Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Ambasadorja shqiptare blen tavolinë 5 mijë € me vulën e shtetit

by

 

Diplomatët e misionit shqiptar në Gjenevë kanë dorëzuar në Ministrinë e Jashtme një dosje me shkeljet financiare të ambasadores Filloreta Kodra, për të cilën kanë kërkuar nisjen e një auditi.

Gazeta “Panorama” ka zbardhur dokumentacionin që i është bashkëngjitur kërkesës drejtuar Ministrisë së Jashtme, në të cilën evidentohen shkeljet dhe blerjet me fatura të kripura për pajisje zyre.

Sipas shkresave, ambasadorja Filloreta Kodra ka blerë një tavolinë pune me vlerë 5266 franga zvicerane, ose, sipas kursit të këmbimit, rreth 5000 euro.

Në argumentet e dosjes së dorëzuar në MPJ, thuhet se janë kërkuar një sërë ofertash nga kompani të ndryshme, të cilët prodhojnë mobilie me porosi, dhe për një tryezë të tillë ofertat variojnë nga 530 deri në 750 franga zvicerane, por tryeza e blerë nga ambasadorja Kodra është paguar sa 10-fishi i saj, pra 5266 franga, që me kursin e lekut shqiptar arrijnë në 655 mijë lekë të rinj.

Po e njëjta kompani për të njëjtën mobilie ka ofruar një kosto dyfish më të ulët, pas interesimit të diplomatëve të misionit të Gjenevës.

Shkelja ligjore bëhet më e rëndë, pasi fatura e dorëzuar nga kompania private është firmosur dhe vulosur nga ambasadorja Kodra.

Në argumentet e dosjes së dorëzuar në Ministrinë e Jashtme thuhet se:

“Në kuadër të së njëjtës blerje nga ana e Misionit, investigimi na çon para një dokumenti absurd, ku vula e shtetit shqiptar, e Misionit të Shqipërisë në Gjenevë dhe nënshkrimi i ambasadores Kodra vendosen mbi një ofertë biznesi privat në Gjenevë, arsyet dhe logjikën e këtij ‘certifikimi’, duke vulosur këtë dokument me vulën e shtetit shqiptar, mund të na i shpjegojë vetëm titullarja e Misionit.

Të gjithë punonjësit e administratës shtetërore, por edhe të gjithë ne, dimë se vula e një institucioni mund të përdoret apo vendoset vetëm në dokumente, shkresa zyrtare që mbajnë logon/ stemën e tij dhe që nënshkruhen nga titullari i autorizuar.

Në rastin konkret, ambasadorja Kodra vulos dhe firmos ofertën e biznesit fitimprurës ‘Round Office’, nga ku rezulton të jetë blerë kjo mobilie e shtrenjtë sa një automjet apo sa paga vjetore e një arsimtari”.

 

Majlinda Kelmendi na kujton se shiten politikanët, por jo shqiptarët.

