Analiza – Page 238 – Dielli

Jo ç’do e keqe vjen për të keq

October 14, 2021 by s p

Dr. Zekri Palushi*, (ish-antar i Këshillit Kombëtar të Partisë Demokratike,

dhe Këshilltar i Kryeministrit, Aleksander Meksi).

Australi 13 Tetor 2021

*Ky shkrim është një qëndrim personal i autorit dhe nuk përfaqëson qendrimin dhe opinionin zyrtar të Federatës Vatra dhe linjën editoriale të gazetës Dielli

Siq po del qartë, -nga bisedat e hapura, -tregimet spontane, dhe tepër t’sinqerta, të zotit Berisha, -në ‘Foltoret’ e tij me popullin,- shofim se, i vetmi “korrupsion” që lidhet direct me Berishen, -qënkan qëndrimet e tij patriotike, -të mbajtura ndër vite, -në lidhje me-Pamvarsinë, Mrojtjen territorial të Trojeve dhe Kombit Shqipetar, etj. etj.

Është fatkeqësi e madhe me ditë se si,- të Majtit Shqipëtar, -për përmbushjen e interesave të tyre, -kanë bashkpunuar, dhe bashkpunojnë, edhe me vetë dreqin.

Ata kan bashkpunuar me Jugosllavët, me Rusët, me Kinezët, me Mafien Italo-Zvicerrjane,….., -gjithmonë, –kundra interesave kombëtare.

Pasojë e të Majtve, është edhe fakti që PD-ja, -ka 8 vjet qe qeveriset me metodat komuniste, të Lulzim Bashës, -një Stalin i vogel, pa mustaqe. Viktima tij e fundit, (siq po ndigjojme nga mediat Shqiptare), -ështe shkarkimi i deputetit Flamur Noka, -nga posti i nënkryetarit te Komisionit të Sigurisë.

Fatkeqësisht, -t’kqiat e PD-së, -nuk përfundojnë vetëm me Lulzim Bashën, -ato kan hedhë rrënjë edhe në ndryshimet totalitarjane, që ai ka arritur ti implementojë në të gjitha strukturat e ksaj partie, -si dhe, ndryshimet, që ai ka bërë, duke zevendësuar demokratet original, me ato hibrid.

Në këtë kontekst,- zgjodha titullin,- “Jo çdo e keqe vjen për të keq”, –sepse, megjithse jetoj large Shqipërise, -me mendje e zemër, jam gjithmonë atje, -dhe sigurisht, duke pas qenë, një nga nismëtarët e PD, -themelues dhe kryetar Deges se PD, për rrethin e Pukes, dhe ish- anëtar i Keshillit Kombetar të PDSHs, -kamë ndjekur me një vemendje, dhe ankth t’veçantë,-si ecurinë e PD, ashtu dhe t’procesve demokratike, -me dramatikën e tyre, që arriti piken kulminante,- në vitin 1997. Unë vetë, -(paksa i zhgenjyer nga infiltrimet e at’herëshme komuniste,) -jam larguar nga Shqipëria në Prill të vitit 1995, -pra, nuk i kam perjetue ngjarjet e 97s, -por i kam ndjekur me një vemendje e trishtim të plotë.

Shumëkush, -dhe kryesisht atyre që ju intereson më shumë, -mundohen ta lidhin këtë ngjarje katastrofike, me “Skemat Piramidale,” – por unë, si një i jashtëm, (outsider), që jetoj për më shumë se 25 vjet në perendim, -kam parë, dhe shof shpesh skema të tilla,- ata ndodhin në çdo vend të botës, -organizimi i tyre, nga njerëz immoral, bëhet për qëllime përfitimi, nëpërmjet mashtrimit, -por jo për rrexime qeverishë. Në këtë rast, -ju tashmë, të gjithë mund ta merrni me mend se kush ishin organizuesit e këtyre skemave, kush fshihej prapa tyre, ç’far qellimesh kishin, dhe kush përfitoj nga këto skema.

Me këtë, dua të them se, viti i Zi 1997, -nëtë vërtetë ishte viti i një Luft të Ndyrë Civile, -organizimi i së cilës kishte filluar me një durim, e mjeshtri t’veçantë, që në vitin 1992. Qe një bashkpunimi kompleks, i forcave të errta komunisto-socialiste, -t’udhëhequra nga ish-sigurimi i shtetit, dhe bandat gangstere të drogës, (që, në një formë apo tjetër, ekzistojnë edhe sot-e-ksaj dite). Pra, ishte një rrevolucion i tipit bolsheviko-mafjoz, -me të cilin, të interesuarit provokuan një lufte civile, vëlla-vrarëse, -qëllimi kryesore i së cilës ishte: ndërprerja, apo ndalimi i hovit të PD, -rreformave të sajë, dhe zhvillimit, -që nën drejtimin e Sali Berishës, kishin fillue të hynin në fazën e KONSOLIDIMIT të plotë. Kjo, -së bashku me personalitetin karizmatik, pjekurinë politike – n’rritje, ndershmërinë, patriotizmin, -si dhe vlerat morale të Sali Berishës, -kishin filluar ti shqetojnë, -si komunisto-socialistet Shqiptar, -ashtu dhe Mafien e drogës Shqiptare, Ballkanike, e atë Europiane.

