Featured – Page 471 – Dielli

Histori brezash shqiptarie….

November 5, 2017 by dgreca

…..në simbolikën kuq e zi në Albanian Culture TV/

Shkruan: Flora Nikolla/Disa mijëra kilometra larg vendit tim, në një natë me shi Nju Jorku, isha ulur në një sallë prestigjioze në Manhattan. Quhet Symphony Space. Në fakt e kisha njohur një vit më parë . Si në këtë natë shiu, kishte qënë e mbushur plot me shqiptarë, me zonja që kishin arritur sukses në Nju Jork dhe që Albanian Excellence i kish mbledhur në një libër.

Atëherë kishim thënë që kjo sallë , nuk kishte patur asnjëherë më parë më shumë shqiptarë. Sot dukej një simbolikë nomale, në këtë natë feste e ceremonie kur kremtohej 20 vjetori i një Televizioni shqiptar në qëndër të botës, një televizioni që me përkushtim dhe dashuri, me vullnet, ishte iniciuar 20 vite më pare, nga Adem Belliu dhe familja e tij, duke krijuar tashmë një histori suksesi në komunitetin shqiptaro-amerikan në Nju Jork .

Dritat e skenës, kuq e zi ngjallnin emocion!!! Pianoja me ceremoninë qw mbart, më sillte pranë tingujt e vendit tim. Nga nga ky vend gjigand, Shqipëria më dukej e strukur dhe e vogël mes maleve të larta, atje ku dielli shkëlqen shumë.

Ishte një përkundje e imja e lumtur mes Kuq e Zi-së e cila më kundronte krenare nga skena përballë.

Ishte emocion kundrimi i këtij simboli të madh brenda konceptimit të saj, sepse në fakt ishte ky simbol qe kishte mbledhur në këtë sallë disa qindra shqiptarë.

Në një skenë kuq e zi, realizuar nga artisti Andis Gjoni, njëherazi regjisor i saj, prezantohej jeta 20 vjecare e Albanian Culture TV , prezantohej komuniteti shqiptaro-amerikan dhe brezat e tij .

Simbolika e jetës së një televizioni shkrihej më jetën e mijëra njerëzish në këtë natë të madhe cmimesh kuq e zi. Ja pse brenda vetes ndieja emocione drithëruese, sepse kjo kuq e zi, jetësisht i jepte një dimension të gjërë në kohë dhe në hapësirë jo vetëm Albanian Culture TV, por njehërazi i jepte kuptimin e vertetë këtij komuniteti larg vendit të tij.

Bota duket sikur i ka fshirë tashmë kufinjtë e saj.

Dhe ja ku ndodheshim në Nju Jork në një skenë me ngjyrat e flamurit tone kombëtar, si për ta bekuar e për ta pagëzuar televizionin Albanian Culture TV, edhe si nje televizion mbarëkombëtar, pa kufinj hapësinor, ide një artisti si Andis Gjoni, i cili në karrierën e tij atistike, duket se di t’i paraprijë me qytetarinë, fisnikërinë, me emancipimin e tij artistik, pritjeve që duhet të ketë koha që jetojmë.

Vera Belliu, Gertold Balliu, Meril Hila, Fiorela Miria, Riad Ymeri, Erijona Balaj Vasilio Mosko, Klaudio Roko, motrat Enesa dhe Jona Dedinsa, Valentina Veizaj një brez të rinjsh që hypën me dinjitet në këtë. Janë brezi që po rriten në shtetin e demokracisë botërorë, që kanë dimension tjetër në jetën e tyre, por që pavarësisht në këtë natë të madhe të ditëlindjes së Albanian Culture TV, ishin së bashku në nder të shqiptarisë së madhe.

Ja pra , pse vijoja të kisha emocion në këtë natë të gjatë, sepse ishte një prezantim brezash , të ndryshëm sipas përkatësisë së tyre individuale, vetiake sipas historisë së moshës së tyre…!!!

