Valdete Cenalia Dida/

Puna intensive me dedikim për ruajtjen e gjuhës shqipe është gjithashtu një faktor i rëndësishëm dhe kur këto kombinohen se bashku dhe talentin që ekziton brenda saj del në pah besoj e shikojnë të gjithë tek shkolla shqipe ku drejton. Në fakt, është një vajzë me origjinë nga Struga e lindur dhe rritur në Amerikë, ajo quhet Gonxhe Meta! Profesioni i saj në realitet nuk është i mësuesisë, por ajo vepron dhe jep mendimet e saj si një profesoreshë e mirëfilltë. Shpeshherë kur ne bisedojmë në lidhje me objektivat dhe synimet se si të arrijmë që nxënësit të thithin më shumë dhe të flasin qartë gjuhën tonë të bukur shqipe, ajo n’a ndigjon me vëmendje dhe i vendos si objektiva që duhen të arrihen deri në mbylljen e vitit tek shkolla shqipe. Ajo jo vetëm e flet gjuhën shqipe por dhe e shkruan pa asnjë gabim fjalitë. Synimi im -thotë, gjithmonë është që të trashgojmë gjuhën tonë të bukur brez pas brezi, sepse këtu u rrita dhe mësova shqipen, po ashtu dhe vajzat e mia u rritën këtu, flasin dhe shkruajnë shqip. Shqipen po mos t’a kishim folur edhe në shtëpi nuk do të flisja kaq mirë, se babai im ka qenë shumë fanatik dhe i rreptë për ruajtjen e gjuhës dhe kulturës shqipe. Gjuha është burim i dijes dhe fryma e një Kombi!

Shpirti brumoset përmes gjuhës. Gjuha është mjet komunikumi dhe në qoftë se ne e shtrembërojmë këtë mjet komunikimi që është gjuha jonë e bukur shqipe dhe që i jep jetë komunikimit me brezat e lindur këtu, në Amerikë, ne humbasim dhe vlerën tonë e të qujaturit shqiptarë – thotë gjithmonë Zera Musli. Unë e quaj “poetja jonë e heshtur” që shkruan aq bukur poezitë e saj, ku çdo poezi ka brenda saj një realitet. Ajo ka një jetë në Amerikë. Shpeshherë kur ne bisedojmë ajo thotë: kryesore është që ne si mësuese të bëjmë të pamundur ruajtjen e gjuhës shqipe, traditës dhe kulturës shqiptare. Ka vlera të veçanta për të gjithë ne bashkëkombëset e saj. “Mësuesit më të mirë mësojnë nga zemra e jo nga libri“ dhe këtë gjë e bën më së miri Zera.

