Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Pacolli-ambasadorit rus: Kosova është shtet i pavarur dhe Sovran

by

-Deklaratë për media e Ministrit të Jashtëm të Kosovës, Behgjet Pacolli, në lidhje me deklarimet e Ambasadorit rus në Beograd, Alexander Chepurin/1 BexhetPacolli1

-Pacolli: Sipas Ligjeve dhe Rregullave Ndërkombëtare Kosova është shtet i pavarur dhe Sovran/

PRISHTINË, 5 Nëntor 2017-Gazeta DIELLI/  Ministria e Punëve të Jashtme të Kosovës dërgoi sot këtë deklaratë të ministrit Behgjet Pacolli në lidhje me deklarimet e ambasadorit rus në Beograd, Alexander Chepurin: “E lexova me vëmendje të shtuar deklaratën e Ambasadorit rus në Beograd, Alexander Chepurin, i cili sipas raportimeve të mediave, ndër të tjera, kishte deklaruar se ‘…sa i përket Kosovës, sipas të gjitha ligjeve dhe rregullave ndërkombëtare, Kosova mbetet pjesë e Serbisë…’. Është, vërtetë, për keqarjdhje, që një titullar kaq i lartë diplomatik bën deklarata të tilla, që nuk i kontribojnë aspak paqes, stabilitetit dhe ndërtimit të besimit dhe pajtimit në Ballkanin Perendimor.

Rusia, në vazhdimësi  ka qenë pjesë e procesit të negociatave për zgjidhjen e statusit përfundimtarë të Kosovës.Mbase ka kaluar një kohë pak sa e gjatë –rreth 6 vjet dhe Ambasadorit rus nuk i është kujtuar, por, po e shfrytëzojë këtë rast për t’i ri-kujtuar se Organi Kryesor i Kombeve të Bashkuara, Gjykata Ndërkombëtare e Drejtësisë në Hagë, kishte vërtetuar me vendimin e saj se ‘shpallja e pavarësisë së Kosovës nuk e shkel as të Drejtën e Përgjithshme Ndërkombëtare, Rezolutën e Këshillit të Sigurimit të vitit 1999 apo Kornizën Kushtetuese…’.Në këtë proces edhe shteti, që ai përfaqëson deponoi kontributet e tij me shkrim dhe me gojë. Unë, thjeshtë nuk e di se për çfarë Ligjesh dhe Rregullash tjera ndërkombëtare flet përfaqësuesi diplomatik rus. Në mbështetje të asaj që u tha më lartë, nuk mund të jap vlerësim tjetër pos atij të vazhdimësisë së pretendimeve ruse për krjimin e lajmeve të rreme dhe krijim hutie tek opinioni lokal dhe ndërkombëtar”. /b.j/

Çfarë dreqin bën provë në Shqipëri?!

