Komunitet – Page 280 – Dielli

Nderohet veprimtari Harry Bajraktari

July 1, 2015 by dgreca

Foto: Adem Belliu-Prishtine
Një nga personalitetet më të shquara të komunitetit shqiptaro-amerikan, Harry Bajraktari, i cili më shumë se tri dekada ka dhënë kontributin në promovimin dhe afirmimin e çështjes së Kosovës, u nderua në një solemnitet të mbajtur sonte në Prishtinë nën patronazhin e ministrit të Diasporës, Valon Murati.
Në këtë ceremoni, ku morën pjesë edhe presidentja e Republikës, Atifete Jahjaga, ministra të kabinetit qeveritar, deputetë të Parlamentit të Kosovës, akademikë e personalitete të tjera të shquara nga jeta shoqërore dhe kulturore shqiptare, Bajraktari u konsiderua si një nga figurat kryesore të lirisë së Kosovës.
Me këtë rast, ministri Murati, tha se Bajraktari nuk kurseu asgjë për t’ia siguruar popullit të vet lirinë. Sipas tij, falë angazhimit të tij dhe bashkëkombësve të tjerë, Kosova sot është e lirë nga shtypja e një regjimi të dhunshëm të cilin e kishte përjetuar për një shekull”, tha Murati.

Murati: Falë angazhimit të Bajraktarit, Kosova sot është e lirë

Ai punës së rëndë dh e të pandalshme për një standard më të lartë të jetës së tij ia shtoi edhe përpjekjet e vështira për t’ia siguruar popullit të vet lirinë. Nuk kurseu asgjë nga vetja e tij për këtë qëllim. Punën intelektuale, shkathtësitë bindëse, pozitën shoqërore, mjetet financiare dhe gjithçka kishte në dorë. Falë angazhimit të tij dhe bashkëkombësve të tjerë, Kosova sot është e lirë nga shtypja e një regjimi të dhunshëm të cilin e kishte përjetuar për një shekull”, tha Murati.
Ceremoninë e nderoi edhe prania e mysafirit special, mikut te shqiptarëve për më shumë se 25 vjet në Kongresin Amerikan dhe mik personal i Bajraktari, kongresmeni Eliot Engel. Në një fjali rasti ai foli gjatë për miqësinë e ngushtë dhe të përzemërt që e ka me Bajraktarin.
Engel: Gjatë punës sonë të përbashkët kemi punuar që Kosova dhe SHBA të jenë mike

Harry është dëshmia e gjallë se një person i vetëm mund të bëj ndryshime dhe ai me të vërtet e ka bërë këtë ndryshim. Dhe gjatë tërë asaj pune të përbashkët ne gjithmonë kemi punuar që Kosova dhe Shtetet e Bashkuara të qëndrojnë si mike dhe aleate të njëra tjetrës. Dhe gjatë këtyre 7 viteve të mia në Kongres gjithmonë kemi punuar që SHBA dhe Kosova të jenë miq të mirë dhe të afërt, tha Engel.
Ambasadori i Shqipërisë në Kosovë, Qemal Minxhozi, tha se Bajraktari me angazhimet e tija, ka arritur që ta kthejë dinjitetin e Kosovës.

Minxhozi: Bajraktari e zbatoi në praktikë thënien e John Kenedy

Herry Bajraktari, shkoi në Amerik ë në atë kohë kur në rininë e vet dëgjoi fjalët e presidentit John Kenedy, i cili tha: “mos kërko ç’do të bëjë vendi për ty, por çfarë do të bësh ti për vendin”. Dhe Herry Bajraktari këtë e zbatoi në praktikë duke u bërë një njeri i suksesshëm në të gjitha fushat. Është e vështirë të ndash ekonominë nga politika, është e vështirë të ndash Kosovën nga Amerika, është e vështirë të ndash të gjitha përpjekjet që ai bëri, që Kosova të marrë vendin, dinjitetin edhe në arenën ndërkombëtare”, tha Minxhozi.
Ai shtoi se kontributi i tij nuk ka qenë vetëm për Kosovën, por për mbarë kombin shqiptar, duke marrë nderimet më të larta nga shteti i Shqipërisë.
Vetë Harry Bajraktari në fjalën e tij të rastit e kujtoi rrugëtimin e vet për në SHBA, që në moshën 12 vjeçare, duke bërë edhe falënderime ndaj prindërve të tij dhe popullit Amerikan.
Bajraktari: Jeta ime deri këtu ka qenë rrugëtim i gjatë
“Kjo histori e rrugëtimit të familjes sime për në SHBA, para 46 vjetësh, kishte shpresën e besimit të madh, në një kohë kur Kosova i vuante të gjitha të këqijat nën sundimin e ish-Jugosllavisë dhe Serbisë. Ky udhëtim i gjatë me babanë, nënën dhe tri motrat, kur i kisha vetëm 12 vjet, më ka shoqëruar gjatë gjithë jetës… Nga këtu dëshiroj t’i falënderoj prindërit e mi për sakrificën e vullnetin që patën, sidomos SHBA-të që jo vetëm që na pranuan dhe na bënë pjesë të tyre, por na ndihmuan për të arritur qëllimet tona për lirinë dhe pavarësinë e Kosovës, që aq gjatë vuajtëm dhe pritëm”, tha Bajraktari.
Në këtë ditë, po ashtu u shënua edhe fillimi i “Muajit të Diasporës”. Me këtë rast, ministri Murati thekso i rëndësinë e hartimit të regjistrit të diasporës dhe mërgatës, duke u bërë thirrje të gjithë bashkatdhetarëve që t’i përgjigjen thirrjes për regjistrim. /B.S/

