbyer me popullsinë vendase nga anëtarët e shoqatës Korabi, të cilët u larguan jo vetëm më të pasur në emocione dhe histori, por u bënë ambasadorë të vërtetë të Arbërisë dhe të promovimit të kulturës arbreshe në Itali, Shqipëria dhe në mbarë Botën.

Pjesemarres te tjere nga Kosova dhe viset tjera ishin :

Naim Dedushaj

Drejtor Ekzekutiv i Rrjetit te Bizneseve Shqiptare ne bote .

Muharrem Salihu biznesmen nga Medvegja me vendbanim ne Veneci Itali .

Edmond Hajrizi

Rektor i universitetit

UBT ne prishtine

Mehmet Prishtina Biznesmen nga Kosova .

TETORI ROZË….

October 3, 2023 by s p

Fjolla Hyseni Vokshi, MD, PhDc

Research Scientist/Sonographer/

Çdo vit në tetor, vendet në mbarë botën njohin Muajin e Ndërgjegjësimit për Kancerin e Gjirit si një kohë për të rritur ndërgjegjësimin, për të mbledhur fonde për kërkime dhe për të mbrojtur ata që janë diagnostikuar me këtë sëmundje.

Tetori shërben si një kujtesë për gratë që duhet të kontrollohen me shpresën se duke bërë kështu, zbulimi i hershëm do të çojë në rezultate më pozitive në luftën kundër kancerit të gjirit.

Përfitimi kryesor i shqyrtimit për kancerin e gjirit është ulja e shkallës së vdekshmërisë. Sipas studimeve, vdekshmëria në mesin e grave mbi 50 vjeç dhe që ftohen për depistim është rreth 22% më e ulët se në situatat pa depistim për kancerin e gjirit. Depistimi(Screnning) shpesh ndihmon gjithashtu në zbulimin e hershëm të kancerit të gjirit kur është më i lehtë për t’u trajtuar. Për më tepër, kanceri i gjirit që gjendet në një fazë të hershme zakonisht mund të trajtohet duke përdorur terapi për ruajtjen e gjirit.

Përmes ofrimit të edukimit për karakteristikat e kancerit të gjirit për publikun e gjerë,mbështetësit besojnë se më shumë njerëz mund të informohen për sëmundjen, duke çuar në rezultate të përmirësuara të trajtimit për gratë e prekura për shkak të zbulimit të hershëm dhe metodave më të mira të trajtimit.Synon të shpërndajë informacion dhe të edukojë publikun për rëndësinë e shëndetit të gjirit, për zbulimin e hershëm të kancerit të gjirit te gratë dhe vajzat në të gjithë botën. Për nga prekshmëria renditet në vendin e parë në sëmundshmërinë e popullsisë femërore në tërë botën e industrializuar. Statistikat tregojne se perhapja e kancerit te gjirit eshte 1 ne 8 femra. Metodat e diagnostifikimikt te kancerit te gjirit jane: metoda digjitale mamografia depistuese(screening mammography,metoda diagnostike mamogrfike,Screening ultrasound, ultrazeri diagnostik, Digital tomosynthesis(3D),rezonanca magnetike e gjirit, procedurat me biopsi. Sic dihet, diagnostifikimi i hershëm mundëson deri në kurimin e plotë të patologjive te gjirit. Sipas Kolegji Amerikan te Radiologjisë rekomandohet Mamografine vjetore për grate duke filluar nga mosha 40 vjeçare.

Gratë që janë në rrezik të lartë për kancerin e gjirit bazuar në disa faktorë duhet të berë një MRI dhe një mamografi çdo vit. Këtu përfshihen gratë që: Kanë një rrezik të kancerit të gjirit sipas vlerësimit të rrezikut me mjete që bazohen kryesisht në historinë familjare, Të ketë një mutacion të njohur të gjeneve BRCA1 ose BRCA2, Ka histori per perdorimin e terapive me rreze në gjoks nga mosha 10 deri në 30 vjeç.