Pra, – siq shifet, procesi “gjygjësor” i vrasjes politike të Sali Berishës, -ka filluar që në vitin 1991, -me një pikë kulminante, vitin 1997, -dhe së fundi, -siq tashmë e dimë të gjithë, -me ndihmën e “Departamentit” Blinken-Soros, -ai u “ekzekutua” politikisht me 19 Maj 2021. Kësaj rradhe, qëllimi i këtij ekzekutimi, ishte: hapja e plotë e rrugës, për Edi Ramën, -që t’përmbush misjonet e ngarkuara anti-kombtare, të tipit mafioz, -pa asnjë opozitë.

E solla n’kujtime vitin e Zi 1997, -për dy arsyje:

-E para, për t’ba një paralelizim me gjendjen e tanishme,- ku dryshimi është tepër i vogel. Në këtë rast, -organizuesit e ktij skenari, përdorën një strategji më të avancuar, – “me një gurë vrasim dy zogj”. -Pra, jo vetëm Sali Berishën, por edhe PD-në, në tërsin e sajë.

Sigurisht, që këtë ndëshkim tejet immoral, -dhe tepër të rrezikshëm për popullin dhe kombin tonë , -ju a bëri mjaft të lehtë, -prania e socialistit Lulzim Basha, -në krye të PDSH-së, – i cili, pa-tjetër, duhet t’i jetë mirënjohës, dhe shumë borxhli, George Soros-it, -për shkollimin e tijë, dhe të bashkshortes. -Fakti që, -në atë kohë, kur ne të tjerët, ishim në rrezik prej bandave komuniste, -Lulzim Basha, (s’bashku me të dashurën e tij të at’hereshme/gruan e tij të sotme), -ëndrronin dhe studjonin në Hollandë, -(pa asnë involvement në proceset demokratike), -flet shumë, dhe “justifikon” më së miri dis-lojalitetin e tijë, ndaj PDSH-së, dhe shpirtit demokratik Shqiptar.

“Admiruese,” -është edhe sjellja e tijë, tepër dhelprake, -në krijimin e përshtypjes, se ai gëzonte mbështetjen absolute të Sali Berishes.

-E dyta, -(dhe më e rëndësishmja), –kush mendonte se pas ngjarjeve të 97s, – PD-ja do të ri-ngjallej përsëri? -As kush, -por ja që -ishte po Sali Berisha, -vlerësues dhe rrespektues i traditës, arsyes dhe lirise, -që me një përkushtim të jash-zakonshem, mençuri, trimeri, e vullnet të çeliktë, -jo vetem që e ri-ndërtoj PD, dhe e bëri atë të suksesëshme, -duke e sjellë atë, -edhe njëherë në pushtet.

Kjo, së bashku me premtimin e tijë, për të marrë edhe njëherë përsipër drejtimin e PDSH-së, me moton: Më të bashkuar, Më të forte, Më të hapur, -si dhe pritjet madheshtore, -që demokratet shqiptarë, dhe mbar populli po i bëjnë, – (t’njësojta me ato të viteve 91-92), duhet të bëjnë krenar,- e t’mbushin plot shpresë, -t’gjith popullin Shqiptar.

Kjo na bën të besojmë në mrekullira, -e po kshtu, të kujtojmë një shprehje të urtë që thotë:

“Kto njerëz që provuan t’ju varrosin ju, -se dinin se ju ishit një farë”,- (“Those people who tried to bury you, didn’t know you were a seed”).

Debatet të tilla, të lira, -(jane esenciale për vazhdimsinë e ktyre bisedave të hapura, dhe “pa doreza”, -që Berisha, -jo pa qëllim, i quan thjeshtë, -“Foltore,”-ku njerëzit dukshëm, me pjesmarrjen e tyre të shumtë, -e tepër aktive, -diskutojnë dhe kritikojnë pa-frike), -tregojnë se populli, paska qenë i etur, dhe në pritje të këtjë eventi “Foltoresh”, -në të cilat, -më duhet ta përsëris edhe një herë, –KULMOHET premtimi i shumë-pritur, i Berishes, -për t’ju kthye edhe një herë Drejtimit të PDSH-së, -një lajm i shkelqyer për të gjith ata që besojnë në vlerat njerzore, patriotizemin, lirinë, demokracinë dhe mbi të gjitha, -në SOVRANITETIN individual e kombëtar.

