Featured – Page 315 – Dielli

Kosova, obelisk viktimave të sulmit të 11 shtatorit 2001 në SHBA

September 11, 2019 by dgreca

Kosova, obelisk viktimave të sulmit të 11 shtatorit 2001 në SHBA

-Kryeministri në detyrë, Haradinaj: Kosova e përjetoi rëndë 11 shtatorin 2001, sulmin mbi miqtë tanë amerikanë/

-Ambasadori i SHBA, Kosnett: Amerika gjithmonë do të kujtojë ndihmën që ka marrë nga e gjithë bota dhe përgjigja e miqve tanë nga Kosova ishte e menjëhershme dhe e sinqertë/

PRISHTINË, 11 Shtator 2019-Gazeta DIELLI/ Në Kosovë sot u zbulua obelisku i ngritur në oborrin e Qeverisë kushtuar viktimave të sulmit të 11 shtatorit 2001 në Shtetet e Bashkuara të Amerikës.

“Sot 18 vjet më parë edhe Kosova e përjetoi rëndë sulmin mbi institucionet, mbi popullin, mbi miqtë tanë, mbi njerëzit e Amerikës. Kosova kujton çdo vit në këtë datë të rënët, martirët e kësaj dite dhe njëkohësisht bashkëndjen me Amerikën”, tha kryeministri në detyrë, i Republikës së Kosovës, Ramush Haradinaj, pasi bëri homazhe dhe mori pjesë në zbulimin e obeliskut.

Para figurave të shumta të rëndësishme si vendore por edhe të huaja, kryeministri në detyrë, Haradinaj, duke kujtuar këtë tragjedi ndaj miqve tanë amerikanë, tha se kjo ditë në Kosovë do të kthehet në traditë dhe se në çdo 11 shtator të çdo viti do të nderojnë të rënët në Amerikë, para se të fillojnë punën institucionet e vendit.

“Sepse i konsiderojmë si tanët, sepse Amerika ishte me ne për lirinë tonë dhe është garancë për lirinë në botë e ne çdo herë do të jemi bashkë me Amerikën për të mbrojtur lirinë. Nderime për të rënët”, u shpreh kryeministri Haradinaj, në fjalën e tij para të ftuarve prezentë.

Ambasadori i Shteteve të Bashkuara të Amerikës në Kosovë, Philip Kosnett, tha se sot është një ditë e zymtë për amerikanët dhe se në shtëpi e kudo nëpër botë kujtojnë me pikëllim humbjen e gati tre mijë njerëzve të pafajshëm, jeta e të cilëve u shua, akt të cilin ai e quajti sulm ndaj civilizimit.

“Amerika gjithmonë do të kujtojë ndihmën që ka marrë nga e gjithë bota dhe përgjigja e miqve tanë nga Kosova ishte e menjëhershme dhe e sinqertë. Pas sulmit, në Kosovë njerëzit mblidheshin që të marshonin dhe mbështesnin Amerikën me ndezjen e qirinjve, dhurimin e gjakut, madje disa qytetarë të Kosovës dolën vullnetarë që t’i bashkohen ushtrisë amerikane që të luftojnë në luftën globale kundër terrorizmit”, theksoi ambasadori i SHBA në Prishtinë.

Ambasadori Kosnett tha se kjo mbështetje e përzemërt është një konfirmim i një lidhjeje të thellë në mes të njerëzve të Shteteve të Bashkuara dhe atyre nga Kosova.

Kryeministri në detyrë, Haradinaj, bashkë më ambasadorin Kosnett zbuluan pllakën memoriale në nderim të viktimave të sulmit të 11 shtatorit 2011 në Shtetet e Bashkuara të Amerikës.

