s p – Page 1610 – Dielli

“AVDYL GJOCAJ, MËSUES DHE LUFTËTAR” SI DËSHMI E LUFTËS SË LAVDISHME TË UÇK PËR LIRINË DHE PAVARËSINË E KOSOVËS

June 19, 2023 by s p

Sokol Paja/

Libri “Avdyl Gjocaj, mësues dhe luftëtar” i shkruar nga Prof.Besim Muhadri është një dëshmi e gjallë e luftës së lavdishme dhe sakrificave heroike për lirinë dhe pavarësinë e Kosovës. Luftëtari dhe mësuesi Avdyl Gjocaj është një dëshmitar i çmuar i përpjekjeve të lavdishme dhe heroike dhe sakrificave familjare në shërbim të lirisë së atdheut. Libri “Avdyl Gjocaj, mësues dhe luftëtar” ka vlera historike dhe studimore të veçanta pasi rrëfen betejat ky Avdyl Gjocaj ishte pjesëmarrës, përshkruhen me detaje aspekte të panjohura të luftimeve në zonën e Junikut, Kosharës e zonave përreth, paraqet dimensionin e një luftëtari dhe edukatori në kushte të jashtëzakonshme që kalonte Kosova e kombi shqiptar në përballje me regjimin gjenocidal serb.
Sakrifica e familjes Gjocaj për çlirimin e Kosovës përbën një faqe të ndritur, krenare dhe të lavdishme në historinë e luftës së Ushtrisë Çlirimtare të Kosovës.
Rrëfimet e kujtimet e familjes, miqve, bashkëluftëtarëve e patriotëve për Avdyl Gjocajn përbëjnë një kontribut të çmuar në memuaristikën dhe historinë moderne të shtetit të Kosovës në luftën për lirinë dhe pavarësinë e Kosovës. Libri “Avdyl Gjocaj, mësues dhe luftëtar” i shkruar nga Profesor Besim Muhadri është një libër që i shërben çdo Instituti Historik, Katedrave Universitare, shkollave e qëndrave të edukimit pasi shpaloset më së miri virtytet dhe vlerat më të larta të shqiptarit trim, patriot. Luftëtar e burrit të mirë siç ishte Avdyl Gjocaj.
Ky libër na njeh me shumë personazhe të lirisë së Kosovës që nëpërmjet kujtimeve përjetësohen në memorien e çdo shqiptari. Patriotizmi, forca, besimi, qëndresa, trimëria, bujaria ishin vlera që Avdyl Gjocaj i transmetoi edhe të bashkëluftëtarët e tjerë, duke qenë një pikë kyçe e mbështetjes së luftës për liri e pavarësi ku me trimërinë e tij, me urtësinë e tij, vendosmërinë e tij dhe dinjitetin e tij, bashkë me trimat e luftëtarët i dhanë lirinë Kosovës. Rroftë përjetë e mot Ushtria Çlirimtare e Kosovës, nderim dhe mirënjohje përgjithmonë luftëtarëve, çlirimtarëve dhe heronjve të lirisë së Kosovës.

Shkolla Shqipe “Mëso Shqip” mbylli me plot sukses Vitin shkollor 2022-2023

June 19, 2023 by s p

Nga Qemal Zylo/

Në mjediset e shkollës publike amerikane në Staten Island “George L. Egbert Intermediate School 2” prindër, nxënës, mësues dhe bashkatdhetarë u mblodhën së bashku për të festuar mbylljen e vitit shkollor 2022-2023.

Na ngazëllehet shpirti më tregonin vecanërisht gjyshërit kur shikonin nipërit dhe mbesat e tyre të mblidheshin së bashku dhe të mësonin shqip.

Shkolla “Mëso Shqip” është krijuar nje vit më parë nga tri shoqata si “Ana e Malit”, “Kraja” dhe “Ulqini”.

Aktiviteti filloi me intonimin e Hymneve Kombëtare Amerikane dhe Shqiptare.

Aktiviteti u hap nga tri zonja të nderuara si Zonja Melinda Gjeloshi një aktiviste intelektuale e mirënjohur në Diasporë dhe n/kryetare e Shoqatës “Ana e Malit”, zonja Venera Gjenashaj, e cila është n/kryetare e shoqatës “Kraja” si dhe zonja Tina Lula me kontribute të vyera në shoqatat përkatëse. Fjalët e tyre përshëndetëse ishin frymëzuese dhe falënderuese për gjithë mësueset dhe nxënësit që marrin pjesë aktivisht në këtë program.

