Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Një pyetje për ministrat dhe…

by

Zotëri ministra dhe z.Stavileci çfarë gjykimi e kish prit nga ju Mixhën Ramë me 25 fëmijë?/
Shkruan Asllan Dibrani/
Blerand Stavileci, “Ministrit i Zhvillimit Ekonomik”, i cili në emisionin Interaktiv të KTV me deklaratat e tij i ngjasonte disa komunisteve serbo-shqiptarë në kohen e ish-Jugosllavisë?Kur mbronin organet e shtetit të Jugosllavisë-Serbisë , ata i denonconin shqiptarët e varfër si antijugosllav të nxitur nga irredentizmi shqiptarë që kishin shume fëmijë, gjëja se kanë dorë në shtimin e popullsisë në Kosovë me qellim te rrezikimit jugosllav!. Deklarata e Stavilecit i ngjashme me ato te çetnikëve dhe bashkëpunëtoreve shqiptar asaj kohe! Edhe çetnikët serbë kërkonin që shqiptarët nuk duhet të kenë shumë fëmijë ,sepse po e rrezikojnë Serbo-Jugosllavinë komuniste që gllaberoj tokat shqiptare. A thua është kjo koincidencë, apo ndoshta Blerand Stavileci është ndonjë pinjoll i komunizmit serbo-Jugosllav, le të mbetet ta bëjnë organet kompetente nëse kanë guxim tu shpallin luftë të apostrofuarve që për çdo ditë kanë filluar ta qesin kokën në shërbim të Serbisë!!!
Ministrat e Isa Mustafës e lëshojnë deklarata si lopa bajgën !!!
Kosovës po i ndodhe si shpesh, ajo fjala e urtë popullore një budalla e hedh gurin në bunar(pus) njëqind nuk munde ta nxjerrin! Apo fjalën fjala tjetër e lëshon si lopa bajgën vend e pa vend!.
Edhe ky ashtu veproj’?. Ashtu e lëshoj bajgën nga goja në vende të merremi me punë shumë më madhore, tash po na duhet me u marre me një deklaratë absurde të një të pa afti, një politikani qe vërtetë qe rastësia po i sjell në vende kyçe politike. Është dashtë deri tani të jap dorëheqje të menjëhershme sepse kështu paaftësia e tyre ka filluar të dal për lendinë .
-Ky dhe tjerët si ky do të ishte fat sikur, të largohen nga organet e Kosovës sepse, vet praktika tregon masë miri se në ç’mjerim dhe çfarë shkatërrimi i sollën Kosovës dhe ua irrituan shqiptarëve atdheun?!. Këta janë që imponuan demonstrativisht ta lëshojnë Kosovën populli!!!. Këta janë edhe shpresën ua morën shqiptarëve të shumë vuajtur në pritje ,se një ditë do t’i ngroh dielli edhe këta pakëz .
A thua se çdo herë duhet një Kolë Shrokë të jetë kujdestar si ky injorant i leksikoneve edhe për seks ndaj qytetarëve të Kosovës në sherbimin e Serbisë?
“Ata që kanë 300 euro të ardhura mujore nuk duhet të bëjnë nga 7 fëmijë”, ishte një pjese e dekoratës së ministrit dhënë në emisionin televiziv “Interaktiv” të KTV-së. A thua se çdo herë duhet nga një Kole Shrokë të jetë kujdestar si ky injorant i leksikoneve për seks ndaj qytetarëve edhe se kur me fjet me gratë apo burrat e vet. Sipas tij këtu duhet të jenë dy klasa të varfrit që duhet me lind pak fëmije, pak seks,pak ushqim me ngrenë është fjala për ata që i kanë të ardhura vetëm 300 Euro.
Çka i kish bërë ky ministër mixhës Ramë nga nga Danisheci me 25 fëmije i , axhës Bilall edhe ai nja 15,axha Selim nja 13 fëmijë ???
