Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Ja kush janë djemtë dhe vajzat shqiptare që fituan programin YES

by

Foto lajm/djemte dhe vajzat e YES 2017

Udhëtim të mbarë në rrugën e dijes këtyre dhjetë djemve dhe vajzave

Redaksia e gazetës “Dielli” i bashkohet urimit të Ambasadës së SHBA në Tiranë për djemtë e vajzat shqiptare që përfituan nga programi YES, viti 2017-2018.

Bashkohuni me ne për t’i uruar këtij grupi me dhjetë djem e vajza shqiptare, një vit të mrekullueshëm jetese dhe studimi në Shtetet e Bashkuara, si pjesëmarrës në programin YES. Për më shumë informacion rreth programit YES, vizitoni: https://goo.gl/tZ95D5
Join us in wishing this group of ten amazing Albanian girls and boys a wonderful year of living and studying in the United States as YES Students. For more information about the YES program, visit:https://goo.gl/tZ95D5

KOSOVA,KUALIFIKIM HISTORIK NË BASKETBOLL

by

auto_kosova-estonia1503173686

-Kosova fiton ballë Estonisë, kalon në kualifikimet për Botërorin e Basketbollit “Kina 2019”/

Kosova_TeamPRISHTINË, 20 Gusht 2017-Gazeta DIELLI-B.Jashari/ Përfaqësuesja e Kosovës në basketboll do të jetë pjesë e kualifikimeve për Kupën e Botës “Kina 2019” në mesin e 32 kombëtareve, pasi të shtunën në mbrëmje në Prishtinë në një atmosferë impresionuese e ka mposhtur Estoninë në një “ndeshje triler” me rezultat 75:69.

Basketboll-Kosova-EstoniaTani Përfaqësuesja e Kosovës duhet të pres shortin e së mërkurës së ardhshme që do të mbahet në Munih, Gjermani, për të mësuar grupin dhe emrat e kundërshtarëve të ardhshëm.

“Ndërsa, sa i përket ndeshjes së mbrëmshme ajo ishte storie në vete. Djelmoshat tanë luftuan deri në atomin e fundit dhe kështu bënë që në fund fitorja të mbetet në Kosovë dhe të shkruajnë historinë në basketbollin kosovar”, thekson Federata e Basketbollit e Kosovës.

Përfaqësuesja e Kosovës në pjesën e parë ishte në disavantazh me rezultat 38:35, por me lojën e 20 minutave të fundit  doli fituese me 6 pikë diferencë. Nga 75 pikët për Kosovën 28 I shënoi kapiteni Dardan Berisha.

“Ndeshja ishte e baraspeshuar prej fillimit deri në fund, derisa Estonia udhëhoqi në pjesën e parë, në çerekun e tretë Kosova së pari doli në avantazh dhe më pas herë njëra e herë tjetra skuadër kalonte në epërsi, derisa krejt në fund trileri i takoi Përfaqësueses sonë”, thekson njoftimi në faqen zyrtare të Federatës së Basketbollit e Kosovës.“Kosova shkruan historinë, arrin në kualifikimet e Botërorit” dhe “Historike, Kosova arrin në kualifikimet e Botërorit”, janë dy nga titujt e medias kosovare në raportimet për “spektakëlin në Pallatin e Rinisë dhe Sporteve në Prishtinë”.Media thekson se, me fitoren e mbrëmshme, me “një performancë të jashtëzakonshme ndaj Estonisë së fortë, që tashmë ka siguruar plasmanin” Kosova ka përfunduar e dyta në Grupin C me dy fitore.

UROJNË PRESIDENTI THAÇI E KRYEMINISTRI MUSTAFA

Presidenti i Kosovës, Hashim Thaçi  dhe kryeministri Isa Mustafa kanë uruar përfaqësuesen e Kosovës në basketboll për plasmanin në kualifikimet për Botërorin “Kina 2019”.

