Analiza – Page 554 – Dielli

ZOTI KRYEMINISTËR: KTHEJANI QETËSINË ESENINIT SHQIPTAR

August 17, 2017 by dgreca

Nga Besim Ndregjoni/ President i Unionit Mbarekombetar te Integrimit te Burgosurve dhe Perndjekurve Politik te Shqiperise /

Në fillim të muajt gusht ndodhesha me pushime në Pogradec në qytetin e Mitrushit e të Lasgushit ku perla e mrekullueshme hynore liqeni, i jep këtij qyteti, madhështinë e bukurinë natyrore me pamjen e magjishme që do ta kishte lakmi çdo krahine apo qytet në botë. Po shëtisja me miqtë e mij pogradecar ish të përndjekur politike dhe rastësisht përjetova një debat në mes dy rojeve të lokalit 1 Maj, dhe dy zonjave të nderuara bijat e poetit të madh lirikut të pazevendësushëm shqiptar me përmasa botërore Lasgush Poradecit. Godina e 1 Majit ishte në tokën e Lasgushit të madh, e ndërtuar mbas viteve 90 e përkrahur nga pushtetet politike, rojet nuk u jepnin të drejtë zonjave të parkonin makinën në pronën e tyre të trashëguar brez mbas brezi. Debati ishte sa qesharak dhe aq tragjikë. Ata që kishin ndërtuar godinën në tokën e Lasgushit, nuk lejonin pronaret e ligjshme të pushonin në pronën e tyre. Ata që kishin përkrahjen e mafies pushtetare, silleshin me zonjat e nderuara si xhelatë duke u mohuar qëndrimin në pronën e ligjëshme. Duke dëgjuar këtë debat në mes pronareve të ligjshëm dhe mbrojtsve të hotelit të pa ligjshëm, mendja të shkonte larg në kohë, kur barbarët komunistë , në vitet 44-90 i nxirrnin pronarët nga pronat e tyre dhe i degtisnin rrugëve të Shqipërisë si muhaxhirë. Viktimat e pafajshëmm ishin bijat e Lasgushit poseduese e kësaj prone. Kurse mafia e pushtetit sillet si padrone ndaj këtyre viktimave që si qytetare të dermuar nga sorollatja nëpër gjygje për 27 vite nuk janë në gjendje të gëzojnë pronën. Këto viktima të diktaturës dje dhe të “demokracisë” sot , kan një emër, janë pronarët e ligjshëm zoti Kryeministër, janë Maria, dhe Konstandina dy bijat e poetit LLazi Gusho, Lasgushit të pavdekshëm. Janë qytetare dhe pronare në qytetin e tyre. Lasgushi i madh i poezisë shqipe dje në diktaturë, përbuzej nga regjimi, që si thurte lavde komunizmit . Sot vajzat e Lasgushit, zoti Kryeministër e shohin veten të përbuzura, e shohin veten si “lecka të hedhura poshtë” nga ata që nuk pranojnë të trazohen nga tregimet e tyre-historira të kaluara që u kujtojnë pushtetarve karierën gjatë regjimit komunistë. Në Pogradec tregonin se turizmi e kishte pronë një ish ministër finance të pushtetit aktual, disa hotele janë të ish ministrit të mbrendshëm, po të kësaj qeverie, vila në Hudenisht jane të filan deputeti të majtë në parlamentin e tanishëm shqiptar etj . Dhe asnjë pronarë i ligjshëm në Pogradec nuk kishte një vilë apo një hotel. Para ndërgjegjeve të këtilla ne ballafaqohemi nga një rrezik vdeksor: Ringjallja e diktaturës me një maskë të re.

Pronarët shqiptar dje në kondita ekstreme mbrotjen të drejtën , të vertetën, njerzoren dhe nderin e kombit shqiptar. Padrejtsia në këtë vend zoti Kryeministër është kthyer në formën ma të keqe të sundimit duke hedhur mbi vete mantelin e “demokracisë’.

