Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Festa e Shën Nënë Terezës në Katedralen në Prishtinë

by

1 Kated jash-Para një viti, në 5 Shtator 2017, u bë shugurimi i Katedrales Shën Nënë Tereza në kryeqytetin e Kosovës, në festën shumë solemne dhe madhështore me pjesëmarrje edhe shqiptarësh – vatranësh nga Shtetet e Bashkuara të Amerikës, të cilët edhe u vlerësuan e falënderuan për kontributet/2 Kated

-Para 15 viteve, në Vatikan, në 20 Dhjetor 2003,  Presidenti Ibrahim Rugova e njoftoi Papa Gjon Palin II, në pritjen në audiencë, me përgatitjet që po bënte Ipeshkvia e Kosovës për ndërtimin e Katedrales Nënë Tereza në Prishtinë. 6 Katedr

Gurthemeli i Katedrales është vënë në 26 Gusht 2005 për nder të 95 vjetorit të lindjes së Nënës Terezë/1 zefi ne qender

Gazeta DIELLI nga korrespondenti në Kosovë Behlul Jashari/*1 Marjani ne qender

PRISHTINË, 5 Shtator 2018/  Në Festën e Shën Nënë Terezës 2018, sot në mesditë në Katedralen me emrin e saj në Prishtinë mbahet Mesha solemne, e udhëhequr nga Delegati Apostolik për Kosovë,  Monsinjor  Juliusz Janusz dhe Ipeshkvi i Kosovës,  Imzot Dodë Gjergji.1 Imzot Dode Gjergji

“Sivjet, në mënyrë të veçantë do të kujtojmë 1 vjetorin e shugurimit të Katedrales dhe 90 vjetorin e nisjes së Gonxhe Bojaxhiut – Shën Nënë Terezës për misione në Kalkuta të Indisë”, theksojnë në Ipeshkvinë e Kosovës.1 Rugova

Në Kosovë, Ditët e Nënë Terezës nisën në përvjetorin e ditëlindjes së saj në 26 Gusht të vitit 1910 për t’u përmbyllur në 5 Shtator – në ditën e përvjetorit të kalimit në amshim në vitin 1997.1 Papa Pali II

Në ditën e parë, Ipeshkvia e Kosovës, me rastin 90 vjetorit të nisjes së Shën Nënë Terezës për në Indi organizoi Akademi kulturore-shpirtërore në Katedralen me emrin e Shenjëtëreshës Shqiptare, ku u hap edhe një ekspozitë me dokumente sipas fondeve të Arkivit Shtetëror të Dubrovnikut për Gjergj Kastriotin-Skënderbeun, në 550 vjetorin e vdekjes së tij,  e përgatitur nga studiuesi Dr. Gjon Berisha.1 NobelShqiptarja Gonxhe Bojaxhiu, e lindur në 26 Gusht të vitit 1910 në Shkup, u bë Motra Tereze e Loretos (1929); Nënë Tereza – “Misionare e Dashurisë” (1950); Nobelistja e Paqes (1979), e Lumja Nënë Tereza (2003); Shën Nënë Tereza (2016).

Në 10 Dhjetor 1979, sipas raportimit në atë kohë të gazetës tradiconale të Kosovës Rilindja,  Nëna Terezë, pasi kishte pranuar Çmimin Nobël për Paqe në Oslo ka deklaruar: “Përsa i përket prejardhjes, unë jam shqiptare, indiane përkah nënshtetësia, motër murgeshë katolike, përkah thirrja, që i përkas tërë botës…”Shugurimi i Katedralës Nënë Tereza u bë para një viti në 5 Shtator 2017, në ditën e 1 vjetorit të shenjtërimit e të 20 vjetorit të kalimit në amshim të Shenjëtëreshes Shqiptare. Shumë solemne dhe madhështore ishte festa, mesha e shugurimit të Katedraljes-Shenjtërores Shën Nënë Tereza në Prishtinë nga i Dërguari i Posaçëm i Papa Françeskut, Kardinali shqiptar Ernest Simoni – Troshani, e me pjesëmarrje edhe shqiptarësh- vatranësh nga Shtetet e Bashkuara të Amerikës, të cilët edhe u vlerësuan e falënderuan për kontributet. Shqiptarët nga Amerika – Këshilli i Fondacionit për ndërtimin e Katedralës Nënë Tereza në Prishtinë, në Nju Jork dhe rrethinë, kanë kontribuar për mëse 9 vite me 2 milionë dollarë, që janë mbledhur dhe janë dorëzuar.

