Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

KOSOVË-RIFILLON USHTRIMI “SHPATA E ARGJENDTË”

by

-Forca e Kosovës (KFOR) e udhëhequr nga NATO-ja ushtrime për reagim ndaj situatave emergjente. Deri në vitin 2019, këto ushtrime ishin planifikuar dhe mbajtur nën udhëheqjen e KFOR-it, por këtë vit u vendos që institucionet në Kosovë të trajnohen dhe stërviten për t’i mundësuar atyre që të planifikojnë ushtrimin e tyre të shkallës së gjerë të reagimit ndaj situatave emergjencave dhe të shfaqin publikisht kapacitetet e tyre/

PRISHTINË, 10 Tetor 2020-Gazeta DIELLI nga korrespondenti në Kosovë/ Pas një ndërprerjeje për shkak të Covid-19, ushtrimi i KFOR-it “Shpata e Argjendtë” rifilloi këtë javë. Që nga viti 2012, Forca e Kosovës (KFOR) e udhëhequr nga NATO-ja ka mbajtur ushtrimin vjetor, i cili ka për qëllim të testojë dhe përmirësojë bashkëpunimin e institucioneve të ndryshme në Kosovë, si dhe Organizatave të Sigurisë të Kosovës bashkë me njësitë e KFOR-it në fushën e reagimit emergjent.

Deri në vitin 2019, këto ushtrime ishin planifikuar dhe mbajtur nën udhëheqjen e KFOR-it, por këtë vit u vendos që institucionet në Kosovë të trajnohen dhe stërviten për t’i mundësuar atyre që të planifikojnë ushtrimin e tyre të shkallës së gjerë të reagimit ndaj situatave emergjencave dhe të shfaqin publikisht kapacitetet e tyre.

Ushtrimi ‘Shpata e Argjendtë’ do të përfshijë përsëri Këshillin e Sigurisë së Kosovës, Agjencinë për Menaxhimin e Emergjencave, Policinë e Kosovës, Kryqin e Kuq të Kosovës dhe Forcën e Sigurisë së Kosovës, të cilat tashmë kishin marrë pjesë në module trajnimi që rezultuan të dobishme në aspektin e koordinimit për të reaguara në situate reale emergjente të shkaktuara nga Covid19.

Faza e re e ushtrimit ‘Shpata e Argjendtë 2020-2021′ rifilloi më 6 – 8 tetor, në Akademinë e Kosovës për Siguri Publike, në Vushtrri, paralelisht me dorëzimin e përgjegjësive nga zëvendës-komandanti i KFOR-it në largim, gjeneralbrigade Laurent Michaud i Ushtrisë Zvicerane që drejtoi stërvitjen deri më tani, te gjeneralbrigade Guenter Schoepf. Fokusi i fazës së re ishte rifreskimi i trajnimit të mëparshëm dhe dy koncepte më të rëndësishme: Procesi i Mësimeve të Mësuara dhe Komunikimi i përbashkët institucional për të promovuar kapacitetet dhe bashkëpunimin e Institucioneve në Kosovë dhe Organizatave të Sigurisë së Kosovës.

Faza tjetër do të përfshijë katër Ngjarje Kryesore që kanë një Pandemi si temë paralele dhe do të zhvillohen në muajt e ardhshëm. Ushtrimi i konceptit është planifikuar në gjysmën e parë të vitit 2021 dhe do të pasohet nga përgatitjet e të gjithë pjesëmarrësve në nivelin taktik në funksion të stërvitjes së planifikuar për në Shtator 2021.Ushtrimi ‘Shpata e Argjendtë 2020-2021’ do të përmbyllet me Raportin Përfundimtar të Ushtrimit, i cili do të mbledhë të gjitha përvojat në mënyrë që të përmirësojë procedurat dhe strukturat e secilës organizatë dhe gjithashtu për të përmirësuar Planin për Reagim Kombëtar.

Kosova, e rreshtuar përkrah aleatëve në krye me SHBA

by

-Ministrja Haradinaj-Stublla bisedoi me Koordinatorin Kundër Terrorizmit në Departamentin Amerikan të Shtetit, ambasadorin Nathan Sales/

PRISHTINE, 8 Tetor 2020-Gazeta DIELLI/ Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla, ka zhvilluar një bisedë telefonike substanciale me Koordinatorin Kundër Terrorizmit në Departamentin Amerikan të Shtetit, Ambasadorin Nathan A. Sales.

