dgreca – Page 146 – Dielli

Ambasadori amerikan Kosnett uron Kurtin

March 23, 2021 by dgreca

Ambasadori i Shteteve të Bashkuara në Kosovë, Philip Kosnett, ka uruar Albin Kurtin për zgjedhjen në pozitën e kryeministrit të Kosovës, duke shprehur gatishmërinë që të punojë “së bashku për të ndërtuar një të ardhme të paqes, drejtësisë dhe prosperitetit për të gjithë qytetarët e Kosovës”.

Ambasadori Kosnett përmes një postimi në Twitter si më urgjente e ka vlerësuar mposhtjen e pandemisë së COVID-19.

Të hënën (22 mars) Kuvendi i Kosovës ka zgjedhur qeverinë e re të udhëhequr nga kreu i Lëvizjes “Vetëvendosje”, Albin Kurti. Pro përbërjes së kabinetit të ri qeveritar votuan 67 deputetë ndërsa 30 ishin kundër.

Gjatë prezantimit të ekspozesë së tij para deputetëve, Kurti tha se “aleanca me Shtetet e Bashkuara dhe bashkëpunimi transatlantik do të thellohet”.

Zgjedhjet e parakohshme parlamentare të 14 shkurtit u mbajtën pas aktgjykimit të Gjykatës Kushtetuese më 21 dhjetor, 2020, sipas të cilit, Qeveria e Kosovës, e udhëhequr në atë kohë nga Avdullah Hoti, ishte zgjedhur në mënyrë jokushtetuese, pasi për të ka votuar Etem Arifi.

Në kohën kur ka votuar, Arifi ka pasur një dënim të formës së prerë, prej një viti e tre muajsh, për veprën penale: mashtrim me subvencione.

Një qeveri shëmb nga që nuk është qeveri e juaja

March 23, 2021 by dgreca

Nga Ilir Levonja/

Shumë nga shqiptarët habiten se si është e mundur që një qeveri si kjo Edi Ramës ngrihet e shëmb menatë objekte të një rëndësie kulturore etj. Edhe pse zgjedhjet janë tek dera, ai prapë shëmb, me një llogjikë sikur të mos ekzistojnë zgjedhjet fare. Ashtu sikur ka shumë të tjerë që ngrihen me gojën plot shtrëngim, e të thonë, mirë ja bën, është burrë ky. Mirë ja bën qënit Berisha dhe këlyshëve të tij. Njësoj ansambli grusht bashkuar rreth gjoja partisë pavarsisht se akoma veshin kostumet e gabit, presin me sytë nga kalamajtë etj. Kanë një solidaritet të çuditshëm karshi logjikës se ka mbaruar si objekt, duhet prishur. Ndërsa nga ana tjetër po me këtë logjikë të kollajshme postojnë foto restaurimesh qëndrash, siç është edhe rasti i lagjes Muradie në Vlorë, apo rruga e çifutëve. Ore zotërinj, kuptoni një gjë që Shqipëria nuk është as Edi Ramës as e Sali Berishës. Eshtë e juaja. Një qeveri që prish e ndërton pa miratimin e komunitetit, nuk ka se si të jetë e juaja. Dhe kur nuk është e juaja nuk është as për Shqipërinë. Kur bëhej lufta e nervave, deklaratave e protestave për mos shëmbjen e Teatrit Kombëtar, ku sigurisht unë isha kundër, shumë njerëz më shkruanin dhe më pyesnin pse je kundër një teatri të ri. Asesi nuk jam kundër së re-së, a keni mundësi e financa të ndërtoni. I heq kapel kujdo qeverie. Ka boll tokë plotë. I vini në punë arkitektët tuaj, inxhinjerët, projektuesit. Se kështu nderoni universitetet tuaja. Hapni qëndra të reja, Roma nuk është vetëm piazza Venecia. Por e vjetra duhet ruajtur për rëndësinë kulturore, historike. Eshtë puna e gjyshërve, e baballarëve tanë. Mos u mburrni me dekoratat në valixhe, por edhe me atë që ata e ndërtuan. Sa herë kaloja në Llogara, shikoja detin, mbaja frymën dhe kujtoja tim gjysh. E hapi atë rrugë kur na kishte pushtuar Italia (1920). E kemi edhe sot. Nuk ka rëndësi se u ndërtua nga italianët, fashistët. Nuk ka rëndësi se u ndërtua nga Enveri. Ku duhet theksuar se që në terma jemi gabim. Nuk ndërtoi as fashizmi as Enveri, por krahu juaj. Fashizmin dhe Enverin dënojini, por jo të prishim gjithçka që ka mbi vete një barrë afro shekullore ku shoqëria është lidhur në lulka kujtimesh dhe emrash. Merrni rastin e hekurudhës, mund të shkatërrohen lokomotivat, vagonët. Dhe zëvendësohen ato, por jo transeja, udha e hekurt. Tek ne u la të shkatërrohej qëllimisht. Sot ndalon treni që të kaloj një gomar i ngarkuar. Lokomotivat nuk fishkëllejnë më. Përse? A nuk ka ai vend nevojë për transport publik? Të gjithë keni makina tek dera ju? Ajo aty është vetëm duhet mirëmbajtur, lokomotivat dhe vagonët zëvendësohen. Kurse sot qeveria shqiptare del e reklamon si sukses se do e rilidhi rishtas Tiranën me Durrësin. Madje mburret dhe e quan një sukses se po afron një investitor të huaj ta bëj këtë. Në 30 vjet demokraci mezi po rilidhim Tiranën me Durrësin. Shqiptarët vet , e theksoj shqiptarët, jo Enveri, lidhën thuajse gjithë Shqipërinë. Me kazma e lidhën. Por nganjëherë shqiptarët e identifikojnë punën e tyre me Enverin dhe madje grinden për këtë. Pra me kazma thuajse gjithë Shqipërinë, kurse këta pas 30 vjetëve akoma nuk po rilidhin Durrësin me Tiranën. Bëjeni vet ndryshimin. Po ta kishin vërtet në dorë shqiptarët sot do të qe lidhur me transe Tirana me Prishtinën. Por metropolet tona janë sot privilegj i arritshëm vetëm i kontigjentit të studiove show, politike, modistave të tallavasë, jo i shqiptarëve qytetarë. Prishtina dhe Tirana për ta janë akoma të pa arritshme. Pra nuk e kanë. Që shëmbet një maternitet është pjesë e deklaruar, e qeverisë prej kohësh. Pjesë e kluturës vrastare të shtetarit që gjithçka fillon me mua. Që kur lali Eri thoshte se Tirana do bëhet si qëndrat e botës, me pallate të larta. Kështu janë qëndrat e qyteteve të rëndësishme. Është njësoj si të shkosh e tu thuash francezëve që Parisin do e bëjmë me gradaçela. Shkoni e provojeni se dru kokës do hani. Mirëpo në Shqipëri fërkojnë duart dhe thonë le të plasi qeni Sali Berisha, ashtu do e bëjnë Tiranën, si New Yorku. Le të jenë zgjedhjet nesër, le të thotë ligji që në fushatë kështu e ashtu. Një vend që bëri zgjedhje një partiake nuk ka si ta dojë vetveten, do partinë dhe kultin e idividit. Eshtë kjo arsyeja që ne jemi një makineri me ingrazhe që zhurmojnë, por punë nuk bëjmë. Jemi një shoqëri që e trajtojnë vendin sikur të jetë pronë e Ramës dhe e Berishës, jo e jona. E trajtojnë vendin me glorifikimin e xhaketave të vjetra, pavarsisht diplomave dhe medaljeve që marrin fëmijët tanë në universitetet më në zë të botës. Shkurt jemi të mjerë, internacionaliste, pa atdhe.

RIKTHIMI I ALBINIT KRYEMINISTËR…

March 22, 2021 by dgreca

-….KUVENDI I KOSOVËS VOTON NË SEANCË TË JASHTËZAKONSHME-

QEVERIA E RE- Kryeminister :Albin KURTI; Zëvendës Kryeministër i parë, për integrime evropiane, zhvillim dhe dialog, Besnik Bislimi- Zëvendës Kryeministre e dytë, dhe Ministre e Punëve të Jashtme dhe Diasporës, znj. Donika Gërvalla- Zëvendës Kryeministre e tretë, për Çështje të Pakicave dhe Të Drejtat e Njeriut, znj. Emilija Redzepi…

Nga 15 ministra, vetëm 8 janë anëtarë të Lëvizjes VETËVENDOSJE!. Nga 15 ministra, 1/3, pra pesë, janë gra. Nga kabineti ynë qeverisës me 18 anëtarë gjithsej, sërish 1/3, pra 6, janë gra. E, nga tre zëvendës kryeministra, dy janë gra Shih listen ne fund…
-Me 67 vota, parlamenti i Kosovës, miratoi në një seancë të jashtëzakonshme qeverinë e re të Kosovës, që do të drejtohet nga kryetari i lëvizjes Vetëvendosje, Albin Kurti, partia e të cilit doli fituese në zgjedhjet e 14 shkurtit.

