Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

The Albanian American community will be celebrating the 2nd annual Gjergj Kastrioti Skenderbeu Street

by

The Albanian American community will be celebrating the 2nd annual Gjergj Kastrioti Skenderbeu Street fair presenting the best of the best of Albanian traditions and culture. Entertainment, music, food, games and much more! Something for all ages.May 7th, 2023 @12 noon-6pm (Arthur Avenue and Crescent Avenue Bronx, NY) Please let us know if your organization would like to be listed as a supporter on the final flyer and promotional material ASAP. Vendors welcomed. If your business would like to sell food, merchandise or distribute information please contact us ASAP. If you have any questions or require additional information, contact 347-398-6161 or email Skenderbeufair@gmail.comI look forward to hearing from you.

Respectfully,

Mark Gjonaj917-731-6850

“Columbia University Albanian Society,” organizon ekspozitën muzeale “Fëmijët e së Nesërmes”

by

Më 14 Prill 2023 nga ora 18:00 deri në 22:00 organizohet ekspozita muzeale dhe artistike me titullin “Fëmijët e së Nesërmes.” Në këtë ekspozitë do shfaqen sende, artefakte, dokumentacione, fotografi, e kështu me rradhë, të ndërlidhura me sistemet në Shqipërinë komuniste dhe shqiptarët ish-Jugosllavi. Thirrje e hapur për çdokënd që të dërgoje objekte (të cilat do kthehen pas ekspozitës) me histori familjare të lidhura me ato ditë, e të shoqeruara me një përshkrim. Për arsye të rregullave të brendshme të shkollës, vetëm ata që do dërgojnë të tilla objekte e artefakte do lejohen të futen në ekspozitë për ta parë në 14 prill. Për shembuj të artefakteve, për të aplikuar e për më informacion më të zgjeruar plotësoni formën: https://forms.gle/PMW29V3Xvr4MoUAG6. Për pyetje që mund të keni, kontaktoni Presidentin e “Columbia University Albanian Society,” Bekim Bruka nëpërmjet bb3056@columbia.edu, ose Sekretarin Altrim Mamuti nëpërmjet am5740@columbia.edu.

1 Prill “Bashkë për Drejtësi”, në mbështetje të ish-krerëve të UÇK-së

by

YONKERS – NY : Thirrja “Mobilizohu për Drejtësi” – UÇK aleate e Amerikës dhe Nato-s- UÇK themeli i Kosovës, do të bëjë bashkë komunitetin shqiptar nga zona e Tri-Shteshit, në manifestimin “Bashkë për Drejtësi”, duke u solidarizuar në mbështetje të luftës së drejt të UÇK-së dhe ish-krerëve të saj, Hashim Thaçi, Kadri Veseli, Jakup Krasniqi, Rexhep Selimi dhe bashkëluftëtarët e tyre në Hagë.Ideatorët dhe inicuesit e këtij manifestimi thonë se do të bëhemi : ” Bashkë për drejtësi për Vëllezërit Bytyqi, dhe për proces të drejtë të Gjykatës Speciale kundër çlirimitarve dhe themeluesve kryesorë të Shtetit të Kosovës në Hagë”Në njoftim thuhet se do të mblidhen ditën e shtunë 1 Prill në ora 11AM(paradite) në Varrezat e Vëllezërve Bytyqi, (St.Mary’s Cementery – 114 Sprain Rd., Yonkers. NY. 10710), ndërsa u bëjnë thirrje të gjithë shqiptarve për pjesëmarrje, për të treguar edhe një herë se duam vetëm drejtësi për Vëllezërit Bytyqi, dhe për proces të drejtë të Gjykatës Speciale kundër çlirimitarve dhe themeluesve kryesorë të Shtetit të Kosovës në Hag딓Mobilizohu për Drejtësi” Kur ?1 Prill 2023 në ora 11AM(paradite) Ku?Në Varrezat e Vëllezërve Bytyqi, (St.Mary’s Cementery – 114 Sprain Rd., Yonkers. NY. 10710),(afër Royal Regency Hotel në Yonkers )UÇK aleate e Amerikës dhe Nato-s- UÇK themeli i Kosovës

Diaspora Amerikane në Nju Jork proteston: “Save Drin River, Save Dibra”