Kohët kan ndryshuar , sistemet diktatoriale e politike, shkojnë e vijnë, por pronarët të përndjekur me karakter dhe koncepti i tyre njerzor janë vlera të përhershme. “Prezenca e së keqes” në shoqërinë shqiptare do të përfundoi në mënyrë të paevitueshme në korruptimin e plotë të atyre që sundojnë, ose në revoltën e atyre që persekutohen. Është bërë zakon në Shqipëri që për të mbuluar të vërtetën, qeveritarët akuzohen si “shfrytëzues”e “parazite”sepse shumë prej tyre kërkojnë dhe marrin pasurinë dhe pronat e sekustruar pa të drejtë nga regjimi diktatorial.

Në Kushtetutën Amerikane gjinden tri fjalë që përcaktojnë filozofinë e themeluesve të kësaj demokracie të madhe: liria, jeta dhe kërkim për lumturi (life, liberty and the pursuit of happiness) Në thelb, koncepti i pronës private kishte aq rëndësi sa edhe jeta dhe liria. “Prona private “ ( the private property) është diçka që i takon vetëm pronarit të ligjshëm, don të thotë një e drejtë ekskluzive me e gëzue në kuptimin më të gjërë të fjalës, çdo gjë që ka një çmim ose një interes e konsiderohet kryesishtë si burim pasurie.

Prona private është burimi i të ardhurave që i shërbejnë plotsimit e nevojave material e kulturore vetiake e familjare. Një gjendje e këtill e bën pronarin e lire e të pamvarun nga shteti, I pamvarun në një shoqëri ku sundon ligji, individi quhet qytetar i lire. Me ardhjen e komunizmit në Shqipëri koncepti i pronës ndryshoi rrënjësisht, ajo u përcaktua si “diçka që është në përputhje me parimet e një shoqërie që i përgjigjet kërkesave të moralit komunistë” Kjo don të thonte pasuri shtetërore , koperativiste dhe jo private. Natyrishtë pronarët e kundërshtuan dhe përfunduan në burgje dhe kampe përqendrimi. Kështu jetoi Shqipëria 45 vite diktaturë.

Por absurditeti i një zhvillimi të këtill çfaqet sot kur sistemi komunist është përmbys dhe metodat e tia vazhdojnë të aplikohen nga qeveritare të indoktrinuem që refuzojnë të pranojnë kuptimin e mirfilltë të pronës private: jetë të lire e të pamvarun nga “shteti”. Është asurde kur shihen sot viktimat e regjimit komunistë ish pronarë të sillen vërdallë zyrë në zyrë e gjykatë në gjykatë për pasurinë e trashëgueme dhe sorollaten përpara një administrate shurdh –memece që sundon këtë vend, dhe jo nga “shërbestarë” e demokracisë të shoqërisë së lire.

Zoti Kryeministër kthejani qetsinë Lasgushit në botën e amshuar, kthejani pronën Eseninit shqiptar dhe gëzoni bijat e tij duke ju dhënë pronën e tyre. Aborgoe ligjin famkeqë 7501 dhe atëhere do të ndërtoni shtet, shtet të së drejtës. Mos aborgimi i këtij ligji dhe mos kthimi i pronës tek i zoti është një këmbanë dhe paralajmrim për të gjithë ata që sot heshtin e qëndrojnë indifferent. Koha do ta tregojë!

DEMOKRACI MADE IN ALBANIA

August 17, 2017 by dgreca

Ministrin e Brendshëm të diktaturës kërkojnë ta bëjnë kryeparlamentar!/

Nga KOLEC TRABOINI/Po ndodh e pa imagjinueshmja. Ish ministrin e Brendshëm të diktaturës komuniste duan ta bëjnë kryetar parlamenti. Hesht media. Heshtin ata që mbahen për analistë. Edhe ata që mbahen për intelektuale e personalitete leshi. Frika në palcë. Jemi më keq se në kohën e Ramiz Alisë sepse atëherë nuk na mungonte guximi. Tani vrima e miut 300 grosh. Gojën lesh opozita sepse janë të lidhur me 100 fije me partinë në pushtet. Nuk flet as “krye kreshniku” që na shitej si antikomunist. Njëra dorë lan tjetrën dhe të dyja fytyrën e vet të pistë e gjakësorë. Për të ndodhi 18 maji 2017. Që askush, asnjë bandit e hajdut politik, me ose pa pushtet të mos dënohet.

