Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Fuqizim i kapaciteteve diplomatike të Kosovës

by

-Konsultime përmbajtësore me lidershipin e Institutit të Shërbimit të Jashtëm të Departamentit Amerikan të Shtetit mbi reformat funksionale në MPJD dhe fuqizimin e shërbimit të jashtëm të Republikës së Kosovës/
PRISHTINË, 22 Tetor 2020-Gazeta DIELLI/ Me mbështetjen e Ambasadës Amerikane, Ministria e Punëve të Jashtme dhe e Diasporës e Republikës së Kosovës ka realizuar një takim konsultativ shumë përmbajtësor me lidershipin e Foreign Service Institute (FSI) – Instituti i Shërbimit të Jashtëm në kuadër të Departamentit Amerikan të Shtetit.
Ministrja e Punëve të Jashtme dhe Diasporës, Meliza Haradinaj-Stublla, bëri të ditur se me Institutin e Shërbimit të Jashtëm, që funksionon në kuadër të Departamentit Amerikan të Shtetit, është diskutuar për shumë tema, dhe në veçanti për reformat funksionale brenda MPJD-së dhe fuqizimin e kapaciteteve diplomatike në kuadër të shërbimit të jashtëm të Republikës së Kosovës.“Në këtë shkëmbim mbi praktikat dhe proceset bashkëkohore diplomatike, ngrita çështje që lidhen me synimet tona institucionale për reforma. Drejtues dhe ekspertë të FSI-së, ndanë me ne këndvështrimet e tyre, të mbështetura mbi mënyrën se si ofrohen shërbime të investimit në kapacitete profesionale diplomatike, të qëndrushme dhe institucionale në SHBA”, tha Ministrja Haradinaj-Stublla.Duke e vlerësuar këtë takim konsultativ si shumë të rëndësishëm, Kryediplomatja e Kosovës tha se është thellësisht mirënjohëse ndaj Ambasadës Amerikane në Kosovë dhe Ambasadës së Kosovës në Shtetet e Bashkuara të Amerikës, që mundësuan realizimin e tij.

World Food Programme

by

-Awarded Nobel Peace Prize-

Statement by WFP Executive Director David Beasley/
The awarding of the Nobel Peace Prize to the United Nations World Food Programme (WFP) is a humbling, moving recognition of the work of UN World Food Programme staff who lay their lives on the line every day to bring food and assistance to close to 100 million hungry children, women and men across the world. People whose lives are often brutally torn apart by instability, insecurity and conflict.
Every one of the 690 million hungry people in the world today has the right to live peacefully and without hunger. The Norwegian Nobel Committee has turned the global spotlight on them and on the devastating consequences of conflict. Climate shocks and economic pressures have further compounded their plight. And now, a global pandemic with its brutal impact on economies and communities, is pushing millions more to the brink of starvation.
The Nobel Peace Prize is not the UN World Food Programme’s alone.  We work closely with governments, organizations and private sector partners whose passion for helping hungry and vulnerable people equals ours. We could not possibly help anyone without them. We are an operational agency and the daily work of our staff each day is driven by our core values of integrity, humanity and inclusion.
Where there is conflict, there is hunger. And where there is hunger, there is often conflict. Today is a reminder that food security, peace and stability go together. Without peace, we cannot achieve our global goal of zero hunger; and while there is hunger, we will never have a peaceful world.

This year’s recipient of the Nobel Peace Prize was the United Nations World Food Program for its efforts to fight hunger and prevent the use of starvation as a weapon of war. The United Nations World Food Programme is the world’s largest humanitarian organization, saving lives in emergencies, building prosperity and supporting a sustainable future for people recovering from conflict, disasters and the impact of climate change.