“Kosova, pjesë e ndeshjeve kualifikuese për Botërorin ‘Kina 2019’ në basketboll. Urime lojtarëve dhe stafit të përfaqësueses për këtë sukses historik”, shkruan Thaçi.

“Fitore fantastike e basketbollistëve të Kosovës përballë Estonisë së fortë. Kalimi i fazës parakualifikuese për Kupën e Botës 2019, dëshmon potencialin e madh të basketbollit tonë. Pas Xhudos dhe sporteve tjera, Basketbolli po e ngrit emrin e Kosovës në majat e sportit botëror. Urime!”, shkruan Mustafa në ‘facebook’.

A statue of Saint Tereza has been donated to Our Lady of Mount Carmel’s Church

by

1 OK StatujaSince Sunday, August 13, 2017, a statue of Saint Tereza is added permanently to the Catholic Church Our Lady of Mount Carmel in Belmont, Bronx, New York. The placement of the statue, which is part of the renovation of the hundred year old church, was followed with an inaugurating ceremony. Among many guests present during the ceremony was the Pope’s Ambassador (Nuncio) in Albania, Archbishop, Charles Brown. Also, part of the ceremony were the Albanian-American Assemblyman Mark Gjonaj and the General Consulate of the Republic of Kosova in New York, Teuta Sahatqija. The statue was donated by the Albanian- American businessman and community activist, Harry Bajraktari.

3 ok Statuja prifti

1 ok marjan

6 statuja

We are publishing the full speech held by the sponsor of the statue, Mr. Harry Bajraktari.(Read more in the printed)

FADIL PACRAMI- BILAL XHAFERRIT:”TË KEMI PUSHKATUAR BABANË….JE ARMIK!”

by

bilala-xhaferrii1KUSH ISHTE FADIL PAÇRAMI DHE SI I THA BILAL XHAFERRIT “TË KEMI PUSHKATUAR BABANË. EDHE TI JE ARMIK!”/ NE FOTO:BILAL XHAFERRI/

1 Fadil-Pacrami

Në Foto: Fadil Pacrami/

– Një kujtim i padëshiruar/2 Kolec Traboini Student 1973

Në Foto:Autori i shkrimit, Kolec Traboini, student 1973/

Nga KOLEC TRABOINI/Një portal ka faqosur një shkrim në përpjekje për ta humanizuar figurën e kuadrit të lartë komunist Fadil Paçramit, për ta bërë gjoja më njerëzore këtë kuadrovik të ngulfatur, pjesë e strukturës shtypëse të diktaturës së Enver Hoxhës. I dhashë këtë gjegje portalit: Për ta kuptuar se kush ishte Fadil Paçrami, mjafton të rikujtoni mbledhjen e Lidhjes së Shkrimtarëve dhe Artisteve kur diskutohej romani i soc – realizmit skematik “Dasma”, kur duke marrë në mbrojtje autorin, në mes të mbledhjes së hapur, ju vërsul shkrimtarit Bilal Xhaferri me këto fjalë:

“Të kemi pushkatuar babanë. Edhe ti je armik!”.

Kjo shprehje e tij cinike, e egër, vrastare, ti thuash të birit të kemi pushkatuar atin, aty nga presidiumi ku tundej e shkundej si aga, e tregon më së miri çfarë njeriu i ulët e megalloman ka qenë Fadil Paçrami. Asnjë mëshirë njerëzore nuk kish në shpirtin e tij. Ai veç artist e shkrimtar nuk mund të ishte. Sepse arti fjalës nuk ka të bejë në asgjë me hanxharin e kasapit.