Pas zbulimit të pllakës memoriale, kryeministri në detyrë, Haradinaj, bëri homazhe dhe vendosi kurora lulesh bashkë me të gjithë të pranishmit në këtë ceremoni./b.j/

KUJTESA E 11 SHTATORIT

September 11, 2019 by dgreca

Amerikanët shënojnë përvjetorin e sulmeve të 11 shtatorit/

Amerikanët po shënojnë të mërkurën 18 vjetorin e sulmeve terroriste të 11 shtatorit të vitit 2001, që lanë pas vetes rreth 3 mijë të vrarë në New York, Virginia dhe në Pennsylvania.

Presidenti Donald Trump, do të nderojë viktimat me një minutë heshtje në Shtëpinë e Bardhë, para se të marrë pjesë në një ceremoni në Pentagon për familjet e atyre që u vranë kur terroristët e al-Qaidas përplasën mbi ndërtesë një avion të rrëmbyer.

Në New York, qindra të mbijetuar dhe familjarë të atyre që u vranë, do të mblidhen në vendin ku ngriheshin kullat binjake të Qendrës Botërore të Tregtisë, para se të rrëzoheshin nga goditjet e dy avionëve të udhëtarëve të rrëmbyer nga al-Qaida. Nënpresidenti Mike Pence, pritet të marrë pjesë në një ceremoni në Shanksville të Pennsylvanias, afër vendit ku avioni i United Airlines u rrëzua, pasi që udhëtarët e morën nën kontroll nga terroristët që e kishin rrëmbyer.

Nëntëmbëdhjetë burra të lidhur me al-Qaida i kryen rrëmbimet.

Sulmi më vdekjeprurës në truallin amerikan, pas atij në Pearl Harbor në vitin 1941, ndryshoi përgjithmonë botëkuptimin e Amerikës për sigurinë dhe nxitën presidentin e atëhershëm George W. Bush t’i shpallë luftë terrorizmit dhe të pushtojë Afganistanin.

Forcat e koalicionit të drejtuara nga Shtetet e Bashkuara rrezuan talebanët nga pushteti në Afganistan, por konflikti ende po vazhdon duke u shndërruar në luftën më të gjatë amerikane. Përfaqësuesit e Shteteve të Bashkuara dhe talebanët kanë zhvilluar kohët e fundit bisedime për paqen, por derisa hollësitë e një marrëveshjeje të mundshme po bëheshin publike, presidenti Donald Trump anuloi takimet e planifikuara me talebanët dhe zyrtarë afganë, për shkak të sulmeve të vazhdueshme të talebanëve në Kabul. Shtetet e Bashkuara këkruan udhëheqësin e al-Qaidas Osama bin Laden për vite me ardhë pas sulmeve dhe në maj të vitit 2001 forcat amerikane bastisën një kompleks në Abbottabod të Pakistanit ku e vranë atë.

Kosova përkujton sulmet e 11 shtatorit në SHBA

Ambasadori amerikan në Prishtinë, Philip Kosnett ka përkujtuar sulmet e 11 shtatorit të vitit 2001 në Shtetet e Bashkuara, duke thënë se ato kanë pasur ndikim në gjithë komunitetin ndërkombëtar dhe se amerikanët nuk kanë qenë viktimat e vetme të tyre.

“Njerëz nga 77 shtete kanë vdekur në sulme. Ky ka qenë sulm mbi civilizimin”, ka thënë ai.

Ai ka thënë se amerikanët do të kujtojnë gjithmonë mbështetjen që ka pranuar SHBA-ja nga gjithë bota, duke përmendur edhe Kosovën.

“Pas sulmit, në gjithë Kosoën njerëzit janë mbledhur në përkrahje të SHBA-së, kanë ndezur qirinj dhe kanë dhuruar gjak. Disa qytetarë të Kosovës edhe kanë qenë vullnetarë për t’iu bashkuar ushtrisë amerikane në Luftën Globale kundër Terrorizmit”, ka thënë Kosnett përmes një deklarate.