MIQTE E PROF. SAMI REPISHTIT, Simpozium ne New York, me rastin e 90 Vjetorit te LINDJES

July 1, 2015 by dgreca

L A J M E R IM – A N N O U N C E M E N T/
Miqte dhe koleget e Sami Repishtit- Friends and colleagues of Sami Repishti; Keshilli Kombetar Shqiptaro-Amerikan-The Albanian-American National Council
Instituti Mbarshqiptar “Alb-shkenca”- The Pan-Albanian Institute “Alb-shkenca”, ForumiDemokratikShqiptar-Amerikan- The Albanian American Democracy Forum
Shoqata “Rrenjetshqiptare”- Association “ The Albanian Roots”

Organizojne nji – Organize a…

S Y M P O S I U M
“Jeta dhe Vepra e Humanistit Shqiptaro-Amerikan- “ The Life and Work of the Albanian-American Humanist Sami Repishti, Ph.D.
University of Paris and The City University of New York/
Edukator, autor, demokratparimor, intelektualjo-konformistdheveprimtar per tedrejtat e njeriut Educator, author, principled democrat, non-conformist intellectual, and activist
for human rights me rastin e 90 vjetorittelindjes— on the occasion of his 90-th birthday ( 5 .VII.1925 )
Vendi/Location:
The International House – Hall of History, 2nd floor/ 500 Riverside Drive, N.Y.C. New York, 10027/
Data/Date:
E Shtunde 18 korrik 2015 Ora: 01:30 – 05:00
Saturday :18 July 2015 Time: 13:30 – 17:00
========================================
“…. Per mendimintim, prof.dr. Sami Repishti qendron ne kryeteintelektualevetediasporesshqiptaro-amerikane. Ai eshtepasardhesidenjeiRilindasve, sepsekazbatuar me besnikeriidealet e tyretelarta”. (Peter R. Prifti, autordhe historian)

“…In my opinion, prof.dr. Sami Repishti stands at the top of the list of Albanian American intellectuals. He is a worthy disciple of the Albanian Renaissance leaders, as he has faithfully pursued their lofty ideals”. (Peter R. Prifti, author and historian)
==========================================================

Artistët shqiptarë-amerikanë festuan së bashku në Districtin Meatpacking të Nju Jorkut

June 30, 2015 by dgreca

APEN – Rrjeti i Sipërmarrësve dhe Profesionistëve Shqiptarë Amerikanë, në partneritet me artistin Alkan Nallbani organizoi, në Nju Jork, për të katërtin vit në radhë më 27 – 28 qershor ekspozitën POP-UP – ku morën pjesë 15 piktorë me 35 piktura te ndryshme./

Nga Beqir SINA – New York City/

NEW YORK, New York (27 qershor 2015) – Një organizatë zyrtare jo-fitimprurëse në Nju Jork, e përkushtuar për të shërbyer në mynyr profesionale komunitetit shqiptaro-amerikan, e cila në vazhdim është në partneritet me një artist i njohur shqiptar dhe kuratorë Alkan Nallbani për vitin e katërt me radhë, në galerin “22 Pak West “, hapi ekspozitën POP-UP! duke e kthyer atë në një festë të artistëve shqiptar dhe si një vitrinë e talenteve të komunitetit shqiptar në zonën e njohur Districti Meatpacking të Nju Jorkut.

Alkan Nallbani i cili ka kuruar të katërta ekspozitat, shprehet se ko ekspozitë punon të tregojë të gjithë botën artistike shqiptare, duke përfshirë artistë të ndryshme që vijnë nga Shqipëria, Kosova, e viset shqiptare, Italia, Kanadaja dhe diaspora në metropolin e botës qytetin e New Yorkut.

