Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

NJË PJESË PREJ POLITIKANËVE SHQIPTAR NUK MUND T’U BESOHET AS RUAJTJA E KOTECËVE TË PULAVE

by

        -Zgjedhjet në Kosovë: A është ky ndryshimi i madh në politikën shqiptare?

  • Me maska ose pa maska, madje edhe me thes mbi kokë, shqiptarët dhe bota u njeh tashti si të pa aftë për të bashkpunuar me njeri tjetri, madje edhe përball një krize kombëtare dhe ndërkombëtare, sic është përhapja e virusit korona. Mblidhni mendët, tregoni pak atdhedashuri dhe vullnet të mirë politik për tu marrë me sfidat serioze me të cilat përballet Kombi shqiptar dhe lini mënjanë grindjet politike, për një kohë më të përshtatshme. 

Nga Frank Shkreli/

Parlamenti i Kosovës zhvillon sot një seancë për të shqyrtuar mocionin për rrezimin e qeverisë Kurti, pa i mbushur ende as pesë javë jetë. 

Shpresa ime, pas zgjedhjeve Tetorin e kaluar në Kosovë, ishte se më në fund kemi të bëjmë me një model të ri qeverisjeje ndër shqiptarët, si rezultat i koalicionit midis Vetvendosjes dhe LDK-së. Fatkeqsisht, politikat dhe interesat e vjetra, të brendshme dhe të jashtme, paskan pasur plane të tjera. Ku tjetër në botë ndodhë që në kulmin e një krizë shëndetësore si kjo e virusit korona, të rrëzohet qeveria, duke i shkaktuar vendit edhe një traume tjetër, përvec asaj shëndetësore?

 Klasës politike shqiptare në Kosovë, por edhe në Shqipëri, i ka dalë boja. Për dekada tashti po e provojnë se një shumicë e tyre nuk është e denjë as të kujdeset për një kotec pulash, e jo më tu besohet përgjegjësia e qeverisjes së një vendi.

Me maska ose pa maska, madje edhe me thes mbi kokë, shqiptarët dhe bota u njeh tashti si të pa aftë për të bashkpunuar me njeri tjetri, madje edhe përball një krize kombëtare dhe ndërkombëtare, sic është përhapja e virusit korona. Mblidhni mendët, tregoni pak atdhedashuri dhe vullnet të mirë politik për tu marrë me sfidat serioze me të cilat përballet Kombi shqiptar dhe lini mënjanë grindjet politike, për një kohë më të përshtatshme. 

 Asnjeri prej jush, sado të zotin ta konsideroni veten, nuk i zgjidh dot problemet politike dhe ekonime, vetëm, as si individ as si parti. Por me marrvëshje politike, të bashkuar me një mendim e me një qëllim, mund të bëni mrekullira.

 Dështimet dhe zhgënjimet e njëpasnjëshme të kësaj klase politike, si rezultat i grindjeve të tyre politike, nuk nderojnë sakrificat sublime të qindra mijëra shqiptarëve që gjatë shekujve ka dhënë jetën për liri dhe për një të ardhme më të mirë për të gjithë shqiptarët, anë mbanë trojeve të tyre në Ballkan.

 Reflektoni! Delni mbi interesat personale politike, ekonomike dhe partiake. Mbroni interesat e përbashkëta kombëtare! Kjo është përgjegjësia kryesore që votuesit u kanë besuar ju. Rrezimi i qeverisë së koalicionit nuk është në interesin e Kosovës, në këtë moment, ndërkohë që vendi dhe bota gjendem përballë një sfide shëndetësore që po tund themelet, jo vetëm të shëndetit në botë, por edhe bazat ekonomike, duke rrezikuar edhe mirëqenien materiale të njerëzve anë mbanë botës. Reflektoni, seriozisht!
Ende nuk është vonë!