-Fjala e plotë e Kryeministrit të Republikës së Kosovës, Albin Kurti, mbajtur sot si ekspoze e programit qeverisës para deputetëve të Kuvendit/

PRISHTINË, 22 Mars 2021-Gazeta DIELLI nga korrespondenti në Kosovë Behlul Jashari/ Në Kosovë, rikthehet Kryeministër Albin Kurti, lideri i Lëvizjes Vetëvendosje fituese e zgjedhjeve parlamentare të 6 Tetorit 2019 dhe 14 Shkurtit 2021.

Kuvendi i Republikës së Kosovës sot pas seancës konstituive të nisur paradite mbajti edhe një seancë të jashtëzakonshme në mbrëmje për zgjedhjen e Qeverisë së re.

Pas shumë debatesh, Albin Kurti dhe Qeveria e tij u zgjodhën me 67 vota pro, 30 kundër e asnjë abstenim të Kuvendit 120 anëtarësh. Pas zgjedhjes edhe dhanë betimin.

Kosova të dielen e 14 Shkurtit 2021 votoi në zgjedhjet parlamentare – të tetat në 22 vjet liri, të pesta në 13 vjet pavarësi e të katërta të njëpasnjëshme të parakohëshme.

Në Vitin e Ri 2021 Kosova shkoi në zgjedhje parlamentare të jashtëzakonshme pas rënes së dy qeverive në vitin 2020 të pas zgjedhjeve të parakohëshme të 6 Tetorit të vitit 2019.

Në 2020-tën Qëveria me kryeministër Albin Kurtin e Lëvizjes Vetëvendosje e zgjedhur në 3 Shkurt u rrëzua me mocion mosbesimi të inicuar nga partneri i koalicionit qeverisës – Lidhja Demokratike e Kosovës, e cila mori drejtimin e qeverisë me kryeministër Avdullah Hotin të zgjedhur në 3 Qershor, por në dhjetor Gjykata Kushtetuese shpalli të pavlefshme votën e një deputeti të minoriteteve, Etem Arifi, pasi kishte të humbur mandatin për shkak të një dënimi të formës së prerë nga gjykata. Vota e tij ishte vendimtare për zgjedhjen e Qeverisë pasi mundësoi arritjen e minimumit të nevojshem prej 61 votave të parlamentit 120 anëtarësh.

FJALA E PLOTË E KRYEMINISTRIT TË REPUBLIKËS SË KOSOVËS, ALBIN KURTI, MBAJTUR SOT SI EKSPOZE E PROGRAMIT QEVERISËS PARA DEPUTETËVE TË KUVENDIT:

Të nderuar deputetë të Kuvendit,
Të dashur qytetarë të republikës,
Të pranishëm të tjerë,
Sot është një ditë e re për të gjithë qytetarët e Kosovës.
Pas shumë pengesave, pritjeve dhe përpjekjeve, më në fund, ajo që dukej e paarritshme sot po bëhet realitet.

Jemi mbledhur këtu, në organin më të lartë të republikës për të jetësuar vullnetin e qytetarëve të shprehur me 14 shkurt, në një palë zgjedhje që ishin porsi referendum, e ku populli u përcaktua qartë dhe drejt për rrugën që dëshiron të shkojë vendi ynë në katër vitet e ardhshme.

Ashtu edhe siç ka votuar, pas zgjedhjes së Kryetarit dhe Kryesisë së Kuvendit, populli pret që ne të zgjedhim Qeverinë dhe organet tjera në mënyrë që t’i fillojmë punët e mëdha që na presin, pa vonesa e pa pengesa, sepse sfidat para qeverisë së re janë të reja e të vjetra, gjithsesi të shumta.

S’ka dyshim se pandemia mbetet sfida kryesore. Pa humbur kohë, me ministrin e ri të shëndetësisë, do të fillojmë një plan për vendosjen nën kontroll të Covid-19 me masa të cilat ulin numrin e rasteve të reja dhe që çojnë drejt eliminimit të rasteve me vdekje. Brenda vitit synojmë sigurimin e vaksinave për 60% të popullsisë që do të sigurojë imunizim të mjaftueshëm për të filluar gradualisht kalimin në normalitet.

Drejtësia, Shëndetësia, Arsimi e Ekonomia që të gjitha kanë nevojë për reformë e cila duhet të fillojë shpejtë dhe të përgatitet mirë.

Në Kosovën e papunë çdo vit është i rëndë për qytetarët, por viti që lamë pas ka rënduar e peshuar më shumë tek ata që janë më të dobët.

Ankthi i vazhdueshëm i gjetjes së një vendi të punës, i pagesave të faturave në fund të muajit e deri te sigurimi i ushqimit në tryezë është shtuar nga pandemia.

Unë e kuptoj dhe e di se sa e vështirë është jeta për shumicën e qytetarëve të vendit sepse kemi papunësi dhe varfëri të lartë por nga sot do të fillojmë rrugëtim e ri drejt progresit, të zvogëlimit të pabarazive dhe të rritjes së mundësive për të gjithë. Do të jetë një rrugë e gjatë dhe e mundimshme por së bashku do të arrijmë në cakun e dëshiruar.

Do të fillojmë me reformën në drejtësi.
– Procesi i vetingut do të vazhdojë aty ku ka mbetur në pranverën e kaluar. Këtij procesi do t’i nënshtrohen gjykatës, prokurorë, inspektorë dhe drejtues të lartë të policisë dhe inteligjencës.
– Do të jetë një proces i mirëpërgatitur, fer, transparent dhe jo hakmarrës, për të siguruar se qytetarët kanë institucione profesionale, të paanshme dhe të pavarura të cilat ofrojnë drejtësi dhe siguri për të gjithë.
Një gjyqësor i paanshëm, i pavarur e profesional është jetik për shtetin dhe demokracinë tonë për të siguruar e garantuar drejtësi për qytetarët.

Arsimi do të reformohet.

– Shkollat tona duhet të kthehen në vendin që prodhojnë shkencëtarë e novatorë dhe që përgatisin gjeneratat e reja për konkurrencën globale sepse të rinjtë tanë kanë dëshmuar që kur u krijohen kushtet mund të sfidojnë bashkëmoshatarët e tyre.
– Do të rishikojmë kurrikulat në arsimin e hershëm duke e orientuar atë nga aftësitë vetërregulluese të fëmijëve dhe do të ofrojmë mbështetje të vazhdueshme profesionale për mësimdhënësit në zbatimin e saj.
– Do të bëjmë ndërlidhjen e arsimit me tregun e punës në mënyrë që të sigurohemi se diploma siguron një vend pune dhe do të kthejmë integritetin dhe dinjitetin tek mësuesit dhe profesorët duke kthyer profesionalizmin në shkollat dhe universitetet tona.
Universitetet do t’i fuqizojmë me Fondin e Hulumtimeve, me më shumë buxhet e më shumë mbështetje dhe do të stimulojmë angazhimin e studentëve nëpërmjet punës praktike në të gjitha institucionet publike në vend.

Do të reformojmë sistemin shëndetësor.

– Infrastrukturë moderne, kushte për punë për mjekët, barna të mjaftueshme për pacientët. Do të kërkojmë profesionalizëm dhe integritet nga mjekët dhe do të ofrojmë qasje të barabartë për të gjithë qytetarët.
– Do të shtojmë buxhetin për shëndetësi në secilin vit dhe do të investojmë në zhvillimin e mjekësisë preventive, në atë shkollore dhe shumë më shumë se deri tani në mjekësinë familjare.
Neni 51 i Kushtetutës garanton mbrojte sociale dhe shëndetësore, prandaj ne do ta funksionalizojmë sistemin informativ shëndetësor, do të ofrojmë udhëzime shëndetësore dhe licencojmë profesionistët që të themelojmë Fondin për Sigurime Shëndetësore.
Në vendin tonë askush nuk duhet të falimentojë vetëm pse sëmuret.

Fëmijët janë e ardhmja jonë.