Hej more ministër , po çka me i bere banës Feti qe na lindi 7 fëmijëve,ai pa punë ka qenë po na shkolloj dhe secili u shpërndamë në interesat e vendit dhe ne shërbimin e tij.Ai kurrë se ka marre edhe nje grosh nga ish okupatori se i pa punë ishte dhe vdiq Po lind pyetja tjetër, se çka i kish bërë ky ministër mixhes Ramë nga nga Danisheci qe e njoh dhe 25 fëmije i ka pas. Po axhës Bilall edhe ai nja 15,axha Selim nja 13 fëmijë. A thua se çfarë gjykimi i kish prit ata , nga këta ministra. O baca Ramë e axha Bilall, axha Selim e ju të tjerë me shumë fëmije zoti ju ka shpëtuar qe ju mori shpirtin dhe vdiqët pa ardhë në pushtet këta alamet ministra në qeverinë aktuale se ku me dit se cfar gjykimi kishit m e pas. Me ligjet e tyre paskan pas me ju qit në konop për gjithë ata fëmijë dhe gjithë atë seks qe e keni bërë me gratë e juaja !!!.
Lind pyetja tjetër se çka me bërë ata të pa punët afër 60 % e popullatës janë të pa punë .Sipas ministrave të Isa Mustafes këta duhet privuar nga seksi, kurr mos me bërë seks ,me, gratë e tyre as me lind fare fëmije… Sipas zotit Stavileci këta duhet të pajtohen me fatin e varfërisë dhe të zhduken nga kjo botë e mos ti bëhen barre këtyre të pasurve dhe ministrave të tanishëm dhe të pasurve!!!.
Pra, sipas planimetrisë zhvillimore të ministrit ekonomik kjo është raciste, antishqiptare dhe diskriminuese , kur dallon popullin këtu në të varfër pa të drejt dhe të pasurit me të drejtë lirie që të kenë fëmijë sa të duan pa limit!?. -Ky ka shkuar sipas leksikoneve të disa hoxhallarëve antikombëtar dhe degjenerues kur ligjërojnë se “Një burrë ,ka drejt me i pas 7 gra. Me 7 gra me pas seks!!!. Edhe më shumë gra bile për ata që kanë pare edhe 72 gra me i bërë ,s’paska kurrfarë problemi ! Qenka e lejueshme sipas kuranit? . Ndërsa ai që s’ka pare , me mbet edhe pa as një grua. Ata që s’kanë pare as edhe njëherë nuk u lejohet me shijuar aromën e dashurisë e lere qe ta ketë në shtrat ndonjë grua me fjet me të e me pas fëmije…
Kjo deklarate diskriminuese, qon në injorancë të pa presidence nga ministëra të këtillë. Sepse në “Shtetin e Blerandit, privilegjohen dhe çmohen shqiptarët dhe kriminelët e pasur, të cilët ministri Stavileci i lejon të lindin fëmijë sa të duan .Sa të duan gra! Sa të duan liri sa te duan para pa kufi.
O zotëri ministra a ti mbyllim sytë pranë këtyre deklaratave skandaloze qe vetëm klasa politike e Kosovës din t’i linçoj dhe t’i lëshoj me një papërgjegjësi?.
Ministra t’padijshëm e pa ide kreative, plot mllefe e komplekse, urrejtje na etiketojnë ne gazetarëve si “Qëllimkëqij” që shohin veç zi… O zotëri ministra a ti mbyllim sytë pranë këtyre deklaratave skandaloze qe vetëm klasa politike e Kosovës din t’i linçoj dhe t’i lëshoj me një papërgjegjësie!’?.
Sipas Blerandit, njerëzve të varfër nuk duhet tu jepet rast të lindin, sepse, i varfëri sipas teorisë së tij prodhon varfëri. Ky ministër në vend se të merren me zhvillimin ekonomik , shkollimin e femrës, ngritjes se saj në planin emancipues dhe edukativ ai merren me paragjykime apo me debatin e misionareve aziatik si ministrit Ferid Agani për vënien e shamisë në kokë . O jo, jo, dhe jo, këtu ka të bëje mor injorant me ligje plane ekonomike ,zhvillim edukativ dhe arsimor ngritje ne te gjitha nivelet.
Ju luftoni ta keni një femër shqiptare të pa ditur dhe tu lajnë këmbët e qelbura në mbrëmje duke vrapuar pas hajnisë , tenderëve dhe kriminalitetit tërë ditën!?.
