dgreca – Page 2046 – Dielli

VATRA Statement on the Release of Ramush Haradinaj

April 28, 2017 by dgreca

The Pan Albanian Federation of America “VATRA”, along with all Albanians and well-wishers around the globe, rejoice in the release of Ramush Haradinaj and welcome the just decision of the court in Colmar, France.

With this decision, the French courts have refused to be Serbia’s accomplice in its unending quest to destabilize Kosova and the entire region, and its efforts to delegitimize Kosova’s war for freedom and the survival of its oppressed and persecuted people.

We can only hope that after four arrests on the baseless grounds of a politically motivated Serbian arrest warrant and after four subsequent acquittals, Mr. Haradinaj will be left in peace to care for his family and serve the people.

Civilized nations should not honor illegitimate Serbian warrants, and Serbia must stop stoking the flames with these types of arrest warrants aimed at KLA veterans and Kosova state officials.

DEKLARATË E VATRËS PËR NGJARJET NË MAQEDONI

April 27, 2017 by dgreca

“VATRA” DËNON DHUNËN NË KUVENDIN E MAQEDONISË DHE I BËN THIRRJE FAKTORIT SHQIPTARË TË TREGOJË MATURI/

*Vatra, i apelon palëve politike dhe Presidentit, vecanërisht i apelon faktorit politik shqiptar në Maqedoni, që të tregojë maturi dhe tolerancë, të dialogojnë, të respektojnë ligjet e shtetit, Kushtetutën dhe parimet e Demokracisë, për të kthyer paqen social-politike në Maqedoni. Klasa politike shqiptare, duhet ti dalë për zot qytetarëve të saj dhe t’i ruaj nga kurthet dhe përplasjet etnike./

Nju Jork, 27 Prill 2017- Fedearata Panshqiptare e Amerikës”VATRA” po e ndjek me brengosje të thellë situatën në Maqedoni, ku jetojnë një shumicë e madhe shqiptarësh .Vatra, prej kohësh, ka paraljmëruar rrezikun e shpërthimit të dhunës në shtetin e brishtë, ku shqiptarëve u mohohen të drejtat elementare, si gjuha shqipe, Flamuri Kombëtar, pjesmarrja e barabartë në administratë, veçanërisht në polici,Drejtësi, ushtri etj. E ashtuquajtura”Marrëveshje e Ohrit” mbeti një dokument pa vlerë pasi në shumë pika nuk gjeti zbatim.

Vatra gjykon se ushyqerja e tensioneve etnike patjetër do të sillte dhunën, që nuk është e para, veçanërisht ndaj shqiptarëve. Ngjarjet e dhunshme në Kuvendin e Maqedonisë me 27 prill, plagosja e më shumë se dhjetë deputetëve dhe liderit të opozitës Zoran Zaev si dhe lëndimi i kryetarit të Lëvizjes për Reforma, Ziadin Sela, përbën pikën kulmore të shpërthimit të tensioneve të ushqyera nga ish Partia në pushtet VMRO-DPMNE-së dhe liderit të saj nacionalist-ekstremist Nikola Gruevski, ndërkohë që presidenti Ivanov, nuk u shkëput dot nga Partia, që e ka nominuar, dhe në vend që të qetësonte situatën, i hodhi benzinë zjarrit, nuk i dha Mandat Zaevit të qeveriste me shqiptarët, nxiti protestat, duke e trasferuar konfliktin e partive maqedonase në konflikt etnik mes shqiptarëve dhe maqedonasve, madje duke akuzuar Tiranën, si shkaktare e krizës maqedonse.

Maqedonia, e cila vuan mungesën e identitetit shtetëror, duket se nuk është ende e përgatitur për bashkëqeverisje demokratike me të gjitha etnitë shtetformuese dhe nuk është e gatshme që të respektojë parimet demokratike për zgjidhjen e mospajtimeve politike.

