Ekonomi – Page 197 – Dielli

KOSOVA, 2 MILIARDË EURO BUXHET PËR VITIN 2017

December 22, 2016 by dgreca

Në përputhje me Ligjin për Menaxhimin e Financave Publike dhe Përgjegjësitë, ministri i Financave Avdullah Hoti sot në seancën e rregullt të Kuvendit të Republikës së Kosovës prezantoi Projektbuxhetin e Republikës së Kosovës për 2017, i cili propozim-buxhet parasheh shpenzime prej 2 miliardë euro.Me këtë rast Ministri Hoti theksoi se, Propozim-Buxheti për vitin 2017 reflekton përkushtimin tonë në adresimin e sfidave zhvillimore, si dhe zbatimin e reformave dhe projekteve specifike, bazuar në objektivat e Qeverisë për zhvillim ekonomik dhe mirëqenie sociale.Sipas Ministrit Hoti Buxheti për vitin 2017 gjithashtu është në linjë të plotë me Objektivat e Qeverisë për rritje të qëndrueshme ekonomike dhe qëndrueshmëri fiskale.

“Ne kemi arritur që t’i adresojmë kërkesat më prioritare të secilës organizatë buxhetore dhe njëkohësisht të ruajmë stabilitetin buxhetor, që është parakusht për rritje të qëndrueshme ekonomike. Mënyra si është konceptuar ky buxhet, e bënë atë buxhet zhvillimor dhe të qëndrueshëm”, shtoi Ministri Hoti.Ai bëri të ditur se Qeveria e Republikës së Kosovës për buxhetin e vitit 2017 i ka shtruar para vetes dy objektiva të mëdha. Së pari duke vazhduar me mbajtjen e shpenzimeve rrjedhëse nën kontroll. Shpenzimet rrjedhëse më 2017 si përqindje e Bruto Produktit Vendor bien nga 20.3% në 19.8%, me gjithë rritjen nominale të këtyre shpenzimeve. Si dhe e dyta, krijimi i hapësirës më të madhe për shpenzime kapitale, që janë të targetuara mirë lidhur me efektet e tyre në ekonomi, punësim, ambientin për biznes dhe potencialin zhvillimor afatgjatë për gjeneratat e ardhshme.

Sipas ministrit Avdullah Hoti “Buxheti për vitin 2017 bënë të mundur implementimin e Sigurimit Shëndetësor, ku për vitin e ardhshëm kemi ndarë 17 mil. euro, implementimin e plotë të ligjit për skemat pensionale të financuara nga shteti, implementimin e plotë të kompensimit për përvojën e punës për punonjësit publik, mbarëvajtjen e nivelit të subvencioneve në bujqësi dhe rritjen e investimeve kapitale në bujqësi përmes buxhetit të rregullt dhe huave ndërkombëtare, ofrimin e pensioneve për veteranët dhe kategoritë tjera të luftës, në vlerë prej 38, respektivisht 50 milionë euro, akomodimin e shpenzimeve që dalin nga agjenda euro-integruese e Kosovës, si dhe rritjen e mbështetjes financiare për sektorët e rendit dhe ligjit.Ai gjithashtu theksoi se “procesi i përgatitjes së Buxhetit për vitin 2017 ka filluar me Kornizën Afatmesme të Shpenzimeve, e cila është aprovuar në muajin Prill të këtij viti dhe duke u bazuar në këtë Kornizë, kemi përgatitur edhe Instruksionet Buxhetore që i kanë udhëzuar organizatat buxhetore për përgatitjen e buxheteve të tyre. Të gjitha organizatat buxhetore i kanë dorëzuar kërkesat e tyre për financim ku Ministria e Financave ka organizuar dëgjimet buxhetore me përfaqësuesit e këtyre institucioneve”.Ministri Hoti gjithashtu bëri të ditur se Ministria e Financave për herë të parë këtë vit, ka organizuar dëgjime buxhetore edhe me shoqërinë civile.

