Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

POETI E SHKRIMTARI I SHKRELIT LUIGJ ÇEKAJ: NDERI I MALËSISË SË MADHE!

by

Nga Frank Shkreli/

Javën që kaloi në Selinë e Bashkisë Malësi e Madhe u zhvillua ceremonia, e kryesuar nga Kryetari i asaj Bashksie, Z. Tonin Marinaj, për të nderuar njërin prej intelektualëve të njohur të atij trolli – poetin dhe shkrimtarin malësor prej Shkrelit – të ndjerin Luigj Kolë Çekaj. Frank Shkreli: Luigj Çekaj – Poeti i përndjekur i Shkrelit të Malësisë së Madhe | Gazeta Telegraf — Frank Shkreli: Luigj Çekaj dhe libri i tij i dhimbjes “Unë vij nga Shkodra” | Gazeta Telegraf

Sipas njoftimit nga familja e Luigj Çekaj, që u botua edhe nga portali, “Zani i Veriut”, Bashkia Malësi e Madhe, me në krye shefin e saj, Tonin Marinaj organizoi, javën e kaluar, një eremoni zyrtare per dorëzimin e titullit ” Qytetar Nderi” i Malësisë se Madhe, për poetin Luigj Kolë Çekaj (pas vdekjes). Në sallën e Bashkisë, plot e përplot me të afërmë e dashamirë të poetit, e pranishme ishte edhe familja e tij, e përfaqësuraar nga bashkshortja dhe djali i Luigj Çekajt. Pas himnit kombëtar u mbajt një minutë heshtje në nderim të poetit malësor i cili ishte arratisur në Shtetet e Bashkuara në fillim të 1990-ave, pas shembjes së komunizmit, ku edhe ndërroi jetë, në Janar të vitit 2021.

Familjes, miqëve dhe dashamirësve të shumtë të pranishëm që kishin shkuar atje për të nderuar poetin dhe shkrimtarin e Shkrelit, iu drejtua të pranishëmve me disa fjalë duke i përshëndetur i pari i Bashkisë, Malësia e Madhe, Z. Tonin MARINAJ.  Z. Marinaj i dorëzoi familjes e pranishme aty, ardhur për atë qëllim nga Shtetet e Bashkuara, dekoratën, “Qytetar Nderi”, akorduar Poetit Luigj Çekaj nga Shkreli i Malësisë së mbi-Shkodrës – pasi ai lexoi motivacionin për dhënjen e dekoratës Luigj Çekajt: 

“Për punën dhe përkushtimin e tij si një qytetar bashkohor. Si atdhetar dhe veprimtar i palodhur i çështjes kombëtare shqiptare. Si një përfaqësues i denjë i letërsisë dhe kulturës malësore mbarë shqiptare, ku me poezinë dhe prozën e tij edhe pse në mërgim prej kohësh, nuk e ndau asnjiherë vendlindjen e tij, por duke lartësuar kurdoherë trevën tonë, Malësin[ e Madhe e më gjërë.”

Kryetari i Bashkisë, Tonin Marinaj, 

Kryetari i Këshillit Bashkiak, Ilir Hanaj.

Ndërkaq, në emër të familjes përshëndeti bashkëshortja e Luigjit, Violeta Çekaj, e cila duke falënderuar Bashkinë dhe Kryetarin e saj, Z. Marinaj, shtoi se Luigji u rrit jetim, te dajat pasi babën e vet – të arratisur nga komunizmi — e ka takuar pas 46 vitesh në Nju Jork. Në fjalën e saj, Violeta Çekaj falënderoi — për këtë nderim që i benë bashkshortit të saj të ndjerë — Kryetarin e Bashkise, Z. Tonin Marinaj, duke shprehur gjithashtu respektin dhe falënderimet e saj dhe të familjes si dhe të gjithë atyre që morën pjesë në atë ceremoni vlerësimi për Luigjin duke u shprehur se se né,  kurrë nuk e harrojmë Malësinë e Madhe, tha ajo.