by

5-Ilir-levonja-2-288x300-1

Nga Ilir Levonja/Për shtetin, shtetarët e të tjerë sejmenë, patentat e Sajmirit nuk përbëjnë provë. Paratë po! Emrat e përfolur nuk përbëjnë provë. As ato që thotë drejtësia italiane etj. Droga e kapur këtu apo aty nuk është provë. Fikja ”rastësisht” e radarëve nuk është provë. Për shtetin, shtetarët e të tjerë sejmenë, ulërimat e vendit fqinj për dyndje kontenierësh, motoskafësh etj., nuk janë prova. Biles as plantacionet ku shfaqen me pamje, asgjesimi i kanabisit nga bujqit me uniforma kamuflazhi, nuk përbëjnë prova. As dëshmitë me pamje serash moderne ku kultivohen varjetetet me cikle të shpejtë zhvillimi, nuk janë prova. Pra për shtetin, shtetarët dhe të tjerë sejmenë asgjë nuk është provë. Dhe mund të mos jenë prova. Mund të mos jenë vërtetë për një drejtor policie, për policinë e shtetit. Për prokurorinë, gjykatat. Mund të mos jenë prova edhe për kabinetin qeveritar. Mund të mos jenë prova për shpurën e militantëve që çirren ha mut o gogol ha. I çirren sojit. Se soji me sojin nuk dinë të bëjnë gjë tjetër, vetëm sa çirren. Bëjnë sikur, dhe, presin radhën. Pra për institucionet mund të mos ketë asnjëherë prova. Por nuk kuptoj, për ju o njerëz? Akoma nuk ka prova? Akoma në tribuna stadiumesh do rrini. Duartrokit këtej, duartrokit andej. Sehirxhinjë pazaresh të prishura. Strategjish me t’ja futur njëri-tjetrit. Mbetët duke i besuar verbërisht deklaratave që, po, çfarë ka këtu, e çova unë çunin të blej ca kile hekur. E çova në pazar…, çfarë ka këtu? O njerëz që flini më këmbë. Çfarë dreqin është provë në Shqipëri, që ju të kuptoni se si bëhet shteti. E ta bëni Shqipërinë me shtet, me shtet tuajin të shqiptarëve, jo të hajnave. Çfarë dreqin bën provë për ju të kuptoni se sa thellë ua kanë futur. Dhe se, përdita, me sa kënaqësi po ua fusin? Çfarë dreqin bën provë për ju që të ngriheni?! Kë prisni Lulzim Bashën? As mos e çoni nëpër mend. Mjafton ajo telajo blu, ato dy gishta përpjetë si shalë kurvash. Aq e fërko duart. Çfarë dreqin bën provë që të kuptoni se kur merr fund një kastë. Kur, të ndjeni se si u është mbushur trupi me shushunja? Dhe se ju me atë horinë e stadiumeve nuk po bëni asgjë tjetër veç po rrihni ujin në hava. Ikën vitet, po i afrohet gjysmës ky shekull i ri dhe ju, veç lojën e gogolit, ha mut o gogol, tirr lesh o gogol. Çfarë dreqin bën provë për ju që të kuptoni se djemve u duhet dhënë shanci, të drejtojnë e jo, t’i nënshkruani gjakhupës nën emrin e Ramës dhe ndonjë murtaje tjetër aty. Kolera u ka rënë dhe ju avazin.

Çfarë dreqin bën provë, pra?

Saipov e planifikonte sulmin në Nju Jork që një vit

by

Presidenti amerikan, Donald Trump, shkroi në Twitter se ai duhet të dënohet me vdekje/1 SaipovI dyshuari kryesor për sulmin me kamion në Nju Jork, ku nga goditja kanë mbetur të vrarë tetë veta, u tha hetuesve se ai e ka planifikaur atë që një vit.

Sayfullo Saipov, 29 vjeç, tha se ka pasur qëllim të vrasë sa më shumë njerëz dhe se “ndjehet mirë” për sulmin e së martës, në Natën e Shtrigave.

Imigranti uzbek, i cili përballet me akuzat për terrorizëm, tha se është frymëzuar nga grupi militant Shteti Islamik.

Ai është qëlluar dhe plagosur nga policia në vendin e ngjarjes.

Presidenti amerikan, Donald Trump, shkroi në Twitter se ai duhet të dënohet me vdekje.

PSE E KENI BRAKTISE VERMOSHIN E PREK CALIT, O QEVERITARE TE SHQIPERISE

by

Leter per Gazeten Dielli/

REXHEP DEDUSHAJ-2

NGA REXHEP DEDUSHAJ/

Me daten  30 Tetor 2017  isha per vizite  ne krahinen me te perfolur ne analet  evropiane gjate gjysmes se pare te shek XX – KRAHINES  KELMENDASE  TE  VERMOSHIT.

Qe ne shkeljen e kesaj toke mbeta fare i zhgnjyer.