Të ngitet standardi familjar, atëherë vetvetiu vjen vetëdija dhe vet populli vendos se sa fëmijë me i bërë! Sa herë me fjetë me gra e tyre etj etj .Ju keni prodhuar analfabet në ketë popull . Edhe Kuvendi i Kosovës ka të tillë sa të duash!. Ju luftoni ta keni një femër shqiptare të pa ditur dhe tu lajnë këmbët e qelbura në mbrëmje duke vrapuar pas hajnisë tenderëve dhe kriminalitetit tërë ditën. Ju s’keni kohë të merreni me zhvillimin e kësaj shoqërie në arsim , kulturë dhe edukatë, po edhe në ekonomi!. Po ky ministër mori rroge 6 muje, pa bëre asgjë e tash del e flet për standardin dhe planifikimin familjar me aq varfëri brutale qe ekziston. E pyesim zotin ministër se ku janë shtesat femërore ,ku është mjekimi, ku është arsimi, ku është kultura ,ku janë benificionet tjera apo sigurimi shëndetësor?. Këto kushte duhet ti ketë Kosova pastaj të dalësh me këso deklaratash, sepse çdo shtet pa prodhimin e popullsisë dhe pa fëmijë, ai shtet vdes vetvetiu, siç ,po i kanoset vdekja Kosovës nga skenar të ndryshëm me rastin e shpërnguljes së shqiptarëve nga Kosova gjatë kohëve të fundit.

Incidentet që tensionojnë veriun

by

Shpërthimi, i cili ka ndodhur të shtunën në Mitrovicën Veriore, pak pas orës 6 të mëngjesit, ka rezultuar me dëme materiale, por pa pasoja fizike në njerëz.
Lajmin e kanë konfirmuar zyrtarët e Policisë së Kosovës, të cilët kanë theksuar se shpërthimi dyshohet të jetë shkaktuar nga një granatë dore.
Zëdhënësi i Policisë së Kosovës, Daut Hoxha, i ka thënë Radios Evropa e Lirë se menjëherë pas shpërthimit, zyrtarët e policisë dhe ekipet e dominimit kanë dalë në vend të ngjarjes.
“Rreth orës 6 e 10, në rrugën ‘Mbreti Pjetër’ në Mitrovicë, ka ndodhur një shpërthim. Dyshohet të ketë qenë një granatë dore, me ç’rast janë dëmtuar 9 automjete dhe 11 lokale. Aty vërehen dëme të mëdha materiale, por nuk ka të lënduar në njerëz. Rasti është klasifikuar si shkaktim i rrezikut të përgjithshëm. Të gjitha njësitet relevante policore, si dhe ekipet e deminimit kanë dalë në vendin e ngjarjes”, ka thënë Hoxha.
Hoxha ka shtuar se Policia e Kosovës po i zhvillon procedurat hetimore për zbardhjen e rastit, i cili është vlerësuar “shkaktim i rrezikut të përgjithshëm”.
Ndryshe nga vitet e mëparshme, në muajt e fundit, në Mitrovicën e veriut nuk ishin shënuar shpërthime. Por, shpërthimi i së shtunës, ka nxitur reagimin e njohësve të rrethanave të sigurisë në vend.
Naim Maloku, ekspert për çështje të sigurisë, duke folur për Radion Evropa e Lirë, shpreh mendimin se incidenti i fundit në Mitrovicën e Veriut, nuk është befasues, madje as rezultati i incidentit, i cili, ka kaluar pa pasoja fatale për njerëz.
Sipas tij, e gjithë kjo është në vazhdën e atyre angazhimeve dhe përpjekjeve destruktive të palës serbe që ta mbajnë në tension situatën në veri.
“Është e ditur se janë shërbimet sekrete që e mbajnë të tensionuar situatën atje. Pala serbe është aty. Atë e dinë të gjithë, edhe faktori ndërkombëtar. Edhe ne e dimë, por edhe ata e dinë që ne e dimë. Asgjë këtu nuk është e re. Pra, mbahet situata e tensionuar aty. Ose, e kanë instrumentalizuar ndonjë grup radikal atje që përmes tij e mbajnë situatën e tensionuar atje”, thotë Maloku.
Maloku shton se të gjitha këto janë porosi se kinse nuk është bërë zgjidhja në veriun e Kosovës dhe se ata kërkojnë zgjidhje deri në përmbushjen e kërkesave maksimale që kanë serbët e veriut të Kosovës dhe vetë Serbia.
