Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

PRISHTINA, MIKPRITESE E PANAIRIT AGROKOS 2018

by

– Në Agrokos vijnë mbi 85 Kompani të organizuara në pavijone te përbashkëta si dhe pjesemarrje individuale/

unnamed (1)

– Panairi më i rëndësishëm i fushës së agrobiznesit në Kosovë, Maqedoni, Shqipëri dhe Mali i Zi AGROKOS 2018-/

Edhe pak ditë deri në hapje zyrtare të Edicionit të 18-të të Panairit Ndërkombëtar të Agrobiznesit “AGROKOS” i planifikuar në data 17-19 tetor 2018 në Pallatin e Rinisë në Prishtinë.

Qëllimi i këtij projekti është që të kontribuojë në zhvillimin ekonomik të vendit, duke u mundësuar bizneseve promovim të nivelit me standarde të larta të certifikuar ndërkombëtarisht nga Asociacioni Ndërkombëtarë i Panaireve me seli në Francë UFI.org.

AGROKOS  për 18 vite rresht është duke ndihmuar bizneset në gjetjen e partnereve vendorë dhe ndërkombëtarë, po ashtu shtrirje në tregje të reja përmes kontakteve që krijohen në Panair si dhe nga platforma e lansuar këtë vit për ekspozuesit “B2B shërbim për 365 Dite”.

Këtë vit vijnë në AGROKOS mbi 85 Kompani të organizuara në pavijone të përbashkëta si dhe në pjesëmarrje individuale.

Qeveria e Bosnjës dhe ajo e Malit te zi përmes Asociacioneve te Bizneseve në vendet e tyre dhe Oda Ekonomike e Selanikut sjellin numrin më të madh të bizneseve jashtë Kosovës duke u shoqëruar nga bizneset Individuale nga Gjermania, Zvicra, Hungaria, Serbia dhe Shqipëria.

Nga Kosova janë kryesisht biznese prodhuese dhe shpërndarëse të cilat po e shfrytëzojnë Agrokos-in në gjetjen e klientelës së re dhe për rritje të volumit të shitjes, gjë e cila po ndikon në krijimin e vendeve të reja të punës

Pra ky Panair edhe këtë herë për të 18-in vit me radhë po dëshmon vetën si një nga ngjarjet më të rëndësishme te agrobiznesit në Kosovë dhe rajon.

Prishtina me Hotelet dhe Restaurantet e saja nga data 16-19 tetor do të jenë plotë të mbushura me mysafiret që vijnë në AGROKOS dhe në këtë formë po ngrisim një imazh tepër pozitiv edhe për Prishtinën dhe Kosovën në përgjithësi.

CEO ju fton dhe ju si media që ta përcillni këtë panair nga afër për t’i takuar kompanitë me produkte shumë interesante, duke ju sjellë kështu informata edhe atyre qytetareve që nuk arrijnë të vizitojnë panairin AGROKOS 2018 në Pallatin e Rinisë në datat 17,18 dhe 19 tetor.(Bekim Xhaferri)

 

 

 

Nikki Haley – largimi i një personi të pakompromis?!

by

Dorëheqja e ambasadores së SHBA në OKB paraqitet në shumë vende sikur qeveria Trump të kish humbur njërin nga zërat e paktë të moderuar të arsyeshëm. Kjo në një kohë që nuk është kështu./

 Nga Michael Knigge/
US-Botschafterin der Vereinten Nationen Nikki Haley (picture-alliance/dpa/S.Wenig)

Rasti Nikki Haley nuk është shkas për të kritikuar rëndë vajtje-ardhjet inflacionere, që mbizotërojnë prej kohësh në Shtëpinë e Bardhë. Vazhdon të mbetet e paqartë, nëse largimi në dukje miqësor i Ambasadores së SHBA në OKB qe planifikuar prej një kohe të gjatë dhe për të qe rënë dakord me Donald Trumpin, apo nëse përkundrazi nëse ajo planifikon që në zgjedhjet e ardhëshme më 2020 të kandidojë kundër Presidentit aktual.