Recituan poema të ndryshme si Leona Avdiu dhe Deen Lesheviqi. Vocal performance “Mora fjalë” u realizua nga Namirah Peroviq.

Me duartrokitje u mirëpritën grupi i më të vegjëlve 4-6 vjecarë të cilët intepretuan “Vallja e Rugoves”.

Në emër të grupit të kryetarëve të shoqatave përshëndeti me plot respekt dhe përkushtim presidenti i shoqatës “Kraja” z. Samih Kanaqi.

Poema “Shkronjat Shqipe” u interpretuan nga Nurjena Peroviq, Anisa Ceka dhe Erina Gjokaj.

Grupi i moshave 7-9 vjec interpretuan Vallen “Shota e Anës së Malit”.

Poema “Alfabetit të Gjuhës Shqipe” u interpretua nga grup mosha 7-9 vjec.

Poema recital u krye nga Rilind Bardhi dhe Arvin Kallaba.

Poezia “Pse o mami shqip s’më flet” u interpretua nga Ariana Cuca, Zyra Kurtoviq dhe Ella Lula.

“Vallja e Ulqinit” u intepretua nga grup mosha 10-13 vjec.

Një grup nxënësish si: Adriana Kollari, Xhuliana Bogdani, Aliesandra Nikezi, Briella Tahiri, Ava Kallaba, Sofija Jahoviq, Adnan Peleviq dhe Loriana Abdullahu interpretuan së bashku vargje nga poezi.

Vallja “Atdheut tim” u intepretua nga grupmosha 14-21.

Aktiviteti i bukur u mbyll nga tri zonjat Gjeloshi, Gjenashi dhe Lula të cilat pasi falënderuan të gjithë nxënësit për intepretimet e tyre të mrekullueshme iu uruan të gjithë nxënësve, mësuesëve dhe pjesëmarrësve pushime të mbara.

Ishte një e shtunë mbresëlënëse dhe natyrshëm këto aktivitete ngelen gjatë në kujtesë vecanërisht tek nxënësit, ku dhe është qëllimi i të gjithëve për t’ju mësuar Gjuhën Shqipe, kulturën dhe traditat e mrekullueshme shqiptare.

Shkolla Shqipe “Mëso Shqip” e mbylli me plot sukses Vitin shkollor!

Urime të nderuar kolegë dhe pushime të mbara nga TV dhe Shkollat Shqipe “Alba Life” Ambasador i Kombit, New York.

17 Qershor, 2023

Staten Island New York

1929 / “PAJTIMI I GJAQEVE, NJË DETYRË E VËSHTIRË ME TË CILËN PO PËRBALLET MBRETI ZOG. NË RAST SUKSESI, DO TË JETË NJË ARRITJE E MADHE…” — RRËFIMI I CHARLES C. HART (AMBASADOR I SHBA-VE NË TIRANË)

June 19, 2023 by s p

Nga Aurenc Bebja*, Francë – 18 Qershor 2023

“The Chicago Tribune and the Daily News” ka botuar, të shtunën e 9 shkurtit 1929, në faqen n°3, rrëfimin e Charles C. Hart (Ambasador i SHBA-ve në Tiranë) mbi krimet dhe gjakmarrjet në Shqipëri, të cilin, Aurenc Bebja, nëpërmjet blogut të tij “Dars (Klos), Mat – Albania”, e ka sjellë për publikun shqiptar :

Kur i varin në Shqipëri, ndodh për së vërteti

Jo si në kohët e vjetra kur burrat e “vdekur” riktheheshin

Burimi : The Chicago Tribune and the Daily News, e shtunë, 9 shkurt 1929, faqe n°3

Banditizmi nuk është më sporti i preferuar në natyrë në Shqipëri, raporton zoti Charles C. Hart, ministër amerikan në vendin e Mbretit Zog, i cili lundroi dje për në shtëpinë e tij në Shtetet e Bashkuara.

“Në kohët e vjetra,” tha zoti Hart, “kriminelët, të cilët me sa duket ekzekutoheshin, kishin një zakon të çuditshëm që të vinin në jetë përsëri pas disa muajsh. Pak para (të holla) i zgjidhnin gjërat me xhelatin. Sot, kur varet një bandit, ai qëndron i varur. Ata e lënë të varur në një vend publik me një pankartë që mban listën e krimeve të tij të lidhur në qafë. Banditizmi është bërë mjaft i pashëndetshëm.”

