Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

DioGuardi ne Brooklyn: Të jesh Shqiptar, Je i lindur Republikan!

by

*DioGuardi, me republikanët në Bruklin nëshkroi librin “Kongresi i Papërgjegjshëm”, dhe foli për votimet në SHBA/
Nga Beqir Sina , Nju Jork/
*DioGuardi : “If you are Albanian You are born Repubican – Të jesh Shqiptar Je i lindur Republikan!”/
BROOKLYN NY : Të Martën më 26 Prill, mysafir i veçantë, i një grupi republikanësh, nga Brooklyni, New York, ishte ish kongresmeni republikan i New Yorkut, Joe DioGuardi – President i Lidhjes Qytetare Shqiptaro Amerikane, i cili ka firmosur librin e tij “Kongresi i Papërgjegjshëm”, një libër ky i ofruar falas për të pranishmit.
Një, veprimtari, kjo e organizuar nga Klubi Republikan në qytetin e Brooklynit, avokati Ted Ghorra, kryetar, dhe kryetari i oganizatës Rrënjët Shqiptare, Marko Kepi, anëtar i stafit të Senatorit të Shtetit Marty Golden, në zyrën e tij në Brooklyn.
Në mesin e dhjetra pjesmarrësve, ishin, disa grupe të konservatorëve republikan, gazetar lokal, dhe aktivist të njohur amerikan, si edhe disa zyrtarë të lart Republikan nga New Yorku, përfshirë, një grup veprimtarësh të rinjësh shqiptarë, nga New Yorku, studentë, gazetar dhe artistë shqiptaro – amerikan.
Avokati Ted Ghorra, i cili thuhet se ka marr bekimin e Artë, për të sfiduar Eaton për kryesimin e Partisë Republikane, të Qarkut Brooklyn, në Konventën e ristrukturimit vjetor të partisë, duke prezantuar ish – kongresmenin Republikan, Joe DioGuardi, tha se DioGuardi, ka qenë i vetëmi kongresmen me CPA, në  Kongresin Amerikan.
Duke, prezantuar mikun e Republikanëve në Brooklyn, avokati Ghorra, në bekgraundin e DioGuardit, kujtojë se: “Përpara se të bëhej pjesë e Kongresit, DioGuardi, ishte një drejtues kompanie që shërbeu për 22 vite në llogaritë ndërkombëtare të kompanisë Arthur Andersen & Co., 12 prej të cilave si partner. Në vitin 1984, ai u bë anëtari i parë i certefikuar i llogarisë publike, dhe, është zgjedhur në, Capitol Hill – Dhomën e Përfaqësusve në SHBA, më 1984.
Ghorra, ndërkohë, shtojë, se “ Në ndihmë të, të drejtave të njeriut ndërsa punonte në Kongres, DioGuardi, udhëhoqi reformën për “Reformën federale financiare”. Pasi la Kongresin, ai krijoi një fondacoin jofitimprures, i quajtur “Truth in Government,” E Vërteta e Qeverisë dhe publikoj një libër të titulluar “Unaccountable Congress: It doesn’t Add Up,” Kongresi i Papërgjegjshëm Nuk Shtohet”, libër të cilin jo do ta merrni falas dhe me nëshkrimin e tij”, tha Avokati Ted Ghorra, kryetari i Klubit të Republikanëve në Brooklyn New York .
Mes një entusiazmi karakteristik, të këtyre takimeve Republikane, në këto votime praparake, tani edhe në mesin e fushatës së zjarrtë për President të SHBA, ku po konkuron në garën brenda – partiake, manjati Republikan Donald Trump , i mbështetur fuqishëm nga Klubi Republikan në Brooklyn, e mori fjalën ish kongresisti republikan nga New Yorku, Joseph J. DioGuardi, i cila ka qenë edhe kandidat për Senator në New York, më 2008, por humbi ndaj demokrates Senatores Gilibrand.
DioGuardi, foli me krenari para, pjesmarrësve, për prejardhjen e tij, se ai ka gjak shqiptari dhe ka origjinën nga Arbëreshët e Italisë.  
Unë, kam lindur në Bronks, Nju Jork, i biri i një emigranti tregëtar i vogël, perimesh, tha DioGuardi, duke treguar se ai ishte duke u rritur në një lagje emigrantësh, në Bronx, dhe diplomuar nga Fordham Prep në vitin 1958 dhe Fordham University me diplomën e këtij universiteti prestigjoz, në vitin 1962. “Babai im i martuar me Nënën e time, një Italjane-Amerikane, e brezit të parë e lindur në Nju Jork, tha ai, ishte një shqipëtar etnik i emigruar në Amerikë në vitin 1929, i lindur në Greci, në një fshat të vjetër i populluar nga Arbëreshët dhe i vetmi nga 53 të tillë që Gjergjë  Kastrioti – Skënderbeu, Heroi Kombëtar i Shqiptarëve, i ka shkelur më këmbë.”
DioGuardi, tha se për momentin shërben në bordin e drejtuesve të disa korporatave private dhe publike Amerikane, dhe shtojë se për çerek shekulli në SHBA, ai ka themeluar dhe po udhëheq vullnetarisht të parin dhe të vetmin Lobin e fuqishëm Shqiptarë në Amerikë, së bashku me bashkëshorten e tij, Këshilltaren e Çështjeve Ballkanike, Shirley Cloyes DioGuardi, duke i ndihmuar dhe mbrojtur, kudo Shqiptarët, në Shqipëri, Kosovë e trojet e tyre etnike, në çështjen shqiptare , këtu në Shtetet e Bashkuara, me në krye Ligën Qytetare Shqiptaro Amerikane – LQSHA.