Marrëveshja e fshehtë e 18 majit nuk duhet të harrohet. Duhet të dalë në drite. Duhet të denoncohet. Të demaskohet. Kjo kastë politike është kthyer në një bandë mafioze që luftojnë veç për kolltuk e pasuri marramendëse. 56 apartamente një deputet. Ku në ferr vemi. O njerëz lubi të pangopur, mjaft më!

Rast unik në të gjithë botën e qytetëruar. Dhe në vendin më të varfër të Europës. Populli vuan, kastat notojnë në pasuri. O pushtetar të hazdisur po kjo krisje e hendek social solli shkatërrimin e Perandorisë Romake. A lexoni histori apo ju janë errur sytë e trashur trutë nga deliri i fuqisë që sjell pasuria e pushteti.

Ja kanë bërë nënën këtij popullit. Edhe bagëti të kish qenë do të bënte një herë beeeeeeee. O kjo heshtje ogurzezë. Nuk është koha të heshtim po të tregojmë se nuk mund të durojmë më. Kemi prekur fundin. Nëse nuk duan të dëgjojnë për dhimbjen tonë, duhet ti bëjmë të dëgjojnë me hir apo pa hir. Le ti shurdhojmë me thirrjet tona. Mjaft më! Mjaft më! Ministri i Brendshëm i diktaturës me të egër në Europë, krahasuar dukshëm me regjimet më gjakatare në histori, do ta bëjnë Kryetar të Parlamentit Shqiptar.

E paimagjinueshme. Një ëndërr e frikshme. Që dikush kërkon ta bëjë realitet. Tmerr! Tallje. Neveri. Poshtërsi. Injorance. Revansh. Korba të kuq. Tela me gjemba. Spaç. Pushkatime. Vrasje pa gjyq. Baltë. Bunkerë. Internime. Spiunime. Përdhunime. Një kalvar gjaku i pafund. A mos jemi para kolapsit njerëzor?!

Gjithë ajo revoltë popullore, gjithë ajo përmbysje diktature në fund të viteve 90, gjitha ajo energji e rinisë në etjen për liri e demokraci humbi, u shkërmoq e shkoi në mut. O Popull i mjerë, që nuk pe një ditë të bardhë në ekzistencën tënde, zgjohu! I mësuar nën pushtime të gjata e të pafund në histori, tani çdo shtypje e dhunë të duket lumturi e madhe.

O popull i i mirë, o popull i mjerë! Ardhtë dita që të zgjohesh. Amen!

Kolec P. Traboini: organizator i mitingut për demokraci në janar 1991 në Tiranë, aty ku sot është sheshi “Nënë Tereza”. I pari që ka bërë thirrje publike në gazetën RD nr. 3, më 16 janar 1991 për heqjen e yllit komunist nga flamuri.

SHEFI I UNMIK RAPORTON NË KËSHILLIN E SIGURIMIT PËR KOSOVËN

August 16, 2017 by dgreca

PSSP TANIN, GJATË SEANCËS SË KËSHILLIT TË SIGURIMIT PËR KOSOVËN, APELON PËR SERIOZITET DHE PËRGJEGJËSI: “ARRITJA E KOMPROMISEVE TË DREJTA DHE TË VËSHTIRA KËRKON UDHËHEQJE TË FUQISHME”/

16 Gusht, 2017 – Nju Jork: Përfaqësuesi i Posaçëm i Sekretarit të Përgjithshëm të OKB-së në Kosovë dhe Shefi i UNMIK-ut, Zahir Tanin, theksoi sot para anëtarëve të Këshillit të Sigurimit se tremujori i fundit ka qenë i dominuar nga mbajtja e zgjedhjeve të parakohshme në Kosovë dhe negociatat pasuese për krijimin e një qeverie të re.