Megjithatë, në mënyra të tjera, vendi nuk është aq i avancuar, sipas përshkrimit të zotit Hart. Në fakt, duhet të jetë një strehë ideale për ata që nuk e pëlqejnë përparimin dhe modernitetin. Nuk ka asnjë pjesë hekurudhe në të gjithë mbretërinë. Puse pak a shumë të pastër përbëjnë furnizimin me ujë. Hoteli më i mirë në Tiranë ka një vaskë, por në shumicën e rasteve nuk mund të përdoret nga mungesa e ujit. Gomerët përbëjnë burimin kryesor të transportit.

“Kur ngjitesh në male,” vazhdoi zoti Hart, “ju duket sikur jeni kthyer në ditët e Dhiatës së Vjetër. Malësorët jetojnë si patriarkë në fise. Ata mezi e dinë se çfarë është paraja. Malësori shqiptar gërvisht një copë toke, jeton me bukën e trashë të misrit që e bën vetë dhe për luks qëllon gjahun, ther herë pas here një pulë të dobët ose një dele.

Janë mikpritës.

“Mikpritja” është pjesë e fesë së tij. Kur një i huaj kalon pragun e derës së tij, ai varfërohet për një vit për ta mirëpritur. Gratë mbajnë mbulesë por nuk janë të izoluara. Niveli i moralit është shumë i lartë dhe nderi i gruas është punë e gjithë fisit të saj. Një burrë jobesnik ka të ngjarë të qëllohet nga anëtari i parë i fisit të gruas së tij që e has në kalim.

“Kështu nis shumica e gjakmarrjes. Shqiptarët nuk janë në të vërtetë një popull i egër apo hakmarrës, por janë tepër të gatshëm me armët e tyre. Një fshatar malësor nuk e vë kurrë këmbën jashtë shtëpisë së tij pa pushkën e varur në shpinë. Nëse ofendohet ose ka ndonjë lloj mosmarrëveshjeje, ai nuk mund të mendojë për ndonjë mënyrë për ta zgjidhur atë, përveçse të qëllojë kundër kundërshtarit të tij. Është pothuajse një çështje zakoni me të. Motoja e tij duket të jetë: ‘Në rast dyshimi, gjuaj!’ Më pas, zakonisht i vjen shumë keq.

“Pajtimi i gjakmarrjes (gjaqeve) është ndoshta detyra më e vështirë që përballet Mbreti Zog. Ai ka një plan për të pajtuar malësorët që grinden me shtrëngimin ceremonial të duarve dhe më pas për t’i çarmatosur. Nëse ai ka sukses në këtë, do të jetë një gjë e madhe për vendin.”

BËHET THIRRJE PËR DORËHEQJEN E JOSEP BORRELL!

June 19, 2023 by s p

Nga Frank Shkreli

A person standing at a podium with a flag behind him

Description automatically generated with medium confidence

Këshilltarja lokale e Bashkimit Evropian, (BE) Kati Schneeberger, e ka kritikuar Përfaqësuesin e Lartë të BE-së për politikë të jashtme, Josep Borrell, për qasjen ndaj Kosovës., njofton Koha. net dhe disa portale të tjera. Sipas këtyre burimeve mediatike, Kati Schneeberger ka akuzuar Josep Borrellin se po përpqiet që të sanksionojë një shtet nga i cili janë kidnapuar tre policë nga njësitë policore të Serbisë, ndërsa, këtë të fundit, e përkëdhel derisa kryen krime jashtë territorit të saj.

Zyrtarja e Bashkimit Evropian nga Gjermania, Kati Schneeberger ka bërë kërkesën e fortë që Borrell-i të japë dorëheqjen menjëherë, nga deytra e lartë, si Përfaqsues i Bashkimit Evropian për Punët e Jashtme. Sa për kujtesë, dhe informacion për lexuesin, Josep Borrel është një politikan i Spanjës, anëtar i Partisë Socialiste të Punës të atij vendi. Spanja është një ndër vendete e BE-së që nuk e njeh pavarësinë e Kosovës. Edhe Miroslasv Lajçak, Përfaqsuesi i lartë i BE-së për Ballkanin Perëndimor, përfshir të ashtuquajturin “dialog” Beograd-Prishtinë, vjen nga Sllovakia, një vend tjetër i BE-së që nuk njeh pavarësinë e Republikës së Kosovës. Çfarë kredibiliteti kanë këta dy zyrtarë të lartë të BE-së, që vijnë nga dy shtete që nuk njohin , zyrtarisht, si shtet të pavarur, në “dialogun”, midis Serbisë dhe Republikës së Kosovës?