 Duke, folur për librin e tij “Kongresi i Papërgjegjshëm”, dhe se çfarë e shtyu atë të shkruaj këtë libër, nga më të lexuarit, tha ai nuk e kishte menduar se kur kandidojë, për Kongresin në vitin 1984, ai  nuk e mendojë veten si një “profet modern “për buxhetimin, kontabilitetin të Qeverisë federale, dhe raportimin “gimmicks” për të parashikuar krizën financiare, deri në ditët e sotme dhe spiralet e borxhit kombëtar.
Ai tha se :“Por, pas dy terma të parë, si Kongresistë, për aq sa shërbeva në Dhomën e Përfaqësuesve – Kongresin e SHBA, isha i pari CPA i praktikuar, Kontabilist i Certifikuar Publik, i zgjedhur ndonjëherë në Kongres të SHBA-së, deri atëhere. Unë, kisha mësuar mjaft për të bërë buxhetimin e shteror, kontabilitetin e Qeverisë federale, dhe raportimin “gimmicks, për të parashikuar krizën financiare e cila po ndodh në ditët e sotme, nga Administrata Obama, dhe spiralet e borxhit kombëtar”
Më pas DioGuardi, u spjegojë të pranishmëve, përse ai shkroi dhe e botoi librin”Kongresi i Papërgjegjshme” një kopje të të cilit, ai e mbante vazhdimisht gjatë fjalës në dorë ndërkohë, që djem e vajza shqiptare, vullnetarët e tij, një grup të rinjësh shqiptarë, e shpërndan tek të gjithë librin falas.
  “Kongresi, nuk do të shtonte Buxhetin shtetror, deri në vitin 1992, për të paralajmëruar publikun për kontrollin nga ana e Qeverisë federale, të shpenzimeve dhe të huamarrjes së Amerikës. Dhe, themeluar të vërtetën jofitimprurëse të organizatave qeveritare, për të edukuar Amerikanët për rritjen e jo qëndrueshmërisë fiskale të Shteteve të Bashkuara.”, tha ai.
 Pas-pasojat, nga kjo situatë e vështirë financiare në vitin 2008, tha autori i librit”Kongresi i Papërgjegjshme” CPA, Joseph DioGuardi, vendosa për të rinovuar librin, pra ri-botuar librimin tim me të njëjtin titull.
Në këtë botim të ri, unë i ndjek ngjarjet kryesore dhe të rendësishme në buxhet, ekonomi e finanacë, shtetrore, që nga viti 1992, “të cilat, tha ai kanë kontribuar direkt në zhvillimet ekonomike të sotme, nga i kan rrënjët e “krizave” të saj, në legjislacionin e gabuara financiare dhe mungesa e mbikëqyrjes dhe përgjegjësisë politike përmes rritjes masive në shpenzimet e qeverisë dhe borxhin kombëtar.
Ndersa, libri im tha DiouGuardi, përshkruan mënyrat për të vendosur rekord financiar të qeverisë drejt në mënyrën që ne mund të punojmë në rrugën tonë dhe ikur nga një krizë që po dëmton çdo Amerikan” ka shprejguar, nder te tjera DiouGuardi.
Më pastaj duke e “ndezur” edhe pak amosferën elektorale, në Klubin Republikan në Brooklyn ditën e votimeve në 5 shtetet e Bregut lindor, megjithëse, ai nuk kishte shfaqur ndonjë tendencë, pro mbështjetjes së Donald Trump, a ndonjë kandidati specifikë, tha se Trum, simbas tij do të fitojë , dhe do të jetë në nëntor kandidati i fortë i Republikanëve për të ju marrë, mbas 8 vjetëve të demokratëve Shtëpinë e Bardhë, u shpreh DiouGuardi.
Joe DioGuardi, gjithashtu, ka deklaruar mbrëmë në Klubin Social të Republikanëve Brooklyn, “Salty Dog”  në tubimin e  organizuar nga New York City Republican, se : “Në qoftë se ju jeni shqiptar, Ju jeni i lindur Repubikan. Mbasi, shqiptarët, simbas tij,  janë të lindur republikan,” argumentojë ai. Ndërsa, duke, thënë arsyet, se pse mendon kështu,  ai shtojë : “Kjo është arsye pse shqiptarët janë republikanët të regjistruar. Ata lanë vendin e tyre, sepse, u përndoqën nga një regjim shtypës, sllavo- komunist, të cilët vendin e tyre tani e kanë socialistët, të cilët erdhën në SHBA , për të “gëzuar” lirinë të  bizneseve të tyre. Ata besojnë në qeverin më të vogël dhe në kapitalizmim!” tha DioGuardi.
Por, më tej sqarojë ish kongresmeni republikan i New Yorkut, Joe DioGuardi – President i Lidhjes Qytetare Shqiptaro Amerikane, i cili ka firmosur librin e tij, dje “Kongresi i Papërgjegjshëm”, një libër ky i ofruar falas për të pranishmit, tha “ Duke pasur parasyshë, atë se çfarë ka bërë Bill Klinton, për Kosovën, shqiptarët në këto zgjedhje “presidencialet 2016”, pavarësisht, se janë të regjistruar Republikan apo Demokratë, ata përseri votojnë edhe për Hillary Clinton, megjithëse, ajo është demokrate. Mbasi,  gjithmonë simbas tij,  shqiptarët e Amerikës, kur vjen puna tek miqt e tyre në Kongres, Senat, dhe Presidentin e SHBA, ata janë të dyzuar, janë edhe Demokrat edhe Republikan, në votat e tyre, dhe kjo është një traditë e mirë, që i bënë shqiptarët e Amerikës, të kenë sot, kaq shumë miq në SHBA” tha ai duke mbyllur tubimin në Brooklyn  -New York .

