Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Itali- Nisma për të shpëtuar nga mbyllja shkollën në Shkodër

by

Në lagjen “Mark Lula” të Shkodrës shkolla 9-vjeçare “Cor Jesu”, ndërtuar në 1999-n prej arqipeshkvit Angelo Massafra, lufton për mbijetesë sepse kostot e funksionimit të saj (rreth 70.000 euro në vit) tejkalojnë të ardhurat. Ky institut ofron arsim për fëmijët nga cikli parashkollor deri tek fundi i ciklit 9-vjeçar.

Fondacioni shqiptar “Bridge For the Future” dhe Shoqata “Integra” (Itali), të drejtuar nga zonja Klodiana Çuka, kanë adoptuar Shkollën “Cor Jesu” në tentativën për të ndihmuar Motrat Apostulle të Zemrës së Shenjtë të Jezusit.

Prej një viti tashmë është ndërmarrë një nismë për të shpëtuar shkollën e cila pas shumë vitesh mbyllje negative të buxhetit, rrezikon mbylljen përfundimtare, duke lënë 231 fëmijë në shtëpi, midis kopshtit, fillores dhe shkollës së mesme.

E ndodhur në periferi të Shkodrës, lagjja “Mark Lula” është ndër më të varfrat e qarkut dhe varfëria është e përhapur edhe tek fëmijët e institucionit edukues.

Shkolla “Cor Jesu”, ( fillore dhe e mesme) është hapur në vitin 1999 dhe ndodhet në një zonë periferike shumë të varfër të qytetit në Shkodër. Jo të gjitha familjet janë në gjendje të paguajnë tarifat e shkollës megjithatë mësuesit i mirëpresin të gjithë fëmijët që dëshirojnë të studiojnë, dhe u sigurojnë një nivel të lartë arsimimi” tha për “Diaspora Shqiptare” Çuka.

Ajo në bashkëpunim me fondacionin shqiptar “The bridge for the future”  ka vendosur të ndihmojë një shkollë në Shkodër e cila rrezikon të mbyllë dyert, duke lënë në rrugë 231 fëmijë.

Këto ditë Fondacioni dhe “Integra” po shpërndajnë një apel, shfaqur fillimisht në kanalet e komunikimit të dy organizatave, për të ndihmuar financiarisht shkollën në mënyrë që cikli edukues i fëmijëve që e ndjekin të mos ndërpritet. Apeli u drejtohet gjithë atyre që mund të ndihmojnë përmes dhurimeve të drejtpërdrejta monetare e materiale në shkollë ose përmes një derdhjeje monetare në këto adresa bankare:

Shqipëri – APOSTULLET E ZEMRËS SË SHENJTË TË JEZUSIT

Lagja Mark Lula SHKODËR – SHQIPËRI

IBAN: 39 208511830000039835931801

SË IFT: USALALTRSH1

INTESA SANPAOLO BANK

Itali: – Associazione Integra

IBAN: IT83D0501804000000011390473SËIFT: CCRTIT2184O

BANCA ETICA – FILIALE DI BARI

(Kortezi-Gazeta e Diaspores)

URIME PER 70 VJETORIN E LINDJES PROFESORESHE MJAFTIME DUSHALLARI

by

Sikur të mos ishte kërkesa e djalit tuaj për një  fjalim të  shkurtër sot nuk do t’i kishim mësuar shprehjet pikante të Nënë Behares dhe mencurinë e saj. E pranoj se vitet japin një lloj njësije matëse të moshës, por mendoj se ju keni treguesë të tjerë kohorë. Si studente juaja në Fakultetin Filologjik, unë e konsideroj veten një lloj trashëgimtare të veprës suaj. Dhe nëse mund të numërohen studentët dhe nxënësit e disa brezave të edukuar nga ju, mosha juaj është mijëra vjecare dhe e pamatshme me kritere konvencionale. Titulli Profesor nuk e ka bërë askënd të tillë. Nuk janë titujt akademik por zotësia juaj profesionale dhe dhuntia e natyrshme ligjëruese që janë cilësitë tuaja të rralla.

Me mirënjohje të pafund, uroj të gëzoni shumë e shumë përvjetorë të tjerë!

Rafaela Prifti

Mund te lexoni: Gazeta Dielli Dalip Greca Seminari Shkencor Arsimor mbajtur ne Vater maj 2018