Ja kjo e bënte të kuptimtë këtë natë me emocionet e saj në ajër.

Grupi realizues, Vera dhe Mimoza Belliu, bashkëthemeluese të Albanian Culture TV, producenti dhe themeluesi i tij , Adem Belliu, regjisori dhe skenografi Andis Gjoni, së bashku kishin ditur të gërshetonin e zgjidhnin më të mirën vlerë e më të bukurin emocion brezash .

Artisti ynë madh Fredeik Ndoci, interpretoi “Balada e gurit”, duke e lënë pezull sallën me këngën që interpretoi në Festivalin e Europian të Këngës. Por pezull ishte salla dhe plot duatrokitje në këtë natë cmimesh dhe për artistin e madh të skenës, Mirush Kabashi , në një interpretim brilant me vargjet , Ti Shqipëri më ep nder , më ep emrin Shqipëtar.

Preludi i cmimeve të Albanian Cultue TV , ishte “Federata Panshqiptare Vatra”, shoqata e idealeve shqiptare në 105 vite shtet , për të vijuar me nderimin për, Motrat Qiriazi, Albanian Amerkcan Civic League me president ish-kongresmenin Jo Dio Guardi, me nderimin për ish gazetarin e Zëri i Amerikës, Gjekë Gjonlekaj, me nderimin për Shoqata Atlantiku, nderimin për Editorin e palodhur të gazetës Dielli, për gazetarin Beqir Sina, për moderatoren, Marjana Bulku, nderimi për Pranvera Cobo.

Koncert Maestër, dekania e artisteve shqiptare me banim në Nju Jok, Hermira Gjoni, pianistja e njohur Ida Tili Trebicka, artistet , Gilberta Lucaj, Anat Almani, sopranot e njohura , Dëshira Ahmeti Kërliu dhe Lindita Mezini Lole, Mialtin Zhezha, Bilbili i kënges shqiptare Merita Halili dhe Maestro Raif Hyseni, Leart Ajeti, Elona Muca, Lorivert Cobo, të gjithë a nuk janë një brez i nderuar artistësh shqiptarë me sukses dinjitoz e të padiskutuar në Nju Jork dhe jo vetëm ?

Por edhe Richard Lukaj (Nderi i kombit), Isidois Beti Tsamblakos, Kozeta Zylo, Vera Belliu, Mimoza Belliu, Bora Balaj, të cilët dorëzuan nderimet respektive në këtë natë të madhe cmimesh , a nuk jane personaliete në fushat e tyre, të krijuara e fizionomuar në këtë vënd të madh të lirisë???

Por edhe asambleisti i shtetit të Nju Jorkut , z. Mark Gjonaj me fjalimin që mbajti në nder të Albanian Culture TV, a nuk është edhe ai një krenari legjitime, për të gjithë shqiptarët në përfaqësimin e vlerave të shqiptarëve ?

A nuk mund të ishte natë emocionesh kjo, kur në Symphoni Space, dukej sikur ndodhej një Shqipëri e vogël , në Nju Jokun e madh, qëndra e një bote të madhe???

Në gjithë këtë odise, si të mos kesh emocion, kur sheh njerëzit e tu që me dinjitet e fisnikwrisht ditën të nisin një jetë nga e para dhe po me aq dinjitet profesional dhe njerëzor të ndërtojnë një jetë suksesi në kontinentin amerikan ?

Plot emocion drithërues ndoqa këtë natë të madhe cmimesh në një natë shiu vjeshte në Nju Jork !!!

Njoha histori të mëdha, vetmohim , dashuri, përkushtim, punë , miqësi të reja dhe të vjetra, mëri të harrruara , ide projektesh të reja, të gjitha nën kuq e zinë e tonë të bukur konceptuar goditëse në skenën e Andis Gjoni në natën e madhe të Albanian Culture TV !!!

Dhe në fund të këtyre ndiesive të një natë të madhe të Albanian Culture TV, dua t’i them komunitetit shqiptaro-amerikan : Faleminderit për dinjitetin tuaj ! Keni udhë të gjatë e plot sukses për të bërë !!!

