Prishtinë, 13 shtator 2022/

Kosova dhe Bashkimi Evropian nënshkruan sot marrëveshjen e parë financiare vjetore në kuadër të Instrumentit për Asistencën e Para-Aderimit III (IPA III) me vlerë 63.96 milionë euro. Pas nënshkrimit dhe hyrjes në fuqi të Marrëveshjes Kornizë Financiare të Partneritetit ndërmjet BE-së dhe Kosovës, ky ishte një nga hapat e fundit zyrtar që mundëson disbursimin gradual të ndihmës financiare të BE-së për Kosovën sipas marrëveshjes kornizë të partneritetit IPA III që mbulon periudhën 2021-2027. Kuvendi i Kosovës gjithashtu duhet ta ratifikoj marrëveshjen. Përmes 14 programeve të njëpasnjëshme financiare vjetore nga viti 2007 deri në vitin 2020, në kuadër të IPA I dhe IPA II, BE-ja deri më tani i ka ofruar Kosovës 1.21 miliardë euro ndihmë financiare.

“63.96 milionë euro fillestare nga IPA III, do të përdoren për të rritur konkurrencën e sektorit agro-ushqimor të Kosovës dhe për të ndihmuar në arritjen e kritereve ekonomike të anëtarësimit në BE. Financimi më tej do të drejtohet drejt përmirësimit të mbrojtjes së të drejtave të njeriut dhe avancimit të barazisë gjinore, si dhe përmirësimit të ofrimit të shërbimeve komunale dhe sigurisë publike në Kosovë”, tha ambasadori i BE-së në Kosovë, Tomas Szunyog.

“Përveç kësaj, financimi i BE-së do të përdoret gjithashtu për të përmirësuar mbrojtjen e mjedisit në Kosovë, në përputhje me praktikat më të mira të BE-së, dhe për të forcuar kapacitetet e administratës së Kosovës për t’iu përmbajtur standardeve të BE-së”, shtoi Szunyog.

Financimi vjetor IPA III do të kombinohet me 16 milionë euro shtesë nga Qeveria e Kosovës dhe financim nga partnerët tjerë në shumën prej 3.8 milionë euro.

“Sot do të fillojmë të përfitojmë konkretisht nga ndihma që BE-ja i ofron Kosovës përmes fondeve IPA III. Marrëveshja e financimit për programin vjetor IPA 2021 është marrëveshja e parë për projektet në kuadër të fondeve IPA III dhe ne kemi besim se do të përdorim në maksimum të gjithë potencialin tonë për të përfituar nga IPA III, për të promovuar reformat dhe për të arritur standardet e nevojshme për të sjellë Kosovën më afër BE-së”, tha zëvendëskryeministri i parë për Integrime Evropiane, Zhvillim dhe Dialog, Besnik Bislimi.

BE-ja mbetet partneri më i madh tregtar i Kosovës dhe ofruesi më i madh i ndihmës financiare.

Prishtinë, 7 shtator 2022/

Kryeministri i Republikës së Kosovës, Albin Kurti takoi sot hulumtuesit e lartë në Këshillin Atlantik (Atlantic Council), Damir Marusic dhe Rachel Rizzo.

Përgjatë takimit, u diskutua për situatën e përgjithshme politike në Kosovë dhe për dialogun ndërmjet Kosovës dhe Serbisë dhe angazhimin e Republikës së Kosovës për një marrëveshje ligjërisht të detyrueshme me njohje reciproke në qendër të saj. Kryeministri Kurti dhe hulumtuesit e lartë Marusic dhe Rizzo ndanë këndvështrimet e tyre edhe mbi agresionin dhe invazionin rus në Ukrainë, pasojat për kontinentin e Evropës dhe sigurinë e rajonit.

Si një nga vendet e para që iu është bashkëngjitur sanksioneve të BE-së, ShBA-së dhe Britanisë së Madhe kundër Federatës Ruse, kryeministri Kurti u shpreh se Republika e Kosovës ka dëshmuar edhe një herë se është aleate e vlerave demokratike dhe partnere e aleancës euro-atlantike të cilës synon dhe duhet t’i bashkohet.

Me seli qendrore në Washington D.C., Këshilli Atlantik, i themeluar me 1961, është një think-tank amerikan që mbulon fushën e marrëdhënieve ndërkombëtare.