VATRA PRITI MESUESIT E SHKOLLAVE SHQIPE

Në Zelandën e Re,Takim i përzemërt me Ambasador Dr. Hajdin Abazi

by

Nga Sabit ABDYLI/

Auckland, 7 shkurt 2021- Me iniciativën e Vesa Lumës me bashkëshortin e saj Geri Xhari në restoranti “Safran” me pronarë shqiptarë, komuniteti shqiptar në qytetin e Aucklandit e kaloi gjithë mbrëmjen në darkë të përbashkët me ambasadorin jo rezident të Republikës së Kosovës për Zelanden e Re  Dr. Hajdin Abazin me bashkëshorten Fitoren i shoqëruar edhe nga konsulli i nderit për R. e Kosovës në Zelandën e Re Prof. Dr. Kenneth Jackson.  Me ketë rast Ambasadori Hajdini u falënderua për pritjen dhe shprehu kënaqësinë që ndodhej në mesin e bashkëpatriotëve të tij nga të gjitha tokat shqiptare. U ndjeva krenar, vazhdoi ai, që me rastin e dorëzimit të letrave kredenciale në Wellington dëgjova fjalë të mira nga qeveritarët zelandez për Mërgatën shqiptare që në numër janë pak, më thanë ata,  por punëtor e sjellje komfort ligjeve të vendit. Pastaj vazhdoi prajshëm Ambasadori Hajdin Abazi, poet e diplomat, që me krismat e para për liri në Kosovë lash Suedin ku isha me leje qëndrimi, lash poezinë, rroka armët jo se  e doja luftën, por e doja lirinë e  ekzistencën e popullit tim në trojet hon e dan të  veta që kur mbiu lisi  Në bashkëbisedim gjatë darkës u prekë gjeografia e historia shqiptare, diaspora e kontributi i saj, qëndresa dhe lufta që na u imponua në fund të shekullit XX, konsolidimi i shtetit  të Kosovës, bashkëpunimi me diplomacitë e shteteve që na kanë njohur dhe dy shteteve tona shqiptare. Në ketë takim nuk munda të mos e pyesja Ambasadorin për fotografinë  me diplomatin amerikan Richard Holbrooke 1941-2010 në Junik (24 qershor 1998), fotografi kjo që entuziazmoi  shqiptarët për angazhimin e përkrahjen e administratës amerikane në zgjidhjen e çështjes shqiptare.Në ketë takim ishte edhe Konsulli i nderit Dr. Jacson për Republikën e Kosovës në Zelanden e Re, i cili në vitin 2016 ka punuar në një komision profesional në Parlamentin e Republikës së Kosovës për hartimin e raportit rreth industrisë së resurseve, minierave dhe ekonomisë dhe njohës i shkëlqyeshëm i situatës politike në Kosovë e përtej saj foli për marrëdhëniet e qëndrueshme e të ndërsjella mes Kosovës e Zelandës së Re. Qemajl Murati në emër të të pranishmëve shqiptaro-zelandez falënderoi Ambasadorin Abazi e Konsullin Jacson për punën e zellin e madh që po bëjnë në thellimin e bashkëpunimit në mes dy vendeve tona. Me ketë rast bëmë edhe fotografi.

NDËRROI JETË NË BOSTON LIRI (LILI) GJINISHI(KRAJA)

by

Me dhimbje njoftojmë komunitetin shqiptar në SHBA dhe në atdhe se të Premten me 5 shkurt 2021, ndërroi jetë në moshën 70 vjecare në Boston, Massachusetts, Liri(Lili) Gjinush(Kraja).

Familja ka njoftuar komunitetin se pret ngushëllime të Martën me datë 9 Shkurt 2021, në orën 4-7 pasdite në Shtëpinë Mortore -Buonfiglio Funeral Home.

Ceremonia e varrimit, bëhet ditën e Mërkurë me 10 Shkurt 2021në orën 10.00 paradite në varrezat që ndodhen në Winthrop, Boston MA. Për shkak të koronavirusit ceremonia do të jetë private.

Liri (Kraja) Gjinishi u lind me 23 gusht 1950. Bashkë me familjen emigroi në Shtetet e Bashkuara dhe u vendosën në Winthrop, Massachusetts.

      Lili la në pikëllim bashkëshortin Sami Gjinishi,fëmijët; Edlirin, Eltona (Gjinishi) Musaku, dhe Anisa Gjinishi, la nipërit dhe mbesën e saj të dashur Uajda Musaku, Brandon Musaku, Erin Gjinishi; si dhe vëllezërit e saj të dashur me familjet e tyre Skënder dhe Përparim Kraja dhe motrën Natasha Sinani me familje.

Lajmi ka pikëllërua jo vetëm familjen por të gjithë komunitetin, vecanërisht komunitetin lushnjar. Lili ishte një zonjë fisnike e dashur dhe shumë e sjellshme. 

U përcjellim ngushëllimet tona të sinqerta familjes, bashkëshortit Sami Gjinishi, vajzave dhe djalit, nipërve e mbesës. Ngushëllime u përcjellim edhe vëllezërve Skënder e Petrit Kraja, motrës Natasha Sinani me familjet e tyre.

Pushoftë në Paqë shpirti i Lilit!(Dielli)

Aktivistja Lindita Semanjaku vizitoi Vatrën

by

Aktivistja e të drejtave të njeriut Lindita Semanjaku vizitoi Federatën Panshqiptare të Amerikës Vatra në mesditën e së Premtes, 29 Janar 2021. Ajo u mirëprit nga kryetari i degës së Vatrës Hudson Valley dhe anëtar i Këshillit të Vatrës z.Simon Qafa, Editori i gazetës Dielli z.Dalip Greca dhe gazetari Sokol Paja. Semanjaku u shpreh shumë e gëzuar për mundësinë që iu dha për ta njohur më nga afër historinë e Federatës më të vjetër në historinë e organizatave e shoqatave shqiptare që veprojnë në diasporën shqiptare. K/redaktori i Diellit,  i shpjegoi me detaje procesin historik në të cilin ka kaluar Federata Vatra dhe gazeta e Vatrës Dielli. Z.Greca i parashtroi etapat historike të shtetit shqiptar dhe rolin patriotik e diplomatik që ka luajtur Vatra në dobi të çështjes kombëtare. Po ashtu ai tregoi për funksionimin e sotëm të Vatrës dhe rolin e saj ne ceshtjen Kombëtare.  Z.Greca i bëri të njohur aktivistes Semanjaku rreth projektit të botimit të historisë së Vatrës në dokumentat arkivore, një studim shkencor në pesë vëllime që vjen i kryesuar nga Akademik Beqir Meta.(SP)