Në raportimin e tij të rregullt për Kosovën, PSSP Tanin u shpreh se vakumi i institucioneve funksionale ka sfiduar përparimin në prioritetet qeverisëse dhe shtoi se “gjatë kësaj periudhe u humbën mundësi të rëndësishme ekonomike dhe sociale.” Ai poashtu theksoi se zgjedhjet “në përgjithësi ishin të lira, të drejta dhe garuese, përkundër kohës së shkurtër të përgatijeve dhe fushatës.” U shqua zëri i shumë votuesve më të rinjë, për të cilët shqetësim dominues ishin mundësitë ekonomike, zvogëlimi i korrupsionit dhe fuqizimi i sundimit të ligjit.

Duke folur për iniciativën e propozuar nga Presidenti i Serbisë, Vuqiç, për një dialog të brendshëm mbi Kosovën, PSSP Tanin nënvizoi se “ndjekja e kompromiseve të drejta, dhe shpesh të vështira e të dhimbshme, kërkon udhëheqje të fuqishme nga të gjitha palët.” Ai theksoi se pajtimi politik duhet poashtu të përcjellet nga pajtimi shoqëror.

PSSP Tanin theksoi përpjekjet e UNMIK-ut për të mbështetur avancimin e raporteve në mes të bashkësive në terren. Në lidhje me këtë, ai theksoi tryezën e rrumbullaktë të mbajtur në Gjenevë, në bashkëpunim me Komisionerin e Lartë për të Drejta të Njeriut, për ta kthyer vëmendjen tek shumë raste të pazgjidhura të personave të pagjetur në Kosovë. Iniciativa të tjera të udhëhequra nga OKB-ja për të forcuar marrëdhëniet në shoqëri përfshijnë Asamblenë e Parë të të Rinjëve të Kosovës, ku morën pjesë mbi 140 liderë të rinjë – 60 përqind prej të cilëve ishin vajza – që përfaqësonin të gjitha bashkësitë etnike në Kosovë.

Pas tre muajsh të fushatës elektorale dhe pasigurisë paszgjedhore, PSSP Tanin nënvizoi rëndësinë që Kosova të ecën përpara me seriozitet dhe përgjegjësi, dhe që bashkësia ndërkombëtare të bashkëpunojë për të siguruar mbështetje të vazhdueshme thelbësore.

***

SRSG Tanin Calls for Seriousness and Responsibility during Security Council Session on Kosovo: “Pursuing Fair, Difficult Compromises Demands Strong Leadership”

16 August, 2017 – New York: The Special Representative of the UN Secretary-General in Kosovo and Head of UNMIK, Zahir Tanin, highlighted to Security Council members today that the past quarter had been dominated by the holding of an early general election in Kosovo and ensuing negotiations to form a new government.

In his regular update on Kosovo, SRSG Tanin expressed that a functional institutional vacuum had made it challenging to progress on governance priorities adding that “important economic and social opportunities were missed during such a period.” He also highlighted, however, that the election was “generally free, fair and competitive, despite the very short preparation time and campaign.” The voice of many new and younger voters for whom prominent concerns were economic opportunities, reducing corruption and strengthening the rule of law were notable.

Noting the proposed initiative of President Vucic of Serbia for an internal dialogue on Kosovo, SRSG Tanin underlined that “pursuing fair, difficult, often painful, compromises demands strong leadership from all sides.” He stressed that political reconciliation must also be accompanied by societal reconciliation.

SRSG Tanin noted the UN Mission in Kosovo’s efforts to support the advancement of inter-community relations on the ground. In that regard, he highlighted the round-table meeting in Geneva co-hosted with the High Commissioner for Human Rights to bring attention back to the many unresolved cases of missing persons in Kosovo. Other UN-led initiatives to strengthen societal relations included the first UN Kosovo Youth Assembly was attended by over 140 young leaders – 60 percent of them women – representing all Kosovo’s ethnic communities.

After three months of election campaign and post-election uncertainty, SRSG Tanin underlined the importance for Kosovo to move forward seriously and responsibly, and for the international community to work together to continue to provide essential support.

Opozitarizmi i Monës

August 16, 2017 by dgreca

5-Ilir-levonja-2-288x300-1-250x260

Nga Ilir Levonja/

Monika Kryemadhi, nga Jala, i deklaroi shqiptarëve se vendi po shkon drejt një diktature, për shkak të një qeverisje të keqe dhe autoritarizmit të Edi Ramës. Dhe se, së shpejti, LSI do bëj një opozitarizëm frontal kundër çdo padrejtësie.