“Si rezultat i këtij procesi, Buxheti për vitin 2017 adreson prioritetet zhvillimore të deklaruara përmes dokumenteve strategjike, siç janë: Programi i Qeverisë, Strategjia Kombëtare për Zhvillim, Programi për Reforma Ekonomike, Korniza Afatmesme e Shpenzimeve, si dhe Strategjitë sektoriale”, shtoi Ministri Hoti . Ai bëri të ditur se “duke pasur parasysh ecuritë pozitive në vitet e fundit, kemi sfida të shumta për t’i adresuar. Prandaj, në këtë kontekst, është e natyrshme që kërkesat për financim të jenë më të larta se mundësitë për financim.“Përmes këtij Propozim-Buxheti, ne kemi bërë më të mirën për të balancuar këto kërkesa me mundësitë buxhetore. Ndërsa, parimet mbi të cilat është bazuar ky buxhet përfshijnë: Ruajtjen e qëndrueshmërisë fiskale, Sigurimin e financimit të projekteve në vijim, Ruajtjen e rezervës fiskale në nivel të mjaftueshëm, Rritjen e shpenzimeve kapitale, si zëri më produktiv buxhetor si dhe Eliminimi i barrierave dhe ofrimin e insentivave fiskale që avancojnë konkurrueshmërinë e sektorit privat”, shtoi Ministri Hoti.Gjatë prezantimit të Buxhetit ministri Avdullah Hoti gjithashtu theksoi se ky Projektbuxhet ka pajtimin e plotë të Fondit Monetar Ndërkombëtar, dhe kjo është e rëndësishme si për Qeverinë ashtu edhe për Kuvendin e Kosovës, duke qenë se jemi në program me këtë Institucion, dhe rrjedhimisht, përgatitja dhe aprovimi i Buxhetit duhet të dakordohet paraprakisht.Buxheti është ngushtë i lidhur me ecuritë makro-ekonomike në vend, rajon dhe më gjerë. Mbi këto ecuri, Ministria e Financave ka përgatitur projeksionet makro-ekonomike dhe fiskale për vitin 2017 dhe vitet në vijim. Ndërsa, rritja ekonomike në vend është bazuar në vlerësimet e Ministrisë së Financave, dhe ne presim që në vitin 2016 ekonomia të ketë rritje reale rreth 4% (3.8%). Kjo pritje është e konfirmuar edhe nga projeksionet e institucioneve të jashtme kredibile, siç është FMN-ja. Po ashtu ky trend pritet të vazhdojë edhe në vitin 2017, me normë akoma më të lartë të rritjes ekonomike, prej 4.4%. Kjo normë do të jetë më e larta në rajon, është rezultat i zbatimit me sukses të reformave ekonomike dhe fiskale, që kanë ofruar insentiva fiskale për sektorin privat dhe reformave të tjera strukturore të mbështetura nga Programi me FMN-në.Sipas Ministrit Hoti të hyrat e rregullta buxhetore janë planifikuar të jenë 1 miliard e 725 milionë Euro. Kjo përfaqëson një rritje prej rreth 6% në raport me vitin 2016 dhe 17% në raport me vitin 2015. Ndërkaq krahasuar me vitin 2014, ka një rritje prej 28% ku pothuajse e gjithë kjo rritje është rezultat i rritjes të të hyrave të rregullta buxhetore nga ATK dhe Dogana, në shumë prej rreth 380 mil euro më shumë.

“Të hyrat nga ATK-ja pritet të rriten me mbi 9% në krahasim me vitin 2016 dhe 23% në raport me vitin 2015. Krahasuar me vitin 2014, rritja është për 40% më shumë apo 117 mil. euro më shumë.Ndërsa, të hyrat e mbledhura nga Dogana janë projektuar të rriten me 6.5% në krahasim me 2016 dhe 16.4% në raport me vitin 2015. Edhe në rastin e Doganës, nëse krahasohet me vitin 2014 rritja është 27% apo 239 mil. euro më shumë.” shtoi Ministri Hoti.Ndërsa, sa i përket shpenzimeve buxhetore për vitin 2017, ministri Avdullah Hoti theksoi se në këtë propozim-buxhet parashihen shpenzime prej 2 miliardë euro. Dhe duke krahasuar me vitin 2016, shpenzimet rriten me mbi 15%, ndërkaq krahasuar me 2015 rriten me 28% dhe me 2014 për 38%.

