Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Takimi parë me Shenjetoren Nënë  Terezë

by

Nga:  Tonin Mirakaj/

Të nderuem zonja dhe zotërinj,

Pronari i Gazetës Shqiptaro-Amerikane “Illyria”, i nderuemi z. Vehbi Bajrami me sugjeroi që të ndaj me ju një kujtim të vjetër që ruej në mendje dhe zemer si diçka shumë të çmueshme. Ky kujtim është takimi me Shën Terezën 49 vjet më parë.  Ishte Shtator i vitit 1973. Zonja amerikane Valerie Delakorte, bashkeshorte e z. George Delakorte, Philantropist i njohur në New York dhe gjithë Amerikën, më telefonoi dhe më tha:   Do you wish to meet Mother Terisa? A dëshironi me takue Nënën Tereze? Ajo është Shqiptare, dhe ju jeni Shqiptar! Po, u përgjigja unë, po ku munde te takohemi?

Ne ate kohe dinja fare pak per Nene Terezen. Krejt cka dinja ishte se eshte nje murgeshe katolike Shqiptare qe sherben ne Calkuta te Indise.

Ajo eshte ne Misionin e saje ne Bronx, vazhdoj zonja Delakorte. Hajde me merr mue, mandej do marrim Ms Eileen Egan, dhe shkojme ne Bronx, ne Misionin e saje,Misionaries of Charity, 335 East 147th Street. Eileein Egan eshte shkrimtare vazhdoj  zonja Delakorte. Ka kalue dy vjet me Nenen Tereze, dhe eshte tuej shkrue nje liber mbi jeten dhe vepren e Nene Terezes, dhe punen qe ben Ajo dhe motrat e saje ne sherbim te me te varferve nder te varfer, ne Calkuta e vende te tjera ne disa shtete te Botes. Ketu fillova te mesoj se kush ishte Nena Tereze.

Zonja Delakorte pyeta une: Pse nuk shkojme me shoferin dhe limozinen tende? Maqina e ime nuk eshte e re. Oh no, u pergjigj ajo. Nena Tereze nuk don gjera luxi. Po te shkojme me limozine, motrat e Saje as deren nuk do e hapnin.Maqina e jote eshte OK!

Me makinen time i mora te dyja, zonjen Delakorte dhe zonjushen Egan, dhe shkuem ne adresen qe u permend me pare. Zonja Delakorte i ra ziles. Pa vonese nje nga motrat e Misionit Bemires e hapi deren. Mbasi u pershendet me ne, na njoftoj se Nena Tereze dhe motrat jane ne lutje. Ju vazhdoj motra, mund te vini ne Chapel dhe te luteni bashke me ne, ose mund te prisni ne vend pritje. Na hyme ne Chapel, dhe u ulem ne gjuj, ashtu si motrat dhe Nena Tereze.

Lutjet vazhduen per disa minuta. Kure mbaruen lutjet, Nena Tereze erdhi te na. Ajo e njifte mire zonjen Delakorte, nga se ajo ishte perkrahse shume e cmuarshme e Misionit te saje per shume kohe.Njifte zonjushen Eileen Egan, nga se kishte kalue kohe me ate, dhe e dinte se ajo po shkruente liber per Nene Terezen dhe Missionaries of Charity. Sigurisht se nuk me njifte mue!

Zonja Delakorte e beri prezentimin. Mother tha ajo: Ky eshte Tony. Ka ardhe me u takue me ju.Eshte Shqiptar sikurse edhe ju jeni Shqiptare.

Shqiptar, perseriti Mother Tereza. Nuk kam takue shqiptar ka aq kohe.Me dha doren, dhe une shpreha kenaqesine qe e takoja.(E kuptoni se biseda behej ne gjuhe Englishte)

Aty afer ishin disa karrika portative. Mother Tereza  mori dy karrika, dhe me tha:Le te shkojme ne qosh te dhomes dhe te bisedojme pak, only me and ju, Englisht nga se shqipja e ime eshte e kufizueme vetem ne disa lutje. Une shpejtova ti marre karrikat, po ajo nuk i leshoj.

