Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Trump përshëndet Brexit ( Divorcin me BE) gjatë udhëtimit në Skoci

by

Donald Trump kërkon t’i mbajë larg SHBA imigrantët. Por duket se kandidati me gjasa për President të SHBA i ka harruar rrënjët e tij, shkruan Peter Geoghegan nga ishulli skocez Lewis, ku Donald Trump ka përshëndetur para mbështetësve dhe stafin tij sapo ai mbërriti në Golf Course Trump , në Turnberry – Skoci.
Nga Beqir SINA/
SKOCI : Kandidati republikan i “paragjykuar” Donald Trump, duke vizituar Skocinë, një ditë pasi Britania e Madhe ka votuar për të lënë Bashkimin Evropian, përshëndeti gazetarët dhe një pjesë të simpatizantëve britanik, duke thënë se votuesit ” Tani u kthyen nga vendi i tyre. ‘’
 
Kandidati Republikan për President të SHBA-ve, Donald Trump, e ka komentuar shkurt vendimin e britanikëve për të lënë Bashkimin Evropian. Sipas Trump,”është një gjë e madhe që populli i Britanisë së Madhe e ka rikthyer vendin e tyre” me votimin kundër qëndrimit në BE.
 
Trump, disa nga aksionet e fushatës e të cilit janë të njëjtat me temat populiste kombëtare, që ushqyen Britanikët, me votën e tyre, dje, për të lënë në BE, tha sot të premten se ” në të gjithë botën, njerëzit janë të zemëruar. ”
 
” Ata janë të zemëruar me kalimin e kufijve, ata janë të zemëruar mbi njerëzit që vijnë nga një vend në tjetrin – duke mos marrë përsipër askush  dhe nuk e di se nga vijnë dhe se kush janë ata, ” tha Trump në ceremoninë e organizuar për të shënuar rihapjen e një vendpushimi të golfit që ai zotëron në perëndim të bregdetit të Skocisë. 
 
” Ata janë të zemëruar për shumë, shumë gjëra. ‘’ tha kandidati republikan amerikan Donald Trump
 
Trump, vizita e të cilit në Skoci, është udhëtimi i tij i parë ndërkombëtar që nga mbyllja e votimeve brenda partisë Republiane – pra zgjedhjet paraprake, ku ai siguroi një mbështetje të mjaftueshme, që delegatët e GOP , në Konventën Republikane, të jenë këtë  fund-vere , pro-tij,  gjithashtu parashikoi se edhe  8 vendet e tjera do të ndjekin shembullin e Mbretërisë së Bashkuar.
 
Donald Trump ka deklaruar para këtij referendumi se Britania do të ishte “më mirë” jashtë Bashkimit Evropian, dekleratë kjo që i vuri kandidatin republikan për president në kundërshtim me dekleratën e Presidentit së SHBA Barack Obama dhe kandidates demokrate oponeten e tij më 6 nëntor, për të “marrë” Shtëpinë e Bardhë, ish Sekretaren e Shtetit Hillary Rodham Clinton.
 
“Unë do të thosha se ata janë më mirë pa të ( pa BE), pra ky është qendrimi im personal, por unë nuk jam duke e bërë këtë deklarim si një rekomandim – por po shpreh vetëm ndjenjën time”, ka thënë Trump një javë para referundumit në Britaninë e Madhe, në një intervistë për Fox News. 
 
“ Unë e di që Britania e Madhe, e di shumë më mirë, se unë, e di se britanikët e duan vendin e tyre shumë më mirë, se unë, ngaqë veçse unë kam një prej investimeve atje, Por, do të thosha se ata(britanikët) janë më mirë pa të( pa BE),” ka deklaruar kandidati republikan për president në SHBA, Donald Trump.
 
Kryeministri britanik David Cameron, i cili dëshironte që britanikët kishin për të votuar për të qëndruar në BE në referendumin e 23 qershorit, ku mori mbështetje duke filluar nga udhëheqësit e tjerë të BE-së dhe Presidenti i SHBA, Barack Obama, deri tek kryeministrat e Australisë, Japonisë dhe Zelanda e Re, pas rezultatit të djeshëm dha dorëheqjen.
 
Presidenti Obama, i cili shfrytëzoi një vizitë në Britanin e Madhe muajin e kaluar për të thënë se në se Britania e Madhe, do të dalë nga BE-ja, ajo do të shkojë në “fund të rendit”, kur është fjala për të negociuar ndonjë marrëveshje të tregtisë mes SHBA dhe Britanisë së Madhe.
 