Gurthemeli i Katedrales në Prishtinë është vënë në 26 gusht 2005 për nder të 95 vjetorit të lindjes së Nënës Terezë nga ana e Presidentit historik të Kosovës Dr. Ibrahim Rugova, atëherë Ipeshkvit të Ipeshkvisë së Kosovës Imzot Mark Sopi dhe Kardinalit të Uashingtonit Teodor Mekkerik.

“Sot është një ditë e madhe për kryeqytetin dhe për gjithë Kosovën, sepse po e bekojmë gurin e themelit të një tempulli të shenjtë, që i kushtohet Nënës së dashur shqiptaro-kosovare dhe Nënës së Njerëzimit – të lumturës Nëna Tereze – asaj që lartësoi nderin e Kosovës dhe të shqiptarëve në gjithë planetin duke i afirmuar vlerat tona dhe duke ndihmuar gjithë njerëzimin”, shprehej gjatë ceremonisë Presidenti Rugova.

“Papa Gjon Pali i Dytë e ka përkrahur personalisht ndërtimin e kësaj katedraleje”, theksonte Presidenti Rugova.

Në vitin 2003, më 19 tetor, Presidenti Ibrahim Rugova në Vatikan ka marrë pjesë në ceremonitë e lumturimit të Nënës Tereze, misionares shqiptare Gonxhe Bojaxhiu me origjinë nga Kosova, lindur në Shkup. Para më se gjysmë milioni njerëzve, në sheshin Shën Pjetri në Vatikan, Papa Gjon Pali i Dytë ka lumturuar Nënën Terezën, së cilës Vatikani iu referohet si “Nënë Tereza e Kalkutës”.Në Vatikan, në 20 Dhjetor 2003, ditë e  shtunë, Ati i Shenjtë Papa Gjon Pali II-të e priti në audiencë Presidentin e Kosovës, Dr. Ibrahim Rugovën. Audienca, që zgjati rreth 20 minuta, ishte shumë e përzemërt.
Në fillim Presidenti Rugova e falënderoi Papa Gjon Palin II për beatifikimin e Nënës Tereze. Pastaj, Presidenti Rugova e njoftoi Atin e Shenjtë me progresin që është arritur në Kosovë në të gjitha fushat e jetës.

Presidenti kërkoi nga Ati i Shenjtë që që të lutet dhe të ushtrojë ndikimin e tij për njohjen formale të pavarësisë së Kosovës.Presidenti Ibrahim Rugova e njoftoi Papa Gjon Palin II me përgatitjet që po bën Ipeshkvia e Kosovës për ndërtimin e Katedrales në Prishtinë.
Ati i Shenjtë e vlerësoi progresin që është arritur në Kosovë dhe shprehu interesimin e tij për shumë çështje të zhvillimeve pozitive në Kosovë.
Gjatë audiencës, Ati i Shenjtë e përmendi edhe Gjergj Kastriotin – Skënderbeun, Heroin Kombëtar të shqiptarëve.
Presidenti Rugova ia uroi Papës Gjon Pali II Këshëndellat dhe Vitin e Ri, duke i dëshiruar shëndet dhe jetë të gjatë. Poashtu, edhe Ati i Shenjtë i uroi Presidentit të Kosovës Kërshëndellat dhe Vitin e Ri.
Në fund të audiencës, Presidenti Rugova i dhuroi disa dhurata Papës Gjon Pali II: Medalonin e Nënës Tereze, Medalonin e Lidhjes së Prizrenit, si dhe kristale të çmueshme të Kosovës.

