Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

PSE E BRAKTISI KONFERENCEN E BRATISLAVES MINISTRI HYSENI?

by

Kosovë/ De nominim i papranueshëm/

-Ministri Hyseni e lëshon  demostrativisht  konferencën në Bratislavë. Republika e Kosovës do të kthehet në këtë nismë posa të bëhen korrigjimet e nevojshme në pajtim me marrëveshjen e Brukselit/

PRISHTINË, 20 Shtator 2016-Gazeta DIELLI-B.Jashari/ Ministri i Punëve të Brendshme i Qeverisë së Kosovës, Skender Hyseni i cili me ftesë të Robert Kalinak, zëvendëskryeministër dhe ministër i Punëve të Brendshme të Republikës Sllovake, aktualisht Kryesues i Këshillit të Bashkimit Evropian, kishte udhëtuar për në Bratislavë, për të marrë pjesë në Konferencën e tretë Ministrore të Procesit të Pragës, ka lëshuar tubimin në shenjë proteste me de nominimin që i është vendosur Kosovës (Kosovo/UNSCR 1244/1999).Ky de nominim është i papranueshëm ka theksuar ministri Hyseni, duke shtuar se nëse i bëhet çfarëdo reference Rezolutës 1244 , duhet t’i bëhet referencë e qartë edhe mendimit të Gjykatës Ndërkombëtare të Drejtësisë për Pavarësinë e Kosovës, në pajtim me marrëveshjen e arritur në Bruksel, pra në pajtim me fusnotën e cila është aplikuar edhe në MSA të nënshkruar midis Kosovës dhe BE-së.

Ministri Hyseni po ashtu theksoi se vetëm muaj më parë, ai kishte nënshkruar me FRONTEX-in marrëveshje bashkëpunimi me atë de nominim që ishte dakorduar edhe Brukseli, ku i bëhet referencë e qartë edhe mendimit të GJND-se.  Kjo konferencë si dhe vet Procesi i Pragës si i tillë synon të forcoj edhe me shumë partneritetin midis vendeve pjesëmarrëse në fushën e migrimit të paligjshëm. Ministri Hyseni ka theksuar në fund se Republika e Kosovës do të kthehet në këtë nismë posa të bëhen korrigjimet e nevojshme në pajtim me marrëveshjen e Brukselit për përfaqësimin e Kosovës.

PRESIDENTI NISHANI DO TE TAKOHET ME VATREN

by

Presidenti Bujar Nishani,  në Organizatën e Kombeve të Bashkuara në Nju-Jork me ftesë të Sekretarit të Përgjithshëm, Ban Ki-moon/

Nju Jork, 19 shtator 2016/Sipas burimeve te Gazetes Dielli në SHBA, presidenti i Republikes së Shqipërisë , Shkelqesia e Tij, Bujar Nishani,i cili merr pjesë në Sesionin e 71-të të Organizatës së Kombeve të Bashkuara , do te takohet me Kryesine e Federates Panshqiptare te Amerikes me 24 Shtator 2016, c’ka është e konfirmuar.

Sipas burimeve nga Presidenca e Shqiperise, me ftesë të Sekretarit të Përgjithshëm të Organizatës së Kombeve të Bashkuara (OKB), Ban Ki-moon dhe Presidentit të Asamblesë së Përgjithshme, Peter Thompson, Presidenti i Republikës, Sh.T.Z. Bujar Nishani, së bashku me Zonjën e Parë, Odeta Nishani, në krye të delegacionit zyrtar shqiptar, merr pjesë në Sesionin e 71-të të Asamblesë së Përgjithshme të OKB-së, që do të zhvillohet në Nju-Jork.

Në këtë veprimtari të rëndësishme botërore të diskutimit të çështjeve dhe problemeve më të mprehta të kohës si ato të lidhura me paqen dhe sigurinë globale, krizën e refugjatëve dhe migracionin, përmirësimin e të drejtave të njeriut, luftën kundër terrorizmit dhe ekstremizmit, janë ftuar kryetarë shtetesh e qeverish, autoritete të tjera të larta shtetërore e të politikës botërore, si dhe drejtues të organizmave ndërkombëtare, etj.

Gjatë debatit të përgjithshëm të Sesionit të 71-të, Kreu i Shtetit shqiptar do të mbajë një fjalë duke iu drejtuar Asamblesë së Përgjithshme të OKB-së, e më pas do të marrë pjesë në Ceremoninë e Nivelit të Lartë për Hyrjen në Fuqi të Marrëveshjes së Parisit për Klimën, si dhe do të diskutojë edhe në segmentin e Nivelit të Lartë të AP-së në kuadër të 30-vjetorit të Deklaratës për të Drejtën për Zhvillim.