Qëllimi kryesor i mamografisë është të zbulojë anomalitë e gjirit para se ato të bëhen të dukshme klinikisht, sidomos rastet e dyshimta për kancer. Ky status është arritur pas një numri të madh provash, rezultatesh e shqyrtimesh. Sidomos evolucioni në teknologji, teknika të reja, metodat e njohuritë mbi kancerin dhe rezultatet e analizave afatgjate kanë treguar efektshmërinë e mamografisë në zbulimin e hershëm të kancerit të gjirit. Mamografia është metodë imazherike që përdor rrezatim jonizues të dozës se ulët (zakonisht 0.4mSv) për të ekzaminuar gjirin.

Ekzaminimi mamografik, apo mamografia ndihmon në detektim dhe diagnostifikim të proceseve neoplazike. Roli kryesor i kësaj metode është detektimi i hershëmi karcinomës së gjirit tek femrat asimptomatike. Metoda ekzaminuese e screening-ut -Termi skrining do të thotë përdorimi i metodës imazherike mamografike tek një paciente asimptomatike ose paciente e cila lajmërohet për ekzaminim pa ndonjë problem të njohur të gjirit. Procedura e metodës së skriningut duhet të plotësojë kriteret në vazhdim: Të jetë e thjeshtë,të jetë pranueshme për pacientin,të ketë sensitivitet të lartë,të ketë specificitet të lartë,të jetë e ripërsëritshme ,të ketë kosto-efektshmëri,të ketë shkallë të ulët të riskut . Edhe pas këtyre masave të aplikuara, rreth 10% të kancereve mbesin radiografisht okulte, veçanërisht tek gjinjët me parenikmë dense dhe tek gjinët me implante. Sidoqoftë, mamografia mbetet metoda me specifikacion dhe sensitivitet më të lartë për detektim të kancerit të gjirit, se sa çdo metodë tjetër joinvazive diagnostike deri më sot.

Interpretimi i mamogramit: BI-RADS është shkurtesë për Breast Imaging- Raporting and Data System (Imazhimi i gjirit- Sistemi i të dhënave dhe raportimit). BI-RADS është i dizajnuar që të standardizoj raportet e imazherisë së gjirit me qëllim të reduktimit të konfuzionit në interpretim. Bazuar në leksikonin e BI-RADS nga mjeku kërkohet që të bëjë vlerësimin final të të gjeturave mamografike. Sipas këtij sistemi eksistojnë gjashtë kategori dhe shënohen me BI-RADS 0, 1, 2, 3, 4, 5, 6 dhe kanë domethënie të rëndësishme për atë se si duhet të menaxhohet një rast me një gjetje të kategorisë së caktuar. Benefitet nga mamografia janë: Skriningu i gjirit mund të gjej masa shume të vogla shumë më herët se të ndjehen apo vërehen. Gjasa e mbijetesës është shumë më e lartë kur karcinoma e gjirit gjindet në fazë të herëshme përmes skriningut. Krahasuar me rezonancën magnetike të gjirit (RM), ultrazërin e gjirit (UZ) dhe teknikat e tjera, mamografia mbetet metoda me kosto-efektivitet dhe ripërsëritshmëri më të lartë. Studimet e shumta tregojnë se përmes kontrolleve të rregullta në kuadër të një programi të zbulimit të hershëm me cilësi të kontrolluar, shumë pacientë mund të shërohen nga sëmundja.Pos kësaj, zbulimi i hershëm I kancerit të gjirit mundëson shpesh trajtime që kursejnë organet, me më pak efekte anësore ose me efekte anësore më të ulëta, dhe kësisoj, me një cilësi jetese më të lartë për pacientin. Marrja e një rezultati fals pozitiv mund të shkaktojë frikë dhe shqetësim që mund të përcillet me panikë për një kohë të gjatë për shumicën e pacienteve. Sidoqoftë, këto disavantazhe të mamografisë janë shumë të vogla në numër në krahasim më avantazhet dhe efektshmërinë që ka në detektimin e karcinomës.