Shkuem ne qosh te dhomes dhe u ulem.Filluem te bisedojme. Nena Tereze u interesue me dijte per Kishen tone ne Bronx, dhe komunitetin Shqiptar.Shprehi deshire me e vizitue Kishen Shqiptare, ne te ardheshmen. Kjo deshire u plotsue tre vite me vone. Me 25 Korrik 1976, Nena Tereze vizitoj Kishen Shqiptare,ku u celebrue Meshe ne parking lot, nga se numbri i pjesemarrseve ishte me shume se 1.500 personave. Mons. Oroshi kishte njoftue Cancellarin e Kishes Orthodokse Shqiptare ne Boston, hiresin e Tije Arthur Liolin, icili erdhi per rast special.

Ndersa po bisedonim,erdhi nje telefonate per Nenen Tereze. Ishte dicka me rendsi qe i duhej te pergjigjej. Ne dore kishte nje liber. Titulli i librit ishte: “Something Beautiful For God”, shkrue nga Malcolm Mugeridge, qe sa kishte dale nga shtypi.Ishte libri i pare shkrue mbi Nenen Tereze, dhe vepren e saje bemirse.Nena Tereze shkrou ne liber: God Bless You, dhe ma dhuroj. U lutem tha Nena Tereze i ndihmoni motrat e mija, dhe takimi perfundoj.

Gjate ketyne pak minutave me Mother Terezen, dicka ngjau te une: Zemra me rrihte me shpejt se zakonisht dhe gjaku leviste ne dejt e mije si asnjehere tjeter ne jeten time. Ne ato momente e kuptova se isha ne presence te nje Shejtereshe te gjalle, dhe kjo ishte Shen Tereza. Tre vite me vone, me 1976, Time Magazine ne nje artikull me titull “Shejtereshe e Gjalle” shkruen: 

Shejtereshe e Gjalle ne gjirin e njerzimit te sotshem, besohet se eshte nje Bije e gjakut Shqiptar, Mother Tereza Bojaxhiu.Kjo u provue me kalimin e kohes. Lumturimi u be me 19 Tetor 2003, dhe Shejterimi me 4  Shtator 2016. 

Nuk do i harroj kurre, ato momente shume te kendeshme ne jeten time.

Eileen Egan e perfundoj dhe e botoj librin, me titull “Such a Vision of the Street”. Jane shkrue shume libra mbi jeten dhe vepren e Nenes Tereze. Such a Vision of the Street eshte nder librat e pare, qe me kalimin e kohes,i dhan publisitet Nene Terezes dhe motrave te Saje te Misionit Bemiresise, Missionaries of Charity!

Po e mbylle fjalen time me lutjen qe Nena Tereze la te shkrueme ne Librin e Dignitarve VIP, qe vizitojne Kishen e Zojes se Kshillit te Mire, aty ku gjindet figurja e shejte Zojes se Shkodres, qe nga data 25 Prill 1467. Kjo Figure, 555 vjet me pare, ne mendyre te mbrekullueshme u largue nga Shkodra, dhe zuri vend ne Genazzano te Italise. Ne viziten e Saje ne Genazzano me 10 Qershor 1993, Nena Tereze i drejtoj  ket lutje Zojes se Shkodres:

“ MARY, MOTHER OF JESUS” COM HOME

BACK TO ALBANIA. WE LOVE YOU!

WE NEED YOU!   YOU ARE OUR MOTHER.

COM BACK TO ALBANIA.  Let us pray…God Bless You!  Signed: Mother Teresa, MC                                         

U falem nderes             

*Fjale ne Simposiumin qe u mbajte me daten 3 Maj 2022 ne Qendren Nene Tereze, prane Kishes “Zoja e Shkodres

organizue Nga Kisha Zoja e Shkodres, Federata Vatra dhe gazeta Illyria.