Nallbani, i cili ka qenë e njohur për punën e tij në mbarë botën, dhe për të shfaqur disa prej veprave të tij, ai gjithashtu ka përzgjedhur për çdo nga talnetet shqiptare, për ti promovuar ata para publikut amerikan.

Aktiviteti për çdo vjet mundësohet nga Rrjeti i Sipërmarrësve dhe Profesionistëve Shqiptarë Amerikanë – APEN, organizata e vetme joqeveritare ne kete fushe, që i shërben komunitetit shqiptaro-amerikan. Një nga bashkëpunëtorët më të rëndësishëm, të saj është artisti dhe kuratori shqiptar i këtij aktiviteti, Alkan Nallbani.

Është emocionuese për mua që të punojmë me APEN – për të çel ekspozitën Pop-up! dhe të tregojmë në lagjen e artistëve njujorkez – Districtin Meatpacking, artin e kulturë shqiptare tha Nallbani. “Nuk është sigurisht një aspekt personal për mua kur punojmë me talente të mrekullueshme të komunitetit tonë shqiptar. Unë jam shumë krenar për të marrë pjesë në një ngjarje të tillë artistike që feston bukurinë artit, talentit, dhe kulturën tonë, në Nju Jork “thote ai.

Që nga viti 2007, APEN – Rrjeti i Sipërmarrësve dhe Profesionistëve Shqiptarë-Amerikanë, në një shumëllojshmëri në saj të aktiviteteve të organizuara prej saj brenda zonës së Tri-shtetshit, ka krijuar një mjedis mbështetës për të treguar dhe promovuar arritjet brenda komunitetit shqiptar dhe individët në fusha të ndryshme të jetës.

“Shqiptaro-amerikanët, kanë qenë pjesë e rrahjes së “zemrës” së qytetit të New Yorkut, për dekada të tëra”, thotë një nga udhëheqësit e APEN, Nick Nikic, duke vazhduar se “APEN është i nderuar për të shfaqur edhe një nga aspekt të komunitetit tonë në një prej lagjeve më të njohur në Manhattan.”

Në këtë ekspozitë morën pjesë 15 piktorë me 35 piktura nga stilet më të ndryshme : vaj e cila është paksa si më e përgjithëshme, mix media, teknikë e përzier, projekte, istrulacione, video , vizatime pak ashumë ekspozita ka pasur një pluralizëm stilesh dhe subjektesh duke ekspozouar për dy ditë me rradhë në një nga lagjet më të famshme të qytetit të Nju Jorkut – Manhattan.

Veprat e tyre, u përkasin piktorëve më të shquar me karrierë ndërkombëtare duke u prezantuar para një publiku, të gjërë artistësh profesionistë, shqiptar dhe amerikan, afaristë, studentë e studente të artit dhe kulturës në edicionin e katërt të këtij aktiviteti të titulluar “Pop-up”.

Artistët pjesëmarrës simbas kuratorit ishin: Alfred Mirashi Miloti; Artan Shabani; Bekim Zeqiri; Bertol Dragani; Blerti Murataj; Emil Bakalli; George Pali; Gjon Izano; Ilo Oxa; Klodian Deda; Klodiana Alia; Lorena Kalaja; Nazmi Hoxha; Pajtim Osmanaj; Yllka Gjollesha.

Nallbani i cili është një piktor i talentuar dhe veç kësaj ai deri më sot ka kuruar ekspozita të ndryshme në mbarë botën, puna e të cilit njihet edhe në skenën ndërkombëtare, në “Pop-up” ka shpalosë edhe disa prej veprave të tij, bashkë me veprat e përzgjedhura të artistëve që u prezantuan të shtunën dhe të dielën në këtë ekspozitë.

APEN -in, ai e quan se është themelor, ndërsa shton se “pa këtë organizatë anëtarët e saj dhe donatorët, që na ndihmojnë për çdo vjet do të ishte e pa mundur të krijomë këtë hapsirë kaq fantastike, mu në zemër të Nju Jorkut – Mahattan, pra të arrijmë të bëjmë të mundur një aktivitet të tillë cilësorë dhe me vlera të larta artistike .

Ai tha se “Është emocionuese për mua të punoj me APEN për ‘Pop-up’, ekspozitë e hapur për dy ditë në ‘Meatpacking District”, dhe vazhdon se” që nga viti 2007 APEN ka shërbyer si urë lidhëse e qindra shqiptaro-amerikanëve, në industri të ndryshme brenda hapësirës së tri shteteve, duke krijuar ambjent mbështetës për të shënuar arritjet e shqiptarëve.”

Nallbani në vitin 1996 emigroi në Itali, ku ende jeton dhe punon. Ka krijuar lidhje të mira artistike edhe në SHBA dhe jeta e tij zhvillohet midis Nju Jorkut dhe Firences.