by

Nga Enver Bytyçi/

Në memorandumin famëkeq të shpërnguljes dhe ekzekutimit të shqiptarëve, hartuar nga akademiku serb, Vasa Çubrilloviç në vitin 1936, thuhet se në Tiranë dhe te politikanët shqiptarë mund ta blejmë heshtjen me flori.
Majlinda Kelmendit i kanë ofruar miliona që të përfaqësojë një shtet tjetër në lojërat olipmike. Por ajo nuk ka pranuar, duke i dhënë Kosovës një emër të jashtëzakonshëm, emër të cilin nuk kanë mundur t’ia japin politikanët në Prishtinë gjatë më shumë se tetë viteve pavarësi. Ajo nuk pranoi as flori, as euro, as dollarë amerikanë, por përfaqësoi me dinjitet dhe vullnet të pastër patriotizmi vendin e saj, Kosovën, duke i dhënë asaj një emër të ndritur në botën e civilizuar. Madje ajo me shumë delikatesë solli në vëmendje tragjedinë e luftës së fundit në Kosovë dhe masakrave serbe kundër shqiptarëve.
Ndërkohë shoh se politika ka filluar të mburret me medaljen e artë që Majlinda Kelmendi fitoi në Rio. Politikanët shqiptarë sot nuk mund të mburren me rezultatin e saj. Shqiptarët janë e do të jenë krenarë me këtë simbol të fitores së Kosovës. Por politikanëve u shkon në këto momente vetëm heshtja e meditimi. Ata duhet të reflektojnë për atë se sa i kanë qëndruar tundimit të parave e dhuratave të armiqve të Kosovës, me qëllim shkatërrimin e të ardhmes së saj.
Majlinda Kelmendi edhe në këtë pikëpamje do të duhet të bëhet model i moralit, sjelljes dhe përkushtimit për lirinë, shtetësinë, sovranitetin, integritetin dhe ardhmërinë e Kosovës. Para së gjithash për politikanët në Prishtinë, në Tiranë, në Shkup, në Podgoricë e në Luginën e Preshevës. Ajo çfarë rekomandonte Çubrilloviçi para 80 vitesh duhet të marrë fund tashmë, e të shihet si një turp për elitën politike shqiptare të çdo kohe, sigurisht për atë pjesë të joshur nga pasuria, korrupsioni, bashkëpunimi me krimin e kriminelët, pra, nga paratë e pista, të cilat janë dhe mbeten pengesa kryesore e zhvillimit dhe prosperitetit tonë kombëtar.

Policia e Kosovës parandaloi edhe incidente të karakterit terrorist

by

-Mbledhja e  Komisionit parlamentar për Punë të Brendshme, Siguri dhe Mbikëqyrjen e FSK-së/

PRISHTINË, 8 Gusht 2016-Gazeta DIELLI-B.Jashari/Në mbledhjen e sotme të Komisionit parlamentar për Punë të Brendshme, Siguri dhe Mbikëqyrjen e FSK-së, kryesuar nga Daut Haradinaj, kryetaDrejtori i Përgjithshëm i Policisë së Kosovës, Shpend Maxhuni, ka raportuar sot lidhur me situatën e sigurisë në Kosovë, me theks të veçantë lidhur me sulmin mbi ndërtesën e Kuvendit, që ndodhi në 4 gusht

Me këtë rast, Maxhuni fillimisht ka vlerësuar se situata e sigurisë në vend është e qetë dhe stabile, duke vënë në pah angazhimet konkrete të Policisë së Kosovës. “Kemi arritur që të parandalojmë edhe incidente të karakterit terrorist, ndërsa suksese kemi shënuar në luftën kundër trafikimit me qenie njerëzore”, tha Maxhuni.

Duke u përgjigjur në pyetjet e anëtarëve të Komisionit, incidentin e sulmit në Kuvend, Maxhuni, e vlerësoi si një incident tejet serioz dhe siguroi se Policia do të ndërmarrë të gjitha masat për t’i nxjerrë akterët para drejtësisë. Ai sqaroi se lidhur me këtë çështje kanë intervistuar disa persona.

“Ju siguroj se Policia e Kosovës me të gjitha kapacitetet e saj do të bëjë çdo gjë që të shkojmë drejt zbardhjes së këtij rasti. Të gjitha njësitë relevante të policisë janë të kyçura dhe 24 orë po punohet për zbardhjen e këtij sulmi”, tha Maxhuni, duke shtuar se arma e cila është përdorur mbi ndërtesën e Kuvendit nuk është zolë. “Jemi në bashkëpunim me Prokurorinë e shtetit dhe këtë sulm e kemi cilësuar si akt me element terrorist, si dhe do të trajtohet si i tillë”, tha Maxhuni.

Ai është përgjigjur edhe në pyetjet e anëtarëve të Komisionit, lidhur me incidentin në festivalin e birrës në Prishtinë, Beer-Fest, duke sqaruar se ka pasur një konflikt verbal dhe gjuajtje me armë gazi. Për të dyja këto incidente, tha se nuk ka vend për panik.