Dhënja e kësaj dekorate, poetit e shkrimtarit Luigj Çekajt, me të drejtë u cilësua si një vlerësim i merituar nga Bashkia Malësia e Madhe, “Për një personalitet të madh si Luigj Çekaj, i cili i bán nder Shkrelit, Malësisë dhe Kombit Shqiptar. Një ceremoni e thjeshtë, për një emër të Madh”, u cilësua tubimi në nderim të Luigj Çekajt orgnaizuar në Kryeqëndrën e Malësisë së Madhe në Koplik. 

Për të ndjerin Luigj Çekaj, si bashkvendas imi nga Shkreli i Malësisë së Madhe dhe mik i familjes time e të cilin kam pasë nderin ta njoftoj vetëm pas ardhjes së tij në Nju Jork, në fillim të viteve 1990-a, pas shembjes së Murit të Berlinit dhe për të cilin, në të kaluarën, kam shkruar disa artikuj modestë në kujtim të personit, punës dhe veprimtarisë së Luigj Çekaj këtu në Nju Jork. Si një anëtar i vyer i komuniteit shqiptaro-amerikan, të cilit edhe sot i mungon shumë prania dhe kontributi i tij letrar dhe shoqëror. 

Ishte nder e privilegj për mua që të merrja pjesë në propozimin – si më poshtë — që i kam bërë Bashkisë Malësi e Madhe, gushtin që kaloi, që të nderojë – këtë bir të trojeve tona, për punën dhe aktivitetin e tij si poet e shkrimtarë por edhe si përfaqsues dhe intelektual i denjë i Malësisë së Madhe në mërgim, por njëkohësisht, edhe i komunitetit shqitaro-amerikan me të cilin ishte shumë i angazhuar. Falënderimet tona Kryetarit të Bashkisë, Malësi e Madhe, Z. Tonin Marinaj dhe Këshillit të Bashkisë për dekortaën që i ka akorduar poetit e shkrimtarit malësor, të ndjerit Luigj Çekaj.

Propozimi im drejtuar Bashkisë Malësi e Madhe për nderimin e Luigj Çekajt me dekoratën “Qytetar Nderi”, (pas vdekje) i Malësisë së Madhe:

Nju Jork, Gusht, 2022

PROPOZIM: QË POETI I NDJERË LUIGJ ÇEKAJ TË SHPALLET QYTETAR NDERI I MALËSISË SË MADHE

I PROPOZOHET BASHKISË: MALËSI E MADHE

PROPOZUESI: FRAN SHKRELI

TITULLI: “QYTETAR NDERI I MALËSISË SË MADHE”

Personi: Poeti e shkrimtari Luigj Çekaj (pas vdekjes)

Luigj Çekaj, shkrimtar e poet, bir i Shkrelit të Malësisë së Madhe, i kësaj treve me emër e za dhe lavdi prej shekujsh i dha Kombit shqiptar trima, poetë e shkrimtarë.  Personalitete që me verpimtarinë e tyre artistike dhe njerëzore – mbrenda dhe larg Malësisë së Madhe – sa ishin gjallë por edhe pas shkuarjes në amshim, ata me veprat e tyre dhe trashëgiminë që kanë lënë pas, vazhdojnë të kontribojnë. Me veprat e tyre, ata vazhdojnë t’i japin nam e za Malësisë së Madhe, duke nderuar vlerat e shënjta iliro-arbërore të pakrahasueshme, për të cilat krenohen të gjithë malësorët, kudo që jetojnë sot, në trojet tona të shënjta të Malësisë së Madhe dhe anë e mbanë botës. Njëri prej këtyre malësorve krenarë  që nderon të gjithë ne dhe Malësinë e Madhe ishte edhe Poeti e Shkrimtari me origjinë nga Shkreli i Malësisë së Madhe, Luigj Çekaj. 