Kosova dhe Italia do thellojnë bashkëpunimin ekonomik

December 22, 2016 by dgreca

-Ministri i Jashtëm i Italisë, Angelino Alfano viziton Kosovën. Ka disa ditë që ka marrë detyren dhe po e viziton Kosovën në fillim të mandatit/

PRISHTINË, 22 Dhjetor 2016-Gazeta DIELLI-Behlul Jashari/ Ministri i Punëve të Jashtme të Italisë, Angelino Alfano, mbërrin në Kosovë për vizitë njëditëshe.Sipas axhendave të njoftuara, në Prishtinë sonte do pritet në takime të veçanta nga presidenti i Kosovës, Hashim Thaçi dhe kryeministriIsa Mustafa.

THAÇI-ALFANO: BALLKANI DUHET TË JETË INTERES STRATEGJIK PËR BE-NË, JO PROCES TEKNIKPresidenti i Republikës së Kosovës, Hashim Thaçi, sot në mbrëmje ka pritur në takim ministrin e ri për Punë të Jashtme dhe Bashkëpunim Ndërkombëtar të Italisë, Angelino Alfano.Presidenti Thaçi e falënderoi ministrin Alfano për vizitën e tij të parë zyrtare në Kosovë dhe për mbështetjen e vazhdueshme të qeverisë italiane.Presidenti Thaçi theksoi se Kosova ka arritur suksese të mëdha në konsolidimin e brendshëm dhe të jashtëm të shtetësisë së vet, duke përmendur hyrjen në fuqi të MSA-së si konfirmimin më të mirë të këtyre sukseseve.“Tani po punojmë për të ardhmen tonë në NATO dhe BE”, u shpreh presidenti Thaçi.Ministri i Jashtëm i Italisë, Angelino Alfano, duke iu referuar procesit të integrimit evropian të Kosovës, theksoi se paqja mund të arrihet vetëm përmes vlerave evropiane.

“Ju po e zhvilloni një proces të përfarimit me Bashkimin Evropian në momentet më të vështira të tij”, u shpreh ministri i Jashtëm i Italisë, Angelino Alfano.Presidenti Thaçi theksoi se Brukseli duhet t’i shikojë shtetet e Ballkanit si interes strategjik dhe jo si procese teknike për integrim.“Ne ndajmë vlerat evropiane dhe jemi evropianë, mirëpo Brukseli po vonohet me ne, sikur që është rasti me liberalizimin e vizave për qytetarët tanë”, u shpreh presidenti Thaçi.Sipas tij, Bashkimit Evropian mund t’i kërkosh çdo gjë, por jo edhe shpejtësinë, sidomos tash kur është më së shumti e nevojshme, për shkak se antievropianizmi, ekstremizmi dhe radikalizmi po rriten me hapa shumë më të shpejtë.“Ne kemi konsensus politik dhe popullor kundër çdo ekstremizmi dhe radikalizmi, por edhe për përqafimin e vlerave euroatlantike”, u shpreh presidenti Thaçi.

MUSTAFA-ALFANO: VLERËSOHET ROLI SHUMË I MADH I ITALISË PËR PROGRESIN E KOSOVËS Kryeministri i Republikës së Kosovës, Isa Mustafa, priti sonte në takim ministrin e Punëve të Jashtme të Italisë, Angelino Alfano.Gjatë takimit, kryeministri foli për progresin e Kosovës në shumë fusha, duke përfshirë fuqizimin e vazhdueshëm të shtetësisë dhe të subjektivitetit ndërkombëtar.Kryeministri Mustafa theksoi avancimin e rrugës eurointegruese, zhvillimin ekonomik si dhe aspekte të tjera të zhvillimeve në vend.Duke vlerësuar rolin shumë të madh të Italisë për progresin e Kosovës, kryeministri Mustafa shprehu përkushtimin për bashkëpunim me Italinë, sidomos në fushën e shkëmbimeve ekomomike dhe tërheqjen e investimeve. Ministri i jashtëm italian, Angelino Alfano, vlerësoi të arriturat e deritashme të Kosovës, duke theksuar përkrahjen e mëtejme të Italisë.Ministri Alfano, po ashtu, vlerësoi vizionin e qartë të Qeverisë së Kosovës për avancimin e progresit, duke shprehur gatishmërinë e Italisë për zgjerimin e marrëdhënieve dhe shkëmbimeve me Kosovën.Gjatë takimit, u bisedua edhe për projekte konkrete në fushën e bashkëpunimit ekonomik, mbajtjen e Forumit Ekonomik në Romë më 31 janar, për proceset eurointegruese, për dialogun e Brukselit si dhe për luftën kundër terrorizmit.