– Mënyra se si ne kujdesemi për fëmijët tanë tregon të ardhmen që do të kemi. Pabarazinë ekonomike do ta luftojmë me skema sociale dhe me zhvillim ekonomik por asnjëherë kjo pabarazi nuk duhet të ndikojë te fëmijët tanë. Çdo fëmijë në Kosovë, pavarësisht se ku ka lindur dhe kush është prindi është i barabartë dhe secili duhet të zhvilloj potencialin dhe talentin e tij të dhënë nga zoti. Shteti do të garantojë këtë barazi. Prandaj shpejt do të fillojmë me skemën e ndarjes së shtesave për fëmijë dhe nëna lehona.
– Për fëmijët deri në 2 vjeç do të ndahen nga 20 euro në muaj kurse për fëmijët nga 2 deri 16 vjeç do të ndahen nga 10 euro në muaj.
– Nëse një familje fiton më pak se 7,000 euro në vit do të marrë 50 euro për fëmijë, nëse fiton më pak se 6,000 euro në vit do t’i ndahen 100 euro dhe nëse fiton më pak se 5,000 do t’i ndahen 150 euro për fëmijë.
– Për nënat e papuna dhe lehona do të ndajmë pagën minimale në vlerë prej 250 euro në gjashtë muajt e parë të lindjes.
– Në këtë mandat do të hapim afër 160 çerdhe të reja dhe do të ofrojmë ushqim falas për nxënësit nga klasa e parë deri në të 5-tën.
Varfëria te fëmijët është dhunë tejet e rëndë. Fëmijët edhe e durojnë, por shteti ynë nuk bën ta durojë atë. Asnjë fëmijë nuk do të mbetet i uritur dhe nuk do të mbetet mbrapa. Edhe në familjet e varfëra, fëmijët të mos jenë të varfër. Le të mos kenë nevojë fëmijët që të presin që e gjithë familja e tyre të dalë nga varfëria në mënyrë që ata të mos jenë të varfër më.

Do të zhvillojmë ekonominë dhe do të kujdesemi për punëtorët.

Synojmë një ekonomi e cila del nga pandemia, dhe të shëruar edhe nga shumë sëmundje tjera që e kanë përcjellë gjer më tani.
– Një ekonomi ku ka më shumë nevojë e hapësirë edhe për gratë, për rininë, për mërgatën, për komunitetet, për fshatin, e sidomos për ata që ju duhet më shumë mbështetje prej shoqërisë e shtetit.
– Një ekonomi ku ka më shumë prodhim e më shumë eksport, më shumë punëtorë, më shumë kontrata të punës, e më shumë respektim të të drejtave të punëtorit. Një ekonomi, nga progresi i së cilës përfitojnë shumë më shumë nga ne, një ekonomi pa monopole, e me ndërmarrje publike që funksionojnë mirë e operojnë suksesshëm.
– Ndërmarrësve tanë do t’u ofrojmë qasje në financa që janë aq të nevojshme për të përballur rritjen e prodhimit. Për këtë do të krijojmë partneritet të fuqishëm mes pesë shtyllave që së bashku e garantojnë daljen relativisht të shpejtë nga recesioni i tanishëm: ndërmarrjet – shteti – sistemi bankar – Fondi Kosovar për Garantimin e Kredive – dhe komuniteti i donatorëve e i kredidhënësve ndërkombëtarë.
– Mbështetja do të shtohet për të gjitha bizneset që arrijnë të krijojnë qasje në tregje të reja ndërkombëtare dhe të rrisin eksportet e Kosovës; për të gjithë ndërmarrësit që hapin linja të reja të prodhimit, fusin produkte të reja apo, e më e rëndësishmja, që arrijnë të shtojnë numrin e punëtorëve.
– Ruajtja dhe rritja e numrit të punëmarrësve, sidomos të grave, të rinjve, anëtarëve të komuniteteve joshumicë dhe familjeve në ndihmë sociale, bashkë me rritjen e formalizimit të punësimit dhe respektimit të të drejtave të punëtorëve, janë prioritete tona jo vetëm në fazën e këndelljes nga pandemia, por edhe përgjatë gjithë periudhës së qeverisjes sonë.
– Mbështetje shtesë do ketë për bizneset në sektorë ekonomik që promovojnë efiçiencën e energjisë dhe ruajnë ambientin, ndërmarrësit që mundësojnë përpunimin e mëtejmë të ushqimit, drurit, apo promovojnë turizmin e vendit.

Do të jemi qeveri që fuqizon gratë.

– Në këto zgjedhje kemi dëshmuar se jemi Lëvizje progresiste e progresive duke tejkaluar kuotat për gratë, dhe sot në parlamentin e Kosovës kemi më shumë gra se çdoherë tjetër. Andaj qeveria jonë do të përkrahë pa kursyer gratë, qoftë përmes rritjes së pjesëmarrjes së tyre në fuqinë punëtore, ashtu edhe përmes mbështetjes aktive të saj në ndërmarrësi. Rritja e numrit të bizneseve në pronësi të grave është parakusht për fuqizimin edhe të ekonomisë.

E nëse ka diçka që kemi mësuar nga kjo pandemi atëherë kjo është se bujqësia është siguri dhe pavarësi.

– Në kushtet kur kufijtë mbyllen dhe tregtia e lirë ndalet e nganjëherë edhe ndalohet, ne bëhemi të varur nga të tjerët sepse mungesa e prodhimeve vendore bujqësore vë jetët tona në rrezik. Prandaj bujqësia dhe prodhimet bujqësore janë përveçse prioritet, edhe çështje e sigurisë kombëtare.
– Tokat tona bujqësore do të mbrohen ashtu siç do të mbrohen dhe ndihmohen bujqit prodhues. Do të fillojmë me futjen e çmimeve referente për një sërë produktesh bazike bujqësore, midis tyre edhe për grurin e qumështin, duke garantuar kështu stabilitet në treg. Do të sigurohemi se grantet dhe subvencionet shkojnë direkt te bujqit prodhues, do të shtojmë mbikëqyrjen dhe do të rrisim kontrollet e cilësisë.

Bujku do të jetojë me dinjitet me punën e tij.

Sportistët e artistët janë bekim për shtetin brenda vendit, ndërkaq jashtë tij ata janë ambasadorët tanë më të mirë, andaj do të punojmë shumë që ata të kenë kushtet e nevojshme për të realizuar potencialin e tyre.
– Do të financojmë projektet për qendra multifunksionale sportive dhe do të angazhohemi për edukimin e fëmijëve me sportin, përmes sportit.
– Teatri Kombëtar dhe teatrot e qyteteve do të kenë të garantuar financimin e rregullt dhe fondin e shtuar për projektet artistike. Njëjtë dhe për baletin, ansamblin dhe institucionet e tjera dhe do të fillojmë të ideojmë Teatrin e ri Kombëtar.

Trashëgiminë kulturore do ta mbrojmë. Do të kemi mbrojtje e përhershme ligjore të aseteve të trashëgimisë kulturore, kurse trashëgimia në rrezik do të shpëtohet përmes ndërhyrjeve emergjente dhe fuqizimit të inspektoratit.

Reformat në Policinë e Kosovës do t’i fillojmë menjëherë me miratimin e Ligjit për Pensionimin e parakohshëm të zyrtarëve policorë.

– Me këtë ligj, zyrtarëve policorë do t’u garantohet e drejta e pensionimit të parakohshëm në moshën 55 vjeçare. Në mënyrë që të mos dëmtohet funksionimi i rregullt i Policisë së Kosovës, zbatimi i ligjit do të ndahet në disa faza, në të cilat policët që e shfrytëzojnë të drejtën e pensionimit të parakohshëm do të zëvendësohen gradualisht përmes rekrutimit të mbi 2 mijë zyrtarëve të rinj policorë.
– Njëjtë sikurse Policia e Kosovës që na japin neve siguri, edhe ne duhet t’u japim zyrtarëve policorë sigurimin jetësor e shëndetësor, si një e drejtë e garantuar për punën e tyre të rëndësishme por edhe nën rrezik.
– Forcimi i integritetit dhe profesionalizmit në Policinë e Kosovës do të jetë ndër objektivat tona kryesore. Nivelet e larta drejtuese të policisë do t’i nënshtrohen procesit të vetingut, i cili do të zbatohet në të gjitha institucionet e sigurisë dhe drejtësisë në vend. Do të sigurohemi që, jo vetëm Inspektorati Policor i Kosovës si mbikëqyrës i jashtëm, por edhe mekanizmat e brendshëm të kontrollit, si Drejtoria e Standardeve Profesionale dhe Departamenti i Auditimit e Prokurimit të kenë pavarësinë e plotë në ushtrimin e rolit të tyre.