Kam nderin dhe privilegjin që Luigj Çekajn — këtë bir të madh të Malësisë së Madhe — t’a propozoj për dekoratën: “Qytetar Nderi i Malësisë së Madhe”.  Ai, me veprat e tija kudo shkoi dhe me këdo që u takua – Luigj Çekaj, vetëm nder e lavd i çoi Malësisë, në nivelet më të larta shqoërore, intelektuale dhe patriotike, mbrenda dhe jashtë Shqipërisë. Vlerat shekullore të Malësisë së Madhe: nder, burrëri, besë e trimëri, Luigj Çekaj i pasqyron në të gjitha veprat e tija, poezi e prozë. “Libri juaj ka qenë një zbulim poetik për mua”, është shprehur, shkrimtari i madh Ismail Kadare, për veprat e Luigjit. Një zbulin – siç ishte dhe është i tillë për të gjithë ne që e kemi njohur, por edhe ata që kanë lexuar veprat e Poetit dhe Shkrimtarit të Malësisë së Madhe, Luigj Çekaj.

Për këto arsye dhe të tjera që mund të lexoni në artikujt më të gjërë — bashkangjitur këtij propozimi linket mund ti gjeni më poshtë — unë Frank Shkreli propozoj dhe rekomandoj me gjihtë zemër që Poetit dhe Shkrimtarit, Luigj Çekaj, me origjinë nga Malësia e Madhe, t’i akordohet dekorata me titullin: “Qytetar Nderi i Malësisë së Madhe” – se ai veç nder e lavd i ka sjell Malësisë dhe mbarë Shqipërisë.  Me jetën plot vuajtje të rënda dhe me veprat e tija të vlerësuara nga intelektualët e dalluar shqiptaro-amerikanë me të cilët bashkëpunoi ngushtë pas vendosjes së tij në Amerikë, Luigj Çekaj si njeri, si poet e shkrimtar, nderoi veten dhe familjen e tij të ngushtë, fisin e origjinës, Malësinë e Madhe dhe më gjerë. Shkodra dhe Shkreli janë krenarë me të, ndërsa komuniteti shqiptaro-amerikan është përgjithmonë mirënjohës për kontributin e tij të vyer që ka dhënë për vitet sa jetoi dhe punoi në gjirin e komunitetit tonë këtu në Shtetet e Bashkuara.

Prandaj propozoj dhe rekomandoj, me bindje të thellë për meritat e tij, emërimin e Luigj Çekaj për titullin e lartë të Bashkisë së Malësisë së Madhe: “Qytetar Nderi i Malësisë së Madhe”:

                                                Me Motivacionin: 

“Si një prej përfaqësuesve malësorë më të denjë të letërsisë dhe të kulturës shqiptare të Malësisë së Madhe dhe përtej, i cili me poezitë dhe me librat prozë, ai me integritet, profesionalizëm dhe atdhedashuri, mbrojti dhe promovoi, gjuhën, kulturën, traditat dhe vlerat, në përgjithësi, të cilat dallojnë trojet shekullore të Malësisë së Madhe. Duke ndriçuar me veprën e tij, njëkohësisht, edhe mbarë shoqërinë shqiptare në Atdhe dhe në Diasporë. Për rolin dhe rëndësinë e ruajtjes së vlerave tradicionale shekullore të malësorëve, në mbrojtje të interesave dhe identetit kombëtar të malësorëve dhe shqiptarëve kudo që gjënden.”

Me shumë respekt për bashkvëllëzrit e mi në Bashkinë e Malësisë së Madhe, mbetem i jueji,

Vëllazënisht, Fran Shkreli

        Poeti dhe shkrimtari Luigj Çekaj, “Qytetar Nderi” i Malësisë së Madhe

May be an image of 6 people and people standing

       *Fotot nga ceremonia, marrë nga portali, “Zani i Veriut”

May be an image of 3 people and people standing

Kryetari i Bashkisë Malësi e Madhe, Z. Tonin Marinaj me bashkshorten dhe djalin e poetit Luigj Çekaj

May be an image of 13 people and people standing

                            Pamje nga salla e e Bashkisë Malësi e Madhe

May be an image of 7 people and people standing

25% e KANCEREVE të GJOKSIT – nuk janë kancere!

by

Dr. Zekri Palushi, Australi 12 Janar, 2023/

Nëpërmjet këtij shkrimi vet-rreflektues , nuk kam ndërmend të diskutoj rreth kancereve të gjoksit në përgjithsi, -por deshiroj që të ndalohem pak, vetëm në Karcinomën Duktale In Situ, -që megjithse s’është kancer, -klasifikohet si kancer, mjekohet si kancer, dhe përbën 25%  të të gjitha rasteve të kancereve të gjoksit.