Në fund të fundit, këto spekulime kontribuojnë pak për të gjykuar se si i janë imponuar SHBA botës. Në vend të kësaj le të përqendrohemi në atë që dimë, se cili është bilanci i Haleyt si Ambasadore në OKB.

E thënë e hapur: ky bilanc është më tepër i errët. Sigurisht: në periudhën e saj dyvjeçare në post ajo është angazhuar edhe për të drejtat e njeriut, aq më tepër që ajo ka qenë një ndër të paktat që edhe ka kritikuar njëherë Rusinë.

Përfaqësuese e ashpër e interesave të SHBA

Por për këtë ajo nuk do të mbahet mend. Nikki Haley nuk është vetëm njëra nga gratë më të profilizuara në kabinetin e Trumpit, por edhe një person, që thuajse si askush tjetër ka mbrojtur politikën e largimeve: me mbështetjen e saj SHBA u tërhoqën jo vetëm nga Marrëveshja e Klimës e Parisit, e mbështetur nga OKB-ja, por edhe nga Marrëveshja atomike me Iranin, nga UNESCO dhe nga Këshilli i të Drejtave të Njeriut të OKB-së.

Ajo do të mbahet mend që i kërcënoi përmes twitterit shtetet e tjera anëtare të OKB-së, të cilat mbështetën rezolutën thjesht simbolike kundër shpërnguljes së Ambasadës së SHBA në Izrael për në Jeruuzalem. Ajo do të mbahet mend, që imponoi një parim të ri dhe të rrezikshëm, në bazë të të cilit SHBA u ndihmojnë vetëm atyre kombeve, të cilat mbështesin plotësisht dhe në të gjithë linjën politikën e Trumpit dhe që në OKB votojnë gjithmonë njësoj si SHBA.

Michael Knigge Kommentarbild App Michael Knigge

Dhe duhet të kujtojmë që Uashingtoni, gjatë mandatit të saj ndërpreu financimin për Fondin për Popullsinë të OKB-së dhe futi në vend të tij të ashtuquajturin Global Gag Rule: ai e ndalon qeverinë e SHBA që të mbështesë financiarisht organizata ndërkombëtare të shëndetësisë, që angazhohen për aborte.

Krahu i zgjatur i Trumpit në OKB

Në tërësi, Haley ishte një mbështetëse pasionante e politikës së Trumpit “America First”, e cila angazhohet hapur për një mënyrë unilaterale të vepruari, e cila është në kundërshtim themelor me parimet bazë të OKB-së. Stili i saj personal vërtet që ndonjëherë e zbuti qëndrimin armiqësor të Trumpit përballë multilateralizmit në OKB. Por megjithatë, ky qendrim ka qenë gjithmonë i pranishëm.

Në mbrojtje të saj mund të thoje se ajo ka bërë maksimalen për ta penguar Trumpin që të bëjë edhe më shumë dëm. Mund të thuash edhe se pasardhësi i saj mund t’i bëjë gjërat edhe më keq – por ky tren ka kohë që ka ikur. Po të kesh parasysh dëmet që ka bërë qeveria Trump në shumë fronte, nuk mund të flasësh më për atë se “mund të bëhet edhe më keq.”

Sipas të gjitha standardeve tradicionale të partisë, Nikki Haley nuk mund të karakterizohet si republikane e moderuar. Ajo ishte përfaqësuese e politikës së Trumpit në skenën globale. Nuk ka asnjë shkak, që të derdhësh edhe një lot të vetëm për dorëheqjen e saj.

