Heronjtë e kombit janë shëmbëlltyrë e së ardhmes sonë. Nxënësit e shkollës shqipe Neuenhof, Spreitenbach dhe Uster duke kënduar këngën “Këngë për Adem Jasharin”

Të dielën, me datën 5 Mars 2023, në sallën e qytetit Cham të Kantonit të Zug-ut, nxënësit e shkollave shqipe në Zvicër prezantuan një program të larmishëm shkollor. Programi ishte i ndarë në tri pjesë, në pjesën e parë përkujtuan “Epopenë e Jasharajve”, një nga ngjarjet më të rëndësishme të historisë më te re kombëtare, në pjesën e dytë këngët dhe recitimet e tyre ua kushtuan mësuesve, atyre të cilët historikisht bartën mbi supe sfidat e kohës në ruajtjen e gjuhës dhe kulturës kombëtare dhe në pjesën e tretë kënduan dhe recituan për Nënën, simbolin e gruas shqiptare, e cila në vazhdimësi mbeti dhe është simbol i edukimit kombëtar. Në mesin e nxënësve dhe mësuesve të përkushtuara, të cilat kishin përgatitur edhe programin shkollor: Lumnije Klinaku – Neziri, Qefsere Sejdiu, Minire Azemi, Asime Veliu, Ardita Abazi, ishin dhe morën fjalën e rastit duke përgëzuar mësuesit për punën e tyre në shërbim të shpërndarjes së dritës së diturisë në gjuhën shqipe në Zvicër,  z. Ilir Gjoni, Ambasador i R. së Shqipërisë dhe koordinatori i “Shkollës Shqipe” në Zvicër z. Vaxhid Sejdiu. 

“Shkolla shqipe” – Zvicër feston në Cham të kantonit të Zug-ut. Në mesin e nxënësve, prindërve, e mësuesve Ambasadori i R. së Shqipërisë z. Gjoni duke mbajte një fjalë rasti

Programin e hapën me himnin e flamurit nxënësit e shkollave shqipe Rotkreuz, Cham, Baar dhe Inwil të Kantonit të Zug-ut dhe, pastaj nxënësit e “Shkollës Shqipe” në Baar, Hamëz Haxhia e Ardion Elezaj, nga “Shkolla “Shqipe” – Vevey, recituan vargje për heroin Adem Jasharin, duke  e përmbyllë pjesën e parë  me nxënësit e shkollës shqipe Neuenhof dhe Spreitenbach të Kantonit të Argaut, të cilët kënduan këngën për Adem Jasharin. 

Mësuese Lumnije Klinaku – Neziri gjatë prezantimit të nxënësve të shkollave shqipe

Vlen të përmendet se salla në Cham, në këtë ditë festive ishte shumë e vogël për t`i zënë të gjithë nxënësit dhe prindërit e tyre të cilët kishin ardhur për të festuar këtë ditë të shënuar të kombit shqiptar. Mësueset Lumnije Klinaku – Neziri (foli për idenë rreth përmbajtjes së programit) kurse Asime Veliu foli shkurt për rëndësinë e këtyre datave historike. 

Në bazë të programit dukshëm shihej se mësuesit dëshmuan edhe  njëherë për përkushtimin, jo vetëm rreth përgatitjes së nxënësve por edhe për organizimin e manifestimit shkollor. U prezantuan njëri pas tjetrit, herë në mënyrë individuale dhe herë në grupe duke dëshmuar atdhedashurinë ndaj gjuhës, kulturës kombëtare, heronjve, Shqipërisë e Kosovës, shkollës e diturisë, mësuesit e mësueses, Atdheut e trojeve shqiptare… Shkëlqyen në mënyrën më të mirë të mundshme Arion dhe Alina Ramadani, Mirela Kodraj, Lea Kodraj, Olsa Dina, Arjola Dushi, Ardonita Elezi, Enrik Kodraj, Fiona dhe Erda Kaliqi, Erza Haxhia, Eliza Zejneli, duke e përmbyllë pjesën e dytë me nxënësit e shkollës shqipe në Regensdorf të Kantonit të Zyrihut, Arian dhe Rejana Thaqi me recitim dhe Eliona Muçajt, e cila këndoi në mënyrë të shkëlqyeshme këngën për nënën, e shoqëruar nga grupi i nxënësve të shkollave shqipe të Kantonit të Zug-ut.  