“Këto janë veprime shtyse për ta prurë dialogun në atë përfundim që Asociacioni i komunave serbe të marrë kompetenca ekzekutive dhe të krijohet ajo ‘mini-Republika Serbe’ në territorin e Kosovës. Ndoshta, me më pak kompetenca se sa që i ka ‘Republika Serbe’, por në njëfarë formë ta krijojnë ata një shtet brenda Kosovës”, thekson Maloku.
Ndryshe, shpërthimi i së shtunës në Mitrovicën e veriut ka ndodhur para një lokali afarist, me ç’rast janë dëmtuar edhe xhamat e veturave dhe banesave në afërsi. Tash për tash, sipas zyrtarëve të policisë, ende nuk ka persona të dyshuar dhe nuk dihen motivet e shpërthimit në Mitrovicën e veriut.(Kortezi: Bekim Bislimi)

MOTIVET E ISIS

by

Cilat janë motivet e udhëheqjes së Shtetit Islamik? I cili vazhdon të kryejë masakra në Lindjen e Mesme dhe Afrikën Veriore dhe duket se ka ambicje globale. Disa analistë në rajon thonë se interpretimi që ISIS i bën Kuranit, i kombinuar me bindjen se po afron fundi i botës, janë faktorët që i japin formë strategjisë dhe sjelljes barbare të këtij grupi. Shteti Islamik vazhdon të trondisë botën. Aktet e këtij grupi si ekzekutimi i të krishterëve egjiptianë, djegia e pilotit jordanez, apo skllavërimi i grave jazidi, janë shembuj të një sjelljeje jashtë çdo kufiri të tolerancës njerëzore. Ata vazhdojnë të përhapin video ku mburren me dhunën që kryejnë. Analistët thonë se ekstremistët bazohen tek një interpretim i “Kuranit” si dhe tek profeci të shekullit të 7-të. Peter Bergen, është analist për çështje të sigurisë për rrjetin CNN dhe nënpresident i Fondacionit Amerika e Re. Ai thotë se udhëheqësit e ISIS besojnë në një interpretim të “Kuranit” që bazohet tek lufta. “Po të nisesh nga logjika, nuk ke interes të futesh në luftë me Amerikën dhe 60 vende të tjera, të tërë botën arabe me Jordani, Egjipt, etj. Por ata nuk mendojnë me logjikë, por nisen nga bindja se po afron fundi i botës”. Zoti Bergen thotë se udhëheqësit e ISIS besojnë se bota do të marrë fund së shpejti dhe se beteja përfundimtare do të zhvillohet në qytetin Dabiq në Sirinë veriore. Kjo profeci shoqërohet me interpretime të zbukuruara nga rekrutët e ISIS, të cilët besojnë se ata që konsiderohen si luftëtarë të krishtërimit, apo të pafetë do të munden nga luftëtarët e Islamit. Shumë analistë thonë se ky grup ekstremist është i interesuar që Perëndimi të pushtojë Sirinë, pasi kjo do të konfirmonte parashikimet e tyre. Profesor John Horgan është drejtor i Qendrës për Studimet mbi Terrorizmin dhe Sigurinë në Universitetin e Masaçusetsit në Lowell. “Shteti Islamik do që ne të besojmë se kjo është luftë për besimin, se kjo është një përplasje civilizimesh që do të sjellë një betejë të drejtpërdrejtë mes palëve kundërshtare”. Disa ekspertë në rajon thonë se udhëheqja e ISIS është e bindur se përfaqëson vijën e frontit në një luftë fetare, madje kozmike mes së mirës dhe së keqes. Analistë si Peter Bergen thonë se është e nevojshme që ISIS të dënohet nga një numër klerikësh myslimanë si dhe figura të tjera. “Ata besojnë vërtetë në pikëpamjen salafiste, ekstremiste të botës dhe kundërvënia e vetme ndaj kësaj pikëpamjeje është një përgjigje ideologjike. Të vetmit individë që janë të aftë ta bëjnë këtë si duhet janë udhëheqësit dhe dijetarët myslimanë, të cilët mund të argumentojnë se si kjo sjellje është një shtrembërim i shëmtuar i fesë islame” Analistë të tjerë thonë se shumë luftëtarë të huaj janë bashkuar me ekstremistët pasi ndjehen të papërmbushur në shoqëritë e tyre dhe përpiqen të gjejnë një mision për jetën duke u përfshirë në luftra jashtë vendit. Disa prej tyre janë xhihadistë të betuar, por ndryshe nga udhëheqja ata nuk nxiten nga besimi, thotë profesor John Horgan: “Ngazëllimi i aventurës, kënaqësia që të sjell shoqëria me njerëz që kanë të njëjtin botëkuptim, të gjitha këto janë faktorë të fuqishëm nxitës. Pikërisht këto elementë ISIS ka arritur t’i përcjellë me shumë sukses përmes medias sociale”. Analistët rajonalë thonë se mënyra për të mundur ISIS është të eliminohet udhëheqja dhe të rimerret territori që është zaptuar nga ky grup. Zyrtarët amerikanë thonë se 30% e territorit që kontrollonte ky grup në Irak tani është përsëri në duart e autoriteteve irakiane. Sipas analistëve, me zvogëlimin e terrenit që kontrollon ISIS do të bjerë edhe fuqia e mesazhit të tyre për afrimin e fundit të botës.