Maqedoni: Nis procedura parlamentare për ndryshimet e Kushtetutës

by

Komisionit për çështje kushtetuese i Kuvendit të Maqedonisë ka filluar diskutimin për nismën mbi ndryshimet kushtetuese të parashikuara në Marrëveshjen e Prespës./

1Maqedonia ok.JPG

Nga Fatos Musliu/

Kryeministri Zoran Zaev në arsyetimin e propozimit të ndryshimeve kushtetuese theksoi se nga shqyrtimet dhe reagimet e deritanishme në opinion nuk ka asgjë kontestuese në propozimin për ndryshime kushtetuese. Ai ka vlerësuar se për opinionin profesional dhe ekspertët ndryshimet janë në pajtim me standardet ndërkombëtare. “Kjo iniciativë ngrihet në pajtim me ligjet dhe procedurat institucionale. Deputetët janë ata që duhet ta përcaktojnë të ardhmen e qytetarëve drejt NATO-s dhe BE-së dhe të prononcohen sipas vullnetit të tyre. Tani ka ardhur koha që të gjithë ata që janë për në NATO dhe në BE të përkrahin ndryshimet”, ka deklaruar kryeministri Zoran Zaev.

Zaev: Në duart tona është perspektiva evropiane e Maqedonisë

Zaev i ka ftuar të gjithë deputetët, pavarësisht përkatësisë partiake të marrin përgjegjësi dhe ta respektojnë vullnetin e qytetarëve të shprehur në referendumin e 30 shtatorit. “Do të zgjidhim një problem 25 vjeçar që vendin e ka tërhequr mbrapa. Vendimi juaj deputetë do ta dërgojë në histori referencën FYROM. Identiteti i Maqedonisë është i mbrojtur për shekuj me radhë. Nëpërmjet mbështetjes së këtyre ndryshimeve do të tregohet respekt ndaj vullnetit të qytetarëve. Në duart tona është perspektiva evropiane e Maqedonisë”,ka thënë Zaev.

Veljanovski: Nuk do ta keni përkrahjen e opozitës maqedonse

Ish-kryetari i Kuvendit nga radhët e VMRO-DPMNE-së Trajko Veljanovski ka thënë se nëse qytetarët kanë dhënë vendimin e tyre, ne nuk kemi mandat as qëllim që të marrim pjesë në votimin e ndryshimeve kushtetuese. “Nuk do ta keni shumicën prej dy të tretave për ndryshimet kushtetuese”, u shpreh shkurt Trajko Veljanovski nga VMRO-DPMNE gjatë fjalimit të tij në Komisionin për Çështje Kushtetuese të Maqedonisë. Gjatë fjalimit Veljanovski, Marrëveshjen me Greqinë e cilësoi të dëmshme dhe jolegjitime

Dimovski: Po heqim dorë nga trashëgimia kulturore

Deputeti i VMRO-DPMNE-së Ilija Dimovski vlerëson se maqedonasit në shtetet fqinje nuk mund të trajtohen si diasporë, sepse kushtetuta i njeh si pjesë auktoktone në këto territore. Gjithnjë sipas Dimovskit, pas Marrëveshjes së Prespës, maqedonasit nuk mund t’i referohen trashëgimisë kulturore në territorin e Greqisë. “Shumë këngë maqedonase që i këndojmë dhe kërcjemë kanë origjinë nga Maqedonia e Egjeut. Përfundimisht, Kërste Misirkov ndaj të cilit e bazojmë identifikimin gjuhësor dhe nacional, asnjëherë nuk ka jetuar në territorin e Maqedonisë së tanishme”, u shpreh Dimovski.

Kush po i kërcënon deputetët?

Ministri i Punëve të Brendshme, Oliver Spasovski, paralajmëroi hetime lidhur me pretendimet për kërcënimin e deputetëve nga rradhët e VMRO-DPMNE-s, që duan të votojnë për ndryshimet kushtetuese. Spasovski tha se kërcënimet më shpesh deputetët i marrin përmes rrjeteve sociale. Numri një i policisë iu bëri thirrje deputetëve që t’i denoncojnë kërcënimet e mundshme.