Një foto e përbashkët me Ambasadorin e R. së Shqipërisë z. Gjoni, mësuesit Ardita Abazi – Elezaj,                        Vaxhid Sejdiu, Minire Azemi, Qefsere Sejdiu dhe Lumnije Klinaku – Neziri

Dhe në pjesën e tretë, nxënësit e shkollës Shqipe Neuenhof dhe Spreitenbach të Kantonit të Argaut:  Alea Halimi, Arnela Halimi,  Liara Zuka, Tana Limoni, Arta dhe Rina Morina, Lina dhe Ajla Sulejmani, Melodi Maloku u prezantuan me këngën “Me flamurin në zemër”, kurse Tana Limoni me këngën « Jam shqiponja» dhe nxënësit e shkollës Shqipe në Uster të Kantonit të Zyrihut Gresa dhe Gentonis Shala me këngën “Kuq e zi janë ngjyrat tona”, të cilët  dëshmuan edhe njëherë se skena është për ta. 

Dhe në fund, grupi i vajzave e përmbyllën programin me vallet “Ciu, ciu o mor zog i vogël” dhe me vallen e Tropojës, duke i ftuar të gjithë në valle në këtë ditë festive. 

Vallja e bukur shqipe – Nxënësit e shkollave shqipe të Kantonit të Zug-ut

Një mirënjohje e madhe shkon për të gjithë prindërit, në veçanti Këshillin e Prindërve të Kantonit të Zug-ut, të cilët kishin organizuar një kuzhinë të plotë shqiptare, pothuajse nga të gjitha specialitet dhe për të gjithë të pranishmit. 

7 mars 2023

Kolegji i Kirurgëve të Kosovës në bashkëpunim me Komitetin e Specializantëve, ka vazhduar kursin mbi Edukimin Bazik të Specializantëve të Kirurgjisë – Faza 1, Shkathtësitë Bazike Kirurgjike kësaj radhe Moduli 4: “Mbyllja e plagës: lembot e lëkurës dhe Graftet e lëkurës”, i cili është dizajnuar sipas modelit të Kolegjit Amerikan të Kirurgëve, (ACS/APDS Surgery Resident Skills Curriculum), dhe është pjesë e një kurrikule me tre faza. Fal punës së përbashkët të Komiteteve për Edukim Specialistik, Komitetit për Edukimin e Studentëve të Mjekësisë, Komitetit për Edukim të Vazhdueshëm Profesional dhe Komitetit të Specializantëve, ky modul si 12 të tjerët është përqendruar në mbylljen e plagës duke përdorur lembot (flapat) lokale të lëkurës.Objektivi i këtij moduli ishte që specializantët të njihen me procedurat kirurgjike me të cilat përmes formimit dhe transpozicionit të flapave lokalë mund të mbyllen plagët që kanë defekt të konsiderueshëm të lëkurës. Në detaje janë sqaruar dhe demonstruar teknikat e heqjes së “veshit të qenit”, pastaj mbyllja e plagës me teknikën V-Y dhe Z-plastika.Kurse ne pjesën e dytë të modulit ligjëruesit prezantuan teknikat e graftimit (shartimit) të lëkurës me trashësi të pjesëshme dhe të plotë.Moduli 4: “Mbyllja e plagës: lembot (flapat) e lëkurës dhe Graftet e lëkurës”, është prezantuar nga ligjëruesi Ass. Dr. Ylber Zejnullahu, specialist dhe Dr. Dile Rrusta, specializante e Kirurgjisë Plastike, Rekonstruktive dhe Estetike.Dr. Ylber Zejnullahu përveç teknikave kirurgjike bëri sqarime të detajuara për indikacionet kur do të përdoren këto teknika kirurgjike. Specializantët e të gjitha lëmive kirurgjike ishin shumë të interesuar për arritjen e këtyre shkathtësive dhe kërkues për sqarime të hollësishme. Dr. Ylber Zejnullahu dhe Dr. Dile u demonstruan edhe shembuj konkret nga rastet e tyre klinike. Ndërkaq, Dr. Sadik Llullaku, Drejtor Ekzekutiv i Kolegjit të Kirurgëve të Kosovës dhe Dr. Adem Miftari, oftalmolog, si koordinatorë të Kursit, prezantuan punën e Kolegjit të Kirurgëve të Kosovës në edukimin e specializantëve dhe kontributin e vazhdueshëm që ka dhënë dhe po vazhdon të japë kryetari i KKK-së, Prof. Dr. Rifat Latifi. Me këtë, është duke u përmbushur një nga qëllimet kryesore të misionit të Kolegjit të Kirurgëve të Kosovës, përkitazi me edukimin e mjekëve të rinj sipas standardeve profesionale perëndimore. Faza 1 – Edukimi Bazik, është krijuar për t’u mësuar specializantëve aftësitë thelbësore kirurgjikale në fazat e hershme të trajnimit të tyre, duke filluar nga parimet e asepsës dhe lidhjes së nyjeve, qepja-sutura e plagëve, deri të aftësitë bazë laparoskopike dhe anastomozat. Secili nga 12 modulet do të udhëhiqet nga një specialist (i cili do të shërbejë si mentor) dhe një specializant. Në këtë Kurs po marrin pjesë mbi 70 specializantë, dhe faza e parë do të vazhdojë të mbahet çdo dy javë deri në fund të muajit Qershor 2023.

