Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kosova, pritje shtetërore olimpistes së artë Majlinda Kelmendi

by

-“Imazhi i artë i Kosovës”, është kryetitull balline në shtypin e sotëm kosovar/

PRISHTINË, 14 Gusht 2016-Gazeta DIELLI-B.Jashari/ Institucionet e shtetit të Kosovës i organizjnë sot pritje zyrtare Majlinda Kelmendit, fituse olimpike e medaljës së artë në xhudo në Olimpiadën “Rio 2016”. Në pritjen me nderime shtetërore në Aeroportin Ndërkombëtar “Adem Jashari” në  Prishtinë, në mbrëmje, do jetë edhe kryeministri i Kosovës, Isa Mustafa.

Në axhendë është edhe parakalimi i Majlinda Kelmendit me autobus të hapur   nepër sheshet e kryeqytetit, Prishtinës, e pastaj nisja për në vendlindje – qytetin e Pejës.

Kosova shtet i pavarur që nga 17 Shkurti historik 2008, i njohur deri tash nga 112 shtete anëtare të OKB-së, me xhudisten pejane Majlinda Kelmendi fitoi medaljen e parë olimpike, në Rio 2016 në Brazil – të artë. Medalja hstorike u fitua të dielën e para një jave, në 7 gusht 2016, dhe u prit me festë dhe gëzim nga shqiptarët në torjet etnike dhe në botë.

“Imazhi i artë i Kosovës”, është kryetitull balline në shtypin e sotëm kosovar.

“Majlinda Kelmendi preku majën. Fitoi titullin më të madh të mundshëm në sport – kampione olimpike. Duke fituar medaljen e artë, Majlinda realizoi ëndrrën, e futi Kosovën në radhën e shteteve me medalje olimpike, bëri që flamuri i shtetit të ri të ngrihet më lart se shtetet më të mëdha të botës dhe i solli shumë gëzim e krenari popullit të vet”, thekson Koha Ditore, sipas së cilës, “fitorja e Majlindës ishte lajmi më i bukur për Kosovën pas shpalljes së Pavarësisë”.

Ambasada amerikane e zhgënjyer me rikthimin e dhunës në Kosovë

by

“Është thellësisht zhgënjyese, saktësisht në kohën kur Kosova e ka mundësinë që të shfaqë anën pozitive para botës përmes pjesëmarrjes së suksesshme në Olimpiadë, të shohësh rikthimin e ciklit të dhunës”, thotë Ambasada e SHBA-ve përmes një komunikate pas zhvillimeve të fundit në Kuvendin e Kosovës.

Sipas këtij reagimi, procesi demokratik në Kosovës nuk mund të përmbajë sulme ndaj Kuvendit, gazin lotsjellës brenda tij dhe kërcënimet me bomba ndaj udhëheqësit të Komisionit për shënimin e kufirit.

“Fatkeqësisht, kjo është pamja që po e tregon Kosova para botës”, thuhet ndër të tjera në komunikatën e Ambasadës amerikane, ndërsa shtohet se dhuna është “sulm ndaj demokracisë së Kosovës”.

“Ambasada amerikane përkrahë në tërësi institucionet e sundimit të ligjit në Kosovë që të hetojnë këto ngjarje. Ne bëjmë thirrje për rikthim në funksion

Vuçiç: “Njohja e Kosovës rruga e vetme”

by

Eshtë një episod që nuk mund të kalohet pa i kushtuar vëmendje. Kryeministri i Serbise, Aleksandar Vuçiç, ka folur për herë të parë për njohjen e Kosovës. në fakt ai nuk ka bërë asgjë më shumë sesa thonë nën zë të gjithë politikanët serbë, pr përmendja e këtij fakti nga kreu i qeverisë, aq më tepër në ditën e debatit parlamentar kur Vuçiç po zgjidhet për herë të dytë kryeministër merr një peshë të veçantë. Djatë debatit në Parlamentin e Serbisë Vuçiç ka thënë se, e vetmja zgjidhje e cila do të zgjidhte ‘Nyjen Gordiane’ është njohja e Kosovës, por që ne nuk do ta bëjmë këtë.

Kryeministri serb, e ka pranuar se rruga e vetme në mes Kosovës e Serbisë, është njohja nga kjo e fundit, kur i ka kthyer përgjigje liderit të LDP’së, përkrahësit të njohjes së Kosovës, Çedomir Jovanoviçit, se ata në Serbi gënjejnë njëri-tjetrin se Kosova është më e çmuara, por individët dinë pak për Kosovën.