        Karcinoma Duktale In-Situ. (Ductal Carcinoma In Situ-DCIS), -(që nganjëherë quhet edhe Intraductal Carcinoma), është një proliferim anormal, jo-invaziv i qëlizave epiteliale të kanalit të qumshtit. 

Ndërsa, këta qëliza duken malinje, ata prap se prap gjenden vetëm brenda sistemit duktal, -dhe prandaj quhen in-situ.

 Më poshë, për shkurtim, këtë diagnose, do ta përmendim vetëm me inicialet e sajë, –DCIS.

DCIS, -si një diagnose, -ka filluar të vihet vetëm atëhere kur mamografia (mammography), hyri në mjetet e skrinimit të gjoksit, (Screening Mammography).

Skrinimi i gjoksit, – (Breast screening), -rrekomandohet tek të gjitha grate e moshave 40-74 vjeçare, -si një mjet për kapjen e herëshme të kancereve të gjoksit, para se të shfaqen shenjat e sëmundjes.
Kështu, në Australi, -kësaj grup-moshe,  i rrekomandohet që të bëjnë një mamografi, ç’do dy vjet, -dhe kjo është falas.

Në një rast me DCIS, -mamografia tregon një zonë/grumbull, mikrokalcifikimi granular, në pamje heterogjen.

Megjithatë, duhet të kemi parasyshë që mikrokalcifikimet janë gjetje jashtzakonisht të shpeshta në gjinjë, dhe zakonisht s’marrin ndonjë rëndësi të veçantë. 

Pra, sot qe ky ekzaminim përdoret rregullisht për skrinimin e gjoksit, -DCIS përbën qerekun (25%) e të gjitha rasteve te diagnostikuara me kancere gjoksi. 

Kjo do të thotë se, – rreth 1.600 gra Australiane, 7.000 gra Angleze dhe 60.000 gra Amerikane, -për ç’do vit u thuhet se kanë kancer gjoksi, -kur në fakt nuk e kanë. -Aq më keq, kur dihet se mamografia kapë vetëm rreth 75% të rasteve me DCIS, –që do te thote se rreth 25% e grave të skrinuara, vazhdojnë jetën e tyre të gëzueshme, pa qenë në dijeni të një kanceri që mund ta kenë. 

Ne fakt, 98% e grave të diagnostikuara me DCIS, rrezultojnë të jenë shëndosh e mirë, edhe pas 10 vjetesh diagnostikimi, -pa ju nënshtrua as edhe një mjekim të vetëm.

Ndërsa,vetëm rreth 1% e rasteve me DCIS, mund të zhvillojnë kancer gjoksi, -por, edhe nëse po, -format e këtij kanceri, janë pare të jenë të një grade shumë të ulta , dhe me një progresim shumë të avashtë, -gjë që i bën lehtësisht të trajtueshëm.

Në ekzaminimin histo-pathologjike, shifet se në ata qeliza të indit të gjoksit qe rrethojnë kanalin e qumshtit, (duct) kanë filluar disa ndryshime jo-normale, -por në fakt, s’dihet me siguri nëse këta qeliza mund te shpërndahen apo të invadojnë indin e gjoksit.

      Në klinikën time, kemi pasur disa pacjente, -të diagnostikuar me DCIS, por që fatkeqësisht janë trajtuar njësoj, sikur të kishin qenë diagnostikuar me kancer gjoksi.

Pra, një grup i posaçëm mjekësor, që bënte vlerësimet, -kishte rrekomanduar përafërsisht të njejtën strategji trajtimi, – ku përfshihen kemoterapia (chemotherapy), radiotherapy, mastectomy/heqja kirurgjikale e gjoksit, tamoxifen, – trajtime tepër të lodhëshme dhe me komplikacione jo të pakta,… përfshi këtu edhe uljen e tejskajshme të imunitetit.

