Featured – Page 640 – Dielli

Presidentja Jahjaga,Doktor Nderi i Shkencave Juridike në Universitetin e Leicesterit

July 17, 2015 by dgreca

President Jahjaga is awarded the Honorary Degree of Doctor of Laws by the Leicester University/
Presidentja e Republikës së Kosovës, zonja Atifete Jahjaga vizitoi sot, 17 Korrik, Universitetin e Leicesterit në Britani të Madhe.Në një ceremoni të veçantë, ky universitet e nderoi Presidenten Jahjaga me titullin Doktor Nderi i Shkencave Juridike.
Në një fjalim mbajtur me këtë rast, Presidentja Jahjaga theksoi:
I nderuari President,
Kancelar, zëvendëskancelar,
Kam kënaqësi të madhe dhe njëkohësisht edhe shumë emocione tani kur po rikthehem në Leicester University, pas pothuajse një dekade, për ta pranuar këtë Titull Nderi nga një institucion i cili më mësoi se edukimi është një proces mbarëjetësor, më insipiroi me lidership dhe më mësoi kurajën. Këto janë ato tri shtylla në të cilat jam mbështetur dhe tri vlerat të cilat më udhëheqin si Presidente e Kosovës, një post të cilin sot e mbaj me krenari të madhe.
E di se, përderisa qëndroni të ulur këtu të veshur me pelerinat dhe kapelat e diplomimit, diplomimi ju duket si një lehtësim. Nuk ka më mësime gjatë gjithë natës dhe s’ka më provime për t’u brengosur për to.
Dhe në një mënyrë është lehtësim, sepse inspirimi të cilin e instaluan në ju mentorët tuaj të mrekullueshëm, nga fakultetet e lavdërueshme të këtij universiteti, ju bën të padurueshëm që të ballafaqoheni me sfidat që do t’ju shndërrojnë në agjentë të ndryshimit në komunitetet tuaja.
Të jeni të sigurt se do të MUND të jeni ai ndryshim, se do të mund t’i prekni ëndrrat tuaja. Siç e tha njëherë Presidentja e Liberisë, Ellen Johnson Sirleaf: “Nëse ëndrrat e juaja nuk ju frikësojnë, atëherë ato ëndrra nuk janë mjaftueshëm të mëdha.” Pra, ju gjenerata e vitit 2015, ËNDËRRONI ËNDRRA TË MËDHAJA!
Zonja dhe Zotërinj,
Rrugëtimin e vendit tim po e bëj të duket paksa më i bukur. Unë kam përfunduar shkollimin tim nën një represion të rëndë, nëpër shkolla të përkohshme, të cilat ishin pjesë thelbësore e rezistencës sonë civile dhe të cilat na ndihmuan të mbijetojmë dhe ta mundim një regjim i cili ka shkelur secilën të drejtë njerëzore, duke përfshirë edhe të drejtën për shkollim.
Unë vijoja mësimet përderisa artileria digjte fshatrat dhe qytetet e Kosovës, për shkak se unë dhe gjenerata ime ishim të vendosur ta ndërtojmë një Kosovë të re, një Kosovë ndryshe, në të cilën i tërë populli i saj, pa marrë parasysh prejardhjen etnike, pa dallim gjinie dhe feje, do të jetonte me përgjegjësi dhe të drejta të barabarta në atë vend të cilit ata i thonin mëmëdhe.
Dhe ajo ditë erdhi në vitin 1999, pas një lufte brutale; dhe përderisa shumë nga ne nuk i kishim zotësitë e nevojshme për ta udhëhequr vendin që të lëvizë nga shkatërrimi i trashëguar deri në prosperitet, ne u përqafuam nga universitete siç është ky këtu, të cilët i hapën dyert për ne dhe thyen izolimin tonë, dhe na dhanë mundësinë të mësojmë dhe të bëhemi ndryshim të cilin donim ta shihnim në vendin tonë. Ne ju jemi përherë falënderues.
Ne e kemi ndërruar Kosovën nga një vend i shkatërruar nga lufta në një demokraci dinamike. Dhe Kosova sot është më shumë se një episod i historisë sonë të përbashkët njerëzore. Është një histori e suksesit tonë të përbashkët.
I nderuari Zoti President, Kancelar, Zëvendëskancelar,
Të nderuar studentë, familjarë dhe mysafirë,
Jam shumë e prekur nga ky nderim, dhe këtë ia dedikoj vendit dhe popullit tim, të cilët përherë më mahnisin me forcën dhe qëndrueshmërinë e tyre.