Rri brënda, mos bëj dhe mos e dëgjo politikën!

by

Opinon nga Ilirjan Blloshmi/

Srinivasa Ramanujam lindi në dhjetor të 1887, në një provincë Indiane. Vinte nga një shtrësë shoqërore që i kishte disa të drejta të kufizuara nga pjesa tjetër e shoqërise Indiane. Ramanujam kishte vështërsi në gjetjen e një pune. Pasi mjaftonte që të kishte një lëtër dhe një laps e zhyteshe në botën e numrave. Ramanujam nuk kishte qënë asnjë herë në shkollë. Ai zhviloi mbi 2000 teorema por asnjë herë nuk u mor serizoshit nga autoritetet dhe strukturat e arsimit në indi. U desh një tregtar Anglez, që Ramanujam ti hapet një rrugë për në Angli. G.H. Hardy i hapi rrugën një njeriu që thoshte “numrat mi sjell zoti natën i fut në kokën time dhe në mëngjës u nxjerr teoremën”. Por kjo ishte një çmënduri në matematikë. Por Hardy pati durim dhe perfundimi ishte mahnitës. Srinivasa Ramanujam i bëri botës dhuratë 3900 teorema. Një nga gjërat më të veçanta që Ramanujam bëri ishte vërtetimi i teoremës që përafron numrin e kombineve të mbledhjes së një numri. Kjo teoremë sot përdoret për të kuptuar natyrën e vrimave të zeza. Në moshën 29-vjeçare u diagnostikua me turberkuloz. U kthye në Indi, ku jetoj në provicën e tij, por kurr nuk u vlersua nga autoritetet. Vdiq në moshën 32 vjeçare.

Ajo që do lexoni më poshtë ka lidhje me paragrafin e parë, gjithashtu dhe me të tretin.

Me propozim të ish-kryebashkiakut Qazim Sejdini, “Ital Druri-Elbasan”, ka marrë koncesionin 9-vjeçar për shfrytëzimin e 132 ha pyje në Elbasan, me vlerë totale 2.6 milionë lekë të reja. Kjo PPP është mirtaur me VKM Nr. 711, datë 06.11.2019. Por me kërkesë të Anila Denaj rezulton se “Ital Druri-Elbasan” ka marrë falas 241 mijë e 818 m2 sipërfaqe truall shtetëror dhe 54 mijë e 022 m2 sipërfaqe ndërtimore objeke . Por nuk mjaftohemi me kaq. Sipas VKM nr. 238, datë 20.03.2020; përcaktohet se PPP-ja për gjoja “Zhvillim Ekonomik-Rajonal të Elbasanit”, është falas dhe me afat 35 vite në fazën e parë; por me të drejtë vazhdimi deri në 99 vite, ose më saktë deri në vitin 2119.

Po çfarë lidhje ka “Ital Druri-Elbasan” në këtë mes? Do shtroheshe pyetja. është shumë e thjeshtë. “Ital Druri-Elbasan” është në pronësi të Endri Hasës, ish-deputetit të listës Basha. Kompania saktësisht është në emrin e Nuri Hasës, që çuditërisht është babai i Endri Hasës. Pra ish-Drejtori i AKSHI në qeverinë “Berisha-Meta”, që zhduku nga kryeministria, serverat me pamjet e vrasjeve të 21 janarit 2011. Ish deputeti i listës Basha. Del e dërdëllis për korrupsionin, e për PPP që çuditërisht dhe vetë mërr. Ka shumë nga kjo kategori që të kërkon të dalësh o Shqiptar. Duan të bëjnë kruban për kryetarin e radhës, duan që ti o Shqiptar të vdesësh që këta të pasurohen.

Tani!

A e shikon tani o shqiptar? Që paskemi mjekë, në gjithë rruzullin toksor. A e shikon tani o Shqiptar? Se paskemi ekonomistë të zot në gjithë botën. A e kupton tani o shqiptar! Që Roma, Madridi, Barcelona, Milano, New Yorku, New Jeresy, Amsterdami, Ottawa, Stokholmi, ka shqiptarë që nuk kanë gjenialitetin e Ramanujam, por kanë arritur shumë lart. Duheshe kjo situatë,  duheshe ky virus, që ne të kuptonim se emigrantët nuk janë vetëm ata që lajnë pjata, ata që punojnë në ndërtim, apo ata të pashkollët. Ashtu siç trumpeton Arturi, ashtu siç dërdëllis zonja Eni. Duheshe kjo situatë, që të kuptoni se nga kush qeveriseni. Duheshe kjo kohë që të kuptoni se “refugjatët” ashtu siç i quan deputeti unisex Myslim Murrizi, janë ajka e shoqërisë. Prandaj o Shqiptar mos dëgjo ish këshilltarët dhe militantët e Metës, mos dëgjo Klevisin, Endrin, Petritin, se këta nuk kanë as talent, nuk kanë as vlera. këta kanë një profesion, të grabisin, të vjedhin, e të të poshtërojnë. Dëgjoni ata mjekë, se nuk kanë asnjë interes ndaj politikës. Asnjë prej tyre, pretendon të bëhët ministër siç pretendon Petriti, Klevisi, Endri. Rri në shtëpi se mund të jesh ti viktima e radhës, jo nga virusi. Por nga sistemi shëndetësor që këta ustallarë i kanë hequr brekët. E tani duan ta “arnojnë” duke të përdour ty o Shqiptar.