Ambasadori Walker, takime me miqt e tij, shqiptarë në Bronx – New York

by

Nga Beqir SINA- New York/
NEW YORK : Ish shefi i Misionit vëzhgues të OSBE-së, miku i dëshmuar i shqiptarëve, Ambasadori William Walker, i njohur ndryshe nga shqiptarët si Heroi i Reçakut, ku më pas u vendos edhe fati i Kosovës, e një prej ngjarjeve të përgjakshme në fshatin Reçak të Shtimes, masakrës kur forcat serbe, vranë 45 civile shqiptarë qytetarë të Kosovës, i cili , këtë ngjarje, me të parë atë në cilësinë e vezhguesit ndërkombëtar, e pati cilësuar pamëdyshje si një “krim kundër njerëzimit”, u gjend, dje në një ditë takimesh të “ngjeshura” me miqt e tij, në komunitetin shqiptar në zonën e Tri-Shteshit, Bronx -New York.
Ai është takuar fillimisht në një takim privat, me veprimtarin e dalluar Jim Xhema, Biznesmen i suksesshëm shqiptaro-amerikan, dhe aktivist i shquar i komunitetit i njohur eshe si filantropist shqiptar në SHBA .
 Kurse, mbasdite, Ambasadori Walker, zhvilloi disa takime në Bronx, New York. Ku ndalesën e parë e pati në zyrën e zotit Mark Gjonaj,
Takimin e tij shumë të përzemërt,me asamblesistin e parë shqiptarë në Asamblenë e Shtetit të New Yorkut, zotin Mark Gjonaj.
Në këtë takim, i cili zgjati 45 minuta, u diskutua gjerësisht mbi zhvillimet më të fundit në, Kosovë, Maqedoni dhe Lugininën e Preshevës, e Mal të Zi, ndërsa, u folë, nga dy bashkëbiseduesit, edhe në vështrimet e tyre, për rolin dhe kontributin e shqiptarëve të Amerikës, aktivitetin dhe veprimtarinë e komunitetit shqiptarë, në këto momente, për Kosovën, Shqipërinë, dhe trojet shqiptare.
Në këtë takim mori pjesë edhe kryetari i Këshillit Shqiptaro Amerikan, zoti Haxhi Dauti, dhe verpimtari i komunitetit Ilir Fundo.
Kurse, në vazhdim të takimeve të tij, në këtë komunitet, një takim të veçantë, Ambasadori Walker, pati në Bronx – New York, aty ku jeton dhe vepron komuniteti shqiptarë më i madh në SHBA, në zyrat e biznesit të pasurive të patundshme, “Bajraktari Management Corp.” me mikun e tij të mëpareshëm, zotin Harry Bajraktari, i cili është veprimtar i njohur i komunitetit shqiptaro-amerikan dhe themelues i gazetës Illyria në New York.
Masakra e Reçakut – që më pas do të njihet si një nga ngjarjet kryesore, që ka shënuar një kthesë të madhe qysh në atë kohë, në diplomacinë ndërkombëtare në raport me Serbinë e asaj kohe dhe Kosovën, duke i paraprirë të gjitha tyre çfarë ndodhën – që çuan deri tek fushata e 78 ditore e bombardimeve ajërore të NATO-s, ishte në qendër të bisedeva, dhe takimeve të Ambasadorit Walker, edhe në selinë e Vatrës në New York.
Ku ai u takua me një grup vatranësh, kryetarin dy nën kryatrët , arkatarin, dhe anëtarët e kryesisë, dhe grupin e të rinjëve vatranë.
Bashkëbiseduesit, kryetari i Vatrës Dr Gjon Buçaj, dhe Ambasadori William Walker, ndanë, pjesë, gjatë bisedës mjaft të ngrohtë, nga kujtimet e tyre, nga ajo ngjarje, e cila ndryshoi historikisht, edhe rrjedhën e zhvillimeve të më pasme në Kosovë, Masakrën e Reçakut, e cila e bëri mjaft të njohur Ambasadorin William Walker tek shqiptarët e Amerikës.
“Kosova, e lirë dhe e pavarur sot , tha kreu i vatranëve, Dr. Buçaj, mbasi i urojë mirëseardhjen në Shtëpinë e Vatrës, së kolosve të Kombit, Federatës PanShqiptare të Amerikës, Vatra, e cila ka një kontribut historik, në pavarësinë e Shtetit shqiptarë, siç e quajti ai, duke shtuar më pas se, “me ngjarjen e Reçakut, dhe dekleratën tuaj, disa javë më parë, se të nisnin bombadimet, shënoi edhe atë kthesën e madhe historike për Kosovën, duke “vulosur” kështu, edhe bindjen e bashkë-sisë ndërkombëtare, SHBA, e Natos, që ndërhyrja, ndaj Serbisë, dhe Millosheviqit, ishte e domosdoshme, në atë kohë”, tha kryetari Buçaj.