E kam takuar rastësisht në Minierën e Tuçit, ku kisha shkuar për një shkrim në gazetën “Zëri i Rinisë” se e kisha punë praktike gazetarie në kohën që isha student në Universitetin e Tiranës. Fadil Paçrami ishte tek gryka tunelit ku seleksiononte mineral. Më pa, po jo në sy. Mua afrua me një gur në dorë e më tha se çfarë kualiteti i mirë ishte minerali. Mu zunë sytë kur mu kujtua Bilal Xhaferri, por nuk fola asnjë fjalë. Librin e Bilalit që ma kishte dhuruar bashkë studentja Zenepe Çekrezi (Luka), i kisha grisur kapakun dhe emrin e Bilal Xhaferrit dhe e ruaja të fshehur në një valixhe druri të kyçur poshtë krevatit në Qytetin “Studenti” të cilën ma kishte punuar një komshi në Shkodër, Zefi, vëllai i Don Nikoll Mazrrekut i njohur me pseudonimin e famshëm Nik Barcolla.

Për mua që shkruaja tregime ishte një manual artistik për mënyrën se si duhej kërkuar e gjetur e bukura në jetë e si duhej mishëruar në art. E dija se po t’ma gjenin do të më përjashtonin nga Universiteti e madje punët do të venin keq e më keq. Po vazhdoja ta ruaja si një relikë e çmuar. Ishte ushqimi im i përditshëm shpirtëror ashtu si “Vërshimet e lumenjve të Konstandin Paustovskit dhe tregimet me shi të Minelaos Ludemis.

Atë çast kisha parasysh librin e fshehtë të Bilal Xhaferrit të arratisur në Amerikë. Kisha parasysh edhe persekutorin e atij që e adhuroja si shkrimtar. E kisha urryer kur anatemonte si të ishte një Zeus shkrimtarin Bilal Xhaferri, i rritur jetim e me sakrifica, talentin e madh, shpresën për një art të lirë e sublime që dilte nga shpirti. Tani ai, Fadil Paçrami, persekutori, ishte kthyer në një grusht njeri në pritje të fatit të vet të gremisur.

Atë çast e mëshirova shpirtvogëlsinë e tij sepse tashmë edhe ai ishte asgjë më shumë veç një viktimë e makinës shtypse komuniste, të asaj monstre e cila, meqë nuk u ngop me gjakun e popullit, kishte nisur të hante edhe bijtë e vet. I ktheva krahët e ika. Ish kthyer në kufomë e gjallë ky njeri që kërkonte ti kthente në kufoma të tjerët.

Ky pra ishte intelektuali komunist Fadil Paçrami.

I harruar qoftë kujtimi i tij!

 

18 gusht 2017

 

 

LAJM MORTOR

by

NDERROI JETE DYKE MUSHKOLAJ GECAJ/

Ne statusin e tij te Fb z. Harry Bajraktari ka shkruar:Në moshën 78 vjeçare ndërroi jetë, Dykë Mushkolaj Gecaj, gruaja e dajës sim Halil Gecajt, vëllait të Rrustem Gecajt.
E ndjera ishte një grua fisnike, mikpritëse dhe e dashur nga të gjithë në familjen Gecaj, Mushkolaj dhe në familjen time. E njoha para 50 vjetësh kur isha në Vranoc, para se të vija në Amerikë. Ka qenë e përkushtuar pas atdheut dhe traditave dukagjinase. Rrëfimet e saj ishin shumë interesante për ngjarjet e ndryshme që ajo i kishte përjetuar.
Dyka ka lënë pase” djem e dy vajza: Hysenin, Muharremin, Xhaferin, Qaushin, Shpendin, Shpresën dhe Havën.
Pas vdekjes së burrit, Halil Gecajt, ajo me sakrificë e mundime të madha rriti dhe edukoi fëmijët e saj ku bujaria dhe atdhedashuria kanë qenë përkushtim. E ndjera bëri gjithçka që fëmijët të bëheshin zot të vetvetes, duke i edukuar dhe inspiruar për dashuri ndaj familjes, atdheut e njerëzimit.
Harry Bajraktari, New York, 2017.

Kliko siper posterit per te marre informacioninIMG_8656