Marrë nga VOA, 27 shkurt 2015.

Ç’FARË KOMBËSIE JEMI NE,FUSHË MURSIOTËT RRËNJËS?

by

Shkruan: KOZMA TAHO -Clearwater,Florida/
Kombet nuk janë insekte që mund të heqim dorë e të braktisim aq kollaj kombësinë, gjuhen , zakonet dhe traditat e tyre si gjarperinjtë që ndryshojnë lëkurën , të mohojmë etërit,mëmedheun dhe fisnikërinë e tij, traditat e trimërisë së vet;është anakronizëm dhe e pa dëgjuar që në historinë e kombeve të gjejmë një popull aq haram dhe indifferent ndaj vetvetes./
ANASTAS KULLURIOTI (1822—1887 )/
Trojet e para tokës së Butrintit, të cilat sot njihen nën emrin Komuna e Xarrës , para pak vitesh njiheshin nën emrin Fusha e Vrinës dhe edhe pak më pare nën emrin Fusha e Mursisë. Këto troje banohen sot nga një popullsi e perzier si nga ana etnike ashtu dhe nga ana fetare. Para 60—70 vitesh etniciteti i kësaj zone ishte tejet i pastër e i pa përzier . Pikërishtë kjo përzierje si dhe problemet ekonomiko – politico- shoqërore , interest personale të çastit , lindur gjatë kësaj periudhe të gjatë e të vështirë tranzicioni , përfshir edhe prapagandën e pandërprerë të kishës ortodokse greke ; e duan këtë zone me nje kombësi të tjetërsuar. Por , amund te tjetërsohet kombesia ? A mundet që ajo të jetë ne dorë të individeve , qofte edhe grupeve, per ta vetdeklaruar atë ? Gjykoj se kjo nuk mund të jete as e sakt , as e vertet dhe as e pranushme.Por cila është kombësia e popullsisë rrënjëse te kesaj zone ? Studiuesit që janë marrë me problemet e kombeve e kombësive paraqesin disa elemend në të cilat bazohen percaktimi i tyre . Ndër këta element ata rëndisin a) Trashëgimin material e kulturore ku pefshihen , besimi fetar aktual e parak , tradita e zakone , kënget , vallet, , vajet, veshjet etj . b) gjuha e folur e trashëguar brez pas brezi. c)Pozicionimi në nje teritor te caktuar për shumë breza. Etj . Le të paraqesim shkurtimisht si paraqiten këta element në këtë zone . Mursia dhe anekset e saj Xarra e Çifliku përbëheshin nga popullsi të krishtera të rritit ortodoks , ndërsa Kllogjeri e Konispoli ishin popullsi të besimit mysliman . Pamvarsisht nga këto ato rridhnin nga një besim i përbashkët që i përkiste Panteonit të Perëndive Zeusiane Dodojane . Madje edhe sot këto popullsi ruaj lutjen në “ Baba Zotin e Madh e te ergjdt “ qe nenkupton gjithsesi Zeusin . Mjafton te kujtojm se kur bënte moti i keq , me bubullima ,vetëtima e shkrepetima , gjyshet dhe nënat tona na qetësonin duke na thënë se ; është Baba Zoti që kalon me karroc dhe shkon të luftoj të këqijtë , kuçedrat, përbindshat , stihit . Por më interesante dhe tepër domethëse ështe lutja në “Baba Tomorin e Madh e të Ergjdt” e cila vulos edhe prejardhjen e kësaj popullsie që i përket me pa mëdyshje trungut Iliro- thrako –pellazgë . (kujtojmë se faltorja e lashte Zeusiane e Dodonës ishte ndërtuar nga pellazget , për së pari në Tomor, Malin e shënjtë të gjithë shqiptareve ) Po ashtu ruajn në