Në një rast, u preferua edhe heqja kirurgjikale totale e të gjithë gjoksit, (full mastectomy), -ndërkohë që do të kishte qenë shumë më e mirë që ne, -si grup specialistësh të ndryshëm, të përfshirë në këtë vendim, të thelloheshim më tepër, dhe në bashkpunim të ngushtë me të sëmurën të  vendosej që trajtimi i kësaj diagnose, të mos bëhej si për një gjendje kanceroze.

Ndërkohë, trajtimi i DCIS, vashdon prap që të bazohet në klasifikimin e sajë, si një gjendje kanceroze, –kur në fakt,  është vetëm një formë jo-invazive, -por që shpesh diagnoztikohet si kancer gjoksi, në stadin zero (stage 0). 

Siq shifet, – kjo diagnozë vazhdon të përfshijë fjalën tmerruese “kancer,” -një fjalë që ngjallë frikë dhe panik të menjëherëshëm, si për pacjenten, ashtu dhe për doktorrin, -dhe pikërisht në këto rrethana, merret edhe vendimi më I pa llogjikshëm, deri në heqjen e plotë kirurgjikale të gjoksit, që edhe sot mbetet zgjedhja më e preferuar.

Si pasojë, –nuk mjekohet e sëmura, por mjekohet klasifikimin diagnostik i sajë, -me pasoja të pa riparueshme fizike, e psikollogjike.

Do të ishte tepër njerëzore, dhe një praktikë e mirë profesionale që të uleshim rrafsh me një pacjente të tillë, për ti shpjeguar me durim, dhe me një gjuhë të thjeshtë, se ç’far është kjo diagnozë (DCIS), -pra t’ju shpjegohet se s’kanë kancer, e që ndoshta s’do ta kenë kurrë! 

Po kështu, pacjentja, familjarët e sajë, së bashku me mjekun e familjes, duhet të diskutojnë edhe, me onkologjistet, -për ti pyetur ata se, pse disa prej onkologjistëve kanë tendencë për të ndjekur protokollin më agresive të trajtimit, kur nëtë vërtetë, e dijnë shumë mirë se DCIS reprezanton nje rrisk aq të vogël për jetën e të sëmurës?

Një lajm i mirë, dhe inkurajues në këtë drejtim është ai që, disa prej specialistve më me influence në fushën e onkologjise botërore, kanë ndërmarrë një fushatë për t’i hequr kësaj diagnose fjalën “kancer”, -duke propozuar pak a shumë termin korrekt, ‘’Çrregullime qelizore të vogla’’ (minor cell abnormality).

Nëse kjo fushatë do të jetë e suksesëshme, -atëhere, -kjo diagnose nuk do të tmerrojë më grate, si më pare, -e po kështu, edhe vetë onkologjistet do të ndryshonin perceptimin e këtije problem, për t’mos marrë vendime të nxituara, të mbështetura më së shumti në frikën se mos pacjentja mund ti hedhë në gjygj, për pa-kujdesi.

Dr. Zekri Palushi, Australi 12 Janar, 2023 

Anesti Kodra, In memoriam

by

Ne oret e para te mengjesit te dates 6 janar, 2023, ne Clearwater, Florida, pas nje beteje te gjate per jeten, pushoi se rahuri zemra e te ndjerit Anesti Kodra, duke i dhene lamtumiren familjes, te afermeve dhe gjithe miqve qe e njihnin dhe qe ai i donte aq shume. Ikja e tij, krijoi nje boshllek qe veshtire te plotesohet, por ai do te mbetet gjithmone ne kujtimet e gjithe njerezve qe paten fatin ta njohin, te cilet ai i donte dhe i respectonte aq shume.

Anesti u lind ne nje familje korcare me 5 Prill 1939, e shquar per atdhtarizmin e saj ne breza, kulturen dhe qytetarine e vertete. Anesti u lind nga Llambi dhe Thomaidha Kodra. Babai i tij Llambi, emigroi ne SHBA, shteti i NY ne vitin 1923. Duke punuar ne nje nga resorantet me ne ze te NY, Llambi ra ne kontakt me patriotet dhe aktivistet shqiptare me te medhenj te asaj kohe. Ai u anetaresua menjehere ne Shoqaten Vatra dhe shume shpejt u be nje nga aktivistet e saj kryesore, ku spikati kontributi i tij ne ceshtjen kombetare shqiptare, qe per ate kohe ishte nje subjekt mjaft delikat.