Do të ngremë padi ndaj krimit të gjenocidit të Serbisë në Gjykatën Ndërkombëtare të Drejtësisë.

– Themelimi i Institutit për hulumtimin e krimeve gjatë luftës, me mision të përcaktuar qartë, financim adekuat dhe me njerëz profesionistë dhe kompetentë; fuqizimi i departamentit për krime lufte brenda Prokurorisë Speciale me një numër të mjaftueshëm prokurorësh dhe bashkëpunëtorësh të mirë-trajnuar; krijimi i një njësie të veçantë e të specializuar brenda Agjencisë së Kosovës për Forenzikë, që i verifikon shkencërisht faktet dhe dëshmitë e miratimi i një legjislacioni të veçantë për mbrojtjen e identitetit dhe të dhënave të viktimave të krimeve në Kosovë janë disa nga veprimet që do të marrim.

Do të rrisim kapacitetet dhe aftësitë e Forcës së Sigurisë së Kosovës:

– Do t’i orientojmë politikat e mbrojtjes në zhvillimin e kapaciteteve për të përmbushur detyrën parësore të FSK-së, atë të mbrojtjes së sovranitetit dhe integritetit territorial dhe do t’i japim përparësi gatishmërisë luftarake të FSK-së ashtu siç e ka misionin dhe detyrën.
– Do të ketë thellim dhe rritje të bashkëpunimit bilateral me partnerët strategjik në krijimin e aftësive dhe kapaciteteve të plota ushtarake, sidomos me Shqipërinë dhe ShBA-të dhe do të përgatitemi për ta bërë Kosovën anëtare të Kartës së Adriatikut.

E derisa punojmë në reforma brenda vendit, po ashtu do të reformojmë edhe qasjen tonë jashtë vendit.

– Kosova është shtet i pavarur dhe sovran. Kompromiset që janë kërkuar e që kanë qenë të dëmshme tashmë janë bërë me pakon e Ahtisarit si çmim i paguar për shpalljen e pavarësinë. Asnjë kompromis tjetër nuk mund ta bëjmë e nuk do ta bëjmë.
– Kjo duhet të thuhet qartë dhe zëshëm në çdo tryezë e në çdo takim nga secili prej nesh në mënyrë që të riparojmë dëmet që i janë shkaktuar shtetësisë në vitet e fundit e të cilat kanë ndikuar te njohjet e reja dhe konsolidimi i shtetësisë.
– Orientimi ynë është i qartë. Aleanca me Shtetet e Bashkuara të Amerikës dhe bashkëpunimi transatlantik do të thellohet.
– Do të punojmë pareshtur që Kosova të bëhet pjesë e NATO-s dhe pjesë e Bashkimit Evropian sepse ndajmë vlerat dhe qëllimet e përbashkëta. Rruga drejt integrimit në BE mund të jetë sfidueseve por ajo nuk ka alternativë për Kosovën.
– Ballkani Perëndimor duhet të demokratizohet përveçse duhet të zhvillohet. Pra nuk mund të ketë zhvillim pa demokratizim siç mendohet se mund të arrihet përmes disa iniciativave rajonale. Që të dyja duhet të ecin paralelisht në kuadër të anëtarësimit në BE.
– Që integrimi dhe demokratizimi te shpejtohet do të insistojmë për një plan Mini-Marshall nga BE për Ballkanin Perëndimor.

Raportet tona fqinjësore do t’i avancojmë mbi bazën e reciprocitetit dhe fqinjësisë së mirë.

– Me Serbinë kemi çështje të hapura të cilat duhet të zgjidhen përmes dialogut.
– Prioritet në këtë dialog është zgjidhja e fatit të personave të zhdukur. Kemi 1640 persona të zhdukur. Serbia nuk ka dënuar kënd për këtë krim. Në poligonin e qitjes në Batajnicë ku janë zhvarrosur 744 shqiptarë, nuk ka asnjë pllakë përkujtimore apo diçka që shënon se aty kishte një varrezë masive. Por, jemi të vetëdijshëm që afër 1/3 e të zhdukurve, fati i të cilëve nuk është zbardhur ende, nuk janë shqiptarë. 22 vjet pas luftës të gjitha familjet duhet të dinë të vërtetën për familjarët e tyre që të mbyllin plagët e hapura dhe që ne si shoqëri të fillojmë të shërohemi. Asnjë progres nuk mund të bëhet në asnjë fushë tjetër nëse nuk ka progres në këtë fushë.
– Na duhet dialogu për kthimin e afër 3 miliard euro të pensioneve të vjedhura nga Serbia; për kthimin e mbi 400 milion eurove të vjedhura nga keqpërdorimi i energjisë elektrike, për adresimin e dëmeve të luftës, për borxhet e për suksesionet.

Pra, dialog që adreson dhe zgjidhë problemet ekzistuese e jo që krijon probleme të reja.

Pa njohjen e realitetit të Kosovës së pavarur dhe pranimin e të vërtetës nga ana e Serbisë nuk mund të ketë normalizim të marrëdhënieve mes dy popujve dhe mes dy shteteve. Prioritet i imi është normalizimi i Kosovës, zhvillimi e demokratizimi i saj, drejtësia për të e tek ajo. Le të normalizohet edhe Serbia duke u ballafaquar me të kaluarën e saj dhe duke u demokratizuar. Ne e kemi shpallur dy herë pavarësinë e Kosovës nga Serbia, më 2 korrik 1990 dhe më 17 shkurt 2008. Është mirë që edhe Serbia ta shpallë pavarësinë e saj nga Kosova, e të bashkëpunojmë për BE dhe NATO, në BE dhe në NATO.

Të nderuar deputetë,
Të dashur qytetarë,
Këto janë disa nga zotimet e qeverisë së re të cilat shumë shpejtë do të kthehen në program dhe plane veprimi për zbatim.

Tani më lejoni t’ua prezantoj kabinetin e ri të qeverisë.

Zëvendës Kryeministër i parë, për integrime evropiane, zhvillim dhe dialog, Besnik Bislimi

Zëvendës Kryeministre e dytë, dhe Ministre e Punëve të Jashtme dhe Diasporës, znj. Donika Gërvalla

Zëvendës Kryeministre e tretë, për Çështje të Pakicave dhe Të Drejtat e Njeriut, znj. Emilija Redzepi

Ministër i Ministrisë së Financave, Punës dhe Transfereve, Hekuran Murati

Ministre Ministrisë së Drejtësisë, Albulena Haxhiu

Ministër i Ministrisë së Shëndetësisë, Arben Vitia

Ministre e Ministrisë së Arsimit, Shkencës, Teknologjisë dhe Inovacionit, Arbërie Nagavci

Ministër i Ministrisë së Kulturës, Rinisë dhe Sportit, Hajrulla Çeku

Ministër i Ministrisë së Administrimit të Pushteti Lokal, Elbert Krasniqi

Ministër i Ministrisë së Mjedisit, Planifikimit Hapësinor dhe Infrastrukturës, Liburn Aliu

Ministër i Ministrisë së Bujqësisë, Pylltarisë dhe Zhvillimit Rural, Faton Peci

Ministër i Ministrisë së Mbrojtjes, Armend Mehaj

Ministër i Ministrisë së Punëve të Brendshme dhe Administratës Publike, Xhelal Sveçla

Ministre e Ministrisë së Ministrisë së Industrisë, Ndërmarrësisë dhe Tregtisë, Rozeta Hajdari

Ministre e Ministrisë së Ekonomisë, Artane Rizvanolli

Ministër i Ministrisë për Komunitete dhe Kthim, Goran Rakiq

Ministër i Ministrisë për Zhvillim Rajonal, Fikrim Damka

Nga 15 ministra, vetëm 8 janë anëtarë të Lëvizjes VETËVENDOSJE!. Nga 15 ministra, 1/3, pra pesë, janë gra. Nga kabineti ynë qeverisës me 18 anëtarë gjithsej, sërish 1/3, pra 6, janë gra. E, nga tre zëvendës kryeministra, dy janë gra.Kërkojmë besimin tuaj, votën tuaj. Ofrojmë shërbimin e përkushtimin tonë, dijen e vullnetin tonë. Zotohemi për llogaridhënie dhe përgjegjësi ndaj jush.Ju falemnderit.

***

Me 67 vota, parlamenti i Kosovës, miratoi në një seancë të jashtëzakonshme qeverinë e re të Kosovës, që do të drejtohet nga kryetari i lëvizjes Vetëvendosje, Albin Kurti, partia e të cilit doli fituese në zgjedhjet e 14 shkurtit.

