RUSI – Janukoviç: Do të luftoj për të ardhmen e Ukrainës

February 28, 2014 by dgreca

ROSTOV-MBI-DON (Rusi), 28 shkurt /ATSH-AFP/ – Presidenti ukrainas i larguar nga pushteti, Viktor Janukoviç u shpreh sot se nuk ishte përmbysur dhe premtoi se do të vazhdonte luftën për të ardhmen e Ukrainës, në daljen e parë publike që prej rrëzimit nga pushteti përpara një jave.

Janukoviç deklaroi se kishte qenë i detyruar të largohej nga Ukraina pas kërcënimeve për jetën duke u shprehur se pushteti ishte marrë nga “nga të rinj të papjekur nacionalistë dhe profashistë”, gjatë një konference shtypi në Rostov-mbi-Don, qytet në jug të Rusisë pranë kufirit ukrainas.

Ai theksoi edhe se Krimeja duhet të ishte pjesë e Ukrainës.

UKRAINË – Aeroportet e Krimesë nën kontrollin e autoriteteve vendase

February 28, 2014 by dgreca

KIEV, 28 shkurt /ATSH-AFP – Aeroportet e Krimesë, ku patrullonin persona të armatosur prorusë, janë përsëri nën kontrollin e autoriteteve qendrore të Ukrainës, njoftoi sot në Kiev drejtori i Këshillit kombëtar të sigurisë dhe mbrojtjes, Andriij Paroubiij.

“Pati një tentativë për të marrë aeroportet e Simferopolit dhe të Sevastopolit, por tashmë ata janë përsëri nën kontrollin e forcave ukrainase të sigurisë”, deklaroi ai. Gadishulli rusishtfolës i Krimesë është përfshirë nga tensione separatiste. Krimeja i përkiste fillimisht Rusisë, në kohën e BRSS-së, përpara se t’i bashkohej Ukrainës në vitin 1954. Në të ndodhet flota ruse e Detit të Zi në Sevastopol./

Furgonat vazhdojnë të protestojnë para Kryeministrisë

February 28, 2014 by dgreca

Protestuesit te pakenaqur nga deklarata e Ministrit te Haxhinastos. Kalaja: Do te vazhdojme protesten derisa Kryeministri t’u pergjigjet kerkesave te protestueseve/

Pasi bllokuan për rreth 2 orë rrugët hyrëse të kryeqytetit, drejtuesit e furgonave 8+1 të ardhur nga qytete të ndryshme të vendit i janë drejtuar sheshit “Nënë Tereza” për të protestuar para Kryeministrisë.Kreu i Bashkimit të Sindikatave Gëzim Kalaja i ka kërkuar qeverisë të nënshkruajnë një marrëveshje mirëkuptimi me shoferët e furgonëve të cilët kërkojmë ardhjen e kthimit me pasagjerë.“Këta njerëz nuk janë këtu për të kërkuar dorëheqjen e kryeministrit apo ministrit të Transportit por kërkojnë të drejtat e tyre por kërkojnë bukën e gojës. Kryeministri të krijojë mundësinë e takimit me një përfaqësi e sindikatës për të zgjidhur situatën. Ministrat të mos japin urdhra ushtarëkë por të ulen në tryezën e dilogut” tha Kalaja para Kryeministrisë.Kalaja ka kërcënuar se nëse nuk do të ketë një zgjidhje atëherë do të bllokohen të gjitha akset kryesore në Shqipëri.

Ministri i Transportit dhe Infrastukturës Edmond Haxhinasto do të dalë në orën14:00 ne nje prononcim per mediat mbi protestën e shorefave te taksive 8+1. Konferenca do te zhvillohet ne ambientet e MTI.

Më herët, drejtuesit e furgonave qëndruan ulur në rrugë duke bllokuar lëvizjen e mjeteve pasi nuk janë lejuar nga policia të shkojnë me furgona përpara Kryeministrisë për të protestuar.

Deputeti demokrat Luçiano Boçi u shpreh për mediat se policia nuk lejon drejtuesit e furgonave të protestojnë dhe kjo sipas tij është një pengesë artificiale.

“Jemi përpjekur të gjejmë gjuhën e përbashkët që policia të lejojë kalimin e furgonave. Nëse jepet kjo leje situata do të qetësohet. Ne jemi këtu jo për ta tensionuar situatën por për ta qetësuar atë. Policia merr vetëm urdhra me telefon. Janë situata të marra në mënyrë emergjente a thua që po bëhet ndonjë krim, ndërkohë që po zhvillohet një protestë normale e qytetarëve” tha Boçi.

Protestuesit i drejtohen sheshit “Nënë Tereza”

12:25 Kreu i Bashkimit të Sindikatave Gëzim Kalaja u kërkoi shoferëve të furgonave ta ndjekin në këmbë deri te Kryeministria duke i lënë furgonat buzë rrugës.

“Të gjithë do mblidhemi tek sheshi “Nënë Tereza”. Protesta e ka arritur qëllimin duke bërë sensibilizimin dhe për këtë na ndihmoi edhe policia” tha Kalaja.

Protesta e paralajmëruar

Furgonat do zhvillojnë protestë deri në orën 14.00 përpara kryeministrisë, Ministrisë së Transporteve dhe Ministrisë së Brendshme kundër vendimit të qeverisë që rruga e kthimit të bëhet pa pasagjerë.