Ne familjen e vet, Anesti u edukua me frymen e zjarrte atdhetare, traditat dhe kulturen qytetare. Ne Gusht te vitit 1966 Anesti u martua me Znj Meri Andrea, e cila vinte gjithashtu nga nje familje me tradita teper te spikatura kulturore dhe qytetare. Cifti solli ne jete dy femije Brunilda Kodra, martuar me Jeremy Mancevice dhe Llamberto Kodra, martuar me Marlena Gjyshi. Ciftet gjithashtu kane nga dy femije, perkatesisht, Annamaria & Nicholas dhe Megi & Erges. 

    Anesti trashegoi me se miri traditat e familjes dhe i coi ato edhe me lart, si nje burre me shume kulture dhe qyteteari, patriot i flakte i vleave atdhetare dhe punetor i palodhur kudo qe ka punuar. Kam patur fatin ta njoh dhe te bisedoj nga afer me te ndjerin dhe ka qene nje kenaqesi e jashtezakonsme per mua, te degjoja ne menyre te koncetruar pjese nga bagazhi I tij kulturor dhe qytetar, copeza keshillash dhe experiencash njerezore, qe eshte e veshtire ti gjesh ne qindra faqe librash. Si shume korcare te tjere, edhe Anesti ka qene nje serenatist i vjeter i grupeve muzikore korcare dhe ishte nje histori e gjalle e gjithe historise se serenatave dhe kultures qytetare Korcare ne kuptimin me te gjere te fjales.

Ne vitin 1998, familja kodra emigroi ne SHBA, ne Westchester, Michigan, ku jetuan per 13 vjet, dhe ne Maj 2012 u transferuan ne Clearwater, Florida. Bashkeshortja e te ndjerit, Zonja Meri Kodra, ka qene dhe mbetet nje aktiviste e palodhur e shoqates vatra. Duke qene se profesioni i saj eshte mesuese e gjuhes shqipe, Znj Meri Andrea Kodra, ka dhene nje kontribut te jashtezakonshem dhe teper te spikatur si drejtese e shkollave shqipe ne Westchester MI and Clearwater FL duke punuar pa u lodhur ne messimin e gjuhes dhe kultires shqiptare me femijet e komunitetit shqiptar dhe ne organizinmin e aktiviteteve kombetare dhe kulturore ne kete komunitet. 

Gjate gjithe kesaj kohe, megjithese ne moshe relativisht te thyer, si nje anetar i devotshem i shoqates Vatra, Anesti ka qene nje perkrahes dhe propagandist i flakte I ghithe aktivitetit te Shoqates Vatra, dega Tampa Bay. Idete, keshillat dhe sugjerimet e tij kane ndihmuar ne zgjerimin e vizionit te punes sone. Ne syte e anetareve te tjere te deges, ai ka qene simboli i vashdimesise se punes tashme me teper se nje shekull te shoqates Vatra, duke I dhene kesaj shoqate me teper autoritet dhe respekt nga gjithe masa e bashkekombesave ne Tampa Bay.

Me ikjen e tij Dega e shoqates Vatra Tampa Bay, humbi nje nga figurat me frymezuese. Te gjithe miqte dhe shoket qe paten mundesine ta njohin te ndjerin Anesti Kodra, do ta kujtojne ate sin je burre te mencur te urte dhe pounetor, nje njeri qe I zinte vend fjala dhe qe i donte njerezit pa ekuivoke. 

Shoqata Pan Albania Federation Vatra i degron Familjes ngushellimet me te perzemerta me besimin qe rruga e tij te jete plot drite dhe te prehet i qete ne banesen e fundit!

I paharuar qofte kujtimi i tij!