Mamografia edhe më tutje mbetet metoda më efektive dhe relativisht e saktë në detektimin e karcinomës së gjirit në fazat më të hershmë, me efektivitet dhe periudhë detektimi shumë të shpejtë se çdo metodë apo teknikë tjetër.

ÇFARË MUND TË BËJ PËR TË BËRË PJESË E MUAJIT TË NDËRGJEGJËSIMIT PËR KANCERI GJIRIT?

Gjëja më e mirë që mund të bëni për të mbështetur këtë përpjekje është të bëni mamografinë tuaj. Më pas, bisedoni me të afërmit dhe miqtë tuaj dhe inkurajojini ata të bëjnë një të tillë. Inkurajoni gratë në jetën tuaj që të bëjnë ekzaminime mujore të gjirit. Nëse dëshironi të bëni më shumë, mbështesni kërkimin e kancerit të gjirit duke u bashkuar në një ngjarje për mbledhjen e fondeve për ndërgjegjësimin për kancerin e gjirit në zonën tuaj ose duke dhuruar drejtpërdrejt Fondacionit Kombëtar të Kancerit të Gjirit.

Ndërgjegjësimi për kancerin e gjirit është një lëvizje që synon të rrisë ndërgjegjësimin dhe të zvogëlojë stigmën e lidhur me simptomat dhe trajtimin e kancerit të gjirit.

Community and Cancer at Center of AFC Fourth Anniversary. What was it like to be there?

October 3, 2023 by s p

Rafaela Prifti/

At AFC’s Fourth Anniversary dinner the impact of its work was in full display for over 200 guests assembled at the grand hall in Canton, 15 miles southwest of Boston, Massachusetts, on Sunday. A multitude of snapshots, subtle and noticeable, told moving stories that go to the heart of AFC humanitarian mission – a hug to a partner who is currently in remission, a tearful eye of a daughter looking across the white clothed-table at her mother that recently completed a cycle of radiation, a friend that pins the purple ribbon on the blazer upon entering the venue with their family members, the SOLD sign placed next to the hand-knitted deep yellow colored vest – an auction item donated by a survivor – a quiet embrace for a relative who received a cancer diagnosis – marked the Gala event of AFC USA. From 2019 to 2023 the organization has helped 93 individuals, raised $ 163,000, had made donations including two hospitals in Albania and Kosovo thanks to the unrelenting efforts of the AFC Board, the Clinical Committee directed by Dr. Albana B. Mihali, MD, FACP, the donors and sponsors.

From the time of its founding through the Covid pandemic to the fourth anniversary and onward, the AFC is driven by its commitment to survivors. One of them, whose initials are L.L. and who agreed to be in the story, said that the day started out with her “not being keen on going to a party” and, by the end of the extended five-hour-event on Sunday, she “was truly glad to have been there.” A wife, mother and grandmother, L. L, a longtime resident of Boston, received her breast cancer diagnosis in May of this year. She underwent surgery and recently completed radiation, getting a good prognosis by doctors. “I honestly didn’t think of being at the AFC celebration. But now I’m so glad I came here,” she said stepping outside the venue with an AFC imprinted logo mug – souvenir which was the centerpiece at the table arrangement- arranged gracefully with freshly cut pink and red roses by Enkela Pance, a Board member and Brizida Koci. Recognitions and certificates of appreciation to some AFC supporters were presented by Board members, Dr. Ivi Kasimati and Irvin Cepa.

The approach to every single detail at the Gala from the presentation, banners, slide show, auction items, donations for raffle prizes reflected the wealth of experience and the meticulous execution by the AFC caring team.

Roberta Panariti, AFC Founder and President, understands the intricacies of the fight against cancer. Her sister Noela, Health Insurance Policy Leader and AFC Board member, is a four-year colorectal cancer survivor. Evidently fighting cancer is personal.