Vij këtu nga një takim i rëndësishëm për vendin tim. U nderova me një pritje të jashtëzakonshme në Pallatin Mbretëror nga ana e Lartmadhërisë së Saj Mbretëreshës Elizabeta e Dytë, të cilës i shfaqa falënderimin e vendit tim për rolin të cilin Mbretëria e Bashkuar ka luajtur në vendosjen e paqes në Kosovë. Unë dhe populli i Kosovës e ruajmë dhe e vlerësojmë me zell këtë miqësi.
Të nderuar miq,
Në një botë në të cilën vlerat tona po sfidohen vazhdimisht, ne duhet të qëndrojmë të bashkuar përreth idealeve të cilat na definojnë. Ne duhet të kërkojmë gjithëpërfshirje. Ne duhet të inspirojmë ndryshimin, i cili do të sjellë zhvillim. Në një botë në të cilën dëshirojmë të jetojmë së bashku, ne duhet të kërkojmë barazi. Këtë duhet ta bëjmë në partneritet.
Ju lutem që ta mbani këtë në mend kur të ndërmerrni sfidat e ardhshme për t’i ndihmuar komuniteteve tuaja që të zhvillohen dhe shoqërive tona për t’u bërë shembull i asaj se çfarë ne duam që ato të jenë.
Ju falënderoj nga zemra!
***
President Jahjaga is awarded the Honorary Degree of Doctor of Laws by the Leicester University/
President of the Republic of Kosovo, Mrs. Atifete Jahjaga, visited today the Leicester University in United Kingdom.
At a special ceremony, this university awarded President Jahjaga the Honorary Degree of Doctor of Laws.
At an address held on this occasion, President Jahjaga stated:
Honourable President,
Chancellor, Vice-Chancellor
It gives me immense pleasure and so many emotions to return to Leicester University after nearly a decade to receive this Honorary Degree from a place that showed to me that learning is a life-long quest, inspired me with leadership and taught me courage. They have been the three pillars on which I have leaned on and the three values that guide me as the President of Kosovo, a position that today I carry with great pride.
I know that as you sit wearing your gowns and caps graduation feels like a relief. There are no longer all-nighters to pull and no exams to fret over.
And in a way it is, because the inspiration that is instilled in you by the wonderful mentors, by the great faculty of this university makes you impatient to take up challenges to become the agents of change in your communities.
And rest assured that you CAN be that change, that your dreams are reachable. And as Ellen Johnson Sirleaf, the Liberian President once said: “If your dreams don’t scare you, they are not big enough.” So, dear class of 2015, DREAM BIG!
Ladies and Gentlemen,
I embellish the journey of my country. I completed my education under harsh repression, in makeshift schools that were a crucial part of our civil resistance and helped us survive and defeat a regime that violated every single human right, including the right to education.
I went to school as artillery burned the villages and towns of Kosovo, because I and my generation were determined to build a new, different kind of Kosovo, where all its people, regardless of ethnicity, regardless of gender and their faith, would live with equal rights and responsibilities in the country they call home.
That day came in 1999 after a brutal war, and while many of us did not have the skills to lead our country from the destruction we inherited to prosperity, we were embraced by universities, just like this one, which opened their doors to us, broke our isolation and gave us the chance to learn so that we could become the change we wanted to see in our country. We remain forever thankful.

