Komente – Page 241 – Dielli

MARRËZIA E MADHËSHTISË NUK ËSHTË VETËM MARRËZI

November 1, 2016 by dgreca

– Kryeministri flet në Parlament si Dushan Mugosha në Mukje/

NE FOTO: Don Kishoti i Rilindjes….Ngjashëm kjo me Nanon kur puthabrekej me Millosheviqin në Kretë. Kur e kam dëgjuar të thotë ne parlament, jam partizan e jo ballist që ha pula( për mua si partizanët e ballistët kanë qenë bij të Shqipërisë tragjike)…/

– Nga KOLEC TRABOINI/ Gjithmonë ja kam pas frikën atyre që janë ne pushtet (jo frikë personale por sociale) dhe fakti që ka 25 vjet që gjithmonë i luftoj pa kompromis pushtetarët, tregon, sipas intuitës sime, se rreziku i kthimit të kohës së mallkuar të regjimit diktatorial i konglomeratit të dhunshëm tipik si Zog-Enver gjithmonë ekziston. Nuk kam asnjë aludim apo simpati për revanshistet (kthimi i se mbrapshtës në pushtet) por dhe të ngrihet ky farë Rame me një mediokritet të pashoq ( edhe si artist është një mjerim i gjallë) e të barrikadohet si të ishte jugosllavi Dushan Mugosha në Mukje, kjo nuk qëndron. Kjo kalon çdo kufi. Kjo është marrëzi. Ngjashëm kjo me Nanon kur puthabrekej me Millosheviqin në Kretë. Kur e kam dëgjuar të thotë ne parlament, jam partizan e jo ballist që ha pula( për mua si partizanët e ballistët kanë qenë bij të Shqipërisë tragjike), i kam hequr vizë përfundimisht dhe e konsideroj tru shkarë dhe ajo çfarë ka thënë një hajvanllëk. Ky njeri, duke qenë pjesë e nomenklaturës familjare komuniste kërkon të los edhe rolin e garipit popullor me morinë e fjalëve që veç një rrugaç i mjerë e pa strehë mund ti fliste. E njohur kjo si veçori e pinjollëve të bijve të oborreve të autokratëve. Ky kryeministër me oratori brutale, tip tallava,është një individ pa asnjë intuitë politike megjithëse makina ideologjike e propagandon dhe e shet në media si një gjeni. Mekanizëm i vjetër sa bota ky i sahanlëpirësve të pushteteve autokratike apo totalitare. Mekanizëm që dështoi e u shkërmoq në 1997, por që kryeministri i sotëm e paska harruar e dosido duhet t’ia kujtojmë. Të gjithë totalitarët kanë pasur pas vetes legenë të propagandës. Po nga do që ta lustrojnë dhe e pudrosin kot e kanë. Shembujt se si spekulohet me idetë e majta socialiste prej atyre që inspirojnë të vendosin pushtet absolut kemi plot në histori. Duçja pasi manipuloi turmat me ide socialiste si gazetar (ngjashmëri e rastësishme apo rregull i përgjithshëm për kapje pushteti kjo) kaloi në fashizëm. Nuk ka gjëra të pangjashme në këtë botë te vjetër. Mjafton të mos i harrojmë. Prandaj qëndron përherë aktuale ajo shprehja proverbiale e Julius Fuçikut para se të ekzekutohej nga nazistët: Njerëz ju dua. Jeni vigjilent!

A po rrezikohet qëllimisht Clintoni?