Ati i Shenjtë i dhuroi Presidentit Rugova medalje papnore të punuara me rastin e 25-vjetorit të shërbimit të tij si Papë.

Pas audiencës tek Ati i Shenjtë, Presidenti i Kosovës Ibrahim Rugiva u prit nga Sekretari i Shtetit të Vatikanit, Hirësia e Tij, Kardinal Anxhelo Sodano, me të cilin pati një bisedë të gjatë miqësore e përmbajtësore.

Edhe 10 vite më herët, më 11 Mars 1993, Shenjtëria e Tij, Papa Gjon Pali II priti në audiencë Presidentin Rugova nga i cili mori një Promemorie për çështjen shqiptare. Po më vitin 1993, më 27 Prill gjatë vizitës së Papa Gjon Palit II në Shqipëri, Presidenti Rugova është takuar me të në Tiranë dhe i ka dhuruar një gur nga muret e qytetit të Ulpianës në shenjë kujtimi për dy martirët e krishterimit, Florin e Laurin.

Katedralja Nënë Tereza në Prishtinë nisi të ndërtohej ndërkohë që ishte festuar 6 vjetori i Kosovës së lirë nga qershori 1999. Në 2005-tën shënohej dhe 600 vjetori i lindjes së kryeheroit kombëtar shqiptar Gjergj Kastrioti-Skënderbeu.

Organizohet mbrëmja e bamirësisë ‘Meet us Halfway’ në Nju Jork

by

1 Mothers and Children

SONTE, Organizohet mbrëmja e bamirësisë ‘Meet us Halfway’ në Nju Jork/

04 Shtator, 2018- Aksioni për Nëna dhe Fëmijë po organizon një mbrëmje filantropie në qytetin e Nju Jork-ut, për të ngritur fonde për shpëtimin e jetëve të nënave dhe fëmijëve në Kosovë. Kjo mbrëmje e bamirësisë do të mbahet në klubin prestigjoz Yale të Qytetit të Nju Jork-ut me datën 16 Tetor 2018 nga ora 18:30 deri në 21:00.

Fadil Berisha, Vlora Çitaku, Teuta Sahatçija dhe shumë personalitete të tjerë nga bota e biznesit, kultures ,politikës dhe arteve kanë konfirmuar pjesëmarrjen dhe mbështetjen e tyre. Kjo mbrëmje bëhet e mundur falë miqve  dhe anëtareve të bordit të fondacionit që jetojnë dhe veprojnë në Amerikë siç janë, Bledar Asllani, Drin Kukaj, Mark Kosmo, Sara Shala dhe  Valon Xharra.

Mbrëmja do te përfshijë Muzikë, Rrjetëzim, Koktel dhe Ankand të Qetë, ku gjatë mbrëmjes do të performojë edhe tenori shqiptar Ramë Lahaj i cili njihet si performues i famshëm në skenën ndërkombëtare të operave. Pjesëmarrës në ngjarjet  ‘Meet us Halfway’ gjatë viteve të kaluara kanë qenë Dua Lipa, Valerie Rockefeller, Albert Stanaj.

Të gjitha shitjet e biletave do të orientohen për mbështetjen e programeve të Fondacionit në Kosovë, specifikisht në: furnizimin me pajisje mjekësore, mbështetjen e dorëzimit të medikamentit Surfaktant, zhvillimin e sistemit të transportit neo-natal, zgjerimin e ‘Klasave për Nëna‘ si dhe skrinimin e kancerit të qafës së mitrës.

Për të qenë pjesë e ngjarjes, bileten tuaj mund ta bleni përmes platformës Eventbrite të cilin mund ta gjeni në vegëzen vijuese: https://www.eventbrite.com/e/meet-us-halfway-iii-tickets-46105538908.