Trëndafila Maji për gratë, nënat dhe edukatoret nga Motrat Qiriazi, New York

by

Nga Keze Kozeta Zylo/

Organizata e mirënjohur “Motrat Qiriazi” organizoi mbrëmje gala në festën e nënës në Amerikë. Në sallën e vallëzimit “Ballroom” në Vista Penthouse dhe Sky Lounge me një pamje të magjishme nga dritaret e qelqta dukej Manhattani kryeqendra e botës, ndërsa brenda ndrinin vajzat, nënat, motrat dhe gratë me bashkëshortët e tyre të cilët kishin ardhur për të festuar së bashku këtë ditë speciale. Në hyrje të mirëprisnin me plot dashuri presidentja e Organizatës “Motrat Qiriazi” znj. Isidoros Tsamblakos dhe gjithë Bordi dhe anëtarë si Alda Mosko, Ariana Elezaj, Eva Burnazi, Zenie Sina, etj. Nën tingujt e Jazz performance të intepretuara mjeshtërisht nga Arenc Leka, violinë e Faton Macula Kitar, salla bëhej dhe më e bukur dhe natyrshëm sillte hare e gëzim në zemrat e të pranishmëve.

Aktivitetin e moderoi zonjusha simpatike Zhuljeta Buja.  

Presidentja e Organizatës “Motrat Qiriazi” znj. Isidoros Tsamblakos e hapi aktivitetin duke përshëndetur të gjithë pjesëmarrësit dhe iu uroi atyre një mbrëmje të gëzueshme dhe të bukur në ditën e shenjtë të nënave.  

Zonja Tsamblakos bashkë me zonjën Alda Mosko dhe bordin ndau çmimet me një ceremoni të bukur dhe shumë festive. 

Me çmimin: Gruaja e vitit u vlerësua Kozeta Zylo, edukatore e vitit zonjusha Jonela Hasani dhe nëna e vitit znj.Pertefe Leka.  

Zonjat Leka dhe Hasani shprehën mirënjohjen e pakufishme për vlerësimin dhe natyrshëm çmimi bëhet frymëzim për dëgjuesit dhe brezat. E nderuar të ishja në krah të tyre.

Në shkollat tona shqipe “Alba Life” në të gjithë Nju Jorkun Motrat “Qiriazi” janë histori frymëzuese ndaj dhe ata e këndojnë me krenari Këngen e Alfabetit Shqip, të shkruar prej Sevasti Qiriazit si: Armiqëtë o shqipëtarë/ Po përpiqenë/ Shkronjat turçe dhe greqishte/ Të na apënë/ Le t’i mbajnë ata per vetëhe/ Kemi tonatë.

Kënga e nënës në shqip ishte tejet emocionuese, dikujt i rridhnin pikëza loti, interpretuar në violinë dhe shoqëruar nga Arenc Leka. Nëna është perëndeshë, nëna është hyjni ndaj dhe i këndohet:   Nënë, emër i dashur për mua/ Më je e shtrenjtë, të të dua/ Sa jetë e tërë për ty unë thurr melodi.

Një çmim special, proklamatë mirënjohjeje u dha për zonjat Kozeta Zylo, Pertefe Leka dhe Jonela Hasani nga Ligjvënësi i Westchester County z.David Tubiolo.  Më duhet të shtoj se z.Tubiolo është një mik i madh i shqiptarëve dhe merr pjesë aktivisht në evente më të rëndësishme të organizuara nga Diaspora.

Një buqetë me trëndafila Maji iu dhurua dhe Konsulles së Republikës së Shqipërisë në New York zonjës Najada Sojli si shenjë mirënjohjeje në përkushtim të punës dhe devotshmërisë së saj me profesionalizëm në sherbime konsullore për publikun.

Me shumë emocion u mirëprit vlerësimi dhe mirënjohja e dhënë nga zonja Alda Mosko në emër të Motrave “Qiriazi” e cila nuk i mbajti dot lotët kur foli për punën vullnetare të të ndjerit Ylli Luka si një bamirës në komunitet me zemrën e tij të madhe.  Djali i tij në emër të nënës së tij Agathia Luka e cila ka një kontribut të madh në organizatën “Motrat Qiriazi” e pranoi me përulje vlerësimin për të Atin e shtrenjtë  dhe ndihej krenar për pasurinë shpirtërore që la tek brezat.  Ky vlerësim u mirëprit me duartroikitje si dhe me dhimbje nga të gjithë ne që e kishim mik dhe e çmonim per ndihmën e tij te pakursyer në komunitet dhe kudo.  Natyrisht Ai na bekonte nga lart si një Yll i qiellit ku ka zënë vend.  