October 31, 2016 by dgreca

Lideri demokrat në Senatin e Shteteve të Bashkuara, Harry Reid, tha se kreu i FBI-së mund të ketë shkelur ligjin, pasi ka bërë të ditur se agjencia e tij është duke hetuar disa emaile, të cilat mund të kenë lidhje me kandidaten demokrate për presidente, Hillary Clinton.Reid akuzoi drejtorin e FBI-së, James Comey, për shkelje të një akti, i cili i ndalon zyrtarët të ndikojnë në zgjedhje.Lajmi për hetimet e FBI-së ka ardhur më pak se dy javë përpara zgjedhjeve presidenciale në SHBA.Agjencia është duke hetuar disa emaile që i përkasin një ndihmëseje të lartë të Clintonit.Emailet e Huma Abedinit besohet se janë gjetur në laptopin e burrit të saj, ish-kongresistit Anthony Weiner.Weiner është subjekt i një hetimi të veçantë, nën dyshimet se ka dërguar mesazhe seksuale te një vajzë e mitur.Raportohet se janë rreth 650,000 emaile për t’u hetuar në rastin Clinton, çfarë e bën të pamundur për hetuesit që të dalin me një vendim përpara zgjedhjeve.

FBI beson se emailet mund të lidhen me hetimet paraprake të Clintonit, për shkak të përdorimit të një serveri privat në kohën kur ka qenë Sekretare e Shtetit në administratën Obama.Ky rast është mbyllur në korrik pa ndonjë akuzë kundër Clintonit.Përmes një letre, lideri dekomrat i Senatit, Reid, akuzoi drejtorin e FBI-së, Comey, për ushtrimin e standardeve të dyfishta, me qëllim që të ndihmojë një parti politike përballë tjetrës.Ai tha se Comey mund të ketë shkelur Aktin e Kurdisjes, i cili i ndalon zyrtarët të përdorin pozitën e tyre për të ndikuar në zgjedhje.Reid po ashtu tha se Comey ka fshehur “informacione të vrullshme për lidhjet e afërta të kanidatit republikan për president, Donald Trump, dhe këshilltarëve të tij me Qeverinë e Rusisë”.

“Publiku ka të drejtë të dijë për këto informacione. Ju kam shkruar disa muaj më parë, duke kërkuar që këto informacione të bëhen publike”, tha Reid.Se çfarë efekti mund të ketë veprimi i FBI-së në zgjedhjet e 8 nëntorit, është e paqartë, por sondazhet e opinionit tregojnë se epërsia e Clintonit ndaj Trumpit ka rënë.Një sondazh i ABC News dhe i Washington Post, i publikuar të dielën, e ka treguar Clintonin vetëm me një përqindje përpara.Clinton i ka përshkruar veprimet e Comeyt si “të papara” ndonjëherë dhe “thellësisht shqetësuese”.Trump, në anën tjetër, ka lavdëruar vendimin e FBI-së, duke akuzuar Departamentin e Drejtësisë për mbrojtje të Clintonit.“Departamenti i Drejtësisë është duke bërë përpjekje të mëdha për të mbrojtur veprimtarinë kriminale të Hillary Clintonit”, tha Trump.Në një intervistë për televizionin CBS, nënpresidenti i Shteteve të Bashkuara, Joe Biden, tha se Clinton po përballet me “një standard të dyfishtë” kur është fjala për besueshmërinë.Sipas vëzhguesve, veprimi i FBI-së mund të jetë asgjë, por edhe gjithçka për Clintonin. Analistët thonë se një gjë është e sigurt: edhe nëse Clinton fiton garën për Shtëpinë e Bardhë, ditët e para të presidencës së saj do të ndiqen nga kjo ngatërresë politike.(Pergatiti Valona Tela RFL)