Në fakt është absurde, si vet natyra e politikës shqiptare.

Pasi akuzuesit i posedojnë plotësisht vet, ato për të cilat akuzojnë kundërshtarin. Eshtë absurde sa edhe për faktin tjetër. Se krahas një fushate të ashpër akuzash, karshi njëri-tjetrit, për drogë, vjedhje, përfitime tenderash, uzurpime institucionesh etj…, për një qeverisje të keqe nga PS, LSI-ja e familjes Kryemadhi-Meta qeveriste edhe vet. Madje u përfshinë në një garë zhvatje, deri tek hekurat e shinave, për shkak të një pasigure të së ardhmes. Se cila do të ishte forca e parë a e dytë. Kësisoj, kush ta shqyente më shumë shoqi-shoqin. Këtij zullumi iu bashkua edhe PD-ja e Lulit me shoqërinë e Fahrisë. Dhe ca djemve të tjerë, baballarët e të cilëve nderonin deri vonë me grusht tek temthi. Sot natyrisht me dy gishta përpjetë. Pra qershori i kaluar, ai i zgjedhjeve, për shqiptarët ishte një teatër absurd. Aq sa ata, të budallepsur, ata, votuesit, qytetarët, u dhanë vota me shumicë Edi Ramës, pastaj Lulit dhe Fahrisë, por pa lënë pas dore edhe familjen presidenciale, Meta.

Që nga ajo ditë qershori, paria ka shkuar me pushime, kurse vendi është përfshirë në zjarre, mban sytë nga Greqia për ndonjë helikopter uji. Dhe lufton me vetveten, duke pështyrë korifejtë e artit. Dhe ata që ikin. Pa i dhënë aspak rëndësi faktit se paria nga pushimet, e gjitha, edhe qeveris, edhe bën opozitën.

A do jetë Mona një opozitare e fortë, frontale? Vertetë asaj i dhimbset vendi? E, vërtetë, i dhëmbin padrejtësitë e qeverisjes ku edhe ajo bën pjesë? Ku edhe ajo pranon se ka gabuar dhe se kanë faj të përbashkët në dështimet e deritanishme? Po ua them unë me plot gojën, asnjëherë. Ky është një truk i radhës… Dhe dhëntë Zoti që shqitarët të ftohen nga koka e të kuptojnë përfundimisht se, me këtë parti kastë familjare, me kastën e Fahrisë nga krahu tjetër etj. Me milionerët e një kuvendi, zor se bëhet ai vend. Një opozitarizëm prej Monës dhe familjes së saj, është angllish për një arsye të thjeshtë…, LSI nuk është as e majtë dhe as djathtë. Një forcë politike e krijuar prej ndarjes, shitjes dhe blerjes. Një forcë pragmatiste mbi organikat. I ka dhënë vendit ”kuadro” me shumicë. Mungesa e identiteti politik, zgjedhjet me vote salle, qarkullimi i pushtetit brenda familjes.

Janë, jo shpresë, por dorëzim tek të fortët. Një politikë tipike e krejt ballkanit perëndimor dhe lindjes së mesme e të largët.

Megjithëse deri diku, tek ne, forcat politike e kanë zbehur identitetin e tyre. Ndaj kjo e përforcon akoma konstatimin e mungesës së opozitarizmit real dhe aq të domosdoshëm për një vend, a demokracinë e tij. Ashtu sikur forcon konstatimin tjetër luftën e ashpër të sojit brenda sojit. Kështu, i bie, që Mona, do bëj opozitë për vendet e humbura në dogana, drejtori arsimore, hekurudhash, resortet turistike, etj. Jo për shqiptarët, por për lësistat. Jo rastësisht sot Shqipëria është plotësisht në një luftë të ftohtë. Ku gjithçka mbetet në kuadrin e denoncimit publik dhe aq. Jo rastësisht Shqipëria dominohet nga të njëjtit elementë. Dhe i beson Monës. Dhe pret se me të vërtetë në shtator do të nisi kthesa. Ndryshimi. Jo, nuk ka për të ndodhur. Përkundër pritshmërisë, po i siguroni dyfish Monës dhe familjes presidenciale një vend në stanjacionin shqiptar.