DIALOGU KOSOVË – SERBI

by

Nikë Gashaj/ Malesi/Politolog/

        Nisem nga njohja se Dialogu Kosovë – Serbi, do të ishte me interes kombëtar të Kosovës, sikurse të mbahej në fillim të vitit 2021. Për një datë të tillë ka disa arsye. Para së gjithash në filozofinë popullore thuhet “Ditë e re nafakë e re”. Kuptohet se Kosova gjindet nën presione të mëdha nga ndërkombëtarët për shpejtimin e fillimit të dialogut. Mirëpo, Kosova duhet të veproj me një taktikë të mençur. Mëndoj, se agjenda politike   e kryeministrit të Kosovës, Albin Kurtit, për gradualizimin e heqjes së taksës dhe vëndosjen e reprocitetit me Serbi e ka kuptimin e vet politik.

        Më tutje, sot shtetet e botës po ballafaqohen me luftën e shpëtimit të substancës njerëzore nga Coronavirusi. Andaj me këtë rrezik të madh po ndeshet edhe Unioni Evropian dhe Amerika, si faktor ndërmjetësues të dialogut, por dhe Kosova e Serbia. Njëkosisht, vëndet e prekura me këtë virus kan pasoja të mëdha ekonomike dhe sociale. Gjithashtu, në këtë vit mbahen zgjedhjet presidenciale në SHBA, si dhe zgjedhjet parlamentare në Serbi. Prandaj, Amerika, por dhe Unioni Evropian , si dhe Serbia e Kosova janë  shumë të ngarkura me probleme tjera të mëdha në politikën e brendshme shtetërore dhe zgjidhjet e problemeve jetike të qytetarëve të vendeve të tyre. Egjithë kjo, besoj se do ta zvarris mbajtjen e dialogut dhe arritjen e një marrëveshje me njohje reciproke Kosovë-Serbi në kufijtë ekzistues territorial  dhe në pajtim me sistemin kushtetues të Kosovës. Andaj, ajo në dialog duhet të jetë e ashtuqujtur vijë e kuqe, dhe Kosova për atë duhet të ketë një qëndrim politik unik. 

        Në këtë rast vlenë të konstatohet se për dështimin e deritashëm të dialogut Kosovë –Serbi, përpos ndërmjetsueses politike të Unionit Europian, një pjesë të përgjegjësis e ka dhe klasa politike e Kosovës. Meqenëse, sipas Kushtetutës së Kosovës, politikën e brendshme dhe të jashtme e udhëheq Qeveria e Kosovës, e që është në pajtim me sistemin politik parlamentar, e çka e ka vlerësuar dhe Gjykata Kushtetuese e Kosovës në lidhje për dialogun Kosovë-Serbi. Donë me thënë deri me tani Qeveria dhe Presidenti i Kosovës në lidhje me dialogun me Sebinë nuk kanë veprua sipas Kushtetutës, çka është për çdo akuzë dhe kritik, sepse mu për atë shteti i Kosovës në marrëdhëniet ndërkombëtare ka pësuar pasoja evidente negative. Për të pasur Kosova mbështetjen  më të madhe politike të Amerikës dhe të Unionit Europian, klasa politike e Kosovës në praktikë duhet me iu tregua atyre se ajo ka kapacitete të duhura demokratike dhe profesionale dhe vendosmëri për  qeverisje të mirë, për të luftuar korrupsionin, despotizmin, kriminalin, si dhe dukuri të tjera negative, respektivisht për ndërtimin e shtetit juridik  dhe të sundimit ligjor. Po ashtu është shumë me rëndësi që Kosova në fushën e politikës së jashtme dhe diplomacisë me pas kuadra me kompetenca të larta profesionale, respektivisht ekspertë të dëshmuar për çështje politike. Në atë drejtim ajo mund të angazhoj dhe ekspertë të njohur jashtë Kosovet, e që janë miq të shqiptarëve. Përndryshme, vetëm me kuadra partiak për marrëdhënie ndërkombëtare, Kosova nuk mund të eci përpara.