Po ashtu kryetari i Vatrës, në emër të tij dhe kryesisë, së Vatrës, duke përshëndetur ish-ambasadorin e OSBE-së në Kosovë William Walker, dhe falemideruar atë për kontributin e tij dhe lidhjet mjaft të mira me shqiptarët, tha se Reçaku, po ashtu është një rrëfim i pandarë i një miqësie të përjetshme, edhe sot me SHBA-të, dhe një lidhje e fuqishme, e cila vazhdon edhe sot me komunitetin shqiptarë në Shtetet e Bashkuara të Amerikës.
“Kisha dëgjuar shumë për Vatrën, dhe kontributin e saj në pavarësinë e Shqipërisë, figurat, që e udhëhoqën atë, në periudha të ndryshme, kam ndjekur dhe kam pasur miqësi me shumë vatranë, gjatë këtyre dy dekadave, të fundit, ( ai kujtojë lidhjet e tij për Kosovën gjatë luftës, me ish kryetarin Agim Karagjozi) falë atyre lidhjeve të mija me çêshtjen shqiptare Kosovën, dhe më vjen shumë mirë, që sot po takohem, me të gjithë ju vatranët( një pjes i njoh mirë më parë), këtu në Shtëpinë e Vatrës”, u shpreh në fillim të fjalës së tij miku i madh i shqiptarëve Ambasadori William Walker.
Në fillim të fjalës së tij ish-ambasadori i OSBE-së në Kosovë dhe humanisti i madh, William Walker, do të kujtonte, se pas Masakrës së Reçakut, ai do të bëhej edhe Kumbara i Kosovës, ku simbas zakoneve tradicionale shqiptare, ai ka marrë flokët e 5 fëmijëve shqiptarë, dhe ruan me t’a lidhje duke u familjarizuar me ato familje.
Ai gjithashtu si në takimin me Jim Xhemën, Mark Gjonaj, dhe Harry Bajratarin, dhe tek Vatra, ndau me të gjithë dhe një pjesë të dhimjes së tij, teksa i njohu ata me lajmin e kobshëm, humbjen e madhe – të gruas së tij Lucena “ Lucy “ Martin, dy javë më parë.
“Është, një humbje e madhe për mua, tha ai, ndaj vendosa, t’a ndaj sot në këto takime, me ju miqt e mi, këtë vdekje, e cila më ka sjell një pikëllim të madh. E ndaj këtë dhimbje me një zemër të “varë”, që unë jam duke ju njoftuar, edhe ju miqve të mi shqiptarë, me ndarjen nga jeta , të partnerit tim dhe dashurisë, mikeshës së jetës sime, gruas time, Lucena Martin”, tha Walker i përlotur.
“Lucena – Lucy, tha ai, për ata që e njihnin atë – na la të mërkurën 6 prill 2016, edhe pse kalimi i saj ishte i papritur, dhe në paqe, unë mendojë se duke ndarë me ju këtë humbje dhe dhimbje të madhe për mua, e familjen time, e ndjej këtë moment, edhe si një ngushëllim të vogël, duke e ditur se ajo ndërroi jetë në mënyrë paqësore dhe pa vuajtje, duke shkuar në jetën e amnueshme”.
Më pas Walker, ka diskutar gjerësisht, gjithmonë në shikimin e tij, situatën dhe zhvillimet më të fundit në Kosovë, dhe ka kërkuar me bindje që shqiptarët e Amerikës, të japin kontributin e tyre, për të ndihmuar Kosovën, nën ombrellën e një organizimi të ri, edhe më dinamik, siç e quajti ai, larg atyre ndikimeve partiake, dhe politike në Kosovë.
Ish shefi i Misionit vëzhgues të OSBE-së, miku i dëshmuar i shqiptarëve, Ambasadori William Walker, i njohur ndryshe nga shqiptarët si Heroi i Reçakut, është shprehur mjaft i kënaqur nga pritjet, dhe takimet, si dhe bisedat e zhvilluara në Bronx, me, Bajrakatarin , Gjonaj dhe Vatranët, ndërsa, në fund në shenjë respekti, ai u përshëndet me të gjithë, duke bërë edhe fotografi të përbashkëta.
Shqiptarët e Amerikës, sidomos ish luftëtarët e Batalionit Atlantiku, me luftëtar djemt e vajzat shqiptare nga nga Shtetet e Bashkuara, e kan nderuar dhe ruajnë miqësinë me Heroin e Reçakut – Ndërsa, kan pasur lidhje të forta me mikun e tyre të dëshmuar ish-Ambasadorin Uilliam Uokër (William Walker), ish- kryetar i OSBE-së në Misionin e Verfikimit të Kosovës në vitet 1998-1999, vazhdimisht.