Një mirënjohje speciale iu dha mediave si TV “Alba Life”, TV “Kultura Shqiptare”, Arbërie Hetemi fotografe dhe Afërdita Palokaj editore e AAWO Newsletter.  

Pak biografi për gratë që u nderuan për vitin 2022

Kozeta Zylo gruaja e vitit 2022

Shquhet ndër veprimtaret më aktive në Komunitetin Shqiptaro-Amerikan.  Ajo është  shkrimtare e mirënjohur në Diasporë  e cila ka publikuar tetë libra dhe së fundi librin për fëmijë.  

Znj. Zylo është një gazetare e shquar e Diasporës, artikujt e saj janë të publikuara në gazetat “Illyria”,  “Dielli” , NY, “VOAL” Zvicër, Rumani, Shqipëri etj.  Libri “Diaspora si krah shqiponje” u pranua në Bibliotekën e Kongresit Amerikan, Washington DC.  Ajo ka realizuar qindra intervista që nga njerëzit më të famshëm e deri tek ai më i thjeshti.  Znj.Zylo është shpallur gruaja dhe mësuesja e vitit në Diasporë nga organizata të njohura.

Zonja Zylo është shkrimtare, poete, publiciste, mësuese dhe bashkëthemeluese e Shkollave Shqipe “Alba Life” Ambasador i Kombit që operon në të gjitha lagjet e New York-ut dhe në Online.

Jonela Hasani edukatore e vitit

Jonela Hasani është edukatore dhe këshilltare në Departamentin e Arsimit të Nju Jorkut për 17 vitet e fundit.

Jonela Hasani punon si Këshilltare Shkollore dhe Sekretare Administrative Ekzekutive në Departamentin e Arsimit të Nju Jorkut.

Arsimi dhe pozicioni i saj në Departamentin e Arsimit të qytetit të Nju Jorkut ka lejuar që përvoja e saj të punojë ngushtë me popullsinë e shkollave të mesme dhe studentët në rrezik. 

Znj. Hasani posedon njohuri të shumta në lidhje me vlerën e kapacitetit të marrëdhënies, besimit dhe besueshmërisë. Znj. Hasani ka frymëzuar shumë studentë që të bëhen shumë të suksesshëm në jetën e tyre. Në shkollën e saj znj. Hasani ka krijuar një program “Girls Club and South Asian Girls Club” me mision dhe vizion për Vetë-Zbulimin dhe Fuqizimin e Gruas.

Pertefe Leka nëna e vitit, 2022

Pertefe Leka është mësuese, shkrimtare, studiuese, nënë dhe gjyshe e devotshme. 

Në moshën 80-vjeçare ajo vazhdon të shkruajë artikuj dhe libra bazuar në kërkime të thella mbi jetën dhe veprën e nxënësve të historisë dhe letërsisë shqiptare. 

Pertefe Leka ka lindur dhe është rritur në Shkodër. Ajo punoi si mësuese në Vrakë atje ku ka lënë gjurmët e mësuesisë shkrimtari i Kombit Migjeni.

Zonja Leka është një kontribuese e denjë në studimet, shkrimet letrare dhe historike në gazetën e mirënjohur “Illyria” dhe më gjerë nëmediet e tjera.

Ajo ka sjellë pranë lexuesve me fakte të pamohueshme figurat e ndritura të historisë, shumë prej tyre të lënë në harresënga komunizmi.

Në nderim të kontributit të saj, të punës si dhe të penes zonja Pertefe Leka është bërë frymëzim dhe ndaj u vlerësua me çmimin “Nëna e Vitit 2022” nga organizata shqiptaro-amerikane “Motrat Qiriazi”.