Action for Mothers and Children

str.Fazli Grajqevci No.271, floor 2
10000 Prishtina, Kosovo

Executive Director: mrika.aliu@amchealth.org
Fundraising: janina.mehmeti@amchealth.org

Copetimi i teritorit te Kosoves, i rrezikshem, i papranueshem

by

1 Thaci Vucic

Nga Sadik ELSHANI*/ Sjelljet, veprimet e papergjegjshme ne skenen nderkombetare te kreut te shtetit te Kosoves, z. Hashim Thaçit, gatishmeria e tij per ta copetuar teritorin e Kosoves, kokefortesia, arrogance e tij, mosperfillja e institucioneve dhe aspiratave te popullit te saj, po deshmojne qarte se ai eshte nje udheheqes i padenje dhe i rrezikshem qe te qendroje ne krye te shtetit te Kosoves. Ai shprehet per nje korrigjim te kufinjve, qe sipas tij kjo eshte nje gje e vogel, e parendesishme, por ne te vertete kjo “loje fjalesh” e tij per ata qe kane pak arsye, nenkupton rishikimin, rishqyrtimin e kufijve me Serbine dhe rrjedhimisht, humbje te tokes se Kosoves. Demagogjia e tij e pabaze se do t’ia bashkangjese Luginen e Presheves Kosoves eshte sa per te mjegulluar opinionin dhe sa per te luajtur me ndjenjat e shqiptareve. Zoti Thaçi dhe Sanço Pança i tij, z. Baton Haxhiu, duhet ta dine fare mire se Serbia kurre nuk ngopet me toka shqiptare – korrigjim per Serbine do te thote marrja e tokave me te mira dhe burimeve, pasurive natyrore te Kosoves, duke na lene neve nje kocke ne goje per ta lepire. Ne nuk duhet te bejme konçesione, leshime te dhimbshme, siç u shpreh para ca diteve z. Haxhiu, sepse tere jeta jone nen Serbi ka qene dhimbje, vuajtje, tmerr dhe me shume sakrifica i kemi mbrojtur tokat tona, qenjen tone. Eshte Serbia ajo qe ka nevoje te korrigjohet te heq dore nga trojet tona nen sundimin e saj, e jo viktima ta shperbleje xhelatin e saj shekullor. Per gjithe ato tmerre qe Serbia u shkaktoi fqinjve te saj, nuk e pagoi asnje çmim, nuk e pesoi asnje ndeshkim, izolim, pezullim nga organizatat nderkombetare, sankcione ekonomike e kufizime te tjera ndeshkuese. Perkundrazi, ata po mundohen ta bindin boten, deri diku me sukses, se ata jane pala demtuese, viktimat.

Te respektohet kushtetuta, te mbrohet teresia tertoriale e Kosoves

Detyra paresore e kreut te nje shteti eshte qe ta kryeje me nder detyren e tij, ta mbroje teresine teritoriale te vendit te vet, kushtetuten. Ne kete rast z. Thaçi nuk eshte duke e bere as njeren e as tjetren, madje ai eshte duke e thyer ligjin, kushtetuten. Por, kjo per ne nuk ka rendesi, sepse kushtetuta eshte vetem nje cope leter sa per sy e faqe, nuk eshte burimi juridik i vendit, parimet mbi te cilat ndertohet dhe qeveriset vendi. Po ta njihte dhe po ta zbatonte kushtetuten e vendit per te cilen eshte betuar z. Thaçi, atehere ai do te sillej pak me ndryshe, nuk do te bente pazarlleqe te ndyera qe e demtojne Kosoven. Neni 1 i Kushtetutes se Kosoves eshte shume i qarte: “Kosova eshte shtet i pavarur, sovran, demokratik, unik dhe i pandashem”. Ndersa neni 83, pika 7 sakteson se kryetari (presidenti) i nenshkruan marreveshjet nderkombetare ne perputhshmeri me Kushtetuten. Ratifikimi, miratimi i marreveshjeve per teritor, paqe, aleancave, ceshtjeve politike e ushtarake behet me 2/3 e votave te 120 deputeteve te Kuvendit te Kosoves (neni 18, pika 1, alineja 1). Por, z. Thaçi me kryeneçesine, mendesine e tij fisnore mendon se si kryetar i shtetit, ai eshte sundimtar i plotfuqishem, Zot i vendit dhe jo sherbesetari i tij. Zoti Thaçi, si shumica e shqiptareve, vuan nga sindromi i heroit, çlirimtarit, shpetimtarit te vendit, duke e kosideruar Kosoven si prone private, plaçken e tij te luftes.

