Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

“DIELLI”, NUMRI I RI NE PRINT U NIS DREJT ABONENTËVE DHE INSTITUCIONEVE AMERIKANE

by

Sot në orën 9 të mëngjesit(26 Mars 2021) gazeta Dielli, ashtu si për 111 vite radhazi, është nisur drejt lexuesëve , bibliotekave, institucioneve, departamentit të Shtetit Amerikan, albanologëve, nëpër shtetet e Amerikës së Veriut dhe Kanadas. Faleminderit bashkëpunëtorëve dhe redaksisë.Ky numër ka 14 faqe në gjuhën angleze dhe 22 faqe në gjuhën shqipe. Falenderim i vecantë shkon për studentet Franka Veliu(mbesa e sekretares së Vatrës-Nazo Veliu) dhe shoqes së saj studentëve- Rea Hasanaj, që si për cdo numër, ndihmuan në përpunimin dhe përgatitjen e gazetës për postim. Faleminderit gazetarit të Diellit Sokol Paja, që ishte pjesë e grupit së bashku me editorin, si dhe anëtarin e Kryesisë së Vatrës, të papërtuarin Mark Mrnacaj, që ndihmoi për ta transportuar gazetën në zyrat e postës. Lexim të mbarë! Për ju që jetoni në Bronx, gazetën mund ta gjeni në Arthur Ave: ALB TV; Briska, Kosova dhe pranë zyrave të Vatrës.Bashkëpunoni me ne në e-mail-gazetadielli@gmail.com

Mërgata duhet t’i përgjigjet masivisht regjistrimit të popullsisë në Maqedoni të Veriut

by

-U.d. Presidentja Vjosa Osmani priti në takim zëvendëskryeministrin e parë të Maqedonisë së Veriut, z.Artan Grubi/

U.d. Presidentja Vjosa Osmani ka pritur në takim zëvendëskryeministrin e parë të Maqedonisë së Veriut, z.Artan Grubi.

Të dy bashkëbiseduesit kanë vlerësuar raportet e mirë ndërfqinjësore dhe kanë shprehur përkushtimin që ato të avancohen edhe më tej.

Z.Grubi ka uruar u.d. Presidenten Osmani për suksesin në zgjedhjet e 14 shkurtit.

Ai e ka njoftuar zonjën Osmani për ecurinë e procesit të regjistrimit të popullsisë në Maqedoni të Veriut dhe ka potencuar rëndësinë e përfshirjes sa më të madhe të Mërgatës shqiptare.

Në këtë kontekst zonja Osmani kë mbështetur këtë proces duke kërkuar nga Mërgata që t`i përgjigjet masivisht regjistrimit të popullsisë në Maqedoni të Veriut. Sipas saj, përtej aspektit statistikor, ky regjistrim do të jetë përmbajtësor në avancimin e të drejtave qytetare të shqiptarëve.  

Në takim u diskutua edhe për sfidat në menaxhimin e pandemisë Covid-19 dhe përpjekjeve të të dy shteteve për sigurimin e vaksinave anticovid.

U përmend se ndërmjet të të dy shteteve deri tashti ekzistojnë 19 draft marrëveshje, të cilat do të mund të shqyrtohen me krijimin e institucioneve të reja në Kosovë.

Kosova opens embassy in Jerusalem after Israel recognises its independence

by

THE DUARDIEN-

Move makes Kosovo first Muslim-majority territory to acknowledge city as Israel’s capital…Kosovo has officially opened its embassy in Jerusalem after becoming the first Muslim-majority territory to recognise the city as Israel’s capital.

The move was in exchange for Israel recognising Kosovo, a major victory for Pristina’s efforts to gain full global recognition of the independence it declared in 2008 following a war with Serbia in the 1990s.

The embassy was opened during a brief ceremony during which Kosovo’s flag was raised in front of the building in Jerusalem, the Kosovo foreign ministry said in a statement.

Serbia has refused to acknowledge the independence of its former province, so while Kosovo has now been recognised by much of the western world, its rejection by Belgrade’s key allies Russia and China has locked it out of the United Nations.

Israel had been another key holdout until last month, when it established diplomatic ties with Kosovo. In exchange, Kosovo followed the controversial lead of the former US president Donald Trump by recognising Jerusalem as the Jewish state’s capital.

Trump had discussed the Israel-Kosovo deal in Washington during economic talks with Serbia and Kosovo in September. Kosovo’s decision prompted criticism not only from Muslim-majority countries such as Turkey, but also from Europe.

The status of Jerusalem remains one of the biggest flashpoints in the long-running Israeli-Palestinian conflict. The Palestinians claim East Jerusalem as the capital of their future state, and most countries have their embassies in Tel Aviv.

In one of Europe’s most intractable disputes, Serbia has rejected Kosovo’s independence since it broke away in a 1998-99 war that was ended only by a Nato bombing campaign against Serbian troops.

Both Kosovo and Serbia face mounting pressure from the west to resolve the impasse, seen as crucial to either side joining the EU. More than 13,000 people died in the war, mostly Kosovo Albanians, who form a majority in the former province.

KQZ çertifikon rezultatet e zgjedhjeve te 14 Shkurtit

by

Vetëvendosja në krye me 50.28% dhe 58 ulëse në Kuvend-

Partia Demokratike e Kosovës me 17 përqind të votave ka siguruar 19 ulëse në Kuvend. Lidhja Demokratike e Kosovës me 12.73 përqind ka siguruar 15 ulëse në Kuvend.