Përveç tjerash, ai ka shtuar se kjo mbështetje ka qenë konfirmim i lidhjes së fortë të njerëzve të Amerikës dhe popullit të Kosovës.

Gjatë ditës në Prishtinë në oborrin e Qeverisë së Kosovës është inauguruar memoriali “Kosova kujton”.

Në ceremoni, kryeministri në detyrë i Kosovës, Ramush Haradinaj tha se “akti terrorist në Nju Jork të SHBA-së ishte goditje ndaj institucioneve dhe popullit amerikan, ndaj vlerave të lirisë dhe demokracisë, mbi miqtë tanë dhe ne”.

Si pasojë e sulmit terrorist të 11 shtatorit në Kullat Binjake në Nju Jork kanë vdekur rreth 3,000 persona.

Ky sulm është kryer nga një grup prej 19 islamistëve radikalë, 15 prej të cilëve ishin nga Arabia Saudite, dy nga Emiratet e Bashkuara Arabe, një nga Egjipti dhe një nga Libani.

Militantët e Al-Kaidës kanë marrë përgjegjësinë për këtë sulm.(kortezi-Zeri i Amerikes-Evropa e Lire)

KRAVATA ME KULLAT BINJAKE

September 11, 2019 by dgreca

NGA ASLLAN BUSHATI/

Sot është 11 shtator 2019. Kjo datë më sjell në kujtesë momentet, minutat e ditën më të hidhur në jetën e qytetit të NY – 11 Shtatorit 2001. Ditë në të cilën, barbarët sulmuan kryeqytetin e botës, lirinë e tij, qytetarët e pa armatosur, (përfshi edhe familjen time e mu si gjithë njujorkezët). Ata rrëzuar përtokë kullat binjake që përbënin rrokaqiejt e krenarinë e qytetit. Kjo ishte shumë e dhimbëshme, madje e pa krahasueshme me asgjë tjetër në historinë e këtij qyteti. Gati tri mijë jetë njerzish të pafajshëme u ndërprenë në mes nga terroristët, në një kohë kur Lufta e Ftohtë kishte njëmbëdhjetë vite që kish mbaruar.

Unë punoja në: 125 Barclay street (Unioni 32BJ), në katin e dytë nga ora 5 pas dite deri në 12:30 të natës. Ky pallat shtatkatësh ishte vetëm 100 metra larg (në vijë ajrore) në veri të Kullës numër një. Sikur sulmi të kishte ndodhur në kohën e punës time, unë sot ndoshat nuk do të isha gjallë e nuk do të mundesha ti shkruaja këto rreshta. Por fati e deshi që në momentin e goditjes së Kullës parë, të isha tek sekretaria e Shkolla “Kolombi” ku studionte vajza ime Arela. U ndodha atje për të dorëzuar një kopje të librezës vaksinave të vajzës, kur në TV pashë zjarrin në faqen anësore të Kullës. U ktheva menjëherë me makinë në shtëpi dhe e parkova makinën në katin e gjashtë të pallatit parking afër shtëpisë. Instiktivisht sapo dola nga makina hypa në taracën e parkingut për të parë me sy të lirë Kullën e “plagosur”. Por c’të shihja, një avion tjetër goditi edhe Kullën tjetër. Zbrita shpejte nga taraca me ndjenjën e tmerrit në zemër e në shpirt për të shkuar në shtëpi e për të parë në TV se cfarë po ndodhte në qytetit tonë aq të dashur për ne. Në mendje kisha vetëm sulm terrorist, madje këtë hamendësim pak më parë, ja thashë edhe sekretares së shkollës së vajzës e cila ishte bashkëshortrja e një nënkoloneli amerikan në lirim.

Shkova para televizorit dhe isha tërësisht i shokuar kur pashë rrëzimin përdhe të të dy gjigandëve të qytetit shoqëruar me një re madhore tymi e pluhuri sikur të ishte një minishpërthim bërthamor. Lotët më shkonin curk e pandalesë me ato që po më shihnin sytë, momente të cilat skam për ti harruar kurrë në jetën time.

