Shoqata Ulqini me krenari njoftoi vendosjen e një marrëveshjeje binjakëzimi midis Staten Island dhe qytetit të bukur Ulqinit. Nisma, e quajtur “Binjakizimi,” synon të forcojë lidhjet e miqësisë, kulturës dhe bashkëpunimit mes dy qyteteve. Njoftimi u bë nga Drejtori Ekzekutiv i Shoqates Ulqini – Edon Alibegu, mendja vizionare pas propozimit të shkruar në qershor të vitit të kaluar. Pas tetë muajsh të planifikimit dhe punës së përkushtuar, kjo ide u bë realitet. Z. Alibegu shprehu mirënjohje Presidentit të Staten Island, Vito Fossella dhe Kryetarit te Komunes Ulqinit, Omer Bajraktari për mbështetjen e tyre të palëkundur në realizimin e kësaj nisme inovative. Bashkëpunimi që përfshin tregtinë, arsimin, kulturën etj, vendos një standard shembullor për komunitetet globale. “Kjo marrëveshje reflekton qëllimet e sinqerta të Shoqatës Ulqini, udhëheqjen vizionare të Z. Fossella dhe Z. Bajraktari, dhe frymën kolektive të të dy komuniteteve,” theksoi Z. Alibegu. Staten Island, që ka mirëpritur familjet e Ulqinit me kraharorë të hapur për 75 vite, mban një vend të veçantë në zemrat e krenarëve të Staten Island dhe amerikanëve shqiptarë. “Ne besojmë se ky partneritet do të shërbejë si një dritë shprese për rininë tonë, duke premtuar një të ardhme të shënuar nga bashkëpunime të ndjeshme dhe përparim të përbashkët,” tha Z. Alibegu, duke theksuar ndikimin potencial në brezat e ardhshëm.Në aktivitetin me rastin e nënshkrimit ët marrëveshjes së binjakëzimit midis Ulqinit dhe Staten Island ishte I pranishëm edhe Ministri për të Drejtat e Njeriut dhe të Pakicave në Malit të Zi Fatmir Gjeka. Anëtarët e komunitetit u njohën dhe u falënderuan për pjesëmarrjen e tyre aktive realizimin e kësaj ideje. Një falemnderim i veçantë iu dha edhe Z. Fossella për përkrahjen e nismës për binjakëzim dhe për t’u bërë një mik i vërtetë për komunitetit shqiptarë në Staten Island. Po ashtu falemnderim edhe për Z. Bajraktari për qasjen e tij vizionare ndaj përparimit në Ulqin. Përkushtimi i tyre siguron që kjo marrëveshje tejkalon fjalët, simbolizuar një përkushtim ndaj rritjes dhe prosperitetit të të dy qyteteve për breza.

Përndryshe, Shoqata Ulqini, ne NY, cdo dite me aktivitetet dhe veprimtarite e saja po deshmon synimet qe I ka vene vehtes per lidhjet sa me te medha me vendlindjen. Binjakezimi I qytetit te Ulqinit dhe Staten island Ishte nje ngjarje tjeter e rendesishme qe deshmon edhe njehere lidhjet tona me SHBA-ne e qe tuboi personalitete te larta te dy qyteteve , veprimtare te dalluarr ,drejtues te shoqatave si motra, dhe anetare te udheheqesise se shoqates Ulqini. Ceremonine e moderatoroi, nismëtari I idesë për binjakëzim Edon Alibegu, I cili kish kohe qe punonte ne jetesimin e saj. Sigurisht që për të, punuan dhe anëtarë të tjerë të SHoqatës të cilët bashkarisht janë duke deshmuar shembuj teë suksesit të shqiptarëve të Amerikës –për ruajtjen dhe mbajtjen e vlerave kombëtare në SHBA. Shpresojmë që Edon Alibegu, do të ketë ide të tjera të bukura për të shpalosur. Per kete e ndihmojnë , kontaktet e shumta që ky I ri ulqinak ka me njerëz të shquar të fushave te ndryshme, por dhe me ata qe kane shkruajtur dhe vazhdojne te shkruajnë, për figurat tona te ndritura kombëtare siç është Fan Noli, Faik Konica, apo klerikë të njohur të cilët kanë dhenë çdo gjë nga vehtja për komb e fe. Edoni I ka vizituar te gjitha vendet ku ata kane jetuar dhe vepruar. Ai, po ashtu ruan lidhje dhe me familjen e oborrit mbretëror dhe punon për të dokumentuar fakte dhe të dhëna që kanë të bëjnë dhe për shqiptarët e ketyre anëve. Për këtë ai ka dhe nje aresye me shumë per tu mburrur sepse është stërnipi I Cafo Beg Ulqinit dhe kjo është dhe një shtytje tjetër për të që të punojë në interes të shqiptarëve kudo që janë.

“eliteradio.me”