“Ç’KA KA QËLLUE”- TRADITA SHQIPTARE, NJË BEFASI PLOT SURPRIZA

November 3, 2017 by dgreca

23172485_1837370459625220_6186295341310968096_n

23213406_1837369289625337_8435586759232245015_o (1)

23117066_1837373479624918_2245336626010215978_o

Të Merkuren, me 1 Nëntor, në mbrëmje, u organizua ceremonia promovuese e Restorantit” Çka ka qëllue, në adresën: 2321 Hughes Ave Bronx, New York 10458.

Bashkatdhetari ynë nga Peja, Ramiz Kukaj me familjen,me bacën Rustem, me djalin Kastriot, me një staf të kompletuar, me kamerierët e evshur me kostume kombetare tradicionale, kanë pritur plot bujari mysafirë të shumtë, të cilët e kanë uruar për mbarësi të biznesit të ri në këtë zonë të njohur të bizneseve të Arthur Ave. Shumë vizitorë, jo vetëm të komunitetit shqiptar, por edhe italianë, kanë shijuar gatimet tradicionale shqiptare, përfshi edhe flinë karakteristike të Kosovës. Hapja e këtij restoranti (i dyti në Bronx) ishte paralajëmruar nga gazeta prestigjioze “The New York Times”, që në muajin shtator. Restoranti është konceptuar si një shtëpi e madhe tradicionale shqiptare e zbukuruar me orendi shtëpiake të shekullit të 19-të,qendisma, qilima, sende të përdorimit të përditshëm në shtëpitë shqiptare, veshje tradicionale, instrumente muzikore t restoranti hershme, fotografi historike etj.

Ky restorant të ngjason me një muze historiko-Etnografik, ku tradita është ulur këmbkryeq, ndërsa Kuzhina shqiptare dhe Vera Stone Castel,të mrekullojnë. Provojeni dhe do të mbeteni të befasuar. Për më shumë ne do të shkruajmë në numrin special të Gazetës Dielli, që botohet me rastin e 105 Vjetorit të Pavarësisë dhe do të ketë më shumë se 100 faqe me 28 Nëntor 2017.

SIMFONI SHQIPTARE NE SYMPHONY SPACE

November 3, 2017 by dgreca

TV “Kultura Shqiptare” festoi me madhështi 20 vjetorin e krijimit të tij/

Nga Keze Kozeta Zylo/*

Në sallën e koncerteve në Symphony Space në Manhattan një vend drite i artit dhe kulturës, qindra shqiptarë erdhën dhe festuan së bashku 20 vjetorin e krijimit të TV “Kultura Shqiptare” me themelues dhe producent z.Adem Belliu. Sigurisht pas një burri te suksesshëm thuhet se në krah qëndron një grua po aq punëtore dhe e sukesshme siç është zonja Mimoza Belliu e cila së bashku me dy fëmijët Gertoldin dhe Verën arritën që të realizonin ëndrrën e tyre të bukur në Amerikë. 20 Vjetori i krijimit të TV “Kultura Shqiptare” është një histori suksesi, është një punë sa me sakrifica, por po aq dhe e bukur.

Të shkosh me kamera në dorë, të ndjekësh aktivitetet e ndryshme kulturore, artistike, festat kombëtare që zhvillojnë organizatat e ndryshme në diasporë është një pune jo fort e lehtë, është një punë që do pasion, durim dhe profesionalizëm, të cilat ata i kanë si një trinom të pandashëm.

Kremtimi i 20 vjetorit ishte konceptuar me realizimin e një koncerti të larmishëm si natë çmimesh ku debutuan artiste të mirënjohur shqiptarë dhe disa prej tyre kanë dhënë shfaqje në skenat botërore, çka e bënte dhe më interasante dhe më tërheqëse këtë natë magjike artistike. Regjisor i këtij koncerti ishte artisti Andis Gjoni.