Që nga kjo kohë , nuk shkova më për të punuar në 125 Barclay street për arsye se jugu i qytetit ishte i mbyllur nga gjëma që kishte ndodhur. Por më 18 janar 2002 na njoftuan të shkonim në punë ku në hyrje të pallatit (building) na priti Kryebashkiaku i NY Rudi Xhuliani. Na takoi të gjithëve, na falenderoi për punën që po bënim për reabilitimin e shpejtë të qytetit dhe na porositi të punonim me masa të rrepata mbrojtëse si syza e maska mbrojtëse .

Kur hyra në katin e dytë , para syve mu cfaq një mjedis i tjetërsuar sikur të isha në një planet tjetër. Nuk kishte mbetur asgjë xham e kornizë dritaresh, asnjë foto, banderolë e afishe muri dhe pluhuri ishte gati tre- katër gisht i trashë në të gjithë ambientin. Pluhuri kishte ngjyrë të hirtë me xixëllime si një minierë xeherorësh. Vinte një erë e keqe e cila pa maska në hundë nuk durohej. Na u desh një kohë jo e vogël, që pallati (32BJ) ta rimerrte veten e të kthehej në gjendjen e mëparëshme.

Parë nga këndshikimi i sigurisë, ky sulm mbi kullate NY e mbi Pentagon, tronditi jo vetëm qytetarin e thjeshtë në NY e SHBA, por solli traum edhe në të gjithë botën. Madje ai shembi edhe bazat e mendimit të më parshëm ushtarak për luftën kundër terrorizmit, duke e parë tashmë atë si një metodë e re lufte në kushte të vecanta . Sulmi solli me vehte riorganizim të forcave e të mjeteve në SHBA, NATO e shumë vende të botës. Solli harxhim të ri fondesh e mjetesh materiale e monetare dhe një ndryshim mentaliteti ku bota dukshëm është më pak e sigurtë edhe nga mjetet e përdorimit të përditshëm. Kjo ndodhi sepse një mjet i thjeshtë i transportit publik sic është aeroplani i transtportit të udhëtarëve u kthye në një armë vrasëse masive . Ky mentalitet u përpunu e u përhap nga mendje njerzore primitive, të cmendura, antihumane si Osaman Bin Laden, alkaida etj. Por më e keqja është se ai u këthye në një teori e praktikë, një eksperiencë shumë negative , të frikëshme dhe shumë të rrezikëshme për të sotmen dhe të ardhmen e krejt njerzimit.

Në kohen që dy gradacelet gjigande gërvshtnin qiellin e NY, pata blerë një gravatë në të cilën ishin pikturuar ata në ngjyrat e flamurit amerikan. Këtë gravatë tashmë e përdoroj vetëm një herë në vit më 11 shtator. Në pjesën e prapme kam ngjitur një shënim”REMEMBER” që në shqip do të thotë “kujtoj”. Sa herë që familjarët, miqt dhe kalimtarët e rastit shprehin ndjesi për të , unë e kthej nga prapa duke ju cfaqur”REMEMBER”. Këtë zakon të përvitshëm do ta bëj sa te jemë gjallë në kujtim të atyre që humbën jetën dhe në kujtim të qytetit tim të dashur NY.

Marko Kepi, deputeti i ardhshëm i Parlamentit në Nju-Jork

September 10, 2019 by dgreca

Nga Kozeta Turishta- Nju Jork*/

Me 29 Shtator ora 12:00 në Staten Island (1196 Hylan Boulevard Staten Island NY 10306) Organizohet mitingu i madh, ku zyrtarisht do hapet fushata e kandidatit për Deputet në Parlamentin e Shtetit të Nju Jork-ut Marko Kepi, ku pritet të ketë një pjesëmarrje të madhe të komunitetit shqiptar në mbështetje të kandidaturës së tij, me shpresën e madhe që me votat e shqiptaro-amerikaneve do fitojë zgjedhjet e qershorit të 2020-tës.