ÇLIRIMI APO PUSHTIMI I IBALLËS?

March 22, 2021 by dgreca

“Është më mirë t’i meritoni nderet dhe të mos i gezoni ato, se sa t’i gezoni dhe të mos i meritoni”(Mark TUEN)

Nga: Gjelosh NIKOLLA/
____________

Sipas artit ushtarak tokë e pushtuar quhet vetëm atëherë kur e shkel këmba e ushtarit. Ç’farë do lloj ushtrie që kalon në një vend pa u ndalur por e përdor atë si rrugë kalimi në këtë rast nuk mund të quhet pushtim. Historikisht zona e Iballes ka njohur vetëm 2 (dy) pushtime, atë Romak dhe atë komunist, këtë të fundit vetëm fizikisht por kurrë shpirtrisht. Ekspedita ndeshkimore kundër krahinës së Iballës, më vrasje të popullsisë së pafajshme, me djegje shtepish, me dhunime e përdhunime si dhe me grabitje të pasurive, janë ndërmarë shumë shpesh, sidomos në përiudhën e pushtimit turk. Por në këtë krahinë ata nuk kanë arritur të qendrojnë dhe përseri këto ekspedita nuk mund të konsiderohen si pushtim. Në rrugët e krahinës së Iballës kanë kaluar si ushtar këmbësorë të pushtuesve. Në krahun e djathtë të fshatit Mërtur, sipër fshatit Aprripë e Gurit rranxë Gurit të”Qllumit Merturit”që është rreth 1 (një) orë për të arritur aty ku ndodhen shkronjat (shkrojlat) të duket si e pa besueshme që këto janë shkronja turke sepse në krahinën e Iballës nuk është vendosur kurrë ndonjë garnizon turk por ka një të vertetë tjetër se aty gjendën mbeturina të trojeve shumë të vjetra prandaj për ti saktësuar duhet hulumtim me specialist të fushës përkatëse sepse ato shkronja duhet të jenë Ilire, Bizantine shumë më pak Turke. Në krahinën e Iballës për mikun shtrohej sofra e bukës kurse për armikun pushtues shtrohej vetëm sofra e barutit. Ekspedita ndeshkimore në zonën e Iballës kanë organizuar dhe forcat partizane, të quajtura “Repartet e Ndjekjës” kundër të ashtu quajturve kriminelë, sepse ata ishin kundër ideologjisë komuniste por duke e keq përdorur pushtetin komunist të vëndosur tashmë me forcën e armës, ndaj tyrë dhe familjeve të tyrë. Duke lexuar, rilexuar, studiuar dhe nënvizuar të njëjtin shkrim, botuar në 2 (dy) gazeta, tek “Gazeta e Alpeve” me datën 15/31 dhjetor me titull “Veterani Man Avdi Arifaj tregon për Iballën”, faqe 22 dhe tek “Gazeta Veterani” me titull “Si u arrit çlirimi i Iballës 76 vjet më parë” (Sipas referimit të veteranit nga Iballa e Pukës, Man Avdi Arifaj) dhjetor 2020 faqe 8, 9., nga Xhemal Meçi, “Mjeshtër i Madh”, Pukë. Më datën 1 (një) nëntor 1944 (Natën e të Shumve festë e 90% e popullit) në orët e mbas ditës, në fshatin Iballë në hyrje të saj, nga jugu erdhi Brig.e 6-të sulmuese me komisar Haki Toska dhe jo me datën 4 nëntor. Situata ishte tepër e veshtirë për banoret e këtij fshati sepse vetëm një pushkë po të kërciste tek ky katund, ai do të shkretohej nën pretekstin se janë fshatarët e Kol Bibë Mirakës prandaj ishte përgaditur hyrja e 3 (tre) brigatave. Brigata e 22-të sulmuese nga Kryeziu dhe një brigatë tjetër e quajtur “Çeta Bajram Curri” që do të vinte nga Tropoja. Duke parë situatën e rrezikshme që po i kanosej Iballës, dy burra trima e të zgjuar Stak Pjetër Pemati dhe Mehmet Ramë Hyseni mblodhën popullin e Iballës në qendër të fshatit dhe këta 2 (dy) patriotë morën me vete dhe një grup burrash të tjerë dhe i dolën përpara briga. 6-të, ku u takuan me komandant Jaho Gjoliku dhe komisar Haki Toska. Kur u ftuan që të hynin në Iballë, Haki Toska i pyeti si do të hyjmë në Iballë? Këta ju përgjigjën me ne! Prandaj kemi ardhë që t’ju shoqerojmë. Përseri Haki Toska ju tha kjo është Iballa e Kolë Bibë Mirakës si do të hyjmë? Këta 2 (dy) burra të zgjuar dhe patriot trima ju përgjigjën: ”Iballja është e Iballasve dhe jo e Kolë Bibë Mirakës. Ai ka tokën dhe shtëpinë e vet”. Pas këtij muhabeti, këta 2 (dy) burra, duke futur në mes komandantin dhe komisarin hynë në Iballë ku gjetën popullin të mbledhur.
Populli duartrokiti, duke ju uruar mirëseardhjen, kurse partizanët zbrazën armët, se u çlirua Iballa. Mbas ketij takimi partizanët i ftuan nëpër shtëpitë e tyre musafirët partizan, sipas traditës të popullit të Iballës. Ky qe një çlirim imagjinar (kështu bënim çlirimin imagjinar kur ishim në shkollën e mesme, me rastin e festave të nëntorit). Ju lutëm më thoni nga kush u çlirua Iballa, në një kohë që aty as nuk ka pasur as nuk pati gjermanë, as Italianë, as serbë, as grekë dhe asnjë lloj këmbe ushtari armik? Kryetari i parë i “Këshillit Nacional Çlirimtar” u vendos Stak Pjetër Pemati, me pëlqimin e popullit.
Nuk e kuptoj për se mohohet aktiviteti patriotik i këtyre 2 (dy) burrave, Mehmet Hysenit dhe Stakë Pematit. Prap do vijojmë ti quajmë kulak, të përndjekur politik dhe të deklasuar ata.
Dua të theksoj se Gjokë Nikolla (baba im) nuk ka qënë më këtë grup, që i dolën përpara brigadës 6-të sulmuese dhe për të mos përmendur emra të tjerë, ky grup nuk është i sakt nga shkruesi i shkrimit.
Duke lexuar “Kujtime për Iballën”, të Komisar Haki Toskës 1944 (arkiv i K. P. Pukë, 19 shtator 1984). i lënë me shkrim dore, ky që disponojmë është i shtypur më makinë shkrimi marë në Komitetin e Partisë Pukë, i tjetërsuar, i deformuar duke mohuar të vertetat e të ashtuquajturit çlirim i Iballës. Duhet të sqarojmë se në Iballë dhe në krahinën e saj nuk arriti kurrë të formohet dhe të organizohet një celulë komuniste e deklaruar.
I ngarkuar nga Sekertariati i Qarkut të Shkodrës për këtë ishte Zef Gashi. Ai arriti të merrte si bashkëpunëtor Zef Nikollën (ku dhe strehohej) si dhe Lekë Berishën të cilët më vonë e pësuan më jetë nga pabesia komuniste, sidomos Lekë Berisha. Haki Toska atë natë u strehua në shtepinë e Zef Nikollës, ku gjeti Zef Gashin. Pak më vonë dëgjohet një zhurmë jashtë. I kishin vënë zjarrin shtëpisë së Kolë Bibë Mirakës. Në këtë moment jep urdher Haki Toska, që të shuhët zjarri dhe ashtu u bë. Ai porositi që mos të digjën, sepse na duhet për spital për të plagosurit dhe në të vërtetë për këtë qellim u përdor ku sherbeu si doktor Prof. Fejzi Hoxha. Me partizanët e Brig. se 6-të u bashkuan Hamez Mehmet Hyseni, dy vllezërit (xhaxhallarët e mij) Ndue Nikolla e Tomë Nikolla (Rapsodi popullor, fitues i Medaljës së Artë në Moskë, në vitin 1957) dhe Prend Qun Nika i Kopratit kurse me Brig.e 22-të inkuadrohet Zmal Mehmet Hyseni (vëllaj i Hamzës). Hamez Hyseni dhe Ndue Nikolla shkuan me brigadën e 6-të deri në Sanxhak, kurse Tomë Nikollën e kthejnë në Kukës për moshën e re 17 vjeçare (lindur më, 26 shtator 1927).
Këta janë partizanët e parë të Iballës, kurse Mark Zefi ngarkohet nga Komanda e Brig. 6-të për të dërguar postën e komandës partizane në Qaf-Mali ku ndodhej Pjetër Kosta. Pasaktësira dhe shtrëmbërime të vertetës nga autori i shkrimit kemi të përsëritura herë pas herë. Duke biseduar dhe u konsultuar për shumë ngjarje historike në krahinën e Iballës me një nga shokët e mij më të mirë me të ndjerin Beqir Arifaj, sidomos për librin e tij monografik me titullin “Man Avdi Arifaj”, përgaditur për botim, por i pa botuar. Nuk e cilëson as edhe një herë që baba i tij të ketë qënë veteran dhe ai nuk pati kurrë dokumentin e veteranit. Mani ka qënë nënpunës në Komitetin Ekzekutiv në Seksionin e Financës, ku ka dhënë dorëheqje, por nuk është larguar nga puna. Temë që Beqiri ja ka kundërshtuar edhe herë të tjera Xhemal Meçit. Man Avdia nuk mund të quhet “Intelektual Popuullor” sepse ai nuk kishte mbaruar ndonjë fakultet, por në të vertetë Mani qe një burrë i zgjuar, i sinqertë, fjala e tij zinte vënd në kuvend me burrat. Mani nuk bërri kurrë dallime mes komuniteteve përkundrazi respektonte më shumë kumaret e tij. Sofra e bukës e shtëpisë së Man Arifajt mirëpriste dhe respektonte kumarët katolik. Tek vllezërit katolik, sofra e tyre shtrohet edhe për vllezërit musliman, festat i kemi të përbashkëta. Ju siguroj se në monografinë “Man Avdi Arifaj” nuk ka asnjë fjalë të shkruar për sa më sipër, të thënë nga Xhemal Meçi. Këto që thamë më sipër i vërteton dhe vëllaj i të ndjerit Beqir Arifaj (A. A.). Pas vdekjes së Beqirit, botohet shkrimi në 2 (dy) gazetat e sipër përmendura. Ky veprim e ka emrin pabesi.