Një lajm, -po aq i rëndësishëm dhe shpresë-dhënës, -, jo vetëm për Shqiptarët, por për të gjithë boten, -është edhe deklarimi, -(pothujse në të njejtën kohë), – i ish-presidentit Amerikan, – Donald Trump, -për të kandiduar edhe një herë, -në zgjedhjet e ardhëshme,- për president.

Kto dy personalitete, ndajnë shume gjëra t’përbashkta n’mes njëri-tjetrit, -mbi të gjitha, -ata janë konservativ, që rrespektojnë vlerat njerëzore dhe familjare, -vlerësojnë patriotizmin, sovranitetin dhe prosperitetin e vendeve, dhe popujve të tyre, -virtute këto,- aspak t’pëlqyeshme, dhe tepër urryese,- për Internacionalen e Majtë, -që sot udhëheqet nga Elita e miljarderve, me n’krye Partinë Demokratike Amerikane, – e cila, në interes të agjendës së ksaj Elite, -për krijimin e Nje Qeverie Totalitariane Bottrore, -vrau politikisht, -si presidentin e sajë, -Donald Trup, -me 75 milion votues Amerikan, -dhe Sali Berishen, -me t’gjith Shqiptat e ndershëm,- që aspirojnë për nje Komb të bashkuar, -të lirë, e sovran.

Me besim të plote, në Sali Berishen, dhe me shpresë se tashmë ai, –ka nxjerrë mësime, nga pësimet e shpeshta, -në të kaluarën, -jo vetëm që nuk do të përsërisë gabimet e tijë, t’më-parshme, -por s’do të lëjë as PD-në, që t’gabojë, apo të bjerë në duar të “demokratve” të majtë, -(që rrinë në përgjim si hienat, për një oportunitet tjetër), -i bëj thirrje popullit Shqiptar, -në Shqipëri, Trojet Shqiptare, e në Diasporë -qe për të mirën e tyre, t’familjeve të tyre, të popullit dhe kombit Shqiptar, -ti bashkohen aktivisht Foltoreve të Udheheqsit Historik të PDSH-së, -zotit Sali Berisha, -për të arritur, mjë-herë-e-përgjithmonë, në një sukses të plotë -në favor të Identitetit Kombëtar Shqiptar.

Dr. Zekri Palushi, (ish-antar i Këshillit Kombëtar të Partisë Demokratike,

dhe Këshilltar i Kryeministrit, -Aleksander Meksi).

Australi 13 Tetor 2021

Vizita e presidentit të Serbisë Vuçiç në Kralevë, këmbane alarmi për SHBA-të dhe BE-në

October 14, 2021 by s p

PhD Dritan Demiraj

Vizita e presidentit te Serbisë, Aleksandër Vuçiç (ministrit të kryekriminelit Milosheviç) në Kralevë për të vizituar xhandarmërinë serbe, pas ndërhyrjes së Policisë së Kosovës në luftën kundër kontrabandës së mallrave dhe krimit të organizuar është padyshim provokimi i radhës i tij ndaj botës së civilizuar. Vetë kënaqësia e tij, zgêrdhimjet dhe mbështetja që i bënte trupave të xhandarmërisë, të cilët njëlloj sikur ishin nên efektet e kokainës e si ujqërit përpara gjakut këndonin si të çmendur këngën famëkeqe me motive urrejtje ndaj shqiptarëve: “Të nisemi drejt për në Kosovë”.Këto sjellje të papërgjegjshme në prani të presidentit të “moderuar” dhe “perëndimor” Vuçiç duhet te jene nje kembane alarmi per SHBA-te dhe BE-ne. Serbia edhe pse ka shkaktuar tri lufta civile ne Ballkan, duke shkaktuar genocid, vrasje, masakra dhe perdhunime te mijera grave dhe femijeve te pafajshem ne Kosove, Bosnje dhe Kroaci, perseri eshte e etur per tu kthyer ne Kosove dhe te perserise te kaluaren e saj te tmerrshme.Ka ardhur koha qe SHBA-te dhe BE-ja te shpallin pergjegjës presidentin Vuçiç, ministrin e mbrojtjes Stefanoviç dhe ministrin e brendshem Vulin si persona pergjegjes qe nxisin urretje dhe po destabilizojne rajonin. Te gjithe si qytetare Shqiptare mbeshtesim plotesisht vendimet e qeverise se Kosoves per te kontrolluar plotesisht territorin, zbatuar ligjin, siguruar rendin publik dhe luften pa kompromis kunder krimit te organizuar ne Republikën e Kosovës. Perpara milicise Vuçiç deklaroi se: “Paqen dhe stabilitetin do ta ruajmë me çfarëdo çmimi. Nëse na sulmojnë, nëse vrasin njerëzit tanë, atëherë do të na duhet t’i mbrojmë ata.Sa per vrasje, e gjithe bota e civilizuar Serbine e njeh vetem per krimet kunder njerezimit. Jeni ju qe nxisnit ne ate kohe luftera se bashku me forcat tuaja te armatosura, xhandarmarine, milicine dhe mercenaret tuaj duke vrare, shkaterruar, masakruar dhe perdhunuar me mijera gra dhe femije te pafajshem. Shqiptaret asnjehere nuk kane vrare dhe sulmuar fqinjet e tyre, por gjithmone kane qene viktimat e tyre. Te nderuar miq! Mos mendoni se bota e ka harruar Ministrin e Propagandes ne kohen e kasapit te Ballkanit Milosheviç, i cili me automatik ne dore deklaronte se per nje serb do vriste njemije muslimane. Ps: Aleksander! Edhe ti vete e di mire qe ne Kosove sta mban te futesh per shume arsye qe une nuk dua ti permend ketu ne FB. Pse i genjen dhe i nxit milicet dhe xhandaret e tu? A mos valle ata i kane harruar fotot e shume kolegeve te tyre qe kane lene kockat ne Kosove? D.D. Michigan.