We have rebuilt Kosovo from a war-torn place to a vibrant democracy. And Kosovo today is more than an episode of our common human history. It is our joint success story.
Dear Mr. President, Chancellor, Vice Chancellor
Dear students and distinguished families and guests,
I am deeply moved by this honor, and I dedicate it to my country and its people, who never cease to amaze me with their strength and resilience.
I come here from a historic meeting for my country. I was honoured by the exceptional reception at the Royal Court by Her Majesty Queen Elizabeth II to whom I expressed my country’s gratitude for the role Great Britain has played in establishing peace in Kosovo. I and the people of Kosovo cherish this friendship.
Honourable friends,
In a world in which our values are being constantly challenged, we must stand together around the ideals that define us. We must seek inclusiveness. We must inspire change to allow for development. In a world in which we want to all live together, we must seek equality. This we must do in partnership.
Please remember this as you take on the next challenge to help your communities thrive and our societies become the examples we wish them to be.
I wholeheartedly thank you!

Politika shqiptare uron gëzuar Fitër Bajramin

July 17, 2015 by dgreca

TIRANË, 17 Korrik/-Drejtues të lartë të shtetit dhe personalitete të jetës fetare, politike e shoqërore kanë vizituar sot selinë e Komunitetit Mysliman për të uruar besimtarët myslimanë me rastin e Fitër Bajramit.
Presidenti i Republikës, z. Bujar Nishani, gjatë vizitës së tij uroi në emër të institucionit që përfaqëson të gjithë besimtarët myslimanë për sa më shumë paqe, lumturi dhe gëzime.
“Festa gjithmonë është e bukur, por, kur vjen pas sakrificave është shumë më e bukur dhe kuptohet më mirë. Të gjitha festat e besimeve në Shqipëri janë një vlerë dhe tregues të qartë të bashkëjetesës fetare. Ishte një fat i keq që kaluam disa dekada pa këshillat e fesë. Është atmosfera e shpirtit ajo që e komandon dhe orienton njeriun dhe tani që janë mundësitë ju keni një detyrë të rëndësishme për të përcjellë mesazhet më të mira për shoqërinë”, u shpreh Nishani.
Edhe Kryetari i Kuvendit Ilir Meta, ka uruar të gjithë besimtarët myslimanë për këtë festë pas vizitës në Komunitetin Mysliman Shqiptar.
Kryetari i Kuvendit të Shqipërisë, Ilir Meta, në mesazhin e tij theksoi se kjo është një festë e paqes, dashurisë dhe vëllazërisë.
“I uroj të gjithë besimtarëve gëzuar Fitër Bajramin. Zoti i shpërbleftë të gjithë sakrificat e tyre shpirtërore dhe fizike dhe uroj që të kenë të gjithë besimtarët myslimanë dhe të gjithë shqiptarët më shumë paqe, lumuri dhe begati në shtëpitë e tyre”, tha Meta.
Mesazhe urimi përcollën edhe Kryebashkiaku i ri i Tiranës, Erion Veliaj, kryetari i grupit parlamentar të Partisë Socialiste, Gramoz Ruçi, ministri i Mirëqenies Sociale dhe Rinisë, Blendi Klosi, ministrja e Kulturës Mirela Kumbaro, ministrja e Zhvillimit Urban, Eglantina Gjermeni, zv/ministrja e Arsimit dhe Sportit, Nora Malaj, deputetë, politikanë, si dhe përfaqësues të trupit diplomatik në vendin tonë.
Ministri i Mirëqenies Sociale dhe Rinisë, Blendi Klosi në një prononcim për mediat theksoi se, “Festa e Fitër Bajramit është festa e mbylljes së muajiit të sakfrificës, në emër të dashurisë.Uroj që harmonia dhe paqja e këtij muajit të shtrihet gjithë vitin. Në emër të qeverisë shqiptare unë dua të uroj të gjithë besimarët myslimanë për festën e Fiter Bajramit dhe qeveria shqiptare këtë vit e zgjidhi problemin për ndërtimin e xhamisë për të gjithë besimtarët, si dhe së bashku me katedralen, janë dëshmi e promovimit që qeveria shqiptare po i ben harmonisë fetare që ekziston në Shqipëri”.
Në emër të Partisë Demokratike dhe kryetarit të saj Lulzim Basha, urimet për besimtarët i përcolli Edi Paloka, kryetar i grupit parlamentar të kësaj force politiket.
Në një prononcim për median, pranë ambjenteve të Komuniteti Mysliman në Tiranë, Paloka uroi besimtarët.
“Gëzuar festën e Fiter Bajramit të gjithë besimtarëve myslimanë në Shqipëri dhe në të gjithë botën. Në emër të gjithë demokratëve i uroj gëzuar festën të gjithë besimtarëve myslimane. Kjo festë është një festë e cila vjen pas një sakrifice fizike dhe shpirtërore”, tha Paloka.

“Të gjithë ne duhet të kuptojmë se të gjitha të mirat na vijnë nga sakrifica. Gëzuar festën e Fiter-Bajramit të gjithë besimtarëve në Shqipëri dhe në botë”, tha Paloka.