DASMOR TEK DAVID ZEF BALAJ

by

NGA ASLLAN BUSHATI/

Në pasditen e 23 prilit 2016, së bashku me vajzën time  Arela , me Dalip e Xhemile Greca dhe Adem e Mimoza Belliu po ecnim së bashku nëpër mjedisin e bukur të Fordham University për të arritur tek kisha e këtij institucioni (që mban emrin FORDHAM UNIVERSITY CHAPEL) ku do të mbahej mesha e martesës së Devid Balajt me  Leze Ivezajn.Duke bërë shaka i them Dalipit:” More në se kemi ardhur për tu regjistruar në këtë Universitet,  nuk është koha e duhur se regjistrimet bëhen në fund të verës . Natyrisht, gjithcka me Kohen. Eshte vone, me thote ai dhe shton: Ne perjetuam Kohen e ndalimeve….Tani duke patur parasysh moshën, të  presim edhe ca kohë  (qoftë larg) se do të regjistrohemi në universitetin e përjetësisë, dhe atje do tja bëjmë gjyqin Enverit dhe kohes se tij, se pse nuk na la të studionim këtu”. Qeshëm dhe u kënaqem sa  u bashkuan me ne edhe Kryetari i Vatrës Dr. Gjon Bucaj me bashkshorten Nikoleta, djalin Aleksander dhe  vajzën Teuta. Dhe fill pas tyre na u bashkuan edhe Serxhio Bitici me bashkshorten, ish Kongresmeni  Joseph DioGuardi me bashkshorten Shirly , familjar  e farefis i Zef Balës dhe Vasel  Ivezajt dhe shumë e shumë bashkatdhetarë të tjerë nga shumë vise të Nju Jorkut, Kenerikës, Nju Xhersit e deri nga Belgjika  e largët nga e cila vinte  Gjelosh Kuraj vetë i gjashtë(vëllai  i Lina Balajt).

Dyert e kishës u hapën në orën 4 pas dite, pas së cilës na u cfaq pamja madhështore e këtij institucion të mirënjohur në NY. Në hyrje të sallës kryesore, na shprehen mirseardhjen  Zef e Lina Balaj dhe  Vasel e Age Ivezaj. Nën tingujt e muzikës kishtare dhe të një shërbimi brilant kishtar, u mbajt ceremonia e kurorës së shenjtë të David Balaj e Leze Ivezaj.Mesha u celebru nga Rev.Donovan(President i Fordham Prepatory School) dhe i asistuar nga Mons.Franco Sekretar I pranë OKB-së për Shtetin e Vatikanit dhe mik personal i Familjes Balaj prej shumë vitesh. Të gjithë u lutëm që cifti të ketë jetë të lumtur dhe të trashëgohen duke menduar se edhe kjo meshë  do të ju a mbushë  zemrat  atyre me gëzim e shpresë për të ardhmen  bashkshortore.Vetëm një ndryshim ndodhi se Leze Ivezaj doli prej asaj ceremonie në Leze Balaj.

Pas meshës, në hollin e kishës u mblodhën shumë bashkatdhetar, për të uruar së pari Davidin e Lezen , por edhe për të bërë foto e për të uruar njeri tjetrin. Ndërkohë  bashkadhetari i mirnjohur i komunitetit, Ded Dedvukaj (daja i nuses-Lezes), më njohu me nipin e tij (vllajin e Lezes), Nënkolonelin e Ushtrisë Amerikane Mark Ivezaj. U kënaqa dhe u emocionova shumë kur e pashë një mesoburrë  shtatlatë e i pashëm ,afër dyzetave me një sasi të madhe medaljesh e dekoratash që shprehnin qartë rezultatet e punës së tij. Ai më foli me shumë simpati edhe për ushtarakë e Ushtrisë  Shqiptare me të cilët kishte bashëpunuar në Irak, Afganistan e gjetkë. Në këtë rast kënaqësia mu dyfishu për djelmëninë ushtarake  shqiptare si në  vendlindje ashtu edhe në SHBA.

Pas pak karvani i gjatë i makinave u drejtu për tek “Mulino’s at Lake  Isle Country Club, 660 White  Plains  Road Eastchester, NY.” Aty na u bashkuan  Nënkryetari i Vatrës Agim Rexhaj me bashkshorten Laura, ish konsulli i Shqipërisë në NY dhe anëtari Kryesisë Vatrës Dritan Mishto me bashkshorten Agata, antarët e Këshillit të Urtëve të Vatrës Zef Përnocaj me bashkshorten Mire dhe djalin Albert, Tonin Mirakaj me bashkshorten Mirjana e shume e shumë të tjerë. Lokali ishte në mesin e një mrekullie të vërtetë natyrore rrethuar me pemë e barë jeshil e me një pamje arkitektonike të mrekullueshme.

Në hollin e pjesës aperitive na urdhëruan mirseardhjen Zef e Lina Balaj dhe Vasel e Age Ivezaj. Ushqimi  ishte i freskët, i ngrohtë dhe i  shijshëm,  pije të cdo lloji e shërbim shumë të kulturuar në një ambient  të mirëstolisur dhe me verandë. Patëm rastin të njihemi edhe me shume dasmor nga shume krahina shqiptare e me banim  në shumë vise të Amerikës e Europës. Zefi dhe Lina  na falenderojne  duke na ofruar dashuri e respekt disa here dhe në cdo tavolinë. U ndiemë të respektuar e të kënaqur si në gëzimet tona familjare. Dasma e Davidit dhe e Lezes  ishte në të njejtën kohë  edhe një mundësi për të na miqësuar më shumë me njeri-tjetrin si komunitet.

Nipi I Zef Balës, Gjergj Balaj, me fjalë zemre na uron mirëseardhjen dhe uroi ciftin me trashëgime!