Si ka mundësi që të quhen aktivist të Levizjes Nacional Çlirimtare (LANÇ). përsonat me moshë 8, 10 dhe 14 vjeç, të cilëve nuk dua që tua përmendi emrat, vetëm për etikë. Në Iballë nuk u formua kurrë Celulë Komuniste, çlirimi imagjinar i Iballës vendosi pushtetin dhe kështu ata nuk mund të quhen aktivist të luftës, por familjet e tyrë bashkëpunuan me rregjimin, kurse këta akoma ishin femijë, as adoleshënt jo.
Në- një intervistë të marrë nga K. P. pas arrdhës i familjës se Stakë Pematit, më tregon së deri në vitin 1948, sipas traditës zakonore famujt së bashku më nënën e tyre të shkonin tek shtëpia e kumarës që i kishte marrë flokët dhe ata qëndronin në këtë familje si tek vëllaj vetë, ndoshta një javë ose më tepër. Pra jo që kishte mundësi, por dhe detyrim që famulli i tyre Xhemal Meçi ti shkruante pak rrjeshta për këtë familje pas viteve ‘90. Kjo e ka emrin mohim i vlerave të kesaj familjeje dhe më gjerë, ose më mirë bukë shkelës.
Nuk flitet për dekoratat e Hamëz M. Hysenit nëntoger, oficer në rezervë me dokumentin Nr. 004834. 1 (medalje trimrie) dhe 1 (një) të çlirimit me Nr.13162, Tiranë, me 9 korrik 1946. Medaljen e Trimerisë ”Çertefikatë” Nr. 4849, me 6 dhjetor 1946. Librezë e Veteranit, Nr. i Vendimit 11 dhe Nr. Regj. Themeltar 60/50.
Ndue Nikolla, Çertëfikatë “Dekoruar me Medaljen e Çlirimit”, më dokument Nr. 26010. Tiranë, me 4. 6. 1946. Këto dokumenta disponohen nga familjaret si relike, pushteti komunist ua akordoj, por nuk ua konsideroi. Tomë Nikolla, Çertifikatë “Për kontributin e dhënë në Luftën Antifashiste Nacional Çlirimtare”. Në kujtim të 50-vjetorit të festimit të çlirimit të Atdheut, akorduar nga Presidenti i Republikës Prof. Dr. Sali Berisha. Ali Bytyçi nuk pati asnjë lloj funksioni dhe kotributi në çlirimin e Iballës, ai qe vetëm udhërrefyes i Brigadës 6-të. “Komunistët e rinj” ishin të pa besueshëm, gjë që do ta shofim më poshtë. Në ditët në vazhdim, filloj diktatura dhe krimi komunist ndaj popullit paqëdashës të Iballës. Në oborrin e shtepisë së Zef Nikollës ku ishte vendos komanda e brigadës 6-të, mblidheshin partizanët dhe fillonte kënga labçe, me zërin e tyre në maksimum, me iso, shoqëruar me klarinetë, fizarmonikë, tupan, lodër e tjera vegla muzikore (dhe keto në volumin maksimal) me qëllim që të mos ndigjohen të bërtiturat, që shkaktonin torturat brënda shtëpisë, nga xhelatet komunist.
Xhemë Prendin e Poravit e torturuan kaq shumë fizikisht sa që i keputën muskulin e kërcirit të kembës dhe ai nuk mund të shkonte në shtepinë e tij, në fshat, futet dhe kerkon ndihmë në shtepinë e Gjokë Nikollës (babaj im). Muskuli i kërcirit ishte i varur poshtë dhe ky burrë i pa mposhtur e këputi muskulin dhe ja hodhi macës duke i thënë merre se është pjesa e jote. Mbasi mbaroj lufta brigadat partizane u kthyen në struktura të tjera, ku spikatën famëkëqiat “Repartet e ndjekjes”. Këtyre reparteve u parapriu krijimi i Brigadës së 25 sulmuese, me 6 nendor 1944, me qëllimin e vetem për të luftuar reaksionin e mbreshëm, me komandant Niman Doçi dhe komisar Nuri Arapi. Drejtuesit e komandës dhe strukturat e saj në Iballe sajuan dhe krijuan shumë armiq të popullit duke i cilësuar “kulak”, të “deklasuar” e të tjerë tituj ofendues. Pushkatohet Ali Marku lindur në Iballë të Pukës, më 11 korrik 1880, i vrarë pa gjygj për motive politike, me 3 shtator 1946. (Fjalori Enciklopedik i Viktimave të Terrorit Komunist, vol.V, gërma L-M, Tiranë, 2016, fq. 218).
B.Z.Selimi kapter nga Qerreti më repartet e ndjekjës binte në sy i cili thoshte “pushkatoni Iballasit se janë Iballasit e Kolë Bibë Mirakës”. Këtij kapterit i mbahej goja (ishte gagaç) dhe thoshte puckatoni jo pushkatoni. Komunistët u treguan të pabesë, jo vetëm ndaj 2 (dy) burrave që kryen aktin patriotik dhe shpëtuan një popull pa u masakruar, duke i cilësuar kulak ndaj popullit patriot, bujar dhe paqëdashës të Iballës, por dhe ndaj vetë anëtarve të partisë se saj. Krahina e Iballës quhej “zonë reaksionare thellësisht armiqësore” por vetë Lekë Berisha vinte nga kjo zonë. Është koha kur në drejtimin e lartë të partisë, fillon ajo që Enver Hoxha e quante: ”intrigë shumë e rrezikshme, që kishte për qëllim dobësimin e organizatës së partisë të rrethit të Pukës, krijimin në atë organizatë të dy tarafeve: komunistë të vjetër dhe të rinj. Krijimin e pikëpamjes se “komunistët e vjetër janë më të besueshëm dhe të pa gabueshëm, kurse të rinjtë më pak besnikë, bile dhe të dyshimtë”’. (Letër e sekretarit të përgjithshëm Enver Hoxha, drejtuar gjithë Komiteteve të Partisë, 26 janar 1952).
Njëri nga më të dyshuarit ishte Lekë Berisha. Bazuar në akuza të sajuara, ata arrijnë që Lekë Berisha të kthehet nga anëtar në kandidat partije dhe çeshtja e tij të kalohej, siç quhej asaj kohe, për revizionim (riedukim). Pikërisht në këtë kohë, ndodhi dhe vrasja e tij, një vrasje e organizuar nga Sigurimi i Shtetit për disa qëllime themelore të tilla si:
1. Saktësimi se në Iballe nuk mund të gjeje njerëz të besuar dhe se zona duhet goditur.
2. Lekë Berisha dhe sekretari i parë Zenel Islami ishin miq të ngushtë me njeri tjetrin. Kjo edhe nga jeta e tyre pasi që të dy ishin rritur jetimë dhe nuk kishin vëllezër, duke e gjetur vëllazërinë tek njëri tjetri dhe një grup të rinj drejtues të zonës.
3. Synim për të bërë të gjithë të rinjët, djemtë e atyre trevave të pabesueshë dhe të dënueshëm.
4. Duke krijuar një legjendë të rreme për Lekë Berishën, si një njeri që kishte dashur të bënte aksione vrasëse ndaj shokëve kryesor, do të vihej tek akuzimi se mbështetja ndaj tij dhe zonës së Iballës kishte qënë jo vetë e gabuar por dhe dyshimtë.
5. Sigurimi i Shtetit do të vendosej edhe një herë mbi organizatën e partisë ashtu si dhe do të ndodhte herë pas here.
Ngjarja e Lekë Berishës, por dhe vrasjet e ndodhura në Iballë nuk kaluan pa pasoja të rënda në psikozën dhe jetën e banorëve të rrethit të Pukës. Duke u nisur nga kjo dhe qëndrimet e sigurimit të shtetit, sekretari i pare i Komitetit të Partisë së rrethit Pukës Zenel Islami i drejtohet Komitetit Qëndror të Partisë me 2 (dy) letra. Letra e parë: “Për mbytjen e Lekë Berishës nga ana e sigurimit të shtetit. (Komitetit Qëndror të Partisë së Punës Shipipërisë)…Shokët e sigurimit pretendojnë se nuk ka qënë porositë Gjini ta mbytë Lekën por ta rrihtë, vetëm se ai gjoja ka dashtë e ka mbytë. Ketë çeshtje e ka marrë vesh dhe populli, pse N/ Shefi i Mbrendshëm shoku Veliko Xhaferi në mbledhëjen e popullit duke qënë i prekur pse se kishte vënë ndijeni N/ Shefi për çeshtjën e Lekës, ai i tha hapur se Lekë Berisha është mbytur nga intrigat e sigurimit. Kaq për dijeni.” Për Komitetin e P. P. Rrethit, Zenel Islami. Në letrën e dytë për Komitetin Qëndror të P. P. Shipërisë. … Nga ana tjetër dyshohet se mbrëmjën kur është mbyt Leka duhet të ketë qënë dhe ndihma e Xhevdet Milotit, për faktin se në kohën kur u mbyt Leka, ky i fundit ka thërrit “Me nxore në pritë Xhevdet Miloti”. E vejmë në dijëni Komitetin Central. Për Komitetin e Partisë Elbasan, Zenel Islami. (Gazeta “Dita”, “ Dy Letrat që vranë Lulin e Vocërr” e diel 10 korrik 2016, fq. 2-3).
Shteti komunist, si festë kombëtare vendosi 29 nëntorin, ditën kur sipas tyre u largua ushtatari i fundit gjerman nga Shkodra kurse në Pukë festa e rrethit u vendos më 20 tetor 1944. “Lufta e Rrapës” që festa e rrethit duhej të vendosej më 1 (një) nentor, sepse armiku i fundit imagjinar u largua nga Iballa. Ky ishte çlirimi, që i solli popullit të Iballës përqafimi i ideologjisë komuniste nga komunisti Ali Bytyçi, luftën e klasave, cilësimin kulak, torturat, rrahjet, internimet, burgosjet dhe pushkatimet pa gjygj. Prandaj Xhemal Meçi e promovon si shpëtimtarin e popullit të Iballës. Ju lutëm, sot ka ikur koha shkrimeve provokative, deformuese, shtrembëruese, mohuese të së vërtetës, sepse keq informojmë brezat që vijnë. Është e pa pranueshme të fyejmë popullin duke promovuar ata përfaqësues të rregjimit që i mori lirinë dhe e vrau shpirtrisht këtë popull. Ai që të vret shpirtrisht, ai të ka vrarë gjithë çka.