Të Dielën e 8 shtatorit, në Staten Island të Nju Jork-ut, u mbodh komuniteti shqiptar për të mbështetur kandidaturën më të re postin e Assemblyman – të deputetit të Parlamentit në Shtetin e Nju jorkut Marko Kepi, i cili ka hapur zyrtarisht takimin e tij të parë duke prezantuar fushatën dhe pikat kryesore të kësaj gare politike e krahut të republikanëve.

Njerëz e emra të njohur e të suksesshëm shqiptarë ishin të pranishëm në këtë takim ku shprehen mbështetjene tyre të padiskutueshme për Kepin duke e konsideruar një mundësi të mirë për përfaqësimin e një shqiptari në politikën e Shtetit Njujorkez.

Marko, është shprehur tepër i nderuar dhe i lumtur që i është dhënë një mundësi ku do provojë veten në një arenë tjetër dhe pse ai e ka të qartë se e pret një punë e madhe dhe i duhet të punoj fort për t’a fituar këtë garë politke, por gjatë takimit Kepi u shpreh tepër i vendosur për t’i shkruar deri në fund fushatës së tij, por mbi gjitha ai theksoi se asgjë nuk është e mundur pa mbështetjen dhe dashamirësinë e komunitetit shqiptar veçanërisht të zonës së Staten Island.

Gjatë këtij takimi patëm mundësinë të takonim dhe nga afer Kongresmenin e njohur amerikan Michael Grimm, një ndër politikanët më të spikatur të politikës amerikane i cili është një ndër mbështetësit kryesor të fushatës së Marko Kepit, i cili ka shprehur hapur besimin e tij ndaj Kepit.

Marko Kepi, një emër aspak i panjohur për shqiptarët e Amerikës, si një ndër të rinjtë më aktivë ndaj promovimit dhe ruajtjes së kulturës dhe traditave shqiptare. Presidenti i Organizatës “Rrënjët Shqiptare” dhe organizatori kryesor i “Parades Shqiptare” në Neë York, prej 10 dekadash e njohur ndryshe si aktiviteti më i madh i vitit ku bën bashkë mijëra shqiptarë duke dedikuar tema të ndjeshme ndaj çështjeve të ndryshme shqiptare.

Marko Kepi, një djal i cili ka emigruar në një moshë të vogël së bashku me familjen e tij si të gjithë shqiptarët e tjerë i është dashur të ecë nëpërmjet vështirësive dhe sfidave të emigracionit por me ëndrra dhe ambicie të mëdha për të ardhmen.

Marko, i arsimuar në shkollat më të mira e të njohura të Nju-Jork-ut, e këmbëngulja e tij për t’u bë dikushi një ditë në tokën e premtuar nuk i mungoi, por studioi dhe punoi fort për t’a bërë realitet ëndrrën amerikane e pasi mbaroi studimet e larta shkëlqyeshëm, një ndër pasionet por dhe ëndrrat e tij në sirtar ishte që një ditë të bëhej Marins i Shteteve të Bashkuara të Amerikës, edhe pse shumë ëndërrojnë këtë titull por aspak e lehtë për t’a arritur, duhet të jesh tepër i kualifikuar për pranimin në këtë mision.

Marko Kepi ndër të tjera njihet për përfshirjen e tij në politikën amerikane, si një mbështetës i Partisë Republikane dhe Presidentit Donald Trump, shqiptari që gjithnjë ngre zërin e përfaqëson Shqipërinë e vlerat e saj në çdo aktivitet jo vetem shqiptar por dhe amerikan, ku e kemi parë të kontribuojë në çdo projekt ku në fokus ka Shqipërinë dhe Shqiptarët.