Pjesë e kësaj dite festive u bënë edhe drejtues të komuniteteve fetare, Kreu i Kryegjyshatës Botërore Bektashiane Haxhi Dede Edmond Brahimaj, zv/kreu i Kishës Ortodokse Autoqefale, Andon Merdani, përfaqësuesi i Kishës Katolike, Don Henry, kryetari i Komitetit Shtetëror për Kultet, Ilir Hoxholli, personalitete të jetës publike, përfaqësues të shoqatave bamirëse, drejtues të institucioneve arsimore islame, si dhe një numër i madh besimtarësh e qytetarësh të kryeqytetit.(Sipas ATSH)

Sa më i fortë serbi, shqiptarët më të mashtuar

July 16, 2015 by dgreca

Nga Fahri XHARRA/
Sa më i fortë serbi, shqiptarët më të mashtuar !  Flitet se turku na mbrojti nga asimilimi, se na solli një fe tjetër të ndryshme nga sllavët dhe grekët. Tani del pyetja: pse nuk u asimiluan rumunët ne mes të sllavëve, pavarësisht se ishin ortodoksë si ata(!) Pse nuk u asimiluan hungarezët nga gjermaniket, megjithëse 400 vjet të pushtuar prej tyre dhe të të njejtës fe me ta! Pse nuk u asimiluan baskët, që nuk e patën asnjëherë një shtet te vetin dhe ishin katolikë si spanjollët. (Nikolle Loka )
Po a ka ndihmuar vertetë pushtimi turk për ta ruajtur etninë shqiptare(!) Dikur ishim shumë, ndersa nen pushtimin turk u pakësuam nga vrasjet, sëmundjet, largimet pa kthim, etj. Nga ana tjetër, a ti llogarisim shqiptarët qe na rrembeu Turqia që vetë turqit thonë se janë 7 milione. Po 7 milion jemi te gjithe ne shqiptaret ne trojet tona etnike. Ata shqiptarë janë në porcesin e asimilimit të plotë se nuk kanë asnjë të drejtë kombëtare si etni me vete. Pse u asimiluan shqiptarët ne boshnjakë në Sanxhak dhe Mal të Zi! Pse u asimiluan shqiptarët në turq në Prizren , jilan , Vushtrri dhe në pjesën shqiptare te Maqedonisë. A është njëlloj si asimilimi në serbë dhe asimilimi në turq dhe boshnjakë, apo jo(!!!) 
Kur Serbia është e fortë ajo e ndërsen islamizmin ndër shqiptarë sepse kjo mënyrë i mbeti metoda më besnike për shkombëtarizimin tonë , Jemi dëshmitarë të së kaluarës; të gjitha gati i dime . Serbia e fortë del Garashanini me planin e tij për dëbimin tonë; Serbia e fortë na del Çubriloviqi me plin e tij famëkeq për asgjësimin tonë san ë elaboratin e tij ndër tjerash shkruan “ Të bëhen ligje që t’i ndalojnë shqiptarët t’i leshojnë qentë në oborrin e shtëpisë.” Dhe më tej këtë e dini : “Në fillim, Turqia pranon të marë 200.000 shqiptarë të shpërngulur. Pastaj, pasi kjo të dalë me sukses, ne i dërgojmë të tjerë. Për mënyrën e shpërnguljes, që të ketë shpërngulje në masë, si kusht i parë është krijimi i një psikoze të përshtatshme: Në radhë të parë është e nevojshme që për shpërnguljen e shqiptarëve e të bejmë për vete klerin e tyre dhe njerezit me influencë, me para ose me detyrim. Që t’ua mbushim mëndjen shqiptarëve që të ikin, duhet që të bëjmë për vete klerin e tyre duke e paguar. Kështu ai do të udheheqë eksodin e tyre për në Turqi ( NgaÇubrilloviqi ) Pra ? jemi të vetdijshëm që po ndodhë e njejta me ne sot ? Kur Serbia ishte e “dobët” (nga viti 1968 – 1990 ) edhe Shqipëria ishte “rehat” prej saj.,E doni një shembull ? shkollat ,Universiteti i Prishtinës , xhamijat të zbrazura. kishat po ashtu. Vetëm një të mire nga ai “ dobësim “ politik i serbëve,shqiptarët muslimanë e të krishterë kush e kush më shumë mundohej që emrat e pasalindurve: djalë apo vajzë të jenë sa më ilire dhe e sa më arbërore (!?!)