Emphasizing that point, Dr. Zhenisa Hysenaj, MD, a New York hematologist and oncologist specialist, and key note speaker at the event, said that “breast cancer, now counting at two million cases a year is not one disease, it’s many.” It might be the same diagnosis, but it is very different experiences for each individual.

All three key note speakers, renowned specialists, Dr. Lorenc Malellari, MD in Colon Cancer and Dr. Hysenaj, MD in Breast Cancer, and Dr. Andreas Varkaris, MD at MA General Harvard Cancer Center, New Treatments and Clinical Trials, respectively underscored that testing and early screening saves lives. Looking into the future, Clinical Committee Chair, Albana Mihali, MD, FACP, hopes that “participating in clinical trials is an opportunity for the community.”

“It is concerning that while colorectal cases in the older population are going down, the disease is trending upward among the young people,” said Dr. Lorenc Malellari, a California MD, double Board Certified in General Surgery and Rectal Surgery. In his presentation, Dr. Malellari, Medical Director at Robotic Surgical Center noted that colon cancer doesn’t manifest with any specific symptoms, which means it is even more important to test before one notice changes. “A small action that could save 40,000 lives a year,” he said.

A reminder of the losses incurred along the journey was expressed in the form of a tribute to Dr. Çaushaj by Dr. Agim Aliaj. On the photos by the entrance and on the slides of the first AFC Gala 2019, Dr. Çaushaj’s smile injected joy to his colleagues. “There are over six hundred twenty organizations in the US that have the word cancer in their names. So what makes AFC unique?” asked Dr. Ivi Kasimati on Sunday. Then taking a few steps back toward the standup banner showing the logo with a circle of colorful ribbons spelling out the name Albanians Fighting Cancer, he ran his hand under the word Albanian. It prompted an immediate and enthusiastic applause. Feeling emotional but resolute in their commitment, all board members linked hands together inviting “everyone to symbolically join in” Dr. Agim Aliaj projected a gesture of the strength of standing with the community in the fight against cancer.

It is worth noting the significance of the date and venue: October 1 being the first day of the Breast Cancer Awareness month, and the Blue Hill Country Club, Canton, Massachusetts, the venue of the first AFC Gala in 2019.

The opening act of the 2023 Gala was a nod to the AFC fundraiser in May of this year. Roberta Panariti, who holds a music degree from Albania before coming to the US, invited the Gala guests to join her in a sing-along of the unofficial hymn of Albanians. Across the tables all around the hall, the gentle croon by the audience of Dua me shume Shqiperine (I love Albania the most) evoked the emotions of the piano rendition by Genc Tukici at Boston Symphony Hall at the May fundraiser of AFC. The evening’s fine entertainment included a tasteful DJ selection of song records from all Albanian regions.

At home, L.L. put on the pink T shirt with the AFC logo that she picked up at the Gala. Looking at herself for the first time dressed in a garment she never owned before that Sunday. With her eyes fixated on one word, she said “I’m wearing my diagnosis,” expressing her will to reclaim what is hers – her powers over cancer.

The journey of AFC is not long in years, yet quite poignant in the lives of every day survivors. https://albaniansfightingcancer.org/

Tri vepra të Shqipërisë e të Kosovës në Panairin Ndërkombëtar e Librit në Riad

October 3, 2023 by s p

Prof. Muhamed Mufaku/

Kohëve të fundit kemi një risi që vlen të prezantohet: promovimi i letërsisë shqipe në gjuhën arabe, gjuhë e 20 shteteve me 400 milionë banorë prej Kuvajtit deri në Marok, e cila është një prej pesë gjuhëve zyrtare të Kombeve të Bashkuara. Është për të shënuar këtu, në sajë të shënimeve të botuesve, se viteve të fundit u bë një ndryshim i madh në raport libër-lexues si pasojë e COVID-19 dhe zhvillimit të hovshëm urbanistik në kryeqendrat arabe. Kështu, duket si kontrast që në kohën që po mbyllen shumë librari në kryeqytetet arabe, shitja e librit po rritet me anë të panaireve dhe kompanive (si “Amazon” e tjera) që merren me sigurimin e librave dhe dërgimin e tyre deri te lexuesi.