Hedhja poshtë e ankesave të partive politike nga Gjykata Supreme i liroi rrugën Komisionit Qendror të Zgjedhjeve që të bëjë certifikimin e rezultateve finale të zgjedhjeve të 14 shkurtit.

Përfundimisht, Lëvizja Vetëvendosje doli fituese ngase mori gjysmën e votave në krejt Kosovën. Ajo u radhit e para me 50.28 % pasuar nga Partia Demokratike e Kosovës me 17 %.

Lidhja Demokratike e Kosovës mori vetëm 12.7 % të votave, rezultat ky që është më i dobëti që prej ekzistencës së kësaj partie.

Vendin e katërt e zuri Aleanca për Ardhmërinë e Kosovës me 7 %, derisa Nisma Socialdemokrate nuk arriti ta kalojë pragun me vetëm 2.5 % të votave të fituara.

Presidenti Meta përfshihet në përplasjet me Policinë Bashkiake

by

Nga Armand Mero*/

Tirane, 12 Mars 2021-Në Shqipëri përplasjet sot mes policisë Bashkiake dhe përfaqësuesve të Frymës së Re Demokratike për lirimin e zyrave të kësaj force politike, përfshinë dhe presidentin Ilir Meta. Kreu i Shtetit ndërhyri duke urdhëruar punonjësit e Bashkisë që të dalin jashtë, ndërsa foli për një përpjekje nga ana e pushtetit, për të dhunuar forcat opozitare që synojnë të konkurrojnë në zgjedhje . Fryma e Re Demokratike, e cila ka qenë në aleancë me socialistët në pushtet, konkurron tani në zgjedhjet e 25 Prillit në koalicion me Partinë Demokratike.

Punonjësit e Policisë Bashkiake u shfaqën sot në zyrat e Frymës së Re Demokratike (FRD), për të marrë në zotërim mjediset që i janë dhënë me qera kësaj force politike e që sipas Bashkisë, tanimë duhet të liroheshin.

Pasi ka debatuar me punonjësit e Policisë Bashkiake, kryetari i FRD, Sali Shehu, i ka telefonuar Presidentit Ilir Meta, i cili ka mbërritur brenda një kohe të shkurtër. Ndërkohë që të dy kanë hyrë brenda, aty ka nisur përplasja mes palëve, në të cilën është përfshirë dhe vetë kreu i Shtetit, duke urdhëruar me zë të lartë që punonjësit e Bashkisë të dilnin menjëherë jashtë e duke i kërcënuar se “do t’ju çoj në burg me duart e mija”. 

Një situatë e tensionuar mbizotëroi për disa minuta me rradhë. Më pas presidenti Meta duke komunikuar më gazetarët tha se veprimet e Bashkisë, kishin sipas tij synim “për të dhunuar fizikisht, por për të dhunuar dhe psikologjikisht çdo forcë opozitare e cila synon të konkurrojë në kushte të barabarta në zgjedhje, duke keqpërdorur Bashkinë “bandë”. Kjo është padyshim tepër irrituese dhe është një paralajmërim për të gjithë qytetarët shqiptarë, për përpjekjet mafioze për të vënë dorë mbi votën e barabartë, mi një proces zgjedhor me garanci dhe integritet”

Presidenti Meta përdori sërish tone të forta ndaj punonjësve të policisë: “Po i paralajmëroj dhe një herë të gjithë policët, Bashkiakë dhe të Policisë së shtetit, që të mos përfundoni si policët e Mubarakut, nën këpucët e popullit shqiptar”, u shpreh ai.

Fryma e Re Demokratike ka qenë në aleancë me socialistët në pushtet. Një prej nënkryetarëve aktualë të Bashkisë është përfaqësues i kësaj force politike. Por FRD së fundmi ju bashkua koalicionit opozitar për zgjedhjet e 25 Prillit. Një vendim që duket se ka krijuar përpasje të brendshme dhe që çoi në dorëheqjen e kryetarit të saj, ish presidentit Bamir Topi.

Bashkia pretendon se Fryma e Re Demokratike, qëndronte në zyra, përtej afatit, që prej tre vitesh dhe se kërkesën për lirimin e mjediseve të dhëna me qera prej saj, ja ka dërguar dhe shumë forcave të tjera politike. Përfaqësuesit e FRD treguan sot se shkresa dërguar atyre ishte pa vulë, pa numër protokolli dhe pa emrin e titullarit që kishte lëshuar urdhërin.

Duke folur për disa media vendase kryebashkiaku Erion Veliaj, përdori tone denigruese ndaj Kreut të Shtetit, ndërsa tha se rruga normale nuk është ajo e dhunës, por e ankimit në institucione, përfshirë dhe gjykatat.

Për situatën e krijuar reaguan dhe forcat e tjera opozitare. “Hakmarrja është tipari më dallues I Edi Ramës në këto 8 vite. Pa diskutim që kjo është dhunë ndaj opozitës dhe mendimit të lirë. Por kjo nuk na tremb e as na shkurajon se dhuna ka qenë e vetmja alternativë që ajo ka patur për shqiptarët, ndërsa alternative jonë është ajo e ndryshimit”, deklaroi kryetari demokrat Lulzim Basha, pasi vizitoi zyrat e FRD, I shoqëruar dhe nga përfaqësues të partive të tjera aleate të opozitës.

*Kortezi- Zeri i Amerikes