Në intervistën përgazetën tonë, Alkan Nallbani rrëfen rolin e tij në punën me talentet shqiptare, që janë në komunitetin tonë shqiptar në Amerikë, por edhe nëpër Europë e gjetkë. Sipas tij aktiviteti i “Pop-up” promovon artin, talentin dhe kulturën e artistëve shqiptarë.

Kjo, është e katërta ekspozitë që une jam kurator, i saj, spejgon Nallbani, në metropolin botëror Nju Jorkun. “Kemi filluar në një situatë paksa të vështirë do të thoja, por me një dëshirë të madhe , tha ai duke filluar qysh nga ajo kohë ky eveniment ka radhur duke u përmisuar jashtëzakonishtë – gjithëmon e më mirë. Jo vetëm në cilësinë e artistëve por edhe në subjekte, cilësinë por edhe me prejardhjet e ndryshme jo vetëm nga Nju Jroku- por edhe nga vëndet e tjera deri nga Shqipëria, Italia dhe Kanadaja.

Cilat janë risit në të cilat vijnë artistët nga njëra ekspozitë në tjetrën ?

Kemi pasur gjithmonë shumë projekte, interesante që unë i shofë si risi të veçanta! Është si për shembull ai projekti “Po jap jetë nga jeta ime”, i cili krijon nga një histori personale dhe e zhvillon atë më tepër, duke na dhën një të përgjithëshme, që si e ndien një i ri në botën e artit dhe se çfarë duhet ai të përballojë nga hera për t’u bërë i suksesshëm. Pajtimi Osmanaj ka pikërisht një pikturë të re, të cilën nuk e kisha parë më përpara, e cila është e bukura e Nju Jorkut, të afirmuar në vetvete në cilësinë e saj, kualitet dhe stil. Është, një ndihmë e madhe edhe për ne, por edhe për të gjithë artistët gjithë ky bashkëpunim për të ekspozuar në këtë ekspozitë, e cila, është e katërta në radhë. Gjithashtu, shikojë po të njëjtën gjë edhe tek artisti Blerti Murataj, shumë interesantë për nga mynyra e realizimit të saj artistik, mbasi e kam ditur qysh më përpara se Blerti ishte marrë me videon dhe fotografinë, por, kjo për mua ishtë ndoshta një freski – shtesa e motiveve shqiptare i ka dhënë diçka më personale dhe më të veçantë. Risi, do të thoja është edhe piktura e profesor Bashkimit( njëhereshit ish profesori im në Akademinë e Arteve në Tiranë) është paksa më ndryshe nga ajo që jemi mësuar me pikturat e tij, bazuar në portrete, në veprat e Kadaresë, që normalisht, ka edhe në figura dhe pejsazhe . Secili prej artistëve në këtë ekspozitë, është i “mbyllyr” në vetvete duke na sjell të gjitha stilet dhe po të flasë për seclin prej tyre nuk mund të mbarojë kurrë…

Po kur jemi tek suprizat cilat janë ?

Por, një suprizë ndeshim te hiperealisti Ilo Oxa, të befason me magjinë e detajeve, atje ku një sy i lirshëm e ka të pamundur të depërtojë. Emil Bakalli derdh ngjyrat plot energji e mjeshtëri mbi thasë liri e ajo ngjyra kthehet në materie për të shprehur forma të zhdervjellta. Alfred Mirashi (Milot), sjell disa piktura të ekzekutuara gjatë periudhës së rezidencës njujorkeze. Fotografia e Yllka Gjolleshës mbart një simbolikë të rallë, që më tërhoqi vëmendjen për mesazhin e thellë, e na kujton se Shqipëria është thesar subjektesh.

Përcjellur në mesazhin e saj është që ishte “Mundësit e pafundme – realiteti ynë , artistët tanë, që jetojnë e punojnë në Nju Jork e rreth tij, japin shumë jo vetëm për ne shqiptarët, por edhe më gjërë – mundësinë e njohjes nëpërmjet artit tonë publikut Amerikan dhe shkëmbimin kulturorë në mes të kulturave të ndryshme në këtë botë të mrekullueshme të artit siç është Nju Jorku.”

Edhe pak rreth krijimtarisë suaj, me çfarë përfaqësoheni ju në artin bashkëkohor nëpër botë?

Në këtë intervistë do të evitoja promocionet personale, ndoshta në ekspozitat e mia të ardhme do e kem atë mundësi, por në këtë rast, yjet janë artistët, atyre që përmenda më lart u takojnë meritat. Unë do të kem kontakte të tjera me ta. Desha të shtoja që jam duke bërë përzgjedhjen nga artistët shqiptarë për ekspozitën e inagurimit të galerisë së re të mikut tonë bujar, Gergj Pali në Stamfort, Konektikat, ku do të jem në fillim të vjeshtës.