Mos u dorëzo

Rruga e një femre

është përplot me gjemba

dhe vështirësi

Mos u dorëzo

Shiko para e vazhdo

Nëse dikush vjen e të përplasë

Ti bie në fytyrë dhe përgjakesh

Mos u dorëzo

Fshije fytyrën dhe vazhdo

Nëse të shtyjnë përsëri

dhe në gju bie

Mos u dorëzo

Fshiji gjunjët dhe vazhdo

Nëse ndokush të përballon

Dhe të jep një shuplakë

Mos u dorëzo

Fshije skedarin e vazhdo

Të vjen dita edhe ty

Se me punë do fitosh

Te tjerëve tu tregosh

Mos u dorezo

Qëndro krenare dhe vazhdo

Heshtja

Si një zanë mali

Ti na qëndrove

Nga brenda

uji i nxehtë

Mund të gurgullonte

Por ne heshtje

ti na qetësoje

Një bishë e egër

ty të sulmoj

në ditën më të bukur

mbrëmjen ta shkatëroj

frymën ta ndaloj

shpirtin ta copëtoj

ti fytyrë Engjëllore

Si shtatore qëndrove

me një ëmbëlsi e të qeshur

të gjitha i përballove

Rrallëherë lind nëna

vajza të tilla

Që me urtësi dhe butësi

situatës ti qëndroj

Haresa

Sikur sot të ishte dje

Do të doja ta ndryshoja

Vitet kalojnë dhe nuk kthehen

Jeta rrugën të tregon

Disi më duket se diçka mungon

Shkronjat më fluturojn si flutura

Herë i shoh e herë jo

Ndaloj dhe ri e qetë në të njëjtin vend

Ata vijnë përsëri dhe më buzëqeshin

Mirëse më erdhët ju themë

Me të vërtetë ju kujtuat

Se do tu lë të më shkoni

Një bahçe me lule për ju do ta mbjell

Sa herë të lodheni aty të pushoni

E sëbashku me mua të qëndroni

Ne të duam e s’të lëshojmë

Nëse një ditë ata nuk kthehen

E ulur në bahçe qëndro

Përqëndrohu, lexo dhe shëno

E di që është e vështirë të pranosh

Por jo nuk ju lejohet që t’më përkulni

Deri në fund do luftoj

Që me vetëdije të plotë të qëndroj

Ari dhe Fjala

Në lumenj të zymtë dhe djallëzor

Gjen një gur ari dy e më shumë

Janë të deformuar dhe pa formë

Me kohë e me punë

Ato vizëllojnë

Janë të shtrejntë e të vlerësuar

Të gjithë në festa e darka

Me ato krenohen

Të respektosh e të nderosh

Të duhet vite të punosh

Ari të zbukuron

Fjala të nderon

Po haruam më të shtrejnjtën

Ari me gram peshohet

fjala me vepra vlerësohet

Drita Gjongecaj/

Në një mbrëmje të bukur Gala, Shkolla Shqipe “Children of the Eagle” festoi 10 vjetorin e aktivitetit të saj në shërbim të ruajtjes së gjuhës dhe kulturës shqiptare në New York. Na nderuan me pjesëmarrjen e tyre dhe me fjalën e rastit, Znj. Emina Cunmulaj Nazarian, Konsull Nderi e Republikës së Shqipërisë në Florida, filantropiste dhe modele me famë botërore. Si e Ftuar e Nderit, Znj. Cunmulaj iu drejtua pjesëmarrësve me një fjalë të ngrohtë duke i mëshuar sidomos rolit të nënave në ruajtjen e gjuhës dhe traditës shqiptare.

Kënaqësi e vecantë ishte të kishim të pranishme znj. Atifete Jahjaga, ish Presidente e Republikës së Kosovës, një model i shkëlqyer dhe frymëzim për gratë shqiptare kudo në botë. Nga Kosova jonë kishim edhe znj. Remzije Istrefi-Peci, Gjyqtare në Gjykatën Kushtetuese.

Në mbrëmje përshëndeti edhe z. Mark Gjonaj, Kryetar i Këshillit Koordinues të Diasporës, si dhe ish Këshilltar në Bashkinë e NY.

E pranishme ishte znj. Emiljana Ulaj, e zgjedhur vitin e kaluar si Westchester County Legislator.

Nuk mungonin mysafirë të nderuar edhe nga shteti fqinjë, New Jersey. Ishte kënaqësi e vecantë të kishim present znj. Violeta Berisha, Kryetare Bashkie, e para shqiptare në këtë rol në historinë e Amerikës.

Po ashtu, fotografi Fadil Berisha, një nga më të njohurit në fushën e tij edhe përtej kufijve të Amerikës.

Falenderim edhe për të gjithë miqtë e organizatës dhe shkollës shqipe “Children of the Eagle”, të ftuarit, prindët, mësuesit, nxënësit dhe anëtarët e Bordit Drejtues të AADLC.

Me vlerësime mirënjohjeje u nderuan Organizata AAWO Motrat Qiriazi, Federata Panshqiptare Vatra, z. Tony Musaj, nënkryetar i Shoqatës Humanitare “Open Hand Association” si dhe Albanian Culture TV.