Por e “dobët apo e fortë” Serbisë i intereson që të ketë në duart e saja sa më “dëshmi” islamike për ne , në mënyrë që neve edhe botën ta bindin se ne jemi të ardhur rishtas këndekj pari .Lexojeni këtë copëz shkrimi në vazhdim : “Pak ditë pasi që ra tërmeti në Shkup, u nisa ta kërkoj pllakën e mbishkrimit të mihrabit të Urës së Gurit dhe atë kalasë së Shkupit. Një ekskavator i nxirrte rrënojat e mihrabit nga lumi, por pllaka nuk doli askund. Thanë se nuk është gjetur asnjëherë. Megjithëse unë jam e bindur se atë e kishte gjetur dikush dhe e kishte fshehur. Ajo është pllaka për të cilën unë kam shkruar në librin tim, ndërsa tash e dini se çfarë pllake kemi aty. Pastaj shkova në kalanë e Shkupit. Aty, për shkak të frikës nga përsëritja e tërmetit, kishin dalë t’i kalonin ditët shumë banorë të Shkupit. Pllaka me mbishkrimin osman nuk ishte në vendin e saj. Fillova nëpër njerëz t’i kërkoj pjesët e saj dhe ta rikonstruktoj pllakën. Derisa i kisha gjetur shumicën e pjesëve, një pjesë nuk po e gjeja assesi. Dikur e pashë se një grua, që kishte vënë të ziejë gjellë, e kishte vendosur tenxheren mbi zjarr pikërisht mbi atë copë pllake që po e kërkoja unë. Ia kërkova, por gruaja nuk ma jepte, sepse do t’i derdhej gjella. Në fund e gjeta një gur tjetër të rrafshët, ia ofrova, ndërsa ajo ma dha copën e pllakës. Kështu e plotësova mozaikun e pllakës, që edhe sot qëndron mbi portën e kalasë”.
Ky është një rrëfim që historiania e artit Lidija Kumbaraxhi Bogoeviq, autore e librit “Monumentet osmane në Shkup”, na e rrëfeu gjatë një takimi të rastit para disa viteve kur biseduam gjerë e gjatë për rëndësinë e trashëgiminë. ( Shkruan: Zeqirija Ibrahimi)  Pra Kalaja e Shkupit e filloi jetën e saj me turqit,?  Serbëve iu nevojiten “ fakte “që ato ti përdorin ur janë të ”fortë” ,po atëherë kur ne zbehemi nga nëdrgjegja dhe vetdija kombëtare.
Serbia e “fortë “ për ditë e më shumë është duke e zbehur të mbërrimen historike : Luftëtarët dhe Luftën e UÇK-ës, e gjithë kjo nëpërmjet një propagande të lansuar prej tyre nëpëmjet njerëzve tanë. Në vend që të mbjellim farën e vetmbrojtjes në tokat tona , në vend që të kemi ushtarë të denjë të kësaj lirijeje ne krijojmë : “Do te pengoj gjithmonë ne postimet tua e ne qoftese ke mendjen mem bo bllok do ti hap me emer Zotit disa facebook me emrin tim e ske mem mujt mem nal veq mem eleminu prej ksaj bote ti pak qe ja ke msy ksaj pune qe ma permene guximin se the jom i ri me pas guxim e me te pengu ne komentë une jo ty po rrafsh 2 milionë si ti nuk um ndalin me shpreh mendimin tim jo fahri xharra po 2 milionë fahri xharra nuk um bejn pershtypje te thash edhe ma heret ne rrugë te Allahut jom ne gjendje me vdek bash ne kete moment qe po te shenoj ty e une 19 i kam po si mi pas 1900 per qka do qoft e une nuk te sulmoj ty jo qe te kam frikë se kerkujt frikë ne rruzullin toksore qe eshte vetem Allahut i frikohem ;po te paska hup udha ne oborr e do Allahu 30 dite te Ramazanit qe i kom ninu InshALLAH Allahu ma ploteson nje prej deshirave met denu ty ne kete bote sepse ne tjetren e ke te sigurt InshALLAH Amin . TEKBIR , ALLAHU EKBER .”Ja kjo është përgatitja e gjeneratave të reja sepse Serbia është politikisht e fortë .  Po mirë ia vret kujt syrin kjo ?  
Fahri Xharra,16.07.15 , Gjakovë  