Mbrëmjen e ka hapur z.Gertold Belliu bashkëthemelues i TV “Kultura Shqiptare” i cili ka përshëndetur gjithë pjesëmarrësit. Në sfond u shfaq dokumentari rreth historisë 20 vjeçare të TV “Kultura Shqiptare”.

Prezantueset e kësaj mbrëmjeje ishin zonjushet bukuroshe Meryl Hila, Dea Elezaj dhe djemtë simpatike Vasilio Mosko dhe Klaudio Rroku.

Koncerti u hap me “Fjalët e qiririt”, “Mësonjëtorja” që janë interpretuar nga tenori Riad Ymeri i cili bashkë me zërin dukej sikur sillte pakëz dritë, dritëz shqipërie.

Në këtë natë jubilare që u quajt dhe nata e çmimeve u nderuan disa organizata dhe aktivistë që kanë pasur një bashkëpunim të ngushtë me TV “Kultura Shqiptare”. I pari që u nderua me çmim ishte shoqata “Vatra”, shoqata më e vjetër dhe me jetëgjatësinë më të lartë në botën shqiptare. Në emër të shoqatës “Vatra”, çmimin e mori z.Dritan Mishto kryetar i Vatrës dhënë nga z.Adem Belliu.

“Vjeshta” me lluksin aristokratik u interpretua nga tre instrumentistë me plot elegancë si Gjilberta Lucaj, Akiko Chiba dhe Anat Almani.

Fiorela Miria një vajzë që premton shumë me zërin e saj të bukur interpretoi këngën “The laughing song” nën shoqërimin e pianistes së talentuar Hermira Gjoni.

Z.Richard Lukaj “Nderi i Kombit” i dorëzoi çmimin e nderit shoqatës së mirënjohur “Motrat Qiriazi”. Në emër të kësaj shoqate çmimin e mori presidentja e saj zonja Isidoros Beti Tsamblakos.

Zonjusha Elona Muça dhe Youn –hee Kim kanë interpretuar “Libertango”, A.Piazolla, ndërsa Klajdi Cerriku ka interpretuar “Rini e qeshur” nga A.Krajka.

Sopranoja e mirënjohur Dëshira Ahmeti Kerliu solli shenjtëreshën shqiptare në skenë Nënë Terezën me Hymnin e saj “Valsi Hyjnor” nën shoqërimin e artistëve Mialtin Zhezha dhe Ida Tili Trebicka.

“Albanian American Civic League me president ish kongresistin Joe Dio Guardi u nderua me çmim në emër të së cilës e mori z.Agim Aliçkaj dhënë nga Kozeta Zylo bashkëthemeluese e TV “Alba Life” dhe e Shkollave Shqipe.

Artisti i shquar Frederik Ndoci ka performuar “Balada e Gurit” këngë fituese e Festivalit dhe që hyri në konkurrim në Festivalin europian.

Sabre Dance nga A.Khachaturian interpretuar nga pianistja e njohur Ida Tili Trebicka shoqëruar nga Lorivert Cobo.

Ish gazetari i Zërit të Amerikës z.Gjekë Gjonlekaj Publishing Co. është nderuar me çmim dhënë nga zonjusha Vera Belliu bashkëpunëtore e TV “Kultura Shqiptare” qysh në moshën 4 vjece, vajza bukuroshe që drejton me aq kulturë dhe mirësi.

Ansambleisti i shtetit të Nju Jorkut z.Mark Gjonaj ka nderuar me proklamatën e mirënjohjes TV “Kultura Shqiptare” dhe ka vlerësuar lart punën e palodhur të drejtuesve dhe të gjithë stafit të tij.

Motrat Enesa dhe Jona Dedinsa veshur me kostum kombëar interpretuan plot dashuri këngën “Brezi me kapuc të bardhë”.