TË VËRTETAT E “FOLTORES”

October 13, 2021 by s p

AGRON GJEKMARKAJ

Asnjëherë s’më ka pëlqyer të bëj sikur për më tepër tani që kam një angazhim publik në Partinë Demokratike, formacion ky i cili po kalon ditët e veta më të këqija në historinë e vet. Në krye të lëvizjes për të rrezuar Lulzim Bashën kreun legjitim të kësaj force është vetë Sali Berisha lideri historik i demokratëve. Ai po e bën këtë pasi Basha nën presionin ultimativ të SHBA-së u detyrua ta pezullojë atë nga grupi parlamentar me një vendim personal të kryetarit.
Nëse Amerika nuk do të kishte marrë një vendim për Sali Berishën statuskuoja nuk do të ishte prishur dhe PD-ja do të notonte në të njëjtat ujëra dhe me të njëjtin kurs mbështetje të doktorit për Bashën i patrazuar nga pirgu i problemeve që PD-ja trashëgon nga e kaluara e Berishës dhe e Bashës.
Ky kontekst e komprometon etikisht dhe bën të pabesueshme lëvizjen e “Foltores” dhe zërin që del prej saj. Berisha po reagon si një njeri që dikush i ka marrë pronën dhe ai do ta rikthejë atë te trashëgimtarë më të besueshëm. “Foltorja” i ikën thelbit që është verdikti amerikan. Kjo lëvizje e Sali Berishës do të kishte kuptim kohë më parë, sidomos pas zgjedhjeve të 2017 apo edhe më vonë por jo tani.

TË VËRTETAT E “FOLTORES”