        Parashtrohet pyetja: se deri kur në Kosovë do të zgjas, lufta ndërpartiake për funksione, për interesa parciale, individuale dhe egoiste? Deri kur duhet të pritet për pjekurinë e vetëdijes të  disa politikanve pët t’iu kthyer interesave të përgjithshme të qytetarëve dhe politikës kombëtare të Kosovës. Këto paraqesin çështje kruciale për ardhmërinë e Kosovës. Është mirë që edhe Akademia e Shkencave dhe Arteve të Kosovës  ka dalur me një Reagim(11 mars 2020.) të ashpër, por objektiv lidhur me rrjellat politike negative  dhe për nënnivelin  e misionit historik të klasës politike të Kosovës. Është e palogjikshme që Lidhja Demokratike e Kosovës, si partner i koalicionit me partinë e Lëvizjes Vetëvendosje që posa së bashku e kanë formuar Qeverin e Kosovës të dal me nismjen për mocionin e mosbesimit ndaj Qeverisë së Kosovës të udhëhequr nga Albin Kurti. Sipas mjetëve të informimit Kryetari i LDK, Isa Mustafa, kërkon nga kryeministri Albin Kurti, hiqjen e tarifës 100 për qind në mënyrë të plotë dhe menjëherë ndaj mallrave nga Serbia dhe Bosnja e Hercegovina përpa reciprocitet dhe të anulojë vendimin për shkarkimin e Agim Veliut nga pozita e ministrit të Punëve të Brendëshme dhe të Administratës Publike. Mirëpo, Qeveria e Kosovës me votat e shumicës së antarëve të kabinetit qeveritar, tashmë e ka hjekë tarifën  për lëndën e parë, d.m.th. në mënyrë graduale dhe në Kosovë ka filluar hyrja e mallrave nga Serbia. 

        Përsa i përket shkarkimit të ministrit, Agim Veliu, sipas njoftimit të Zyres së Kryeministrit, të botuar në mjete të informimit: ai  u shkarkua për arsye të dhënies së deklaratës së tij për televizionin Klan Kosova, kundra qëndrimit të Kryeministrit, Albin Kurtit mbi shpalljen e gjendjes së jashtëzakonshme. Si thuhet, ai në këtë deklarim, përhapë panik duke thënë se”numri i të prekurëve po rritet prej ore në orë”. As ministria e Shëndetsisë e as Instituti Kombëtar i Shëndetsisë Publike nuk thanë që numri i të infektuarëve me COVID-19 po rritet nga ora në orë. Mirëpo, ajo çka paraqet befasi, Kryetari i LDK, Isa Mustafa kritikon shkarkimin e ish–ministrit Veliu, ndërsa në anën tjetër nuk e gjenë të arsyeshme të kritikojë  deklaratën në fjalë. Çka do të jepë me kuptua se sipas tij, deklarata ka qenë me vend, megjithë se deklarata e tillë sa jam i njoftuar, nuk rrjedhë nga ndonjë vlerësim i marrun së bashku nga kabineti qeveritar, dhe as që ajo është objektive.       

        Opozita padyshim është e zhgënjyer me rezultatet e zgjedhjeve që e sollën Albinin në pushtet, dhe sipas votave të qytetarëve të Kosovës Lëvizja Vetëvendosja është partia  më e madhe dhe ka më së shumti deputetë në Kuvendin e Kosovës. Ndërsa disa nga opozita po e quajnë Abinin mashtrues. Nuk e di a janë të vetëdijshëm se me vlersimet e tilla i nënçmojnë dhe  qytetarët e Kosovës, gjoja se nuk kanë ditur  për kënd kanë votua. Po ashtu disa politikanë kosovarë po  e vlerësojnë Abinin si antiamerikan, por pa fakte. Ata më së mirë i demantou dhe vetë kryeministri Albin Kurti, në fjalimin e tij në Seancën e jashtëzakonshme të Kuvendit të Kosovës, (12.03. 2020.), ku ndër të tjerat u deklarua: për bashkëpunim me amerikanët dhe evropianët. Më tutje ai vazhdoi: “Unë nuk them pa amerikanë, por presidenti po thotë pa evropianë, e këtu e kemi dallimin. Është dallim i madh ky, unë them edhe amerikanë edhe evropianë e ai po thotë me amerikanë pa evropianë. Unë mendoj që na duhen të dyja”. Çka paraqet këtu kontestuese në lidhje me qendrimin e kryeministrit, Albin Kurtin? 