Veç tjerash, Maxhuni është përgjigjur edhe ni pyetje për çështje tjera, si atë të sigurisë në trafik dhe për armëmbajtje pa leje, ndërsa u përmend edhe fakti se për çështjen e sigurisë është e domodoshme pajisja me kamera vëzhguese në kryeqytet dhe nëpër qendra tjera rajonale.

PERSONALITETE TË NJOHURA KANE THENE PER SERBINE

by

(kanë thënë për serbët e Serbinë, gjatë luftës në ish-Jugosllavi/

  1. “Serbët duhet t’i gjunjëzojmë” (Klaus Kinkel, ministër gjerman i punëve të jashtme, 27 maj 1992)
  2. “Kundër serbëve do të zhvillojmë luftë diplomatike, ekonomike, politike, propaganduese dhe psikologjike” (Xhejms Bejker, sekretar i shtetit, ShBA, në TV, qershor 1992),
  3. “Serbët bëjnë tregti me organet e njerëzve, viktimave të tyre, për të fituar para për luftën e tyre; do të duhej djallëzisht ta bombardojmë Beogradin” (Pol Xhekson, redaktor i gazetës “Kalgari sun”, “Fanistar”, 13 tetor 1992),
  4. “Serbët janë popull dydimenzional, të pagëdhendur; kafshët i shfrytëzojnë resurset e veta dukshëm në mënyrë më të arsyeshme se këto krijesa të mbrapshta, përkatësia e të cilëve racës njerëzore është në vonesë të madhe” (Sir Piter Justinov, aktor dhe ambassador në UNESCO, “The European”, 10 qershor 1993),
  5. “Serbia është padyshim agresor dhe do të duhej të detyrohet me rezolute të KB për të bartur barrën e reparacioneve” (Josif Brodski, poet-disident ruso-ebraik dhe nobelist, “International Herald Tribune”, 5 gusht 1993),
  6. “Ndalini serbët, menjëherë dhe përgjithmonë” (Margaret Theçer, kryeministre e Britanisë së Madhe, “The NewYork Times”, 4 maj 1994),
  7. “Shkaku esencial i konfliktit është ideologjia e pastrimit etnik, të cilën e ka ripërtërirë zotëri Qosiqi, kryetar i Serbisë” (Zhak Delor, kryetar i BE-së, maj 1994, në TV françez),
  8. “Është dashur t’i fusim në karantinë, gjithnjë deri sa të mos t’iu hiqet virusi që kanë” (David Gompert, drejtor për Evropën në Këshillin për Siguri Kombëtare në Adminstratën e Bushit, “Forin Afers” korrik-gusht 1994),
  9. “Nuk ka paqe për derisa Serbia të mos mundet ushtarakisht” (Serxha Popoviq, avokat serb, “Globus”,Zagreb, tetor 1994),
  10. “Serbët janë njerëz të pamëshirshëm, të gatshëm të të presin me thikë, për çka mund t’i falënderohen prejardhjes së tyre sllave” (Fransoa Kremio, pjesëtar i forcave franceze të SFOR-it, maj 1995),
  11. “Lutem që zjarri i qiellit të lëshohet mbi serbët” (Ati Pjerr, klerik, humanist, në konferencën për shtyp pasi u kthyer nga Sarajeva, pas bombardimit në Markale),
  12. “Serbët janë popull pa ligje e pa fe” (Zhak Shirak, kreytar i Francës, në takimin me shefat e qeverive të shteteve anëtare të BE-së, qershor 1995),
  13. “Serbët janë kriminelë bothëkrye” (Riçard Holbruk, Njujork, 6 nëntor 1995),
  14. “Serbët e Bosnjeës, sipas nesh, gjithnjë kanë qenë dhe kanë mbetur vetëm bandë cubash dhe vrasësish (Johan Fric, drejtor i gazetës “Dipresse”, Vjenë),
  15. “Fatkeqësisht, që s’i kam vrarë të gjithë serbët”! (Tomisllav Merçep, nga fjalimi në Kongresin e Partisë Popullore Kroate, “Feral Tribjun”, 1995),
  16. “Propozoj që fëmijëve serbë t’iu ndalohet në shkolla mësimi i poezisë kombëtare” (prof.dr Ralf Diter Kluge, drejtor i Seminarit të Sllavistikës, Universiteti Tibingen, 1997),
  17. “Sa u përket serbëve… këta janë një popull i sëmurë” (Gjenerali Zhak Kot, ish-komandant i UNPROFOR-it në B-H, revista mujore ushtarake “Difens Nacional”, Paris, qershor 1997),
  18. “Është dashur t’i bombardoni serbët” (Papa Pavli i Dytë, i ka thënë Klintonit në Denver),
  19. “Ishte koha e fundit për të bombarduar Jugosllavinë; shpresoj të mos jetë tepër vonë” (Gynter Gras, shkrimtar-nobelist, më 26 mars 1999, në Panairin e Librit në Lajpcig),
  20. “Kjo është luftë midis të mirës e të keqës; nuk do të lejojmë që e keqja ta mund të mirën” (William Kohen, sekretar shtetëror i mbrojtjës, ShBA, pranverë 1999),
  21. “Lufta kundër serbëve nuk është më vetëm një konflikt ushtarak; është kjo luftë midis të mirës e të keqës, midis civilizimit dhe barbarisë” (Toni Bler, premier i Britanisë së Madhe, gjatë bombardimeve të NATO-s, 1999),
  22. “Serbët po bëjnë terror e po dhunojnë fëmijët shqiptarë (Bill Clinton, president i ShBA-ve, në fjalimin e mbajtur me rastin e 50-vjetorit të Paktit NATO, Washington, 23-25 prill 1999),
  23. “Serbët duhet t’i bombardojmë qetë-qetë, se shpejtë do ta harrojnë të gjithën” (Xhejmi Shia, portparoll/zëdhënës i NATO-s, mars 1999).