1 Maj, 2022

Queens, New York

Kur të thërret historia…

by

Visar Zhiti/


Mbrëmja e Shoqatës “Uskana” me kërçovarët e Çikagos, – një takim i ngrohtë, ku shpalosej vetëm mirësi…Sa shumë që ishin, nuk do ta besoja! Zonja dhe zotërinj, të moshuar dhe të rinj, fëmijë, familjarë, të gjithë me një qytetari sa amerikane po aq dhe me fisnikëri tradicionale shqiptare, të trevës nga vijnë…Të bukur të gjithë, jo vetëm në veshje. Na uroi mirseardhjen Kryetari i Shoqatës, Dr. Luan Elezi. Flamuj shqiptarë dhe amerikanë në sallën e madhe me shandanë dhe lule, u kënduan dy hymnet, recitime e këngë, me shqipen përmalluese e valle, vallet tona me kostumet folklorike, që janë histori jona. Miku im, Taip Beshiri, që më rrinte pranë, me njohu me shumë bashkëqytetas, mes tyre dhe Dr. Xhabir Alili, pasionant i poezisë, që para të gjithëve lexoi poezinë e tij për vendlindjen dhe vazhdoi me një poezi timen për lirinë. Na bëri bashkë. Po Ilir Zengu përkujtoi aty piktorin kërçovar me famë botërore, Omer Kaleshi, dhe më dhuroi një libër për të, shkruar nga Luan Rama… Vend i vogël, por sa ka dhënë, po bisedonim me njër tjetrin. Ja, nëna e Gjergj Kastrioti – Skenderbeut tonë, nga andej ishte, nga Gradeci, thashë, por dhe Shenjtja Nënë Terezë shkupiane është, po dhe nobelisti tjetër në shkencën e mjeksisë, Ferit Murati, nga Gostivari e kemi, po shkrimtari Luan Starova, i përkthyer në botë, i shkruante romanet e tij në maqedonisht dhe shqip, në Pogradec ka lindur… etj, etj.T’i përkujtojmë, “Uskana”- emri i hershem parasllav i Kërçovës, mund të bëjë shumë e më shumë këtu në bashkëpunim me shoqata të tjera dhe indtitucione. Shoh gjithë këta të rinj e të reja, njëra përballë në tryezën tonë, i shoqi në krah duket si aktor filmash, e ka emrin Abetare, mrekullohem, nuk e dija se kishte një emër të tillë kaq kuptimplotë, me dashuri për gjuhën amë…Do të mjaftonte ky kumt për mua që të besonim më shumë, për më shumë shpresë edhe në metropolet e mëdha si Çikago, mund të japim dhe ne, sado pak, nga kultura jonë në botën e madhe që na jep… Të shkëlqejë dhe guri ynë në mozaikun e pafund…

Tony (Tush) Musaj hapi dy njësi të reja tregtie e shërbimi ndaj komunitetit shqiptar në Bronx

by

Patrioti e bamirësi i komunitetit shqiptar në New York, Tony (Tush) Musaj hapi njësi tregtie e shërbimi ndaj komunitetit shqiptar në Bronx. “Dua Gourmet Market” në Artur Ave dhe “Manny’s Deli” në adresën 2143 Williamsbridge Road, janë dy shërbime të reja biznesi dhe punësimi për të gjithë shqiptarët në Bronx – New York e më gjërë. Produkte të të gjitha emërtimeve me cilësi maksimale, origjinale nga Shqipëria e Kosova vijnë të konsumatori shqiptar i Bronxit duke mbajtur lidhjet e gjalla e të forta me mëmëdheun. Të kontribuosh në shije dhe në mirëushqyerjen e komunitetit është një investim në cilësinë jetës së komunitetit tënd. Fisniku, bujari dhe zemërgjëri Tony Musaj është një ndër shqiptarët më të veçantë në komunitetin shqitar të New Yorkut. Ai çdo muaj ndihmon pjesëtar të komunitetit shqiptar që janë në nevojë duke shpërndarë ushqime e asortimente të tjera falas, paguan qera për familje në nevojë në Shqipëri e Kosovë, jep shpërblime për punonjës të dalluar, jep grante për familje e fëmijë në sëmundje, mbështet fushata e kauza publike e sociale si për fëmijët me autizëm, jetimët, njerëzit më aftësi ndryshe etj. Tony (Tush) Musaj bashkë me bashkëshorten Tinën e familjen, janë të pakursyer për të ndihmuar këdo që ka nevojë në komunitet. Tony është një shqiptar i përkryer, një patriot aktivist, një bamirës i madh e besimtar i devotshëm, një familjar shembullor, një njeri energjik i cili në çdo kohë gjendet duke ndihmuar dikë apo duke shpërndarë diçka për të varfrit e të pamundurit. Federata Vatra e falenderon dhe i shpreh mirënjohje për ndihmën e pa kursyer në çdo aktivitet e nismë të saj.