Të prekur nga vendimi që rruga e kthimit të jetë pa pasagjerë për furgonat 8+1 janë rreth 20.000 persona, drejtues të këtyre mjeteve.

Ftesa për të protestuar është edhe e autobusëve interurban. Gëzim Kalaja, kryetari i Bashkimit të Sindikatave të Pavarura tha se nuk do të ketë grevë urie, edhe nëse nuk do të ketë një marrëveshje me Ministrinë e Transporteve.

Për 20 ditë furgonat 8+1 kanë protestuar në qytetet më të mëdha të vendit, madje duke bllokuar edhe rrugët nacionale. Kjo është protesta e parë që bëhet nga drejtuesit e këtyre automjeteve në Tiranë.

Policia deklaratë për protestën

Ndërkohë në një deklaratë për shtyp policia e kryeqytetit thekson se bazuar në shkresën e ardhur nga Bashkimi i Sindikata të Panvarura, Policia e Tiranës ka patur kontakte në vazhdimësi me drejtues të sindikatës, duke u garantuar zhvillimin normal të protestës.

Po ashtu Drejtoria e Policisë së Tiranës ka marrë masa për zhvillimin normal të protestës, në drejtim të mbarëvatjes së saj dhe qarkullimit rrugor, duke mos cënuar zhvillimin normal të saj.Nga kontaktet e vazhdueshme, janë përcaktuar vendet e parkimit për furgonat (8+1) dhe pjesëmarrësit në këtë protestë, ku vend parkimit duhet të kryhet: në afërsi të Pallatit të Sportit “Asllan Rusi” dhe Fusha e Zezë në qytetin “Studenti Tiranë”.

Haxhinasto: Zbatuam ligjin, protesta e drejtuesve të furgonave u politizua

February 28, 2014 by dgreca

TIRANE 28 shkurt/ Ministri i Transportit dhe Infrastrukturës, Edmond Haxhinasto, deklaroi të premten se qeveria është e vendosur për të zbatuar ligjin, i cili parashikon që furgonat 8+1 të punojnë vetëm si taksi dhe jo si shërbim ndërurban. Gjatë një deklaratë për shtyp, Haxhinasto komentoi edhe praninë e deputetëve të opozitës në protestë. Sipas tij, deputetët janë të zgjedhurit e popullit dhe duhet të jenë të parët që duhet të zbatojnë ligjin. Nëse ata mendojnë, vijoi Haxhinasto, se ky ligj nuk qëndron, deputetët duhet të paraqesin amendimet e tyre. “Deputetët e opozitës nuk janë aty për asnjë arsye tjetër, përveçse për të politizuar dhe përdorur protestën e tyre për qëllime polike në gjykimin tonë”, deklaroi Haxhinasto.

Lidhur me protestën e drejtuesve të furgonëve 8+1, Haxhinasto tha se qeveria është e vendosur për të zbatuar ligjin. “Ky është një detyrim ndaj qytetarëve dhe atyre që kanë humbur jetën në aksidente tragjike”, deklaroi Haxhinasto, duke theksuar se qeveria nuk po fshihet pas problemit.
Detyra jonë, vijoi ai, është të zgjidhim problemin dhe t’u shërbejmë të gjithë qytetarëve, t’u japim atyre standarde të larta sigurie dhe mirëqënie.
Sipas tij, nëse ata kanë licence për taksi dhe ndërkohë punojnë si transport ndërurban, diskriminohen 5500 pronarë të transportit ndëurban që janë të licencuar. “Nëse ata kërkojnë të punojnë në këtë transport, le të plotësojnë dokumentacionin dhe standardet për të punuar si transportues ndërurban. Drejtues të furgonave 8+1 protestuan sot ndaj vendimit të qeverisë për të eliminuar transportin ndërurban me furgonat 8+1.

BERISHA PER PROTESTEN NE FB

February 28, 2014 by dgreca

Dhune dhe shkopinj gome ndaj protestuesve paqesore. Policia bllokon te gjitha hyrjet e Tiranes.Protesta paqesore e shofereve te furgonave pritet me dhune, bllokim, shkopinj gome nga Policia e klikes Rama – Meta ne te gjitha hyrjet e Tiranes. Keshtu, Edvin Kristaq Rama, njeriu qe protestoi ne tete vite 1753 here ne mbare vendin, sot i tmerruar nga protestuesit qe luftojne per kafshaten e femijeve te tyre, perdori dhune e terror ndaj tyre ne menyre qe te mos i lejonte te arrinin ne sheshin para kryeministrise.

Burracaku, qe nga njera ane preu kangjellat e kryeministrise ndersa nga ana tjeter i tmerruar dhunon protestuesit paqesor, deshmon se po perjeton tronditje te madhe psiqike.
Te dashur miq, le te shprehim ne solidaritetin tone te plote ndaj 20 mije familjeve shqiptare qe dyshja Rama – Meta u pret buken e gojes sepse duan te vendosin monopolet e tyre ne transportin e pasagjereve dhe te fitojne se paku 30 milion dollare rryshfet per licensat e reja te taksive apo 1500 euro per cdo license qe do te leshojne pas anullimit te licensave te ligjshme.
Qytetar dhe qytetare, ju beje thirrje te bashkohemi me kete proteste, e cila eshte protesta per kafshaten e gojes kunder babezise se kleptokrateve ne pushtet.
Protestuesit do fitojne! Mbeshtetja jone eshe jetike per fitoren e tyre! sb