Zef Preçi/

Filozofia e vjeter romake “cirk edhe buke” ose vetem cirk eshte aktuale edhe ne ditet e sotme… Lajmi i meposhtem kaloi si pa u vene re, por nuk ka dyshim se nuk do te kaloje pa u shoqeruar me nje fature “te kripur” mire per qytetaret qyqare te Shqiperise. Dmth nuk duhet te kete dyshim asnjeri se oligarkia me ndihmen e pushtetit te vene nen kembet e saj apo ne simbioze me te nuk ndalet pa pushtuar cdo meter katror te mbetur te trojeve publike dhe private dhe pa grabitur cdo qindarke te buxhetit te shtetit dhe borxhit publik qe rritet perdite ne emer te zhvillimit te vendit… Po sikur ishim ne lufte me krizat? Prej disa dy vitesh vendi yne “qeveriset” me dekrete qeveritare (akte normative te z. Rama); me kercenimi krize energjitike, pandemie, rindertimi, shpronesimi, etj qe justifikojne paligjshmerite e veprimeve te qeverise dhe bashkise; me shpenzime kolosale per rindertimin mbas termetit, qe nuk po perfundojne ndertimet e premtuara duke pergatite zgjedhjet administrative te 2023 per t’i shite si “dhurate te partise” edhe pse jane financuar nga taksat e qytetareve te varferuar shqiptare; me shpenzime lluksi qe kulmuan me in-halecionin prej derrase ne oborrin e brendshem te godines se kryeministrise te shpallur keto dite; me tendera te cuditshem sekrete sidomos ne shendetesi por qe gllaberojne dhjetera miliona euro; me copa Shqiperie sidomos ne bregdetin e Jugut qe “strategjiket” e qeverise i ndajne pa frike midis tyre; me incerneratore qe “pa ju dridhur qerpiku” po djegin vetem taksat e qytetareve, e ndoshta edhe diktojne edhe hetimet qe nuk dihet nese kane filluar apo jo ndaj eksponteteve politike qe kane gatuar kete corbe korruptive, etj. E tash po na vjen edhe projekti i stadiumit “Arena biss”, gjoja konkursi, “fort i nderuar” tenderi/kontrata, etj. qe ne cdo shoqeri normale, per kohen qe jetojme nuk mund dhe nuk duhej te ishte perparesi e qeverisjes, as qendrore dhe as lokale… Aq me pak ne nje Tirane te murosur ne te kater anet dhe perhere e me pak te jetueshme, te mbytur nga ndotja, sa edhe reporti perkates mjedisor nuk publikohet fare prej nja kater a pese vitesh…

“Mjerimi s’don meshire,

Por don vetem te drejte” – shkruante Migjnei nje shekull me pare, thirrje kjo qe tingellon aktuale edhe sot…

Drejtoria e Përgjithshme e Arkivave/

Kjo bankë vinte si një nevojë e menjëhershme pas Pavarësisë së vendit, kohë kur në tregun shqiptar kishin filluar të shfaqeshin filiale bankare të shteteve të ndryshme, të cilat kryesisht kishin shtrirje lokale dhe nën patronazhin e bashkive përkatëse. Bisedimet për krijimin e Bankës Kombëtare filluan që në vitin 1921, kur pjesë përbërëse e monitorimit të krijimit të bankingut shqiptar do të bëheshin ekspertet më të mirë të kohës të dërguar nga Lidhja e Kombeve. Eksperetet e panë të udhës që Banka Italiane do të mundej më mirë të ishte tutori i krijimit të bankingut shqiptar dhe për këtë arsye, nisën bisedimet dypalëshe që u finalizuan pas 4 vjetëve me hapjen e bankës. Për palën shqiptare marrëveshjen e nënshkroi Mufid Libohova dhe për atë Italiane Mario Alberti. Komiteti Administrativ do të kishte qendrën në Romë dhe paraja që do të emetohej në shkurt të vitit 1926, do të ishte “frangu i arit”, me nënfishat e tij, “lekë”. Kapitali i bankës do të ishte 12.500.00 franga ari dhe do të derdhej sipas nevojave të bankës. Kapitali mund të rritej një herë a më shumë, me vendim të mbledhjes së përgjithshme të aksionerëve. Banka do të drejtohej nga një Këshill Administrimi me përbërje nga dy grupet themeluese dhe me përfaqësues shqiptarë. Këshilli ia delegonte fuqitë e veta Komitetit Drejtues me dy deri në katër anëtarë. Vetëm në vitin 1938, pala Italiane që mbizotëronte në terma aksionesh, vendosi që godina e re e bankës duhet të ndodhej pranë kryeqytetit dhe jo më në Durrës, në një ndërtesë të projektuar nga arktitekti Morpurgo.

Më poshtë, dy imazhe të Bankës Kombëtare të Shqipnis, përkatësisht në vitet 1928, dhe 1940, një relacion i shkurtër mbi bankingun shqiptar, si edhe dekretligji për krijimin e bankës.