Kujdes nga propozimet, planet e Serbise.

Historia na tregon se te gjitha konfliktet, lufterat mbarojne nje dite dhe popujt pajtohen me njeri – tjetrin. Por, per kete ka nje ecuri, rruge qe duhet ndjekur. Serbia duhet t’i pranoje krimet e saj, te kerkoje falje, t’i paguaje demet materiale e njerezore, ta njohe pavaresine e Kosoves, ta respektoje teresine teritoriale te saj, te angazhohet per te gjetur te zhdukurit, e shume çeshtje te tjera. Kjo sa per fillim, pastaj mund te diskutohet per ceshtje te tjera, ndonje korrigjim kozmetik te kufirit. Ky process nuk duhet lene vetem ne duart e kryetarit (presidentit), por duhet te angazhohet i tere faktori politik e shoqeror, institucionet shkencore e akademike. Nje rol te rendesishem, rol kyc duhet te luaje Kuvendi i Kosovews – rol ky i garantuar ne Kushtetuten e Kosoves. Ne kemi nje histori te hidhur me Serbine, por siç duket ende nuk jemi mbushur mend: Serbia kurre nuk do te beje diçka qe eshte ne te mire te Kosoves. Prandaj, duhet te kemi kujdes nga propozimet, planet djallezore te Serbise.

Po te kishte ndergjegje dhe po ta donte vendin e tij, atehere zoti Thaçi per veprimet e tij antikushtetuese duhet te jepe doreheqje. Por politikaneve tane u mungon ndergjegja, karrika u eshte bere pjese perberese e anatomise se tyre. Veprimet e koheve te fundit te zotit Thaçi jane duke e arritur nivelin e tradhtise kombetare, prandaj Kuvendi i Kosoves duhet te veproje, te ushtrtoje detyrimet kushtetuese, duke e zbatuar nenin 91 te Kushtetutes qe percakton ecurine per shkarkimin e Kryetarit (Presidentit). Ky process te filloje tani, se neser mund te behet vone.

Filadelfia, 3 shtator 2018

*Sadik Elshani eshte doktor i shkencave te kimise dhe veprimtar i bashkesise shqiptaro – amerikane.

Mbështetja e rëndësishme e Vatikanit Kosovës

by

-Presidenti Thaçi priti në takim lamtumirës Nuncin Apostolik për Kosovë, Monsignor Juliusz Janusz/1 Thaçi Nunsi Apost

PRISHTINË, 4 Shtator 2018-Gazeta DIELLI/ Presidenti i Republikës së Kosovës, Hashim Thaçi ka pritur sot në takim lamtumirës, Nuncin Apostolik për Kosovë, Monsignor Juliusz Janusz, i shoqëruar nga Ipeshkvi i Kosovës, Imzot Dodë Gjergji dhe famullitari i Prishtinës, Don Fatmir Koliqi.