HOXHAJ TAKON KRYEDIPLOMATIN ITALIAN ALFANO, KONFIRMOHET FORUMI EKONOMIK NË ROMË ME 31 JANAR

Ministri i Punëve të Jashtme të Italisë, Angelino Alfano, fillimisht u prit në takim zyrtar nga ministri i Jashtëm i Kosovës, Enver Hoxhaj, ku biseduan për raportet miqësore dhe thellimin e bashkëpunimit në planin ekonomik, mes Kosovës dhe Italisë.Në takimin dy palësh të ministrave në Prishtinë u konfirmua mbajtja e Forumit të përbashkët ekonomik mes dy vendeve me 31 janar në Romë. Ministri Hoxhaj dhe homologu i tij italian biseduan edhe për një koordinim të detajuar për projektet e ardhshme në kuadër të Procesit të Berlinit që do të mbahet vitin e ardhshëm në Itali. Në planin politik, ministri Hoxhaj tha se Italia mbetet mbështetëse e fuqishme e Republikës së Kosovës në përpjekjet për njohjen ndërkombëtare të shtetit, iniciativat për anëtarësim në organizata ndërkombëtare, si dhe angazhimin e Kosovës në procesin e dialogut.

“Italia mbetet një mbështetëse e fuqishme e Kosovës. Në takimin me ministrin Alfano patëm një koordinim të detajuar të hapave të mëtejmë sa i përket projekteve të ardhshme në procesin e Berlinit. Biseduam edhe për njohjen ndërkombëtare të Kosovës, anëtarësimin në organizata dhe dialogun, ku kemi përkrahjen e plotë të Italisë. Konsideroj se po hyjmë në një etapë të re të bashkëpunimit ekonomik”, ka thënë ministri Hoxhaj.Të dyja palët u dakorduan për bashkëpunim të ngushtë në luftën kundër terrorizmit ku u vlerësua kontributi i Kosovës në këtë drejtim. Ministri i Jashtëm italian, ka disa ditë që ka marrë detyren dhe po e viziton Kosovën në fillim të mandatit.

Oda Amerikane: Qeveria të pezullojë implementimin e Ligjit për Sigurime Shëndetësore

December 15, 2016 by dgreca

-ODA EKONOMIKE AMERIKANE NË KOSOVË: Qëndrim mbi Ligjin për Sigurimet Shëndetësore/