        Më në fund, të gjithë ata që e respektojnë sovranitetin e Kosovës, duhe për ta ditur se Qeveria e Kosovës i merr vendimet në mënyrë të pavarur. Përkundrazi, Kosovës nuk do ti duhej Qeveria. Jam i mëndimit se rrëzimi i Qeverisë aktuale të Kosovës do të ishte akt me pasoja të rënda politike për shtetin e Kosovës. Meqenëse,  supozohet se ekziston një Marrëveshje e Fshehtë Vuçiq – Thaçi për ndarjen e Kosovës. Tani papritmas, ka indici se po ju bëhet partner dhe Kryetari e Lidhjes Demokratike të Kosovës, Isa Mustafa. 

Njohjet e tilla paraqesin një histori taragjike të shqiptarëve. Ajo vërteton tezën filozofike të Fishtës, kur ka thënë: “Jamë kundra shqiptarëve të përditshëm, por jam për shqiptarët e përjetshëm”.  

                                                                                                        

Thelbi

by

Nga Astrit LULUSHI/ Funksioni është esenca e të qenit të një njeriu a sendi. Ajo çfarë bëjmë a për çfarë përdoret, përcakton realitetin e tyre. Çdo gjë fillon nga thelbi. Njeriu krijon një thelb të gjërave dhe më pas miqësinë e armiqësinë, të mirën e të keqen në lidhje me ‘to. Të menduarit pa thelb sjell zbrazëti. Blej një send e mos e përdor, vlera e tij bie. Hiqi njeriut të drejtën e besimit dhe ke krijuar një robot që vetëm mund të mendojë sipas programimit, por kurrë të ndjejë. Në Shqipërinë e diktaturës, ky fenomen ishte mbizotërues mes klasës së arsimuar, duke krijuar një kulturë boshe dhe injorante ndaj nevojave dhe kushteve, që janë thelbësore për jetën e shpirtit. Realizmi socialist ende vazhdon. Njerëzit përjetojnë boshllëk shpirtëror, pa esencë, por gënjeshtra e mashtrime; mendimi i tyre shënohet nga një pasivitet a dembelizëm për shkak të mungesës së dëshirës a vullnetit që lindin nga shpirti. Mendimet e tyre, po t’i analizosh, janë të mbushura me abstraksione, pa shpirt, që të zezën e bëjnë më të zezë, sëmundjen më të rëndë, panikun më të madh dhe masat a ligjet më të pamëshirëshme; që e shplajnë shpirtin gjithnjë e më shumë, e bëjnë atë steril. Përndryshe, sot nëpër rrugë do të shihni jo ushtarë e policë, por automjete ndihmash me ushqime e ilaçe për njerëzit e detyruar të izoluar e në nevojë.

COVID-19 NË SHIFRAT MË TË FUNDIT

by

-BOTA : 335,403 PACIENTË TË INFEKRUAR, 14,611 TË VDEKUR, VETËM DITËN E FUNDIT HUMBËN JETËN 1598 PACIENTË.

  • U VETËIZOLUAN: KANCELARJA MERKEL, PLACIDO DOMINGO, SENATORI RAND PAUL, SENATORËT MIKE LEE ,MITT ROMNEY…
  • SHBA shënoi 8149 raste të reja, ndërkohë që numri i të vdekurve arriti shifrën 414, -epiqendra është Nju Jorku me 114 të vdekur, një e treta e shifrës për SHBA.

Nga Dalip Greca

Dita e sotme shënoi një betejë dëshpruse me Coronovirusin në mbarë botën. Senatori republikan Rand Paul i CT. ka rezultuar pozitiv për koronavirusin, duke u bërë anëtar i tretë i Kongresit dhe senatori i parë që konfirmon infeksionin. Senatori Mike Lee dhe senatori Mitt Romney, të dy republikanët në Utah, njoftuan të Dielën se do të vetë-karantinoheshin për shkak të kontaktit të tyre të fundit me senatorin Paul, ndërkohë që më shumë se 80 milion amerikan janë urdhëruar të qëndrojnë të mbyllur në shtëpitë e tyre.