VEPRA E NUSRET PLLANES DHJATA E RE E DESHMISE KOMBETARE!

by

Shkruar nga ZEF PERGEGA/

Kam disa kujtime pёr Kosoven. Jo vetёm qё kam bёrё shkrime tё shumta, por nё konanen e librave tё mi mbi 30 -tё, tё cilat u kushtohen enciklopedisё sё shqiptarёve tё Amerikёs, ndёr ta dy libra janё pёr Kosoven. Gjithashtu nё jetёn time 24-vjet nё Amerikё kam pёrjetuar pёrpjekjet dhe ndihmat e pakursyera tё malёsorёve, si ato materiale, nё demostrata, por edhe bijtё e tyre kanё shkuar nё luftё pёr pavarёsinё e Kosovёs. Si gazetar i Agjensisё Telegrafike nё Tiranё, mё ёshtё dhёnё rasti tё punoj me Institutin Demokratik Amerikan, kur makina ushtarake serbe pёrzuri nga trojet e veta mbi njё milon kosovarё, tё cilёt u strehuan nё Shqipёri. Kam patur rastin tё  intervistoj mё shumё se pesё mijё prej tyre…kam kujtime, qё mund tё shkruhen se nё shtёpinё time kanё bujtё familje kosovare e udhёheqёs tё UCK!

        Mirёse erdhet nё kёtё takim, i cili i  kushtohet nderimit tё njёrit prej figurave mё tё veçanta tё dritёs sё kujtesёs kombёtare, siç ёshtё vepra e Dr. Nusret Pllanes! Mirёnjohje dhe respekt, shoqatёs sё Malёsia Madhe “Nderi i Kombit” si dhe Ndrek Gjolajt si kryetar i saj dhe Prof. Lukё Juncajt, si dhe shoqatёs “Kosova”, tё cilёt morёn pёrsiper promovimin e veprave dokumentare historike tё Prof. Nusret Pllanes. 

      Proçesi krijues ёshtё stёrmundim i shpirtit dhe i mendjёs, por edhe njё sfilitje, qё ngjitet lart nё prehёrin hyjnor tё mirёnjohjёs, siç ёshtё dashuria. Dashuria pёr kombin, gjuhёn dhe simbolet, dashuria e madhe pёr identitetin, si amanet i tё parёve, e nё kёtё kuptim Prof. Nusret Pllana ёshtё nusёrim i shdritshёm i veprёs sё shkruar me gёrma tё pashlyera, me shkronja gjaku tё pa tharё, se ato vadisin lulёn shqipe tё shёrbesёs sё shenjtё tё kujtesёs kombёtare. Ky za na vjen para nesh, nё botёn e lirё, si zani i zjarrit tё llogorёve tё lirisё, ndёrkohё, qё tё tjerё, hiqen si intelektualё tё mёdhёnj, tek e hedhin shallin e zi tё injorimit, qё kurrё nuk i vaditёn vllajtё e filizave tё lirisё e, pёr rrjedhojё rrёzohen lehtё…mjerё toka qё i mban!

   Ndjehem mirё, qё marr pjesё nё promovimin e veprёs se Prof. Pllanes nё mesin e shqiptarёve nё Detroit dhe veçanerisht mes malёsorёve, qё kёtu nё botёn e lirё, krijuan njё Kosovё tё vogёl, me shpirt tё madh e bujar, nё kontribute dhe me luftёtarё, qё shkuan nga Amerika nё frontin e luftёs. Krenar se origjina e Pallanes ёshtё kufitare me fshatin tim! Ne, jemi nё planet e shoviniste, pёr tё na shlyer nga harta e mё na shfaros nga faqja e dheut. Ashtё mekat me i harrue viganёt e kombit. Ai qё i shёrben kujtesёs kombёtare, siç ёshtё Nusret Pllana, jo vetёm ёshtё njё vigan i rracёs tonё, por na jepet si misionar apostolik, qё me veprёn e tij dёshmon, pёr tё mos harruar!