LISTA E GJATE E KANDIDATIT TRUMP

October 31, 2016 by dgreca

Gazetari kanadez Daniel Dale, i “Toronto Star” ka bere nje list te GENJESHTRAVE qe Z Trump ka thene gjate ketyre 43 diteve te fundit. Perveç ketyre qe liston gazetari Daniel Dale, sot Z. Trump ka twitter nje genjeshter te re: “Twitter, Facebook, Google are “burying” FBI News” – shkruan ai. E verteta: asnjeri nga keta qe akuzon Trumpi, nuk e ka “varrosur lajmin e FB-ise”, pasi lajmi eshte i postuar ne te gjitha keta kompani qe akuzon ky. Po keshtu edhe me çeshtjen e emailave qe jane gjetur te kompjuteri i Weiners, ai perseri genjen, ashtu siç din ai ta bej kete pune. P. sh., ne letren qe drejtori i FBI i dergon Kongresit, shkruhet saktesisht keshtu: “Although the FBI cannot yet assess whether or not this material may be significant. . .” (“Megjithese FBI ende nuk ka bere vleresimin nese keto emaila mund te jene te rendesishem. . .), dhe kur vete drejtori i FBI, thote qe as une nuk di akoma se ç’ndodhen ne to, Z.Pinokio, qe nga genjeshtrat hunda e tij do te arrije brigjet e Evropes, keshtu qe amerikanet do te kalojne Atllantikun me makine per te shkuar ne Evrope, s’le miting pa genjyer ne menyren me te paskrupull: Z.Pinoku i cileson keto email si “Bigger than Watergate” (Shume me te rendesishme sesa Skandali i Uatergeitit!) dhe ulerin bashke me turmen: “Hilari te futet ne burg! Qe s’di pse me kujton atmosferen fill pas Luftes se Dyte boterore ne Shqiperi kur per çdo te arrestuar si “armik” turma bertiste: “te varet, te varet!” Lexoni nje pjese te listes te ketij Gazetari, (lista gjendet ne kete link: https://www.indy100.com/article/this-journalist-is-listing-all-the-lies-donald-trump-tells-every-day-7322776, dhe te shihni konkretisht PINOKUN ME TE MADH qe ka njohur Bota! Duke perfunduar, dua te shtoj se sot ne GPS, ne nje interviste me Fereed Zakaria me ish ministrin e jashtem te Britanise, te Frances, te Singaporit dhe te Polonise te gjithe UNANIMISHT, nenvizuan rrezikun qe paraqet per boten zgjedhja e Z. Trump si President i USA.( Pirro Dollani- Las Vegas)

Për çështjen e (pa)zgjidhur shqiptare në Maqedoni nuk flitet prej shpatit

October 30, 2016 by dgreca

Reagim i SHSHA-së në Çikago kundër deklaratës së profesorit universitar Osman Kadriu/

Nga Skënder Karaçica/Çikago/

Tash e një shekull çështja shqiptare në trojet etnike në Maqedoni ka qëndruar pezull dhe anashkaluar nga regjimet tatalitar komunist dhe të ,,demokracisë,,së brishtë në këtë vend,ku populli shqiptar gjithnjë ka mbajtur të drejtën si popull i dytë shumicë dhe me ligjet kushtetuese,i është dhënë e ,,drejta,,si pakicë kombëtare, kështu i drejtohet SHSHA në Çikago,profesorit universitar Osman Kadriu.

Deklarat e para do dite e profesorit universitar të së drejtës kushtetuese Osman Kadriu se pa 80 votat e deputetëve të Kuvendit të Maqedopnisë nuk mund të ndryshohet Kushtetuta e Maqedonisë dhe thirrja e tij,,mos e mashtroni popullin shqiptar,,(sic!)tregon qartë se në çfarë gjendje e kemi botën intelektuale(akademike)të mendimit të superstrukturës shqiptare.që problemin e (pa)zgjidhur shqiptare e shohin nga majat më të larta të shpatit dhe pa asnjë përgjegjësi nga rrafshi shkencor-kërkimor,profesor Osman Kadriu del para popullit të tij me tezën denigruese të nënshtrimit e të humbjes së betejës kombëtare.