Në lidhje me panaire të librave kemi nja 20 që mbahen me rend prej Kuvajtit deri në Marok, por tani dy janë më të rëndësishmit: Panairi i Kajros që ka më shumë reputacion dhe Panairi i Riadit që ka më shumë shitje-blerje të librave (vjet nja 2 milionë vizitorë e mbi 20 milionë euro qarkullim, kurse sivjet 1800 botues e 200 aktivitete).

Mu në këto vite filloi të promovohet mirë letërsia shqipe nëpër panaire të mëdha, kur përcillet atje me ndonjë tryezë e të tjera. Në mungesë të përkrahjes shtetërore, me përjashtim të një libri që e financoi pjesërisht Qendra e Librit në Tiranë më 2021, këto suksese të reja janë fryte të shoqërisë civile dhe disa ambasadorëve që kuptojnë mirë diplomacinë kulturore. Kështu, iniciativa filloi me themelimin e Institutit për Studime Orientale (ISO) në Prishtinë më 2019, që mori përsipër promovimin e kulturës shqiptare në Lindjen e Mesme. Në këtë kuadër e filloi bashkëpunimin me disa shtëpi botuese në vendet arabe dhe filloi të botohen libra për çdo vjet.

Sa për fillim u botuan dy romane: “Përtej binarëve” i Ibrahim Kadriut (Amman 2020) dhe “Një sagë e vogël për burgun” i Besnik Mustafajt (Amman 2021), të përkthyer në arabisht nga Ibrahim Fadlulla. Një vit më vonë, më 2022, doli botimi i dytë i romanit “Era dhe Lisi” i Sinan Hasanit me rastin e 100-vjetorit të lindjes.

Pritja e këtyre romaneve hapi rrugën për vepra të reja. Kështu, këtë vit është hera e parë që prezantohen dy romane të reja në Panairin Ndërkombëtar të Librit në Riad që nisi më 28 shtator dhe zgjat deri më 7 tetor: “Daullja prej letre” i Besnik Mustafajt dhe “Vdekja e Anilës” i Ibrahim Kadriut në përkthim të Adnan Muhamedit që i nxori sivjet shtëpia botuese siriane “Dar al-Hiwar”, e themeluar më 1984 që i nxori deri më tani mbi 1000 tituj. Po ashtu, në Panairin e Librit në Riad sivjet po ekspozohet edhe antologjia e poezisë bashkëkohore e Kosovës me titull “Jetë në vazhdime” që përfshin 18 poetë të Kosovës në përkthim të Muhamed Mufakut.

Këto suksese të promovimit të letërsisë shqipe në Lindjen e Mesme u arritën edhe me qasjen pozitive të disa ambasadave të Kosovës, e sidomos në Riad e në Doha, ku ambasadorët kuptojnë mirë rëndësinë e diplomacisë kulturore, që do të thotë të vizitojnë pavijonin e botuesve dhe të marrin pjesë në promovimin e botimeve të reja në praninë e autorëve e të mbajnë disa kopje në ambasadë për ndonjë mysafirë që vjen. Sivjet, botuesi jordanez i antologjisë së poezisë bashkëkohore të Kosovës premtoi të organizojë për një panair tjetër një recitim të poezive në shqip e arabisht në prani të dy poetëve të Kosovës.