Ndonëse prej saj duhen marrë disa të vërteta që ekzistojnë përtej shtysave që një ditë duhen zgjidhur. Sali Berisha po e sulmon egërsisht Bashën dhe ky i fundit është mbyllur në një heshtje të zgjatur aq sa të krijon përshtypjen se s’do flasë kurrë mjaftueshëm. Kjo është një krizë e madhe dhe krizat nuk përballohen me heshtje i mbyllur në zyrë. Ato kërkojnë përballje, ide dhe debat e mbi të gjitha shumë kurajë. Sali Berishës i duhet dhënë çfarë është e Sali Berishës, sepse ai ka merita të shumta në PD dhe në vend e mbi të gjitha për 13 vite këtë formacion politik e ka mbajtur në pushtet.
Por, Sali Berisha nuk është shenjtor, por politika që mban në kurriz krahas sukseseve edhe dështime. Më i fundit ishte në 2013 kur mori 1 milion vota kundra. Nëse Berisha thotë të vërtetën apo gënjen Lulzim Basha duhet t’i pohojë, të thotë po është e vërtetë ose kjo është gënjeshtër, sepse po lakohet në vetë të parë. Alegoria është shumë pak. Ai duhet të shpjegojë më qartë e më thellë vendimin e tij , pozitën e tij dhe të PD-së në raport me SHBA-në dhe aq sa di e mundet të thotë për pozitën e Sali Berishës ndaj tyre.
PD-ja ka nevojë të ndryshojë dhe të dalë kjo nga një gjendje të menduari. PD-ja nuk mund të sillet sikur asgjë nuk ka ndodhur. PD-ja nuk mund të vazhdojë pas kësaj historie me rutinën e normalitetit. Këtë proces ndryshimi nuk mund ta drejtojë Sali Berisha për aq kohë sa shtysë është interesi krejt personal. PD-ja ka nevojë për bashkim të gjerë njerëzish e alternativash, por jo si masë karshillëku ndaj SHBA-së. Kjo është sa e dëmshme po aq qesharake. PD-ja si parti nën tehun e sulmit amerikan do të shndërrohej në një organizatë pa oksigjen e pa të ardhme, qytetarët e kuptojnë këtë, antihistorike dhe e sigurt në shuarjen e saj të dhimbshme.
Nëse në krye të saj sot rikthehej Sali Berisha 77 vjeç ose një kukull e tij shanset e saj për të ardhur në pushtet janë zero, po kaq zero pranimi nga SHBA-ja. Partitë janë si shoqëria si jeta e përditshme, aty nuk ka sublimitet, ka mendime racionale, ndershmëri, arsye, idealizëm po aq sa ka intriga, banalitet, iracionalitet, gënjeshtra, shtirje, servilizëm, skema dhe nuk është hataja, por hataja është nëse në një parti vret garën, në një parti si PD-ja nuk duhet të ketë emërime, për asnjë post, çdokush duhet të konkurrojë, të shndërrojë në mendësi hapjen ndaj elitave, duhet të mësohet me idenë e së përkohshmes, të vijë e të ikë në paqe, duhet të vihet në diskutim Lulzim Basha si lider siç bëri me 13 qershor dhe sa herë krizat ia kërkojnë, Agron Gjekmarkaj si deputet, si anëtar Kryesie, si kryetar Komisioni, çdokush aty brenda nga kupola drejtuese duhet ta mendojë vetën në konkurrencë pse jo edhe të mundur prej saj.
Shoh sot persona që flasin për kontribute a thua se na dhanë ujin e shpëtimit ditën e gjykimit, por nuk thonë sa kanë marrë nga PD-ja dhe pushteti i saj. Janë bërë presidentë, kryeministra, kryetar Kuvendi, ministra, deputetë nga mbi 20 vite, drejtorë e kanë rregulluar jetën e tyre, e boll mirë po mos t’u shesin dëngla me parime shqiptarëve. Një ditë do të vdesim të gjithë ne aktualët e jeta do vazhdojë edhe pas nesh, edhe politika po ashtu. Ndjesia e së përjetshmes është thjeshtë e rreme, barbare dhe e dhunshme ndaj ligjësive hyjnore. Kjo kapje pas karriges është e frikshme, kjo dëshirë rikthimi po kaq. Njerëzit në PD kanë nevojë të pyeten, të dëgjohen, të konsiderohen, të përfshihen dhe jo një pjesë të jenë të besuar si ambasador të dijeve të epërme, të mbyllur në klauzurën e heshtjes e të tjerët punëtorë me mëditje si mbushje topi kur diferencat intelektuale e politike me pjesën tjetër nuk është se janë fort të shquara.
Kjo shkëputje në PD bie në sy. Fryma e grupit mungon. Ata që kanë akuzuar Lulzim Bash%n pse nuk e largon Sali Berishën tani mund t’i kuptojnë më qartë arsyet sa e vështire dhe pamundur dukej kjo. Në optikën time kryetari real i PD-së, Basha, është prej katër javësh, por ende ai nuk po gjen kurajën, pasi ka ngritur në qiell anët e mira të Berishizmit të dënojë anët e këqija të tij. Ai së pari duhet të kërkojë falje për trashëgiminë e mungesës së institucioneve demokratike brenda PD-së, ose ekzistimi i tyre si fasadë e nevojës së kryetarit për të sunduar, këtë e trashëgoi nga Berishizmi.
Çfarë duhet të bëj Basha Basha edhe pse nuk ka faj, duhet të bëjë aktin duke i shkuar në qelize komprometimit të demokracisë qysh në periudhën 1992-1997, ku u burgos lideri i opozitës, u manipuluan zgjedhjet e vitit 1996, u rrah masivisht lidershipi opozitar dhe Shqipëria shkoi në prag të luftës civile në vitin 1997 pas falimentimit të skemave piramidale. Duhet të kërkoje falje për bathorizimin e Shqipërisë nga pikëpamja urbane dhe fjalorin e dhunshëm që PD-ja dhe lidershipi i saj me libër shtëpie imponuan në diskursin publik.
Të persekutuarit politik, elita e familjeve të Shqiperisë në vitin 1994 hynë në greve urie për të drejtat e tyre që me shumë se kujtedo u takonin por qeveria e PD i rrahu, i nxorri me dhune, i fyeu duke u sjelle me perbuzje klasore! Dekomunistizimi që ata kerkonin nuk u krye kurrë, demshperblimi dhe integrimi po njesoj. Basha edhe për këtë duhet të kerkojë falje edhe pse asokohe ishte student drejtësi një drejtësi që në vendin tonë nuk po troket.
Të zhgenjyerit e të vjedhurit e parë mbeten e janë ënde ish pronaret , dyqanet e cileve i moren shitesit, vilat e pronat, tokat e fabrikat e prej 30 vitesh vertiten poshte e lart sa në një gjykatë vendore sa ne Strazburg ! PD dhe qeveria e saj të kompleksuar nga kultura socialiste e prones nuk bënë akte të guximshme që këtë drejtë themelore të jetes siç është prona ta kthenin tek i zoti ! Perseri falja nuk është e tepert! Në një kohë kur PD erdhi në pushtet me moton e duam “Shqiperinë si gjithe Europa” në mesin e qeverisjes u spostua aksi gjeostrategjik drejt linjes së mesme gabim ky që u tentua të ndreqej më vonë.
Mbase ndjesë jo por një reflektim duhet edhe për këtë!
Sot, Basha akuzohet për marrëveshje e pazare me Edi Ramën nga Berisha dhe njerëzit më afër tij, por duhet t’i shpjegojë shoqërisë që marrëveshjet e mëdha me socialistët i ka bërë Sali Berisha dhe mirë ka bërë, qeveria e stabilitetit, qeveria teknike e vitit 1991, marrëveshja e 9 marsit dhe qeveria e Bashkim Finos, marrëveshja me Fatos Nanon për Presidentin, kryeprokurorin dhe kryetarin e Shërbimit Informativ në 2002 dhe ajo e 2007-ës ku me 6 vota socialistësh u zgjodh Bamir Topi President, marrëveshja e vitit 2008 për ndryshime kushtetuese me Edi Ramën dhe mirë ka bërë, sepse me kundërshtarin do të bësh edhe marrëveshje në të mirë të vendit, se nëse nuk bën marrëveshje shkon në konflikt dhe luftë si në vitin 1997.
Duhet demistifikuar njëherë e përgjithmonë konspiracioni mbi marrëveshjet politike në këtë vend dhe me këtë që po them nuk po përligj, as po nxis ndonjë marrëveshje inekzistente me Edi Rimën. Por mbi të gjitha, Basha duhet të prezantojë projektin që shoqëria dëshiron për PD-në si projekt ringritjeje e përfaqësimi, projektin e fitores. Basha duhet të flasë. Heshtja e tij po humbet kuptimin që etika e ditëve të para ia impononte. Kjo nuk është vetëm beteja e tij, por shumë më e madhe se kaq, një betejë mes lindjes dhe perëndimit, një beteje për një PD proamerikane apo antiamerikane, kauza këto për të cilat gjithkush duhet të vihet në diskutim. Basha duhet t’i prijë kësaj beteje dhe jo të mbrohet nga sulmi. Demokratët qanë njëherë për Sali Berishën kur u largua në verën e vitit 2013 dhe nuk mund të qajnë gjithë jetën për të.