Në vazhdim, mirënjohje u shpërndanë për dy nga anëtaret e Bordit Drejtues, znj. Marjana Zeneli Bulku dhe Dr. Arjeta Ferlushkaj Kotrri për kontributin e tyre të vecantë e afatgjatë në drejtimin e Organizatës AADLC.

Të gjithë anētarët aktualë të Bordit Drejtues të Oranizatës së Dy Gjuhëve dhe Kulturave Paralele Shqiptare Amerikane AADLC u vlerësuan me Proklamata nderuese nga Bordi i Legjislatorëve të Westchester County: Mirjana Lukic, dr. Azeta Kola, Marjana Bulku, dr. Arjeta Ferlushkaj dhe Hegland Doci.

Në një atmosferë të bukur, u nderuan me pllakatë mirënjohjeje të gjithë mësuesit dhe koordinatorët e shkollës që mundën të ishin prezentë dhe që kanë dhënë kontributin e tyre vullnetar në suksesin e kësaj shkolle. Vjosa Nikci, një nga mësueset e para të kësaj shkolle, si dhe Cindy Sylaj, koordinatorja e parë pranë shkollës sonë shqipe përshëndetën të pranishmit me fjalën e tyre.

Nuk munguan fëmijët dhe të rinjtë e shkollave të mesme që ndjekin programin e shkollës shqipe. Ata interpretuan bukur dhe me ndjenjë recitime, këngë e valle shqiptare duke e shtuar harenë e mbrëmjes.

Falenderojmë edhe bizneset shqiptare për dhuratat a cmuara që u përdorën për shortin Raffle në ndihmë të shkollës: Brucaj Eyewear, Shoppingforluxury, ArtbyEralda, prindërit e nxënëses Eva Byberi me një kostum tradicional për fëmijë të moshës 10-11 vjeç, Posh Beauty Boutique, Aurora Beauty Salon, Alba CPA Associates, si dhe Ana’s Bakery.

Në këtë short u dhuruan edhe libri “The Old Bridge – Ura e Vjetër” nga autorja Arjeta Ferlushkaj Kotrri, si dhe tri vende për të ndjekur në verën e 2024 programin BALI (Two Week Leadership and Debate Training Program at Hunter College).

Mirënjohje për të gjithë ata që e mbështesin programin e Shkollës Dy-Gjuhësore “Children of the Eagle’’ në forma të ndryshme. Vetëm së bashku mund të krijojmë programe të suksesshme e afatgjata.

Ju mirëpresim në aktivitete dhe kurorëzime të tjera të radhës.

#aadlc#childrenoftheeagle

Nga Keze Kozeta Zylo/

Shkolla shqipe, grupe artistike si dhe nxënësit e Shkollës Shqipe “Alba Life” Ambasador i Kombit ishin të ftuar dhe dhanë shfaqje në nderim të 16-të Vjetorit të Pavarësisë së Kosoves.

Njerëzit grupe grupe, shoqata, kryetar shoqatash, personalitete, nxënës, prindër, mësues, biznesmenë etj ushtarë të UÇK-së u mblodhën në Bashkinë e Nju Jorkut për të festuar me madhështi 16-të Vjetorin e Pavarësisë së Kosovës organizuar nga z. Mark Gjonaj ish Ansmableist dhe Këshilltar në Bashkinë e Nju Jorkut, “Nderi i Kombit” si dhe këshilltarët si: Adrienne E. Adams, Robert F. Holden, Joseph C. Borrelli, David Carr, Kristy Marmorato.

Nuk ka më krenari kur ndërtesat qeveritare shtoj këtu deri në nivelet më të larata të mirëpresin dhe hapin dyert për shqiptarët dhe çdo komunitet që punon dhe jeton në Amerikë. Këto ndjesi i marrim gjithmonë në muajin nëntor në Ditën e Flamurit Kombëtar dhe në muajin shkurt në Pavarësinë e Kosovës. Festa ishte organizuar me detaje ku mirëseardhjen ta dhuronte dhe zonja Vera Mjeku shefe e kabinetit ne Këshillin e Bashkisë së Nju Jorkut.