Krijohet Arkivi qendror i regjistrimeve dixhitale të gjithë seancave gjyqësore

July 15, 2015 by dgreca

Sot, 15 Korrik 2015- USAID/Albania, Ministria e Drejtësisë dhe Këshilli i Lartë i Drejtësisë inauguruan Arkivin Qendror, ku do të ruhen regjistrimet dixhitale audio të të gjitha seancave gjyqësore të zhvilluara në sallat e gjyqeve të Shqipërisë. Arkivi Qendror ofron nivele të larta sigurie për të dhënat, si dhe mundësinë që përdoruesit e autorizuar, siç janë inspektorët gjyqësorë, të aksesojnë në distancë regjistrimet audio. Ambasadori i SH.B.A-së, Donald Lu, Ministri i Drejtësisë, Nasip Naço dhe Kryetari i Gjykatës së Lartë, Xhezair Zaganjori mbajtën fjalë përshëndetëse në këtë ceremoni.
Inspektorët gjyqësorë do ta përdorin arkivin qendror për të hetuar ankesat kundër gjyqtarëve, si dhe për të mbështetur me të dhëna vlerësimin e gjyqtarëve për promovim apo marrje masash disiplinore. USAID-i ka mbështetur procesin e instalimit të teknologjisë së Regjistrimit Dixhital Audio (RDA) në të gjitha gjykatat shqiptare. Tanimë, mbi 80 përqind e të gjitha seancave gjyqësore regjistrohen me anë të sistemit RDA. Ky sistem garanton një procesverbal të saktë (fjalë për fjalë) të seancave gjyqësore, e rrjedhimisht edhe një sistem gjyqësor më të efektshëm e të përgjegjshëm, që i ofron palëve më shumë transparencë e paanshmëri. Sistemi RDA është shtrirë në të gjitha sallat e gjyqit, gjithsej 140, të 36 gjykatave shqiptare, ku përfshihen ato në rajonet e apelit të Korçës, Durrësit, Tiranës, Vlorës, Gjirokastrës e Shkodrës, gjykatat e shkallës së parë dhe apelit për krime të rënda, gjykatat administrative të shkallës së parë të Tiranës, Korçës, Vlorës dhe Shkodrës, Gjykata e Apelit Administrativ, si dhe Gjykata e Lartë. USAID-i ka realizuar trajnimin lidhur me përdorimin e sistemit RDA për 740 punonjës të gjykatave, ku përfshihen gjyqtarët dhe stafi administrativ i tyre.
Projekti JuST i USAID-it do të vijojë bashkëpunimin me Ministrinë e Drejtësisë dhe Këshillin e Lartë të Drejtësisë derisa të gjitha sallat e gjyqeve në Shqipëri të pajisen tërësisht me teknologjinë RDA dhe të lidhen me Arkivin Qendror. Programi pesëvjeçar i USAID për Forcimin e Sistemit të Drejtësisë në Shqipëri (JuST), i filluar në tetor 2010, synon rritjen e transparencës, paanshmërisë dhe efektshmërisë në gjykata, konsolidimin e rolit mbikëqyrës dhe antikorrupsion të organizatave të shoqërisë civile dhe medias, si dhe forcimin e arsimimit juridik dhe avokatisë në Shqipëri.
Today, USAID, the Ministry of Justice, and the High Council of Justice inaugurated the Central Archive, to store digital audio recordings of court sessions held in every courtroom in Albania. The Central Archive offers high levels of data security and the ability to access audio recordings remotely by authorized uses, such as judicial inspectors. U.S. Ambassador Donald Lu, Minister of Justice, Nasip Naço, and Chief Justice of the Supreme Court, Xhezair Zaganjori, delivered remarks at the ceremony.
It is expected that judicial inspectors will access the database to investigate complaints against judges and provide data to support the evaluation of judges for promotion or disciplinary measures.
USAID has supported the installation of Digital Audio Recording (DAR) technology in all Albanian courts. Today, more than 80 percent of all court hearings are recorded through DAR. The DAR system guarantees verbatim records of the court hearings and as a consequence a more efficient and accountable judiciary with more transparency and fairness for the parties. DAR is available in all the 140 courtrooms of 36 courts in the country, which include all those in the appellate districts of Korça, Durrësi, Tirana, Vlora, Gjirokastra and Shkodra, the Serious Crimes First Instance and Appellate courts, the first instance administrative courts of Tirana, Korça, Vlora and Shkodra, the Administrative Appellate Court, and the High Court. USAID has trained 740 court personnel, including judges and administrative court staff on DAR system usage.
USAID’s JuST will continue working with the Ministry of Justice and the High Council of Justice until all courtrooms in Albania are fully equipped with DAR technology, and all are connected with the Central Archive.
The five-year USAID Albanian Justice Sector Strengthening Project (JuST), begun in October 2010, aims at increasing court transparency, fairness and efficiency; bolstering watchdog and anticorruption roles of civil society organizations and media; and strengthening the legal profession and legal education in Albania