Gjakova dhe zgjedhjet lokale 2021

October 13, 2021 by s p

(Reflektime hapësinore dhe urbane)

Arch. Ylber Vokshi -Ylli

Ish-Kryetar i Këshillit për Planifikim Hapësinor të Kosovës (KPHK)

Disa zhvillime hapësinore dhe urbane të cilat nuk janë realizuar sipas normave dhe standardeve të planifikimit hapësinor dhe urban e qe kanë pasur ndikime negative në kualitetin e jetës urbane në qytetin e Gjakovës do ti theksoj me shpresë qe organet përgjegjëse komunale do të reflektonin pozitivisht.

1. Para pesëmbëdhjetë (15) vite, në vlugun e përgatitjeve për përpilimin e Dokumenteve Hapësinore të Komunës së Gjakovës, iu kisha sugjeruar vendimmarrësve komunal të atëhershëm kthimin e lidhjeve ekonomike me Malësinë e Gjakovës, gjegjësisht me Shqipërinë,si mundësi reale për zhvillimin ma intensiv të territorit të dy shteteve. Asgjë konkrete në teren nuk ndodhi këto vite, edhe se kushtet dhe rrethanat politike ndërkombëtare tërësisht kishin ndryshuar.

Parapërgatitjet për këto iniciativa filluan që në vitin 2014. Punët intensive për përgatitjen e kornizës strategjike “Zhvillimi social-ekonomik i zonës Gjakovë – Has – Tropojë” vazhduan në Tiranë në Fondin Shqiptar të Zhvillimit në mars 2015, për t’u aprovuar si dokument strategjik në takimet e kaluara të radhës së dy Qeverive, Shqipëri dhe Kosovë. Kjo u zyrtarizua në mbledhjen e përbashkët të dy Qeverive të Kosovës dhe Shqipërisë më 3 Qershor në Prishtinë, me nënshkrimin e “Marrëveshjes për Partneritet për bashkëpunimin ndërkufitar”.