Presidenti Thaçi ka falënderuar nuncin Janusz për angazhimin e sinqertë për shtetin dhe popullin e Kosovës.Nga ana tjetër, Nunci Apostolik, Monsignor Juliusz Janusz është shprehur i kënaqur që marrëdhëniet në mes Kosovës dhe Selisë së Shenjtë po thellohen çdo ditë e më shumë.Në fund presidenti Thaçi ka theksuar se Kosova është një shoqëri tolerante, e bashkëjetesës mes feve dhe e orientuar kah vlerat perëndimore.1 Nunsi Apostolik

 Kryeministri Haradinaj: Mbështetja e Vatikanit e rëndësishme në proceset zhvillimore dhe integruese të Kosovës/

PRISHTINË, 4 Shtator 2018-Gazeta DIELLI/

Kryeministri i Republikës së Kosovës, Ramush Haradinaj ka pritur në takim delegatin apostolik për Kosovën, ShT Monsinjor Juliusz Janusz.Kryeministri Haradinaj e ka njoftuar delegatin apostolik për të arriturat e Republikës së Kosovës në të gjitha fushat, prioritet e Qeverisë, fuqizimin e sundimit të rendit dhe të ligjit, si dhe për zhvillimin ekonomik.Kryeministri Haradinaj falënderoi përfaqësuesit e Vatikanit për takimin me Papa Françeskun gjatë vizitës në maj të këtij viti, duke e konsideruar si një prej vizitave më të rëndësishme gjatë mandatit të tij si kryeministër i vendit.“Kosova është e bekuar që përgjatë shekujve ka pasur harmoni dhe tolerancë fetare ndërmjet komuniteteve dhe besimeve të ndryshme, të cilën po e kultivon edhe në ditët e sotme”, tha kryeministri Haradinaj, duke kërkuar mbështetjen e Vatikanit për të gjitha proceset zhvillimore dhe integruese të Republikës së Kosovës.
Kryeministri Haradinaj tha se populli shqiptar i Kosovës ka dhënë figura të shquara të cilat i dhanë botës shumë nga vetja me humanizmin dhe veprat e tyre të jashtëzakonshme në shërbim të njerëzimit.
Kryeministri Haradinaj, e ka njoftuar delegatin apostolik për angazhimin e Qeverisë për anëtarësim në NATO, Bashkimin Evropian dhe në organizata të tjera ndërkombëtare.
I deleguari i Vatikanit, i dhuroi Kryeministrit Haradinaj medalonin e Papa John Palit II dhe i përcolli letrën e Kardinalit Pietro Parolin, përmes së cilës, Kardinali Parolin i shprehë falënderim Kryeministrit Haradinaj për letrën drejtuar Shenjtërisë së Tij, Papa Françesku, njëherit shprehë edhe gatishmërinë për fuqizimin e bashkëpunimit ndërmjet dyja vendeve.
“I deleguari i Vatikanit për Kosovën vjen me lajme të mira për vendin tonë. Sekretari i shtetit, Shkëlqesia e Tij, Parolin, i është përgjigjur një letre dërguar Atit të Shenjtë, përmes së cilës shprehu gatishmërinë që dialogu ynë të vazhdojë në të ardhmen, duke rezultuar me fuqizimin e bashkëpunimit ndërmjet dy vendeve tona. Jam i bindur se kjo është shenjë e mirë dhe ne si Kosovë jemi të bekuar që kemi uratën dhe lutjet e Atit të Shenjtë për tërë popullin e vendit tonë”, tha kryeministri Haradinaj, pas takimit me delegatin apostolik për Kosovën, ShT Monsinjor Juliusz Janusz.
Delegati apostolik për Kosovën, Monsinjor Juliusz Janusz, vlerësoi të arriturat në Kosovë përgjatë këtyre viteve sa ka qenë në shërbim për ta mbuluar Kosovën dhe vlerësoi përkushtimin e popullit të Kosovës dhe institucioneve për të përmirësuar jetën në Kosovë. Ai theksoi përkushtimin e  Selisë së Shenjtë për thellimin e bashkëpunimit me Kosovën edhe në të ardhmen.
Kryeministri Haradinaj me këtë rast, e ka nderuar Monsinjor Juliusz Janusz për rolin dhe kontributin e tij dhënë Kosovës, me medaljen e Skënderbeut.
Në takim me kryeministrin Haradinaj, delegati apostolik për Kosovën, ShT Monsinjor Juliusz Janusz, shoqërohej nga Ipeshkvi i Ipeshkvisë së Kosovës, Imzot Dodë Gjergji./b.j/