Tre vjetë më parë kisha parshikuar se emërimi i Josep Borrell (Përfaqsues i BE-së për Punët e Jashtme) dhe Miroslav Lajçak (Përfaqsues i BE-s për Ballkanin Perëndimor, përshir “dialogun” Prishtinë-Beograd)), nuk ishin aspak lajm i mirë për Republikën e Kosovës dhe për interesat legjitime të shqiptarëve në përgjithësi, anë e mbanë Ballkanit Perëndimor.

Frank Shkreli: Kush është Josep Borrell për shqiptarët? | Gazeta Telegraf

Në këtë ndërkohë, zyrtarja e BE-s Kati Schneeberger i ka bërë thirrje Evropës që të qëndrojë me Kosovën dhe i ka kërkuar Joesp Borrell-it që të jap dorëheqjen: “Dorëhiqu para se të bësh më shumë dëme. Ti je një rrezik për demokracinë dhe paqën në Evropë. Na duhen njerëz që e mbrojnë demokracinë tonë, jo që forcojnë autokratët”, citohet të ketë shkruar ajo në rrjetët sociale.

Sa për informacion për lexuesit, Këshilltarja vendore e BE-së, Kati Schneeberger ishte e para që ndërmori përsipër — Majin e vitit 2022 — organizimin e peticionit për liberalizimin e vizave për qytetarët e Kosovës, e mbështetur në atë kohë edhe nga Reporterja e Bashkimit Evropian për Kosovën, Ulrike Lunacek. Rezultati përfundimtar është se qytetarët e Republikës së Kosovës do të mund të udhëtojnë pa viza, anë e mbanë zonës Shengen, duke filluar nga 1 Janari i vitit që vjen (2024).

Frank Shkreli

A group of blue flags with yellow stars

Description automatically generated with medium confidence

Ëndërra shekullore e shqiptarëve për të zenë karrigën që u përket në radhët e kombeve të Evropës, aty ku e kanë vendin, si njëri prej kombeve më të vjetra të kontinentit Evropian! Një ëndërrë kjo që nuk vdes — deri në realizimin e saj!

Kastro Zizo publikon albumin e tij te 6-te!

June 19, 2023 by s p

Kastro Zizo, artisti i njohur, ka publikuar albumin e tij të gjashtë në karrierë më datën 16 qershor 2023. Ky album vjen me një koncept të veçantë, duke përfshirë 6 këngë të reja në formën e EP, të shoqëruara me videoklipe korresponduese. Çka e bën kete album te vecante është se të gjitha këngët vijnë si bashkëpunime të ndryshme artistike.

Kastro, i cili eshte 39 vjec, ka bashkëpunuar me artiste të rinj dhe të konsoliduar në tregun muzikor për këtë album. Përveç kësaj, albumi vjen me 6 këngë në 6 zhanre muzikore të ndryshme, duke i eksploruar nga hip hop-i underground, pop rock-u, country pop-u, trip hop house dhe Indi pop-rock-u.

Për realizimin e albumit, Kastro ka bashkëpunuar me producentë ndërkombëtarë të njohur si Kristof Lilienthal aka Buckroll, Ayy Walker, John Aplacador, Esteban Garcia, Mohammed Ezzerrouqi dhe BigBadBeats. Kjo bashkëpunim nderkombëtar ka sjellë origjinalitet dhe frymë të re në çdo këngë.

Ky album është mbështetur nga Bashkia e Tiranës dhe xhirimet e videoklipeve janë realizuar në Tiranë dhe New York. Këngët prekin tematika sociale dhe një nga to është plagët shoqërore siç është “Alkooli”, ku Kastro bashkëpunon me talentin e ri dhe zërin e bukur të Kejsi Jazxhi.

Të gjitha këngët dhe videoklipeve janë punuar me kujdes të madh dhe kanë një përkushtim artistik të jashtëzakonshëm, duke sjellë një frymë të re në skenën muzikore. Bashkpuntoret ne projekt jane Olsi Beci, Dean Anadolli, Arber Roshi, Desantila Lika, Arber Kollcari, Vivian Mancellari etj.

Në përfundim, albumi i ri i Kastro Zizo sjell një koleksion të rrëfimeve artistike që lëvizin nga realiteti në fantazi, me një ndikim të theksuar nga bashkëpunimet ndërkombëtare dhe kombinimi i zhanreve të ndryshme muzikore. Kjo krijon një eksperiencë të re dhe të freskët për dëgjuesit.