Faza e parë e projektit u përmbyll me sukses falë angazhimit të paparë të strukturave komunale të kaluara të qytetit të Gjakovës. Fazat tjera operative po ashtu janë të rëndësishme dhe uroi që ky projekt, i një rëndësie të veçantë për të dy shtetet të realizohet, në tërësi me etapa dhe afate kohore realiste.

Vlen për tu theksuar se këto lloje projektesh kane përkrahje financiare nga

donatorët vendor,e posaçërisht ata ndërkombëtarë,si është Bashkimi Evropian,Banka Botërore,Banka e Këshillit të Evropës, Fondi Ndërkombëtar për Zhvillimin Rural (IFAD) etj.

Sipas informatave qe posedoj asgjë konkrete nuk ka lëvizur pas fazës se pare te këtij projekti. E di se kjo është përgjegjësi e dy qeverive por edhe angazhimin i Komunës se Gjakovës për te avancuar çështjen duhet te jete parësor, e kjo ka munguar ne qeverisjen aktuale te komunës, a thua ku janë arsyet?

2. Nuk ka shpjegim racional si është vepruar ne prerjen e mbi 120 pemëve dekorative ne rrugën “Nëna Tereza”. Kishte paralajmërime se rruga kryesore e qytetit do te zgjerohet duke u zvogëluar trotuaret, që në ditët e sotme është anomali, të zvogëlohen hapësirat për ecje- trotuarët. Nuk u veprua ashtu pos që ne vend të pemëve ekzistuese u mbollën pemë të reja të cilave ju duhen disa vite për të kryer funksionin e dedikuar. Teknologjia sot lejon mbledhjen e trupave stabile e të gatshëm për të kryer funksionin menjëherë, si kanë vepruar disa qytete – vendbanime ne Kosovë. Mundësia për dëmtimin e atyre filizave është e madhe duke u nisur nga realiteti ynë.

Kush ishin ata që privuan banoret e qytetit nga veprimet e tilla te dëmshme, a mendoni se dikush duhet të jep përgjegjësi për keqpërdorimin e buxhetit komunal dhe anës psikike të banorëve. Gjakovarët janë të njohur për shfrytëzimin e pareve publike çka në këtë rast nuk ka ndodhur.

3. U lejua të ndërtohet një objekt banesor shumë katesh në zonën e mbrojtur të një monumenti të kulturës i mbrojtur me dekret të posaçëm të shtetit i cili skajshmërisht dëmton vizurat e monumentit drejt kontakt zonës së Çarshisë së Madhe dhe qendrës së qytetit. Parapërgatitet për këtë i mur kuvendi komunal me anulimin e një vendimi të administratës së kaluar komunale për eksproprijimin e dy ngastrave kadastrale. Fjala është për shtëpinë e Sylejmon Vokshit ministrit te mbrojtjes ne qeverinë e ”Lidhjes shqiptare të Prizrenit”. Ky veprim është i pa shpjegushëm dhe dëmton vlerat historike të asaj kohe të lavdishme për popullin shqiptar në tërësi. A thua duhet te jep përgjegjësi për këto veprime dikush?

4. Partneriteti urbano rural është njëri nga kushtet kryesore për mirëqenien e jetës edhe ne zonat rurale, kjo është njëra nga direktivat kryesore ne përgatitjen e dokumenteve hapësinore në Evropë. Por a është vepruar kështu në rastin e asfaltimit të rrugëve në zona rurale të komunës? Sigurisht se jo pasi çdo veprim në hapësirë e ka rendin e vet, këtij procesi duhet ti paraprinë fazat paraprake si është përpilimi i projekteve të planeve rregulluese të zonave – vendbanimeve rurale, vendosjes së instalimeve të domosdoshme dhe të gjithë elementeve përcjellëse të rrugëve, e pastaj të përpilohen projektet detale ekzekutuese për rrugët që janë asfaltuar, e pas kryerjes së punimeve dhe pranimit teknik edhe funksionalizimi i tyre. A është punuar kështu apo është vendosur asfalti vetëm për të plotësuar kërkesat e disa grupacioneve politike?

Frikohem se nuk është vepruar kështu e pasojat do të jenë të shumëfishta për buxhetin komunal dhe banoret e këtyre fshatrave, posaçërisht që kemi të bëjmë me zona malore ku bije bore deri ne 3,5 metra dhe ka ngrica te mëdha që shkaktojnë dëmtimin e asfaltit. Është i njohur rasti i “ Sahit asfaltit” në Pejë.