Më pas hymë në restorant i cili ishte stolisur në mënyrën më të mirë të mundëshme. Ushqimi ishte i mrekullueshëm në kuptimin e vërtetë të fjalës, shërbimi shumë i kulturuar gjithashtu dhe një lojë e bukur me dritat e sallës. Një gjë krejt e vecantë ishte prania në cdo tavoline e një shisheje të posacme me emrin David dhe Leze me raki rrushi  të shijëshme të bërë posacërisht për këtë darkë nga Zef Balaj. Hijeshinë e darkës e kulmoi hyrja ne sallë dhe ngjitja ne podium e ciftit të ri i cili u prezantu  nga kengetari madh popullor Gëzim Nika. Ne vazhdim vallja e ciftit, dy valle popullore shqiptare te ansamblit “Rozafati” të përgatitura nga mjeshtërja koreografe e valles popullore Angjelina Nika dhe argëtim  po aq I mrekullueshem nga Gëzim Nika dhe orkestra e tij.Nga mezi i darkës na kënaqi me interpretimin e disa kangëve edhe kushriri i Zef Balës , pukjani  Lush Binaku (Marku).

Pranë tavolinës sime qëndronte në një karrge me rrota Pjetër Balaj (vëllai i Zefit), të cilin shkuam ta uronim për nipin David së bashku me Agim Rexhën,por në të njejtën kohë e uruam që të shërohet  sa më shpejt që të jetë e mundur edhe Valentin Balaj.  U gëzu shumë dhe me pamje stoike e burrërore prej malësori na përcolli me fjalë e me shikim falenderim dhe mirnjohje.

Në krah të podiumit ,në tavolinën e parë qëndronte daja i Davidit, i nderuari Gjelosh Kuraj i cili kishte ardhur nga Belgjika për dasmën e nipit.Gjeloshi  njihet mirë nga demokratët dhe anti komunistët në Shqipëri se ka qenë në burgjet e diktaturës për gati 15 vite. Por ai na tregoi se bashkvuajtës të tij në burg kanë qenë edhe Dodë e Luigj Miri nga Gurëza e Milotit, të cilët janë djemt e vëllait të gjyshit të nuses së Davidit. Por nga familja Miri janë pushkatuar 18 vetë nga regjimi totalitar dhe per këtë arsye Ambasadori parë Amerikan në Shqipëri( pas demokracisë) Zoti Rajërson ka bërë vizitë të posacme  në Gurrëz për të nderuar viktimat e familjes Miri.

Cfarë koencidence, njerëz të Familjes Miri në Shqipëri dhe të familjes Ivezaj në Malësi( Mali i Zi), pjesë e një origjine familjare, bëjnë lidhje martesore me Balajt e Pukës të njohur si anti komunist dhe atdhetar të spikatur. Shtoj këtu dhe kontributin e madh që ka dhënë Familja Balaj  për komunitetin shqiptaro-amerikan, Vatrën, Ligën Qytetare Sqiptaro amerikane, kisha ,katedrale, buste e munomente ne trojet shqiptare,etj, kemi të bëjmë me një miqësi me themele të forta kombëtare  shqiptare.

Ishte një dasëm e mrekullueshme, ku të u këndua, u gëzua dhe u festua shqip.

David, rrofsh që na ftove në dasëm. U trashëgofsh e kalofsh jetë të lumtur me Lezen.Dasma jote na dha edhe  gëzim edhe respekt e dashuri për njeri tjetrin, por dhe atdhetarizëm. Tu rritë ndera per mot e jete Zef Balaj.