Turmat e egërsuar, që lëshonin thirrje nacionalsite dhe që përgjakën opozitën, janë të dirigjuara nga ata që po humbin pushtetin, nga nacionalistët ekstremë, që e quajnë fundin e Botës, pse një shqiptar zgjidhet në krye të Parlamentit, me procedurë tepër të rregullt, trasparente, në sytë e publikut dhe të medias. Ishte pikërisht ky momenti kur turmat e egërsuara iu vërsulën deputetëve të shumicës, të pambrojtur, dhe i gjakosën. Ku ishte shteti i Ivanovit, që nuk respektoi Ligjin dhe Kushtetutën e Shtetit pa emër? Në vend që Presidenti të bëhej faktor zgjidhjeje, ai e cilësoi zgjedhjen shqiptarit e Talat Xhaferit në krye të Parlamentit, si jo të rregullt, duke i ndërsyer më shumë turmat nacionaliste. Mbështetja dhe nohja që i dhanë Kryetarit të ri të Kuvendit të Maqedonisë z. Talat Xhaferi, shefja e Diplomacisë Europiane Federika Mogherini dhe Komisioneri Europian për Zgjerimin Johanes Han,duke e cilësuar procesin pozitiv, janë të mjaftueshme për ta cilësuar të ligjshëm procesin e zgjedhjes, në përshtaje me Kushtetutën, i cili u ndoq drejtëpërsëdrejti edhe nga publiku. Interpretimet e tjera, nuk i shërbejnë qetësimit të situatës, por ushqejnë konfliktin.

VATRA e sheh tensionimin ekstrem në Maqedoni edhe me burime e investime të jashtme. Dora e Rusisë duket se është tepër e zgjatur në Gadishullin Ballkanik, përfshi dhe Maqedoninë,ku demokricia është ende e brishte dhe përplasjet etnike, përherë në shpërthim.

Gjithësesi, Vatra, i apelon palëve politike dhe Presidentit, vecanërisht i apelon faktorit politik shqiptar në Maqedoni, që të tregojë maturi dhe tolerancë, të dialogojnë, të respektojnë ligjet e shtetit, Kushtetutën dhe parimet e Demokracisë, për të kthyer paqen social-politike në Maqedoni. Klasa politike shqiptare, duhet ti dalë për zot qytetarëve të saj dhe t’i ruaj nga kurthet dhe përplasjet etnike.

ILIR META, KANDIDATI I SHUMICES PER PRESIDENT

April 27, 2017 by dgreca

Rama: Meta kandidat i shumicës për president i Republikës, Basha- Maskat e politikës kanë rënë-Rama ka kërkuar burg për Ilir Metën, por e shpall President/Kryeministri Edi Rama bëri të ditur të enjten në mbrëmje se kryetari i parlamentit Ilir Meta është kandidati i shumicës për postin e presidentit të Republikës.Parlamenti tejkaloi sot pa kandidat edhe raundin e tretë.LSI mblodhi më herët forumet drejtuese dhe, sipas njoftimeve të shtypit vendas, ka bërë gati dy emra si kandidatura për president, një prej të cilëve është kryetari i parlamentit, Ilir Meta.Edhe PS mblodhi forumet drejtuese, dhe sipas kryetarit të saj, aleati kryesor i koalicionit socialist, kryetari i LSI-së Ilir Meta mbetet kandidati për president.Kryetari i grupit parlamentar të Partisë Socialiste, Gramoz Ruçi, deklaroi në seancën ku skadoi pa kandidatura edhe raundi i tretë i zgjedhjes së presidentit, se deri shumica priti opozitën, por tani procedurat kushtetuese duhet të shkojnë më tej dhe në seancën më të afërt.Ndërsa opozita nuk merr pjesë në parlament prej afro dy muajsh.Teksa PS dhe LSI vijojnë negociatat për zgjedhjen e Presidentit të ri, Partia Demokratike tashmë jashtë këtij procesi vijon qëndresën në çadër. Kryetari i opozitës Lulzim Basha ka komentuar edhe kandidaturën e mundshme të Ilir Metës për President. Maskat e politikës kanë rënë tha Basha duke shtuar se Rama ka kërkuar burg për Ilir Metën, por e shpall President. Kreu i Partisë Demokratike Lulzim Basha tha nga çadra e protestës se Edi Rama njeriun që e akuzoi dhe tentoi ta fuste në burg, sot e bën President të rilindjes së falimentuar.Për hir të pazarit politik, që këta kanë bërë tash 4 vite në kurriz të shqiptarëve si pjesë e komplotit ekonomik kundër xhepave dhe mirëqenies së shqiptarëve që vidhen ditë për ditë, si pjesë e komplotit kundër lirive dhe të drejtave të shqiptarëve, ky pazar politik i cili tash 4 vite ka vetëm një qëllim të pasurojë dhe të mbrojë klikën e korruptuar në pushtet, sot Edi Rama bëri atë që u mundua ta shmangte për 4 vjet, u përhoq ta fuste në burg rivalin politik, për të cilin ngriti anë e mbanë Evropës dosje konspiracioni me komplote vrasje, u detyrua ta shpallë President të rilindjes së falimentuar dhe të korruptuar.Kjo është një ditë e dëshpëruar për Edi Ramën. Rruga e tij e lidhur me mijëra fije me krimin e organizuar që prodhoi papunësi dhe mjerim për shqiptarët.Basha tha nga çadra e opozitës se kryeministri Rama preku fundin e tij politik në takimin elektoral të Kavajës.