 

Marrëzi udhëheqësish

by

3 Astrit-Lulushi-286x300-2Nga Astrit Lulushi/Qeveria e mbyllur, pa llogaridhënie, që nuk merr asnjë përgjegjësi për gabimet e veta, që vepron në fshehtësi – nuk ka rregulla, madje nuk njeh as ato që krijon vetë, dhe i ndryshon a i shkel sa herë të dojë. Veprimet për të korruptuar gjykatën evropiane, p.sh., për të ndryshuar pronësinë, për të dëbuar pronarët e ligjshëm, për të mos vazhduar trashëgiminë e pronës, në vështrim të përgjithshëm, janë përpjekje për të krijuar e forcuar një eletë manjatësh a plutokratësh sipas rregullave të veta.

Fshehtësia është ëndërrimi i çartur i njeriut për të patur fuqi absolute. Ai imagjinon se, veç tij, nuk duhet të ketë asnjë rojtar për të kontrolluar portën, asnjë llogaritar për të kontrolluar financat, asnjë gjyqtar për të kontrolluar ligjin, të gjithë duhet të jenë pre e korruptimit dhe t’i nënshtrohen vetëm atij, qeveritarit.

Shumica e të këqijave më të mëdha në këtë botë shkaktohen nga njerëz që injorojnë parimin e lirisë individuale, me përjashtim kur është fjala për veten e tyre.  Ata mendojnë se kanë lindur me cilësi për të udhëhequr – marrëzi e krijuar nga mënyra e privilegjuar e rritjes në bllok ose në oaze bollëku – dhe përkushtohen me mbizell për të përmirësuar njerëzimin, që rezulton vetëm në tirani e vrasje. Ata pretendojnë se kanë respekt për institucionet, dhe me bullizëm a në mënyrë mburracake, burim i frikës, shprehen për parime morale dhe shoqërore, që i përçmojnë më shumë se çdo gjë tjetër.

Është kontradikta e përhershme midis ideve dhe dëshirave që e bën njeriun të trishtuar, të trazuar dhe të pabalancuar. Në këtë konflikt ai humbet gjithë gëzimin e jetës dhe gjithë ndjenjën e personalitetit, sepse në çdo moment shtyp, frenon dhe kontrollon lirinë e vet. Kjo është plaga e përherëshme e botës së civilizuar. Zakonisht, gjëra të tmerrshme që bëhen në emër të përparimit nuk janë përparim i vërtetë, por thjesht gjëra të tmerrshme. Nëse njeriu pranon për të heshtur me forcë kundërshtarin për të fituar një argument, atëherë ai pranon të drejtën edhe për të heshtur njerëzit me dhunë.

Funksioni i censorit është të censurojë. Ai ka interes profesional për gjetjen e mënyrave të reja për të shtypur a censuruar. “Kurrë nuk jam lënduar nga ndonjë gjë që s’e kam thënë”, shkruante Calving Collidge, president i 30-të i SHBA-së, lindur më 1872 – vd. 1933. Pa fjalën e lirë, nuk është e mundur kërkimi i së vërtetës … asnjë zbulim i së vërtetës nuk është i dobishëm. Më mirë një mijëfish abuzim të fjalës së lirë se mohimi i saj. Abuzimi vdes një ditë, por mohimi vdes jetën e njerëzve. Liria e shtypit do të ishte tingull i zbrazët, dhe askush nuk do të guxonte të shkruante për një subjekt, pa një avokat në një krah dhe një këshillë në krahun tjetër. “Nga mendja e nënshtruar nga frika e ndëshkimit nuk mund të dalin vepra gjeniale për të zgjeruar perandorinë e arsyes njerëzore”, deklaronte më 1789, Thomas Erskine, avokat në gjyqin ndaj John Stockdale, pasi ky në një shkrim kishte përdorur fjalë fyese ndaj disa deputetëve të Dhomës së Komunave, në Britani.