Besimtarët katolikë në Nju Jork, kremtuan festën e Zojës së Shkodrës

by

*Besimtarët katolikë, Nju Jork, kremtuan festën e Zojës së Këshillit të Mirë, festën e Zojës së Shkodrës, pajtore e të gjithë Shqipërisë/
 *Radio Vatikani : Festa e Zojës së Shkodrës – Zojës së Këshillit të Mirë – Zoja e Shkodrës /
NGA BEQIR SINA/
 BRONX – NEW YORK : Sipas kalendarit katolik, me daten 26 prill e gjithe kisha katolike, shqiptare, kremton festen e Zojes se Keshillit te Mire, ose, siç e ata ne, festen e Zojes se Shkodres, pajtore e te gjithe Shqiperise. Me emrin e së cilës është e pagëzuar edhe Kisha Katolike e Shqiptarëve në kodrat e New Yorkut, në qytetin Hartsdale – disa mile larg qyteti të New Yorkut.
 Simbas traditës kremtimi i kësaj feste ka nisur me Meshën e pasuar me bekimindhe lutjet fetare  dje gjate mesdrekes se dites se diele dhe me pase ne mbremje, besimtarët e shumtë në numër janë mbledhur për të festuar së bashku me familjet e tyre, në një lokal, jo shumë larg Kishës Katolike “Zoja e Shkodrës”, restorantin “Maestro’s”, ku edhe u shtrua një Drake Solemne, shkruajnë disa besmitarë në medien sociale të rrjetit shoqëror Facebook, ku disa prej tyre kan postuar edhe fotografitë nga kjo festë e bukur e këtij komuniteti .
  Simbas fotografive, ne kete Darke festive, kan marre pjese me shume se 300 vete, besimtare katolike, si dhe figura te shquara te komunitetit, autoritetet e larta te qytetit te Nju Jorkut, veprimtare e aktiviste te komunitetit.
Ne fillim te pranishmit, shoqeruan ne kor hymnin kombetar te ShBA – se, dhe te Shqiperise. Me pase me nje minute heshtje u nderuan te gjithe te renet.
    Kengetari të komunitetit, Remi dhe  Hajro Ceka, si dhe grupi i djemve dhe i vajzave te shoqerise kulturore “Rozafati” nga Kisha Katolike “Zoja e Shkodres”, Nju Jork, me udheheqese artistike koreografen Anxhelina Nika, me vallet dhe muziken e embel dhe te bukur shqiptare, kostumet e shumellojshme popullore, krijuan nje atmosfere mjaft te kendeshme dhe te bukur ne kete Darke.
       Bekimi i Darkes ose lutja fetare, sipas zakoneve te kishes, eshte dhene nga Dom Viktor Dedaj. Me pase eshte kenduar nje pjese muzikore “Zoja e Shkodres” kenduar nga dueti i korit te Kishes Katolike “Zoja e Shkodres” ne Harstdale – Nju Jork, Fran Shala.
 Folesit e rastit thane se :”Kisha Katolike Shqiptare ne Nju Jork, “Zoja e Shkodres” vjen ne kete feste e dalluar, per rolin e madh qe u ruajt ne mbrojtjen e vlerave fetare e kombetare ketu ne emigrim. Ku, krahas klerikeve, kjo kishe ka edhe nje  nje keshill te shkelqyeshem, nje grup intelektualesh, ambicioz dhe te gateshem per te punuar ne çdo kohe pa u lodhur, dhe ne harmoni me njeri tjetrin.”
Kjo vihet re, thanë oratorët edhe per krijimin e nje atmosfere kaq madheshtore, me intelekt dhe perkushtim si dhe me dashuri dhe respekt per çdo njerin prejbesmitarëve, tek ai qe ka bere gjithçka per  kete Kishë, kaq madhështore, dhe natyrishtë thonë ata krediti i shkon Famullitarit të kësaj Kishe, Kishës Katolike Shqiptare në Nju Jork, “Zoja e Shkodres”, me Famullitar Dom Pjeter Popaj.
  Dom Pjeter Popaj duke folur per rendesine e kesaj dite, në një nga festimet e kaluara u ka thënë besimtareve të tij se;  “Zoja e Keshillit te Mire – Zoja e Shkodres, nuk i harroi kurre banoret e ketij vendi te martirizuar, shqiptaret as ne kohen e kalvarit te popullit shqiptar gjate diktatures komuniste, diktatures me te eger ne Europen Juglindore, as ne kohet e kalvareve te tjera, perjetuar gjate shekujsh. Nena e Keshillit te Mire gjithmone, ka thënë ai, ka qene ngushellim e mburoje e popullit tone te dashur shqiptar, e edhe sot na tregon shtegun e jetes se vertete. Sot festa e Zojes se Shkodres, kremtohet me madheshti edhe ne qytetin me verior te Shqiperise, ne Shkoder, me gezim dhe me entuziazem te madh e me shtegtimin tradicional ne shenjteroren e kalase Rozafa,”
     
 Radio Vatikani : Festa e Zojës së Shkodrës – Zojës së Këshillit të Mirë – Zoja e Shkodrës
Në Qytetin e Veriut të Shqipërisë, Shkodër, që prej kohëve të lashta nderohej me përkushtim të veçantë, një figure e mrekullueshme e Zojës. Është ajo figure që sot ndodhet në Gjenacan të Italisë. Historia e saj, është vetë historia e katolicizmit ndër shqiptarë, katoliçizëm i cili, me vdekjen e Gjergj Kastriotit, Skënderbeut, më 1468, nisi udhën e vet të kryqit. Në sa një pjesë e madhe e banorëve, gjatë pesë shekujve të robërisë, do të shtrëngohej të ndërronte fe e një pjesë tjetër do të merrte rrugët e mërgimit, vetëm një pakicë do të mbetej besnike, duke vuajtur porsi gjarpri nën gur për shekuj e shekuj.
E pikërisht në këtë kohë, rreth vitit 1467, kur një ushtri e re e madhe e sulltanit u dynd mbi Shkodër, sipas gojëdhënës, figurja e Zojës u shkëput nga muri i Shenjtërores rrëzë Kështjellës së Rozafës, për të mos u dhunuar nga hordhitë anadollake. E mbartur nga engjëjt, mbështjellë prej një reje – vijon gojëdhëna- u ndalua në Gjenacan, afër Romës. Gojëdhëna tregon edhe se Figurën e mrekullueshme e përcollën dy shkodranë, rojtarë të shenjtërores, e ndërsa ecnin me sytë lart, pa u kujtuar as ata vetë, e kaluan në këmbë detin Adriatik. Si arritën në Romë, figurja u zhduk nga sytë tyre.
Por nuk vonoi e në të gjithë Italinë u hap zëri se një figure e mrekullueshme kishte zënë vend në muret e Shenjtërores së Gjenacanit, ku me ndërmjetësinë e saj po kryheshin mrekulli të panumërta. Ishte data 25 prill 1467. Që asokohe nisën shtegtimet e besimtarëve drejt Gjenacanit, e Zoja jonë e Këshillit të Mirë, Pajtorja e shqiptarëve, nisi të nderohej edhe në Itali, Gjermani, Austri e më vonë edhe në kontinente të tjera, me të njëjtën figure, që vijon të nderohet në Gjenacan.
Kjo figure, pra, nderohej në kishëzën dy herë të rrënuar të Zojës rrëzë Kështjellës Rozafa, një nga më të vjetrat në Shqipëri. Në këmbë apo gërmadhë, Kisha mbeti gjithnjë cak shtegtimi. Nuk ka besimtar që duke kaluar andej, edhe pas vitit 1967, kur kisha u rrënua për herë të dytë nga diktatura enveriane, të mos jetë lutur në heshtje për ditë më të mira me një lutje tradicionale, që i qëndroi kohës, më shumë se muret:
“O Zoja e Bekueme, Nana e Këshillit të Mirë, po të thërrasim ty, që je Bija e zgjedhuna e Zotit Atë, Nana e Jezu Krishtit, Nusja e Shpirtit Shenjt, Tempull i së Shenjtnueshmes Trini: ndërmjetëso për ne në qiell!”.
E kur Kisha u rindërtua, Lutja u pasurua me fjalët:
“Ndër duert tua të fuqishme, o Nanë e Mëshirës, po e lëshojmë të dashtunin kombin tonë, megjithsè jemi mëkatnorë të mjerë e të padenjë. Po të falënderojmë se na je gjetë e na ke ndihmue me kujdesin e një Nane të vërtetë në dimnin e gjatë e të vështirë të persekutimit, i cili na shkaktoi viktima të panjehuna, martirë që tash ndërmjetësojnë për ne në qiell. Po të falënderojmë që na e nxore nga Zoti hirin e rikthimit të pranverës së lirisë fetare e qytetare, e cila i hapë rrugën ndërtimit të një shoqnie ma të drejtë e ma vëllaznore( fotografia nga Leonardo Berishaj)