Çfarë herezie do të ishte për profesor Osman Kadriu që të nisë ndryshimi i aktit më të lartë juridik të Kushtetutës në Maqedoni,që do të sigurohej e drejta kombëtare për popullin shqiptar në këto hapësira etnike lidhur me opcionet e reja demokratike të autopnomisë së shqiptarëve në Maqedoni,me përmasën e të drejtës ndërkombëtare për barazi kushtetuese tashti si shtetformues,e jo në pozitën e pakicës me pakicat tjera,ndonëse po i tregojmë profesorit Osman Kadriu se në Samitin NATO në Çikago(2102)është thënë zyrtarisht se përbërja kombëtare e popullit shqiptar, si popull i dytë shumicë përben 40 përqind të përbërjes kombëtare dhe mund të bisedohet për autonominë si një shkallë më lartë e arritjes së barazisë dhe si institucion i njohur tashmë në të drejtat ndërkombëtare,për federalizikin e Maqedonisë dhe të avancimit të popullit shqiptar në shtetformues,e kurrsesi në pozitën e padrejtë të pakicës kombëtare me pakicat tjera në këtë vend multietnik, thuhet në reagimin e SHSHA-së në Çikago.

Po i tregojmë profesor Osman Kadriu se nga ditët e para të ,,çlirimit,,dhe të ,,vëllazërim-bashkimit,,në Maqedoni është përmendur opcioni i autonomisë territoriale dhe politike(letra e sekretarit të Komitetit të Parë Rajonal të PKM-së që përfshinte territorin e komunave të Tetovës,të Gistivarit,të Kërçovës dhe të Dibrës,atëherë popullit shqiptar i është premtuar autonomia siç thuhej ,,se gjysma e popullsisë së këtij territori është shqiptar,,-thuhej në këtë dokument -propozohej që Maqedonia të ketë autonomi të ngjashme më atë që (pati dikur)Republika e Kosovës.Përkitazi me këtë po citokjmë si burim:Arhiv na Institutot za nacionalna istorija na Makedonija,Skopje,Inv.br.463).

Profesor Osman Kadriu do të ishte mirë që të flasë për trajtimin e barabartë të popullit shqiptar në Maqedoni në të gjitha fushat e jetës dhe në të gjitha nivelet e organizimit dhe të funksionimit të saj,pra konstituimi i tyre përmes ndryshimeve të Kushtetutës si subjekt i barabartë politik me të drejtë sovraniteti,përkatësisht si element shtetformues,e jo pakicë kombëtare,thuhet në reagimin e SHSHA-së kundër deklaratës së pamatur mirë nga ,,kompetenca shkencore,,të profesor Osman Kadriu me tonet e nështrimit për popullin shqiptar në Maqedoni.Koha është për ndryshimet e Kushtetutës,ndonëse pa barazinë e plotë të popullit shqiptar si popull i dytë shumicë nuk mund të ekzistojë shteti në Maqedoni!

Kujtese – Viti 1946

October 28, 2016 by dgreca

1946 KRIMINELËT NË SHQIPNI, USHQEHEN VETEM ME GJAK ATDHETARËSH/

Nga Fritz RADOVANI/

Ne Foto: 1946 E.HOXHA dhe J.B.TITO/

■HENRY KISSINGER I LIBRIT “DIPLOMACIA”…/

■Sekretar i pesdhjet e gjashtë i Shtetit. Ka marrë çmimin “Nobel” për Paqen në vitin 1973, si dhe çmime të tjera të rëndësishme të Sh.B.A. Ai shkruen në faqe 443: “Stalini mundi të impononte kufijtë e Europës Lindore, pa ndermarrë një rrisk të tepruar, sepse ushtritë sovjetike i kishin pushtuar këto zona. Por, kur puna erdhi për të imponuar regjime të tipit sovjetik në këto territore, ai u tregua shumë më i kujdesshëm. Dy vitet e para pas luftës, vetëm Jugosllavia dhe Shqipëria vendosën diktatura komuniste.”

■“Jalta polli turpin për fizionominë e botës së pasluftës.”