Njoftimi i dërguar thekson se, Ministrja Haradinaj-Stublla ka diskutuar me Ambasadorin Sales për zhvillimet politike dhe të sigurisë në Kosovë dhe më gjerë, sidomos për Marrëveshjen e Uashingtonit, në veçanti zotimet që bien në përgjegjësinë direkte të fushëveprimit të Ministrisë së Punëve të Jashtme dhe Diasporës. 

“E njoftova Ambasadorin Sales se Republika e Kosovës është e përkushtuar në implementimin e të gjitha pikave të marrëveshjes dhe se çmon përkushtimin e lartë të Lidershipit Amerikan për vënien në jetë të zotimeve të dhëna në këtë marrëveshje”, tha Ministrja Haradinaj-Stublla. 

Në këtë kontekst, shefja e diplomacisë kosovare e ka theksuar Vendimin e qeverisë së Republikës së Kosovës për ta shpallur organizatë terroriste, organizatën Hezbollah si tërësi.

Gjatë kësaj bisede është vlerësuar edhe kontributi që Republika e Kosovës ka dhënë në luftën kundër terrorizmit ndërkombëtar, në veçanti roli i shtetit tonë në Koalicionin Global Anti-DAESH.

Ministrja Haradinaj-Stublla ka theksuar se Kosova është e rreshtuar përkrah aleatëve në krye me Shtetet e Bashkuara të Amerikës në mbrojtje të lirisë dhe demokracisë për të gjithë popujt paqedashës.

VATRA, urë e bashkëpunimit shqiptaro-amerikan

by

TIRANË, 6 tetor /ATSH/ – Kryetari i Kuvendit, Gramoz Ruçi, priti sot Kryetarin e Federatës VATRA, Elmi Berisha. Në takim mori pjesë edhe kryetari i grupit parlamentar të PS, Taulant Balla.

“VATRA është ndër organizatat më të vjetra të Diasporës shqiptare dhe ka një moshë me shtetin shqiptar. Diaspora shqiptare në SHBA është më e rëndësishmja dhe më e shquara për kontributet dhe prurjet e vazhdueshme në thesarin e kombit shqiptar si edhe ka shërbyer e shërben si një urë e bashkëpunimit shqiptaro-amerikan. Vëmendja e Kuvendit dhe e Qeverisë së Shqipërisë ndaj Diasporës është në rritje dhe për këtë dëshmojnë edhe politikat, legjislacioni, masat dhe institucionet e reja që janë krijuar. Diaspora, si një faktor dhe burim i nxitjes së zhvillimit të Shqipërisë.  Ne vlerësojmë në mënyrë të veçantë mbështetjen dhe kontributin e VATRËS për pavarësinë e Kosovës, njohjen dhe anëtarësimin e saj në organizatat ndërkombëtare”, vuri në dukje Kryetari i Kuvendit, Gramoz Ruçi.

Kryetari i Federatës VATRA, Elmi Berisha, falenderoi Kryetarin e Kuvendit për vlerësimin e kontributit të Federatës dhe nënvizoi se VATRA, si një institucion i fuqishëm moral i shqiptarëve, do të jetë gjithmonë në mbështetje të Shqipërisë dhe Kosovës si edhe institucioneve të tyre, për fuqizimin e bashkëpunimit me ShBA, rritjen e kontributit të Diasporës shqiptare në zhvillimin e Shqipërisë dhe Kosovës si edhe përshpejtimin e integrimit europian.

Senior DFC Official Caleb McCarry Visits Kosovo

by

September 25, 2020- Caleb McCarry, Counselor to U.S. International Development Finance Institution (DFC) Chief Executive Officer, Adam Boehler, visited Kosovo on September 24 and 25, where he met with senior government officials and business leaders to explore ways to mobilize private sector investment to advance economic growth and stability. 

While in Kosovo, McCarry met with Prime Minister Avdullah Hoti along with other senior government officials and local business leaders to continue discussions on supporting economic growth, development, and stability through private sector investment in Kosovo. 

“The historic normalization agreement between Kosovo and Serbia earlier this month paves the way for increased investment to drive economic development and regional integration,” said McCarry. “The United States International Development Finance Corporation is committed to providing financing to help mobilize investment in roads, rail links, and other projects that create jobs that benefit the people of Kosovo. 