Kurse, piktori i talentuar pjesëmarës i dis prej këtyre ekspozitave në Nju Jork, Ilo Oxa tha përgazetën tonë :” Ishte me të vërtet një esperiencë shumë interesante ekspozita “Pop-up” organizuar e realizuar me shumë profesionalizëm. Mes punëve të artistëve pjesmarrës ndihej një energji tipike shqiptare edhe në ndryshim të mënyrës dhe moshave të artistëve. Një rrugë e përbashkët në kërkim të sê bukurës ku kuptohej qartë se mundësia për të lexuar madhështinë e mistershme të New Yorkut, te çdonjeri prej artistëve pjemarrës kishte lënë akoma shumë vështirësi përpara” thote piktori i talentuar Ilo Oxa/

NE FESTEN E MBYLLJES TE VITIT SHKOLLOR

June 29, 2015 by dgreca

*Nxënësit e Shkollës Shqipe “Alba Life” festuan mbylljen e vitit mësimor akademik 2014-2015/

*Senatori amerikan Martin J.Golden dhe Ansambleisti i parë shqiptar i shtetit të Nju Jorkut z.Mark Gjonaj midis nxënësve të shkollës shqipe “Alba Life”/

Nga Keze Kozeta Zylo/Mësuesit, Nxënësit, prindërit dhe bashkatdhetarët shqiptarë të shkollës shqipe “Alba Life” që operon në tri lagje të Nju Jorkut si: Staten Island, Brooklyn dhe në Manhattan festuan plot sukses dhe krenari përfundimin e vitit mesimor akademik 2014-2015.Aktiviteti tejet festiv u zhvillua në restorantin “Siriko” në Brooklyn. Salla e rregulluar me plot shije dhe elegancë dominonte nga ngjyrat kuq e zi, ngjyrat e Flamurit tonë Kombëtar, ndërsa nxënësit dukeshin si degëza yjesh dhe e ndriçonin dhe më shumë atë mjedis të kulturuar.

Nxënësit të veshur bukur dhe me gezim të papërshkruar në ninëzën e syve të tyre takoheshin me njeri-tjetrin gjithë mall dhe dashuri. Sa shpejt miqësohen fëmijët, sa shumë ata do t’i kujtojnë bangat e shkollës shqipe gjatë jetës, sepse aty ata u njohën me njeri-tjetrin, ata u njohën si shqiptarë. Një ditë ata kur të rriten, të jenë bërë profesorë, inxhinierë, doktorë apo profesione nga më të ndryshmet, pse jo, dikush dhe President i Amerikës, mund të bëjnë një festë bashkimi dhe të kujtojnë me nostalgji vitet e arta të mësimit të Gjuhës Shqipe që edhe pse lindur dhe rritur larg Atdheut të të parëve, prindërit e tyre i sollën me kënaqësi pranë Shkollës Shqipe “Alba Life”.

Nuk ka qenë e lehtë për të arritur deri këtu, rruga ka qenë e gjatë me sakrifica, pasi vështirësitë janë nga më të ndryshmet, por fal përpjekjeve së bashku me mësueset dhe prindërit kemi arritur suksese të njëspasnjëshme. Këtë vit nxënësit tanë dhanë një sërë programesh serioze para publikut si në festën e Flamurit, në festat e fundvitit 2014, ditën e 7 Marsit, Festivalin e Shkollave Shqipe në Diasporë dhe pjesëmarrjen energjike në Paradën Internacionale në Manhattan, ku parakalojnë të gjithë shqiptarët të udhëhequr nga organizata “Rrënjët” me president të saj z.Marko Kepi, dhe së fundi në mbylljen plot sukses te vitit shkollor. Në Festivalin e dytë të shkollave shqipe, stafi i saj, mësimdhënësit e shkollës shqipe u vlerësuan me çmim mirënjohjeje nga Ansambleisti i shtetit të Nju Jorkut z.Mark Gjonaj.Kështu ndodhi dhe me këtë aktivitet në fundviti ku nxënësit u bashkuan në një mbrëmje të bukur festive ku kërcyen dhe kënduan në Gjuhën Shqipe.

Në këtë mbrëmje u shprehën falënderime për pjesëmarrje të shoqatave të ndryshme si: shoqata “Ana e Malit” me kryetar Ismet Kurtin, shoqata “Dibra” me kryetar të saj Musa Paçuku si dhe të disa personaliteteve që nderuan me ardhjen e tyre si Dr.Ismet Luka, aktori Marko Caka, pronarët e restorantit Mezzaluna Bistro në Nju Xhersi, Adi dhe shkrimtarja Sabije Veseli.Aktori i Marko Caka për të cilin TV Alba Life ndihet krenar që e ka dhënë të parin në intervistë para ekranit për teleshikuesit e tij përshëndeti gjithë nxënësit dhe stafin e shkollës dhe iu uroi atyre punë të mbarë.