1-oda-ekonomike-amerikane-kosove

PRISHTINË, 15 Dhjetor 2016 – Gazeta DIELLI/ Ligji për Sigurimin Shëndetësor është përcjellë me vonesa të shumta në implementim që nga miratimi i tij në prill të vitit 2014. Këto vonesa rezultojnë si arsye e gabimeve fillestare në fazën e hartimit dhe miratimit të tij të shpejtë, pa strukturim të detajuar dhe konsultim me të gjithë akterët kyç, përfshirë këtu edhe sektorin privat. Aq më tepër, një sesion informativ i organizuar së fundmi nga ana e Odës Ekonomike Amerikane ka nxjerrë në pah të meta të shumta, të cilat si të tilla e bëjnë zbatimin e ligjit më të vështirë dhe konfirmojnë mungesën e dialogimit me të gjitha palët e interesit. Shumë dispozita të rëndësishme të ligjit janë specifikuar mangët ose nuk janë specifikuar fare, duke dhënë kështu përshtypjen se qëllimi i të pasurit të një ligji të tillë është mbledhja e të hyrave shtesë për buxhetin e vendit dhe jo përmirësimi i indikatorëve shëndetësor dhe sigurimi i mbrojtjes financiare nga varfërimi për shkak të shpenzimeve të mëdha për kujdesin shëndetësor, që thuhet të jetë qëllimi i këtij ligji.Oda Amerikane dëshiron të theksojë se mbledhja e premiumeve shëndetësore para përmbushjes së parakushteve të përcaktuara, është shkelje e ligjit dhe në rrethana të tilla, premiumet nuk mund të ngarkohen dhe mblidhen. Poashtu, pagesa e premiumeve për shërbime të cilat nuk mund të sigurohen as në sektorin publik e as privat, është në kundërshtim me parimet e ekonomisë së tregut.Oda Amerikane është e shqetësuar me faktin se Ministria e Shëndetësisë ka theksuar publikisht se të gjitha shërbimet do të kontraktohen nga institucionet publike, ndërsa vetëm ato shërbime të cilat nuk mund të ofrohen në sektorin publik, do të kontraktohen në institucione private të kujdesit shëndetësor. Sipas Ligjit për Shëndetësi, parim kyç i sistemit shëndetësor në Kosovë është trajtimi i barabartë i sektorit publik dhe privat.Oda Ekonomike Amerikane në Kosovë beson fuqishëm që zbatimi i këtij ligji të rëndësishëm nuk duhet të trajtohet si eksperiment dhe si fazë testuese, sepse qasja universale ndaj shërbimeve cilësore shëndetësore është një e drejtë bazike për të gjithë të qytetarët e Republikës së Kosovës, ndërsa trajtimi i barabartë i sektorit publik me atë privat është e drejtë e garantuar me kushtetutë dhe legjislacionin i cili promovon konkurrencën e drejtë dhe trajtimin jodiskriminues, derisa zbatimi i Ligjit për Sigurimin Shëndetësor e cenon këtë të drejtë.Shqetësuese është edhe mënyra e kalkulimit të premiumeve shëndetësore si përqindje e të ardhurave bruto për individin. Përderisa kuptojmë frymën solidare të ligjit për të siguruar qasje në shërbime shëndetësore për gjithë popullatën, çështja e kontributeve duhet të rregullohet më tej, në kuptim të vendosjes së një tavani të kontributeve për të punësuarit, ngjashëm si në rastin e të vetëpunësuarve. Në të kundërtën, legjislacioni i tanishëm përkundër synimeve të mira mund të rezultojë në nxitjen e informalitetit në punësim, fenomen ky që patjetër duhet të luftohet.Duke u nisur nga kjo, Oda Ekonomike Amerikane në Kosovë kërkon nga Qeveria e Kosovës që të pezullojë fillimin e mbledhjes së premiumeve të paraparë për 1 janar të vitit 2016 deri në qartësimin e plotë të të gjitha dispozitave të legjislacionit primar dhe sekondar, si dhe në eliminimin e të gjitha të metave, përfshirë këtu edhe diskriminimin ndërmjet institucioneve private dhe publike të kujdesit shëndetësor. Në të njejtën kohë, Oda Amerikane i bën thirrje Ministrisë së Shëndetësisë dhe Qeverisë që të udhëheqin një proces gjithpërfshirës konsultimi, me të gjitha organizatat e interesit në Republikën e Kosovës.Shqetësimet kryesore të komunitetit profesionist shëndetësor lidhur me këtë ligj kanë të bëjnë me:

Moshartimin e detajuar të listës së shërbimeve, listës së barnave dhe çmimores të cilat paraqiten si parakusht para fillimit të mbledhjes së premiumeve shëndetësore;
Mosplotësimin e kritevere të cekura në nenin 37, paragrafi 10 në LSSH si kritere të domosdoshme për fillimin e grumbullimit të premiumeve. Për më shumë, askush nuk është në dijeni se ku qëndron procesi i plotësimit të këtyre kritereve;
Vonesat dhe paqartësitë në kontraktimin e institucioneve të licencuara shëndetësore private për ofrimin e shëbimeve të kujdesit themelor;
Mosinicimin e procesit për zhvillimin e një softueri për menaxhimin e sigurimeve shëndetësore dhe pajisjen e punonjësve me kartela të sigurimit shëndetësor, duke qenë njëri ndër kriteret kryesore të cekura në dispozitat kalimtare të ligjit.

Kërkesa e Odës Amerikane për pezullim të implementimit të ligjit bazohet edhe në dinamikën e ngathët të institucioneve të Kosovës dhe vonesat e vazhdueshme në shumë aspekte, që nga nxjerrja e akteve të nevojshme dytësore ligjore e deri te kompletimi i bordeve të agjencive të pavarura.