Huffington Post për vizitën e senatorëve amerikanë

August 15, 2017 by dgreca

Gazeta “Huffington Post” e datës 14 gusht 2017, i ka kushtuar një shkrim të vecantë vizitës së katër senatorëve amerikanë në shqipëri.Midis të tjerave HP shkruan:

Një delegacion senatorësh amerikanë ka udhëtuar drejt Tiranës këto ditë, për t’u takuar me udhëheqësen e opozitës iraniane, Maryam Rajavi, që kryeson Këshillin Kombëtar të Rezistencës së Iranit.
Senatorët Roy Blunt, John Cornyn dhe Thom Tillis kanë takuar edhe anëtarë të organizatës së popullit muxhahedin të Iranit në Tiranë. Organizata, Këshilli Kombëtar i Rezistencës, është një koalicion politik që kërkon ndryshim regjimi në Iran dhe konsiderohet si kërcënimi kryesor për mullahët e Teheranit.
“Senatorët, – citon “Huffington Post” një deklaratë të Këshillit Kombëtar të Rezistencës, – përgëzuan për zhvendosjen e sigurtë të të gjithë banorëve të kampit të lirisë jashtë Irakut dhe i uruan atyre sukses në betejën për demokraci dhe të drejtat e njeriut në Iran”.
Vetë opozitarja Rajavi shprehu mirënjohje për përpjekjet e palodhura të Senatit amerikan për mbrojtjen e mijëra opozitarëve dhe zhvendosjen e sigurtë të tyre në Shqipëri. Liderja e opozitës iraniane i ka falënderuar senatorët për ndihmën që kanë dhënë ShBA-të për zhvendosjen e sigurt të këtij grupimi në Tiranë. Po ashtu shtohet se Maryam Rajavi falenderoi Senatin amerikan, veçanërisht senatorin Blunt, lidhur me mbrojtjen e mijëra anëtarëve të MEK-ut në kampin “Liberty”, Irak. Delegacioni i Senatit u takua edhe me një numër anëtarësh të MEK-ut, si dhe me dëshmitarë e viktima të mizorive të regjimit iranian në Iran dhe kampeve “Ashraf” dhe “Lirisë”. “Senatori Blunt, – nënvizon gazeta, – ka qenë mes disa udhëheqësve amerikanë, që dënuan rolin destruktiv të Iranit në Irak”.
Duke e cilësuar Teheranin si pjesë të problemit që po destabilizon Bagdadin dhe të gjithë vendin, Blunt ju bashkua nismës për transferimin urgjent të opozitarëve iranianë që mbaheshin në një ish-bazë ushtarake amerikane të njohur si Kampi Liria, afër kryeqytetit irakian.
Pas shumë vështirësish, opozitarët u transferuan jashtë Irakut, në një numër vendesh europiane, por pjesa më e madhe u vendosën në Shqipëri. Vizita e fundit e senatorëve vjen në një kohë kur Uashingtoni ka vendosur sanksione të reja mbi Iranin, për mbështetjen nga ana e tij të terrorizmit dhe shkeljen e të drejtave të njeriut. Ajo, sipas analistëve, i dërgon një sinjal të fortë Teheranit për mënyrën sesi opozita po fiton terren.Katër senatorët amerikanë Roy Blunt, John Cornyn, Tom Cotton dhe Thom Tillis të cilët kanë zhvilluar një vizitë në Shqipëri veç bisedave me krerët e politikës shqiptare kanë zhvilluar dhe një takim me lideren e opozitës iraniane, Mary-am Rajavi, që drejton Këshillin Kombëtar të Rezistencës së Iranit, (KKRI). Duke zbardhur bisedën e zhvilluar mes senatorëve dhe përfaqsuesve të opozitës iraniane, “Huffington Post” e ka konsideruar këtë vizitë, një takim të rëndësishëm që paralajmëron sanksione të tjera për Iranin. {SH.K}.