Në Gjermani, kancelarja Angela Merkel është vendosur nën karantinë pasi një mjek që administroi një vaksinë ndaj saj të Premten rezultoi pozitive për koronavirusin.

Guvernatori i Ohio-s, Mike DeWine dhe Guvernatori i Luizianës John Bel Edvard, të Dielën u bënë liderët e fundit të shteteve që njoftuan urdhrat e qëndrimit në shtëpi në mbarë vendin, të cilat hyjnë në fuqi natën e së hënës. Urdhri i Ohajos parashikon një zgjatje kohore deri më 6 Prill, ndërsa në Luiziana ndalimi në shtëpi zgjat deri në 12 Prill.

Numri i të vdekurve nga shteti i Nju Jorkut ka arritur në 114, duke tejkaluar shtetin Uashingtonit dhe duke përbërë një të tretën e të gjitha vdekjeve në Sh.B.A.

Italia raportoi 651 vdekje të reja dhe pa rritjen më të ulët të rasteve, që kur filloi shpërthimi i coronovirusit.

Spanja do të zgjasë bllokimin e saj mbarëkombëtar për 15 ditë, ndërsa qeveria britanike u ka kërkuar 1.5 milion anglezëve me probleme serioze shëndetësore të vetë-karantinohen për 12 javët e ardhshme.

Koreja e Veriut tha se Presidenti Trump ofroi ndihmë në luftën kundër koronavirusit, ndërsa Libani urdhëroi ushtrinë për t’i mbajtur njerëzit brenda.

Shqipëria regjistroi të vdekurin e tretë, ndërsa Kosova të parin.

Ndër njerzit e shquar u raportua se edhe këngëtari i operës Plácido Domingo u testua pozitiv.

Lajm i mirë ishte mjekimi i ofruar nga Japonia, ndërkohë që administrata amerikane e Ushqimit dhe Barnave (FDA) ka miratuar një test të ri për koronavirusin që mund të nxjerrë rezultatin në 45 minuta. Edhe ky ëshët një lajm shumë pozitiv pasi duhet kohë për të siguruar rezultatet e testeve me metodat e deritanishme.

Po cilat janë shifrat e ditës së sotme?

Kina raportoi 0 raste të reja për të dielën, Italia që ka të infektuar 59,138 pacientë, dhe shifrën më të lartë të viktimave me 5,476 vdekje, raportoi për 651 raste të reja,të shëruarit 7,024,  rreth 46,638 janë të infektuar të izoluar dhe rreth 3 mijë janë në gjendje kritike.

Shtetet e Bashkuara të Amerikës renditen në vend të tretë ndër vendet e infektuara me 32,356 raste. Për ditën e  Djelë SHBA shënoi 8149 raste të reja, ndërkohë që numri i të vdekurve arriti shifrën 414, krahasuar me një ditë më parë u shënuan 114 vdekje plus. Rastet e të shëruarëve janë në shifra të ulta, vetëm 178, ndërkohë që rastet kritike janë në shifrat 795 pacientë që janë në mjekim intensive.

Spanja renditet e katërta për shkallën e infeksionit me 28,603 persona pacientë të infektuar, ku vetëm në ditën e  sotme u raportuan 3107 pacientë pozitiv. Numri I ët dvekurve regjsitroi shifrën 1765 persona, vetëm të djelën u raportuan 375 të vdekur , të dytët pas Italisë, rreth 1785 persona janë në mjekim intensive dhe të cilësuar në gjendje kritike.

Gjermania me Kancelaren Merkel të infektuar dhe të izoluar në karantinë, ka regjistruar 24852 të infektuar me COVID-19, ndërsa shifra e të vdekurve është 94.

Ndër vendet problematike paraqitet edhe Irani 21638 të infektuar, sot shënoi 1,028 raste të reja, ndërkohë që numri i të vdekurëve ka shkuar në 1,685, ku 129 janë raste të ditës së fundit.

Të infektuar ka thuajse nga të gjithë kontinentet. Numri i përgjithshëm i raportuar për të gjithë botën ishte 335,403 të infektuar, ndërkohë që vetëm ditën e  fundit u shtuan 30,367 pacientë të rinj të infektuar, ndërsa raportohet për 14,611 të vdekur; vetëm ditën e fundit u raportuan 1,598 të vdekur, ndërkohë që 97,636 janë të shëruarit, në gjendje kritike janë 10,640.