Shoqata “Atlantiku” u nderua nga TV “Kultura Shqiptare” në emër të së cilës e mori kryetari i saj gjenerali Gani Shehu dhënë nga veterani i Luftës z.Gjocaj

Mjaft prekëse ishte vidioja e shfaqur në nderim të atyre që janë larguar nga kjo botë dhe që kanë qenë aktive në TV “Kultura Shqiptare”.

Me duartrokitje të stuhishme u mirëprit artisti i skenës shqiptare Mirush Kabashi i cili kishte udhëtuar nga larg ardhur nga Shqipëria jonë e dashur. Mjeshtërisht dhe me një nivel të epërm interpretoi poezinë nga “Ah, moj Demokraci”!…shkruar nga poeti i mirënjohur i ndjeri Pano Taçi ish i persekutuar politik.

Artistja e vogël dhe shumë e dashur për publikun Valentina Veizaj intepretoi “Këndoj për Shqiptarinë”.

Editori i gazetës “Dielli” z.Dalip Greca u nderua me çmim nga TV “Kultura Shqiptare” dhënë nga znj.Flora Nikolla presidente e Albanian Excellence.

Një buqetë me lule nga të gjitha trevat shqiptare solli sopranoja e mirënjohur shqiptare Lindita Mezini Lole nën titullin “Jehonë Shqiptare” me orkestracion nga Alfred Kaçinari.

Me çmim u nderua dhe z.Beqir Sina anetar i stafit i cili nuk ndodhej fizikisht në sallë.

Skena u mbush plot me instrumente shqiptare të interpretuara nga studentë të huaj të drejtuar nga Maestro Raif Hyseni dhe kanarina e këngës shqiptare Merita Halili.

Leart Ajeti interpretoi “Një lule që m’ka çel tash”.

Festivali i “Zërave të rinj” ëshë nderuar me çmim në emër të së cilës e ka marrë Pranvera Cobo dhënë nga Bora Balaj, fashion designers.

Zonjusha Erijona Balaj interpretoi “Going Crazy”. Ansambli i valleve “Epos” kërceu “Valle me motive të Shqipërisë së mesme”.

Një vidio përshëndetëse u shfaq për bashkëpunëtorët e TV “Kultura Shqiptare”.

Zonja Marjana Bulku moderatore e emisionit “Një jetë disa histori” është vlerësuar me çmim dhënë nga znj.Mimoza Belliu bashkëthemeluese e TV “Kultura Shqiptare”.

Intrpretimi i lartë artistik i mjeshtrit të skenës Mirush Kabashi me poemën “Shpresë” të Naim Frashërit u mirëprit me ovacione nga pjesëmarrësit, sepse janë vargjet lapidar që ngrenë peshë zemrat e popullit si:

Ti, Shqipëri më ep nder, më ep emrin Shqipëtar/ Zemrën ti ma gatove plot me dëshirë e me zjarr.

Është kjo poemë që çliron vetëm energji të pashterrshme dhe ndez zemrat e mërguara të shqiptarëve anë e mbanëbotës…

Koncerti dhe festa jubilare e 20 Vjetorit të TV “Kultura Shqiptare” u mbyll me një kor të përbashkët të të gjithë artistëve që morën pjesë në koncert. Eshtë kënga që s’shuhet kurrë në gjokset e shqiptarëve të cilët në sallë shoqëruan artistët si: Po nga gjith’ ato më parë/ dua më shumë Shqipërinë/ që të vejë puna mbarë/ edhe përjetë të ketë Lirinë.

Pjesëmarrësit kaluan një natë magjike që do të ngelet gjatë në kujtesën e tyre dhe njëkohësisht do të jetë frymëzim i mëtejshëm për TV “Kultura Shqiptare” një televizion që ka hedhur themelet për të mos u rrëzuar kurë!