Programi artistik në Shqip nga nxënësit

Aktivitetin e moderoi Kozeta Zylo bashkëthemeluese e shkollës Shqipe dhe mësuese për dhjetëra vite pranë fëmijëve të Diasporës Amerikane.Programi u hap me Hymnet Kombëtare, Amerikane dhe Shqiptare interpretuar nga artistet Lindita Mezini Lole dhe Dëshira Ahmeti Kerliu shoqëruar nga të gjithë bashkatdhetarët që morën pjesë në këtë festë të bukur.Sipas traditës u këndua hymni i shkollës shqipe “Gjuha Shqipe Gjuha jonë” interpretuar nga dy nxënëse të talentuara Sabrina Lulanaj dhe Eda Kulla, kompozuar nga artisti Petrika Melo këngë që hap Festivalet e Shkollave Shqipe në Diasporë.Vazhdoi me këngën “Jam Shqiponja” kënduar nga Anisa Bacja, shoqëruar nga grupi i valltarëve të shkollës shqipe në Manhattan me mësuese znj.Liza Pllumbi ku më duhet të shtoj se shkolla shqipe në Manhattan u hap për herë të parë në historine e Diasporës në tetor 2014, në bashkëpunim me mësuesen Pllumbi. Recitoi plot konfidencë nxënësja Melinda Djinovic e cila ishte dhe prezantuese e programit për Shkollën Shqipe “Alba Life” në Festival.Sabrina Velo ka befasuar me recitimin e saj pasi ajo ka vetëm një vit që ka ardhur në shkollë dhe ka mësuar mrekullisht të kuptojë dhe të flas shqip.Nxënësi dibran Arsi Muda recitoi vjershë nga Asdreni, interpretimet e të cilëve u mirëpritën me duatrokitje nga arsimdashësit e shumtë.

Senatori veteran i shtetit të Nju Jorkut z.Martin J. Golden nderon me çertifikatë mirënjohjeje Shkollën Shqipe “Alba Life”

Ardhja e senatorit te shtetit te Nju Jorkut z.Martin J.Golden në këtë mbrëmje festive për mbylljen e vitit akademik shkollor 2014-2015 u prit me duartrokitje të nxehta nga të gjithë dashamirësit e shkollës Shqipe që ndodheshin në sallë. Senatori Golden i dorëzoi themeluesit dhe drejtorit të shkollës Shqipe “Alba Life” z.Qemal Zylo çertifikatë mirënjohje me këtë motivacion:I jepet Shkollës Shqipe “Alba Life” në mirënjohje për vlerësimin e kontributit ndaj komunitetit shqiptaro-amerikan dhe për përkushtimin dhe angazhimin në edukim.Dr.Valbona Watkins ka prezantuar para gjithë pjesëmarrësve Senatorin Golden dhe në emër të gjithë mësuesëve dhe nxënësve i ka uruar mirëseardhjen. Dr.Watkins shtoi se Senatori Golden e ka për herë të dytë që viziton Shkollën Shqipe ku disa prej nxënësve që kanë qenë para tri vjetësh e kujtojnë me nostalgji dhe dashuri bashkëbisedimin e ngrohtë që Senatori Golden pati me ta në një ditë shkolle në Brooklyn në vitin 2012. Ardhja e Senatorit Golden u përshëndet gjithashtu me një valle shqiptare me tekst “Një lahutë dhe një Flamur” kënduar nga Eda Kulla dhe shoqëruar nga nxënësit e shkollës shqipe në Brooklyn me koreografi nga Afërdita Kacupaj.

Qemal Zylo i ka dhuruar Senatorit Amerikan një shall shqiptar me ngjyrat e Flamurit Kombëtar i cili e ka mbajtur në qafë për sa kohë qëndroi aty. Senatori Amerikan Golden ka përshëndetur gjithë shqiptarët dhe tha se ka shumë lidhje me komunitetin shqiptaro-amerikan si dhe vlerëson dhe çmon traditat e mrekullueshme shqiptare që vazhdojnë t’i mbajnë gjallë dhe në Amerike në vendin më demokratik të botës.Me senantorin amerikan mësuesit dhe nxenësit bënë një fotografi së bashku në shenjë kujtimi.