Me plot emocion, respekt u mirëprit hyrja e policëve shqiptaro amerikanë, të cilët vazhdimisht janë pjesëmarrës në këto festa kombëtare shqiptare.

Të pranishmit dhe festën e bekoi Imam Tahir Kukaj.

Ceremonia festive u hap tradicionalisht me interpretimin e himneve kombëtare amerikane, shqiptare dhe të Kosovës, intepretuar nga artistja plot perspektivë dhe të ardhme Dea Kërliu, ish nxënëse e Shkollës Shqipe “Alba Life” Ambasador i Kombit.

Nderonte me pjesëmarrjen e saj politikania e suksesshme amerikane, Congresistja Ocasio-Cortez e cila është gruaja më e re në moshë dhe latinja më e re që ka shërbyer ndonjëherë në Kongres. Ajo tha midis të tjerash se do t’i dënojmë krimet që ka kryer Serbia ndaj popullatës së pafajshme serbe. Fjalimi i saj u mirëprit me duartrokitje të stuhishme.

Të pranishmit i përshëndeti z. Mark Gjonaj i cili foli gjatë për historinë e dhimbshme të Kosovës, luftën heroike të saj, UÇK-në, krimet serbe, krimet e padënuara etj. Zoti Gjonaj ka mbështetur vazhdimisht çështjen e dënimit të krimeve të luftës kudo dhe kurdoherë.

Këshilltari i Bashkisë së Nju Jorkut z.Robert F. Holden i uroi Kosovës ta gëzojë Pavarësinë e saj. Me të drejtë z. Holden tha se ata që kanë vuajtur nën shtypje diktaturash dhe pushtuesish e ndjejnë më shumë se kushdo Lirinë.

Fjalim special mbajti Ambasador Blerim Reka, Konsull i Përgjithshëm i Republikës së Kosovës në Manhattan i cili e vlerësoi lart luftën heroike të UCK-së, të popullit të Kosovës dhe shprehu mirënjohjen për Amerikën e cila dha një kontribut të çmuar në Pavarësinë e saj.

Në këtë ceremoni festive performuan këngë dhe valle të ndryshme si: Shkolla Shqipe “Alba Life” Ambasador i Kombit, në Bronx, “Mëso Shqip”, Albanian School-Rrënjët Shqiptare.

Z. Robert F. Holden ndau proklamata mirënjohjeje për punën e pakursyer në ndihmë të Kosovës, të popullit të saj martir si: z. Ismet Dedushaj, Albana Krasniqi, Imam Ferid Bedrolli.

Ceremonia u mbyll me këngën hymn Adem Jashari interpretuar mjeshtërisht nga Dea Kërliu e cila ndezi zemrat e shqiptarëve duke u cuar në këmbë dhe duke e kënduar bashkë me të.

Zoti Mark Gjonaj dhe z. Robert F. Holden falënderuan të gjithë pjesëmarrësit për këtë mbrëmje të bukur festive duke e mbyllur me sukses këtë ceremoni mbresëlënëse dhe duke mirëpritur festa të tjera atdhetare dhe kombëtare.

26 shkurt, 2024

Manhattan, New York

Skënder Karaçica/

Në luftën e Drenicës (1945) Shaban Polluzha dhe Mahmet Gradica u bën bashkë dhe, në vargun e gjatë të vullnetarëve shqiptarë i dolën përballë kumunizmit partizano-çetnikë, ku, në luftën e përgjakur edhe bora u bë e kuqe, thonë kronikat në Drenicë.

Në shtabin e Luftës së Drenicës në kullën e Dvoranëve, roja e shtabit kishte hetuar se atypari kalonin hijerënda e vëzhgimit të shërbimeve të brigadave serbo-malazeze dhe, disa huzmetqarë shqipfolës të kohës.