Markon, e kemi parë shpesh-herë të ftuar në televizionet më të njohura amerikane si Cnn dhe emisione të tjera si përfaqësues i Republikanëve të Nju-Jork-ut.

Marko, është shembulli më konkret i suksesit por edhe i sakrificës pasi e ka arritur çdo gjë me shumë punë pa i dhënë askush asgjë por vetëm nga këmbëngulja e tij, si një djalë tepër i talentuar dhe me këmbë në tokë sot është një emër dinjitoz që aspiron një të ardhme të sigurtë në shërbim të komunitetit shqiptar e si një histori frymëzuese per çdo të ri që duhet të di ta fitojë suksesin./ Dritare.net

KOHA E SHFAROSJES” PROMOVOHET NË VATËR

September 10, 2019 by dgreca

KOHA E SHFAROSJES” E GAZETARIT SOKOL PAJA PROMOVOHET NË VATËR/

Ftoheni të merrni pjesë në promovimin e librit që sapo është botuar në Nju Jork”KOHA E SHFAROSJES”. E SHTUNË, 14 SHTATOR 2019, ORA 11 e 30 . A.M.

Federata Pan-Shqiptare e Amerikës”VATRA” do të promovojë të Shtunën me 14 Shtator 2019, duke filluar nga ora 11 e 30 A.M librin e gazetarit dhe studiuesit Sokol Paja”KOHA E SHFAROSJES”, që fokusohet tek Genocidi komunist ndaj familjeve te persekutuara ne Shqiperi 1945-1990, konkretisht tek Familja “Paja” ne Malesine e Madhe, por jo vetëm.

Libri”Koha e Shafrosjes” me parathënie nga Simon Mirakaj sapo është botuar në Nju Jork, dhe i është dedikuar persekutimit dhe jetës së humbur tragjikisht të familjarëve të autorit dhe veçanërisht gjyshit të tij, Pjetrush Paja, i cili u pushkatua dhe u la i tretur pa varr nga regjimi komunist…

Libri bazohet në materiale faktike të nxjerra nga Dosjet e Sigurimit të Shtetit dhe ka në lupën e vëzhgimit dhunën, terrorin komunist, rrjetin e spiunëve dhe bashkëpunëtorëve, por jo vetëm kaq, libri merr përsipër të zbërthejë Genocidin e ushtruar nga diktatura mbi qytetarët e vet. Pjesa e dytë e librit fokusohet tek: Tiparet e totalitarizmit shqiptar ne vitet 1945-1990, Aspekte te social-komunizmit shqiptar ne vitet 1945-1990 , Ndalimi i veprimtarive fetare ne Shqiperine komuniste, Lufta e klasave si instalim perfundimtar i diktatures , Sigurimi i shtetit si makineri frike, dhune e torture, Torturat ndaj te burgosurve ne regjimin komunist , Shoqeria shqiptare gjate diktatures komuniste, Media totalitare ne sherbim te pushtetit komunist, Aksionet e komunisteve ne shkaterrimin e familjes e traditave, Njeriu i ri komunist si frymezim per shoqerine socialiste etj.

Cfarë kishte ndodhë në Shqipëri? Në postballinën e librit vjen përgjigja si autopsi e diktaturës nga pena e At Zef Pllumit: Shqipnia e terrorizueme kishte ra në koma. Njerzit e ditun nuk dijshin ma kurrgja dhe njerzit e paditun kishin në dorë gjithcka:atë që nuk dihej! Poshtërsia njerëzore kishte mbërritë kulmin, aq sa, të tërbuem prej inatit, nuk cajshin ma kryet për kurrnji ndjenjë njerëzore, as për të gjallët, as për të vdekunit. Masat e terrorit erdhën tue u randue: shtoheshin kontrollet, të burgosunit, të arrestuemit, shtoheshin pushkatimet!”….

Ejani të Shtunë në VATER, bëhuni pjesë e promovimit, ku do të jetë i pranishëm edhe vetë autori.