Lazarati në epokën post kanabis…

July 14, 2015 by dgreca

*Top Channel: Fshati me burrat në burg dhe gratë që mbledhin bimë medicinale/
Rrugëve të Lazaratit takon më së shumti gra dhe të moshuar. Shumica të shohin si një të huaj që nuk ka vend mes tyre.
Të moshuarit, mes lojës me letra dhe dominosë, bisedojnë për fshatin, shtetin, policinë dhe të arrestuarit. Sinan Gaba, i cili ka nipin në burg, i shikon të qëllimshme arrestimet e një viti më parë, një frymë kjo që duket se është tek të gjithë.
“Më arrestuan nipin për 300 gramë hashash. Përse..? Edhe unë e pi hashashin”, shprehet Sinan Gaba.
“Mbjellja e hashashit është lënë nga qeveritë e mëparshme. Nuk kishte pse t’i arrestonte njerëzit, të asgjësonte hashashin”, shprehet një banor i Lazaratit.
Prokuroria ka nën hetim 116 banorë. Aktualisht në burg janë 90 persona dhe në kërkim 20 të tjerë, jo vetëm për drogë, por edhe për armë dhe kundërshtim të policisë.
Bibo Llakatura, 78 vjeçe, lindur në një lagje, e martuar në lagjen tjetër të Lazaratit, ka djalin në burg.
“Policia gjeti disa fishekë dhe një sasi të vogël hashashi. Për vetëm këto më arrestoi djalin”, shprehet 78-vjeçarja.
Pas viteve ‘90, e moshuara e ndan kohën në dy pjesë, para dhe pas hashashit.
“Mbjellja e hashashit kishte shumë punë. Pastaj farën e tij e blenim me lekë edhe uji ishte me lekë. Një diferencë e pakët na mbetej nga shitja e tij”, shprehet Bibo Llakatura.
Ajo ka ardhur për vizitë tek komshia e saj, e moshuar po ashtu, e cila ka probleme me drejtësinë për shkak të drogës.
“Edhe sikur të na thonë ta mbjellim tani, trembemi pasi na merr policia. Kjo plaka këtu, kishte mbjelle nja dy rrënjë dhe kanë ardhur disa herë ta marrin”, thotë 78-vjeçarja.
E ndërsa kanë mbetur në vend fuçitë e dikurshme ku mbillej hashash, kurse ato pak metra tokë janë mbjellë tashmë me perimet e stinës. Një automjet grumbullon tashmë bimët medicinale që mblidhen në mal nga gratë.
Edhe në qendër të fshatit, shitësja tregon një fletore, ku sipas saj janë shënuar borxhet.
“Kam për të mblehur 12 borxhe. Edhe kjo nëna e mori kafen pa lekë. Na keni bërë si Gërdeci”, shprehet shitësja.
E ndërsa të gjithë dënojnë vrasjen e efektivit Ibrahim Basha, në mure janë shkruar parulla kundër policisë (fuck police).
Ata pak të rinj që gjen në fshat nuk pranojnë të flasin, pasi siç thonë jashtë kamerës nëse flet, në darkë shpallesh në kërkim e në mëngjes arrestohesh. Por një banor mendon se për të rinjtë duhet menduar se si ata të riintegrohen.
Pas përfundimit të epokës së kanabisit, lazaratasit gjenden përballë detyrimit për t’iu përshtatur një tjetër mënyre jetese, e cila duket se më e vështirë është për të rinjtë. Nga tregtia e hashashti është e vështirë që ata të përshtaten me tregtinë e bimëve medicinale apo të perimeve, ku mungesa e tokës dhe ujit e bën realisht të vështirë jetesën.
Epoka e kanabisit për Lazaratin ka mbaruar dhe derisa banorët të gjejnë të tjera mënyra jetese, dikush ka vendosur të mbjellë pa frikë një bimë të vetme kanabisi, si për të mbajtur gjallë kujtimin e një kohe të shkuar./ Top Channel