memorien e tyre element që të çojnë edhe më se lashti , në besimin druid Iliro- Kelt, duke shenjtëruar lisin, rrapin , vjeshtullën (hurdhen), ullirin etj. Kaq i fort ishte ky besim sa që ime gjyshe besonte se im at mbas dymbëdhjet trembëdhjet lindjeve jetoj vetëm se djepi i tij, sipas nje porosie, u bë me dru vjeshtulle; per të cilin na la porosi ta hidhnim në lum pas vdekjes së tij . Këto popullsi betohen ende në gur, tokë, zjarr, male, fusha, diell hënë etj që rrjedhin nga besimet Iliro – Epiroto –Pellazge para Zeusiane. Kulti i gjarpërit , random i konsideruar iliro – pellazge është ende present në këto popullsi . Gjarpëri i shtëpisë konsiderohet ogur i mirë e nuk duhet vrarë . Bullari , një gjarpër ngjyrë rozë e trup madh konsiderohet i shënjtë e po ashtu nuk duhet vrarë ( Kujtoj se sipas mitologjisë Kadmi e Harmonia u shndruan në bolla e u dërguan në Fushat Eliziane) Gratë e Fushë Mursisë besojnë edhe sot se larja e flokëve me ujin ku është vëluar lëkura e gjarpërit i bën ato më rezistente më të gjata e më të shndritëshme.
Këngët , vallet , Elementët e shumtë tradicional të përfshir në dasmat , vajet, shpalosin tërësisht trevën jugore të shqipërisë me element lidhës gjuhen e përbashkët shqipen toskërishte . Interesante e mjaft domethënës është një fustan paje i punuar tërësisht me fije leshi e që me përjashtim të ngjyrë është një kopje e përkryer e xhubletës; “ fustë” e quanin nënat tona .
Gjuha e folur në Fushë Mursi e trashëguar brez pas brezi është gjuha shqipe e dialektit toskë ku përfshihen mjafte element të përdorimit zonal. Në të hasen një grup fjalësh që parapëlqejn të përdorin “ Ύ “ të alfabetit grek në vend të “g “ së shqipes si dhe “ X “ e alfabetit grek. Interesante është se disa fjalë të këtyre grupimeve nuk i kam gjetur në fjalorët e greqishtes. Une kam bërë një studim të veçant lidhur me këtë të folur dhe ftoj gjuhëtarët të merren me studimin e saj . Besoj se mund të jetë çelsi pë të përkthyer në mënyrë shkencore mbishkrimet e Butrintit. Shkoni në fecebooks dhe do të shikoni se sa mirë bashkfshatarët e mi e shkruajn greqishten me alfabetin e shqipes. Askujt prej tyre nuk u shkon ndërmënd se para 2300- 2400 vitesh të paret e tyre e shkruanin shqipen me alfabetin e greqishtes, i vetmi në përdorim në ato mote. Kjo është e vlefëshme edhe për ata që duan e janë përpjekur të dekriptojnë , lexojnë e përkthejnë nëpërmjet gjuhës greke të vjetër mbishkrimet e Butrintit.
Popullsia rrënjëse e Fushë Mursisë është zotruse e këtyre trojeve për një periudhë kohe shumë të gjatë e që të çon deri në mijëvjeçarin e dytë para erës sonë. Emrat mitiko – gjeografik të tillë si Kamare për burimet rrëzë Çukës së Ajtoit, Mallathre për pjesën jugore të kësaj fushe, Bundo e Kandale për mesin e saj, Bular për kodrat verilindore, Kalivua , Diapor , Ajdonat etj., si dhe vet emri i Butrintit tregojnë jo vetem lashtësin por edhe vazhdimësinë e pandërprerë të saj.