■Ndersa, At Gjergj Fishta, na la një porosi:

“Ma mirë me vdekë me u shue nën hije

T’ Flamurit tonë, në fushë të mejdanit,

Se me rrnue një jetë robnije

Përnën sukuj t’ huej t’ Ballkanit,

Bini, Toskë, ju, bini Gegë!.”.(Hymni i Flamurit kombtar)

■U ndalue At FISHTA, “Lahuta” e Tij dhe “Hymni i Flamurit kombtar” i vitit 1913…

■U ndalue Don Ndre ZADEJA, po, edhe u pushkatue me 25 Mars 1945, se ka deklarue: “…Populli Shqiptar i varfën në mes të armiqve shekullorë, të cilët janë: Sllavi, Bullgari, Greku dhe Italia. Shqipnia ka nëvojë për nji mbrojtje nga fuqitë e hueja”. (Dosja 677)

Rinia Shqiptare ka njoh disa nga veprat e Tij, kryesisht melodramat e vume nder skena si: “Ora e Shqipnisë”, Rrethimi i Shkodres”, “Hijet e Zeza”, Ruba e Kuqe” etj…

■Me 20 Shkurt 1946 pushkatohet At Anton HARAPI, i cili “E PRANOI DETYREN NË RREGJENCËN SHQIPTARE (1943), ME KUSHT: MOS ME NËNSHKRUE ASNJË DËNIM ME VDEKJE!” As sot Shqiptarët nuk e dijnë këte kusht! Kush ua mëshef?!

■Ja dhe disa thanje të Tij: “Nuk shpëton jo, sot, as Xhamia pa Kishë, as Kisha pa Xhami, por as njena e as tjetra pa Shqipni! Me gjak e dasi jena ngopë! Kena pa e provue edhe se çka asht kthetra e huej dhe e kena prekë se një popull i përçamë asht i gjykuem me mbarue! Të ngrihemi pra në kambë! Për një Zot të vërtetë e për një Shqipni të lumtun – Na jena vllazen! A sëbashku e të pështuem a të ndamë e të mbaruem!”

■“Shqipnia u fitue me gjak, me gjak edhe po mbahet e robnueme. Do të vij dita e me Paqë dhe Drejtësi do të fitohet!”

■“Na lajmëroni daten e ekzekutimit dhe vullnetin e tyre të fundit…

Ministri i Luftës dhe Mbrojtjes Kombëtare Gjeneral kolonel Enver Hoxha…”

■“Ju njoftojmë se të dënuarit me vdekje At Gj. Fausti me shokë, u ekzekutuan sot me dt. 4 Mars 1946, ditën e henë, ora 5 paradreke… Kryetari i Gjykatës Ushtarake M. Iljazi.”

U pushkatue: At Gj. Fausti, At D. Dajani, At Gj. Shllaku, Mark Çuni, Qerim Sadiku, Gjelosh Lulash Bajraktari, dhe në Korrik 1946 Frano Mirakaj, që nuk pranoi agjenturen.

■23 Mars 1946, vritet tradhtisht në Vrith dijetari Don Nikollë GAZULLI.

■17 Korrik 1946, pushkatohet Don Alfons TRACKI…Shkak bahet vrasja e Ndoc Jakovës.

■Mbas qendresës së Kelmendit në Janarin e 1945, ku drejtoi trimi Prekë Cali, dhe forcat e Mehmet Shehut të ndihmueme nga jugosllavët vrane 118 Burra të Maleve, ua dogjën edhe shtëpijat e i plaçkitën edhe gjanë e gjallë, e Prekën e pushkatuen pranë Rrëmajit…

■Në Janarin e 1945 u ba edhe Kryengritja e Llesh Marashit, i cili u var me 18 Korrik 1946.

Kur partizanët u pritën me pushkë në Berdicë, ku u pushkatue Arif Selimi, në krahinat e Malit Kolaj ishte Hasan Isufi, ndersa në Dukagjin e Shllak rezistenca vazhdonte nga një grup i organizuem me “Beslidhjen e Veriut” të Kapiten Gjelosh Lulit, Martin Sheldija, Major Gjergj Vata, Mark Mala, Pal e Mark Thani, Gjon Destanishta, Nik Sokoli dhe sa Trima të Pathyeshëm, që sakrifikuen jeten, familjen nder interrnime dhe t’ ardhmen që sot, pothuej, asht arkivue në “Dosjet e Harresës”… Bashkë me Markagjonët e Mirditës dhe Mirakajt e Pukës. Mark e Llesh Gjomarkagjoni janë një liber në vete per Historinë!