(Nga libri i Zoran Petroviq-it: “Izbrisati srpski virus”; www.intermagazin.rs)

* * *

Më tepër se të gjitha deklaratat e personaliteteve të përmendura, autorit të librit i dhemb një deklaratë e Zoran Gjingjiqit, ish-kryeministër i Serbisë, të cilin e vranë (12 mars 2003) me snajper, në atentatin para hyrjes në ndërtesën e Qeverisë (atentator ishte Zvezdan Jovanoviq, pjesëtar i Njësisë për Operacione Speciale i MUP-it të Serbisë). Gjigjiqi, në një intervistë dhënë gazetës gjermane “Der Shpigl”, gjatë bombardimeve të NATO-s (1999), paska thënë: “Jugosllavia duhet të bombardohet… vetëm vazhdoni ta bombardoni, se ata do të lëshojnë pe”. Këtë deklaratë të Gjingjiqit autori i librit gjoja  e paska marrë nga “Njujork Tajms-i”… Dhe, për t’ia shtuar akoma më tepër dhembjen autorit të librit, deklaratën e Gjingjiqit “e paska nënshkruar” edhe kryetari (aktual) i Malit të Zi, Millo Gjukanoviq, ai i njëjti që e ka njohur  (edhe) pavarësinë e Kosovës!

Në fund të librit, autori jep tri porosi: kurrë mos harro; kurrë mos fal; gjithmonë mbaje mend!

(Zgjodhi dhe përkthei nga shkinishtja: Adil FETAHU)

E Hëna, ditë zie në Maqedoni- Shkon në 22 numri i të vdekurve

by

Nesër Maqedonia ka shpallur ditë zie për vdekjen e 22 personave nga përmbytjet e stuhishme që goditën rajonin e Shkupit.

Familjarët e viktimave pas seancës së qytetit të Shkupit, u vendos që të marrin dëmshpërblim me nga 3000 euro, njofton TetovaSot.Deri tani zyrtarisht nga MPB-ja kanë konfirmuar se janë 22 viktima, shume prej tyre jane identifikuar si shqiptare.