Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Elbasan, çelet Panairi i 17-të “ Dita e Verës”

by

Nga Miranda Sadiku/.- Është çelur sot në Elbasani panairi i 17 “Dita e Verës” 2014″, organizuar nga Bashkia e Elbasanit, në bashkëpunim me Dhomën e Tregtisë dhe Industrisë.

Në fjalën e hapjes, kryetari i bashkisë,  Qazim Sejdini tha se: Panairin i cili hap siparin e Ditës së Veres dhe ka rëndësi të madhe, pasi ëshë një mundësi për të gjitha bizneset, që prezantohen, por edhe për qytetarët Elbasanas dhe miqtë e saj që vijnë nga e gjithë Shqipëria për të fesrtuar Ditën e Verës.

Panairi i sivjetshëm, mblodhi rreth 50 kompani që prezantuan produktet e tyre dhe shumica e bizneseve vijnë në këtë panair për të disatën herë. Festimet për Ditën e Verës në qytetin e Elbasanit, do të vijojnë nesër me një aktivitet me bicileta organizuar nga Afjendia Telegrafike Shqiptare dhe Albasani Excellence, ku do të marrë pjesë edhe aktorë të njohur të kinematografisë shqiptare për të vijuar më pas me  koncert festiv i cili nis pasdite dhe vazhdon gjatë  gjithë natës dhe do të kulmojnë në 14 Mars.

 

Kryeministria e Kosoves:I pavërtetë lajmi se prokurori Williamson ka marrë në pyetje Thaçin

by

Prishtinë, 12 Mars -Zyra e Kryeministrit të Kosovës përgënjështron lajmin e pavërtetë të publikuar sot në një të përditshme kosovare se prokurori Williamson e ka marrë në pyetje Kryeministrin Hashim Thaçi.

“Kjo është plotësisht e pavërtetë”, thekson Zyra e Kryeministrit.
“Zyra e Kryeministrit të Republikës së Kosovës rikujton se liria e medias dhe e shprehjes së lirë nënkupton mbi të gjitha përgjegjësinë profesionale dhe etike, që duhet të bazohet në plasimin e lajmit të saktë, vetëm pasi të jenë bërë verifikimet përkatëse”, thuhet në deklaratën e Zyrës së Kryeministrit të Republikës së Kosovës.

 

 

G7-a i kërkon Rusisë heqjen dorë nga aneksimi i Krimesë

by

STRASBURG– Liderët perëndimorë të G7-s i kërkuan sot Rusisë të hiqte dorë nga të gjitha veprimet për të aneksuar Krimenë, deklaroi presidenti i Komisionit Evropian, Jose Manuel Barroso.

“Liderët e G7-s, presidenti i Këshillit Evropian, Herman Van Rompuy dhe unë, me një deklaratë të re do t’i kërkojmë Rusisë që të heqë dorë nga të gjitha veprimet e saj për të aneksuar republikën ukrainase autonome të Krimesë”, deklaroi Barroso përpara Parlamentit Evropian.
Dje, autoritetet separatiste të Krimesë kanë bërë një hap më shumë drejt bashkimit me Rusinë duke miratuar një deklaratë pavarësie, përpara se të mbahet referendumi i parashikuar të dielën për bashkimin e gadishullit me Rusinë.

Stuhi politike në marrëdhëniet mes CIA-s dhe Kongresit

by

UASHINGTON, 12 mars– CIA gjendet aktualisht mes një skandali politik në SHBA, pasi është akuzuar se ka shkelur Kushtetutën duke ndërhyrë në kompiuterat që përdoren nga hetuesit parlamentarë, për një çështje të vjetër të teknikave të marrjes në pyetje të përdorura nga agjencia e spiunazhit.

Këto akuza kanë shkaktuar një debat publik shumë të rrallë mes CIA-s dhe Kongresit, ndërkohë që drejtori i agjencisë së spiunazhi, John Brennan, e ka mohuar faktin se po përpiqet të pengojë hetimet e komisionit të zbulimit të Senatit, por pa komentuar faktet në detaj.
“CIA nuk përgjon, në asnjë mënyrë, Komisionin e Zbulimit”, u mbrojt John Brennan, përpara Këshillit të Marrëdhënieve me Jashtë.
Kjo çështje ka disa vite që ka filluar. Që nga viti 2009 deri në vitin 2012, ekspetët e këtij komisioni hetuan për një çështje shumë të nxehtë që kishte të bënte me metodat e forta të marrjes në pyetje të përdorura nga CIA mes viteve 2002 dhe 2006, nën mandatin presidencial të George W. Bush, dhe mes këtyre teknikave përfshihej edhe stimulimi i mbytjes.
Dianne Feinstein, presidente e komisionit dhe një prej personave më të fuqishëm të Kongresit, konfirmoi se CIA kishte ndërhyrë në kompiuterat e hetuesve, të konfirmuara gjithashtu edhe nga rrjedhje informacioni në të shkuarën. Ajo akuzon gjithashtu agjencinë se ka zhdukur shumë dokumente kompromentuese duke hyrë pa autorizim në këto kompiutera.
“Jam shumë e shqetësuar, këto ndërhyrje të CIA-s mund të kenë shkelur parimet e ndarjes së pushteteve të mishëruar në Kushtetutën Amerikane”, tha ajo gjatë një deklarate tronditëse dhe shumë të detajuar.
Sipas asaj, CIA mund të ketë shkelur një dekret që daton që prej vitit 1981 që ndalon agjencinë të kryejë veprime përgjimi në territorin amerikan. Kjo çështje i është dërguar Departamentit të Drejtësisë.
Paralelisht, CIA akuzon komisionin se ka raportuar ilegalisht, në zyrat e Senatit, dokumente konfidenciale, dhe ia ka referuar këtë çështje drejtësisë. Sipas Dianne Feinstein, “kjo është një përpjekje për të na frikësuar”

Berisha: Policia “zhduk” vjedhjet e banesave, i heq nga lista e krimeve

by

Ish-kryeministri Sali Berisha ka denoncuar sot fshehjen e e të dhënave nga policia për rastet e grabitjes së banesave. Përmes një postimi në fb, Berisha deklaron se qeveria per te permiresuar rendin, ka urdheruar Policine qe vjedhjen e banesave ta heqë nga lista e krimeve te perfillshme.

“Te dashur miq, keto muaj çdo dite degjojme per eksplozione tritoli qe marrin jete njerezish, vrasje, grabitje me maska, karvane droge por nuk degjojme me per asnje rast vjedhje banesash. Kete sukses, qeveria Rama – Meta e ka arritur me “pune shume te madhe”, por te thjeshte. Rama, per te permiresuar rendin, ka urdheruar Policine qe vjedhjen e banesave ta heqi nga lista e krimeve te perfillshme. Prandaj dhe ne nuk degjojme me per asnje rast thyerje apo vjedhje banese” shkruan Berisha.

Por për ish-kryeministrin realiteti është krejt tjetër, pasi sipas tij sot vjedhjet e banesave jane nje epidemi e vertete.

“Keshtu, banoret e Dropullit, ne nje takim me perfaqesues te Aleances se 1 prillit, i dorezuan listen e 203 banesave te vjedhura vetem tre muajt e fundit nga persona qe nuk kapen nga Policia. Me sa duket suksesi tjeter i qeverise do jene maskat, e keshtu me radhe!”bën me dije Berisha.