Rruga  e re Shkoder – Guci  qe kalonte atypari  e kishte perfshire vetem nje cep te saj- pjesen afer kufirit Shqiptaro  – Shqiptar te Gucia, ndersa rruga qe pershkonte fshatin ishte pothuajse e pakalushme.

Zum vend ne qender te Vermoshit ne lokalin e z.PJETER PERAJ  ne bujtinen  ,, PERAJ ,,. I zoti i shtepise -nje malesor tpik, ashti siç jane Kelmendasit.Ai na trgoi ne pergjithesi per zhvillimet  dhe gjendjen ne Vermosh, c’ka haptazi shihej se eshte e mjerueshme.

Me  shume se 80   perqind e popullsise vendase kane emigruar keto 20 vitet e fundit ne SHBA  e gjetiu – tha z.Peraj. Gjendja ekonomike eshte katastrofike. Mbajne pak bagti,se mbjellet asgje.Ryme elektrike skishte -rrjeti shume i vjetruar  e nga koha e komunizmit.Nje ere me fry mbetemi ne terr.Edhe ne zhvillimin e turizmit ka pengesa nga organt shteterore.KERKOHET LEJE PER ÇDO NDERTIM DHE JEPEN SHUME VESHTIRE.

Monumentet  historike jane ne shkatrrim e siper e kush su bjen mbrapa.

Te gjitha shpresat jane te mergimtaret e krahines.Ata kane premtuar se do ta rindertojne kullen e Prek  Calit, tani te shkatrruar teresisht.Ta ndertojne uren qe shpje te ajo kulle dhe ta asfaltojne rrugen. Ka ca premtime per ndihme edhe nga shteti…

Nese nuk realizohen keto gjera me shpejtesi  ka rrezik qe askush te mos mbetet me ketu-shtonte ai .

Edhe shpresat e qe kishin egzistuar ne lidhjen e Vermoshit me Gucine ishin venitur fare.Edhe nje pule nese blehet ne Guci duhet ti paguhet dogana ne kufi dhe e kunderta ,cdogje e hyn nga Vermoshi ne Guci paguhet  gati gjysma e vleres ne doganen malazeze.

Pra, ne Guci shkonin vetem per shetitje e vizita te afermve te tyre e asgje tjeter.

Rruga e re kishte shtuar lidhjen tregtare me Shkodren dhe sadopak shkollimin e rinise ne ato e ne, vetvetiu do ten a  lindte pyetja:Athua ka marre vesh Tirana se Vermoshi eshte i Shqiperise apo ka rene ne bishtin e propagandes se rrejshme komuniste ,,se Vermoshin ua fali Zogu Jugosllaveve,, EDHE PSE  PREK CALI SPATI LEJUAR KURRFARE PAZARE ME KRAHINEN E KELMENDIT.

SE FUNDI:PSE E KENI BRAKTISE VERMOSHIN E  PREK  CALIT, O QEVERITARE TE SHQIPERISE?

 

Ambasadori Lu në zyrat e reja të Vettingut

by

drejtesia-1Ambasadori Lu në zyrat e reja të Vettingut:“Sot është një ditë shprese për Shqipërinë”

inaugurimi i zyrave te vettingut

Sot janë përuruar zyrat e reja në të cilat do të punojnë komisionet e Vettingut. Zyrat ndodhen në ish-ndërtesën e Lidhjes së Shkrimtarëve dhe artistëve në Rrugën e Kavajës. Ajo u rikonstruktua me shpejtësi për t’u përgatitur në funksion të institucioneve të reja të organeve të Reformës në Drejtësi. Komisionet e Vettingut ndërkohë nisën punën me shqyrtimin e dosjeve të anëtarëve të Gjykatës Kushtetuese. Pas ceremonisë së inaugurimit, ambasadori amerikan, Donald Lu, e cilësoi ditën e sotme si ditë shprese për Shqipërinë. “Sot është një ditë shprese për Shqipërinë”, tha ambasadori Lu.