Konstituohet Kuvendi i Ri i Kosovës, Glauk Konjufca Kryeparlamentar

March 22, 2021 by dgreca

-Kuvendi i Kosovës i dalë nga zgjedhjet e 14 Shkurtit 2021, i legjislaturës së tetë në liri e të pestës në pavarësi, sot mbajti seancën konstituive, Glauk Konjufca i Lëvizjes Vetëvendosje u zgjodh Kryeparlamentar dhe nga Kryeparlamentarja e derisotme Vjosa Osmani e mori edhe detyrën e ushtruesit të detyrës së Presdentit të Kosovës/

-Kuvendi i Kosovës do mblidhet përsëri në një seancë tjetër për të zgjedhur Qeverinë e re me Kryeministër Albin Kurtin – liderin e Lëvizjes Vetëvendosje, e cila parti fituese e zgjedhjeve për Presidente të Kosovës ka nominuar Vjosa Osmanin dhe edhe për këtë pritet të votohet në një seancë plenare të Kuvendit/

-Të dielen e 14 Shkurtit 2021 Kosova votoi në zgjedhjet parlamentare – të tetat në 22 vjet liri, të pesta në 13 vjet pavarësi e të katërta të njëpasnjëshme të parakohëshme/

-Në Kosovën e lirë nga Qershori 1999, të parat zgjedhje parlamentare u mbajtën në 17 Nëntor 2001/

-Legjislatura e tretë, e zgjedhjeve të 17 Nëntorit 2007, ka hyrë në histori me shpalljen e Pavarësisë së Kosovës në 17 Shkurt 2008/

-Zgjedhjet e para pluraliste në Kosovë ishin parlamentare dhe presidenciale, të mbajtura para 29 vitesh, në 24 Maj 1992, si pjesë e lëvizjes për liri e pavarësi/

Gazeta DIELLI nga korrespondenti në Kosovë Behlul JASHARI

PRISHTINË, 22 Mars 2021/ Deputeti Glauk Konjufca i Lëvizjes Vetëvendosje është zgjedhur sot Kryetar i ri i Kuvendit të Kosovës dhe nga Kryeparlamentarja e derisotme Vjosa Osmani e mori edhe detyrën e ushtruesit të detyrës së Presdentit të Kosovës.

Kuvendi i Kosovës do mblidhet përsëri në një seancë tjetër për të zgjedhur Qeverinë e re me Kryeministër Albin Kurtin – liderin e Lëvizjes Vetëvendosje, e cila parti fituese e zgjedhjeve për Presidente të Kosovës ka nominuar Vjosa Osmanin dhe edhe për këtë pritet të votohet në një seancë plenare të Kuvendit.

Zhvilloi sot seancën konstituive Kuvendi i Kosovës me gjithësej 120 deputetë i zgjedhjeve të parakohëshme parlamentare të 14 Shkurtit 2021 i legjislaturës së tetë në liri nga qershori 1999 e të pestës në pavarësi nga 17 Shkurti 2008.

Pikë e parë e axhendës ishte formimi i Komisionit të përkohshëm për verifikimin e kuorumit dhe të mandateve, për t’u pasuar me betimin e deputetëve. Seanca konstituive u përmbyll me zgjedhjen e kryetarit dhe nënkryetarëve të Kuvendit.

Në sallën e seancës plenare, konform rregullores dhe praktikës së deritashme, grupi më i madh parlamentar – Lëvizja Vetëvendosje është ulur në qendër, grupi i dytë me radhë – Partia Demokratike e Kosovës në anën e djathtë të kryesuesit të seancës, ndërsa grupi i tretë – Lidhja Demokratike e Kosovës në anën e majtë të kryesuesit.

Seanca konstituive e Kuvendit të Kosovës u kryesua nga deputeti në i vjetër Avni Dehari i Lëvizjes Vetevendosje dhe deputetja më e re Adelina Grainca e Partisë Demokratike të Kosovës.

Kryetari i Kuvendit të Kosovës Glauk Konjufca pasi u zgjodh me 69 vota pro, 33 kundër e asnjë abstenim, në deklaratën e parë nga ulësja e kryeparlamentarit u shpreh:

“Unë zotohem që do ta kryej detyrën time me nderë, me përgjegjësi dhe me përkushtim. Për mua nuk do të ketë deputetë të kësaj apo të asaj partie. Për mua si Kryetar i Kuvendit do të ketë vetëm deputetë të barabartë të popullit të Kosovës, sepse kështu jemi. Përmbi të gjitha, të gjithë së bashku dhe në emër tuajin po i falënderojmë qytetarët e Republikës së Kosovës meqë pa votuar ata as ne nuk do mund të vinim këtu, e bile as nuk do të mund të votonim sot. Na priftë e mbara në punët që na presin dhe me këtë raste po e shpalli të mbyllur këtë seancë themeluese të legjislaturës së tetë të Kuvendit të Kosovës. Kurse për seancën e zgjedhjes së Qeverisë do t’ju lajmërojmë me kohë”.