Nderroi Jete ne Nju Xhersi Benjamin Cakrrani

by

   Njoftim/

Ne date 19 prill 2016 nderroi jete ne moshen 76 vjecare ne spitalin e Hackensack,New Jersey Benjamin Kujtim Bektash Bej Cakrrani. Trupi i tij do te shoqerohet  nga familjaret per ne varrezat e qytetit te Fierit, Shqiperi.

-Dy fjale te merituara ne ceremonine funerale:

Te nderuar pjesmarres,

I autorizuar nga familja Cakrrani si edhe nga nje detyre e brendeshme si bashke-vuajtesi i te ndjerit Benjamin Cakrrani po japim dy fjale te merituara per shokun tone edhe birin e familjes Cakrrani. Familje keto qe u martirizuan dhe u torturuan nga sllavo komunizmi shqipetar, per te vetmen arsye sepse kane thirrur “Rrofte Shqiperia”.

Familja Cakrrani ne periudhat decizive ka mbajtur mbi shpatulla historine e vendit te vet dhe si e tille nga diktatura komuniste pesoi ate fat si ato homologe te familjes se saj.

Komunizmi per te mos leshuar pe, ne lirine e drejtesine e familjes Cakrrani, Benjaminin, djalin e kesaj familje, arrestoi edhe denoi me dy dekada e gjysme kohe heqje lirie. Ky kalvar i pambarimte na bashkoi me Benjaminin ne burgun famkeq te Spacit. Benjamini me shpirtin e tij paqesor per shoket prodhonte miresi, miqesi , edhe dashuri te sinqerte. Personi i tij nuk kishte as edhe nje kundershtar. Ai sa mundeshe u jepte shokeve (vecmas te rinjeve) edukim edhe kulture, qe ata mos te humbisnin ate qe nuk e gjenin dot kurre. Pra nderin edhe karakterin njerezor. Benin e karakterizonte kurajoja per te kaluar veshtiresite.

Kapitullimi i komunizmit Benit i dha lirine. Ai u kthye ne familje pas shtatembedhjet vjet e gjysme kohe te humbur. Tanime ne kushte te veshtira ekonomike-shoqerore Beni ndertoi familje duke vene kurore me Emine Mamo. Nga kjo kurore linden dy vajza Juxhesta edhe Era, bija keto te mrekullueshme qe u bene stolia shpirterore e ciftit martesor.

Familja e Benjaminit u shtua, u be me kater pjestare. Kjo nje familje normale qe ne perpjekje per te gjetur nje jete me te mire,autostrada e jetes i coi ketu ne token e premtuar ne SHBA. Benjamini iu kushtua rritjes edhe shkollimit te vajzave edhe ju gezohej rezultateve te shkelqyera te tyre ne shkolle.

Benjamini nderroi jete ne nje kohe kur vajzat e tij e quajne te parakoheshme mbasi kerkonin qe babes te tyre te mrekullueshem ti jepnin me shume gezime deri sa ai te perfitonte privilegjin e te qenurit gjysh.

Zotit i qofshim fale:

Ai i ka rezervuar sukseset e vjazave qe ne jeten e tyre ti japin gezime te shumfishta nenes se tyre Eminese.

Benjamin! Ne emrin tim dhe te familjes time jam ketu te te them lamtumiren e fundit.

-Beni! Do te te duam kur ti te percillesh per ne banesen e fundit te mos derdhen lote grarie sepse vdekja jote eshte e lumtur tani ne fundit e asaj jetes tende te mireperdorur.

-Ashtu edhe ti o shpirt bujar derdhe energjine e jetes tende per te kerkuar liri edhe drejtesi.

-Beni! Sipas amanetit tend bashkeshortja tende e nderuar dhe vajzat e tua engjellore do te te shpien te flesh shume i qete ne token Shqipetare, qe ti e deshe gjithe jeten me teper sesa shpirti.

… – Shpirti jot u prefte ne paqe ! Lamtumire !

 

Muharrem Xhydollari