Presidenti Nishani do të bashkëdrejtojë me Zëvendës Presidentin e Komisionit Evropian Frans Timmermans, Tryezën e Rrumbullakët të Diskutimit të Takimit të Nivelit të Lartë mbi ndarjen të bashkuar të përgjegjësisë globale për refugjatët dhe respektimin e ligjit ndërkombëtar.

Vizita zyrtare e Kreut të Shtetit shqiptar pranë organizatës më të madhe në botë për sigurinë ndërkombëtare, zhvillimin ekonomik dhe barazinë sociale, parashikon edhe një sërë takimesh të rëndësishme dypalëshe me homologë nga Evropa si dhe nga bota.

Gjithashtu Presidenti i Republikës është i ftuar dhe do të marrë pjesë në punimet e sesionit plenar të Takimit Vjetor 2016 të Nismës Globale Klinton ku do të diskutohet për “Partneritetin e Begatisë Globale”.

Gjatë qëndrimit në Shtetet e Bashkuara të Amerikës, Presidenti Nishani do të zhvillojë takime edhe me drejtuesit dhe anëtarë të shumtë të Bashkësisë shqiptaro-amerikane si dhe do marrë pjesë në disa veprimtari të tjera me karakter ekonomik, kulturor e shoqëror ku do të vlerësojë personalitete të shquara shqiptare e amerikane me kontribut thelbësor në promovimin e vlerave atdhetare, kulturore e paqedashëse të shqiptarëve.

Presidenti Nishani do të mbajë edhe një ligjëratë në Universitetin Kombëtar të Mbrojtjes në Uashington D. C., ku do të ketë edhe takime të rëndësishme me personalitete dhe figura politike të zgjedhura në nivel vendor dhe kombëtar, si dhe do të vizitojë Memorialin kushtuar viktimave të sulmit terrorist të 11 shtatorit 2001 në Pentagon.

Vizita zyrtare e Presidentit të Republikës në Shtetet e Bashkuara do të përmbyllet në qytetin e Çikagos ku do të marrë pjesë në veprimtaritë ekonomike, kulturore dhe shoqërore në kuadër të thellimit dhe zgjerimit të marrëdhënieve të gjithanshme historike dhe strategjike shqiptaro-amerikane.

Shqipëria është Atëmmëmëdheu i mbarëshqiptarëve

by

Shkruan: Avdi Ibrahimi/

S’ka pse tregohesh i mençur që të konstatosh se pozita e popujve në Gadishullin Ilirik, si dhe ajo e popujve të Europës nuk mundet assesi të krahasohet as për së afërmi me pozitën e popullit shqiptar, të cilët gjysma e tryre jetojnë në atmëmëdheun e tyre në Shqipëri, pjesa tjetër jetojnë të ndarë nga trungu amë në Kosovë, Maqedoni, Serbi, Mal të Zi, dhe Greqi. Nëse jemi sadopak të ndershëm duhet të themi të vërtetën ashti si është, pra kemi të bëjmë me një problem thelbësor i pazgjidhur i popullit shqiptar përgjithësisht në Gadishullin e Ilirikut… Në këtë rast definimi i Hapsirës kufitare me këto shtete fqinje të jetë atje ku jetojnë shqiptarët në shumicë, ndërsa miliona shqiptarëve që jetojnë në Turqi dhe në shtetet tjera të Botës t’u ipet e drejta e përbashkët e arsimimit në gjuhën e tyre amtare dhe e drejta e përbashkët kulturore shqiptare, kjo mund të ndihmojë që Gadishulli Ilirik të mos jetë më një vrimë e zezë e Europës së bashkuar, pra shqiptarët si komb i bashkuar me një shtet të bashkohen me Europën në të ardhmën.

Që të arrihet kjo zgjidhje politike që është i vetmi rast i padrejtë i një populli të ndarë në 5 shtete e që shteti Shqiptar është i vetmi vend në Kontinentin e Europës ku kufizohet edhe sot me popullin e vetë, zgjidhja është që së pari gjith shqiptarët të jenë të bashkuar që ta përfaqësojnë interesin e përbashkët kombëtarë për Ribashkim të Shqipërisë. Shqiptarët që janë të ndarë padrejtësisht në 5 shtete, si dhe miliona shqiptar që jetojnë në Turqi e diasporë, përfundimisht të deklarohen haptas pa u frikësuar nga askush, se e ndjejnë SHQIPËRINË, si atmëmëdhe të vetin, nga ana tjetër assesi nuk duhet lejuar arsyetimi i një grupi të vockël “shqipfolësish” se gjoja Qeveria në Shqipëri është fajtore për pozitën jo të mire të shqiptarëve jashtë kufijëve të shtetit shqiptar.