Procedura për ndryshim të Kushtetutës do të realizohet në tri faza. Në fazën e parë, Kuvendi me shumicë prej dy të tretave duhet të sjellë vendim për aderim drejt ndryshimit të Kushtetutës. Në fazën e dytë duhet të përcaktohen draft-amendamentet dhe për këtë nevojitet shumicë e thjeshtë ose 61 vota. Faza e tretë dhe e fundit është miratimi i amendamenteve për çka nevojitet shumicë prej dy të tretave ose mbështetje prej më së paku 80 deputetëve. Për amendamentin e Preambulës të Kushtetutës përveç shumicës prej dy të tretave nevojitet edhe shumica e Badenterit.(DW)

 

Thaci ne Armeni per Korrigjimin e kufijeve!

by

Kosovë-Thaçi në Armeni: Do diskutoj mundësinë e korrigjimit të kufijve/

1 Thaci Vucic

-Presidenti Thaçi: Në Konferencën e Frankofonisë në Jerevan të Armenisë do ta diskutoj mundësinë e korrigjimit të kufijve, me mundësi reale për bashkëngjitje të Luginës së Preshevës me Kosovën/

PRISHTINË, 9 Tetor 2018-Gazeta DIELLI/ Presidenti i Republikës së Kosovës, Hashim Thaçi,  ka udhëtuar për në Jerevan të Armenisë, ku do të marrë pjesë në Samitin e 17-të të Frankofonisë, që mbahet më 11 dhe 12 tetor 2018.

Presidenti Thaçi në këtë samit do të shoqërohet nga Zëvendëskryeministri i Parë, Behgjet Pacolli, njëherësh Ministër i Punëve të Jashtme.Ndër temat më me rëndësi për Kosovën, që do të diskutohen në këtë samit, do të jetë edhe avancimi i statusit të Republikës së Kosovës në këtë organizatë, nga vëzhgues në anëtar të asociuar.Gjatë qëndrimit në Jerevan të Armenisë, presidenti Thaçi do të takohet edhe me liderë të vendeve frankofone, që do të jenë pjesëmarrës në këtë samit.Në këto takime, presidenti Thaçi do të kërkojë përkrahje edhe për liberalizimin e vizave dhe anëtarësimin e Kosovës në Interpol.Samiti i krerëve të shteteve dhe qeverive është instanca më e lartë e Organizatës Ndërkombëtare të Frankofonisë, ku Republika e Kosovës është anëtare vëzhguese që nga viti 2014.

 Kjo organizatë bashkon 84 shtete dhe qeveri anëtare, që kanë të përbashkët gjuhën frënge dhe vlerat që i ndajnë vendet e Frankofonisë, thekson njoftimi dërguar nga Presidenca e Kosovës.

THAÇI SHKRUAN: BASHKËNGJITJA KOSOVËS E LUGINËS SË PRESHEVËS, ËSHTË MOMENTI HISTORIK

 Presidenti i Republikës së Kosovës, Hashim Thaçi, sot në ‘facebook’ shkruan:

 Dje dhe sot, kisha kënaqësinë të takoj njerëz të botës akademike, të biznesit, të rinj, studentë, ish-përfaqësues të UÇPMB-së, të diasporës shqiptare, përfaqësues të shoqërisë civile dhe gazetarë, kryesisht nga Lugina e Preshevës.

Bashkëngjitja e Preshevës, Medvegjës dhe Bujanocit ishte kryetema e bisedave tona. Ishte konkludim i përbashkët se është momenti historik që të jetësohet e drejta legjitime e qytetarëve të kësaj treve, e deklaruar më 1 dhe 2 mars 1992, në kuadër të dialogut ndërmjet shtetit të Kosovës dhe atij të Serbisë.

Me arritjen e marrëveshjes Kosovë–Serbi, përparësitë e Kosovës do të jenë: njohja reciproke, njohja e Kosovës edhe nga pesë shtetet anëtare të BE-së, rrugëtimi i sigurt për në NATO dhe BE, si dhe anëtarësimi në OKB.

Të gjithë bashkëbiseduesve u premtova, gjë e cila do të konfirmohet, se në të gjitha takimet e mia në Konferencën e Frankofonisë në Jerevan të Armenisë, do ta diskutoj mundësinë e korrigjimit të kufijve, me mundësi reale për bashkëngjitje të Luginës së Preshevës me Kosovën. HTH