Së fundi : A do të pranonin antropologët shkëputjen dhe tjetërsimin e kësaj grup popullsie, tërësisht brakicefale, madje hipërbrakicefale ku jo rrallë shfaqen edhe elementët bjond e sy shkruar ?? Shumë e rëndësishme eshte të mos ngatrrojme shtetesine me kombesine . Në trojet tona janë vendosur minoriteti grek, arumun, maqedon etj , të cilët janë shtetas shqiptar.– Por a janë këta bashkëkombas shqiptar? Poeti i madh , dhe dijetari i shquar i rilindjes kombëtare Naim Bej Frashëri ka shkruar : “ Mëmëdhe quhet toka , ku më ka rënur koka , ku kam dashur mëm’e atë , ku më njeh dhe gur’i thatë, ku kam pasur shtëpinë, ku kam njohur perëndinë. Stërgjishrit ku kanë qënë , dhe varret q’i kanë lënë, , ku jam rritur me thërrime, Ku kam folur gjuhën time, ku kam fis e ku kam farë, ku kam qeshur ku kam qarë , ku rroj me gas e me shpresë , ku kam dëshirë të vdesë.” Përfundimisht ; sa është përshkruar më lart përbëjnë ate barikad që nuk na lejon të deklarojm sipas dëshirave personale apo grupore përkatësinë etnike . Jashtë tyre gjith kush mund të deklarohet si të doj .
KOZMA TAHO
Clearwater , Florida — Shkurt 2015

NJË DINJITET I “SAKATOSUR“ DHE I VRARË!?

by

Nga Fadil LUSHI/
Para se ta hidhja në letër kryetitullin e këtij vështrimi, fillimisht ia shpjegova një “mikut” tonë. U bëra “pishman” pse ia ftillova, sepse kjo gjë nuk do t’i hynte në punë. Ky “miku” ynë nuk është “dosido njeri”. Ka kohë që ka një “hall të madh”(!?) dhe ky hall lidhet me vit-lindjen e tij. Sa herë që feston ditëlindjen nuk i “dalin hesapet” hiç fare, jo se nuk di të “hesapojë”, por pse nuk e pranon të vërtetën. Sipas kalendarit të ri, gjegjësisht atij gregorian, ditëlindja e tij është e lidhur ngushtë me muajin shkurt të vitit të brishtë. Pos këtij “halli”, ka edhe shumë të tjera të tilla. Ç’është e vërteta, ky ka shumë kohë që nuk “merret me politikë”, por ata që e kanë inat thonë të kundërtën, se “politika ka filluar të merret me të”. Njerëzit që përreth tij e konceptojnë si një “plakush me fiqir të trashë”, një “plakush” që shëndeti ka filluar t’i “rrëshqasë nën këmbët e tij”…, një “plak” që ka filluar t’i “rrëfehet” gjithsecilit. Një ditë kishte vendosur që të më rrëfehet edhe mua (sikur unë “isha një prift i krishterë dhe sikur nuk kisha haber për bëmat e tij” !?)…, për mëkatet që (nuk) i kishte bërë. Ende pa filluar të pranonte të “fshehtat” e veta, më tha ashtu me “shumë zotnillëk e dinjitet”: “Para se të më dëgjosh me vëmendje…, të lus mos m’i numëro vitet, mos m’i numëro pordhat, mos m’i numëro datëlindjet e mia, mos m’i numërosh gotat…, ti që nuk je heqim (mjek) nuk do të më tregosh se ç’ilaç duhet të përdor për t’i ndalur jashtëqitjet e mia politike, mos më sugjero që të t’i lexoj ato broçkullat a shkarravinat e tua nëpër gazeta, ato shkrimet me temsile, ato opinione pesimiste, orientale a anadollake, popullore dhe njëkohësisht të qëndisura me atë fjalorin tënd të ndotur(!?)…, shkrime të cilat nuk i ke as për dynja e as për ahiret, e lëre më për lexuesit seriozë, mos bëj falltarin, ofiqarin e as furrxhiun?”