Nënkryetarë të Kuvendit të Kosovës nga tre partitë më të mëdha jënë zgjedhur me 107 vota pro, 6 kundër dhe asnjë abstenim Saranda Bogujevci nga Lëvizja Vetëvendosje, Bedri Hamza nga Partia Demokratike e Kosovës dhe Kujtim Shala nga Lidhja Demokratike e Kosovës.

Nga komunitetet pakicë nënkryetarë të Kuvendit të Kosovës u zgjodhën përfaqësuesi i serbëve Slavko Simiç i Listës Serbe dhe Bekim Arifi nga komunitetetet tjera pakicë.

Kosova në Vitin e Ri 2021 shkoi në zgjedhje parlamentare të jashtëzakonshme pas rënes së dy qeverive në vitin 2020 të pas zgjedhjeve të parakohshme të 6 Tetorit 2019.

Në 2020-tën Qëveria me kryeministër Albin Kurtin e Lëvizjes Vetëvendosje e zgjedhur në 3 Shkurt 2020 u rrëzua me mocion mosbesimi të inicuar nga partneri i koalicionit qeverisës – Lidhja Demokratike e Kosovës, e cila mori drejtimin e Qeverisë me kryeministër Avdullah Hotin të zgjedhur në 3 Qershor, por në dhjetor Gjykata Kushtetuese shpalli të pavlefshme votën e një deputeti të minoriteteve, Etem Arifi, pasi kishte të humbur mandatin për shkak të një dënimi të formës së prerë nga gjykata. Vota e tij ishte vendimtare për zgjedhjen e Qeverisë pasi mundësoi arritjen e minimumit të nevoshem prej 61 votave të parlamentit 120 anëtarësh.

Në Kosovë, në zgjedhjet e jashtëzakonshme parlamentare të 14 Shkurtit 2021, sipas rezultateve përfundimtare të certifikuara nga Komisioni Qendror i Zgjedhjeve, Lista e Lëvizjes Vetëvendosje është fituese me 438.335 vota – 50,280 përqind – 58 mandate deputetësh të Kuvendit 120 anëtarësh, e numri dy në këtë listë Vjosa Osmani është më e votuara nga të gjithë kandidatët e të gjitha listave me 300 756 vota. Gjatë historisë së zgjedhjeve parlamentare në Kosovë më shumë vota ka marrë vetëm Presidenti historik i Kosovës Ibrahim Rugova.

Nga votimet në zgjedhjet e Kosovës të 14 Shkurtit 2021 janë edhe këto rezultate përfundimtare të certifikuara:

E dyta ka dalë Partia Demokratike e Kosovës me 17,009 përqind – 148.285 vota e 19 deputetë.

E treta është Lidhja Demokratike e Kosovës me 12,731 përqind – 110.985 vota e 15 deputetë.

E katërta është Aleanca për Ardhmërinë e Kosovës me 7,124% përqind – 62.111 vota e 8 deputetë.

Me vendet e garantuara me Kushtetutën e Kosovës serbët kanë 10 deputetë dhe komunitetet tjera pakicë poashtu 10 deputetë.

Nisma Soacialdemokrate me 2,523 përqind – 21.997 vota dhe parti të tjera shqiptare nuk e kanë kaluar pragun prej 5 përqind dhe nuk do jenë pjesë e Kuvendit të Kosovës.

Kosova të dielen e 14 Shkurtit 2021 votoi në zgjedhjet parlamentare – të tetat në 22 vjet liri, të pesta në 13 vjet pavarësi e të katërta të njëpasnjëshme të parakohëshme.

Në Vitin e Ri 2021 Kosova shkoi në zgjedhje parlamentare të jashtëzakonshme pas rënes së dy qeverive në vitin 2020 të pas zgjedhjeve të parakohëshme të 6 Tetorit të vitit 2019.

Në 2020-tën qëveria me kryeministër Albin Kurtin e Lëvizjes Vetëvendosje e zgjedhur në 3 Shkurt u rrëzua me mocion mosbesimi të inicuar nga partneri i koalicionit qeverisës – Lidhja Demokratike e Kosovës, e cila mori drejtimin e qeverisë me kryeministër Avdullah Hotin të zgjedhur në 3 Qershor, por në dhjetor Gjykata Kushtetuese shpalli të pavlefshme votën e një deputeti të minoriteteve, Etem Arifi, pasi kishte të humbur mandatin për shkak të një dënimi të formës së prerë nga gjykata. Vota e tij ishte vendimtare për zgjedhjen e qeverisë pasi mundësoi arritjen e minimumit të nevoshem prej 61 votave të parlamentit 120 anëtarësh.

Në Kosovën e lirë nga Qershori 1999, të parat zgjedhje parlamentare u mbajtën në 17 Nëntor 2001, kur numri i votuesëve të regjistruar ishte 1,249,987, ndërsa pjesëmarrja në zgjedhje 803,796 votuesë – 64.30%.

Zgjedhjet e dyta parlamentare u zhvilluan në 23 Tetor 2004. Numri i votuesëve të regjistruar ishte 1,412,680, ndërsa pjesëmarrja në zgjedhje 699,519 votuesë – 49.52%.

Zgjedhjet e treta parlamentare u mbajtën në 17 Nëntor 2007. Numri i votuesëve të regjistruar ishte 1,567,690, ndërsa pjesëmarrja në zgjedhje 628,630 votuesë – 40.09%. Legjislatura e këtyre zgjedhjeve, e treta, ishte ajo që ka hyrë në histori me shpalljen e Pavarësisë së Kosovës në 17 Shkurt 2008.

Zgjedhjet e katërta parlamentare në liri, të parat në pavarësi, u zhvilluan në 12 Dhjetor 2010. Numri i votuesëve të regjistruar ishte 1,632,276, ndërsa pjesëmarrja në zgjedhje 706,317 votuesë – 45.29%.

Zgjedhjet e pesta parlamentare në liri, të dytat në pavarësi, u zhvilluan në 8 Qershor 2014. Numri i votuesëve të regjistruar ishte 1,799,023, ndërsa pjesëmarrja në zgjedhje 734,055 votuesë – 42.63%.

Zgjedhjet e gjashta parlamentare në liri, të tretat në pavarësi, u zhvilluan në 11 Qershor 2017. Numri i votuesëve të regjistruar ishte 1,888,059, ndërsa pjesëmarrja në zgjedhje 779,729 votuesë – 41.3%.

Zgjedhjet e shtata parlamentare në liri, të katërta në pavarësi, u zhvilluan në 6 Tetor 2019 . Numri i votuesëve të regjistruar ishte 1,961,213, pjesëmarrja në zgjedhje 826,916 votuesë – 44.56%.

Në zgjedhjet parlamentare të 14 Shkurt 2021 – të tetat në liri e të pestat në pavarësi numri i votuesëve të regjistruar ishte 1,851,927, pjesëmarrja në zgjedhje 48.78% – numri i pranuar i fletëvotimeve të vlefshme 877,503.

Zgjedhjet e para pluraliste në Kosovë ishin parlamentare dhe presidenciale, të mbajtura para 29 vitesh, në 24 Maj 1992, si pjesë e lëvizjes për liri e pavarësi, në rrethana të rënda të dhunës e shtetrrethimit nga Serbia okupatore.

Ishin ato zgjedhje të rezistencës gjithëpopullore kosovare të shqiptarëve që krijuan një rend demokratik dhe forcuan institucionalisht Republikën e shpallur të Kosovës në zhvillime historike, që pasonin Deklaratën e Pavarësisë të 2 Korrikut e Kushtetutën e 7 Shtatorit 1990, si dhe Referendumin e zhvilluar nga 26 deri 30 Shtator 1991, në të cilin për Kosovën Shtet Sovran dhe i Pavarur u deklaruan pro 99,87 për qind e qytetarëve pjesëmarrës masivisht në votim – 87,01 për qind.

Në mbledhjen 2 Majit 1992 Kuvendi kosovar shpalli zgjedhjet shumëpartiake, në të cilat partitë politike angazhoheshin jo për rivalitete mes tyre, por të gjitha së bashku për vendosjen e pushtetit të Kosovës në Kosovë, të lirisë e demokracisë, në vend të pushtetit të Serbisë, të okupimit e imponimit.