Piro Poloska

Anetar i Kryesise se deges Vatra Tampa Bay/

Patriotët shqiptarë në Amerikë nderuan Gjeneral Abas Kupin në 47 vjetorin e ndarjes nga jeta

by

Sokol Paja/

Partia “Lëvizja e Legalitetit”- Dega e SHBA-së, në bashkëpunim me familjen Kupi, miq, media, veprimtarë, patriotë të spikatur në diasporë, organizata e shoqata në Amerikë, u mblodhën te varri i Gjeneral Abas Kupit, në varrezat Maple Grove Cemetery, në Kew Gardens, Queens New York; për të përkujtuar 47 vjetorin e vdekjes së një prej udhëheqësve më të shquar të nacionalizmit shqiptar, burrit që, në krye të trupave të Mbretit Zog, i zbardhi faqen Shqipërisë më 7 Prillin e 1939-tës, themeluesit të Organizatës Kombëtare të Lëvizjes së Legalitetit dhe kryetarit të nderit të saj, Gjeneral Abas Kupit.

Takimin përkujtimor e hapi Hakik Mena Kryetar i Partisë Lëvizja e Legalitetit Dega SHBA dhe Ahmet Hoti nënkryetar i kësaj partie. Avokat Ilir Kukaj, ish-kryetar i Partisë Lëvizja e Legalitetit Dega Shkodër në fjalën kryesore të aktivitetit përkujtimor të lexuar nga Isuf Kurti theksoi ndër të tjera se qëndresa e organizuar dhe drejtuar nga Gjeneral Abaz Kupi më 7 prill 1939 kundër pushtimit fashist i tregoi mbarë opinionit ndërkombëtar se shteti shqiptar nuk e pranoi pushtimin fashist por shqiptarët ishin të parët që kundërshtuan këtë pushtim. Me këtë qëndresë Gjeneral Abas Kupi jo vetëm zbatoi detyrën e ngarkuar nga Mbreti Zogu I, por e pozicionoi shtetin Shqiptar në krahun e shteteve dhe aleatëve antifashistë që më 7 prill 1939 dhe jo më pas siç është pretenduar nga komunistët shqiptarë.

Më tej në fjalën e tij thuhet se e gjithë jeta e Gjeneral Abaz Kupit pasqyron idealet por dhe cilësitë më të dalluara të kombit shqiptar : Kontributi i jashtëzakonshëm për rivendosjen e Monarkisë si një e drejtë legjitime dhe dinjiteti për shqiptarët dhe Shqipërinë. Bashkimi i shqiptarëve pavarësisht bindjeve politike por dhe bashkimi i trojeve shqiptare, dashuria dhe sakrifica deri në vetmohim për atdheun, Lufta pa kompromis kundër pushtuesit nazi-fashist, shmangia e vëllavrasjes ndërmjet shqiptarëve, lufta jo vetëm kundër vendosjes së komunizmit por edhe rrëzimit të tij si një ideologji që iu imponua shqiptarëve kundër vullnetit të tyre, thuhet në fjalën përshëndetëse të z.Kukaj. Kreu i Partisë Lëvizja e Legalitetit në Shqipëri Shpëtim Axhami në fjalën përshëndetëse lexuar nga Hakik Mena ndër të tjera tha se duke nderuar figurën e gjeneral Abaz Kupit, nderoni veten tuaj, familjet tuaja e të gjithë neve duke dhënë gjithashtu një mesazh per brezat e ri, se historia është ndryshe dhe jo ajo që u shkruajt prej komunizmit. Legalistët në SHBA, përgjatë pushtimit komunist në Shqipëri e në vazhdimësi, kanë mbajtur gjallë frymën mbretërore-zogiste dhe kanë kontribuar jo pak për çështjen kombëtare. Gjeneral Asllan Bushati në fjalën e tij e cilësoi Abas Kupin luftëtar, njeri me prirje dhe cilësi të veçanta, prijës dhe idealist i madh i çështjes dhe interesit kombëtar.

Editori i Diellit përshëndeti në emër të Vatrës e Diellit duke theksuar se nderimi për Gjeneral Abas Kupin është nderim për historinë tonë kombëtare. Ndrec Gjergji, figurë e shquar e Legalitetit në Shtetet e Bashkuara të Amerikës përshëndeti të pranishmit dhe i falenderoi për organizimin e këtij tubimi kombëtar në respekt të një prej personaliteteve më të shquara të kombit shqiptar. Në emër të familjes Kupi përshëndeti dhe falenderoi Sokol Kupi i cili shprehu mirënjohjen në emër të familjes për nderimin që iu bë Gjeneral Abas Kupit. Ceremonia përkujtimore përfundoi me vendosjen e kurorave me lule pranë varrit ku prehet në paqen e përjetshme Gjeneral Abas Kupi.