McCarry’s visit follows the recent September 21 interagency visit led by CEO Boehler. During this visit, Boehler signed a joint statement with Prime Minister Hoti which builds on the existing investment pipeline in Kosovo to strengthen air, rail, and road infrastructure; energy; technology and tourism, among other industries. This is a step towards greater regional prosperity and builds on the recent White House brokered economic normalization agreement, a major milestone that will pave the way for economic development in Kosovo and the region. 

The U.S. International Development Finance Corporation (DFC) is America’s development bank, a new $60 billion agency that supports development in emerging markets through private sector investment, and is working to catalyze greater investment in Kosovo. …

Ndodhi Sot-Arrestimi i parë në Kosovë nga Prokuroria Speciale

by

Gjykata Speciale në Hagë/

Zyra e Prokurorit të Specializuar, me seli në Hagë, njoftoi të enjten se ka arrestuar Salih Mustafën. Mustafa, në kohën e fundit, ka qenë zyrtar i lartë në Drejtorinë e Inteligjencës dhe Sigurisë në Ministrinë e Mbrojtjes.

Ky është arrestimi i parë që bën Prokuroria Speciale në Kosovë.

Në njoftim thuhet se arrestimi është bërë në Kosovë, në bazë të një fletarrestimi dhe urdhri për transferim, pas konfirmimit të aktakuzës.

“Mustafa po transferohet në objektin e paraburgimit të Dhomave të Specializuara të Kosovës në Hagë dhe do të dalë para gjykatësit të procedurës paraprake pa vonesë të papërligjur”, thuhet në njoftim.

Zyra e Prokurorit të Specializuar i ka paraqitur aktakuzat e para në muajin shkurt të këtij viti dhe kjo është aktakuza e parë që konfirmohet.

Në komunikatën e Zyrës së Prokurorit nuk është sqaruar nëse aktakuza ndaj Mustafës është ajo, e cila është paraqitur në shkurt, sikundër që nuk janë dhënë detaje as për përmbajtjen që ka aktakuza.

Pas konfirmimit për arrestimin e Mustafës, EULEX-i përmes një postimi në Twitter njoftoi se “EULEX-i i ka dhënë përkrahje operacionale dhe logjistike ZSP-së në bazë të mandatit të tij dhe në përputhje me legjislacionin e Kosovës”.

Salih Mustafa njihet si njëri prej themeluesve të Ushtrisë Çlirimtare të Kosovës në zonën e Llapit. Në kohën kur Forcat e Sigurisë së Kosovës njiheshin si Trupa Mbrojtëse të Kosovës, Mustafa ka shërbyer atëbotë si shef i departamentit informativ.

Në bazë të Rregullores së Procedurës dhe Provave para Dhomave të Specializuara, pas konfirmimit të aktakuzës, i dyshuari merr statusin e të akuzuarit dhe aktakuza i dorëzohet personalisht të akuzuarit. Paraqitja e parë e të akuzuarit në gjykatë bëhet brenda shtatë ditësh pas dorëzimit të aktakuzës. Aktakuza është në dispozicion të publikut vetëm kur ajo konfirmohet nga gjykatësi i procedurës paraprake.

Pas seancës së parë, gjyqtari i procedurës paraprake konfirmon se çështja është e gatshme për gjykim, ndërsa kryetari i Dhomave të Specializuara formon një panel gjykues, përgjegjës për zhvillimin e procedurave gjyqësore. Ky panel kujdeset që gjyqi të jetë i drejtë dhe i shpejtë.

Dhomat e Specializuara edhe Zyra e Prokurorit të Specializuar apo siç njihen në Kosovë edhe si Gjykata Speciale, u themeluan pesë vjet më parë nga Kuvendi i Kosovës për të hetuar krimet e pretenduara kundër njerëzimit, krimet e luftës dhe vepra të tjera penale në lidhje me pretendimet e përfshira në Raportin e Këshillit të Evropës të vitit 2011. Deri më tani, Gjykata Speciale ka ftuar për intervistim me qindra ish-pjesëtarë të UÇK-së, qoftë si dëshmitarë apo si të dyshuar.

Nën përgjegjësinë e Gjykatës Speciale është hetimi i krimeve të pretenduara kundër njerëzimit, krimeve të luftës dhe veprave të tjera penale në lidhje me pretendimet e përfshira në Raportin e Këshillit të Evropës të vitit 2011.(Radio Evropa e Lire)