*Fotografite mund ti shine ne Facebook(Dielli vatra)

29 tetor, 2017

Manhattan, New York

Sulm terrorist në Nju Jork, Tetë të vrarë

October 31, 2017 by dgreca

-Federata Panshqiptare e Amerikës “VATRA” dënon aktin terrorist/

Kryebashkiaku i Nju Jorkut, Bill de Blasio, tha se tetë njerëz janë vrarë kur një kamion ka goditur kalimtarët në një zonë çiklistësh në lagjen Menhatën.Policia tha më herët se disa njerëz janë plagosur në incidentin e së martës, të cilin de Blasio e quajti “akt të frikshëm terrorist”.“E dimë se ky veprim ka pasur qëllim të thyejë shpirtin tonë. Por, e dimë po ashtu se njujorkezët janë të fortë dhe ne nuk do të thyhemi kurrë nga një akt i dhunës”, tha de Blasio.

Eshte e situate se numri i te vdekureve eshte tete , ndersa njëmbëdhjetë njerëz kanë plagë serioze, por jo kërcënuese për jetën, thanë shërbimet emergjente.Autoritetet thanë se 6 veta humben jetën në vendin e ngjarjes, ndërsa dy të tjerë vdiqën më pas nga pasojat e plagëve.

Guvernatori i Nju Jorkut, Andrew Cuomo, e përshkroi incidentin si sulm të një “ujku të vetmuar” dhe tha se nuk ka prova që sugjerojnë se ai mund të jetë pjesë e “një komploti më të gjerë ose skeme më të gjerë”.

Departamenti i Policisë në Nju Jork tha se kamioni ka goditur çiklistët dhe kalimtarët, përpara se të godiste një automjet tjetër, dhe se më pas shoferi ka dalë jashtë me “kopje armësh”.

Tashmë nuk ka dyshim se akti është klasifikuar si terrorist dhe i qëllimshëm. Në makinë janë gjetë shenja të shtetit të ISS-it. I dyshuari është qëlluar nga policia dhe është dërguar në paraburgim.

Presidenti Trump deklaron për ngjarjen tragjike të NYC

Presidenti Donald Trump, urdhëroi Departamentin e Sigurisë Kombëtare të ashpërsojë masat e verifikimit dhe ndalimit pas sulmit vdekjeprurës të një ditë më parë në New York.“Ajo e Manhattan-it duket si një tjetër goditje e një individi të sëmurë e me çrregullime të thella”, shkroi presidenti amerikan në Twitter.

Nuk duhet të lejojmë që ISIS të kthehet apo të hyjë në vendin tonë pasi e kemi mposhtur ne lindjen e mesme dhe gjetkë. Mjaft më, thuhet në një tjetër mesazh të tij ne rrjetin Twitter.

Donald J. Trump

✔ @realDonaldTrump

***

NYC, looks like another attack by a very sick and deranged person. Law enforcement is following this closely. NOT IN THE U.S.A.!

We must not allow ISIS to return, or enter, our country after defeating them in the Middle East and elsewhere. Enough!

My thoughts, condolences and prayers to the victims and families of the New York City terrorist attack. God and your country are with you!

I have just ordered Homeland Security to step up our already Extreme Vetting Program. Being politically correct is fine, but not for this!

6:26 PM – 31 Oct 2017

***

Kryeministri Haradinaj dënon sulmin në New York

Prishtinë, 1 nëntor 2017-Gazeta DIELLI/

Kryeministri i Republikës së Kosovës Ramush Haradinaj e ka dënuar sulmin e egër mbi jetët njerëzore në New York City, duke e konsideruar njëherësh sulm kundër dinjitetit njerëzor dhe lirisë – sinonim i të cilës janë Shtetet e Bashkuara të Amerikës.

Populli dhe Qeveria e Kosovës bashkëndjejnë me familjet e viktimave të pafajshme dhe luten për to, duke i qëndruar në krah ShBA-së dhe popullit amerikan në përballje me të keqen.

Fuqia e ligjit duhet të rëndojë mbi krimin kudo dhe kurdo që ai shfaqet, prandaj, kosovarët i mban besimi se ShBA-ja dhe bota demokratike do të mundin të keqen dhe do ta mbrojnë lirinë.