5. Çarshia e madhe e Gjakovës dhe rruga e saj kryesore si duket çdo here para zgjedhjeve komunale do te jetë objekt i kusuritjeve partiake. Këto ditë prapë u aktualizua mbulesa e rrugës kryesore te çarshisë pasi pllakat dekorative te mermerit janë dëmtuar nga komunikacioni. Askush nuk ka të drejtë të bënë ndryshime sipërfaqësore me propozime të tilla jo serioze të cilat janë kundër rregullave të aprovuara në Kuvendin Komunal ne vitet e 70-ta, atëherë kur ka filluar restaurimi i çarshisë.

Boll ma me shpjegimet e kryetarit aktual për brengosjen e tij për taket e këpucëve apo lëvizjes së karrocave te fëmijëve, a thua me çfarë materiale janë mbuluar rrugët në qendrat e mëdha historike ne botë dhe në vet qytetin e Gjakovës, analizoni!

Po e theksoj edhe njëherë se çarshia është restauruar duke ju përmbajtur strikt –ligjit dhe rregullores çka nuk është vepruar pas djegies së çarshisë e deri me sot.

6. Për çështjet se si ka funksionuar Departamenti i Urbanizmit në Komunën e Gjakovës këto 4 vite vlerësoj se nuk kamë të drejtë të japë opinionin tim pasi isha i kufizuar me mos prezencën time ne këto hapësira në katër vitet e fundit. Ftoj profesionistët e shumtë gjakovarë ti bëjnë publike vërejtjet e tyre për ndërtime të ndodhura me leje e pa leje.

Se gjithçka nuk ka qene ne rregull tregojnë kallëzimet penale që janë ngritur ndaj disa zyrtarëve përgjegjës në këtë Departament.

Ishin këto vetëm disa reflektime për situatën hapësinore dhe urbane në qytetin e Gjakovës që direkt do të ndikojnë në kualitetin e jetës urbane me pasoja te rënda për mirëqenien e gjeneratave të ardhshme të kësaj komune, që dikur ishte shembull për të tjerët në fushën e urbanistikës edhe në nivelin regjional.

Demokracia dhe mini diktatori brenda një kështjelle

October 13, 2021 by s p

Nga Agustin Mirakaj*

*Ky shkrim është një qëndrim personal i autorit dhe nuk përfaqëson qendrimin dhe opinionin zyrtar të Federatës Vatra dhe linjën editoriale të gazetës Dielli.

Foltorja është element i demokracisë, i shprehjes dhe demokratizimit të brendshëm në Partinë Demokratike. Gjatë takimeve në Gjirokastër, Elbasan pashë mbështetjen e vërtetë, peshën e vertëtë të Partisë Demokratike. Po ashtu pashë Kukësin, i çuar në këmbë për të mbështetur doktor Sali Berishën. Unë e di që të gjithë ju jeni të shqetësuar (pa të drejtë) për situatën që Partia Demokratike ndodhet. Dua t’iu bëj me dije për të mos u shqetësuar, doktor Berisha do të ketë mbështetjen më të madhe si asnjëherë tjetër nga e djathta amerikane. Demokracia nuk është e përsosur, por për të zgjedhur apo për të larguar dikë nga përfaqësimi, duhet përdorur vota. Votimi është thelbi i demokracisë. Sot Partia Demokratike është kryer në parti të pa vlerë përfaqësimi. Kryetari ka marrë pushtet absolut dhe vepron si mini diktator duke shkarkuar fjalën dhe mendimin ndryshe me direktiva nga të huajt. Partia Demokratike nuk merret peng, ajo ka nevojë për ndihmën e patriotëve për ndihmën e gjithë shqiptarëve. Unë e shoh kritike situatën sepse deputetet e saj janë shpërndarë në turma të frikësuara ku (pilici kryetar) me shkop në dorë godet pa shpirt. U drejtohem të gjithë atyre që e duan Partine Demokratike, pa interesa. Të mbajnë anën e të drejtës. Nëse askush nuk e do kuvendin atëhere tregon qartë egon dhe mos dëshirën për ta bërë Partinë Demokratike më të bashkuar, më të fortë dhe më të hapur. Të rrish me të humburin i humbur do mbetesh. Vota është ajo që ndriçon rrugën e demokracisë. Sot kërkohet VOTA dhe liria për t’u zgjedhur. Me këtë nisem Sali Berisha dhe të gjithë demokratët e nëpërkëmbur nga Basha, ngrihuni fuqishëm për lirinë e votës, fjalës dhe demokracinë brenda Partisë së lirisë. Fitorja dhe ringritja e Partisë Demokratike reale do të jetë shembja e pushtetit mafjoz në qeveri dhe opozitë.