Analistët dhe politikanët amerikan në SHBA, dekleratat e kandidatit Republikan për President të SHBA-ve, Donald Trump, mbi vendimin e britanikëve për të lënë Bashkimin Evropian, thonë sipas tyre “mund të jenë shkaku i tij i zemërimit me dekleratat e kryeministrit britanik David Cameron, i cili tha vitin e kaluar se ndalimi i propozuar prej kandidatit për President të SHBA, nga republikanët, për myslimanët që të mos hyjnë në Amerikë, ishte “përçarës, i padobishm dhe thjesht deklerat e gabuar.” 
 
Por më pas Kryeministri britanik i cili tani dha dorëheqjen ishte më pajtues me dekleratën e tij “qortuese” kundrejt Donald Trump, duke thënë se’ Trump meritonte të trajtohet me “respekt”, si kandidati gjasa për president i Partisë Republikane, në SHBA.”
 
Ndërkohë, që Donald Trump kërkon t’i mbajë larg SHBA imigrantët, por duket se kandidati me gjasa për President të SHBA, i ka harruar rrënjët e tij, shkruan Peter Geoghegan nga ishulli skocez Lewis, ku Donald Trump ka përshëndetur para mbështetësve dhe stafin tij, sapo ai mbërriti në Golf Course Trump , në Turnberry – Skoci.
 
Peter Geoghegan shkruante se në qershor 2008 një Boeing 727 u ul në ishullin skocez Lewis. Në trupin e avionit qe shkruar me gërma të arta “Trump”. Ishte hera e dytë në jetën e tij që Donald Trump vizitonte atdheun e nënës së tij Mary Anne MacLeod. 
 
Para shtëpisë së nënës së tij, një shtëpi modeste në fshatin Tong në ishullin Lewis, Trumpi u tregoi reporterëve: “Unë këtu ndihem shumë mirë. Unë besoj se ndihem skocez.” 
 
Trumpi ka pak  histori prej emigranti prej  nënës së tij. Ajo u largua nga Lewis, rreth 40 milje nga Skocisë kontinentale në moshën 18 vjeçare. 
 
Kurse, në fushatën elektorale, në zgjedhjet paraprake, kandidati tashmë i zyrtarizuar Donald Trump, me gjasa republikan për President të SHBA kërkoi që imigrantët të mbahen larg SHBA – me mure në kufi me Meksikën dhe kërkoi ndalim hyrjeje në SHBA për myslimanët, duke kërkuar se ata duhen “situr”, mirë para se të hynin në SHBA.

Kosovë-Mbështetje nga Laboratori Sandia në SHBA

by

PRISHTINË, 23 Qershor 2016-Gazeta DIELLI/ Përfaqësuesit e Departamentit të Energjisë në Shtetet e Bashkuara të Amerikës, Matthew Thompson dhe Robert Martinez nga Laboratori Kombëtar Sandia në SHBA, kanë mbërritur në Prishtinë. Ata u pritën nga kryeshefi i Agjencisë së Kosovës për Mbrojtje nga Rrezatimi dhe për Siguri Bërthamore, Beqir Mezelxhiu.Ai, duke i falënderuar për mbështetjen e vazhdueshme që Laboratori Sandia i ka ofruar Kosovës, njoftoi për situatën aktuale radiologjike në Kosovë me theks të veçantë në objektet të cilat shërbejnë si deponi të përkohshme për mbetjet radioaktive.

 Sot, Thompson dhe Martinez të shoqëruar nga stafi i Agjencisë së Kosovës për Mbrojtje nga Rrezatimi dhe për Siguri Bërthamore, takojnë Drejtorin për Shërbime të Korporatës Energjetike të Kosovës, Edmond Nulleshi, dhe do të vazhdojnë me aktivitete të tjera gjatë ditës./b.j/

Kosova në takimin e Asamblesë Parlamentare të Këshillit të Evropës

by

PRISHTINË, 21 Qershor 2016/ Delegacioni i Kuvendit të Republikës së Kosovës i udhëhequr nga, Xhavit Haliti, nënkryetar i Kuvendit të Kosovës dhe Aida Dërguti, nënkryetare e Kuvendit të Kosovës, është duke marrë pjesë në Strasbourg të Francës  (prej  20-24 qershor) në punimet  e Sesionit të tretë të rregullt të Asamblesë Parlamentare të Këshillit të Evropës, si dhe në mbledhjet e komisioneve, me theks të veçantë në Komisionin për Çështje Politike dhe Demokraci.