Një kompani serbe e naftës po tenton të nis veprimin ilegal në Kosovë

December 14, 2016 by dgreca

Ministrja Tahiri: Kemi njoftuar Bashkimin Evropian se një kompani serbe e naftës po tenton të nis veprimin ilegal në Kosovë/

Prishtinë, 14 dhjetor 2016-Ministrja për Dialog, Edita Tahiri, ka bërë me dije se Ministria për Dialog ka njoftuar zyrtarisht Bashkimin Evropian në lidhje me përpjekjet për veprimtari ilegale në Kosovë të një kompanie nga Serbia e cila merret me shitjen e derivateve të naftës dhe e cila ka përgatitur për të hapur tri pika të shitjes në Kosovë gjegjësisht në komunën e Mitrovicës Veriore, Zubin Potokut dhe Zveçanit. Ajo ka kërkuar nga BE-ja që të angazhohet për pengimin e zhvillimeve të tilla që janë në kundërshtim me frymën e dialogut të Brukselit për normalizimin e marrëdhënieve mes dy shteteve.Ministrja Tahiri, po ashtu ka theksuar se Qeveria e Republikës së Kosovës nuk do të lejojë veprimtarinë joligjore të kësaj kompanie si dhe ka ftuar në vigjilencë të gjitha institucionet shtetërore të Kosovës duke marrë parasysh informacionin se kjo kompani sjellë naftën ruse në Kosovë. “Duhet të kemi vigjilencë maksimale që të ndalojmë çfarëdo ndikimi të Rusisë në Kosovë sepse mund të jetë me rreziqe për sigurinë kombëtare të shtetit tonë euroatlantik dhe me rreziqe gjeostrategjike për Kosovën dhe rajonin. Kjo çështje duhet të trajtohet nga institucionet tona shtetërore në kontekstin e ambicieve të rrezikshme të Rusisë për ndërhyrje të mundshme gjeostrategjike në gjithë rajonin e Ballkanit”, tha ministrja Tahiri. Pas marrjes së informacionit nga mediat se një kompani e Serbisë e cila bënë shitjen e derivateve të naftës është duke hapur tri pika të shitjes në komunat veriore të Kosovës me datën 6 dhjetor 2016, Ministria për Dialog ka njoftuar menjëherë Ministrinë e Tregtisë dhe Industrisë duke kërkuar që të bëhen verifikime zyrtare të kësaj informate.Me datë 8 dhjetor 2016, Ministria e Tregtisë dhe Industrisë, pas verifikimeve ka njoftuar zyrtarisht se pas inspektimit nga Inspektorati përkatës është konstatuar se informata është e saktë dhe se kompania e ashtuquajtur “Nis petrol” ka hyrë në territorin e Kosovës dhe ka vendosur për t’i hapur tri pika të shitjes pa pasur licencë përkatëse nga institucionet përgjegjëse të Republikës së Kosovës.Pas këtij konfirmimi zyrtar, Ministria për Dialog ka njoftuar Bashkimin Evropian në lidhje me këtë problem dhe ka kërkuar angazhime adekuate të BE-së si ndërmjetëse e dialogut.Sipas të dhënave të siguruara përmes internetit thuhet se kompania “Nis petrol” është kompani aksionarësh ku 56 % të aksioneve janë nën menaxhimin e kompanisë ruse “Gazprom” dhe pjesa tjetër e Qeverisë së Serbisë.