Një vit më parë, Rusia pushtoi Ukrainën, duke shkelur të drejtën ndërkombëtare, duke rrezikuar paqen dhe sigurinë në të gjithë rajonin dhe duke shkaktuar vuajtje të papërshkrueshme. Ndërsa lufta vazhdon, Këshilli i Odave Amerikane të Evropës (Odat Amerikane në Evropë), si organizata ombrellë për 46 Odat Amerikane në 44 shtete anembanë Evropës dhe Euroazisë – vazhdon të qëndrojë solidar me popullin e Ukrainës, siç ka bërë që nga 24 shkurti 2022.Mendimet tona mbeten me të gjithë ata që janë prekur, duke përfshirë kolegët tanë të Odës Amerikane, anëtarët, partnerët dhe familjet e tyre. Rrjeti ynë bashkon individë dhe organizata me lidhje të thella në të gjithë Evropën dhe Euroazinë dhe në mbarë botën. Vitin e kaluar, Odat tona dhe kompanitë anëtare i kanë përdorur këto lidhje për të mbështetur drejtpërdrejt përpjekjet e ndihmës përmes një sërë iniciativash, duke përfshirë mbledhjen e fondeve, mbledhjen dhe shpërndarjen e mallrave dhe më shumë. Shumë prej tyre kanë kontribuar gjithashtu në programet që mirëpresin të zhvendosurit nga lufta.Në mes të krizës aktuale, ne duartrokasim qeveritë në të dyja anët e Atlantikut për unitetin dhe përkushtimin e tyre ndaj popullit të Ukrainës. Sektori publik dhe privat duhet të përgatiten për të luajtur një rol të rëndësishëm në mbështetjen e prosperitetit të ardhshëm ekonomik të vendit dhe planifikimin për rindërtimin e tij. Sigurimi i respektimit të sundimit të ligjit do të jetë thelbësor për të mundësuar një angazhim kuptimplotë nga të gjitha palët e interesuara. Përballë humbjes së pakuptimtë të jetëve njerëzore, duhet të vazhdojmë të mbetemi të angazhuar dhe të shprehemi për vlerat demokratike dhe mbrojtjen e dinjitetit njerëzor.

Mynih, 18 shkurt 2023/

Kryeministri i Republikës së Kosovës, Albin Kurti, i shoqëruar nga zëvendëskryeministrja, njëherësh ministrja e Punëve të Jashtme dhe Diasporës, Donika Gërvalla, në kuadër të Konferencës së Sigurisë në Mynih, u takua me Kancelarin e Republikës Federale Gjermane, Olaf Scholz dhe ministren për Evropë dhe Punë të Jashtme të Francës, Catherine Colonna.

Në takim u bisedua për progresin në vend, që është evidentuar edhe nga shumë organizata ndërkombëtare si dhe Raporti i Komisionit Evropian për Kosovën për vitin 2022, progres të cilin e përshëndeti Kancelari Scholz. Rritja ekonomike, sundimi i ligjit, mbështetja sociale dhe demokratizimi institucional e shoqëror kanë avancuar gjatë dy viteve të fundit, theksoi kryeministri Kurti.

Kryeministri Kurti e njoftoi Kancelarin Scholz dhe ministren Colonna se Qeveria e Republikës së Kosovës së fundmi ka miratuar tri marrëveshjet e nënshkruara me 3 nëntor në Berlin, që së shpejti do të ratifikohen edhe në Kuvend, duke dëshmuar kështu përkushtimin tonë për Procesin e Berlinit.

U fol edhe për raportet ndërmjet Kosovës dhe Serbisë, për përgatitjet për takimin e radhës në Bruksel, si dhe për propozimin evropian për normalizim të marrëdhënieve, të pranuar tashmë si bazë e mirë për diskutime të mëtejme dhe kornizë solide për të ecur përpara.

Duke i falënderuar për mbështetjen e vazhdueshme dhe angazhimin e drejtpërdrejtë të Gjermanisë dhe Francës, Kryeministri Kurti tha se Republika e Kosovës, si vend pro-evropian dhe pro-amerikan, mbetet e përkushtuar dhe konstruktive në dialog teksa dëshiron marrëdhënie të mira fqinjësore dhe integrim në BE dhe NATO.