Ansambleisti i shtetit të Nju Jorkut z.Mark Gjonaj midis nxënësve shqiptarë

Zoti Mark Gjonaj është si një shqiponjë në ballë të Flamurit pasi jo vetëm që është shqiptari i parë i zgjedhur në Ansamblenë e shtetit të Nju Jorkut, por me dashuri, krenari dhe përulësi merr pjesë pothuajse në të gjitha aktivitetetet e rëndësishme që zhvillon Diaspora shqiptare në Nju Jork. Ansambleisti Gjonaj merr pjesë jo vetëm në zonën elektorale të zgjedhësve të tij, por kudo ku ka shqiptarë. Zoti Gjonaj të befason me energjinë pozitive që çliron dhe të frymëzon për te mos e ndalur punën e bukur dhe të kualifikuar. Zoti Gjonaj shpeshherë më duket si një simbol i bukur shqiptar, ai duket simboli i Bashkimit Kombëtar, ngase di të komunikojë, të rrëmbejë zemrat e pjesëmarrësve dhe t’i bashkojë ata rreth Flamurit Kombëtar. Përshëndetja e z.Gjonaj ishte tejet mbresëlënëse, frymëzuese duke falënderuar të gjithë pjesëmearrësit, prindërit, mësuesit, nxënësit e shkollave shqipe. Mësojeni gjuhën shqipe, traditat e mrekullueshme të popullit shqiptar se duke u rritur me to bëheni më të ndjeshëm dhe më të ditur për rrënjët e të parëve tuaj vazhdoi Zoti Gjonaj. Ai falënderoi themeluesit e shkollave shqipe Alba Life duke e quajtur drejtorin e saj z.Qemal Zylo si një superman dhe njëkohësisht i uroi të gjithë ata për punën aq patriotike që po bëjnë.Qemal Zylo ka ftuar gjithë mësueset në skenë si: Aferdita Kacupaj, Lavdie Misku, Entelea Elezi, Liza Pllumbi, Dr.Valbona Watkins dhe asistentet si: Entela Neri, Laureta Cinari, për t’ju shprehur mirënjohjen për punën e tyre plot përkushtim dhe devotshmëri në mësimin e gjuhës shqipe dhe iu ka dhuruar secilës nga një buqetë me lule. Një buqetë me lule i është dhuruar dhe mësuese Adelina Lacaj e cila ka qenë ndër bashkëpunëtoret e para të këtij programi mësimor të Gjuhës Shqipe.Në fund Qemal Zylo së bashku me z.Mark Gjonaj iu ka shpërndarë çertifikatat e mësimit të gjuhës shqipe të gjithë nxënësve që mbaruan vitin akademik mësimor 2014-2015.Secili nxënës kishte dëshirë dhe kënaqësi të kishte një fotografi me z.Mark Gjonaj fotograi që do të ngelet gjithë jetën në kujtesën e tyre. Sipas traditës mbi tavolinë është sjellë torta të cilën e ka ndarë nxënësi më i vjetër i shkollës shqipe, një nxënës i shkëlqyer jo vetëm për shkollën shqiptare, por dhe për shkollën amerikane Oresti Salillari.Të gjithë dashamirësit e shkollës shqipe, prindërit, mësuesit dhe nxënësit janë argëtuar nga këngët e interpretuara nga artistja e talentuar Lindita Mezini Lole shoqëruar nga DJ artisti Andrea Lole.Të gjithë pjesëmarrësit u shpërndanë plot gëzim dhe dashuri ngase kishin kaluar një ditë të bukur kulturore të mbushur plot me emocion, mbresa dhe krenari për shkollën Shqipe “Alba Life” e cila ka vite të tëra që u mëson shqip fëmijëve shqiptarë në Diasporë.

27 qershor, 2015

Brooklyn, New York

KRIJUESIT E DIASPORES- FATJON PAJO ME “FTESE NGA LARG”