Kosova, bashkëpunim të plotë në çështjet nga Marrëveshja në Washington

by

-Ministri Kuçi në takim të veçantë me ndihmës zv.sekretarin e Energjisë në SHBA, Matthew Zais, përpos që i ofroi bashkëpunim të plotë në çështjet e dala nga Marrëveshja e 4 Shtatorit në Washington, ai i kërkoi përkrahje në zbatimin e Kornizën e Strategjisë së re të Energjisë në Kosovë. Intensifikohet puna me ekspertët amerikanë që do të punojnë në fizibilitetin e Liqenit të Ujmanit/ 

PRISHTINË, 12 Tetor 2020-Gazeta DIELLI nga korrespondenti në Kosovë/ Ministri i Ekonomisë dhe Ambientit, Blerim Kuçi ka marrë pjesë në takimin bilateral me delegacionin e Qeverisë së SHBA-ve, të udhëhequr nga i dërguari special për dialogun Kosovë – Serbi, Richard Grenell, bashkë me Kryeshefin Ekzekutiv të Korporatës Ndërkombëtare të Financave dhe Zhvillimit në SHBA (DFC) Adam Boehler, përfaqësues të USAID, Kryetarin e Bankës së Eksport-Importit të Shteteve të Bashkuara (EXIM), si dhe zyrtarë të tjerë të lartë të qeverisë nga Departamentet e Energjisë dhe Tregtisë në SHBA.

Në margjina të takimit mes dy delegacioneve, ministri Kuçi është takuar me zëvendës sekretarin për Energji në Departamentin e Shtetit, Matthew Zais.

Takimi me z. Zais kishte për qëllim pranim-dorëzimin e letrës së sekretarit për Energji në Departamentin e Shtetit, Dan Brouillette. Kjo letër përmban një njoftim se në muajt e ardhshëm do të intensifikohet puna me ekspertët amerikanë që do të punojnë në fizibilitetin e Liqenit të Ujmanit, si pjesë e Marrëveshjes së 4 Shtatorin në Washington.

Mes tjerash në këtë takim është diskutuar për Strategjinë e re të Energjisë në Kosovë, modalitet e ecjes përpara me energji dhe sfidat që po kalon Kosova në këtë sektor. Këto sfida lidhen me sigurinë e furnizimit dhe mundësinë e diversifikimit të burimeve të gjenerimit.

Përtej harmonizimit të hapave të mëtutjeshëm dhe bashkëpunimit të ndërsjellë, Kuçi dhe Zais u shprehën të kënaqur se tash ka edhe një instrument financiar mbështetës, siç është Korporata Ndërkombëtare e Financave dhe Zhvillimit në SHBA (DFC).

Ministri Blerim Kuçi ndër të tjera i ka prezantuar zëvendës sekretarin për Energji në Departamentin e Shtetit, kornizën mbi të cilën do të ndërtohet Strategjia e re e Energjisë, e bazuar në burimet e Energjisë së Ripërtritshme, burimet e Linjitit, burimet e Gazit dhe aplikimi i masave efiçiente të energjisë.

Si përfundim, ministri Kuçi përpos që i ofroi bashkëpunim të plotë në çështjet e dala nga Marrëveshja e 4 Shtatorit në Washington, ai i kërkoi përkrahje në zbatimin e Kornizën e Strategjisë së re të Energjisë në Kosovë.

KOSOVË-RIFILLON USHTRIMI “SHPATA E ARGJENDTË”

by

-Forca e Kosovës (KFOR) e udhëhequr nga NATO-ja ushtrime për reagim ndaj situatave emergjente. Deri në vitin 2019, këto ushtrime ishin planifikuar dhe mbajtur nën udhëheqjen e KFOR-it, por këtë vit u vendos që institucionet në Kosovë të trajnohen dhe stërviten për t’i mundësuar atyre që të planifikojnë ushtrimin e tyre të shkallës së gjerë të reagimit ndaj situatave emergjencave dhe të shfaqin publikisht kapacitetet e tyre/

PRISHTINË, 10 Tetor 2020-Gazeta DIELLI nga korrespondenti në Kosovë/ Pas një ndërprerjeje për shkak të Covid-19, ushtrimi i KFOR-it “Shpata e Argjendtë” rifilloi këtë javë. Që nga viti 2012, Forca e Kosovës (KFOR) e udhëhequr nga NATO-ja ka mbajtur ushtrimin vjetor, i cili ka për qëllim të testojë dhe përmirësojë bashkëpunimin e institucioneve të ndryshme në Kosovë, si dhe Organizatave të Sigurisë të Kosovës bashkë me njësitë e KFOR-it në fushën e reagimit emergjent.

Deri në vitin 2019, këto ushtrime ishin planifikuar dhe mbajtur nën udhëheqjen e KFOR-it, por këtë vit u vendos që institucionet në Kosovë të trajnohen dhe stërviten për t’i mundësuar atyre që të planifikojnë ushtrimin e tyre të shkallës së gjerë të reagimit ndaj situatave emergjencave dhe të shfaqin publikisht kapacitetet e tyre.