. Duke e humbur durimin tim, ia ktheva: As që më bie ndër mend të t’i numëroj “pordhat”, as gotat, po as që do t’i shkruaj recetat e ilaçeve…, nuk do të bëj fallxhorin, furrxhiun e as…, do të të them se këmbë e krye je “hileqar” , sepse ti kur “rrije ulur në atë kryeminderin e mexhlisit politik”, në çdo katër vjet na premtoje, dhe ne, në çdo katër vjet, ashtu verbërisht të besonim, sepse ti në çdo katër vjet i ndërroje ngjyrat, në çdo katër vjet na gënjeje, në çdo katër vjet na bindje që të të vinim pas, sepse ti në çdo katër vjet atë që “e haje në sabah e dhjesje në aksham”, sepse ti në çdo katër vjet mëtoje “ta djegësh jorganin e miletit për një plesht”(!?), sepse ti në çdo katër vjet në ditëlindjen tënde na “hiqje nga një gjysmë të qerasure”(!?). Pasi m’i “dëgjoi me vëmendje” llafet, më tha: “Ti, miku im, që je një njeri gjysmë i trashë nga mendja, më trego se ku do e gjeje atë mejhane, ku një raki paguhet një lirë, e dy raki një gjysmë lire”. Shih ti këtë “qerrata”! Lëre që “rrëfimin nuk e kishte me tamam rrëfim“, lëre që i mungoi dinjiteti, por edhe më bëri “toptan” për budalla dhe për lesh!? (seç nga ky “rrëfim” doli i zhgënjyer nuk e kuptova dot). Dhe, duke ikur e drodhi fjalën: “Mbaje mend dhe mos harro, do të vetëflijohem politikisht…, dhe, nëse do ti dhe të tjerët si ti, do të vetëvritem edhe për vatan” (mjerë vatani me kësi “ të vetëflijuarish” !???). Kjo fjali e tij mosbesuese ma kujtoi atë insektin dëmtues, gjegjësisht akrepin, që rron nëpër orizoret e që bren rrënjët e orizit dhe që njihet me atë fenomenin e vetëvrasjes së tij – pra, kur rrethohet nga flakët e zjarrit, ai ngre bishtin dhe helmon veten (sa “shumë dinjitoze” për një insekt si akrepi!?). Nëse nuk gabojmë, do të themi se vetëflijimi i akrepit, shkencërisht duhet të jetë instinktiv, jo se ka bishtin, por pse “plakushi” nuk ka prapanicën…, dhe nga i dalin ato “pordha”, një dreq i mallkuar e di.
Ne nuk na habit sot recidivizmi i tij i dikurshëm i rrezikshëm, sa na çudit sot butaforia mashtruese e tij prej politikani, prej “kryepari të mëhallës sonë”, prej “pashai”, prej intelektuali të sajuar, prej abuzuesi, prej përgojuesi, prej “sherrxhiu” që dikur ishte në “sherr” edhe me fukaranë edhe me klerin mysliman…, edhe me mësuesin e popullit…, njeriu që ishte në “sherr” edhe me kalamajtë e bllokut ku banonte dikur, ishte në sherr edhe me kumarxhinjtë, edhe me kulturën e me historinë dhe, së fundi, kinse ishte në sherr me çdo gjë që nuk i shkonte për shtati. Sot, “gojëkëqijtë” do t’ia shtojnë “atë haberin” se kur kishte qenë “beqar” kishte bërë “zina” në ballkonin e apartamentit, madje para syve të fqinjëve të mëhallës, edhe para…, ia ngjitën edhe atë bishtin e dhelprës, ia shtuan edhe ato të këqija që mund t’i “bëjë vetëm beqari dhe beqaria”, i shtuan e çfarë nuk i shtuan.., bi-le-bile mikun tonë e identifikuan me shtetin dhe politikëbërjen e tij që prej “vaktit” që kur u mëvetësua.
Që ky vështrim të mos mbetet një kopje e zbehtë e shkrimeve tona paraprake, që të mos e gënjej as lexuesin, as vetveten (po as nihilistin), le të më lejohet t’i referohem piktorit dhe shkrimtarit kosovar, Rexhep Ferri, i cili në një gazetë prestigjioze të Tiranës, në kuadër të temës: “Na ishte njëherë fjala”, pos të tjerash, kishte shkruar edhe këto fjalë:”…, krejt në fund po ju tregoj se romanin tim të fundit e mbylla me dy vargje të një poezie që e kam shkruar vite e vite më herët: S’më dhimbset gjyshi, më dhimbset burrëria e tij”! Ne, nuk e dimë sa mund të na “lejohet që të habitemi” me atë “fenome-nin e vetëvrasjes së akrepit…, me atë çudinë instinktive të tij” si dhe me jetën e “plakut” të cilit i mungoi ndërgjegjja e dinjiteti, një dinjitet që mbase duhet të ishte “pjesë e pandashme e koloritit të karakterit të tij!?”.