Kriza, Lu: Ende shpresë për zgjidhje

April 27, 2017 by dgreca

Në Shqipëri ambasadori amerikan Donald Lu është i mendimit se ka ende vende për një zgjidhje të krizës politike, e cila prej më shumë se dy muajsh sheh opozitën në protestë për të kërkuar një qeveri teknike, duke refuzuar të rregjistrohet për të marrë pjesë në zgjedhje. Në një intervistë për Zërin e Amerikës, ambasadori Lu shpjegon se, të gjithë po punojnë që ajo të përfshihet në proces, por, siç vë në dukje ai, zgjedhjet mund të konsiderohen të ligjishme dhe legjitime edhe pa pjesmarrjen e opozitës.

Interviste nga Armand Mero/

Zëri i Amerikës: Zoti ambasador! Së pari, ju falenderoj për këtë mundësi. Shqipëria prej disa javësh po përjeton një krizë të gjatë politike. Para dy ditësh këtu në Tiranë ishin dy euro-deputetë, të cilët u përpoqën të ndërmjetësonin një zgjidhje mes palëve, por dështuan. Sipas jush, cilat janë pasojat e kësaj situate të krijuar tani?

Ambasador Donald Lu: Së pari Armand, faleminderit që më ftuat sërish në Zërin e Amerikës. Unë nuk do të flas për të gjitha pasojat, por dua të them se disa politikanë shqiptarë, duan që ne të mendojmë, se ne jemi pranë dhunës apo kaosit. Atyre unë do t’u përgjigjesha, siç thoni ju në gjuhën Shqipëri, ‘mos i shiko gunën por shikoji punën.’ Dhe qeveria e SHBA është shumë e lumtur që deri tani, qeveria dhe opozita kanë bërë hapa të qartë për të shmangur dhunën. Protestat kanë qenë paqësore. Nëse retorika ndonjëherë nuk ka qenë e tillë, të dyja palët kanë bërë thirrje për dialog, të dyja palët kanë thënë se nuk duan dhunë. Tani është në dorën e të gjithëve ne që të sigurohemi se këta politikanë do t’i mbajnë premtimet e tyre.

Zëri i Amerikës: Zoti ambasador, ju nesër, së bashku me ambasadoren Vlahutin dhe me ambasadorin e OSBE-së Borchardt, keni lënë një takim me partitë e vogla parlamentare. A mendoni se ka ende hapësira për zgjidhje, sepse duket se ato janë ngushtuar gjithnjë e më tepër?

Ambasador Donald Lu: Padyshim që ka vend për zgjidhje. Është e vërtetë që dy ditë më parë, negociatat nuk prodhuan ende një zgjidhje përfundimtare. Por do thoja se negociatat shpesh nuk janë një diskutim një ditor. Negociatat shpesh janë një proces, ndonjëherë një proces i gjatë. Z. McAllister dhe Z. Fleckenstein punuan fort për të gjetur një zgjidhje. Të dyja palët ishin të gatshmë për t’u ulur dhe për të diskutuar çështjet. Kjo duhet të vazhdojë. Dhe unë kam besim të plotë se ka njerëz të zgjuar në Shqipëri që punojnë çdo ditë vazhdimisht për të gjetur një zgjidhje.

Zëri i Amerikës: Zoti ambasador! A do të ishit i shqetësuar ju nga një skenar i zgjedhjeve pa opozitën?

Ambasador Donald Lu: Jemi të qartë në besimin tonë se zgjedhjet do të jenë më të mira nëse kanë pjesëmarrjen e të gjitha partive politike. Nuk kemi hequr dorë nga ky synim. Po ashtu, është e vërtetë që zgjedhjet mund të konsiderohen të ligjshme dhe legjitime edhe pa pjesëmarrjen e opozitës. Por, të jemi të qartë, të gjithë duhet të biem dakord se me pjesmarrjen e opozitës këto zgjedhje do ishin më të mira. Ne po punojmë çdo ditë për të arritur në këtë përfundim.