June 27, 2015 by dgreca

Nga Albert ZHOLI*/

Mbrëmja po vinte disi e zhurmshme në qendrën e Tiranës. Të gjithë dukej sikur nxitonin nëpër rrugë. Me çantën e krahut Fatmir Jançe po shkonte drejt parkut “Rinia”, si i vetmi vend i përshtatshëm takimi mes miqve dhe atyre që i takon për herë të parë. Natën e shkuar, ende pa u rrehatuar e çmallur me vëllezërit dhe nënën kishte kryer disa telefonata. Të parën xha Andonit, në qytetin “F”. E kishin lënë të takoheshin në orën pesë Tek “Tajvani” në anën jugore me pamje nga shatërvani. Fatmiri s’e njihte atë personalisht, por shoku i tij, Bekim Lira, për t’ia bërë edhe më të lehtë mundësinë e njohjes me të i kishte futur në zarf disa foto të familjes. Nën rrezet perënduese të diellit pasditja po i ndillte ngrohtësi në sy Fatmirit, ndërsa me hapa të shpejtë kapërceu tek Shallvaret urën mbi Lanë dhe po i afrohej lokalit. Hapat e tij nëpër hapësirat e lira të trotuarit përqark shatërvanit s’po i komandoheshin. Vinte i malluar në qytetin e tij të dashur pas plot katër vitesh. S’e pati të vështirë ta njihte xha Andonin. E gjeti të ulur diku në një nga tavolinat pranë derës kryesore. Plaku pa e hequr republiken nga koka, kishte hapur “Panoramën” dhe me syzet optike të varura mbi hundë lexonte artikujt e saj në 6 Një ftesë për larg Fatjon Pajo 7 heshtje. -Xha Andoni?! –u shfaq para tij paksa i ndrojtur Fatmiri. -Pooo, unë jam. –uli gazetën dhe ngriti sytë plaku. –Po ju, Fatmiri? –me pak mundim u ngrit të përshëndetet me të. -Po, –buzëqeshi lehtë Fatmiri, -unë jam. –u takuan sikur të ishin miq të njohur vitesh. -Urdhëroni, uluni. –zuri vend xha Andoni dhe vështroi nga kamarieri, djaloshi bjond me tabaka në dorë. I bëri shenjë edhe për një kafe tjetër. -Si ju eci rruga? I gjetët mirë këtej? Andej si i kemi ata? Çikago ka klimë të egër. Fatmiri shihte portretin e xha Andonit dhe brenda vehtes iu shfaqën të freskëta fjalët e Stiljanës, mbesës së plakut flokëbardhë, “Ndihmoi pak xhaxhi Fatmiri për në Ambasadë. I dua këtu!” dhe nuk e mbajti dot të qeshurën. Harroi se ndodhej në tavolinën e një të moshuari. Xha Andoni u step dhe hoqi syzet të shihte më qartë. Veprimi i të porsa njohurit ia dyzoi paksa mendimet. “Ka ndonjë gjë që nuk shkon këtu, o zotëri!” –mendoi dhe u tërhoq paksa prapa. Zemra nisi t’i rrahë më shpesh. Rrotulloi sytë më kot për të gjetur një shkak të atij veprimi. -Më fal xha Andon, -ndërpreu të qeshurën Fatmiri, -qesha me mbeskën tuaj, Ajo më dha urdhër të takohem me ju. -e vështroi gjatë në sy, -Mezi ju pret. -Sakaq nxorri nga zarfi fotot dhe ia dha t’i shihte. -Është zbukuruar goxha jot-mbesë dhe po na nderon të gjithëve. Xha Andoni vendosi syzet përsëri dhe nën ethe emocionesh të mëdha shihte e puthte celuloidet njëlloj sikur t’i kishte fizikisht aty. E kishte këput malli për ta. -Ah, ç’më lehtësove shpirtin me këto Fatmir! -ngriti sytë e mezi u mbush me frymë. Për xha Andonin e sidomos për nënë Edijen s’kishte qenë aq e lehtë ndarja prej saj. Megjithëse flasin shpesh përsëri aty e kanë mendjen. Ecuria e shëndetit të Stiljanës ishte për ta një plagë që u dhimbte çdo ditë. Shihte shokun e dhëndrit dhe zarfin para duarve dhe i dukej se po fliste me vetë Bekimin ato çaste. Aq emocione kishte sa s’po e mbante karrigia. Vitet e fundit mbante me vehte qetësues për normalizimin e zemrës, e cila kishte filluar t’ia tundte herë pas here zilkën e arritmisë. Piu një “Advil” dhe duke ndjerë shijen e hidhur të saj në fyt iu drejtua mikut: -Do t’më kalojë, bir! -mundi të mërmërisë dhe rrufiti pak kafe. -I ke vënë re ato pemët e vjetra kur u përkulen degët dhe u thahen pak e nga pak! Ja ashtu bëhemi edhe ne, zbardhemi, kërrusemi, kollitemi dhe pa vetëdije ngrejmë zërin duke u kacavjerrur ditëve të mbetura të jetës pas rritmit të kohës. Por kur është për të mirë dimë të përmbahemi. -gjegji dhe sytë iu mbushën me lotë. -Sa mirë që u takuam! Mos m’i verë re lotët, këta janë lotë gëzimi, janë lotë shpirti në ripërtëritje. –nisi bisedën ai dhe duke vështruar gjatë fotot si në film dokumentar solli atë copëz kohe të vështirë të tranzicionit nëpër të cilën ishte endur familja e së bijës, veçmas nga sëmundja e papritur e mbesës së vogël. Shpesh ai luste Zotin për ‘të të bëhej mirë. Dhe ajo, po u dërgonte nga Amerika e largët dhuratën më të çmuar, ftesën për të marrë pjesë në gëzimin e saj…

*Doli në qarkullim novela “Një ftesë për larg” me autor Fation Pajo

Përgatiti për botim: Albert Zholi

Faqe: 85

Çmimi: 400 lekë

Hyrje