■Me 9 Shtator 1946, shperthen “para kohe” Lëvizja e Postribës”, per të cilën as sot nuk asht publikue “shkaku i këtij shperthimi të parakohëshem…”. Vriten faj e pafaj disa qinda vetë, dhe pushkatimet vazhdojnë per disa vite… Dihet se, urdhnoi Jup Kazazi. Por duhet shenue se Familja Kazazi pothuej u shue nga vrasjet e masakrat komuniste, fat të cilin e patne edhe Dedëjakupët me Burra e Gra Heroina, që dhane jeten në luftë…

■Veriu antikomunist nuk i uli armët! U vranë dhe u burgosën nacionalistë, profesorë, sa e sa qytetarë e fshatarë të thjeshtë, nga familjet ma në za si Gurakuqi, Dani, Gjylbegu, Kurti, Harapi, Meta, Prennushi, Pipa, Boletini, Rusi, Serreqi, Kiri, Derguti, Laca, Suma, Kakarriqi, Topalli, Darragjati, Barbullushi… E sa të tjerë që nuk zehen as me gojë!

Nder masakrat e paharrueshme në Shkoder mbetën gjithnjë në kujtesen tonë Avokatët Muzafer Pipa, Paulin Pali, Ndrekë Kakarriqi, profesorët Kolë Prela, Qemal Draçini, Kolë Margjini, Arshi Pipa, Prenkë Kaçinari, Gjergj Martini, Simon Deda, Kolec Deda etj.

■Vajzat Heroina nuk u harruene kurrë prej Marije Shllakut, Marije Zojzit, Maria Tuci, Adile Boletini, Agime Pipa, Frida Sadedini, Marta Doda, Bardha Gjomarkaj, Terezina e Liza Pali, Drita Kosturi, Viktore Kuka, Ana Daja, Luçia Kola, Laura Keçi etj…

■Hoxhallarët që u masakruen dhe nuk pranonin me u shpifë kunder Klerit Katolik ishin: Hafizët: Myftia, Ali Tari, Derguti, Bushati, Sabri Koçi, Xhemal Najpi etj…

■Të gjitha këto vrasje dihet e sigurtë se gjithmonë ishin të organizueme nga forcat e sigurimit jugosllav, në bashkpunim me sigurimin e shtetit shqiptar. Kur frika ishte e madhe nga qendresa e Maleve, atëherë, nderhymja jugosllave bahej si per Prekë Calin.

■Vepra ma e shemtueme kunder Klerit Katolik Shqiptar mbetet edhe sot “Futja e armëve në Kishen e Fretenve të Shkodres”, me 17 Nandor 1946, ku tragjedia fillon në 2.00 nade…

■Me grupin “Katoliçeskaja Banda” në Prizren, me daten 15 Nandor 1946 pushkatohen: At Bernardin Llupi, Marije Shllaku, Prof. Kol Parubi, Mësuesi Gjergj Martini, dhe asht tradhtue ato ditë edhe një nga ma të njohunit Atdhetar Prof. Ymer Berisha.

■Me daten 27 Tetor 1946 arrestohet në Tiranë At Pjeter MESHKALLA e Don Shtjefen KURTI, që mbas një qendrimi Burrnor, do të arrestohen me “Revolucionin Kultural” dhe do të ridenohen, atëherë kur Don Shtjefni edhe do të pushkatohet…

***

VETEM HAPJA E DOSJEVE TREGON TË VERTETEN E GJENOCIDIT…

EDHE “KONFERENCA ISLAMIKE” PO MERZITET ME JU QEVERITARË!..

TË GJITHË KËTA VIKTIMA TË KOMUNIZMIT KANË AUTORËT E KRIMIT !

Melbourne, Tetor 2016.