by

Ferzileta Gjika/

New York, 23 Mars 2023 – Dhjetëra shqiptaro-amerikanë nën udhëheqjen e aktivistëve të shquar të komunitetit shqiptar në Shtetet e Bashkuara të Amerikës Shpetim Ndreu, Arif Mata, Alfred Tollja, Jurgen Vladi, Violeta Yzeiraj, Gjerg Xhumari e shume te tjere, protestuan perballe Selise se Kombeve te Bashkuara në Manhattan dhe kërkuan që të ndalohet menjehere projekti i ndertimit te Skavices. Emetimet e metanit nga rezervuarët e krijuar nga digat janë një burim kryesor i emetimeve globale të metanit. Metani është të paktën 30 herë më i fuqishëm se dioksidi i karbonit si gaz serrë.Tubuesit kërkuan që anetare te Kombeve te Bashkuara te kundershtojne me force ndalimin e Hidrocentralit te Skavices, dhe te konsiderojne menyra te tjera qe jane me miqesore me ambientin, per sigurimin e energjise ne vend. Qarku i Dibrës, përgjatë Luginës së Drinit të Zi, është pika e nxehtë e biodiversitetit të vendit, veçanërisht për sa i përket biodiversitetit të ujërave të ëmbla. Malet e larta, sistemet e lumenjve dhe liqeneve ne rajonin e Dibres janë shtëpia e llojeve të shumta të rrezikuara dhe habitateve të rëndësishme me një shkallë të lartë endemizmi. Ne, nënshkruesit e kësaj deklarate të përbashkët, besojmë se ndërhyrjet e duhura për shpëtimin e lumit Drin dhe ndalimin e projektit të Digës së Skavicës janë të një rëndësie te madhe dhe urgjente, e cila mund të ofrojnë mbrojtje dhe rikuperim për peshqit dhe specie dhe habitate të tjera të rëndësishme, duke ruajtur vlerën unike të biodiversitetit të lumenjtë e rajonit te Dibres. Mbrojtja dhe restaurimi i lumit Drini i Zi në Shqipëri ofron një mundësi të madhe për zhvillimin e qëndrueshëm të komuniteteve që jetojnë prane lugines se Drinit te Zi. Ato ofrojnë ujë të pijshëm, ushqim, ujë për ujitje, mbrojtje nga përmbytjet, rregullimin e klimës, mundësi për të zhvilluar peshkimin, sportet ujore, ekoturizmin dhe mundësi për të forcuar lidhjet dhe bashkëpunimin midis vendeve, shkencëtarëve, institucioneve, bizneseve dhe organizatave joqeveritare. Të drejtat e popujve indigjenë: Diga e Skavices e miratuar nga qeveria Shqiptaresi do të zhvendosi komunitetet indigjene Dibrane, stërgjyshorë te tyre, ku me shume se 30 fshatra do të zhyten nën ujë dhe do të shkatërrojnë mënyrat tradicionale, të qëndrueshme dhe neutrale ndaj karbonit.Përshtatja klimatike: Jane vetem 70 km e fundit te Drinit te Zi te cilat rrezikohen te zevendesohen me rezervuarin e skavices. Mbyllja e lumenjve eliminon burimet e ushqimit për mbijetesë dhe minon zhvillimin e qëndrueshëm ekonomik. Qëllimet e përshtatjes klimatike të Marrëveshjes së Parisit do të shërbeheshin më mirë duke mbrojtur lumenjtë me rrjedhje të lirë dhe njerëzit që varen prej tyre.Ekosistemet dhe cilësia e ujit: Diga e Skavices bllokon kalimin e peshqve, krijon liqene artificiale që strehojnë specie jo vendase, nxisin lulëzimin e dëmshëm të algave, bllokojnë sedimentet që janë thelbësore për të ruajtur grykëderdhjet ne lumin Drin dhe dëmtojnë cilësinë e ujit në lumenj.Ruajtja e ujit: Humbjet e avullimit të ujit nga rezervuarët prapa digave mund të jenë të konsiderueshme, ndonjëherë duke tejkaluar përdorimin e ujit të konsumuar. Është më efikase dhe me kosto më efektive të plotësohen nevojat e furnizimit me ujë nëpërmjet ruajtjes së ujit, riciklimit të ujit dhe duke ruajtur ujin në akuiferë ku ai nuk avullohet.Alternativat e digave: Përmirësimi i digave ekzistuese për të prodhuar më shumë energji mund të mohojë nevojën për diga të reja. Energjia diellore, era dhe gjeotermale mund të ofrojnë burime energjie me kosto më efektive dhe me miqesore me mjedisin.Marrëveshja e Parisit përfshin synime ambicioze që lidhen me reduktimin e emetimeve globale, përshtatjen dhe qëndrueshmërinë e klimës, zhvillimin e qëndrueshëm dhe mbrojtjen e të drejtave të popujve indigjenë. Projektet e kompensimit të digave minojnë drejtpërdrejt secilin prej këtyre synimeve.Ju lutemi, mos lejoni ndertimin e Hidrocentralit Skavica duke argumentuar evidence nga demet qe sjellin digat sipas Marrëveshjes së Parisit.Faleminderit.Opposition to Skavica Dam members Nju Jork, 23 Mars, 2023

Kongresistja Grace Meng takohet me botuesin e gazetës “Illyria” Vehbi Bajrami

by

Pranon të bëhet anëtare e Kaukusit Shqiptar në Kongresin Amerikan – Premton bashkëpunim më të madh me komunitetin shqiptar në New York, SHBA

Nga Ruben Avxhiu

Botuesi i gazetës “Illyria”, Vehbi Bajrami, u takua këto ditë, në
Manhattan, me kongresisten e njohur Grace Meng, me kërkesën e kësaj të fundit. Gjatë takimit u diskutua për komunitetin shqiptaro-amerikan, rëndësinë dhe shqetësimet e tij, për Kosovën dhe çështje të tjera.