Nocioni i kufijëve shtetërorë në Europë tashmë e ka humbur kuptimin që kishte më pare.

Gjithçka flet e duket ditën për diell se vetëm Gadishulli Ilirik ka mbetur edhe sot e kësaj dite një nga territoret e fundit gjeopolitike ku koha e ndryshimeve të reja politike demokratike s’kanë dëpërtuar në ndryshimin e mentalitetit të ri.

Për dekada në ish-Jugosllavi kemi dëgjuar rrena patetike se kufijtë jugosllavë ishin më të hapurit në Europë dhe pakicat kombëtare edhe pse ne shqiptarët ishim shumicë autoktone në Trojet Tona Shqiptare, megjithkete politika jugosllave titisto-rankoviqiste e millosheviqjane trumbetonin se pakicat kombëtare ishin ura lidhëse të afrimit mes popujve. Fraza të tilla plot gënjeshtra u treguan ndaj popullit shqiptar që për gjysmë shekulli nuk guxuan të takohen me vëllezërit e motrat të shtetit shqiptar.

Që të mos na ndodh më fati i keq i ndarjeve të vëllaut me vëllanë, në mbarë hapsirat shqiptare të kemi një program të përbashkët politiko-kombëtar që të jet si qëllim dhe kusht i demokracisë që shqiptarët të jetojnë në një shtet të bashkuar Shqiptar.

SHEJTNESHA TEREZA, FTYRE E SHPRESES SE PERHERSHME

by

Catholic News Service/Pergatiti per Diellin:Gjon Kadeli/

1-okb
3-zefiGjate nji ceremonije qe u organizue ne Orrganizaten e Kombeve te Bashkueme ne Nju Jork, me rastin e Shejtnimit te Nane Terezes, disa nga pjesemarrsit nder te tjera thane edhe Keto: Perfaqsuesi i perhershem i Selise se Shejte prane Kombeve te Bashkueme Kryeipeshkvi Bernerdino Auzo e pershkroi Shejtneshen e Kalkutes ftyre njerzore qe rrezaton shprese te perjetshme dhe qe mishnon parimet themeluese te Organizates se Kombeve te Bashkueme. Ai shtoi se Nane Tereza, ishte ndoshta, personi i pare, qe nga koha e Shen Franceskut te Asisit, qe u konsiderue Shejtneshe nga njerez te shume kombeve.
Ish Sekretari i Pergjithshem i Asamblese se Kombeve te Bashkueme Janvier Perez de Cuillar, e paraqiti themeluesen e organizates bamirese Nane Terezen, ne asamblen ne fjale me 1985, si gruen ma te fuqishme ne bote.
Kryetari i Organizates Bamirese Nderkombetare Alan Sears tha; Nene Tereza perdori guximin si rrjete(mjet) per te terhequn shpirtnat dhe tregoi kurajo, pa permend emnin e saj, per te folun ne emen te atyne qe nuk mund te folshin per vete. Ai shtoi Nane Tereza e ndezi driten per rrugen, per nji te ardhshme,nepermjet shpreses ndaj Zotit, dashuni per te vorfnin, kurajo perball te keqes dhe pandjesise.
Kleriku Leo Masburg nga Austria tha: Nane Tereza ishte krejtesisht nji njeri i zakonshem, por ne te njejten kohe ajo ishte nji person tejet i jashtzakonshem. Ai shtoi: Nane Tereza, asnjihere nuk e imponoi Unin(egon) e saje ndaj te tjerve, dhe qellimi i saje ishte me pru nji drite te vogel ne terrin e gjendjes njerzore.
Autoria Britanike, Kathlyn Spink, permendi viziten qe Nane Tereza bani ne Nju Jork me 1985, gjate te ciles ngjau ajo qe u quejte “Mbrekullia e Manhatanit” kur governatori i N ju Jorkut, Mario Cuomo pranoi kerkesen e saje, per te lirue disa te burgosun, qe ishin ne vdekje e siper, per t’i que ne nji bujtore, qe ajo kishte themelue,per t’u perkujdesun per ata qe kishin smundjen e sides.
Ambasadorja e Shqipnis prane Organizates se Kombeve te Bashkueme Besiana Kadare tha: Njohja nderkombetare e veprimtarise se Nane Terezes ishte piknisja e nji drame te pashembullt qe preku marredhanjet e Shqipnis gjate rregjimit komunist. Emni i Nane Terezes nuk u permend ne Sqipni, dhe ajo nuk u lejue te vizitonte nenen dhe motren e saj. Asht nji paradok i dhimshem, qe nji grue qe u sherbeu njerzve te panjoftun ne vende te tjera, nuk u lejue te vizitionte nanen e saje qe ishte ne vdekje e siper.
Ambasadori i Indis prane Kombeve te Bashkueme Sied Akbarudin tha se Nane Tereza u permend dhe u vlersue si nji njeri i joni dhe personifikoi pikpamjen botnore te Indise se “Bota asht shtepia e te gjithve dhe te gjithe njerzit jane pjese e nji failje te madhe.” Ai shto se megjithse shumica e Indianeve nuk jane te te njejtit besim, ajo u konsiderue Shejtneshe ne Indi kur ishte gjalle.