     Mirёse erdhe vёlla i yni kosovar, ti qё farketove kohёn e ardhjes nё syte e dritёs sё kujtesёs shqiptare, ty qё ciflat e granatave, nuk t’a pёrkulen idealin, ty qё dhimbjen kosovare deri nё qiellin e shtatё e derdhe nё pёrmendoren e lirisё dhe tё dёshmisё para botёs. Ti vёllau ynё, qё kur ndanё jep ma shumё pёr tjetrin se pёr vete. Çka duhet pёr komb e pёr atdhe ti ngrite gjallё mё shumё se njё njё muze. Tё pёrkulen sot, tё rёnёt pёr tokёn, familjen e pragun, pa çka se ndonjёrit nё pushtet nuk ia die, se ti arshivove pёr Kosovёn mё shumё se njё Akademi.

       Unё i kam çel disa herё kapakёt e librit tand tё madh, ato kanё njё dhimbje tё madhe deri nё tragjedi ekstreme shekspiriane, e vjen historia kosovare nёpёr kthetrat e genocidit serb, si njё vullkan, qё drithёron dhe tё rrёnqeth, sa thellё tё therё nё zemёr e tё pikon nё shpirt. Eshtё krimi i lig i njё populli barbarar me lёkurё ariu, qё pёr lemoshё u dhamё bukё, u dhamё tokё e u dhamё shtёpi, por kur gjarpёri u ngroh nё mirёsinё tonё na helmoi. Tash nёpёr kambё na e ka lanё helmin!

       Sot asht 10 prill 2022 nё Detroit, na ke ardh si diell i bardhё dhe si syth pranvere, mё na e kujtue se hovi i shqiptarёve nё mёrgatё nuk shuhet, se ku ka vuajtje ai truel asht i shenjtё. Ju i dashtun keni sfidue njё epokё, epokёn e krimit, qё tё mos pёrseritёt. Ti na ke sjellё nё vepren tande, dramen qё nuk i ёshtё tharё gjaku dhe ti je mishёrue nё heronjtё tuaj, qё shkuan nё luftё si nё dasёm tue kёndue, sa loti i dhimbjёve kosovare, tё ёshtё ba lypsari i syrit tand!

        Çfarё kanё bёrё serbet mbi ne, pёr njёmijё vjet, atё qё Hitleri e bёri pёr pesё vjet. Çfarё bamё ne, luftuam e qёndruam, e mbushёm tokёn me heronj, por edhe partinё e tyre brenda vetёs e themeluam. Sa mё shpejt tё çlirohemi prej saj, aq ma shpejt do t’a shijojmё lirinё dhe aq ma shpejt, do t’a festojmё bashkimin!

        Se njё komb nuk e shuan lufta, por humbja e kujtesёs kombёtare, shfytyrimi i kulturёs dhe historisё sё tij. Se njё komb pa histori ёshtё si shtylla kurrizore pa palcё. Njё komb pa libra e pa dёshmi ёshtё si toka djerr pa tapi.

      Nё kёtё kuptim vepra e Nusret Pllanes, nё çdo shpirt shqiptari ёshtё e mbetet e derdhur nё trajtёn e njё pёrmendoreje, qё ёshtё nder, pёr secilin tё pёrkulet me respekt, jo vetёm mё vu kunora, por mё zan mend!

  Tue marr nё dorё librin e Nusret Pallanes, u themi fёmijёve:

      “Shiko bir, gjakun e dёrdhun pёr liri, se liria ёshtё lule qё vaditёt…pash besёn e Zotit, mos e le mё u tha, se serbi prap mundet tё betitёt.