Dr. Ekaterina Trendafilova, Kryetare e Dhomave të Specializuara të Kosovës

December 14, 2016 by dgreca

-Dhomat e Specializuara të Kosovës – komunikatë për shtypin/PRISHTINË, 14 Dhjetor 2016/ Më 14 dhjetor 2016, Dr. Ekaterina Trendafilova u emërua Kryetare e Dhomave të Specializuara. Pas rekomandimit të Panelit Përzgjedhës të pavarur, Autoriteti Emërues, Alexandra Papadopoulou, shefe e Misionit të EULEX-it në Kosovë, emëroi zyrtarisht Kryetaren.Kryetare Trendafilova (1953) është juriste, akademike dhe gjykatëse e shquar nga Bullgaria, me përvojë të madhe në fushën e të drejtës penale ndërkombëtare, të drejtës penale, të drejtës procedurale penale dhe të drejtat e njeriut.Nga marsi 2006 deri në mars 2015, Dr. Trendafilova shërbeu si gjykatëse e Gjykatës Penale Ndërkombëtare (GJPN).Para detyrës si gjykatëse në Gjykatën Penale Ndërkombëtare, ajo punoi si profesoreshë e drejtësisë penale në Universitetin e Sofjes, zëvendësprokurore e qarkut në Gjykatën e Qarkut në Sofje dhe shërbeu si këshilltare eksperte për standardet e të drejtës penale dhe të drejtat e njeriut në Kuvendin, Gjykatën e Lartë dhe disa ministri të Bullgarisë.Me rastin e emërimit të saj, Kryetare Trendafilova deklaroi: “Ndihem thellësisht e nderuar që u emërova Kryetare e parë e Dhomave të Specializuara të Kosovës. Në këtë moment të rëndësishëm, në fillimin e veprimtarisë së Dhomave të Specializuara, kam privilegjin të kryej detyrën udhëheqëse që m’u besua. Jam e ndërgjegjshme se garantimi i zbatimit prej Dhomave të Specializuara të praktikave gjyqësore më të mira dhe i administrimit të drejtësisë në mënyrë të drejtë dhe të paanshme si për ata që ngarkohen me përgjegjësi penale, po ashtu edhe për viktimat e krimeve që pretendohet se janë kryer, përbën përgjegjësi të jashtëzakonshme. Jam e përkushtuar që këtë detyrë ta kryej në mënyrë të pavarur, me vendosmëri, vrull e përkushtim të plotë. Është me rëndësi jetike që mandatin tonë ta zbatojmë në mënyrë efikase, profesionale dhe të sigurt”. Kryetari i Dhomave të Specializuara është përgjegjës për administrimin gjyqësor të Dhomave të Specializuara dhe për funksione të tjera që i akordon Ligji. Kryetari gjithashtu kryen detyrën e kryegjykatësit të panelit të Gjykatës Supreme të Dhomave të Specializuara.Kryetare Trendafilova është emëruar për një mandat katërvjeçar i cili hyn në fuqi në janar 2017./b,j/

***

PRESS RELEASE 14 December 2016 KSC2-16 Dr Ekaterina Trendafilova appointed President of the Kosovo Specialist Chambers On 14 December 2016 Dr Ekaterina Trendafilova was appointed President of the Specialist Chambers. After the independent Selection Panel submitted its recommendation, the Appointing Authority, Ms. Alexandra Papadopoulou, Head of the EULEX Mission in Kosovo, formally appointed the President. President Trendafilova (1953) is a distinguished judge, lawyer and academic from Bulgaria with extensive experience in international criminal law, criminal law, criminal procedural law and human rights law. She served as a Judge of the International Criminal Court (ICC) from 2006 to 2015. Prior to the appointment to the ICC she was a professor of criminal justice at the Sofia University, Deputy District Attorney at the Sofia District Court and provided expert opinion in criminal law and human rights standards to the Bulgarian Parliament, Supreme Court and number of Bulgarian ministries. For a short biography of President Trendafilova please consult the website of the Kosovo Specialist Chambers (www.scp-ks.org). Upon her appointment, President Trendafilova stated: “I am truly honoured to have been appointed as the first President of the Kosovo Specialist Chambers. At this decisive moment in the early existence of the Specialist Chambers, I feel privileged to have been entrusted with the leadership task. I recognize the immense responsibility to ensure that the Specialist Chambers apply the best judicial practices and deliver fair and impartial justice for those brought to account, as well as the victims of the crimes allegedly committed. I intend to accomplish this mission independently, with determination, vigour and to the very best of my abilities. It is vital that we implement our mandate in an efficient, professional and secure manner.” The President of the Specialist Chambers is responsible for the judicial administration of the Specialist Chambers and other functions conferred upon her by the Law. The President also serves as presiding judge on Supreme Court Panel of the Specialist Chambers. President Trendafilova has been appointed for a term of four years and is to be deployed as of January 2017.

Attachments area