“Albanian Excellence” vizitë në Vatër

by

New York, 5 Janar 2023- Vatrën e vizituan përfaqësuesit më të lartë të organizatës kulturore-patriotike “Albanian Excellence” gazetarja Flora Nikolla dhe regjizori Andis Gjoni. Ata u pritën nga Editori i Diellit i cili u ndal në detaje rreth punës e përpjekjeve të vazhdueshme që Vatra e Dielli zhvillojnë çdo ditë në shërbim të çështjes kombëtare e komunitetit shqiptar në Shtetet e Bashkuara të Amerikës. Drejtuesja dhe themeluesja e

“Albanian Excellence” Flora Nikolla u shpreh se “Është një misión fisnik të tregojmë vlerat dhe suksesin e shqiptareve kudo jane. Vatra është e do të jetë një pararojë e historisë së shqiptareve kudo janë, ndaj dhe bashkëpunimin me kete vlerë historike e shohim si prioritet në bashkepunimin e në zhvillimin e metejshëm të Albanian Excellence”, tha gjatë kësaj vizite Flora Nikolla e cila nënvizoi faktin se historia e Vatrës, duhet vënë gjithnjë në vendin qe meriton. Andis Gjoni Drejtori i bordit të “Albanian Excellence” e cilësoi shumë të rëndësishme bashkepunimin e Albanian Excellence me Federatën Pan shqiptare të Amerikes Vatra. Ai tha se “Vatra është guri i themeltar i të gjithë mërgimtarëve shqiptarë qe dhane nje kontribut te madh ne themelimin e shtetit shqiptar. Ndaj ajo vijon të luajë nje rol të rendesishem ne zhvillimin e metejshem te komunitetit shqiptar ne SHBA” tha mdër të tjera z.Gjoni. “Albanian Excellence” u themelua në Tiranë ne nëntor 2012 në 100 vjetorin e lindjes së shtetit shqiptar për të gjithë shqiptarët e suksesit kudo jetojnë. Nga Ky vit, ky misión fisnik i Albanian Excellence, është bërë realitet në botimin e 15 librave me histori suksesi të shqiptareve të të gjithe hapësirës mbarëshqiptare kudo janë, duke krijuar padyshim enciklopedinë e suksesit shqiptar. Albanian Excellence është themeluese e çmimit Albanian Excellence, Zonjat shqiptare në Nju Jork , Zonjat që bëjnë Shqipërinë, Zonjat që bëjnë Shqiptarinë, Të jesh líder në kohë Pandemie, Hero Covid 19. Albanian Excellence është themeluese e Bienales Ndërkombëtare të Karikaturës, konkurs që e futi për herë të pare Shqipërinë në hartën e karikaturës Botërore, themeluese e Konkursit të letërsisë Satiriko-Humoristike Mbarëkombëtare. Themeluese e orkestrës Albanian Excellence me instrumentiste shqiptare kudo në botë. Ideatore e memorandumit “Te jesh grúa ne shekullin e XXI” nënshkruar ne Nju Jork 2016 me prezenncën e Presidentit Nishani, Peticioni per Viktimat e dhunës seksuale të luftës ne Kosovë ne Vitin 1999 nenshkruar në Nju Xhersi në Vitin 2018. Flora Nikolla, themeluese e Drejtore Ekzekutive Albanian Excellence, gazetare me një eksperiencë 30 vjeçare, kryeredaktore në Agjencine Telegrafike Shqiptare, kryeredaktore e revistës Kult, Andis Gjoni Drejtor i Bordit Albanian Excellence, piktor-Skenograf, regjisor – realizes shume veprave teatrore dhe operistike ne SHBA dhe ne Shqipëri. Fitues i disa çmimeve në SHBA.