Po ashtu delegacioni i Kuvendit të Kosovës është takuar me anëtarët e delegacionit austriak në Asamblenë Parlamentare të Këshillit të Evropës ,të udhëhequr nga Gisela Wurm – shefe e delegacionit të Austrisë.Gjatë  këtij takimi u shkëmbyen pikëpamje lidhur me bashkëpunimin ndërmjet dy delegacioneve si dhe u kërkua mbështetja e delegacionit austriak në procesin e anëtarësimit të Kosovës në Këshillin e Evropës.

Gjatë punimeve  të këtij Sesioni  delegacioni i  Kuvendit të Kosovës pritet të mbajë takime të tjera bilaterale./b.j/

Kosovë: Emrat e fëmijëve nëpër vite

by

Foto Gazeta DIELLI-Behlul Jashari: NEWBORN, Kosovë-Prishtinë/

 – Alea e Erina dhe Diar e Ajan emra rekordi të lindurish në 2015-ën/

PRISHTINË, 21 Qershor 2016-Gazeta DIELLI-Behlul Jashari/ Në Kosovë, emrat më të shpeshtë, të rekordit, për fëmijtë e lindur në vitin 2015, për vajza ishte Alea me 223 pagëzime dhe Erina me 146, ndërsa për djemtë Diar me 214 dhe Ajan me 205 pagëzime.

Dy emrat më të shpeshtë për vajzat ishin të njëjtit edhe në vitin 2014, por nën një ishte Erina me 199 pagëzime e nën dy Alea me 182. Në 2015-ën emri për vajzat Alea rikthehet në vendin e parë ku ishte edhe në 2013-ën me 154 pagëzime, e që pasohej nga Tuana me 118.

Për djemtë edhe në 2014-tën emri më i shpeshtë ishte  Diar me 215 pagëzime, e pas tij Amar me 180. Edhe në 2013-tën për djemtë emërat e njejtë Diar me 122 dhe Amar me 117 pagëzime ishin më të shpeshtit.

Sipas Statistikave të Lindjeve në Kosovë për vitin 2015, të publikuara sot, vitin e kaluar lindje të gjalla në vend ishin 24 594, kurse jashtë vendit 6 715. Binjakë u lindën 712 foshnje, ndërsa trenjakë e më shumë u lindën 18 foshnje.

 

Mogherini-Thaçi: Kosova duhet të jetë optimiste

by

-Për vendimin për liberalizimin e vizave/

-Presidenti i Kosovës pritet nga Përfaqësuesja e Lartë e BE-së për Punë të Jashtme dhe Politika të Sigurisë/

 PRISHTINË, 21 Qershor 2016-Gazeta DIELLI-B.Jashari/ Përfaqësuesja e Lartë e Bashkimit Evropian për Punë të Jashtme dhe Politika të Sigurisë, Federica Mogherini, u shpreh sot në Bruksel se Kosova duhet të jetë optimiste për vendimin për liberalizimin e vizave dhe kërkoi që sa më parë të përmbushet edhe kriteri i fundit, ai i miratimit të marrëveshjes për demarkacionin e kufirit me Malin e Zi. Ajo gjithashtu ka thënë se dialogu duhet të vazhdojë dhe se të gjitha vendet e rajonit duhet të mbeten të përkushtuara për ndërtimin e bashkëpunimit të sinqertë me njëri-tjetrin, thekson njoftimi nga Brukseli i sapodërguar nga Presidenca e Kosovës.Presidenti i Republikës së Kosovës, Hashim Thaçi, gjatë qëndrimit të tij në Bruksel, u prit edhe nga Përfaqësuesja e Lartë e Bashkimit Evropian për Punë të Jashtme dhe Politika të Sigurisë, Federica Mogherini.

Presidenti Thaçi e informoi Përfaqësuesen e Lartë të BE-së, Mogherini, për të arriturat e Kosovës dhe për përkushtimin për paqe dhe stabilitet në rajon.Duke folur për procesin e vizave, Presidenti Thaçi u shpreh se Kosova tani pret një vendim meritor.Ai foli edhe për dialogun ndërmjet Kosovës dhe Serbisë dhe theksoi se ky proces ka ndikuar pozitivisht në ndërtimin e paqes dhe stabilitetit në tërë Ballkanin Perëndimor.Presidenti i Republikës së Kosovës, Hashim Thaçi, është pritur sot edhe nga Presidenti i Parlamentit Evropian, Martin Schulz.Gjithashtu, Presidenti i Republikës së Kosovës, Hashim Thaçi, do të zhvillojë takime edhe me zyrtarë të tjerë të Bashkimit Evropian.