Grace Meng është kongresiste amerikane që përfaqëson Distriktin e 6 të New York-ut, në Dhomën e Përfaqësuesve të Kongresit Amerikan. Ajo është, veç të tjerash, anëtare e Komitetit të fuqishëm të Përcaktimeve si dhe anëtare e NënKomitetit të Shtetit, të Operacioneve të Jashtme dhe Programeve të Lidhura me to. “Patëm një dialog të frytshëm për marrëdhëniet e Kosovës me Serbinë,
si dhe lidhjet dhe aktivitetin e fuqishëm të komunitetit shqiptar në
mbështetje të Kosovës, gjatë gjithë historisë”, u shpreh botuesi
Bajrami pas takimit.

Me këtë rast, ai i kërkoi kongresistes Meng që të bëhej anëtare e
Kaukusit të Çështjeve Shqiptare në Kongresin Amerikan, një kërkesë të cilën kongresistja e njohur e pranoi me kënaqësi. “Ishte një kënaqësi që u takova me Vehbi Bajramin, botues i gazetës
Illyria, një udhëheqës i komunitetit shqiptaro-amerikan, dhe veprimtar e avokat i hershëm i lirisë dhe pavarësisë së Kosovës”, tha ajo në një deklaratë për median pas përfundimit të takimit. “Për të vijuar diskutimin tonë të frytshëm, jam krenare të njoftoj se do të bashkohem me Kaukusin dypartiak të Çështjeve Shqiptare në Dhomën e Përfaqësuesve”. Meng është një demokrate që përfaqëson pjesë të lagjes Queens, duke përfshirë Bayside, Flushing, Forest Hills, Fresh Meadows, Glendale, Kew Gardens, Maspeth, Middle Village dhe Rego Park, ku jetojnë shumë shqiptarë. Ajo ka dëshirë që të bëhet edhe zëri i tyre në Kongres.

E zgjedhur fillimisht në vitin 2009, ajo është kongresistja e parë
aziatiko-amerikane në historinë e Shteteve të Bashkuara.

Vehbi Bajrami tha se dialogu mund të funksionojë vetëm nëse Kosova dhe Serbia ulen përballë si dy shtete të barabarta.
Ai u shpreh se vetëm presioni mund ta detyrojë Serbinë që ta marrë
procesin seriozisht. “Është e papranueshme”, tha ai, “që më shumë
presion publik i është bërë Kosovës sesa Serbisë, që provokon trazira në shtetet fqinje e refuzon të vendosë sanksione kundër Rusisë”.

“Asosiacioni i Komunave Serbe në Kosovë, me të drejta ekzekutive do të ishte një Republikë e re Srpska në Ballkan, një sabotim i shtetit të Kosovës. Në vend të kësaj duhet që të drejtat e shqiptarëve në Serbi të jenë njëjta me ato të serbëve në Kosovë”, tha botuesi Bajrami. Ai vuri në dukje se Kongresi ka votuar unanimisht për çështjen e Vëllezërve Bytyqi si kusht për marrëdhëniet me Serbinë, por kjo po injorohet nga diplomatët amerikanë. “Në vend që ta ngrenë këtë çështje sa herë që takohen me Presidentin Vuçiq, ata e kanë lënë në harresë”.

Me këtë rast, ai i paraqiti kongresistes dhe stafit të saj një
dokument të posaçëm që informon për problemet kryesore me të cilat përballet Kosova dhe shqiptarët në rajon. Duke vënë në dukje anëtarësinë e saj në Nënkomitetin e Shtetit dhe të Operacioneve të Jashtme si dhe influencën e saj në Kongres, botuesi Bajrami loboi pranë kongresistes Meng që të ndihmojë në fuqizimin e Ushtrisë së Kosovës, me fonde, pajisje, dhe ekspertizë. Ai i nënvizoi
ligjëvënëses amerikane se Kosova është vendi më proamerikan në botë dhe një forcim i Kosovës si shtet dhe si ushtri do të ishte një forcim i interesave amerikane në botë. “Do të vijoj të ndjek zhvillimet në Ballkan dhe dëshiroj të ndërtoj marrëdhënie më të forta me komunitetin shqiptar në distriktin tim dhe më gjerë në mbarë New York-un,” thuhet veç të tjerash në deklaratën e
saj pas takimit me botuesin Bajrami.

Ky është takimi i radhës që botuesi i gazetës “Illyria” ka bërë me
anëtarë të Kongresit Amerikan për të lobuar për Kosovën dhe kauzën shqiptare. Ai është angazhuar për më shumë se 30 vjet në lobimin shqiptar në SHBA.

Për punën e tij të palodhur në shërbim të kombit, Vehbi Bajrami është nderuar me Urdhërin Kalorës i Skënderbeut nga Presidenti i Shqipërisë.