     E nёse librin e Nusret Pllanes, qё e kemi kёtu dhe po e promovojmё, para bujarisё sё madhe tё malёsorёve, e mbajmё nёn jestek, ka mё qenё ora e bardhё e zgjimit tё Kosovёs dhe Shqipёrisё! Ti Kosovё, udhёn e lirisё e ke shtruar me dhimbjet tona. Kёndona Nusret Pllana, kёndona, na merr edhe ne nё vallёn tande, sa faculeta e ballit tё na bahet flamur e shpirti tё na pёrflaket e, pёr armikun tё kthehet nё plumb. E shikoni burra, se heronjtё kanё veshur pertkat e saj, ata po na shohin, mos kujtoni se heshtin, me sy na qortojnё!

     Nga gjashtё cepat e hyllit hyjnor, zot nё qiell e zot nё tokё, si njё zemёr nё gjoks, do tё mbesё Shqipёria bashkё me Dardaninё. Se sa thellё i kanё rrёnjёt veç mali e din, mbjellё prej shekujsh, nga pushka e Bacёs sё tё parёve, vaditur me gjakun e Jasharёve, mbledh nё njё libёr prej njё, Nusret Pllane! Libri i xhepit, qё po na paraqitet sot, duhet mё e mbajtё si revolen e brezit. Nusret Pllana ёshtё njё magjistёr i luftёs dhe kujtesёs, qё tё mos bie nё gjumё paqja e liria, se kjo do tё ishte vorri i vetvetёs.

          Faliminderit, bac i dhimbjёve kombёtare, qё i mblodhe nё liqenin e dritёs sё ardhmes, mё e forcue shtyllёn kurizore tё idealeve. Jeta jonё fillon e mbaron, kur heshtja na kaplon, kur rendim pas defrimit e fitimit e guximi na mungon, pёr tё folur, pёr gjёra mё tё rёndёsishme, pёr njё shoqёri, qё ёshtё liria, tё drejtat njerёzore dhe fatet e kombit.

       Sot, nuk i djegin librat, si nё kohёn e Sokratit, as i vёrbojnё shkrimtarёt, si nё kohёn e Homerit, por i bёjnё tё pavlefshёm, duke shpifur dhe anatemuar idealistet, duke mos i promovuar dhe duke i nёnçmuar. A mund tё anashkalohet vepra e Nusret Pllanes, me tё cilёn duhet mekuar kombi, mё parё se me qumёshtin e nanёs?! I dogji komunizmi nё turrёn e druve, bashkё me jetёn e misionarёve dhe u ngriten idhtarёt e ideologjisё sё barit, duke ua vjedh lavdinё, pёr poste e privilegje.

       Çka bajnё Bac, 100 ambasadorё tё Kosovёs nёpёr llamburitjet e botёs, apo flasin pёr ne, do tё pyeste bac Ademi, apo e mbrojnё tokёn e mbulueme me eshtra vorrёsh?! Jo, pёr besё jo! Ate çka nuk e bajnё ato, a nga frika a nga shitja, e ka ba Nusret Pllana, sa flasin Akademitё e botёs deri nё Shtepinё e Bardhё. Pse nuk e marrin kёtё libёr me vete, nё vend tё çantёs sё dorёs, mё u shpёrnda zyrtarёve tё Europёs, se çka ka ndodhur me popullin e Kosovёs?!

          E Fishta do t’i shkruate Dom Ndoc Nikёs , shkruesit tё historisё sё Shqipnisё: A e din çka ban, merri librat e hidhi nё tavan, shkarramihu nёpёr divan e numёro mizat nalt, e kur barku tё bahet peta – peta, kanё mё ta ba tё tanё tungjtjeta, se atёherё po si shumё kuj, ka mё tё shkue kungulli mbi ujё!

         E pёr besё Nusret Pllana, sot na kumbon me zanin e  tij: “Vёlla e motёr, kurrё mos harro se ia bef pёrsёri gjarpёri nё votёr!

   Sokrati e ka lan tё shkrueme: “…me paguanin sllavet tё dёrrmoja makinёn idealiste tё shtetit!

                 A nuk ashё shenjё e kohёs tonё?!” Faliminderit!