Ushtrimi ‘Shpata e Argjendtë’ do të përfshijë përsëri Këshillin e Sigurisë së Kosovës, Agjencinë për Menaxhimin e Emergjencave, Policinë e Kosovës, Kryqin e Kuq të Kosovës dhe Forcën e Sigurisë së Kosovës, të cilat tashmë kishin marrë pjesë në module trajnimi që rezultuan të dobishme në aspektin e koordinimit për të reaguara në situate reale emergjente të shkaktuara nga Covid19.

Faza e re e ushtrimit ‘Shpata e Argjendtë 2020-2021′ rifilloi më 6 – 8 tetor, në Akademinë e Kosovës për Siguri Publike, në Vushtrri, paralelisht me dorëzimin e përgjegjësive nga zëvendës-komandanti i KFOR-it në largim, gjeneralbrigade Laurent Michaud i Ushtrisë Zvicerane që drejtoi stërvitjen deri më tani, te gjeneralbrigade Guenter Schoepf. Fokusi i fazës së re ishte rifreskimi i trajnimit të mëparshëm dhe dy koncepte më të rëndësishme: Procesi i Mësimeve të Mësuara dhe Komunikimi i përbashkët institucional për të promovuar kapacitetet dhe bashkëpunimin e Institucioneve në Kosovë dhe Organizatave të Sigurisë së Kosovës.

Faza tjetër do të përfshijë katër Ngjarje Kryesore që kanë një Pandemi si temë paralele dhe do të zhvillohen në muajt e ardhshëm. Ushtrimi i konceptit është planifikuar në gjysmën e parë të vitit 2021 dhe do të pasohet nga përgatitjet e të gjithë pjesëmarrësve në nivelin taktik në funksion të stërvitjes së planifikuar për në Shtator 2021.Ushtrimi ‘Shpata e Argjendtë 2020-2021’ do të përmbyllet me Raportin Përfundimtar të Ushtrimit, i cili do të mbledhë të gjitha përvojat në mënyrë që të përmirësojë procedurat dhe strukturat e secilës organizatë dhe gjithashtu për të përmirësuar Planin për Reagim Kombëtar.

Kosova, e rreshtuar përkrah aleatëve në krye me SHBA

by

-Ministrja Haradinaj-Stublla bisedoi me Koordinatorin Kundër Terrorizmit në Departamentin Amerikan të Shtetit, ambasadorin Nathan Sales/

PRISHTINE, 8 Tetor 2020-Gazeta DIELLI/ Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla, ka zhvilluar një bisedë telefonike substanciale me Koordinatorin Kundër Terrorizmit në Departamentin Amerikan të Shtetit, Ambasadorin Nathan A. Sales.

Njoftimi i dërguar thekson se, Ministrja Haradinaj-Stublla ka diskutuar me Ambasadorin Sales për zhvillimet politike dhe të sigurisë në Kosovë dhe më gjerë, sidomos për Marrëveshjen e Uashingtonit, në veçanti zotimet që bien në përgjegjësinë direkte të fushëveprimit të Ministrisë së Punëve të Jashtme dhe Diasporës. 

“E njoftova Ambasadorin Sales se Republika e Kosovës është e përkushtuar në implementimin e të gjitha pikave të marrëveshjes dhe se çmon përkushtimin e lartë të Lidershipit Amerikan për vënien në jetë të zotimeve të dhëna në këtë marrëveshje”, tha Ministrja Haradinaj-Stublla. 

Në këtë kontekst, shefja e diplomacisë kosovare e ka theksuar Vendimin e qeverisë së Republikës së Kosovës për ta shpallur organizatë terroriste, organizatën Hezbollah si tërësi.

Gjatë kësaj bisede është vlerësuar edhe kontributi që Republika e Kosovës ka dhënë në luftën kundër terrorizmit ndërkombëtar, në veçanti roli i shtetit tonë në Koalicionin Global Anti-DAESH.

Ministrja Haradinaj-Stublla ka theksuar se Kosova është e rreshtuar përkrah aleatëve në krye me Shtetet e Bashkuara të Amerikës në mbrojtje të lirisë dhe demokracisë për të gjithë popujt paqedashës.