Vuçiç ka theksuar se shumë serbë nuk e kanë idenë se ku ndodhet Drenasi dhe se a jetojnë atje serbë. Po si duhet kuptuar kjo deklaratë e shefit të qeverisë serbe, të njëjtit person që bërtiti “Provokacija” kur homologu i tij shqiptar i tha në Beograd të njëjtën gjë? Nga njëra anë ai është i ndërgjegjshëm se Kosova është e humbur njëherë e përgjithmonë për Serbinë. E dyta ai do të hiqet përpara perëndimit si një lider që i kuptona problemet reale të vendit dhe që është transormuar krejtësisht që nga koha kur bënte zëdhënësin e Millosheviçit. E treta dhe më e mundshmja, Vuçiç megjithëse me gojë tha se “ne nuk do ta bëjmë kurrë këtë” ndoshta ka filluar të përgatisë opinionin vendas me mundësinë e ndarjes njëherë e mirë “nga zemra e Serbisë”. Ai e di se pa e hedhur këtë hap vendi i tij nuk ka të ardhme në Europë, ndaj megjithëse në mënyrë mohuese ai ka hedhur një sinjal. (Lapsi.al)

Kosovë, BE: Veprimet e dhunshme, të papranueshme

by

Foto Gazeta DIELLI-Behlul Jashari: Prishtina, verë 2016/

-Ditëve të fundit në Prishtinë kanë ndodhur dy sulme me mjete shpërthyese/

PRISHTINË, 11 Gusht 2016-B.Jashari/ Në një deklaratë për shtyp sot  nga Zyra e Bashkimit Evropian në Kosovë / Përfaqësuesi i Posaçm i BE-së shprehet shqetësim për veprimet e dhunshme ditëve të fundit në kryeqytet, duke theksuar se janë të papranueshme.

“Zyra e BE-së në Kosovë / PPBE është e shqetësuar që sheh kthimin e veprimeve të dhunshme gjatë ditëve të fundit në Prishtinë. Dhuna nuk ka vend në një shoqëri demokratike dhe si e tillë nuk është e pranueshme për Bashimin Evropian”, thekson deklarata e dërguar.

Ditëve të fundit në Prishtinë kanë ndodhur dy sulme me mjete shpërthyese, drejt Kuvendit të Kosovës dhe në shtëpinë e kryetarit të Komisionit Shtetëror për Shënjimin dhe Mirëmbajtjen e Kufirit të Kosovës.

Në Kuvendin e Kosovës, Lëvizja Vetëvendosje, subjekti më i madh opozitar, ka hedhur gaz lotsjellës në dy mbledhje, të Komisionit Parlamentar për Punë të Jashtme dhe të Kryesisë së Kuvendit me shefat e grupeve parlamentare në kundërshtim të ratifikimit të marrëveshjes për demarkacionin e kufirit me Malin e Zi dhe pas këtyre veprimave dy deputetë janë arrestuar.

 

Shtypi i Kosovës: Koalicioni nuk i ka votat për Demarkacionin

by

-Shtyn demarkacionin për 1 shtator. Tre javë ‘armëpushim’/

PRISHTINË, 11 Gusht 2016- Gazeta DIELLI-B.Jashari/ “Koalicioni nuk i ka votat, shtyn demarkacionin për 1 shtator”, shkruan sot shypi në Kosovë, pas vendimit të djeshëm të mbledhjes së Kryesisë së Kuvendit me shefat e grupeve parlamentare, ku partia më e madhe opozitare, Lëvizja Vetëvendosje, hodhi gaz lotsjellës.

Në kulmin e tensioneve dhe të paralajmërimeve për përshkallëzim të situatës, Kryesia e Kuvendit ka vendosur që Marrëveshjen e demarkacionit me Malin e Zi ta qesë në votim më 1 shtator, shkruan sot Koha Ditore.

Gazeta thekson se, edhe pse ka pasur zëra se demarkacioni do të shqyrtohet këtë javë, shtyrja është bërë me qëllim të blerjes së kohës. Sipas burimeve të gazetës, partitë në pushtet ende nuk i kanë të sigurta votat për ta kaluar marrëveshjen, veçmas në kampin e Lidhjes Demokratike. Arsye tjetër është edhe ‘”frika” se kjo çështje mund të çojë në tensionim të situatës, pak ditë para vizitës së zëvendëspresidentit amerikan, Joe Biden. “Por vizita e Bidenit mendohet të shfrytëzohet për t’i bindur edhe deputetët tjerë që janë kundër Marrëveshjes së koalicionit, në mënyrë që kalimi i saj të mos vihet në rrezik”, ka thënë burimi.

Por lëvizja “Vetëvendosje” shtyrjen e votimit për shtator e ka përkthyer si rezultat i rezistencës së tyre, shkruan gazeta.

“Tri javë ‘armëpushim’ për demarkacionin”, shtë kryetitulli i gazetës Zëri, e cila thekson se

partnerët e koalicionit qeverisës i kanë dhënë mbështetje Marrëveshjes, derisa opozita ka paralajmëruar masa radikale për pengimin e saj.

“Partnerët e koalicionit qeverisës shpresojnë se kjo Marrëveshje do të ratifikohet më 1 shtator, ndërsa subjektet opozitare kërkojnë që kjo Marrëveshje të hidhet poshtë në mënyrë që Kosova të mos i humbë mbi 8 mijë hektarë tokë.

Në shenjë kundërshtimi ndaj vendimit për përcaktimin e datës së seancës për demarkacionin, shefi i grupit parlamentar të Lëvizjes “Vetëvendosje”, Glauk Konjufca, ka hedhur gaz lotsjellës në sallën e Kryesisë duke e ndërprerë mbledhjen. Konjufca më vonë është arrestuar për këtë veprim”, shkruan gazeta.

Ndërsa, sipas shkrimeve të analistëve në media rreth marrëveshjes për demarkacionin e kufirit me Malin e Zi, “tash janë dalë edhe interesat krahinore dhe partiake dhe duket se është prishur edhe balansi i votave për ratifikim në Kuvend të Kosovës”.