 

SISTEMI TATIMOR NË PENËN E ADRIATIK MATELIT

by

Rreth monografisë së Adriatik Matelit ”Sistemi tatimor në Shqipëri”, Tiranë 2016/

Nga Enver Lepenica/

I njohur në fushën e ekonomisë dhe i specializuar për sistemin tatimor  Adriatik Mateli ka konkretizuar përvojën e tij në studimin shumë vlerësh  “Sistemi tatimor në Shqipëri”, vepër e cila tashmë është në dorë të lexuesit.

Libri është i ndarë në 11 kapituj: Politika tatimore dhe taksat, Zhvillimi i sistemit tatimor në Shqipëri, Sistemi tatimor në periudhat: 1839-1912, 1912 – 2012, 1925-1939, 1945-1990, 1990-2012, 2002 – 2012, Administrtata tatimore dhe administrimi i tatimeve, Reforma tatimore, Ligji i ri i proçedurave tatimore, Sigurimet shoqërore dhe kujdesi shoqëror.

Në fund autori ka bërë konkluzionet e studimit , ka dhënë rekomandime  dhe një fjalor terminologjik.

Studimi i plotë “Sistemi tatimor në Shqipëti”, është mbështetur në një literaturë të shumtë dhe shteruese.

Kjo është shkurt përmbajtja e kësaj vepra të ekonomistit dhe specialistit të tatimeve Adriatik Mateli, i cili jo vetëm është thelluar në studimin e kësaj teme të vështirë, por ka ditur të vërë e të konkretizojë në libër përvojën e tij shumë vjeçare në fushën e administrimit të tatimeve.

Vepra është hartuar me konsulencën e Prof. Dr. Agim Binaj, Prof. Dr. GalentinaCanco,

recezentë: Prof. In. Alqi Naqellari, Konsulent Fiskal Fatmir Kazazi, çka do të thotë se kemi të

bëjmë me një vepër e studim të mirëfilltë shkencor në fushën e ekonomisë.

Prof. In. Alqi Naqellari në recencën e tij vë re me të drejtë se: “Monografia… është nga punimet e pakta të kësaj fushe… Vetëm një njohës i mirë i këtij sistemi si Adriatik Mateli mund të marrë përsipër të shkruaj një monografi sepse në këtë sektor ekziston një pyll i dëndur ligjesh mes të cilëve një ekonomist i zakonshëm humbet rrugën….    Autori ka trajtuar me thellësi dhe qartësi marrëdhënit historike në lidhje ekonomike dhe monetare ndërmjet qeverisë dhe individve, personave fizik dhe juridik për mbledhjen e të hyrave publike… Monografia e Adritik Matelit përbën një gur të çmuar në literaturën ekonomike të fushës së tatimeve. Ajo ju vjen në ndihmë studentëve, pedagogëve, punonjësve të tatimeve, trajnusve, historianëve dhe gjith lexuesve të thjeshtë që janë të interesuartë njohin sistemin tatimor, pjesë e historisë së Shqipërisë”.

*     *     *

Libri ka formatin B5 me 680 faqe dhe kushton 2000 lekë, dhe gjendet në të gjitha libraritë e vendit tonë.

E urojmë autorin të vazhdojë të na japë vepra të tjera me vlerë që pasqyrojnë  autoriten e një intelektuali që e do vendin e tij dhe shqetësohet për problemet e shoqërisë tonë.