Shuhet Johanna Neumann, gruaja hebraike që u strehua nga shqiptarët

April 27, 2017 by dgreca

Johanna Neumann, gruaja që i shpëtoi Holokaustit e strehuar dhe u mbrojtur nga shqiptarët dhe që luajti një rol të rëndësishëm në njohjen dhe vlerësimin e kontributit të Shqipërisë për të shpëtuar hebrenjtë gjatë Luftës së Dytë Botërore, vdiq të mërkurën në moshën 86 vjeçare pranë Uashingtonit.

Ajo ishte e rrethuar nga bashkëshorti i saj prej 60 vjetësh, David, fëmijët dhe nipërit dhe mbesat e saj.

Në një njoftim të Muzeut të Holokaustit në Uashington, ku punonte zonja Neumann thuhej se jeta e jashtëzakonshme e saj ishte një testament i fitores së të mirës ndaj të keqes dhe se ajo preku jetët e mijëra njerëzve, duke rrëfyer historinë e jetës së saj për të frymëzuar të tjerët për një të ardhme më të mirë.

Johanna shkoi në Shqipëri së bashku me familjen e saj në vitin 1939 ku i mbijetoi holokaustit nazist, duke u strehuar nga disa familje, përfshirë familjen Pilku.

“Familja Pilku u ekspozua plotësisht për shkakun tonë. Gjermanët mund të kishin zbuluar se ne ishim hebrej dhe ata mund ta kishin pësuar. Nuk mund të gjenden dot fjalë për të lavdëruar të gjithë ata njerëz që shpëtuan hebrejtë me çdo çmim, përfshirë disa njerëz në qeverinë e ashtuquajtur kukull, si Mustafa Kruja, i cili ishte në dijeni të kësaj situate. E gjithë kjo diktohej nga Kanuni dhe nga Besa. Njerëzit kishin dhënë fjalën dhe fjala e dhënë nuk mund të kthehej. Ata e pohonin vetë: nëse të jap fjalën se do të të fsheh e do të të shpëtoj e nëse nuk e bëj këtë, atëherë do të turpërohem përpara vetes, përpara familjes dhe tërë fshati”, shprehej ajo në një intervistë për Zërin e Amerikës në janar të 2012.

Zonja Neumann, përmes punës së saj në Muzeun e Holokaustit, pjesëmarrjes dhe ndihmës për filmin “Besa” që ka në qendër mbrojtjen e hebrenjbe nga Shqiptarët, luajti një rol të madh në njohjen e kontributit të Shqipërisë në një periudhë të errët të historisë evropiane. Ajo u rikthye në Shqipëri për ta vizituar para disa vitesh.

Në një ceremoni në Uashington në vitin 2012, ku ish-Kryeministri i Shqipërisë, Sali Berisha e nderoi veprimtaren Johanna Neumann, ajo foli për mirënjohjen e saj.

“Sa më shumë që mësoj dhe lexoj për krimet që ndodhën, aq më tepër ndjej detyrimin për t’i ngritur shqiptarët në piedestal sepse ajo që ata bënë ishte e jashtëzakonshme. Ata jetonin me një moral të lartë. Ata i treguan botës se kur njerëzit janë në nevojë, atyre u duhet dhënë ndihmë. Ajo që bën secili ka rëndësi. Çdo individ i veçantë që ka guximin për të bërë diçka për të ndihmuar një qënie tjetër njerëzore jep një kontribut të madh”, tha zonja Neumann.

Në vitin 2014, ajo u nderua me dekoratë nga Presidenti Nishani.

Johanna Neumann u lind në një familje tregëtarësh në Hamburg më 2 dhjetor 1930. Familja e saj u përpoq disa herë të merrte viza për të ardhur në Shtetet e Bashkuara, por nuk arritën që të gjithëve t’u jepej viza dhe kështu vendosën të qëndronin në Gjermani si familje.

Ata shkuan në Shqipëri në vitin 1939 ku qëndruan deri kur u çliruan nga aleatët në vitin 1945. Ata shkuan në Itali dhe në vitin 1946 ajo shkoi në Shtetet e Bashkuara me nënën e saj. Në vitin 1947 edhe i ati i saj u bashkua me familjen në Amerikë. Zonja Neumann jetonte në Silver Spring të Merilendit pranë Uashingtonit.(Kortezi:VOA)