Më të dëgjuar për vëzhguesit e brigadave partizano-çetnike, Mehmet Gradica, në cilësinë e ushtarakut të shkolluar në Akademinë ushtarake në Itali dhe njohës i logjistikës së luftës, u thotë zëshëm rojave të shtabit të Luftës në Drenicë:

– Na i sillni në shtab hyzmetqarët e brigadave partizano-çetnike e të shohim se çfarë kërkojnë me syrin e tyre drejt shtabit tonë!

Roja e mori urdhërin e Shaban Polluzhës dhe të Mehmet Gradicës dhe, pa vonuar, vëzhguesit i sollën para shtabit të Luftës së Drenicës.

Pas një bisede të shkurtër në shtabin e luftës, Shaban Polluzha, e urdhëroi rojën që të përcjell vëzhguesit e zënë…Në këto çaste, Mehmet Gradica, në shenjë mospajtimi me komandantin e tij Shaban Palluzha, ngritet në këmbë dhe i thotë zëshëm:

– Jo, komndant Shaban Polluzha,nuk bën me i lëshua pa ndonjë masë të denimit se, këta nuk ndryshojnë dhe kanë ardhur me e vra Drenicën…!

Në këto çaste, Mehmet Gradica, mori briskun dhe ua preu veshët, – u tha rojës i lëshoni të shkojnë dhe mos të harrojnë se Lufta e Drenicës është e drejtë për liri dhe kundër partizano-çetnikëve…!

Në kujtimet e kohës, në Drenicë kjo ngjarje përmendet në odat e burrave dhe në kronikat e kohës, ku, ushtaraku me shtat të lartë Mehmet Gradica i lëshoi vëzhguesit me veshët e prerë si shenjë të bartin si kujtim nga lufta e drejtë e Drenicës për lirinë e Kosovës dhe bashkimi me Shqipërinë.

Miradije Rizvani Klenja/

Shoqata e Grave shqiptare në bashkëpunim me komunitetin shqiptar “Hasan Prishtina” në Connecticut edhe sivjet festoi diten ndërkombëtare të gruas. Mbrëmja festive ishte e pasur me zonja të të gjitha trojeve shqiptare nga Ilirida, Kosova dhe Shqipëria. Një festë ku celebrojmë arritjet dhe sukseset e femrës shqiptare në mërgatën e Amerikës. Të ftuar në këtë festë të.kthyer në traditë ishin yjet e muzikës shqiptare Ylli Demaj, Rovena Ibrahimi dhe Sali Malaj.Organizatorët që bënë të mundur mbrëmjen festive ishin Miradije Klenja dhe Femije Zhuta të cilat falënderojnë të te gjitha zonjat që moren pjesë në këtë mbrëmje. Ne i vlerësojmë dhe çmojmë për shembullin e tyre, angazhimin në komunitet dhe modelin në shoqëri. Komuniteti ynë në Connecticut po vazhdon traditën e festave dhe aktiviteteve kulturore për afro 40 vite me radhë. Të gjithë mbështetësve ndër vite, nderim e respekt. Një nga organizimet tradicionale që zhvillon shoqata e gruas është festivali shqiptar që mbahet çdo vit në fillim të muajit shtator ku shërbehet ushqim tradicional shqiptar, muzikë autentike shqiptare dhe këngë e valle nga vogëlushët e shkollës shqipe “Hasan Prishtina”. Synimi ynë është që puna dhe dashuria jonë për të vazhduar traditat e t’ua lëmë trashëgimi pasardhësve tanë në mërgatën e Amerikës. Shoqata e Grave “Hasan Prishtina” është themeluar 35 vite më parë dhe ka bërë vit pas viti organizime për festa tradicionale kombëtare e komunitare dhe ka dhënë mbështetje për komunitetin shqiptar në Amerikë.