Megjithatë, tani rruga u hap më tutje. Deri në fund të vitit pritet të botohet romani i tretë i Besnik Mustafajt në arabisht, “Dëmtuar gjatë rrugës”, në përkthim të Adnan Muhamedit dhe në botim të shtëpisë siriane “Dar al-Hiwar”. Kjo do të ishte ngjarje, sepse autori do të jetë mysafir nderi i Panairit të Librit në Kajro që mbahet në fund të janarit të vitit 2024, me të cilin rast do të mbahet një tryezë për letërsinë shqipe. Me fjalë të tjera, do të ishte hera e parë që një shkrimtar shqiptar i këtij niveli të ftohet si mysafir nderi dhe prezantohet letërsia e vendit të vet.

Me këto botime, tani letërsia bashkëkohore shqipe ka dyer të hapura në Lindjen e Mesme, por na mungojnë vetëm përkthyesit dhe ministritë që merren me kulturë!

Kur Editor i Diellit Prof. Peter Prifti lexonte librin: “Gramatika dhe Sindaksa e Gjuhës Shqipe” 1927 të Ilia Dilo Sheperit

October 3, 2023 by s p

Nga Keze Kozeta Zylo/

Letër e Editorit të Diellit Prof. Petër Priftit dërguar z. Eduard M. Dilo

Prof. Petër Prifti është një ndër figurat më të njohura të Diasporës shqiptare në Amerikë, është shkrimtari, Editori i Diellit, studjuesi dhe bashkëpunëtori i imzot Fan Nolit, që i kanë dhënë aq shumë Kombit shqiptar.

Është krenari dhe kënaqësi të lexosh komunikimin e tij midis Eduard M. Dilos, pinjollit të Babait të Gramatikës së Gjuhës Shqipe, Ilia Dilo Sheperit.

Ndërsa Prof. Peter Prifti shkruan se e kishte lexuar qysh në vitet 70-të të shekullit të kaluar këtë kryevepër, të shkencëtarit Ilia Dilo Sheperi dhuruar nga i biri i tij Dr. Jani Dilo i cili jetonte në Amerikë dhe i dënuar nga diktura, gjeneratës sime i ishte mohuar ta lexonte dhe ta kishte në bibliotekë… Prof. Prifti pohon se është një vepër me vlera të rralla gjuhësore. Shkencëtari dhe dijetari erudit që ushqeu mijëra nxënës me kajmakun e qumështit të Alfabetit Shqip dhe u bë fjalë e epërme e gjuhës së bukur shqipe si për ironi të fatit u perseketua tmerrësisht së bashku me familjen e tij të shtrenjtë nga regjimi diktatorial komunist.

Z.Eduard M. Dilo na e dhuroi si shenjë nderimi për fillimin e vitit akademik 2023-2024 të Shkollave Shqipe “Alba Life” në gjithë Nju Jorkun dhe në Online. Shtoj këtu se z. Dilo është një mbështetës dhe kontribues i vyer për Shkollat Shqipe, trashëgimi dhe betim i familjes së tij.

Këto komunikime midis personaliteteve të larta të kulturës në Diasporë u krijuan vetëm pas rënies së diktaturës. Më parë ishin ëndrra që flinin në sirtar.

Ilia Dilo Sheperi, Nderi i Kombit është dijetari erudit që u bë fjalë e epërme e Gjuhës Shqipe. Shkollat “Alba Life” nderojne dhe respektojne keto figura kombetare duke I kujtuar me studimet apo me fjalimet e tyre aq frymezuese si psh një fragment nga fjalimi i famshëm i Ilia Dilo Sheperit, më 28 Nëntor, 1920: “Shqipëria divine, dheu klasik i trimërisë, kremton sot një nga më të shënjtat ditë të historisë së saj kombëtare: Ditën e Rilindjes së pagëzimit në jetën e re të Lirisë! Ditën e vënies mbi krye të kurorës së Independencës”!

Ai denoncoi patrikanën greke dhe të Stambollit të cilët e kishin dënuar me vdekje duke iu thënë: “Edhe po të më vrisni, edhe po të më therrni, në fytin tim do të lexoni Alfabetin Shqip”.

Faleminderit dhe mirënjohje për ju Eduard M. Dilo!

2 Tetor, 2023

New York