Republika e Kosovës dhe populli i saj janë pjesë e arkitekturës globale të sigurisë dhe do të qëndrojnë fuqishëm në këtë rreshtim.

VATRA DENON AKTIN TERRORIST

Kryetari i Federates VATRA, z. Dritan Mishto, në një pronocim për Gazetën”DIELLI” ka dënuar aktin terrorist, që synon destabilizimin e Amerikës, udhëheqësen e koalicionit kundër terrorizmit dhe shtetit te ISS. Për kryetarin e Vatrës cdo sulm i tillë do të dështojë. Federata VATRA dhe të gjithë vatranët luten për shpirtrat e viktimave të pafajshme dhe bashkohen me dhimbjen e familjeve të viktimave.

MESAZHI I ARTISTEVE NE DITELINDJEN E 20-të TE TV KULTURA SHQIPTARE

October 31, 2017 by dgreca

Njerëzinë mirësinë dhe urtësinë i dua shumë/

Nga Marjana Bulku*/

Televizioni Kultura Shqiptare ne Nju Jork kulmoi ne kete vit te 20-të të tij me nje gala ku fjalen e kishin artistet te cilët dijnë që skenës ti dhurojnë më të mirën ,sejcili sipas mënyrës së vet duke na dhënë ne joartistëve një leksion shumë te madh : silluni me jetën si ne me skenën! Edhe pse vetëm katër vjec në historinë 20 vjecare të këtij televizioni m’u duk se përjetova historitë qindravjecare shqiptaro -amerikane që prane familjes kanë muzeale atdheun prej nga vijnë me gjithë hallet dhe problematikat që nuk ndalen, e gjitha kjo përmes punës tepër profesionale të Vera Belliut e cila ka shfrytëzuar arkivat plot të të atit producent dhe drejtues i kësaj media z. Adem Belliu duke ia dhuruar skenës. Dhe skena , kjo hapësirë ku puna e detajuar hollësisht nga një grup që natyrisht ka punuar shkëlqyer , i dha jetë atyre historive, personazheve duke u alternuar me fjalët , ku kryefjalë ishin artistët . Një natë ku nuk munguan cmimet dhe nderimet, natyrshëm në Amerikën e madhe edhe gabimet janë mësime të vogla nga të cilat mund të kuptosh e reflektosh shumë. Një natë të cilës nuk i mungoi humori herë i planifikuar e herë spontan , por gjithë lezet e realizëm e duke tejkaluar këndshëm edhe të papriturat e interpretimit live. Një natë të cilës nuk i mungoi as shiu i rrebeshtë për tu mbajtur mend. Madhështia e takimit në skenë e historisë së një komuniteti dhe historisë së një televizioni ndodhi nën bekimin e artistëve ! E ku ka më bukur se kaq, janë pikërisht ata që kanë qenë në studion e albanian culture tv dhe i kanë berë të flasin me tinguj emisionet tona aty. Repertori i tyre i përzgjedhur me aq kujdes ku tematika dha mesazhet e dashurise për njeriun ,familjen, atdheun,mirësinë ,urtësinë, demokracinë krijoi një natë ideale dhe luksi se si kultura duhet dhe mund ti shërbejë një kombi. Alternimi i brezave, kulturave, rrymave muzikore,teksteve te lexuara bëri që asnjë minut në atë sallë të mos dukej i tepërt edhe pse orët e vona paralajmëronin mëngjesin e një jave të re pune. Personalisht enigmave të mia se a i duhet televizioni një komuniteti në emigrim ,,, i dha përgjigje kjo gala . Historitë shuhen nga mëritë , xhelozitë,urrejtjet pa shkak , komunitet tkurren pa median që paska fuqinë jo vetëm ti ndjekë dhe përjetësojë ato në ekran por edhe tu dhurojë emocione të tilla që unë ju vë titull fragmentin e tekstit të mësonjëtores “Njerëzinë, mirësinë dhe urtësinë i dua shumë”.

New York, 29 tteor 2017

*Fotografite i gjeni ne FB(dalip greca)